2007 年 11 月 19 日 星期一 【微冷】

帶有遺憾地完結Sports Day

話咁快就到左最後一日既Sports Day。
完埋今日，就唔知再有冇機會以LMC學生身份參加Sports Day踏足元朗大球場。
一朝早又開始工作人員既工作，今日係1500m~400m~100m~再到四社4x400m接力，就倦死。
召集完1500m，太得閒。因為有男女既甲乙丙組要逐組跑，超費時。
所以行左過去睇男甲標槍，好刺激=v=因為有d飛到支槍好遠，有d就360度旋轉。
第一次見到阿聲咁認真個樣，雖然輸左，不過飛支槍出去果刻都幾型XD
之後周圍行去唔同既起點工作，不過可以咁近距離睇佢地跑，都未嘗唔係一件好事。
開始feel到臉紅眼紅。臉紅係因為曬得太耐，眼紅就應該係尋日唔小心用手指整爆左微絲血管。
Lunch前最後既工作，四社4x400接力。見到d社長搵人跑搵得好辛苦，周圍尋找社員。
綠社好落力咁跑，倦死佢地lor/口\有d社人都搵唔切，出唔到隊比賽真可憐。

Lunch同Kathy+Cherry去番尋日果到食飯，果陣隻左眼已經好似爆血咁紅=''=好恐怖好驚。
番到黎排隊果陣，可憐的5S1，差唔多班班都有將歡樂跑既通告交俾學生會...
只有幾班，包括我地既班主任自己Keep住d通告而冇交俾學生會，唉！
證明我地有參加歡樂跑既笑哈哈襟章都因為冇交通告而冇，唉唉唉！算數...
到最緊張既比賽+活動，四社4x100接力，師生接力，Prefect接力，歡樂跑。
見到綠社係女丙男丙都拎到冠軍，恭喜=]
之後師生接力，綠社好勁=v=d老師x同學跑得超快，鄧Sir最後衝刺睇到全場都好High。

最後歡樂跑，諗住跑前影張相，可惜李Sir唔俾，要完左先可以影。
雖然之前大約有三十多人係我叫之下會參加，不過最後都應該得番廿多人。
唉！歡樂跑...班主任可以少左一個，都唔知Lawrence仲咩唔番。
第一次跑800m，真係倦死了，仲要冇做熱身就跑，唔抽筋算好。
帶住笑容去跑歡樂跑，原本諗住係一個Happy & Touching Running，可惜變左Unhappy Running。
5S1跑到大約600m果陣，就打橫一齊跑，可惜我追唔切，係後面跟住佢地。
不過都幾感動佢地會聽Walter建議打橫咁跑，好齊心。但絕對唔包括Ms Chan。
佢由始至終都冇同我地一齊跑，只係自己顧自己跑，完全唔覺得佢係我地既班主任。
最後等影大合照既時候，有種心痛既感覺。
因為見到5C~5A~4C等呢d班別，可以同班主任一齊慢慢咁拖住手掂住膊頭咁跑，好團結。
最後影相果陣特登拉埋謝Sir同伍Sir，因為我地都覺得佢地真係有真心地關心我地班。

之後散band上番看台，嘩！塊面同隻眼都一樣咁紅，好鬼恐怖。
而且太耐冇做運動，個心跳得好快=''=就快暈咁。好彩閉幕禮咁晒耐，可以散緊d紅。
太倦啦！連即將註校既青彼會吏分享我都半烚半聽，有d可惜。
最後頒獎，雖然綠社又係最低分，不過見到已經追到其他社既分=]因為有新一輩努力緊。
啦啦隊+最佳佈置獎綠社都冇份，年年啦啦隊d獎都好似頒俾某兩個社，唉！
今年閉幕禮校長竟然講咁少野，太好啦=v="或者佢知道自己講野悶keke！
順帶一提，希望尋日受傷果個女仔，快d好番啦！

