2010 年 6 月 2 日 星期三 【乍寒還暖】

天火先鋒2010--Day3
多謝聖靈，多謝你醫治我！

今日開始上堂之先，為著自己既心禱告=]
所以全日都有精神+可以集中上堂，感謝神唷！
早上敬拜連當滅之物一齊進行，雖然我冇實際既當滅之物...
但今日寫左張道歉信作當滅之物，因為我曾否定聖靈，曾拒絕聖靈的工作。
尋晚既灰心失意，今日就被神醫治，真係要唱番首「上帝早已預備」kaka！
之前好易同人比較，點解人地有方言恩賜自己又冇？點解好似經歷唔到聖靈充滿？
所以當一路寫果張道歉信時，眼淚就不停留...
特別阿勇講到如果曾經認為一定要有方言先好，或者好多比較，都係得罪聖靈。
真係中晒我既情況~所以之後攬住衍欣宣告唔再被呢d想法捆綁時，真係被釋放了=]
之後我同聖靈講，可以肯定我今日所宣告的事嗎？
接著見到一幅圖畫，就係聖靈係我心門出面喊，之後我俾左鎖匙聖靈後...
聖靈逐篇心門打開，最後係最深那間房搵到躲係黑暗中喊緊既我...
聖靈就光光照我，再抱住我安慰我，並以一個可愛既笑容望住我=]

接著有兩份外國牧者黎到分享：Ann&Ian
最深刻就係之後既禱告，第一次感受聖靈既洗XD
雖然一開始Ann為我祈禱時，都冇太大領受...
不過到阿Kit幫我祈禱時，就肯開始慢慢嘗試去放鬆去講！
依家我都仲好似個BB咁操練緊方言，雖然只有一兩個音，不過已經係個好開始=]
過往我拒絕聖靈，唔願意試，依家我願意啦=]A-men~~~~~
多謝阿Kit=]耐心咁為我祈禱，俾我可以慢慢試，仲一路鼓勵我，多謝你唷keke！

下午同組員一齊OUTREACH，係有史以黎最開心既一次！
今次全組一齊聆聽神既聲音，最後得出既對象：係果欄中，一個推住車仔執紙皮既婆婆
8組入面，多過一半都領受到要搵推車仔執紙皮既婆婆XD
真係好搞笑既場面，40幾人一齊去搵呢類型既婆婆！
一開始我地好快已經遇到呢位屬於我地既婆婆keke，不過俾佢拒絕左兩次~
但我地都冇放棄！之後再遇到佢時，原來咁岩佢放紙皮既房仔(後巷中)因佈石屎而唔可以推車入去。
真係感謝神=]再俾多次機會我地去幫佢&佢先生~今次終於得左啦！
我地成組人幫手人傳人咁將d紙皮傳入去間房仔，好開心幫到佢地=]
真係想像唔到如果佢地遇唔到人幫助，要花幾多時間先將兩車既紙皮搬入房仔呢？
而且神又為我地開路，讓佈路工人都願意俾我地幫左婆婆先再開工，A-men！
雖然最後都傳唔到福音，但係已經足夠了=]相信福音既種子已經撤了，等候神工作吧！

雖然我地成組只係識左兩日，但已經可以互相配合！感恩=]
好期待之後既同行，呢個小組真係好特別！

【聖靈請你來充滿我心 】

聖靈請你來充滿我心，我需要你恩膏充滿我靈，
聖靈啊，我好愛你，我的靈讓你牽引，而每一天，我要更深愛你。

我要追求你主，我將生命獻給你，牽引我更親近你，你大能更新我靈，
無人能與你相比，主，我仰望你的榮面，我敬拜你，在靈與真理。

>>June 3, 2010 at 3:06:11 PM GMT+8

2010 年 6 月 1 日 星期二 【乍寒還暖】

天火先鋒2010--Day2
是我的心未預備好嗎？

今日學習聆聽神的聲音，這是我一直很想學懂的功課。
我知，耶穌一直有與我說話，但只是我聽不入，分辨不到而已。
我知，要準確聆聽神的聲音，一定要操練。
我知，要操練，就不要怕聽錯，說錯，要多嘗試。
但，當聽不到，確實有點灰心。
洗禮班及天火中，牧師及導師常說要讓聖靈充滿，要渴慕聖靈。
可是，為何在禱告中我對聖靈說：求你充滿我！我卻經歷不到呢？
我知，我與神親近的時間太少，又對聖經認識不多...
但，天父我想聽你的聲音；聖靈，我想你光照我。

