2007 年 7 月 22 日 星期日 【清涼】

行星組曲--木星，快樂之神

自從睇完動畫：「金色的琴弦」之後，愛上了一首樂曲。
就係霍爾斯特代表作：行星組曲之第四曲---木星(Jupiter)，快樂之神。
聽完呢首歌，除左好舒服之外，的確會令人幾開心=]

最開心係，呢首Jupiter被加上日文歌詞，由平原綾香唱=]
佢把聲既可高聲又可低聲，真係好好聽......
Download Link：http://www.freewebtown.com/edmund0214/jupiter.mp3
原本諗住用呢聲歌做背景音樂，不過呢排日記比較多相....
所以都係遲d先放，免得load得太慢。

「行星組曲」簡介：

「行星組曲」是霍爾斯特的代表作，這部在結構、和聲和節奏方面都極為完美的作品，於1914年開始著手，全曲大抵於1916年完成，其中像徵「戰爭」的「火星」部份作於1914年8月之前，似乎暗示緊張迫在眉睫的歐陸局勢，頗有山雨欲來風滿樓之感。1919年2月27日，艾德里安，鮑爾特在倫敦的皇家愛樂協會演奏會中指揮了五曲的初演，同年12月22日，霍爾斯特本人在倫敦的皇后廳交響演奏會，又指揮了「金星」、「水星」、「木星」三曲。至於七曲的全部演奏則到1920年11月15日，由阿爾巴特，柯茲指揮倫敦交響樂團演奏。

初演之際，霍爾斯特曾對一位來訪的記者詮釋樂曲道:「這首曲子確實富有行星的星象學意義，但是此曲並非標題音樂，與和行星同名的神祇也沒有關係，如果一定要找個什麼欣賞指引，只要把各曲的副題廣義的解釋就可以了，例如木星，一般的意義是快活，但是也可以和宗教或國家的慶典連接起來，表現歡欣鼓舞之情，相同，土星並不單意味著肉體的衰退，有時亦可看成憧憬成就之情，水星則為內心的表象。演奏所需的樂器甚多，是大管弦樂編制，有兩支交替的短笛、一支演奏低音的長笛、三支雙簧管、英國管、三支單簧管、低音單簧管、低音管，倍低音管、法國號、小喇叭、高音伸縮喇叭、低音伸縮喇叭、低音士巴號、高音士巴號、定音號、大鼓、小鼓、鐃鈸、鈴、三角鐵、鈴鼓、鐵琴、木琴、中國鑼、豎琴、管風琴等，「海王星」部份另加女聲合唱。

第一曲 - 火星，戰爭之神

由執拗不斷反覆的節奏和性格迴異的三個主題所展開的充滿豪邁活力的樂曲。弦樂、豎琴和定音鼓輕輕地打出節奏，低音管和法國號以低音奏出深邃幽遠的第一主題，漸漸加入美麗的色彩和複雜的情緒，進入最強奏。這時，響澈雲霄的有力的第二主題，像大軍的行進，由銅管樂器堂堂呈示。進入中段時，土巴號和小喇叭突然吹起勇敢活潑的第三主題，暗示戰事將起，接著，前要出現的動機和主題全都陸續露面，像是一場暗無天日的血鬥惡戰，最後在強烈的節奏連之中，像是巨炮轟出最後的巨響而告結束。

第二曲 - 金星，和平之神

金星是和平的使用者，因此樂曲的感受與前曲截然不同，它巧妙地配置了三個非常抒情優美的主題旋律，優雅安逸，法國號以外的銅管樂器都保緘默，而且各樂器大部份都是以弱音演奏。開始由獨奏法國號和木管奏出洋溢和平、自然、動人的第一主題，主題移到弦樂低音，豎琴溫柔地以和弦彩飾，法國號再吹出主題，大提琴也奏出美麗的分解和弦，樂曲變成行板，升F大調，四三拍子，獨奏小提琴輕輕歌唱民謠風的第二主題，反覆之後，曲子又轉為最緩板，降E大調，短小甘甜的第三主題由雙簧管奏出，不久，第一、二主題也再現，在和聲的波紋上，先是豎琴，再是鐘琴清澈地以琶音擴大波紋，最後於長笛和弦樂的持續高音中漸漸消失。

第三曲 - 水星，飛翔之神

水星是報信的使者，由像旋風迴舞的奇異動機和明朗歡悅的兩個主題構成，像輪旋曲般輕快，帶有幾分諧謔，宛如一首詼諧曲。先是旋風般奇俏的動機，急激巧妙地以降B大調和E大調交替，不久，鐘琴和木管幽默可愛地奏出第一主題，接著伴奏豎琴和弦樂一變為四二拍子，獨奏小提琴以C大調，八六拍子快活歌唱帶有幾分滑稽味的第二主題，最後兩主題順次再現，在第一主題變奏終結中，以E大調的和弦終了。