最後等分社放既時候，聽日袁sir講邊d班個班主任希望d同學留低影班相既時候...
我不知幾希望聽到5S1...可惜我只聽到5A...4S1...4S2...4C...一直都等唔到。
正當放左大約一至兩個社走既時候，聽到袁Sir叫5S1既同學係7號閘等，我不知幾開心。
點知落到去，發覺叫5S1留低既並非Ms Chan，而係Walter+爬爬。
真係超Down lor！問佢地Ms Chan去左邊，原來佢比我地更早走佬，那呢位算咩班主任？
仲要冇人有帶相機，我周圍問人借都冇，d高Form又講好多藉口唔幫手...
Miss Tang又同5A影緊班相唔得閒..........d老師又冇，果陣真係無助到想喊Lor/口\
好彩最後4S1既同學願意借出相機一用，真係萬分感謝佢地既幫忙。
影左一張唔齊同學，連兩位班主任都唔齊既班相，就散Band。
亦要多謝Walter+爬爬提出影班相呢個建議，亦感謝Wallence同袁Sir講留低d同學。

一個唔完美既Sports Day，充滿住不滿既心情就完結。

第五年中學生活，未試過班主任會咁樣唔理我地。
一開始歡樂跑已經對Ms Chan超不滿，咩唔全班去跑佢就唔跑！
佢有冇諗過我既感受？我好辛苦逐個問先叫到三十多人話肯參加...
你一句話唔齊人唔跑，算什麼意思？只顧自己......
跟住到Walter提出諗住用咩方法去跑歡樂跑，你又不斷Band佢意見。
根本就大部分都唔係真係跑，係希望成班or一班人去團結地咁跑！
好！你話阻住人，咁我地咪跑最後，盡力唔阻住人lor！
你又話點解5S1要跑最後，我唔覺得有咩問題，歡樂跑唔係用黎鬥架！
跟住又話如果係行既，咁就全班都唔好落場。
我覺得可以一齊去慢行一齊去完成係件開心事，只要我地唔阻人就冇問題，點解係要唔批准？
依家簡直覺得我地5S1係一班冇班主任既班別，好失望。我好羨慕5C...5A佢地，可以咁團結。
就算我地班未必真係做到佢地全班一齊參與所有活動，都希望班主任會支持，可惜冇。


見到自己班既同學打既日記，好感動。
雖然佢地好注重學業，但仍有關心自己班。
我冇後悔當初要入S1班，雖然唔係真係咁團結...但仍有當中既優點。
上年Miss Wong有幾關心我地班，我地知道。
點解今年要轉左班主任...呢個將會係一個超大既遺憾。

P.S：感激每一位有支持過自己班，跑班際接力，以及參加左歡樂跑既5S1同學。
雖然我地班並非完美，但真心的：I LOVE 5S1。

Sports Day正式完結，我好想可以出年繼續以呂明才學生身份參加Sports Day。
好想可以繼續同呢班同學一齊，好想全班一齊升上中六...超唔想就咁完結中學生涯。
努力...努力面對會考，盡最大能力爭取呂明才既中六學位。

>>November 21, 2007 at 5:05:04 AM GMT+8

2007 年 11 月 18 日 星期日 【微冷】

或許是最後一年的Sports Day

雖然5S1不是運動最好的一班，但我相信5S1是已盡住力的一班。
就像今年班飾物寫著：Try Our Best！縱使不是The Best，但我們會盡力完成每一項賽事。

或許是最後一年的Sports Day正式開始。抱住一個比以往更興奮既心情去面對。
開幕禮，肅立地看升國旗，認真地祈禱，用心去聽去唱校歌，不斷地駁校長的訓勉等...
因為我唔知道出年，我仲有冇可能係元朗大球場既看台參加開幕禮.....
完左後，就正式開始第一年參加工作人員既工作。
一d都唔好做，企足兩日，行足全場，腳痛超曬中暑。
今年做「召集」，即d運動員跑任何徑賽，包括個人+接力都係我地點名...T_T"好倦。
先走3000m，再走200m，跟住到100m，之後好似係400m，最後就係班際，倦死。
Lunch前去左參加今年唯一一項既活動「女子甲組擲鐵餅」，成年都冇練過差差差！
10個參加，Out左3個唔合格既，點知到決賽，黎左個遲來的F.7T_T"
一黎就過晒所有人，好傷心唷！努力擲擲擲，最後好似都係得第四/五名。
俾那位遲來的F.7，Zoe+Allison追過了。有一點點可惜，最後一年冇獎牌「送終」XD
Lunch同K.C+Carol+Cherry去左運動場隔離既餐廳，近近地唔洗行咁遠。
而且d野食又唔算太貴，個甜品奶布甸仲要好好味=v=