多謝阿榮=]對！我不用比較，因為我是特別的！
耶穌：我想要聽到你的聲音！我會努力操練=]亦會努力等候！
天父，祝福女兒不在等候過程中灰心，反倒要充滿盼望！

「我的羊聽我的聲音，我也認識他們，他們也跟著我。(約 10:27)」

感謝神讓我在天火有一班可愛的組員XD
亦感謝神讓我在教會中有一大班弟兄姊妹作我Back Up！
教會&弟兄姊妹對我的支持也很重要呢keke！我會好好珍惜的！


>>June 2, 2010 at 3:35:12 PM GMT+8

2010 年 5 月 31 日 星期一 【酷熱】

天火先鋒2010--Day1
嘩！我好興奮呀~~~

終於黎到正式上堂既日子，好期待XD
一來可以見番之前係CAMP識既朋友，二來可以上堂啦=]
雖然出佐敦真係有點辛苦-__-''因為搭西鐵冇位坐T^T不過都算一個鐘多少少就出到。

朝早禱讀--林後5:16-21，而我既亮光係林後5:20：
「所以，我們作基督的使者，就好像神藉我們勸你們一般。我們替基督求你們與神和好。」
突然醒起一句說話：「神愛我愛到我不能不服事他！」
因著神對我既愛，將和好既福音加給我後，我更要將呢份愛傳開去，甘心樂意委身於主。
之後敬拜再次提醒番唔好俾任何框框神=]反而要倒空自己，讓神好FREE咁去工作keke！
接著有天梯同工分享啦，特別分享番末世+罪既捆綁。
冇錯！我好有「想望」要參加天火，全因耶穌要預備我作先鋒！A-men~~
而且今日除了罪，就係除了「靈」裡&「魂」裡的罪......
雖然我唔算多罪，但今次做邪惡點心紙做得最認真，最坦白！所以舒暢晒XD
「有你愛我 讓我知道我是人 被珍惜的一個 讓我知道你是愛」

下午同肥暉+其他弟兄姊妹食飯，雖然傾計時間唔多=]不過好開心！可以識到新朋友keke！
之後教QLA燈塔促進者既查經方法，雖然係主要For新朋友&初信者，不過真係好新穎XD
學左呢種查經方法，多加操練後，真係好想帶番入呂明才，祝福學校！
今次用左馬太福音14:22-33(耶穌履海)既經文，第一次可以諗到咁多野...=__=''
最好奇係...點解聖經四福音成日都講彼得少信-_-''唔通佢真係好缺乏信心？
還是耶穌好看重彼得，亦知道佢需要操練信心？所以係耶穌履海+三次不認主事上都試驗佢？
不過都提醒左自己，係小事上要信靠主，係大事上更要信靠主！
雖然彼得係耶穌升天之前一直都好缺乏信心，但耶穌升天之後，佢既信心爆出黎啦XD
由最初只有芥菜種種子咁小既信心，生到一株好高既芥菜種植物！
耶穌放手俾門徒，讓佢地嘗試站係風浪中，睇下可否勝過困難。
但係風浪中，耶穌願意打開雙手，邀請我地踏出第一步去面對困難！
耶穌亦願意做我地back up！當我地係風浪中要沉時，會用手捉緊我地，唔會放手任得我地死~~
所以真係要問問自己：「在風浪中，我仍能依靠主而站立得穩嗎？」

之後介紹左黎緊天火既訓練內容+服事內容，真係好期待=]
原來其中一個係做讚美之泉音樂會既Helper-_-''可以免費有得聽...
不過我都想留番11/7晚上同組員一齊經歷神，一齊敬拜keke！

