2008 年 4 月 1 日 星期二 【颳風】

再來多篇雜記

今日回校做Eng練習，一日之內做完Reading&Writing&Listening-口-''好眼訓。
尋晚仲要罕有地失眠/口\訓唔著既時候，不斷祈禱同神講快d俾我訓著...
唔知係唔係「等訓」期間心情不佳=''=好似更加訓唔到......
唉！今日做果份Reading卷，何奇差...竟然得5成分數。
看來唔可以唔理中英文科...要做多d練習先得。
講開語文科=口=大件事...我係Study Leave冇做過中文卷五+Writng/口\
我唔想會考卷五同Mock一樣衰左...遲d睇睇商務有冇得買練習or問問Miss Tang有冇得借先。

今日同Kathy&Winki傾計既時候，問到我邊個時候千萬唔好同我講咁多野，如果唔係我會易發脾氣...
你地兩個都係我識得最耐既朋友，聽到你地講既答案，其實我好開心=]因為咁了解我XD
1)千奇唔好係我已經有少少燥底既時候再同我講野...
2)千奇唔好係我做數做極都做錯or研究緊數既時候打擾我...
3)千奇唔好係我專心溫緊書or做緊練習時企係我旁邊望到實一實，仲要企好耐...我討厭那種感覺...
不過我知就這樣發脾氣好易傷害到人-口-''特別是雞翼&Cherry...，好似成日向你地發脾氣。
所以認真的說聲Sorry=V=我會努力地改...盡我能力...改得幾多得幾多吧！XD

我好似一直都冇講過，我上年11月考既七級琴試=v=其實Pass左...
竟然彈到錯音多音拍子錯...都可以Pass到=''=感恩...
依家得閒彈下琴，發覺自己差左。看來會考完，要發力才行。
雖然我唔想教人彈琴，但畢竟自己都認為拎到八級證書，才完了我的夢想。

還有=口=''我也是一直都忘了打在日記，就是我會考既日子&地點。
如果任何人發現有相同=]不妨同我講，到時約埋一齊去考，信心都大d！
不過最感恩既係，竟然全部科目(除oral時間不同)都同Kathy相同地點=v=''Good！
4月23日：Physics(唐賓南)<<<有冇搞錯=口=竟然冇冷氣...我不想熱住黎做呢！
4月25日：Chinese Reading&Writing(陳黃淑芳)
4月26日：Chinese Listening&卷五(陳黃淑芳)
4月29日：Chemistry(新會商會)<<<離我家...計埋搭升降機-v-只需5分鐘。
5月2日：English Reading&Writing(田家炳)<<<在那？...
5月3日：English Listening(田家炳)
5月5日：Mathematics(蔡章閣)<<<很遠...搭完輕鐵仲要行去/口\
5月7日：Rel Stud宗教 Sectuins A&B(崇德)<<<係洪水橋-v-好彩我地班考R.E既都係相同地點
5月8日：Biology(嘉智)
5月13日：Add Maths(侯寶垣)<<5月29日：Chinese Oral(伯裘)<<<在元朗的那裡？
6月27日：English Oral(崇德)<<<點解兩科oral要相差成個月=口=''

總覺得...考主科那3個星期=''=排得過密。
特別係同一個星期要考數學宗教生物......我一定累死-''-
為左唔死數學+生物，唯有早d溫定宗教，咁那星期就可以只需花好少時間溫宗教一d重點。
人生第一個重要的試，預備咁耐，就用兩個多月考完，快得很。
今日已是4月2日，請祝福小知溫得切，做得切Past Paper。

今日突然收到大妹妹那個唔清唔楚既SMS...嚇死人了。
雖然知道佢病緊既時候會只會掛住訓唔理電話SMS，但...我會擔心的。
好似總係對佢做既野唔清唔楚，幾時去左Camp...唔知唷！幾時飛番大陸，唔知唷！
Oh！難道這就是代溝？-''-因為年齡既差距.......XD