下午既比賽再開始，最激烈的就是班際4x100比賽。
好深刻既一年，中三接力賽不知什麼事有一個女仔係大約200米起點傷左...
嚴重到要Call白車送走佢，最後確認骨裂，影響到下一隊的中四中六接力賽，悶到訓晒係跑道。
其實都幾感動，成個起點區企滿中四以上既班別，仲要一完左衝出去終點支持佢地。
其實一直都唔俾咁樣衝出跑道，不過老師可能都唔理，當係留番個好既紀錄俾我地。

到中五中七接力賽，好緊張。感謝某部分同學著住班衫支持自己班。
今年我地5S1可算係多災多難lor！Walter發燒唔舒服早退，Stella腳痛...
見到Allison緊張到眼濕濕，雖然一來擔心佢壓力大，但二來多謝佢咁睇重呢個比賽。
最後開始跑，不斷大喊「5S1~加油呀！跑快d呀！」雖然看到自己班落後，仍不甘放棄支持聲..
到第三棒，已經大部分中五班級衝晒出去終點果」......
Sorry呢Cherry=''=我真係俾佢地阻到你跑成點都唔知唷！
見到一直落後，但Honghong仍盡全力跑得超快咁衝去終點。
雖然真係最後一名，真係有一點點失望+可惜。
但見到4位跑接力既朋友，盡晒力咁去幫5S1比賽，好感動的。
見到你地掛住我縫既公仔，更加感動XD亦要多謝你地每一個落到跑道附近，後台上支持既同學
辛苦晒4位跑接力既同學們：1)Allison 2)天台 3)Cherry 4)Honghong
影了一張唔齊人既相，就番上綠社看台，等散Band。
果陣，其實真係有落淚，因為我看不出兩位班主任有大力支持跑接力的同學。
而且又輸了，Ms Chan同Lawrence冇安慰佢地，更加唔開心。
完了第一日既活動歸家。曬到臉紅眼紅地，倦到7點訓，第二朝6點起身。

>>November 20, 2007 at 11:34:30 AM GMT+8

2007 年 11 月 17 日 星期六 【微冷】

Sports Day班飾物製作日

後補

>>November 19, 2007 at 10:48:56 PM GMT+8

2007 年 11 月 16 日 星期五 【微冷】

天作之組BBQ記

>>January 1, 2008 at 5:56:11 AM GMT+8

2007 年 11 月 7 日 星期三 【微冷】

7級琴試

呢三日補番一半以前練唔夠既時間，倦死了。
未試過練琴練到成零晨兩點幾T_T"
終於到考琴試既呢一日，番到學校上左四堂就走佬。
吃完一個難食的Lunch，再練左陣琴就搭車出青衣考。
下次真係唔好叫Miss報荃灣區=''=我真係未考就先因搭車而嘔架啦！
搭完巴士再轉搭小巴，總共一個鐘半小時，一上車就想嘔T_T"
祈禱祈禱再祈禱，最後訓著埋。幸好知醒落車~~
去到青衣，仲有成半個鐘，係公園Hea住黎溫oral/口\
之後入到琴行，好靜......冇幾耐就到我考。一個女人考官，好好笑容。
先彈3首考試歌，第1首原本好地地，係唱左少少音。
點知第2首就開始錯多左，搞到好緊張，連第3首都影響埋。
之後彈Scales，錯到七彩=''=連考官都冇晒Mood啦！
考Sight-reading果陣，考官唔知係唔係因為我之前彈得唔好，俾多左時間我預備...
彈左幾粒音，睇左份譜陣，再彈多半首佢先叫我正式彈，未試過有咁多時間預備。
好彩呢首譜唔算太難彈，我諗都有唔錯既分數既。
最後Oral呢一part，頭3Part都半衰。
跟住既聽一首歌問問題，同雞翼提醒過我既野一樣=v=我諗都會唔錯既。

