2008 年 2 月 14 日 星期四 【乍雨乍晴】

中五最後一日正式上課

雖然話就話今日係最後一日正式上堂，但係自己覺得3月13日先係係呂明才Last Day=]
所以一切影相，決定留待那一日先做。至於今日，還是有點不捨。
不捨得係個Locker=''=又要再清多一次......好彩上次新年清得七七八八。

今日Lawrence派禮物俾全班同學，一人一枝筆，仲有對班有貢獻既有個相架...
真係過份/口\我呢個主席有做野架...點解佢次次都只係記得Walter係主席架！
冇人提佢，佢差d連我係主席都唔知=口=仲要連我叫咩名都唔記得...叫我做「呢位同學」！
最後一日上堂，還是對唔住伍Sir...頂唔順都係烚左烚......萬分歉意。
Lunch唔捨得以後再冇咩機會可以同Kathy~Tb Ling~Carol食飯...
同佢地三個食飯，爛Gag多=v=仲要係不知不覺咁搞左d爛gag出黎先好笑！
同你地食飯，可以暫時將疲累放一放低=]多謝Kathy+TB做我「飯友」咁耐！

之後上既基教堂，頭一堂講Edison事件，唔想聽-v-''選擇Zzz！
第二堂睇「小小的宇宙」，起初仲訓緊，之後醒左睇...笑死左。
笑既原因唔係因為套片入面d動物做既事而笑，係個旁白d爛gag......
好鍾意聽到5S1一路睇片，一路搞笑，可惜將再沒有呢d機會。
放學補Bio，急急忙教晒演變...最後一日還是要Edmund不斷叫我起身=]辛苦晒你XD
之後拔尖留低Miss Sin教答題技巧...希望到時考Bio可以多d信心-''-仲有溫得切所以野。

一切一切對5S1既感受，一張一張有關5S1相片，留待3月13日的日記。


>>February 18, 2008 at 10:05:29 AM GMT+8

2008 年 2 月 13 日 星期三 【乍雨乍晴】

情人節：冇情人，有耶穌

話咁快就放完個新年=''=都唔覺得自己放過假咁，書又溫太少T_T死lor！
先要講句：Edmund~Happy birthday！祝你新一年主恩常在！還有得到中六學位=]
還有話咁快就情人節=v=不過總係覺得今年氣氛唔係太大，所以冇咩特別Feel！
Lawrence搞Gag咁做左個開學既開場白：今日係鼠年既第一日上堂，聽日係最後一日上堂。
因為聽日算係中五最後一日正式上堂，雖然之後考完Mock都仲要番多個多禮拜...
但係由於之後都主要對Mock卷，所以唔屬於係正式上堂...不過經佢一講，變為一個爛Gag=''=
今日收到少少朱古力，夠食啦=V=為左回禮，Lunch特登買左盒「抵派」薄荷朱古力...
為左要實踐上星期六既行動，所以將少部分朱古力用紙包住，跟住入面寫左d鼓勵既說話...
希望少少既朱古力，佢地食既時候，可以感到快樂，可以感一點點壓。

今年照舊冇情人=''=不過有耶穌，佢既愛比任何一個人既愛更深，更厚。
如果可以現實中同耶穌拍拖行街=v=都唔錯XD！(發夢中，可以不理)

「愛是恆久忍耐，又有恩慈；愛是不嫉妒；愛是不自誇，不張狂，
不作害羞的事，不求自己的益處，不輕易發怒，不計算人的惡，
不喜歡不義，只喜歡真理；凡事包容，凡事相信，凡事盼望，凡事忍耐。愛是永不止息。 」

>>February 16, 2008 at 4:45:24 PM GMT+8

2008 年 2 月 8 日 星期五 【乍雨乍晴】

合組

新年去拜年...年年都係咁，不過今年因為婆婆番左大陸，搞到初二冇得出去。
拜年既3日，最開心係去阿婆到...點知今年要延遲，悶死了！

初三...要睇醫生，真係慘！對腳因為凍傷而又腫又癢，頂唔順唯有睇醫生...
最後個醫生話呢d情況冬天常有，俾左消炎消腫止癢藥...好彩食左都慢慢好番。
今日由於3組既小組都唔係太多人，所以就合組。難得既係小組會有弟兄XD
玩扑傻爪另類版，耳鵝傳鵝，仲有ome既game...不過唔記得個名lu！
好開心可以係第一個破冰同Kayi一組，佢幫我按摩果陣，突然有種家既感覺=]
仲可以同一班唔太熟既弟兄姊妹一齊玩，難得=]亦都認識多左。
敬拜得著最大既係...學到另一種帶敬拜既方法，幫助到自己改善。
分享了小蠟燭既故事，唔好輕看自己，因為每個人都有神祝福既地方，要好好善用。
就快會考，要多d利用餘下既時間，將主既愛帶俾身邊既同學=]
今日既合組，好感受到教會是我家(因為有男有女？唔係呀...)總之就感受到啦...

