2007 年 8 月 7 日 星期二 【清涼】

此刻，只有禱告

媽咪突發性面腫，腳腫，再加上腳痛。
睇完醫生，食完藥...都冇咩好到/口\
我做得既，已經做晒。真係無能為力......
不斷禱告，不斷求神醫治媽咪...現在要相信神。

「他赦免你的一切罪孽，醫治你的一切疾病。 」(詩 103:3 )

【有誰能像你】

有誰能像你？耶穌，只有你能感動我心，
永永遠遠再難尋找得到，耶穌，有誰能像你？！

你深恩似江河水湧流，醫治從你而來，
苦痛者在你懷裡得安息，有誰能像你？！

>>August 9, 2007 at 12:10:06 AM GMT+8

2007 年 8 月 6 日 星期一 【清涼】

1975年與2007年的對比

今日搵野既時候，無意中搵到一本媽咪年代既詩歌集。
本身都唔覺得特別，但望真d，原來係「香港葛培理佈道大會」佈道精選=0="
想不到原來以前媽咪都有去過，不過成本野...我只識唱奇異恩典XD
咁又係既，本野係1975年........(我果陣都未出世Keke)
今年唔再係「香港葛培理佈道大會」，而係葛培理既下一代「香港葛福臨佈道大會」。



>>August 7, 2007 at 12:51:48 PM GMT+8

2007 年 8 月 4 日 星期六 【清涼】

最深刻既飾物


今日收到一份好鍾意既手鐲(左邊)，Fafa送的=]
一直都好想要一條有自己個名既飾物！

至於中間果個非十字架非T字既木，由一名好朋友係我生日送。
連佢都唔知到底呢舊木係咩黎，送既時候仲要連張單都夾埋=''=
不過就唔知點解好特別，好鍾意XD！
或者因為次次帶住既時候，都有人問呢舊木係咩黎。

右邊條W.W.J.D既手帶，其實已經同以前阿安送俾我果條唔同Lu。
因為果陣唔單止整爛左，仲要唔見埋=0="所以特登去美門買番條一模一樣。
雖然唔再係人地送俾我果條，不過始終個意思都一樣，所以仍然咁鍾意。

>>August 6, 2007 at 4:03:00 PM GMT+8

2007 年 8 月 3 日 星期五 【清涼】

輕鬆的一天

如常下午番小組，第一次係新改變帶W既底下，試帶祈禱會XD
事先講明帶錯唔好有咩反應，好彩都冇帶錯，Kaka！
入榮基間房祈禱會，每次入都覺得同以前好大分別......突然好掛住佢Tim=]
接著破冰，Oh！家燕遲到/口\要我自己帶晒...下次唔好啦！我會辛苦的。
敬拜好High，特別係要深超大呼吸既：哈利路亞~哈利路亞~哈利路亞~哈利路~哈利路亞
分享時間提到一d老舊人既性格...我諗係安於逸樂+掛慮+擔憂。要多d盼望先得......
今次係MeiSze最後一次係天作之組開組=]祝福佢+其他組員係新既初中組得著更多。

換左新水樽，其實唔捨得，因為好鍾意隻顏色...
可惜買唔到/口\所以買左隻近似既色...睇清d，好大分別。


>>August 6, 2007 at 3:52:27 PM GMT+8

2007 年 8 月 2 日 星期四 【清涼】

炎熱的一天

暑假...除左溫書，補課，Hea等...就冇咩好做。
太炎熱，係屋企都不斷流汗。。。
溫書大計漸漸開始，希望真係係呢個月，盡量將d唔明既地方溫好。
好想打日記=0="不過唔知打咩好...如果單單講平日係屋企點Hea..又好似好悶。
只係，呢排除左溫書，一共追緊3套日劇+兩套動畫XD！好似多左d！不過起碼冇咁悶。
3套日劇：花樣少年少女，貧窮貴公子，螢之光
依家突然又多左4套我想睇：父女7日變，向牛牛許願，考試之神，壽司王子
真係好多唷>V<而另外兩套動畫：戀愛情結，結界師
原本之前都有追開死神，不過...懶左。所以都係遲d先睇吧！XD

>>August 3, 2007 at 3:06:08 PM GMT+8

2007 年 7 月 29 日 星期日 【清涼】

龍櫻

終於睇晒成套「龍櫻」，真係好好睇唷>v<
睇完之後，最深刻係知道自己會考唔係得番大半年，係仲有大半年。
要點善用，就靠自己。大半年即係有好多時間，要發奮\口/

「考試的問題，正確答案永遠只有一個。
要是沒能到達這個，就是不合格，這是很嚴酷的。
但是人生是不同的，人生的話正確答案有好多個......
去大學繼續升學也是正確，就算不去也是正確。
熱衷於運動也好，熱衷於音樂也好，和朋友徹底地瘋玩也好。
然後，為了什麼人反而繞遠路也好，這些全部也是正確。
所以，你們不要怯懦於生存這件事，你們不要否定自己的可能性。
考上的人和落榜的也一樣，你們給我堂堂正正地生活下去。」(By 「龍櫻」中櫻木老師)

只係覺得，我依家只擔心會考之後，升唔到中六會點。
其實即使升唔到，我仲有路可以行，因為主必給我開一條路。
但未考之前，我仍認為自己有考得好的可能性=]只要我努力......