>>April 2, 2008 at 4:16:48 PM GMT+8

2008 年 3 月 27 日 星期四 【微冷】

你的人生依然精彩

人生雖然會遇到不快的事，但只要相信別人，人生依然會精彩。

註：以下內容，我知道大部分人沒有追日劇也不知我說什麼...=v=純粹作一篇隨筆。
終於可以抽空睇埋《沒有玫瑰的花店》最後兩集，好久都冇因睇日劇而流淚。
劇集內容，留在心中吧！但當中有d句子，配合劇集既拍攝手法，真係好深刻。

另外，《太極》亦大結局，一直沒有追呢套劇既我，突然發現，原來林峯唱既插曲幾好聽。
「人生就像一段路，你以為已是終點，怎料是另一個起點。」
「知之好不如用之好，用之好不如樂之好。」
<<類似既，出自孔子《論語雍也第六》「知之者不如好之者，好之者不如樂之者。」


想不到香取慎吾可以表演出這麼深情的表情


逼不得已說出真相，就是這一幕，流淚了。


「他是向著陽光活著，像花一樣；
而你就不能接近陽光，不管你爬得多高，結果都會被黑暗吞噬」
一人在光明處，而另一人就在黑暗之中，反映出兩人的內心各有不同。


「我們相信的，在這世界上只有我們自己」
「我們沒有哭過，因為就算哭也無濟於事」


很溫馨的父女，即使大家沒有血緣關係，但也是一家人。


「我愛你！妳的笑容就像花一樣的燦爛，我一刻也不會忘記，
一直在尋找，終於找到了，妳這世上獨一無二的一朵，今天，我來將你摘走」


我還是喜歡結局附上一個深情的Kiss=V=


「歡迎，你還是真的來了。現在只想跟你說一句話：儘管如此，你的人生依然精彩」

(以上內容&圖片是轉自MySinaBlog「劍心‧日劇回憶」)

>>March 28, 2008 at 6:23:33 PM GMT+8

2008 年 3 月 26 日 星期三 【微冷】

絕處我擇生命

這篇日記，什麼也記下，所以算是一篇雜記。

忙忙忙...其實這段Study Leave，根本算不上超忙。
溫不到10小時...就連7小時也做不到。看來要再認真點，再花多點時間...
而且溫書進度...也很慢/口\要努力點...否則會考前，溫唔晒要考既，又做唔到Past paper就慘啦！
呢排做埋Morning Call小姐，Zoe呀Cherry呀=''=快d將你地d作息時間變番正常啦！
再唔下定決心早睡早起，仲唔開始溫書，會考前就真係溫唔晒啦！

不過尋日總算搵到另一種推動我去溫書既野...就係我睇到本飲食雜誌，講到香港既特色小食-v-
個樣太吸引人啦！不過分散晒全港，所以我要一考完最後一科筆試，同阿余去食足全日。
不過咁為食=v=會唔會所有既男仔都嚇怕左呢XD算數！呢個時候唔理得咁多Lu~~
係老豆夜晚番工附近，就有一間出名既龍鬚糖賣，同老豆講先完我一個願望...
還以為老豆唔會記住，點知今晚就有得食。雖然硬了又甜了，但好好味=]
活在不太富有的家庭，雖吃不到人們所謂的山珍海味，買不到貴野，但我明白何謂知足常樂。
間唔中這一點點小驚喜，可以使我樂足一整晚。在樂的同時，亦要感謝神的賜予！

近來Showhappy既Server成日Down，雖然令我呢個懶人冇得打日記，但我不以為然。
但今日係論壇睇到有會員因不滿做了V.I.P，並要因Server成日發生問題而打唔到日記感到不滿...
還說他很失望，因為Showhappy的幕後係一班濫用恩典既基督徒。
睇到呢句，有種心痛既感覺。對於係忙碌既生活，仍開這個日記版，帶出基督既愛...
並且用自己懂得的技術，服務網民...我欣賞的。
我明白申請成為V.I.P要俾錢，但又因Server問題而用唔到日記，嬲係正常...
但因為這點，就話創辦人係一班濫用恩典既基督徒.......有點酸溜溜既感覺。
網絡有太多日記版，還是覺得Showhappy最適合我...係就係會出現Server Down左既問題...
但對於我呢種懶人-口-一星期先補打日記，冇咩所謂啦！
另外，感謝各位既留言&閱讀。雖然我沒有逐一回覆，但我感謝你地睇我日記，我好開心的。

