2007 年 9 月 2 日 星期日 【清涼】

正式成為應屆會考生

放假久了，一如以往=v=番學前仍趕功課XD
朝早起身，一點點疲累，不過有少少期待見番d朋友。
番到學校見到好多新生...特別中六。
仲見到個似男卻是女的...TB？還以為係靚仔XD。
開學禮，崇拜既詩歌不錯「最美好...盡力愛你」。
接著校長訓話，討厭！只係識得將我地去同其他Band1，資優生去比。
「甚少」去欣賞我地，呢種比較，唔覺得可以變為推動力。
一開學，鬧鬧鬧。算吧！年年都係咁，慣了。

番到課室，今年轉左係503=]涼d！舒服d！
不過我始終鍾意603...因有點高高在上XD
識新朋友：嘉欣。一個斯文女仔=v="同我相差好遠既類型。
課室再次充滿爛Gag=]係就係好爛，不過勝在係5S1特色。
班主任依舊有Lawrence，仲多左個陳芷莉老師.....唉！
仲要調位調我去坐老師桌前第一個位=''=真係忍唔住...「頂」。
我又唔係矮......大把男仔矮過我，點解...點解T_T"嗚嗚！
不過好既係，可以再同雞翼坐=v=''而且後面仲有Kathy & Cherry，夠多爛Gag lu！
最唔好既係.....唉！明明d老師講左功課上堂先交\口/
突然要我地聽日交晒！哼！今晚趕功課行動繼續T_T"

應屆會考生，個名好凝重。
不過，唔係得我一個成為應屆會考生。
今個星期，開學過渡期。
下星期，努力溫番中四既課程=]。

「你必將生命的道路指示我。在你面前有滿足的喜樂；在你右手中有永遠的福樂。(詩 16:11 )」

>>September 3, 2007 at 1:31:52 PM GMT+8

2007 年 8 月 30 日 星期四 【清涼】

天作之盒

今日做中文Book Report時，選左小說版「天作之盒」。
做做下=v="心動了！就係開左套電影版黎睇>v<"
睇幾多次，都係咁感動。不過係唔同時間睇，有唔同感受。
到經歷生離死別既時候，比以前流既眼淚多左。
「世上沒有一件事情可以把我們從愛中分開，甚至死亡，因為神就是愛。」
Keke！唔知我將來既另一半，會係點呢XD！！

「我不能飛越荊棘 / 但我能踏平障礙 / 邁步向前 」
呢排多左去諗會考完既前路會係點......係唔係好迷茫呢？
雖然生命佈滿荊棘，我亦不能逃避。
但係，我可以忍著痛苦，用雙腳踏平這一切障礙，讓生命更豐盛。
而且，路不是我一人去行，更有身邊的家人，弟兄姊妹，以及天父與我同行。

註：邊睇「天作之盒」，邊諗起「天作之組」。呢一個組名好有意思XD

>>August 31, 2007 at 2:23:33 PM GMT+8

2007 年 8 月 28 日 星期二 【清涼】

我的路，由我決定

我考完會考，前路係d咩，我唔想被人去決定。
就算升唔到中六，我仲有心去讀其他科。
唔係會考考得唔好，就等於我冇俾過心機去讀。

算吧！都係考好個會考先算。

>>August 30, 2007 at 10:05:50 AM GMT+8

2007 年 8 月 25 日 星期六 【清涼】

坦白的對話

都唔知幾耐冇做過守望，雖然有少少期待大妹妹既答覆，不過未至於興奮。
一早番到去，有點兒眼訓。到真係傾既時候...今次到我既反應較冷淡...
因為我確實未諗到可以回應d咩，所以多數都答「唔...唔...」。
認真的，當我關心果個人，我真係會好擔心點解幾日都搵唔到佢。
或者可能真係一件大頭蝦忘記話俾我知出trip既事，不過我感到被忽視。
由因為團契既一d事，而有d鬧交 & 不滿時...我果陣真係冇諗到會有破口。
係近排，先開始漸漸覺得我地兩個關係疏遠。我唔係想等成3個幾月先去行出呢一步...
只係，我發覺既時候，都係呢個禮拜既事。聽到果句...「有點失望」，就足以令我之後個腦有點混亂。