「龍櫻」(東大特訓班)故事概要：

故事描述曾是暴走族的三流律師—櫻木建二，為了增加自己的業績，要將原本瀕臨破產、平均偏差值36、大學錄取率只有2%、被稱為「笨蛋高中」的私立龍山高中，改造成每年有超過100人以上考進東京大學（日本的第一志願）的升學名校，並賭上了自己的名聲。

櫻木的主要考量是讓學校的經營狀態良好、有實際的升學成績，並且以東大上榜人數為主要的賣點，針對功課落後的學生開設以考上東大為目標的特訓班。在上榜之前給予學生各種考試指導，使其提升成績，並將因社會變遷而消失的許多個性老師集合起來替學生上課。另一方面對原本在學校就任的老師進行大規模裁員，且規定須通過資格考試才能被再聘用，結果引起老師們大規模的反彈。究竟這所學校能否如建二的希望，從笨蛋高中轉變為東大升學名校……？


>>July 31, 2007 at 2:53:04 PM GMT+8

2007 年 7 月 27 日 星期五 【清涼】

掛住你唷！大妹妹...

快有一個月冇同大妹妹做守望，以前覺得每個禮拜日都要早番去，好煩...
當冇做咁耐，又再次好似變番以前一開始同阿B做守望，又做做下停左...
每次諗住果個禮拜日要做，點知又因為大妹妹要司事，要去出外工作等而停左。
再唔係就係自己有事，而做唔到........今次，就連佢離開左香港工作，我都唔知。
我都知我自己都有責任去Keep住呢段關係...我都承認呢排冇咩主動打俾大妹妹......
依家有種疏離左既感覺...好唔慣/口\大妹妹呀！你幾時番黎呀？

>>July 28, 2007 at 2:55:29 PM GMT+8

2007 年 7 月 26 日 星期四 【晴】

2007 年 7 月 21 日 星期四 【酷熱】
補打4S1最後一次班會活動

傍晚，正當太陽開始下山時...我就要同一班職員去玩BBQ食物/口\
太過份了！d男仔真係要改改！要一個女仔出去買野+接老師，仲要不斷打黎話要買d咩食物...
算！今日要開開心心！如果唔係最後一次班會活動會搞得唔成功。
分左兩個爐黎燒，始終唔可以一大班人一齊搞下爛Gag！
今晚多左同雞翼一齊傾計，燒多春魚...好開心=]好耐冇試過同你咁樣兩個人傾下計。
到Miss Wong + Miss Sin都黎埋，就燒呀燒呀！雖然冇集體活動，不過今晚好開心。
最後影完大合照，走的人走左，未走既男仔就去左籃球場打波，女仔就係到玩NDS...
不過竟然有好多蚊=0=好彩我有帶上次去Camp用剩既蚊怕水...
雞翼話一聞到我枝蚊怕水既味，就諗起個Camp...冇法子！呢款蚊怕水d味要夠怪先可以驅蚊。
最後一班人一齊由蝴蝶灣行去屯門碼頭搭507，雖然遠，路又黑，不過太多男仔係到，唔驚XD
而且今晚d星，真係好多，好閃，好靚=]最後搭輕鐵Cherry爬爬Hong+我四個一齊坐=]感覺不錯。

最後一次中四班會搞既活動，完了亦代表我中四擔任班會主席，正式結束。
出年，會唔會仲係主席，唔知Lu！同學覺得我做得好既，咪仲係Lor！
不過第一次做主席，已經好盡力...凡事都有親力親為架啦T_T"
無論係旅行日~Singing Con~Sports Day~四六盃~班會活動~Fashion Show~Miss Wong既歡送卡等..
雖然好辛苦，好多唔開心，不過都有Enjoy既時刻。


>>July 27, 2007 at 3:15:35 PM GMT+8

2007 年 7 月 25 日 星期三 【清涼】

中文補課---爛Gag日

今日終於可以準時番到學校補課T_T"仲要早成10分鐘，好感恩XD
一來就要作文...作一篇情景寫作，要關於嬰孩時代既回憶。
我寫到勁多人估唔到既野...就係用左一個圈+圈上既柱代表學行車@@"
有機會等我post上黎日記，咁難得竟然我作左d咁難令人明白既文，呵！
之後又作多一篇改寫文......因為我鍾意「醉翁亭記」，所以強迫Miss Tang俾我用呢篇去改寫。
Lunch同Mandy+Winki去吉野家食，嘩！有半年都冇食過Lu！
食飽飽早左半粒鐘番去...原來團契職員+爬爬+Dick都係好「淫」！講埋d野...真係好變態Lor
不過內容極度不雅=0=所以都係唔好係我心愛既日記提啦！
補課Again，做卷五/口\差少少訓著。先聽果條錄音，爛Gag多到爆=0="真係超無聊！
最後3點補完，送埋份禮拜俾某某就走Lu。跟住上左去Cherry家拎Wat既彩頁=v="開心！

>>July 27, 2007 at 2:51:41 PM GMT+8

2007 年 7 月 24 日 星期二 【清涼】

PHY波動學(Wave)...唉！

今日番學校補Phy，我真係唔明...明明Wave唔難，點解我唔識。
個Quiz...20題MC，岩得8題。仲要好多都係錯埋相近既野T_T"
突然同謝Sir講，可唔可以only放棄Wave。佢話會考Wave都算出得多，叫我努力點T_T"
唉！今日由9點補到5點3先走/口\雖然好倦，不過總算將一d我唔識既野搞番清少少...
好！Hea埋呢個7月尾！8月正式發奮溫書=]正Plan緊8月溫書時間表！

蛋白餅乾=]

呢兩日有時間，就走左入廚房整蛋白餅乾。
不過之前買材料用具，花左近兩粒鐘......=0=
良景間惠康...冇糖粉...冇低筋麵粉...咩都冇。
搞到我要出屯市買/口\最後買到糖粉買唔到低筋麵粉，唯有轉用普通麵粉。
一開始整得唔係太靚=]不過後期整多幾次熟手左！
係就係甜左少少，不過還幾好味。天作之組既姊妹，下次可以整番黎請你地食啦keke！


>>July 27, 2007 at 2:53:33 AM GMT+8