2008年冬季日劇「沒有薔薇的花店 」終於做完Lu...
可惜太忙，未有時間睇埋最後兩集...不過個「同一屋簷下」既編劇野島伸司...
實在太強了！一心以為下一集既劇情發展是怎樣，但當下一集再看，完全不是自己所想...
但又不會太不合情理，一套劇包含友情親情，不愧是日本08年冬季劇集收視之冠。

去英皇補KEN CHAN既Phy 精讀時，佢話會考生放榜買報紙時，千萬唔好買明報，要買星島。
因為明報=明年再補會考，星島=升到中六。=v=爛Gag一個，不過真係幾好笑。
肥豪既Maths補習班尋晚Last一堂，好突然...以一餐Pizza&Chicken完結。
總覺得肥豪呢個決定，背後好似有好大件事。不過既然佢都話冇野，我都唔再亂諗Lu...
但以依家做Maths Past paper既成績，會考拎唔到C/口\
因為我是理科生，真心的...我希望Maths取得C，對自己係數學科既努力有一個交代。

過了兩個禮拜左右的Study Leave，感謝神與我同在，雖然很累，但我仍有盼望。
最後，中五就完，一個遺憾既係-v-唔可以好似d漫畫咁，初戀發生係中學時期XD(說笑的)

>>March 27, 2008 at 5:21:32 PM GMT+8

2008 年 3 月 23 日 星期日 【晴】

久違了的好友

回校溫書前，約了Fafa&一位有大半年時間冇見面的好友--芝芝午餐聚會。
好掛住芝芝，好掛住以前成日俾我蝦既金魚仔，好掛住個名同我同音既芝芝。
去了KFC Lunch...一桶...三個人...都係食唔晒/口\我細食左XD
傾了很多話題，不想時間流逝-v-''希望芝芝快d有空，可以再一齊番教會=]



>>March 27, 2008 at 4:36:04 PM GMT+8

2008 年 3 月 22 日 星期六 【微冷】

特別的復活節禮物

「第三天從死裏復活；後升天，坐在無所不能的父上帝的右邊；」
今日教會有復活節崇拜，在整個敬拜也在思考同一件事：對不同的人，會表達不同的愛？
原來人有也「慣性」，慣了某一種庇感覺，一但有絲毫改變，也會感到不自在。
感謝神=]即日想起的問題，即日解決了。不拖延了......
接著，為到教會的弟兄姊妹and他們的親人身體而祈禱，感受到那一種合一的心。
講道提到耶穌復活的大能，我不要活在黑暗中，要活在光明下，活在耶穌的愛下。

今日麻煩了大妹妹&阿Fa，我想...算係得到一份特別的禮物。
雖然只係很少姊少，但不錯的經驗。可是，我不太懂如何操練...
到底要在什麼情況，而人要抱有什麼心態，才能使用這份禮物呢？
看來真的要搵段時間，慢慢思考，慢慢在禱告中尋求。

P.S：芝芝生日快樂

>>March 27, 2008 at 4:14:44 PM GMT+8

2008 年 3 月 21 日 星期五 【微冷】

恭喜Winson！

尋日係耶穌受難節，自己細想下，腦海浮現出一幅幅幻想的圖畫。
看見耶穌釘在十架上，那雙手...那雙腳...承受多大的痛苦！
他的寶血，一滴滴地流下，洗淨了我們所犯的罪。感謝你！

今日教會既領袖去晒Camp...冇得番小組，有點唔自在-口-
人慣左每星期既某一日，某一段時間抽出黎參加同一種聚會...當突然冇得參加...就會周身唔自在
好掛住組員Tim...但唔知點解又唔敢去出聲話不如仍舊有簡單版小組聚會......
今日冇野做，盡情休息-v-其實又係個藉口俾自己去懶唔溫書XD