第四曲 - 木星，快樂之神

這是全曲中規模最大，也是最富於變化的一曲，四個主題都洋溢著歡樂愉悅的氣氛，由六支法國號擔任主要的角色。在快速的弦樂伴奏中，法國號吹出預示歡騰的第一主題，強勁地奔到最強奏後，通過一段經過部，以法國號為中心又吹出快活的第二主題，然後第一主題及經過部簡潔地再現，突然一變為四三拍子，不久法國號活潑地歌唱民族舞曲風的第三主題，歡喜洋洋，八分音符的跳躍像是咯咯大笑。當樂曲轉為嚴肅的行板，降E大調，四三拍子之後，嚴肅、民謠風，令人想起明朗愉快慶典的第四主題堂堂登場，這個主題很難得的不僅是一段的旋律，而且還有完整的樂式，後來霍爾斯特也將它改編成獨文的歌曲。曲子最後以急板，C大調的最強奏達到歡樂的顛峰，歡天喜地的結束。

第五曲 - 土星，老年之神

曲子將灰暗的二分音符和弦動機，和帶著濃愁的兩個主題，以變奏的方式結合，表現出老境的陰鬱蒼涼。在長笛的和弦動機中，低音大提琴以低音奏出憂鬱的第一主題，暗示老年的衰頹、銅管加的第二主題描述已入衰老之境。在和弦動機以最強奏變奏中，曲子轉為行板，二三拍子，弦樂以寬廣的幅度反覆第一主題，長笛和豎琴伴以纖細的琶音，不久風琴以踏瓣加入極長的持續音，鐘聲遠遠傳來，再共同輕輕消失。

第六曲 - 天王星，魔術之神

奇怪的動機和主題陸續登場，巧妙地運用管弦樂手法，蘊釀一個奇幻的魔術世界。一開始，銅管樂器像唸咒文一般前奏陰陽怪氣的動機，低音管以異樣的和弦，舞曲風的節奏動機嵌入其間，舞蹈進入高潮，低音管出現魔幻般的第一主題，其他樂器接過主題，接著法國號和弦樂強奏並發展有跳躍動機的第二主題。開頭的咒文動機又以變奏風出現後，銅管奏出富於節奏感的第三主題，在全管弦樂的大力鼎力助之下，最後急速的邁入快板，以緩板的結尾結束這充滿魔法的樂章。

第七曲 - 海王星，神秘之神

當時人們尚未發現冥王星，海王星像圍著輕紗，為最神祕幽遠的行星，曲子由兩個幽玄的主題，和幕後的女聲合唱交織，全曲奏以弱奏，給這首「行星組曲」帶來無限祕和幽幻的終結。由長笛先奏深遠不知底而又稍帶不安的第一主題，木管群加強音量，愈增其神祕感。中間部弦樂、豎琴、鐘琴奏出清純無邪的美麗旋律，不久傳來女聲合唱，單簧管奏出優雅的第二主題，更達至幽玄之境，長笛和女聲合唱再度美妙配合，當合唱三度出現，樂曲推入蒼茫無限的神祕宇宙，緩緩消失於大氣之中。

>>July 24, 2007 at 3:15:09 PM GMT+8

2007 年 7 月 21 日 星期六 【清涼】

21-22/7：戀與愛專題工作坊

呢兩日都番左教會參加「戀與愛專題工作坊」。
雖然係就係有點悶=v="不過有d野，的確有用既。
但整個工作坊都好似專For大學生=0="而且好似講到表白一定成功咁T_T"
對那八觀較有興趣=]認識自己更多！！

>>July 24, 2007 at 2:41:39 PM GMT+8

2007 年 7 月 17 日 星期二 【清涼】

2007年書展

今日同左Zoe，爬爬，Cherry去書展。真的很多人=0="
兜左勁大個圈先可以排隊入會場，唉！
不過唔知點解行得好充實，係Hall 1有好多出版社既攤位，好多書都好想買。
因為每個攤位，都有折=]特別係商務呀皇冠呀！真係超Good=V=''
係以琳書店同突破呢兩個攤位起碼兜左成半粒鐘以上，因為花左好長時間去決定買邊件衫XD
而Hall 2都有好多野睇=]好多動漫既碟XD！因為去完書展，已經冇錢錢去漫畫展，失望T_T"
由3點行到近8點，其實我未睇完架/口\不過因為約左Yahoo!拍賣既賣家8:30去到銅鑼灣交收...
下次要預多d時間行先！而且一定要儲定多d錢！要買多d書書書書！
今年買左3本書1件衫！另外睇中3本書想買，期待有錢去買黎睇=]

夜晚去左銅鑼灣時代廣場食飯+交收！
大家樂新既鐵板餐都唔好味既！今晚終於拎左小池既Poster=]


>>July 24, 2007 at 1:42:30 PM GMT+8

2007 年 7 月 14 日 星期六 【清涼】

咁多位，因為今年去Camp，實在太難忘，不得不用文字去記下。
雖然長過上年去Camp篇日記好多好多，但同時，我打兩日，已經花左成兩個幾鐘。
或者會好似太詳細，好無聊。但確實我打既野，係我既經歷，我既感受。
我唔知出年仲有冇機會去團契既Camp幫手，但我想係呢一刻，好好記低所發生既事。
人既記憶有限，如果唔用文字，相片去記下...終有一日，會咩都唔記得。

>>July 24, 2007 at 12:33:43 PM GMT+8

2007 年 7 月 13 日 星期五 【清涼】

Life@3G--第三日
女強仁要分別了......