雖然係咁，總算解決左呢件事。
不過，原來我都幾唔了解大妹妹...唔了解佢既性格。
希望我地之後呢段關係，建立係神中。

後話：冇拉拉大妹妹提浩然唔知以前講過d咩=''=我真係完全唔記得XD

>>August 28, 2007 at 1:09:31 PM GMT+8

2007 年 8 月 23 日 星期四 【清涼】

ACM：「怎能如此？」音樂會

這是一場，充滿神的愛的音樂會。
傍晚約左家燕一同搭960去灣仔，雖然路程好短，不過好開心。
少有的傾了好多事，無論自己，身邊既人都傾左一大堆。
去到灣仔，Fafa搭車團遲到，所以過左OK搵Joey食野XD魚蛋燒賣腸粉都食左。
齊人，又去左麵店食野。Ar！我冇係OK食野架！Keke！
老闆問我去睇咩Show，好直接講：基督教既音樂會=]以前我可能只會講音樂會，又大膽左！
到左伊利沙伯體育館，一入到去會場，就收到一個「ACM25週年」既環保袋。
我同家燕笑言以後唔洗用甚麼名牌環保袋裝P.E衫。全校應該都係得我同佢有呢個袋...
如果仲見到第二個人有，即好有可能佢都有黎聽呢個音樂會，我地要好好關心佢XD

「怎能如此」音樂會開始！
「我的心哪，你要稱頌耶和華！凡在我裡面的，也要稱頌他的聖名！(詩 103:1)」
一大班詩班進場，特別既係，一開始佢地企係一排排坐位間既樓梯。
不同詩歌，有d仲係前年去ACM音樂會聽過。一齊做動作敬拜，好喜樂=]
之後整個音樂會，都圍繞「聖殿」。接著牧師分享信息，內容好多，都打唔晒出黎。
差唔多係音樂會既後期，牧師問眾人願唔願意立志為神打那場美好的仗。
諗都冇諗到突然我起左身=''=仲要我起左身先諗點解要起身。
不過，第一次咁真心起身。因為以前果d立志，好多都冇再理。
但今次係真係，想去將呢個福音去傳俾家人，好朋友&同學。
完結前，唱了最後一首詩歌：永約的神。好耐冇聽了...再聽，對於神更有信心。

今晚總結有「四」個得著：
1)可以同家燕分享多左，認識多左，感謝神！=v=
2)雖然我不斷去犯同樣既罪，但神冇因此要離棄我。一直去愛我，去幫我改變。
3)第一次感到，可以用歌聲去讚美神，係一件美好既事。
4)之前Fafa問我咁早信主，會唔會覺得好多野都好似冇得做，人生多左限制。
如果死之前信，一樣上到天堂，一樣得到永生，會唔會覺得後悔？
當時我答佢，我覺得依家相信主，我行既路雖然仍充滿荊棘，但主會與我同行。
而且呢段求學時期，我開始學識唔將學業既壓力加係自己身上。
雖然我依然會擔心考試成績，前路等，但得著平安比擔心更多。
今晚既音樂會之後，我覺得可以做到神既女兒，可以有一個永遠都咁愛我既天父，好幸福。

「那美好的仗我已經打過了，當跑的路我已經跑盡了，所信的道我已經守住了。(提後 4:7)」

【只因愛】

你的愛，我怎猜透，捨尊降貴，貧苦中馬槽降生，
沒有佳美肖顏容，但賜我勇氣面對生命，
被擄得釋放，餵飽飢渴，一生以愛，神蹟可見神同在，
頭被戴上荊棘冕，被厭棄替我遍歷痛苦，
誰瞭解你在十架甘心犧牲，只因愛救贖世上人，
流盡血見證你的愛，誰配得可擁有，神恩典像海般深，
誰會知你在墓裡三天復活，得勝已賜下我盼望，
神大愛抱緊我，我願一生一世靠緊你，感恩滿心裡。