夜晚先約左嘉敏去美門買禮物，買野俾男仔-口-''100%煩！
原本諗住買書...但由於以前試過買書俾浩然，佢竟然睇都冇睇過T^T
所以最後都係買左個刻有經文既木裝飾品，希望Winson鍾意啦=]
接著再去青彼，很多很多人，感恩可以坐二樓-v-因為當燒那些乳香?果陣傳來既氣味少d...
很多很多儀式，詩歌不懂...盡力專心，但講道那Part...-''-烚著了...
見到Winson今日受禮，替他開心！真的希望2009年，可以輪到我，要努力為洗禮作準備。
今晚見到好多好耐冇見既朋友，好開心。好想可以同佢地傾耐d計..可惜時間唔容許...
見到Winson啦浩然啦嘉敏啦施予啦，仲有秀程阿滔阿珊都好耐冇見。

完左洗禮，先去新墟...點知糖水店冇位...再去景峰，終於有位。
一碗糖水，坐足成粒鐘。傾了很多話題，很多爛Gag。
至00:20a.m，夜了，怕趕不到尾班車，終究要各散東西。
希望下次，不用再等某人洗禮才能與這班不同教會的弟兄姊妹相聚=]

With Winson

With Jeff


>>March 25, 2008 at 6:23:10 PM GMT+8

2008 年 3 月 13 日 星期四 【炎熱】

難離難捨

兩年了，與這班「爛gag」同學相處已兩年。
雖然最後都唔可以同每一個都好熟，但起碼可以見到面都有野講。
好想將那一點點的感受打出來，好讓將來自己可以細味。

冰冰：無言了=口=對住你雙手長到死的指甲，只可以說：快d剪左佢啦！
Donald：真的很想你能完全融入這班S1...還有=''=不要隨便露出你那條孖煙囪0.0''
Walter：辛苦你了！兩年都黎拍檔做主席，係好辛苦，但你仍然幫我成日善後，感謝你！
陳偉樂：不要再俾人蝦啦！俾人蝦要出聲先得架！唔好死忍，對身體唔好XD
Nicky：明白你在家庭上受很大壓力，但不要收收埋埋。要嘗試將壓力轉為推動力，努力呀=]
Gray：大方的你，R.E補課時麻煩晒你幫我買飯，我唔鍾意食既，你又同我交換=v=
Gigi：印象=粗魯+小朋友+爛Gag，但見到你好緊張班既事，多謝你，要開識「真正放開」唷！
凱：每次問你功課，雖然你係咪都串左我先(變態)，但之後你都會好認真教我既，THZ=]
HongHong：想不到的爛Gag人=口=''我個人的誤會冇了...又可以同你傾番計，So Good！
Peter：每次見你好認真抄緊筆記，我就諗...你係唔係將黑板寫既野都抄晒......？
Lok：性情有點古怪，但好喜歡你畫緊畫。不過你每次都好似唔滿意你畫既野~俾多d信心自己。
HCL：四年同班=口=都唔知對你講唔夠廿句說話！只可以講：快d操Fit番你個身體啦！
何廷津：兩個字=無言！！！
學凱：爛Gag人，係認真既時候就會爆很多爛Gag。記住考R.E果陣，唔好係咪都寫孝順父母。
Dick：到底你幾時高過我架T^T慶幸中五開始同你講多左野，多左話題，終於冇咁生疏。
Sam Hui：一代歌神=]雖然你成日串我，但每次問你數你都會細心解答！記住笑多d！
高進：難得中一之後再同你同班，點知兩年黎都好少同你講野，可惜了！
Billy Kwow：認真的-口-''你成日係人地講野果陣，又唔關你事...但你又望住人/搭嘴...好尷尬的！
爬爬：竟然可以呢兩年Friend左咁多-v-''不要在頹廢了！要提起精神，仲有對自己坦白！
Bee：又是那種講一句串我一句既人-口-不過在危機關頭，你都會幫我既=]
健：er！太少野講......所以沒有什麼特別感覺呢！
Edmund：十萬個感激你-v-上堂叫我唔好訓...教我做功課...互相支持...幫手買飯...辛苦你了！
Kai東：上年再同你同班...先知點解你叫Kai東。難得的男性朋友同我一樣會鍾意睇日劇XD
吳泉：傻下傻下，有點咸濕的=口=還有你是會幫同學的人。
Micmic：知道你好勤力，好俾心機=]努力呀！向住你夢想奔跑！
田雞：你一世英明，就係一次Mock既中文Oral...俾人笑足一世XD圓滾滾=圓轆轆...
威少：中一都唔覺得你咁爛-v-但依家先發覺，你100%是gag人...還有好鍾意拍人膊頭
智華兄：坐係窗口位，總係覺得你同你身邊既同學=口=唔多夾...因為你太認真XD
丘統：er........四個字：不予置評
輝：兩年黎，講埋都好似冇五句野=口=所以同樣地：不予置評
Allison：又可以坐埋隔離，我好開心！可以係你唔開心既時候安慰你...可以係我憂心時你鼓勵我
Carol：只係識左你大半年，但我好想可以同繼續做同學。耐不耐講的笑話....加添一點笑聲=]
Kathy：五年同班，雖然成日以為對方嬲左自己，又會有意見不合既時候，但我喜歡你這個好友
Mandy：「睡公主」=v=好鍾意見到你望住謝Sir個樣Keke
Zoe：突然喜歡上Gackt既你，今年多左好多有關日本既話題..喜歡你傻下傻下的性格
Stella：士巴拿！雖然同你好少話題，你知道你同基督教有興趣，我好感恩=]
Theresa：雖然一直都唔會點傾計，但你也是S1不能少的同學
Cherry：可以同你一齊食飯，我好開心的=]而且今年，你多了很多話題，開放了自己的心
Canon：<<<這是本人-v-今年仍舊被叫：潘逸雞...大知...巨知...Canon...以及小知>v<
Curry：有點非禮事件，純粹玩-v-別因為咁怕左我Kaka！由唔熟，變到有計傾，對我黎講好大改變
Winki：你...永遠都係我最擔心既好友。即使將來不能再常見面，我也會願意與你分擔生活的事。