「不可叫人小看你年輕，總要在言語、行為、愛心、信心、清潔上，都作信徒的榜樣。(提前 4:12)」




>>February 16, 2008 at 4:27:30 PM GMT+8

2008 年 2 月 1 日 星期五 【乍雨乍晴】

另類的團年飯

對腳...確實凍傷了/口\星期三落大雨，又冇時間番屋企換襪就要趕去補習...
搞到對腳濕住，仲要凍左成晚...跟住第二日對鞋又乾唔晒，再著住...對襪又濕過=''=足足凍左三日...
唉！對腳依家紅左腫左傷左...用左Cream都冇用，天氣快d唔凍啦........

好耐冇番崇拜...都應該有兩三個星期，有點掛住。
尋晚同Fafa傾完電話冇幾耐訓著左...由於睡眠超足夠，所以崇拜冇烚眼訓XD！
準備敬拜既時候，好驚訝後面出現左一個久別既榮基......好開心=]雖然瘦左一點，但冇殘到。
敬拜唱左Fafa首新歌「吸引我到主身邊」，好鍾意入面既歌詞...一首歌俾我諗到好多野。
完左講道就到阿蓉同阿銘分享佢地係暨大既事奉，雖然尋日聽左一次，不過今日聽...感覺有不同。
阿蓉提醒我地要為主去發夢，到底主要我發咩夢，唔知架！不過遲d我會知我要做什麼。
完左聖餐，到榮基分享佢係內地既事奉，好用心聽，因為好想了解多d佢一年既生活。
雖然完左崇拜好想同佢傾計=''=不過冇勇氣...因為以前件事既陰影？唔係呀...咁怕d咩呀？唔知...
之後麻煩左Fafa阿泰Ome陪我去買番學鞋，算係隨便地選了一隊...唉！臨畢業先要買...晒錢=''=

夜晚同婆婆+一眾Aunt+舅父+一堆表兄姊妹去沙田食團年飯...仲要係日本菜=''=
真係另類得很......雖然好鍾意食日本菜，不過當團年飯黎食，卻有點怪。
不過依然好享受今晚呢餐=v=因為係第一次我可以唔睇價錢叫我想食既日本菜...
第一次可以食咁多三文魚...第一次可以食手打烏冬>v<太好味啦！！
原本諗住第一次試下食海膽壽司=''=真係聞到d味道...已經頂唔順...
之後二哥同舅父試左...差d難食到嘔番出黎！感謝神！我冇食到XD
起差以為咁樣類似任叫的話，埋單會好貴...點知最後廿幾人一齊食，都係二千幾...算平啦=''=
食得超飽...差d連第二日既早餐都食唔落=v=好彩冇飽到嘔J！





>>February 6, 2008 at 11:27:53 AM GMT+8

2008 年 1 月 30 日 星期三 【乍雨乍晴】

ACM：敬拜音樂會

朝早真係好凍，學校真係唔體諒d學生Lor...
自己冇買新校褸，要著舊款既，但舊款又唔暖wo....上堂凍到震呀！
跟住話今日可以著其他衫番學，但係要外面一定要著住校褸=''=
大佬呀...件舊款校褸又唔係大件，點係入面再著多件外套呀T_T"
最後今日只係加多左件背心冷衫，但仍然好凍/口\
對鞋尋日落大雨濕晒乾唔切，搞到今日冇落雨但對襪都因為對鞋而濕埋...對腳凍到僵了。