尋晚喊得太耐，今朝起身個個都已經腫到想死/口\
今日唔知做咩=0="個個都唔願起身，叫左好多次先醒。
遲左去食早餐，不過因為太倦，唔夠10分鐘食完衝番入房再訓+收拾行李。
我拿拿臨收拾好，就去Hall夾歌=v="唉！人家尋日喊完，又開唔到聲...唔想唱唷！
最後一個活動，就係分享整個Camp既得著。完左簡單既破冰+敬拜，就各自分組lu！
當聽番每一個組員講係Camp入面既感受，得著=]好感動！想不到單單三日，主的愛已與他們同在。
亦聽到佢地對我呢個「所謂」組長既說話......感動到想喊啦T_T"
其實我都唔係好特別去推動佢地去分享，佢地都已經識得點將自己既感受出黎。
而且我係一d遊戲當中，我都只係做一個旁觀者提醒你地=]多謝你地聽我既意見，接納我！
之後再係我地張白布，畫上每個人既感受。真係好靚，你地好俾心機去畫。
連係眾人面前分享既，都係出於真實既感情。女強仁：勁呀！
而其他組既分享，雖然簡單，但我諗佢地都有好多得著。只係d男仔唔鍾意講出黎J！

最後午餐都完埋，係Hall影埋大合照就要走。有點唔捨得，因為唔知出年仲有冇機會黎幫手。
係就係倦，不過好開心。因為係個Camp入面，話就話做組長，但我自己都投入埋，好似一個組員一樣。
多謝組員們話我成熟=]其實我不嬲都係咁架...只係平時係學校扮下傻。
完左個Camp，希望你地係學校，唔再係陌路人。
我明白好難去令你地變到好朋友，但希望你地可以彼此Say Hi & Bye。
多謝女強仁既各組員係今次Camp咁投入。會考啦！各位努力=]願神祝福你地！
最後，要講一聲：多謝咖哩的協助=]多謝秀程付出咁多精神=]多謝職員老師的努力=]

2007 年 7 月 12 日 星期四 【清涼】

Life@3G--第二日
每個組員，背後都有著自己的故事

6點鐘...同房既中一妹妹：豆豆個手提既鬧鐘...6點嘈醒晒全間房既人=0="
仲要全部人都望住我，我雖然就近佢部手提，亦都講過7點起身...但依家6點ja/口\唔係我呀！
之後7點4起身洗頭，嘩！間房一開始超熱，訓左一訓凍到傻！食早餐，有粥麵腸仔火腿。
因為個個都好倦，想入房Hea陣，所以唔洗3個字食完衝番入房。

朝早既遊戲，簡直想死。總共有：「亞馬遜河」，「柱變不驚」，「加冕行動」，「過電網」，「扭計球」
先玩「亞馬遜河」，係用成組既鞋整條路出黎行。今次由阿影做Leader...
雖然一開始佢唔夠理後面既人多，不過之後當我叫慢d既時候，見到佢既改變。
真係除左減慢速度之外，更多有不斷問後面d組員得唔得。
我最深刻既係雞翼做最後，去到中斷，我怕佢一路拎鞋路行會跌，所以一直捉住佢隻手。
完左個活動佢同我講，我捉住佢隻手既時候，好有平安。依家先知，簡單一個動作，對方會好深刻。
最後「女強仁」以第一名再勝出，可以係上面中間既三項選一項黎玩先。
由於考慮到全部女仔，玩「加冕行動」實在太難，所以選「柱變不驚」。
其實未去呢個Camp之前，已經好擔心玩「柱變不驚」同埋「過電網」。
因為自己咁肥(我都唔想認架XD)，要人地抬我上去，會唔會好辛苦？會唔會人地心諗咁肥都玩？
先玩「柱變不驚」，由阿影做動，秀儀做尾。個營地教練知道我地成組都係女仔，好驚訝。
仲要唔信秀儀可以自己跳上去，再由其他組員拉佢上條柱。太過份~睇少女仔！\口/
對唔住呢Shirley+Meimei，下次我地會小心唔再咁大力，好似推你地落去。
到我自己玩既時候，辛苦晒Zoe+阿媚借出大脾俾我踩，組員既幫助，唔太難就坐左係條柱。
因為我同雞翼都要留係條柱上面，方面拉秀儀上去，所以坐係到果陣原來都唔係太驚。
最後連秀儀都過埋去之後，不過係條柱落番去果陣，都幾驚跌落去。
但我對組員有信心，所以好放心俾佢地抱住我落去。我地用左大約15分鐘就玩完，勁！
之後到玩「過電網」，欣賞組員唔會一諗到方法就開始玩。
反而提出不同既方法，逐個試完，決定左開頭+最後用咩方法玩，先正式開始。
到我自己玩既時候，第一次冇咩信心，所以差d就犯規。
但第二次，聽到雞翼大聲話放心訓落黎。就係呢一句說話，我冇後顧之憂。
最後開心地完結呢個遊戲。幫佢地買水，早知問佢拎個膠袋=0=一個人真係好難拎到5支水...
原本都話一個人買咁多支有點難，想搵人幫手，不過見佢地咁倦，所以我都唔想阻住佢地休息。
係冇諗過佢地會有咩反應既底下，當聽到佢地講辛苦晒既時候，好有滿足感。
因為時間多左，玩埋扭計波，唔知係咪佢地倦啦！所以呢個唔係玩得太好，多左少少爭執。