之前大家狂派紀念冊，要寫用一句說話形容自己班......
搞笑的是...個個都會寫：爛Gag班 / 爛！/ 爛到粉碎等....
雖然日日聽，有點會令你O嘴，但卻令悶到訓著既課堂加添一陣歡笑聲。
即使將來，這個爛Gag熱潮仍繼續，但不會再係Room503...同這班同學，聽到這麼爛的笑話。
最後，感謝各位今年仍然聽我這個...不太有用的的主席講野=]感謝各位同學既合作...

不過我會記住=口=你地呢班遲到大王...係Singing Con...我為左整Party野食遲左出門口
跟住用左$22.6飛的，點知我番到去，全班42人...得13個左右番到\口/應該要你地夾埋錢俾我！

>>March 24, 2008 at 3:41:23 PM GMT+8

2008 年 3 月 12 日 星期三 【炎熱】

Last Day：慶幸我就讀於LMC

真的是最後一日，今日後，大家就要分開努力預備會考。
我還是喜歡一大班人，一齊上堂，一齊做Past Paper...一齊笑住黎溫書既日子。
呢個禮拜...晚晚都成3點幾先訓。就係為左整一大堆「火焰卡」送俾同學老師...可惜唔記得影相留念。
今日盡量著衫著得整齊d，條馬尾扎得靚d，因為要用最「靚」既姿態去影相XD
最後一次集隊=口=還是咁多廢話...足足企左半個鐘，雖然好累，但唔捨得。
番到課室將d「火焰卡」送俾同學，見到佢地臉上流露出喜樂既樣，我好感恩=]
今日整日，每一句Good Morning，每一句Good Bye&Thank You都用左畢生既力氣講出黎。