【永約的神】

信─是我這生尋著你的應允，
是永生的源頭方向，令我生命更新。
心─願意一生順服你的指引，
伴我一生同行衝破危難困憂。

神已立約，傾出祂恩惠並祝福我一世，
神已立約，顯彰祂的愛並寬恕我一切，
和你立約，願跟主方向，願遵守你管教；
齊頌讚主永活全能，信實無窮，千載百世不變更！

>>August 27, 2007 at 4:20:05 PM GMT+8

2007 年 8 月 21 日 星期二 【清涼】

特別靈修時間

某些句子，當我一聽到，再也不能忘掉。
「神是最重要的，比任何事更重要；我可以放下一切，唯獨怎也不能放下你。」

「神愛你原本模樣，但他不願就這樣放著你不管，
他要你擁有耶穌的心，他要你完全像耶穌。
但這改變過程不見得輕鬆愉快......也可能帶來痛苦。
有時候你甚至會忘記在你生命中工作的是誰，以及他的最終目的。
但記住你是他手中的工作，你是他最偉大的作品，他的「曠世鉅作」。」

今天甚麼事也不說，單單說那一段神特別安排給我與Fafa的靈修時間。
雖然咩都係臨時預備，但已想到唱甚麼詩歌，睇甚麼聖經。
睇腓立比書3章整章......好多得著。特別係重新理解呢段經文：
「弟兄們，我不是以為自己已經得著了；
我只有一件事，就是忘記背後，努力面前的，
向著標竿直跑，要得神在基督耶穌裡從上面召我來得的獎賞。(腓3:13-14)」

忘記背後，唔單止要忘記一d唔好既野，失敗既事。
更要將一d一直將成功當榮耀既事忘記。=]
今日好多實踐，要好多野突破......真係多到...死左XD
例如要同某d組員突破唔敢主動關心佢...又例如有d野要主動講出黎。
總之呢段時間，實在太充實，太美好Lu。

同大妹妹一d事，主動講左出黎。
貪心了，明明說了不緊張對方有咩感受...
但對方真係冷淡時，又覺得唔開心。
有時，真係要先問問自己，到底想對方俾咩感受。

>>August 23, 2007 at 4:56:14 PM GMT+8

2007 年 8 月 17 日 星期五 【晴】

Life@3G X 818齊來慶典

朝早匆忙學完琴，搞完d野就趕番入屯門！
係波仔買左個通粉番屋企，邊寫金句俾camp組員，邊食野。
之後又匆匆搭輕鐵番學校，同Edmund夾左陣琴就算lu！
今年雖然都唔算多人，不過總好過上年得一個番黎，今年都有十多個。
簡單破冰，再黎多個敬拜。原本會派番份布，不過「大忙人」秀程整唔切。
原本會睇相，不過搞左好耐都搞唔掂...到我走都未搞掂=''=



之後又匆番去教會參加818慶典，番到去，幸好破冰完左=v=冇咁礙眼。
敬拜，雖然唱既歌好普通，不過唔知點解比平日更加大聲去唱，去讚美神>v<
因為遲黎到，所以企到最後，俾左個機會我影下各位敬拜既相相。
接著就到U-Fire既阿勇黎左分享訊息，今次真係好專心去聽唷我。
因為佢雖然都有叫未信者點解要相信神，但佢更加著重將現今所發生既事話俾年青人知。
例如：天災，政治，饑餓等問題......最深刻係要年青人要興起啦>V<
對佢重彈重唱果首詩歌好深刻，因為歌詞同首歌都好好=]
最後就係大食會，今次我代表天作之組整左椰汁馬豆/紅豆糕，幸好最後都俾各位清晒。
真係超多野食唷！最深刻係...Maylai家姐整既咖哩炒蟹，好好味。
Today亦為阿銘+魷魚慶祝生日，兩位Happy Birthday！

雖然今年冇機會成個慶典，冇得玩咁大型既破冰，不過仍好喜樂。
特別見到今次竟然會有咁多人...我諗都多過70人番黎>v<好感恩！


>>August 21, 2007 at 4:15:38 PM GMT+8

2007 年 8 月 12 日 星期日 【乍寒還暖】

補課過後，終於正式放暑假

暑假最後一日補課，補完今日，都算係正式放暑假lu！
一朝早番去補Chem，唔知點解對眼好倦，好多眼筋...
所以成日都唔太專心去聽書T_T"搞到多左野唔識tim！
最後伍Sir補完課話：你地可以安心放暑假。