考完啦！雖然真係考得唔好，不過要過去的終要過去。
化悲憤為食量，食左好多野...麵包，下午茶，蛋糕...肥死左！
感謝主呢段期間既帶領，今年係第一年自己去考，冇媽子陪...
不過亦滿有主的平安充滿，好使我唔會感到超驚=v=

特別嗚謝：雞翼既oral速成班！各位弟兄姊妹既祈禱！各位朋友既支持。

>>November 15, 2007 at 3:30:46 PM GMT+8

2007 年 11 月 6 日 星期二 【颳風】

UT準備x結果

冇打日記十幾日，一來之前忙緊UT，二來showhappy又死過一排。
今日終於心血來潮要打下日記Lu！
上個禮拜UT簡直想收買人命T_T"除左星期二係一科，之後既三日都係一日兩科。
溫完一科，又唔夠時間溫第二科....搞到每晚都成2點幾先訓到。
考果陣既野就唔講啦！過左去既都懶得回想。
呢兩日終於派晒所以卷，係成係敗都決定晒！
有d真係溫幾多有番幾多成績，有d就同想像中差得遠。

中文：45/50~~好滿意=v=不過只係Listening，仍需操下Reading。
英文：54/80~~不過不失，始終改篇ut卷篇文既Mrs Chan，太高要求，作文真的唔算高。
Maths：43/53~~五十幾條MC，岩到四十幾條，對我黎講好好了。梗係啦！有d唔識我代數計既！
Bio：44/60~~Bio MC比平時做得好左，岩左17條，不過LQ就因為溫得2個幾鐘，好多野唔記得！
Chem：39/60~~化學方程式，10條寫岩1條...靠用中文解釋拎分，加上最後既吹水題拎滿分XD
Phy：LQ：27/60 MC：11/18~~LQ差到爆/口\溫左咁耐，竟然可以錯咁多....
A.Maths：15/60~~未試過A.Maths拎咁低分=''=冇法子，之前做得唔夠多數，只溫唔做冇用。

搞笑係，成班A.Maths今次都測得唔好=''=勁多人低分+Fail。
而Phy份MC，原本有20條，就因為我地班既男同學憑一把鐵嘴，就令到2條有問題既MC刪除。
唉！成績出左就算Lu，要努力背下d Chem既方程式and做多d Phy+A.Maths既題目Lu！

>>November 7, 2007 at 10:32:51 AM GMT+8

2007 年 10 月 24 日 星期三 【微冷】

情緒化？

10月份個網上閱讀一直都未做，跟住今日一上到課室，就俾Mrs Chan問我做左未。
我話補做番之後，佢就話原本諗住尋日上堂叫我做番，但驚影響我情緒而冇講。
真係聽完燥底lor！可能佢本身冇咁既意思，但聽者有意...我真係覺得佢認為我情緒化！
唔通佢以為我上次俾佢誤會完之後冇心機上堂呀？難道以為自己既說話對我好大影響？
何況就算我真係唔鍾意佢呀！我都唔會因為咁而係英文堂發夢唔聽書啦！
唉！今年成績表個操行，一定比上年差=''=算！只要有B就ok！

夜晚去完睇跌打之後，就番教會補Maths。
未補之前做數做功課，好倦T_T"
今日教概率，真係超弱lor我。錯錯錯都係錯基本野。
呢排先發覺，原來某人唔係我想像中既串嘴，而係好先生一名。
歸家！係安定會合Honghong，再搭番屋企........Zzz！