完左，番房De-Briefing。聽到佢地話除左扭計波之外，個個都好好玩。
而且欣賞每個遊戲都有唔同Leader，俾佢地多d嘗試。而且Zoe阿媚佢地都多左提出自己意見。
最深刻係，Shirley同Meimei既叫聲，連係遠處既阿滔都聽到=0="真係高音。
過左導師房沖完個涼，就食Lunch。之後就準備玩模擬人生--The Sims。真係好想玩呀/口\
預備好一切，再同同學簡介完，就正式開始玩。
我負責大學既工作，因為一開始由BB玩起，所以有排都未到大學。
佢地讀幼稚園，要接十架飛機or十粒星星，因為無聊=v=
以工作人員身份，得閒收下佢地接左既飛機，再俾張紙佢接過，再將收左既飛機送俾人。Keke
之後過左一段時間，越黎越多人讀到大學。讀完d人仲不斷做醫生呀社工呀！
做醫生，只要講五種癌症就做到，太簡單。所以去到後期，我轉為問講五種由病毒引起既病。
再到後期，我轉為問講五間香港既醫院...原來依家既學生，好難先數得出香港有咩醫院。
因為時間唔夠，所以The Sims最搞笑既結婚，都係得一對，就係Meimei+洪興社既某人。
笑死我！阿滔狂玩野，真係做足基督教行婚禮既情形。
一開始以為d同學會對呢個遊戲感到無聊，原來又係我太擔心，唔相信神的工作。
係就係由某幾個唔投入呢個game，但好多都好積極去玩，好認真去答問題。
最搞笑係，有d人做Model做足十三年=0="有d人投資，去到十幾萬，百幾萬。
The Sims俾佢地經歷下人生既事，其實有時，人生真係可以好開心去過，睇下你抱住咩心態。

之後清理好場地，番房拎琴譜，就番去Hall到練。
先有一個短既敬拜=0=係冇歌詞底下，唱錯晒！不過神唔介意既=]夾左一陣琴，就番房休息下。
Dinner之後，趕緊夾多幾次歌，因為真係有點擔心。破冰，家敏帶，我扮野唔玩，去幫手帶=v=
到敬拜，先唱「頌讚你Hallelujah」。提出左一d教會常做既動作，終於用啦XD
雖然最後呢首歌變到有點玩野，不過好彩佢地都投入，跟住到「一首讚美的詩歌」。
還是令佢地最深刻既，係「讓我高飛」。始終每次聽，都有唔同既感受。
「讓我高飛 高高的遠飛 不惜翅翼斷 不安於低地 遠飛不知的那方向 總比平庸值得」
晚會，見證分享好用心去聽。雖然經歷既事我大部分都冇試過，但好感動。
講道，真係對唔住=0="我真係好倦，不過都係烚左好短時間J！
突然俾黃會吏請求，唱「全因為你」。嘩！我係就係識彈，但同佢未夾過，好驚wo/口\
好彩最後都算順利彈完，雖然佢冇做手勢，但我都係佢講首歌既句子而知佢要唱邊到。
未分享之前，已經見到Zoe同阿媚喊......死Lor=''=一見到人喊，我就想喊埋一份。
到分享，阿媚講既時候，已經開始忍唔到。到Zoe，越講我就越喊。
其實首先喊既原因，唔係因為自己都有同佢發生同樣既事。而係我自己後悔先喊...
因為我之前一直知Zoe既事，但我冇為過佢祈禱，冇祝福過佢...果一刻真係好後悔。Sry...Zoe
之後Shirley...雞翼...阿影...秀儀...MeiMei，逐個逐個分享自己既事。
一方面為到佢地原來係人地面前好似好堅強，原來背後一直都有自己既辛苦地方。
每個組員，背後都有著一個故事，有些...甚至連最好既朋友，都未曾分享過。
另一方面，好欣賞佢地既坦白。我真係冇諗過，之前係學校一直都唔太Friend...
就算依家同組，都只係相處左一日多d，就可以冇顧忌地將自己既事講出黎。
好多組員，起初都冇喊，但聽到人地既事既時候，我相信好似組規其中一條：心連心。
我以前，一直以為MeiMei呀！Shirley呀！生活好開心，但今日之後，我對佢地認識更深。
不斷喊，導致紙巾超級唔夠用，要周圍問人借=]分享過程，欣賞秀儀。
因為雖然佢分享既事，好似好唔開心，但為左令到成組氣氛唔好咁傷心，分享既時候不忘搞下笑。
那一句：你唔係玩野下？真係好深刻呢！全組個個都記晒入腦。
傾傾下，因為時間關係，番左房傾。我將自己屋企，學業毫無保留講出黎，舒服晒。
今晚，每一個組員，甚至咖哩+我，都有流淚。那一刻的感覺，好Warm。
係房到，豆豆果組分享完番黎間房，諗左好耐先決定吹頭...不過因為嘈左少少...
所以我地叫佢不如一陣先吹....搞到佢好Down tim。不過佢都有一齊聽我地分享，一齊鼓掌。