好！入正題！今日係宗教週會，本來沒有太大興奮感覺。
但係一入到Hall，見到個Powerpoint打左「香港基督徒音樂事工協會(ACM)」，頓時興奮了。
估唔到學校真係請到ACM黎作敬拜分享會，太好了！總算畢業前可以係學校High一次。
雖然唔係去伊館聽ACM既音樂會咁有好多詩班好多人領唱，不過依然咁好聽咁感動。
唱了幾首詩歌，有d係新歌，有d係舊歌，不過大部分都未聽過，只係聽過最後一首：Emmanuel
幸好ACM作既詩歌Melody較簡單，未聽過都好易唱上口。
中間兩位ACM同工分享見證，分享了家庭，分享了朋友既事...
由於前面有人阻礙我視線，索性閉目專心聆聽=''=但係就因為咁而俾Ms當我訓著左...唉！
不過唔知係因為太凍同學冇咩活力，定係覺得悶......今日週會太靜了...冇咩人開聲唱歌。
果一刻，真係好想我左右有位同行者與我一齊敬拜，一齊經歷神既愛。
最後以一個祝福禱告結束了是次宗教週會，我滿足了。

尋日我留左部手提係課室，回頭再番去搵已經唔見左。怎料雞翼幫我Keep住，多謝雞翼。
阿爸父=]多謝你！多謝你既既保守，多謝你聽我禱告。
還有，感恩的是，阿爸父...你為呂明才安排了這次聚會。
你亦打開了我的心，不再懼怕於同學中承認我是你的女兒。

>>January 31, 2008 at 3:17:39 PM GMT+8

2008 年 1 月 25 日 星期五 【乍雨乍晴】

愛，只可建基於愛。

尋晚同朱仔去肥豪屋企補數，簡直癲了...7:30-11:30p.mT_T"
搞到今朝成12點先起身，差d遲大到而番唔到小組。
連續3個星期帶祈禱會=v=以前或者會覺得好辛苦，不過依家一d都唔辛苦。
今日由小琳帶破冰，Wowo！第一次事奉俾左小組！今次玩互相認識=v=
俾小琳分左我同Joey一組，話好似見我地好少傾計，好少一齊玩...
Kaka！其實唔係架-v-''我同Joey平時太忙先要傾計，係小組我地好傾得埋的！
最後當然就係我呢個記憶好既人=v=贏左啦！YeahYeahYeah！
到敬拜！Fafa第一次司琴，幾順利呀！Fafa你得架！俾d信心自己>v<
今日異象分享，分享同神係今個禮拜既關係...吾...我同神應該係父女關係。
呢個禮拜，真係好倦，倦到每日既祈禱都係想依靠住神黎Sleeping=口=
不過今日之後，想同神進深到情侶+主僕既關係。希望咩事將神放係第一位。
希望每次溫書既時候，先讀經，係話語入面支取力量。

臨完小組之前，Fafa話每個禮拜幫好倦既組員祈禱。
我諗我會考之前都會每個禮拜坐係到等你地為我祈禱，辛苦晒=]
好開心美人為我開聲祈禱=v=雖然你祈祈下先問祈d咩，不過我好感動。
之前曾經有少少覺得真係好倦，好想係屋企訓耐d，但係最後堅持要番小組。
今日之後，證明堅持係冇錯的。係禱告入面，感覺得組員既愛，神既擁抱。
每星期既疲累，忙碌，係小組一次過放低了。帶著疲倦番小組，帶著喜樂精神離開。
接著又好似一個重新既人，再去迎接新一個星期既來臨。
禱告太感動了=v=竟然忍唔住流淚。你地呀！唔洗咁驚訝我會喊呀？

「但那等候耶和華的必從新得力。他們必如鷹展翅上騰；
他們奔跑卻不困倦，行走卻不疲乏。(賽 40:31)」

最後補祝Joey 24/1生日，Happy Birthday=]祝你新一年，忙碌中仍有休息+食野既時間。
題外話：今日買到外套啦(Everlast牌子)/口\之前睇左勁耐都買唔到，今日竟然買到，感恩XD

>>January 27, 2008 at 2:24:13 PM GMT+8

2008 年 1 月 14 日 星期一 【乍雨乍晴】

畢業盃--班際排球比賽--季軍戰

到底係我忙，定我懶呢？=''=可以遲左成咁多日先補打呢篇日記。

今日係畢業盃既決賽，5S1 VS 5S2 + 7S VS 5A。
呢一次季軍戰，我全力做後備XD由Cherry雞翼Zoe做正選，而男正選就同上次一樣。
有一點點緊張，因為天氣好凍=''=凍到d同學冇力打波Tim。
今次比賽，可能有左經驗，打得比上個禮拜順利左，冇咁多爛Gag球XD！
兩班打氣既時候...當一齊大喊S1...S2...=''=都分唔清邊個支持邊班。
最後以二比零贏左=]得到是次畢業盃季軍！100%意料之外。好High！
突然之間覺得自己好榮幸=v=四六盃同畢業盃都可以代5S1有份打比賽！
今次呢張團體相，好鍾意=]因為記得上次四六盃既籃球比賽...張團體相Zoe流淚地影。
呢一次個個都笑得好開心！不過個畢業盃閃電地完，有點唔捨得。
多謝伍Sir改左朝早Quiz！多謝謝Sir專登落黎睇我地比賽！多謝Miss Tang放過我地唔洗補課！