雖然今個暑假唔太似暑假，個個禮拜都有幾日要番學校補課。
不過比以前既暑假算係充實左既，少左hea既時間。

>>August 21, 2007 at 3:42:33 PM GMT+8

2007 年 8 月 11 日 星期六 【乍寒還暖】

東平洲+吉澳一天遊

擔心左成日，好彩整日落雨既時間都唔算太多。
7點出門口，未出發先被人鬧=''=唉！媽咪睇唔到架小巴唔係去上水...
當我上左車，拍左八達通先知原來去落馬洲...咁就俾人鬧，唉！
根本上車，火車站美心食早餐，再搭火車去大學站，等出發。等既過程太無聊，我Cut左佢。

好！搭船出發，那位導遊伯伯...真的想佢講完野快d收聲=''=因為我已經好頭暈。
搭左75分鐘，終於先去到吉澳。大澳長洲呢d地方去得多，吉澳真係未去過...
果然人煙都少十倍=v="最深刻係...個公廁，出奇地乾淨。
先行天后廟，姻緣樹...對呢d野冇咩興趣。不過見到天后廟上面d裝飾...
諗番小六去廣州學過d裝飾有咩含意，好懷念Tim。之後行完食飯，8菜1粥1飯，ok好味。
接著食了一件菠蘿冰，真係好凍...不過好抵食，兩蚊一件。
食飽飽又要搭船.....又搭到個幾鐘，真係超暈+就嘔=''=終於捱到去東平洲，仲更「荒無」......
媽咪腳痛，所以得我地老豆行石帶，真係幾特別，而且好靚。
去到算係盡頭，d風浪好正>v<雖然好想同情人黎XD不過要搭咁耐船，還是咪搞！
好！行完歸家，再搭得兩粒鐘船，番到大學站就食埋野搭車番屋企lu...超倦。
呢次旅行=''=搭船合共近四粒鐘，下次再黎，還是等我成人先好...

2007 年 8 月 10 日 星期五 【乍寒還暖】

美女廚房=]

今次證明，天作之組既姊妹...要嫁個好男人，要先練好d廚藝=0="
是次小組活動：美女廚房。每組兩個人，各組各自抽4種食物+2種自選食物。
今次同家燕一組...想不到一個讀左3年家政，一個讀左4年家政=''=都會搞到咁狼狽。
我地組有既材料：熟蛋5隻，白麵包1袋，牛奶1大枝，奇異果2個，梳打餅2包，吞拿魚1罐
經過短時間商量，決定整蛋沙律吞拿魚三文治，蛋沙律吞拿魚梳打餅，奇異果牛奶。
講真...我真係唔知奇異果+牛奶會咁難飲=''=平時好似士多啤梨奶都唔錯，以為種種水果都得...
至於蛋沙律吞拿魚梳打餅，全交由好幫手家燕負責=]真係整得好靚。
而蛋沙律吞拿魚三文治，就因為時間不足，最後d熟蛋俾我帶住手套黎握爛=v=真係ok核突。

到試食時間，Joey同阿贊果組賣相幾好，不過d雪糕抵受唔到高溫，熔成一堆。不過仲幾好味..
而阿Ling+美人，整得好靚，而且簡單得黎幾好味！(最安全既食物一組...唔洗驚肚痛XD)
到阿Fa+琳琳...簡直笑到收唔到聲。對於佢地既牛油粟米，感到好味。
但對於佢地杯蘋果粥...認真嚇親人0v0，將蘋果用攪拌器攪爛，再加凍水，變成似蘋果汁的飲料。
最後我地果組=''=真係對唔住阿榮，Anthony，陳牧師，阿銘...要你地試飲杯奇異果奶XD
希望你地唔好肚痛......雖然味道麻麻，不過整得好辛苦的Kaka！
最後都好似Joey果組最多貼紙=]Good！

今日好開心=v=因為真係好好笑！特別係其他弟兄姊妹飲我地杯奶既時候...
竟然Anthony會成杯飲晒，一d話難飲既說話都冇！Kaka！相相後補。

>>August 13, 2007 at 2:52:04 PM GMT+8