分享完，趕住去導師房De-Briefing，因為我地原本要11點去到......但我地傾完都成11點半//
嘩！隻眼真係腫晒！好倦呀！好痛呀！好眼訓呀！捱左一陣，就開始開會。
對唔住呢秀程，我都知一開始我太擔心呢組......要你費神左咁耐。好彩最後都好團結。
完左De-Briefing之後，沖完涼，就過左家敏間秀傾計。
原本得兩個人，之後突然多左倩恆Winson秀程=v=係到狂爆秀程d秘密XD
傾完都成一點幾，就番房。入自己房之前，不忘去Winson果組間房(6B)嚇佢地...
因為今日下午諗住過佢地間房拎d野，點知一入去，就見到更多男仔冇著上衫=0=
本身我都覺得冇咩問題，但之後就搞笑.....個個男仔都拎張被遮住自己，唔洗咁怕羞呀...
之後就番自己間房，Hea住陣，同咖哩+秀儀佢地傾左陣計。
阿聲就入黎嘈住晒XD！最搞笑係，同佢咖哩倩恆影相時，佢眼神極度恐怖。
最後差唔多兩點半就訓LU，好倦呢！希望聽日唔好太腫啦對眼......

「讓我高飛」

主 讓我心有夢想 無邊黑夜裡遠看著星河
年青光陰未保留 從來未甘奔波終一生
如果你讓我選取 寧冒險經過 不希罕安定
讓我為你使命立大志 為你棄掉所有

*讓我高飛 高高的遠飛
不惜翅翼斷 不安於低地
遠飛不知的那方向 總比平庸值得
讓我高飛 造夢裡歡呼讚頌 看見你張開雙手
縱世間再沒有造夢者 仍要一生振翅 *

主 讓我心有夢想 無邊黑夜裡遠看著星河
從此甘心被你使用 願為你擺上求盡我一生
深願你為我選取 前行的路徑 為理想飛奔
主我為你使命立大志 讓我獻盡所有 (*)

或會再沒有造夢者 仍要這生振翅

>>July 18, 2007 at 4:02:52 PM GMT+8

2007 年 7 月 11 日 星期三 【清涼】

Life@3G--第一日
耶穌說：「在人所不能的事，在神卻能。」(路 18:27)


花左咁多時間去預備既Camp，今日終於到。有點點緊張，因為不竟今次係第一次帶組。
11點番到青彼Briefing，夾下歌，d學生就到齊。開始見到我自己果組既組員/口\好擔心呀！
先黎兩個破冰，雖然有d學生唔太明白點玩，不過聽到佢地既笑聲，就知個遊戲令佢地幾開心。
敬拜我司琴，有少少彈錯，但仍Ok。雖然我偷偷地見到有d係到玩，係到笑，不過仍有認真的一群。
分組啦分組啦！嘩！一讀到我果組有咩人，見到Zoe佢地冇晒反應=0="嚇親佢地？
到坐埋一齊既時候，個個都好靜。我同咖哩不斷推佢地講多d野......氣氛唔太好tim！
今年同上年有d唔同，就係會有一塊白布俾我地畫組名組規圖案感受等等。
感恩呢份白布可以推動佢地之間有交流。見佢地好花心機時間畫組名組規，好感動...因為真係好靚。
而且見到白布上有九個女仔圖案，每一個唔多唔少反應左佢地心入面諗既野...
最後我地呢組叫「女強仁」，組員包括我~咖哩~Shirley~秀儀~MeiMei~影~Zoe~阿媚~雞翼。
到Present既時候，Shirley做leader，不斷諗好多動作，雖然做得唔齊，不過好搞笑。
「女」戰屢勝，「強」人是你，「仁」者無敵。
組規：1)愛 2)準時 3)愛人如己 4)投入每分鐘 5)尊重別人而死 6)一個也都不能少 7)用心聽聽別人意見
其餘三組分別係：「呂明特功隊」，「大小通吃」(到底個組名有冇嗒左你架？)，「洪興社」