>>January 27, 2008 at 4:24:43 AM GMT+8

2008 年 1 月 10 日 星期四 【微冷】

畢業盃--班際排球比賽

呢排太忙...唔係忙做會考卷，就係忙整完本紀念冊。
忙到連日記都打唔都，好對Showhappy唔住=''=哈！
最後一個班際活動今日舉行初賽，仲要係我地5S1最唔擅長既排球。
抽籤唔知係好定唔好，抽中同兩班中七同組=v="夠晒刺激。

今日流程：
7S VS 7A~4:00-4:30
7S VS 5S1~4:30-5:00
7A VS 5S1~5:00-5:30

今日原本由Cherry~雞翼~Zoe做正選，我同Mandy做後備。
至於男既，就由Walter~Micmic~Honghong~田雞輪流出場。
點知雞翼唔舒服...仲要病到死死下，所以驚訝地同Mandy輪流做正選-V-！
放學就衝落下換衫練波！嘩！太耐冇打過排球，打唔夠幾球對手就痛死了！
笑死我！Mandy一接唔到波就大叫！佢要用呢種精神去嚇親對手！
努力練開波練接波，開波平時都勉強開到，竟然今日連接波都接到=''=難得難得！
第一場7Svs7A，7S贏左。第二場就到5S1vs7S，咁快就要打，驚驚地。

第二場：5S1 VS 7S
今日由於要補Bio，所以開頭半場都冇自己班既同學黎睇，到後期就一堆人黎到打氣。
Ms Chan落左黎睇我地比賽，多謝晒！唉，Lawrence同上年一樣，唔黎睇我地比賽。
第一局既時候，以「守零」既心態打=v=因為都冇諗過可以拎到好高分。
跟住打打下分數多左，就轉為「破十」。對手好強，接波大多交俾男仔。
今日不停地爛Gag黎打比賽，我鍾意呢種輕鬆既態度。
好似第二局時，對手打個波去我地場，Hong撲網將個波撲走，以為拎到分掉頭走。
點知原來對手又接到個波，後面d隊友提Hong要再接波，佢就叉住腰再撲走個波。
=''=真係沒完沒了，對手又接到個波，足足Hong要撲左3次波先拎到呢一分！
呢個舉動真係笑到我地d同學收唔到聲，呢次教訓我地未確實拎到分都唔好掉頭走=''=
雖然輸左兩局俾7S，不過呢場波打得好開心=]因為冇左上年四六盃果種對勝負著緊既態度。

第三場：5S1 VS 7A
到第三場，Miss Sin都落左黎睇我地比賽。
Miss Sin話我地贏左下星期二唔洗Quiz，當然啦=''=佢一早話左改期到星期三ma！
Ms Chan就話我地贏左下星期一唔洗默書...XD哈！兩位老師搞到氣氛High晒！
今次5S1vs7A，起初有點擔心，不過輕鬆d打好過擔心去打。
對7A太壓力d，因為之前輸左場，如果連呢場都輸埋就唔可以打季軍戰。
雖然輸贏對今次已經唔緊要，不過我想可以繼續同班既同學一齊打波。
第二場果陣已經熱身夠了=]所以到第三場打得順利了，開波接波亦成功多左！
最後對7A，兩局都贏左！恭喜5S1，順利進入下星期二既季軍戰！Yayaya！