頭兩堂既Phy，謝Sir仲未病好，捱病咁番黎講埋份Mock卷，辛苦晒。
唔捨得物理堂，唔捨得謝Sir既爛Gag...雖然我Phy成績唔算好，但我盡左力=]無悔了。
上完堂，去左Phy Lab影相。見到Phy Lab，就諗起每次夏天係果度上堂...就算開晒冷氣，都可以成30度高溫。
跟住上A.Maths堂，d同學已經唔理校長會巡樓，又唔理大飛既反應，周圍影相捉棋傾計。
雖然大飛好懶，教完書就俾自修時間我地，又唔點俾功課，又懶得改卷...
不過有d時候，大飛真係教得唔錯。而且佢真係好記得我地邊個邊一part做得唔好...邊到要改善。
我唔鍾意A.Maths，但唔想放棄。唔想花左年半時間去讀一科咁難既科目，就此就放棄。
到上Eng堂，首次兩堂可以唔洗聽書，只係一齊唱歌，一齊影相。
對於Ms Chan，真係可以講由討厭變成感謝。的確人好多時候都會先入為主，俾感覺遮蔽雙眼。
今年Eng成績，進步了。特別係Reading&Writing。而且好多以前Eng應識而唔識既，都學番晒。
半年作文既數量...竟然可以係中四一年既兩倍。要改善自己寫作技巧，果然應該寫多d諗多d。
以前對Ms既感覺，改變左少少。上佢堂，好大壓力。不過呢種壓力，係推動我成長。

Lunch，最後一日係正常上課既日子同K.C~Carol~TB Ling一齊，再加埋幾個男女同學。
其實我好開心今年可以同Carol一齊食，因為4個人，始終少d機會冷落左其中一個人。
多謝晒你地3個=]每一次食飯，都有好多爛Gag，一d都唔覺得悶，我好享受當中既樂趣。
下午上中文堂，多謝MIss Tang送既卡。即使只係一句經文，我感受到你對我地既支持。
團契，Miss你鼓勵我努力去為神事奉。課後，Miss你關心我既情緒。課堂，你鼓勵我地每一個要努力讀書。
有你呢個基督徒老師教我地，我好感恩=]Keke！祝Miss永遠幸福快樂！
到Chem堂，只有一個遺憾。不能上最後一堂化學...不能與伍Sir影相，不能與你講Good Bye。
我怕化學，因為好難。我知我成日上堂烚眼訓，對你唔住T_T但你仍辛勞地教書......
知道你請假至五月左右，好擔心呢！雖然化學我唔可能係會考拎到好成績，不過我一定會合格。

最後一堂，都已經完結。15:40亦代表中五學習生活要結束，將要開始離校溫習。
把握最後機會，熟與不熟也要同同學影相留念。另一個遺憾...同唔到鄺Sir影相.../口\
最後同雞翼整座學校一日遊，很累...不過好開心。細心去睇每一個特別室...課室....
我曾經覺得呂明才分高座低座，個設計好特別。又曾經覺得成日要兩邊走，好麻煩。
最後一日，企係條橋上面，真係好唔捨得。五年既一點一滴，已經成為回憶。
感謝神！「你的恩典真美好，你至高恩典奇妙，俗世裡有誰像你。」

2008 年 3 月 6 日 星期四 【炎熱】

把握每個上課日

星期三開始，日日都是對卷日......都幾得閒。
對左幾日卷，成績有滿意有不滿意，只好繼續努力=]但中文...很不滿= =''距離我目標還差很遠
「中文：Reading：40/80 Writing：28/40 Listening：37/60 Oral：79/100 卷五：27/50」
「Eng：Reading：38/58 Writing：23/40 Listening：43/93 Oral：42/60 Total：120/200」
「Maths：卷一：56/99 MC：39/54 」「 A.Maths甲部：32/62 乙部：14/48 」「 Bio LQ：68/96 MC：45/60」
「Chem：卷一：46/90 MC：28/50 」「 Phy：卷一：42/90 MC：22/45 Total：48/100」
上課日子越黎越少/口\開始有d唔捨得既感覺，畢竟係呂明才都已經讀左近5年...
每日上堂，都盡可能希望聽多d爛gag，因為畢業之後再聽既，已經唔係5S1傻男同學講的。
好希望可以同自己班創造更多回憶，即使得番三日，都唔想白白咁過去。