好！出發了！今次團契福音Camp地點：香港浸信會聯會浸會園。
係旅遊巴，先有Bingo，再有爛Gag既IQ題=0="不過架車熱到我冇心機玩+聽。
之後去到營地，哦！我終於認到呢到係邊到啦！唔知小四定小五黎過~~有點掛念！
聽完營地既職員Briefing，就分房。嘩！成班學生連住四間房.....夠晒關係密切=v="
唉！未黎之前已經知要10個女仔一間房，黎到望見間房...好細間/口\
5張雙格床，兩個廁所，其餘剩番小量空間。而且雙格床...爬上去感覺好唔安全。
好！放低行李，就去空地玩水管轉球+搬水桶。先係一個水管轉球...嘩！
雖然佢地一開始唔太熟點玩，但係玩多幾次，佢地就好合作。
最後我地以34秒大勝其餘3組.....好開心唷！第一個遊戲係就係少左點提出意見，但仍好落力玩。
接著搬水桶，記得之前係青彼玩，玩左成粒鐘都搬唔到...雖然果陣玩拎繩既朦眼...
今次就易左，將朦眼轉為唔俾出聲。見佢地一開始不斷嘗試提出意見，有d有用，有d冇用。
我冇得玩，就多左係旁邊提醒+支持佢地。起初以為佢地會唔點理，點知原來呢d支持有用bor！
花左一段時間，失敗左一次，氣餒左一次。最後努力成功玩完，太勁啦=]
De-Briefing既時候，拎繩既組員講番原來冇得出聲好辛苦，又唔可以表達意見，只可以聽。
做Leader既就話驚唔可以出聲既組員心入面會唔鍾意佢地扮大佬，唔開心。
欣賞佢地樂於分享自己心入面既感受，而且雞翼Shirley秀儀阿媚Zoe呢五個唔可以出聲既組員...
可以放低自己心入面既意見，認真地實行Meimei阿影提出既意見。
而欣賞Meimei不斷提出不同意見，而阿影就不斷將意見改善得更好。勁呀勁呀！

跟住就Dinner，笑死我！用番上年阿滔施予用既方法，舉拇指黎推動一齊作謝飯禱。
仲要數1~2~3黎搶食，俾其他人笑我地女仔都咁「狼死」。Wakkakak！
接著就到今晚既重頭戲：「獨行之夜」。去視察獨行場地唔夠5分鐘，已經俾蚊咬左勁多粒=0="
「女強仁」d組員，未行已經驚=v="我都好想試下玩唷！試下有咩感受...
首先「蒙眼行」，所有同學搭住膊頭周圍行。唉！叫極佢地唔好出聲仲要係咁出聲......
之後開始就到我地職員辛苦啦！就係「蒙眼生命線」，先捉住條線去斜路既樹林間行...
再由職員拖住佢地去行去露天廣場....真係好好笑！佢地最後係樹林行完既時候有欄杆~
跟住佢地自己黎跨過去，佢地抱住半信半疑黎跨過去，好搞笑XD！
最深刻係有幾個同學，先係阿東...聽到佢撞到棵樹，之後仲要話「點解我阿媽生得我咁高」。
我拖住佢去既時候，不斷拖佢撞埋落d樹葉=v=Zoe雞翼太大膽啦！都唔好玩既！
之後到Benny，佢個眼罩移左位，我幫佢整番好=0="佢好似好驚咁...唔通怕羞XD？
Shirley勁驚.....捉到我隻手超實。死人阿聲仲要搶住拖佢！嘩！俾佢拖...仲唔嚇死佢？
不過行上行落，就快倦死！仲要狂俾蚊咬=0="成廿幾粒啦(應該作大左少少)
最後就叫佢地係露天廣場蒙住眼搵番自己組d組員，我地「女強仁」真係超快lor！
整晚夜行，其實我做幫手，都幾好玩。不過最火就係d中一自己開眼，鬧佢地當我死既\口/

完左活動番房De-Briefing，佢地有d講番好驚，有d覺得好輕鬆。
點都好，欣賞佢地好積極玩呢個遊戲。而且俾佢地經歷左失明人事既感受。
最好笑既係，De-Briefing既期間，張漢均入黎搵我唔知拎d咩，我開門，佢話：我想搵潘逸知
救命呀=0="我都開門俾你啦！你望住我都仲可以話要搵我，俾d組員笑左好耐...
完左肚餓，沖左個杯麵黎食，點知成間房差唔多個個帶杯麵唔帶食具。
最後要問隔離房既男也借，一隻俾足幾個人黎用。呵呵！
之後去左導師既家庭營沖涼+De-Briefing，嘩！間房大到3張梳化4間房5個廁所...多到老師都所唔晒。
沖左個靚涼，休息左一陣就檢討番今日既事。原來4組之中，我呢組已經好團結=0=''
而且比我想像中，「女強仁」呢組真係好好。
雖然係就係一開始d人唔太俾意見，但依家越黎越願意聽人意見，提出意見。
辛苦晒倩恆同埋阿聲佢地啦！果兩組係難搞點，努力=v="
開完會好眼訓，傾左陣計，Hea左陣，點幾就訓Lu！晚安啦！