影了一堆相，隊友相，班相之後，距離6點仲有少少時間，同d班既同學打男女混合籃球=v=
好開心！好似都係第一次可以係學校同d同學打籃球，雖然只係得好短時間，不過滿足了...
竟然咁耐冇射波=''=可以負碌咁射入，難得難得，俾爬爬話我今日爆Seed...Maybe我今日好high！
Ms Chan走之前話，佢要我地每個打比賽既都要食Shake Shake薯條......
但因手太唔乾淨，由佢黎餵我地，都係第一次咁樣俾老師餵=''=
之前的確好唔鍾意Ms Chan，不過依家心態轉了，睇既野唔同左，原來佢都唔係咁難相處。
感謝神！咁樣總好過成日覺得佢好衰，好討厭佢咁。
不過Lawrence真係好過份......咁耐以黎佢冇睇過我地班際比賽...
係！讀書重要，成績重要，但班際比賽唔多，你又唔睇又唔黎打氣，算咩班主任？
四六盃係咁！班際接力比賽又係咁！到最後畢業盃都係咁！想點呀.......唉！

總括而言，今日好開心=]因為我唔擅長既排球，我可以開波冇失波，仲有接只係失左幾球。


>>January 15, 2008 at 1:43:48 PM GMT+8

2007 年 12 月 31 日 星期一 【乍雨乍晴】

2008年目標

「弟兄們，我不是以為自己已經得著了；
我只有一件事，就是忘記背後，努力面前的，
向著標竿直跑，要得神在基督耶穌裡從上面召我來得的獎賞。(腓 3:13-14)」

2007年已經成為回憶，不要再介意曾發生什麼事。
2008年要努力啦！要在唔同範疇上搏殺\口/要衝呀！
簡單分左「家庭上；學業上；其他事上；信仰上的服事；信仰上與神的關係」

家庭：
1)會考期間控制自己情緒，不要因個人的疲累要向家人發脾氣。
2)嘗試再向媽咪一齊祈禱，一齊睇聖經。
3)當然就係要努力向家人傳福音啦！

學業(由於唔知會考成績會係點，後半年既讀書目標冇辦法寫到)：
1)農曆年假除必要出街日子，每日要溫書起碼6-7小時。
2)離校溫書既日子，每日要溫書起碼7小時以上，
並且盡量個幾星期回校一次問老師自己溫習時有不懂的地方。
3)會考給自己一個目標：15分以上，並且科科合格，中文Level4，英文Level3。

其他：
1)會考多忙碌，也要關心身邊的朋友。
2)完左會考，要Keep住每日練琴，追回失去的時間。
3)會考完要努力做Part Time Job...儲一點錢。

信仰(服事)：
1)學習每一次帶事奉時，也盡可能不以固定的形式帶領，嘗試問問聖靈應要怎樣帶。
2)因為會考太忙，停了一些事奉，會考完要努力事奉神事奉人。
3)關心多點較新的組員...(我自認平時太少關心美人Ling小琳等...)

信仰(與神的關係)：
1)別再懶，會考多忙也要做，就是每日靈修。
2)會考時轉為早上靈修，要作一整天考試得著力量。
3)既然每日靈修，都應該可以一年完成到大半新約掛。
4)每次禱告時，也先問問聖靈我應如何禱告，為什麼事而禱告。
5)每晚睡前，也盡量抽時間敬拜禱告。

目標並不算太空泛，我會努力的=]
目標不應成為人的絆腳石，應推動人成長的。
希望2008年，我會成長了很多很多。
「甚願你賜福與我，擴張我的境界，常與我同在，保佑我不遭患難，不受艱苦。(代上 4:10)」

>>January 12, 2008 at 3:20:29 PM GMT+8

2007 年 12 月 30 日 星期日 【乍雨乍晴】

再見啦2007年

話咁快就完左一年，好似浪費左好多光陰，但今年的確好充實。
無論係學校，係屋企，係教會，我都好Enjoy呢一件。
未回顧07年先，先睇番自己係07年1月訂立既目標，到底有幾多係實行到呢？
「神是最重要的，比任何事更重要；我可以放下一切，唯獨怎也不能放下你。」

有關學校，不論學業or事奉：
1)考試/測驗科科合格及全班12名內>>>>>>成功！
2)於團契中學習為學校禱告及盡力做好副團長這職位>>>>>>半成功！
3)在學業上完全交給神及相信神的帶領，即是不在經常擔憂成績>>>>>>應該係成功！
有關音樂：
1)每星期最少有五日練琴及每次最少1小時>>>>>>失敗！(都唔知衰左幾多年=''=)
2)努力為7級琴試作準備>>>>>>絕對成功啦！一直都冇同大家講...我7級合格左啦！Yayaya~
有關自己：
1)每日午睡不能超75分鐘=]Kaka>>>>>>100%失敗=''=！
2)12:45前要上床Zzz...Zzz...>>>>>>200%失敗！
3)忍耐身邊的人的不好行為，少點火爆>>>>>>半成功架啦...！
4)每星期抽時間關心組員及新朋友>>>>>>半成功！
有關信仰：
1)每日做靈修，而且2007年要完成新約>>>>>>100%失敗-口-！
2)每晚臨睡前15分鐘敬拜與禱告，增加與神相交的時間>>>>>>30%成功！
3)於小事訓練對神的馴服，亦即是凡事也要神參與>>>>>>成功！
4)切實跟隨早前與大妹妹寫下的Time Table>>>>>>100%失敗！大妹妹我對你唔住！