夜晚趕番教會上洗禮班，雖然真係好眼訓，不過都充滿喜樂XD
特別今日講番屬靈恩賜-__-應該99%係我填錯...竟然除左牧養外...會出現左獨身恩賜Oh no！
呢個獨身恩賜一定冇人信，呵！特別係Fafa&大妹妹~下星期天火再搵屬靈恩賜，要小心d再做先得！
而且今晚上堂XD好似變左戀愛小組...不斷講與神拍拖+與人拍拖wkaakakak！

P.S：依家我經歷緊信心既挑戰，就係呢排媽咪身體好差...可能關佢既痛風症事。
佢不斷作嘔又頭暈，我真係好怕得佢自己一個時，會係屋企暈左...
所以都有考慮過好唔好暫時唔去天火，留係屋企照顧佢。
但既然神開得路，俾機會我去參加，我要信天父會保守，會加恩典予我！
所以：「撒旦！退去吧！」今晚亦踏出第一步同媽咪祈禱，雖然佢一開始唔肯，但最後都屈服於我！
請各位弟兄姊妹繼續為我&家人禱告，叫我係學習期間，家人&自己也有神的保守！

「以雅各的神為幫助、仰望耶和華他神的，這人便為有福！(詩 146:5)」

苦難中的力量呢！

>>June 1, 2010 at 4:37:58 PM GMT+8

2010 年 5 月 30 日 星期日 【晴】

天火先鋒2010火熱營會

終於來到天火先鋒了...期待已久的XD
今年只有我與肥暉參加，但我已經很感恩神給我同行者！
不過日記內容便不打得太詳細~廢事搞到你地冇心機睇wakakak！

Day1得著：2010年5月24日

坦白講，我係帶住擔憂入Camp。
唔可以否認...我怕籌唔夠錢，怕識唔到新既弟兄姊妹，怕自己冇得著...
但早上既敬拜，神已經醫治了我，因為「他的恩典夠我用！」。
而且我既生命，唔係向教會交代，而係向神交代~~何況係天火，冇可能冇得著啦kaka！
過往，我好易set左好多框框俾神，妨礙神的工作。
所以我要學放低...不論係自己既命定，自己既恩賜等等，還是交番俾神吧！

到晚上，進行左一個與罪釘死十字架的行動。
其實過往，我都未試過咁坦白分享自己既軟弱自己既罪。
但今晚，天父俾左一個好安全既小組我=]組員之間都俾到安全感我...
所以好順利地釘死了XD再復活了！雖然唔係釘完d罪會冇晒，但要提醒自己，我係新造既人！
努力學習認罪，然後脫離罪，唔再作罪既奴僕！

Day2得著：2010年5月25日

今朝早上學如何禱讀，感覺同係小組有d分別，可能係因為只係得兩個人一齊進行。
仲記得之後我猶疑左好多，應唔應該公開向阿勇問關於渴慕靈奶既問題...
最後我勝過怕羞XD因為我真係想知如果組員開始厭倦禱讀，點先可以激起番顆渴慕既心。
之後透過阿勇為我既禱告，我知道自己要先唔好被周圍既環境，身邊既人影響自己渴慕既心。
反而要用自己對吸收神話說既火熱，再去影響番身邊既人=]

到下午，好感受到愛的抱抱XD！EVA代表天父給了我一個愛的擁抱=]
多謝天父=]縱然我不配，我不完美，但多謝你的接納，包容我一切所有！
一直渴想聆聽+分辨到主的聲音，不過我知要多多操練~期望係天火訓練入面可以學到！keke~

晚上進行夜行活動，上了山XD其實係去左薄扶林水塘，真係好靚！
成程夜行都保持安靜，雖然唔太覺得實際聆聽到神既聲音...
但當思考到過去一直走過的路，真係充滿恩典，特別是F.5...想起了「恩典之路」。
到思考將來的事，神令到我感到平安，亦讓我知道不論是大學的路，是IVE的路，也充滿恩典。
的確，我一直好怕人地去講，F.7畢業再走番去讀IVE係一件好傻既事。
雖然我係預科中唔係讀得好，但好感謝神俾我有機會升中六，俾我經歷左好多恩典。
所以依家，我唔再怕F.7去讀IVE好傻，因為當神開路，必有足夠恩典...想起了「一生不迷路」。
最後係黑暗中敬拜，唱「我要向高山舉目」。係任何時候，我既幫助都由耶和華而來=]
即使全部門關上了，但天父必會開一扇窗，讓光照入去。
在黑暗中，仍有月亮光照遍地。在黑暗中，仍有耶穌的光與我們同在！