>>July 16, 2007 at 2:19:39 PM GMT+8

2007 年 7 月 10 日 星期二 【清涼】

。2006-2007年度結業禮。

直至中五，今次係最後一次結業禮。完完今次，我升唔到中六既話，再冇機會參加結業禮。
朝早結業崇拜既時候，當唱到「我的驕傲」，不期待望住台上既十架+Banner。
四年，有太多回憶。縱然當中包含唔開心既地方，但喜樂卻常有。
由小六知道升上呂明才，其實冇咩不滿。因為我填升中派位份表，頭5間都係基督教or天主教。
而對於成績不太好既我，係呢間學校會得到一點滿足感。
結業禮正式開始，好多頒獎。Oh！今年咁努力做班會主席都冇得拎獎/口\keke！
不過拎到一個，就係「中四級中文科全級第一」，超大滿足感。會考要靠中文啦！！
完左之後番課室，趕緊叫同學簽埋張Thank you Card俾Miss Wong。再同好友影下相...
Lawrence+Miss Wong上黎派成績表，獎狀，禮物。
拎番兩張校際朗誦及音樂節既證書+一份班主任送俾我呢個做得唔知好唔好既班會主席。
到派成績表，OH！整體退步了...由全班第7名退至第10名，平均分退左4點幾分/口\
暑假要努力點操，如果唔係會考就唔夠時間溫書。。。
接著我+Walter代表全班送左隻CD+Thanks You Card俾Miss Wong，願她在新工作上得著更大喜樂
最後，我地全班落左Hall影大合照來結束中四課程。
話咁快又完左一年，今年比以前感覺過得好快，好多時間都好似Hea住過...不過係開心的。

太多回憶，太多事，就算唔開心，我都唔想忘記。重點事件：
1)旅行日：去了赤柱，雖然唔多人去，不過無論玩集體遊戲定係車上，都好多爛gag。
2)Singing Con：唱了「We are the world」，抱住強迫既心態帶領全班上台唱。
最後入到決賽就輸左，不過係一個好好既經歷，加強左自己領導能力。
3)Christmas Party：第一年咁多老師拎朱古力上黎請我地食，好感動T_T"
4)四六盃：足球以第一名勝出，籃球以第二名勝出，排球沒有名次。
好認真去練習，去比賽，去打氣。縱然有輸有贏，但過程好享受。
5)Fashion Show：雖然唔係全班參與，但以全班名義參與。輸了，得不到獎，但盡了很大的努力。
或者真係整得唔靚，真係行Catwalk行得唔好，但冇同學責怪我們。

其實我真係幾鍾意4S1，以一個樂觀既角度睇呢班。
雖然唔係太積極參與活動，但當要付出，仍有一群人願意。
而且每項比賽，輸左，冇人責怪任何人。加上我鍾意佢地d爛到唔可以再爛既Gag。
某些同學，都有唔同感受，等我係日記留下這些Feeling。


Donald Chan：雖然一開始同你唔熟，但你好樂於認識我地每個人。係Chem Lab同你坐，真係多笑話出。
Walter Chan：呢一年辛苦你！大家都係班會主席，但成日都要你代替我做d我唔想做既野。你d Gag真係越黎越爛。
陳偉樂：=0="唉！都唔明你點解成日俾人蝦都唔叫唔好，下次要大叫：唔好呀！知冇？
鄭強：唔係我想話你變態，因為你的確如此XD！算吧！你變態既形象已深入民心。
Gigi：次次你做錯野，上堂果陣望過黎我真啤住你！唔好咁情緒化啦你！
天台：財政...辛苦你成日俾我點！雖然你係咪都串左我先，不過知你OK為得人既。
Hong Hong：差唔多年幾都處於誤會你既狀態，最後解決左，可以做番朋友太好了。
LokTinChu：真係好欣賞你畫既畫，或者你覺得唔靚，但對我黎講，你畫畫既風格好特別。
Dick：雖然唔算同你講好多野，不過講真，每次望到你，都令我諗起你著童軍服個Look！
Sam Hui：你d爛Gag...一年比一年爛。唔聲唔聲，次次都俾你考得好過我/口\
高進：花心人XD！大家都係1B出身，不過冇同你兩年同班，已經少左好多野講。
爬爬：雖然你係咪都串左我先，不過叫你幫手果陣，有時你都算係個好人既。
Bee：俾你話我升唔到中六\口/我就要升俾你睇！不過都多謝你成日教我做數既。
Edmund：呢一年黎，無論係團契/平常都多左野傾。多謝你經常冇怨言幫我買飯=]
Kai東：我依家先知Kai東呢個名點黎=0="中一對你認識唔多，但依家可以再同班真好。
吳泉：係就係今年係第三年同班，不過今年真係唔太多同你傾計。
Michael：雖然你有時煩左點點，不過欣賞你會落力為自己班呢種心態。
威少：搞笑高手XD！今年同班太好=]雖然你開口都會係搞緊笑，玩緊，不過令旁邊既人開心。
Allison：今年，我的確少左同你傾計，但幸好我地友誼冇變。你，仍然我係我好朋友。
Kathy：第四年同班......雖然我地兩個有幾次都鬧交，不過好彩，第二日仍舊一齊有講有笑。
Mandy：第二個學期同你坐，你成日傻下傻下，好可愛XD！出年唔好訓咁多啦！
Zoe：四六盃Fashion Show有你幫手，太好了。我樂於聽你的分享，我樂於與你一起哭。
Stella：辛苦晒你今年幫手整Board，同你一齊補習，好開心=]
Cherry：TBB，吹BB！呢句野真係好好笑=]最深刻既回憶，就係四六盃。一齊喊，真係好難得。
Curry：雖然我地兩個傾計既真係好少，不過依家知道你唔係我想像中難相處既人。
Winki：今年終於可以再一齊上堂。俾d信心自己，你付出過努力既，就唔好睇死自己唔得。