好啦！睇完我係07年有幾多目標得左，又有幾多衰左之後，就睇我07年回顧啦！
1)2月尾既「四六盃(足球)」見到班男仔咁落力去踢，好感動T_T"仲有最後拎左第一名！
2)3月第一次BIO活動，係「淡水溪流--考察日」，好好玩>V<睇到好多生物。
3)3月尾，因為「四六盃(籃球)」打得唔好，同隊友一齊喊...雖然好唔開心，但老師+同學到場支持，抵番晒！
4)4月3日，信主三周年...3年時間，自己改變左好多，遺憾既係3年靈修都完成唔到四福音=''=
5)4月9日，同大妹妹經歷一次大考驗，但感謝神！我倆既守望關係，主一直也在看守。
6)5月11日終於係香港睇到「海猿2：終極海難」，真係超級好睇=v=唔可以唔記得。
7)5月既「祝福屯門的一天」，得著好多，要讓屯門真真正正成為屯兵之門。
8)5月27日，第一次參加全球禱告日，同好多人一齊為香港為世界祈禱。
9)6月為左參加「野生植物攝影比賽」，特登同表哥去城門水塘，最後獲得優異獎。
10)6月突然愛上日本組合「WaT」，喜歡聽住佢地既歌去溫書，去Sleeping。
11)6月尾收到福音營分組名單...足足搞到我擔心左成個月=''=幾無聊呢！
12)7月1日香港回歸十周年...作為香港人既我=V=當然要慶祝下啦！
13)7月既試後活動Fashion Show真係忙死了我，最後同是落敗了。不打緊，志在參與。
14)7月11日，若會考衰左，我就不能參加結業禮。不過有「中四級中文科全級第一」做結束唔錯。
15)7月12-14日「Life@3G」福音營。呢次福營經歷到主的愛，經歷到我缺乏，主會加給我。
第一次做組長，第一次帶成組都係同輩，第一次分享全組一齊喊。
16)暑假小組既「美女廚房」，證明我地小組既姊妹好有創意，不過還是要練好d廚藝。
17)8月去了未去過既東平洲+吉澳，景好靚...但搭船搭到我就快嘔...
18)「818齊來慶典」，由青年牧區各組合作舉行，好開心既一日=]P.S大食會既食物好好味>v<
19)5S1第一次班會活動「中秋聚餐」，每次搞活動我都會諗=''=點解我做主席會做到「一腳踢」
20)9月尾，終於可以換電話啦！雖然唔係咩貴野，不過我好鍾意，夠自己用就得架啦>v<
21)10月人生第一次扭親...仲要好嚴重...足足睇左成8次鐵打/口\好彩最後痊癒Ja！
22)Sports Day雖然班際接力輸左，但我好享受打氣既過程。仲有大半班一齊歡樂跑，好開心=]
23)今年生日，收到好友送既小池寫真集Wowowo！多謝晒=]睇到好High tim=v=。
24)為左慶祝香港五旬節聖潔會來港一百週年而係11月舉行了聯合崇拜，首次參加咁大型既崇拜。
25)11月尾，第一次嘗試校裡遍傳，經歷了原來單是一個人信主，天國地上也會這麼喜樂。
26)12月1日，唔知幾多年先會有一次既香港葛福臨佈道大會，可以見到咁多人信主好感動TvT"
27)12月6日旅行日，雖然只係去郊野公園，但已經好滿足=]因為可以全班一齊玩得咁投入。
28)12月20日，Singing Con同是入了決賽卻止步了，但今年已經進步了，因為佢地投入左。=]

其實仲有好多好多，不過實在打唔晒出黎。
2007年已過，一切已變為回憶。
希望2008年，唔會因為會考而創造唔到更多美好既回憶啦！

>>January 1, 2008 at 6:10:46 AM GMT+8