最後到阿勇分享既時候，講到好想見到上一代與下一代連結，將支箭傳俾下一代。
說真的，我好感動=]好想我都有份於天國既夢想。
臨訓之前，同肥暉傾計。感謝神俾我地可以同行=]
亦感恩神讓我倆都身處唔同小組XD可以各自識新朋友keke！
我地傾傾下，都講到阿榮。在此，多謝你呀阿榮-v-！
有d教會有好多弟兄姊妹參與Camp，所以亦有同工一齊陪佢地參加。
我地教會只有我同肥暉，但阿榮卻願意陪我地一齊行，一齊成長。
所以我地都好有呢個感覺，就係多左個屬靈父親XD

P.S：今日感謝OME+李姑娘專誠入黎探我地=]你地既心意我收到啦！仲有d橙好好食keke！

「一步又一步，這是恩典之路。」

Day3得著：2010年5月26日

今朝既深度聆聽，係以「為何想參加天火先鋒」為主題。
其實過去兩年參加青創or小組，都有試過深度聆聽，但都係以生命既事作主題。
所以一開始我都諗，會唔會冇咩感受，會唔會喊唔出呢XD
我參加天火先鋒既理由其實好簡單，就係F.5錯過左所以F.7唔可以再錯過。
而且好想被神撻著心入面團火，唔再係3分鐘熱度，想為主委身更多。
但組員既說話，卻中了我心入面既感受，就係我唔甘心，唔甘心曾經錯過了。
依家我知道，神安排我F.7暑期先參與，有特定意思=]起碼依家既我，生命更成熟。


Camp完結，但卻意味著天火先鋒2010訓練正式開始。
不知道我會在訓練中經歷什麼，會遇到什麼事情。
但我會盡力每天訓練後也打日記，因為我怕受到管教後我逃走XD
若然我將來某篇日記灰了，請Support下我keke，亦請為我禱告=]


>>May 31, 2010 at 2:03:19 PM GMT+8

2010 年 5 月 22 日 星期六 【酷熱】

THE GLOBAL DAY OF PRAYER

終於來到最後一年，這段日子，全港...不，是全球的基督徒也一同合一地禱告。
在香港舉辦的第六年，感謝神為我們預備天氣。
一直擔憂會唔會出現狂風暴雨，可是，今日的天氣，卻是六年來最好的！
雖然今年同樣面對其他人士的衝擊，但感恩的是最後也能順利完成。
不論用什麼禱文，不論對這個全球禱告日有什麼意見...
但我只著重舉辦全球禱告日的意義：全球基督徒合一地為世界祈禱！
不知將來還會不會再次舉辦，但為世界為香港禱告，也不只限於某一天呢=]

今日，可以與阿蕉相見，可以站在人群中間互相禱告，可以相擁，感謝神！
雖然我倆只於Gateway Camp2009相識，之後又只靠MSN聯絡，但卻有一種好Close的關係=]
期待Gateway Camp2010與阿蕉&嘉嘉相見！


>>May 31, 2010 at 12:05:14 PM GMT+8

2010 年 5 月 20 日 星期四 【酷熱】

教會大旅行

今年終於可以參加教會大旅行，去了薰衣草園，靈芝園，錦田俱樂部。
雖然薰衣草園同我想像中有少少分別，不過都係好靚XD
只係多蚊好熱姐...不過影左好多相=]留左好多美好回憶keke！
一整日與組員相處，so good！玩口不對心啦~傾計啦~搞gag啦=]
大家都考完公開試，可以輕輕鬆鬆relax下，期待下次小組可以再...癲過！



>>May 27, 2010 at 2:45:44 PM GMT+8

2010 年 5 月 17 日 星期一 【清涼】

暑期活動

2010年5月17-18日--7S Camp@梅窩

第一次與同學去camp，應該話係第一次搞得成。
雖然我只可以去兩日一夜...不過真係幾開心。
好耐冇入過梅窩，成班人一齊換M記杯；一齊踩單車；一齊打麻雀；一齊打NDS炸彈人......
今次租左架單車周圍走...雖然方便，不過真係好辛苦-_-''
踩到Patpat+雙腳冇力，第二日直情想推住架單車黎行。
不過好開心既係第一晚跟住7S人夜行，雖然我踩包尾-_-但感謝你地都肯等我...