「告別校園時」
一天一天的我在期待放學 一轉眼卻要告別校園
一張一張的快樂同學笑臉 粉筆似的消失不再遇見

終於終於不懂得老師所講 祇知道 此刻想多聽一遍
終於終於不需要再管積分 祇恐怕 更多的考試未見

這校園 這班房 這走廊 這禮堂
告別時 是我心的家鄉
到未來 那一方 人飄泊 路茫茫
仍然在這裡找到一點點光 *

# OOh... 曾同遇上 今孤身走遠方 誰願這樣
OOh... 昂然踏上 雖分開走遠方 明晨能共創 #

2007 年 7 月 9 日 星期一 【清涼】

與過往不同的成果匯演

成果匯演...突然有點唔習慣。過往3年都可以係課室Stand By演Drama...
係就係今年都可以，不過唔係為左Drama Club，係為左Eng Club既Eng Drama。
確實鍾意用中文做戲過於英文，爆唔到肚，搞唔到爛Gag，唔夠好玩。
一朝早8點又番到學校排戲，為到今日既表演做最後準備。
簡單唔洗7分鐘完晒成套劇，套劇關於一隻玩野天使幫兩個小朋友變左大人既故事...
入面個玩野天使就係我=v="不過今日做得一d都唔放，因為讀錯英文全校老師都知/口\
再到頒獎，竟然拎左個英文作文比賽亞軍=v=出乎意料！獎品=一個File，一本簿，一支筆
今日終於可以係成果匯演睇下Choir既演出，嘩！做咩得番咁少人呀=0="又錯拍子...唉！
到Drama Club，套劇叫「工主」，意思係咩都係唔打出黎=''=免得解錯。
不過套劇真係好搞笑=]雖然因為燈光or走位而多左好多爆肚，不過一d都唔奇怪。
而且南哥+阿琦比以前放左超多，特別係南哥=v=d尖叫聲真係好搞笑KEKE！
呢次呢套既喜劇，阿琦你做得好好架啦>v<呂明才出產搞笑既喜劇。
你聽唔到今日全場好多笑聲？掌聲咩？俾多d信心自己啦！你地今日真係GOOD SHOW！
我最鍾意係完場出黎謝幕，好有新意。最後d演員出晒黎果陣，真係好似一張相。

放學等Winki等左成個幾鐘，腳都斷=v="食完Lunch就過走屯市買野。
一路行一路搞爛Gag，笑死人！Winki仔！你做左新一代爛Gag王啦=]

Ar！今日係Miss Sin手上拎番「學界野生植物攝影比賽」張證書，又真係幾靚Bor！

最後係屯市+良景總共買左「去Camp三寶」：止汗劑，太陽油，蚊怕水。

夜晚仲落左去樓下拎番係Yahoo!拍賣左既「WaT：卒業TIME～僕らのはじまり～」


>>July 10, 2007 at 12:44:20 PM GMT+8

2007 年 7 月 8 日 星期日 【清涼】

Fashion Show：森-THINK SPECIAL

試後活動真辛苦過考試/口\我就快疲勞過度而死。
由於星期六至星期日都係忙於整Fashion Show件衫...so夾埋一篇打吧！
之前去了Michael屋企整衫，趕功趕功，慢慢見到件衫有個樣出黎，其實都幾滿足。
講番今日既Show，7點要番到學校，想死唷=0=""好彩大家都好準時。
係Rm504要即刻俾Model換完衫，再縫衫，再化妝，再畫花紋，真係好忙碌。
出Show前先落縫紉室俾一個製作花，開始見到其代班既設計，頹左。
到咩都搞掂野，Model都落埋202室預備，我同Zoe就係四樓Hall睇表演。
低Form......好多現成貨=0="不過好搞笑...佢地行Cat Walk既動作好引人笑。
到高Form，見到好多班，好多都整得好靚/口\對自己果件冇晒信心。
到4S1果陣，Kathy同天台都比練習果陣行得好左，雖然Kathy心口隻蝴蝶整得唔太OK。
不過其實背後隻蝴蝶我好俾心機整>"<而且男仔果件用AA膠黏得好辛苦。
幸好都冇係Cat Walk到跌左，證明手工都未算咁差XD！
最後，輸左。不過其實結果都預左，但今年呢兩套衫，比前年整果套，已經靚左好多>v<
算吧！盡力而為了.....雖然有少少唔開心，不過見到最後都係有兩套完成品，滿足了。
P.S：今日真係辛苦晒Kathy~天台~雞翼~Walter~Zoe~Micmic。以及鳴謝Miss Wong的幫助。

講番今日個Fashion Show，學生會預備套有關泰出套劇既半音樂劇，d音樂+舞蹈都做得好好。
仲記得前兩年個水之革命，佈景好簡單。今次個佈景真係整左間樹屋 & 一堆森林既佈置。
最鍾意今日套劇入面既「白色巨塔」，好搞Gag！XD~~而且佢地d舞跳得幾好。
忙埋聽日既成果匯演套Eng Drama，算係學校既野忙晒。

TB LING：HAPPY BIRTHDAY！祝你越黎越靚「仔」！