星期四(6/3)，中七Last Day，多謝大家姐送既卡，認識到你我好開心=]多謝你兩年黎既鼓勵。
仲有，呢一日既基教堂睇「地久天長」，果然係一套好戲。
好多感動位，就快喊得出架啦= =不過就因為Gigi同Dick Hui不斷搞爛Gag...搞到由喊變左笑XD
或者我自己一個人睇果陣，會喊到收唔到聲keke！但我喜歡同5S1一齊睇，因為一d都唔會覺得悶。
套戲，令我更加知道，生命並不掌握於我地既手中。
還記得06年收過Fafa Send黎既一封E-mail，係關於「失去喬宏的日子」，有一個問題好值得我同你去思考。
「明天一定有，但明天未必有你、有我。要是明天沒有喬宏，沒問題！
我已得到主耶穌的救恩，祂必接我回天家。
但假若你還沒接受耶穌基督，明天沒有你時，你去哪兒呢？」

到星期五(7/3)，最後兩堂P.E堂，好耐都冇試過咁開心=]
可以同Friend一齊打籃球，因為好倦，但真係好relax。
唔洗計較打成點，唔洗理入唔入到波，只需盡情去打。
唔知畢業後，可唔可以再用呢種心情，同番自己班既人一齊打波呢？
打鐘之後，5C+5S1一齊係操場排個「五」字影左張相。
仲學埋男仔落堂既拍手，加埋d嘈吵聲，差d俾老師鬧XD
其實好想可以全班S1一齊排個「S1」，可惜之後都唔會有呢個時間呢個地方。
最後係更衣室，著住陪左我五年既「綠社」社衫影相=]我會好好保存呢件社衫。


Thanks 大家姐既卡

我+Zoe=LOVE Allison+TB Ling=S1...但一d都唔似=口=

1)Allison=蒙羅麗莎 我+TB Ling=畫框 Zoe=神秘人 2) With 家燕

>>March 20, 2008 at 1:56:17 AM GMT+8

2008 年 3 月 3 日 星期一 【微冷】

Last Day--Mock Exam：Bio(I)+(II)

「因為你們沒有祈求以先，你們所需用的，你們的父早已知道了。(太 6:8)」

最後一日/口\但亦都係最後一科最花時間去溫書...仲有最唔夠精神去考既一科。
尋日由12點同Winki係學校溫Bio...足足溫到8點先走=''=跟住番到去再溫多兩個多鐘...已經頂唔順。
一生人都未試過留係學校咁夜...仲要係因為溫書-v-好彩有Winki係到，如果唔係夜晚學校真係好恐怖。
今日考Bio...LQ做完之後好開心-v-因為第一次可以唔因為唔識做而留空，只係因為唔夠時間。
而且平時最怕既植物題，遺傳題，今次都做到大部分！難得難得......
跟住到MC，冇法子= =壞習慣！做MC仍是半烚半做......每次都要發夢左成5-8mins先開始清醒番。
好努力去做，不過成績如何......唔理Lu！不嬲MC都係錯到七彩，岩到過半數已經好開心。

完結了！整整兩個禮拜既MOCK= =''很累很累。每次累了，好想依靠係主中休息。
每次溫到好倦，好想去訓既時候，就同神講，請將你既恩典賜給我......
我需要的恩典不用多，只需要夠我溫完未溫好的書。就這樣，兩星期捱過了=]
考試結果成定局，雖然會有一點點介意分數，不過還是將眼光專注於會考吧！

「他對我說：「我的恩典彀你用的，因為我的能力是在人的軟弱上顯得完全。」
所以，我更喜歡誇自己的軟弱，好叫基督的能力覆庇我。(林後 12:9)」

>>March 6, 2008 at 9:02:50 AM GMT+8