經歷過所謂既「俯衝」...好爽，不過係以踩左差唔多20分鐘上斜換來的。
亦都了解到咩叫碟頭飯-__-''真係大碟到食唔晒！
而且好難得有機會同男仔係NDS對打XD仲要係好耐冇玩過既炸彈人-v-真係好過癮！
雖然只有3個女仔去，又要同LOK同房XD不過我仍然玩得好盡興，訓得好舒服~~只係冇熱水沖涼...
可惜我睇唔到瀑布；可惜我冇得BBQ；可惜我冇得係沙灘同你地一齊玩，不過我仍滿足。

中學時期第一次同自己班既同學去Camp，雖然應該係最後一次，不過希望將來還有機會。
I LOVE YOU - 7S！


2010年5月16日--與Cathy拍拖記

一直都好期待同Cathy去街，雖然我地年齡有差距，不過我地都冇代溝，咩都傾到=]
多謝Cathy你聽我分享我既秘密keke，亦都話左俾我知過去我一直忘記左既說話，多謝你接受我=]
雖然只係簡單既半日遊，只係去左賽馬會創意藝術中心，只係去左旺角逛逛...
但我都好開心，或者簡單就是美~~只要互相投入係呢段時間，就已經可以充滿喜樂。

至於那個藝術中心-__-''藝術家星期日放假嗎？每一層基本上得一個房係開放俾遊客參觀...
而且嘗試左Cathy介紹既咖啡店，嘗試左冇咖啡味有水喉水味既意式牛奶咖啡XD
雖然唔好飲，不過可以好安靜咁係咖啡店休息，都未嘗唔係一件樂事。
之後去左旺角逛逛，再去影貼紙相>v<真係...好可愛！好鍾意所影既貼紙相，Cathy你好可愛-v-''
最後食MOS Buger，都係覺得朗豪坊果間好食d=]

唔知下次既拍拖會係幾時呢？我好期待=]
I LOVE YOU - CATHY！


2010年5月9日--與外婆家慶祝母親節

今年去左Happy家慶祝母親節，以及補祝安安生日，加埋預祝Happy生日=]
我喜歡一大班親戚聚埋一齊，一齊食飯，一齊玩Wii，一齊玩口不對心keke~
這種聚會，可以一直持續下去嗎？即使我們長大，仍然可以玩得咁癲嗎？但願如此=]
婆婆&媽子，母親節快樂=]媽子，縱然我懶XD不過我真的好愛你，我會努力學承擔！
I LOVE YOU - MY FAMILY！


2010年5月3-5日--與老豆媽子內地三天團

原先考完AL想去澳門，不過最後同老豆媽子傾完，最後決定跟團番內地。
其實真係好耐冇番過內地，有d擔心治安衛生等問題，不過感謝神保守我地有一個快樂既假期。
實際上我都唔太知我地去左邊-__-我諗係廣州佛山台山開平...等等既地方啦XD
呀！呢個旅遊團第一晚住既康橋溫泉酒店有得浸溫泉=]
由於媽子唔浸得，所以就得我同老豆夜晚兩個人去浸所謂108個全國最多溫泉類型既溫泉區。
不過-__-''呃人既！有好多都係個溫泉名唔同，但都係一樣既溫泉水，又或者係冇開T^T"
都有部分係真係浸得幾舒服既，例如白蘭花呀，迷迭香呀等等~
但我地浸左一陣都覺得夠了XD最後都老豆玩左漂流-v-雖然好好玩...不過環境太黑了-.-有d驚。