>>October 26, 2007 at 12:47:26 PM GMT+8

2007 年 10 月 21 日 星期日 【微冷】

「跌打記」 & 「新聞話事．人」

之前出去旺角買手提既時候，已經話唔小心扭親。
但係又好似果陣唔點痛，所以一直冇理。
點知經歷近三個禮拜，加埋兩堂P.E既跨欄，兩堂P.E既跳高，痛死左。
去睇跌打...嘩！腫腫腫！被佢按到好鬼痛T_T"快d好番啦！
當有事既時候，就好掛住可以雙腳踩地沖涼既日子......
依家沖涼果陣又要包住隻右腳實一實，個醫師話如果濕水大個好易有風濕T_T"好驚！

番到屋企，夜晚TVB播「新聞話事‧人」。
真係好好睇！特別係講番沙士既時候，d記者既經歷。期待下一集=]

腫腫腫腫腫之右腳！


>>October 26, 2007 at 12:48:03 PM GMT+8

2007 年 10 月 20 日 星期六 【微冷】

在黑暗的幽谷中走出來

雅比斯求告以色列的神說：「甚願你賜福與我，擴張我的境界，
常與我同在，保佑我不遭患難，不受艱苦。」神就應允他所求的。(代上 4:10)

呢排，忙碌得同神既關係越黎越遠。
遠得連小組事奉都唔想去預備，都唔想去帶。
簡直頹廢x1000000！
原本星期六開小組之前，因學琴又俾Miss鬧而冇心機。
跟住開完組其實都有d唔開心，因為的確有一個藉口俾自己去停止事奉。
不過當搭車出去阿婆屋企既時候，神冇特別講d咩，只係將一句又一句既經文浮現係我腦海。
雖然依家好辛苦，但只要過去左，就會一天都光晒XD
何況大家都係行同一條路，我唔係一個人去行已經好好。
好！頹廢完畢，正讓神帶領我由死蔭的幽谷走出來。

「耶和華是我的牧者，我必不致缺乏。
他使我躺臥在青草地上，領我在可安歇的水邊。
他使我的靈魂甦醒，為自己的名引導我走義路。
我雖然行過死蔭的幽谷，也不怕遭害，因為你與我同在；
你的杖，你的竿，都安慰我。 在我敵人面前，你為我擺設筵席；
你用油膏了我的頭，使我的福杯滿溢。
我一生一世必有恩惠慈愛隨著我；我且要住在耶和華的殿中，直到永遠。(詩 23:1-6)」

>>October 22, 2007 at 1:06:01 PM GMT+8

2007 年 10 月 17 日 星期三 【微冷】

This Is The Worst Of Time，
This Is Also The Best Of Time！

一朝早，就俾Ms Chan誤會，認真黑仔！
係早讀既時候，正當我睇緊「不一樣的天空」既時候......
有一句句子，不但提醒我，更加可以話一見鐘情。
咁本書係學校，我唔可以Highlight，咁咪抄低佢lor！
都唔知係Ms Chan一直望住我定咁巧合，一寫就俾佢話我溫Eng Dictation...
講真，我唔會冒險用早讀時間溫Eng Dictation，真係唔驚俾佢話咩。
又唔睇清楚d我究竟做緊d咩就鬧我\口/除非佢話我連抄句有提醒既句子都係錯啦！
咁之後佢都知我唔係溫Eng Dictation，同我講番...但點解誤會左人唔識既sorry呢？
難道老師大晒？講錯野誤會左學生唔洗講番聲Sorry既？燥底x10000000！！
仲要笑笑口話自己以為我溫Eng Dictation，經此事件，對佢冇晒Feel。

好！燥底完畢。
講番句深刻句子：「This is the worst of time，this is also the best of time。」
中文解釋：「這是最差的時候，這亦是最好的時候。」
雖然呢句說話係講佢沙士攻打香港，甚至全世界既時候，人與人之間互相守望。
不過睇到之後，諗起自己呢排忙緊UT，忙緊7級琴試，忙緊HKCEE。
忙到就快人都傻，真係可以話係最差既時間。
不過諗番，呢個亦係倚靠神，接受神恩典既時間。

題外話：恭喜Main Choice以破歷年學生會選舉支持紀錄，88%支持率順利當選。

>>October 22, 2007 at 12:57:55 PM GMT+8