三日入面，我地食得訓得痾得XD雖然去既景點唔多，不過勝在媽子唔洗行太多路。
簡簡單單既三日，雖然遇到麻煩團友，不過我過得好開心=]希望下次可以全家去旅行！
I LOVE YOU - MY FATHER & MOTHER！


2010年5月2日--與河馬拍拖記

河馬這個姊妹，真係好可愛=]同樣是簡單的相聚，卻充滿喜樂，卻能互相坦白分享。
雖然呢一日好熱好曬，不過我地都去左濕地公園，遊了不足兩小時，但影了很多相~~
我好鍾意濕地呢個地方，難得既機會俾都市人可以親親大自然。
下一次，我想平日再黎，少d人，可以更自由影相，甚至係園內敬拜都唔錯keke~

河馬，多謝你重視我=]同樣，我都好重視你呢位家姐！在各方面要繼續加油，一齊倚靠主！
記得上年青創嗎？「站得住，變大樹！」唔好變枯樹唷！
I LOVE YOU - HIPPO


2010年4月27日--與大妹妹拍拖記

同樣是第一次與大妹妹拍拖，遊了赤柱=]半日的短聚，卻談了很多話題，特別是戀愛。
真的，我希望將來拍拖是公開，受到大家的祝福，受到大家的提醒。
平日既赤柱，好寧靜好舒服=]下次有多d時間，希望可以再黎！
大妹妹買左束花，好似係海棠加另一種花，同樣是白色，簡單得黎好靚-v-
終於買到以書法寫字既書簽-_-''可惜我俾錯名那位藝術家，應該是「卡農」卻寫了「卡龍」。
唉！快d有人去赤柱啦~~幫我買過一張新既書簽T^T''點解我會咁傻呢？

之後Lunch去左時代廣場食Triple-O's，好大個漢堡包，不過真係好好食=v=''
今日亦係第一次同大妹妹男朋友相處，雖然同我既性格都幾唔同，不過都相處得幾好。
但願將來即使大妹妹你結左婚，我地都可以有咁close既關係，我仍然係你屬靈女兒=]
I LOVE YOU - BIG SISTER


2010年4月26日--與Fafa拍拖記

其實不算是拍拖記XD因為我地都只係相約食一餐晚飯=]
去左甘味食，我都係覺得自家制既烏冬好食d~~
同樣是傾左好多話題，例如洗禮面試啦~前路啦~天火先鋒啦~以及戀愛啦keke！
每次同Fafa傾到呢個話題，都會俾佢話：成日諗咁快拍拖keke！我都係講下姐~~
之後去左影貼紙相，第一次同Fafa兩個人影=v=好開心~雖然我剪相果陣發生左d失敗事....= =''
希望下次，同Fafa有機會出街拍拖=]至於你既婚禮，我會努力練好琴架啦~
特別係彈Canon In D，呢首歌一定唔可以失手~呵！
I LOVE YOU - FAFA


>>May 23, 2010 at 4:19:35 PM GMT+8

2010 年 5 月 11 日 星期二 【酷熱】

手紙 ～拝啓 十五の君へ

「手紙 ～拝啓 十五の君へ」全由Angela Aki作詞，作曲及編曲。
這首歌是希望鼓勵一個既面對現實的困難，又對未來充滿困惑的人...
請不要認輸，要活在當下！只要努力尋找答案並前進，將來一定會過得幸福。

這首歌，內地台灣香港也改編了。
不論是內地的陳明「信~ 寫給曾經的自己」，台灣的劉若英「繼續-給十五歲的自己」...
還是香港的鍾舒漫「給自己的信」，我始終喜歡日本Angela Aki的原唱版。
或許是我先入為主，但日文版的歌詞是最能直接地鼓勵人要繼續追尋自己夢想。

這首歌，是30歲的Angela Aki因發現了自己在15歲時寫給未來的自己的信，有感而發創作的。
12年後，30歲的我，將會變成怎樣呢？
仍然繼續向著自己的夢想追尋，還是變得隨波逐流呢？
仍然會緊握著天父的手，還是已離開天父呢？
仍然會持守現在對生命的態度及信念，還是已認為這一切也沒有所謂了呢？
這一切，我也不想發生，我仍想緊握著天父的手，自己的夢想及命定......

2010年7月，我應該會知道自己的前路。
當確定自己的前路後，我會寫一封信，給30歲的自己。
我要提醒自己，即使將來面對很多的困難，也要相信天父，也要倚靠天父。
即使將來被現實壓得不能呼吸，也要記住屬於自己的夢想，也要保持當初的心。
將來，我想對過去的自己說：「謝謝過去的你，我現在過得很好！」

「無論在任何時代 悲傷都是都不能避免的 請展露笑容 活在當下吧」

http://www.youtube.com/watch?v=dS-m3H4A3-s
抱歉-_-我日記的背記音樂會阻礙欣賞這首歌XD所以請自行上youtube聽吧！

「手紙 ～拝啓 十五の君へ」 (信件 ～敬啟 給十五歲的你～)
作詞・作曲・編曲：Angela Aki

敬啟者：此刻 讀著這封信的你 現在在哪裡 做些什麼呢？
十五歲的我 有著無法向任何人訴說的煩惱
如果是寫給未來的自己的信的話 想必一定能坦率的說出口吧
此刻 快要認輸 快要掉下淚來 彷彿下一秒就要消失的我
該相信誰的話繼續往前走呢？ 只有一顆心
不斷的破碎、崩壞 在痛苦之中 活在當下 活在當下

敬啟者：謝謝你的信 我也有話 想告訴十五歲的你
自己究竟是誰 該朝何處前進 只要不斷追問 就能找到答案
波瀾萬丈的青春之海雖然險惡 將夢之舟朝著明日的岸邊前進吧
此刻 不要放棄 不要流淚 彷彿下一秒就要消失之時
只要相信自己的聲音 昂首闊步向前走就好
大人的我 也曾有過受了傷 而難以成眠的夜晚 苦中帶甜 活在當下

人生的一切 都有意義 Woh...
所以不要害怕 讓你的夢想成長茁壯吧
La...La...La... Keep on believing La...La...La...
Keep on believing Keep on believing Keep on believing
此刻 快要認輸 快要掉下淚來 彷彿下一秒就要消失的我
該相信誰的話繼續往前走呢？啊 此刻 不要放棄 不要流淚
彷彿下一秒就要消失之時 只要相信自己的聲音 昂首闊步向前走就好
不論何時 面對悲傷 只會逃避的話是行不通的
展露笑容 努力活下去吧 努力活下去吧

敬啟者：我祈禱現在讀著這封信的你 能過得幸福

>>May 12, 2010 at 1:47:11 PM GMT+8

2010 年 5 月 2 日 星期日 【炎熱】

我的A-Level，正式完結

不經不覺，已經完成了人生...應該是最後一次的公開試。
說真的，人生面對兩次公開試，已經足夠...但願我可以不用Retake任何一科。
唯獨是CHEM，考完後真的有想哭的感覺...只因我沒有盡力去預備這科。
但肯定的是，我預科這兩年，讀CHEM的確比中五更上心，更盡力。

放榜的事，好像很遙遠...但現在沒有找暑期工，天火先鋒又未開始...空閒時想放榜想多了。
不知我的AL會得到什麼成績......越想越怕不能全科合格，但我知現在不是胡思亂想的時間。
至於前途，我想走我想走的路，那怕那條路充滿荊棘。

JUST THE END...MY A-LEVEL EXAM

>>May 7, 2010 at 4:49:11 PM GMT+8

2010 年 4 月 11 日 星期日 【微冷】

真的很累

這幾晚不能好好入睡......可是還有很多很多東西要溫...
只想快些完結，但我知我要依靠的，不是自己，而是神。

《是救主真愛》
是救主真愛漸令我更新改變
將身心都獻上來到神寶座
但我確知道日日靠恩主得勝
拋開種種的軟弱 憑主愛大能

抱緊我 有你常在我身邊
我安穩 因緊靠著了你
我展翅 如鷹般萬里高飛
深知基督愛我 替我日夜祈求 扶起繼續前行

>>April 12, 2010 at 1:47:52 PM GMT+8