2008 年 11 月 30 日 星期日 【颳風】

Sport's Day--中四中六班際接力賽

中四中六班際接力....我>>阿吉>>Tammy>>Chik。
由召集到真係企係跑道上面，都好緊張...好驚跌棒，好驚踩界，好驚跌低...咩都驚一餐。
當真係跑既時候，咩都唔理，唔望後面(後面都冇人俾我望啦-_-)，單望跑道x前面...
其實阿吉已經企後左，等我唔洗跑咁多，佢盡力幫我追番多d...
但始終我都係6班入面最後一班交棒俾第二位選手.../口\頹左！
最後當見到每個選手都衝線之後，阿Chik仍然係後面努力跑緊...
令我諗番起上年班際接力T^T"又係同樣情況......
最後一名...好唔開心！Maybe今年自己有份跑，好覺得係我累到6S輸左...
自己又唔練下...又跑得唔夠快...落場好似拖累多過貢獻。

當阿Chik~吉~Tammy番到場區入面...又見到Tammy喊緊...
挑起我想喊既感覺..由中四開始...4S1...5S1...6S...每次接力，唔係包尾就係尾二。
過往都會唔開心，但都未至於會喊...但今次自己有份參與...
麻煩到要番Chik~吉~Papa~老嚴~King~Koko~Simon~C~仲有好多6S既同學安慰...
當中聽到佢地講既一番說話，其實好窩心。講到輸贏唔緊要，跑班際為既係顯示出班既團結。
唔理旁人在意與否，就係一齊大叫6S......多謝=]

辛苦了Tammy！知道你雙腳好倦好痛，但仍然落力參與。
辛苦了Chik&吉！剛剛完成了200米&跳遠就要趕過黎參與。辛苦了打氣的6S同學！
「We won!The team spirit! 」Copy from Chik

>>December 2, 2008 at 11:13:23 AM GMT+8

2008 年 11 月 29 日 星期六 【晴】

濕地公園3小時行

感激老豆阿媽陪我遊了濕地公園...
上一次黎，Only停留左15分鐘黎搵題材作文...
今次雖然都只係行得兩個鐘多少少，不過都好滿足！
行完之後，食左餐都幾貴既日本菜-_-''不過唔太好食！

2008 年 11 月 28 日 星期五 【乍雨乍晴】

踏入17歲啦！

先多謝Ling~Cherry~Edmund~邦邦~秀程~E-Kwan~駱生~浩然~Kathy~Bee~大妹妹~雞翼的SMS=]
以及多謝6S的同學，還有舊同學從MSN等窩心的祝福！
仲有超級有我心既小學同學阿Ying=]多謝你那張寄來的生日卡！
最後係身處海外的阿余從Facebook送上的祝福！我好掛住你...=]
可惜，今年的生日，欠了某些祝福...否則會更喜樂...

多謝Edmund~Isa~Koko~C~Woodstock~Simon送既發光天使！
多謝Ome~Fafa~美人~Joey~阿豪送既書&CD&生日證書！
多謝阿榮送既CD=]認真的，收到一份好Surprise既禮物！
多謝河馬送既水樽&一大堆糖糖！多謝小丙送既無印筆！
多謝肥豪送的「甜襪襪」！你送果陣...真係搞左個好爛既Gag...
多謝Fafa&大妹妹請我食既生日日本大餐！
多謝媽子&老豆送既快樂小雞蛋糕&陪我遊濕地公園&食日本菜-v-！

生日前夕貢獻左俾綠社...因為留左係學校整埋banner+旗。
點知生日正日既朝早都貢獻埋俾綠社，整埋少少手尾。
好耐都冇試過生日係星期六...有少少唔慣-v-''
可能冇左d同學係我正日既時候係學校同我一齊過，不過今年可以同弟兄姊妹過都好開心！
感激天作之組為我預備的生日蛋糕，感激「天信」一齊為我慶祝！
好開心可以一大班人一齊食蛋糕，一齊分享，還有在祈禱會時為我的祝福禱告！超感動~~
其實當係小組既時候...問及到有咩生日願望...有很多很多...不過d願望= =''都幾空泛
好想係呢個時候一次過講晒，到出年生日，睇睇自己到底可唔可以實現到。

1)重新與神建立穩定的相交關係
2)在新組上與組員建立好關係，以及盡快投入小組事奉
3)09年要努力在學校作一個見證主的基督徒
4)我要bar到chord & 彈結他彈得更放~
5)還有的，未諗到！留待09年1月1日那篇日記才打！

感謝神！十六歲呢一年，是我人生第一個轉捩點。
面對會考，若不是靠著主，我不能順利渡過！
「引領我 使我一生不迷路 在你的光中 能把你看清楚」
縰使我今年有迷茫，有與你關係不緊密的時刻，但你仍對我不離不棄。
「引領我 使我不偏左或右 走十架的路 直到把你看清楚」
我知你永遠在我左右，你永不離棄我，你永遠也愛我。
親愛的主=]我願把我十七歲的日子，甚至往後的生命也交給你，也要榮耀你！

「你以恩典為年歲的冠冕；你的路徑都滴下脂油。(詩 65:11)」
「你必將生命的道路指示我。在你面前有滿足的喜樂；在你右手中有永遠的福樂。(詩 16:11)」

2008 年 11 月 20 日 星期四 【颳風】

四六盃--足球--冠軍
生日餘下：8日

起初以為四六盃女仔要踢足球，係一件可悲+辛苦既事。
不過當代表自己班去落力，去踢走每一球，都幾開心。
今日未比賽之先，Woodstock就不斷叫我支持佢落場踢波...
原先真係唔想佢落場=口=''隻左手打晒石膏去踢波，再嚴重d咪死...
但第一次見佢咁認真，咁想去踢既時候...唯有同佢講如果和波or輸波既就可以落場...
點知原來全班男仔都冇人有帶衫做後備-_-''搞到Woodstock一定要踢足下半場。

今日踢冠軍賽，對4S2。3場比賽，好似係今日隻腳掂得最少次個波...
可能Isa&Tammy慣左踢前鋒，搞到d波好少過到黎我地龍門前...令我呢個所謂「後衛」冇野做。
連守龍既Navy都話佢只係掂左一次個，不過都係好事，起碼冇失波。
最後我地女仔踢左3場上半場，都只係失左一球，已經好好成績。不枉我地星期三著條校服練波-.-
接著，到男仔落場，仍然是家輝老嚴學凱Woodstock...睇住佢地俾人撞，又易跌低...好緊張！
唔單止d男仔係出面鬥緊...連兩班打氣團都好似鬥埋一份。最後以1：1打和，要踢定點球分勝負。
要搵兩男兩女做踢...d男仔搵左我同Tammy踢...係3場入面第一次真係有機會起腳射球...
點知明明已經就快6點啦...都仲勁多人圍觀，搞到我好緊張...
最後就因為太大力踢高左- -個波由應該踢入龍門變左踢中左塊籃球板....搞到今次比賽冇左個好回憶。
接著4球定點球，我地兩班都係以2：2再次打和...經過評判討論，要進行「突然死亡」。
整個球場d氣氛都好嚴肅...緊張到不得了...Woodstock雖然有傷在身，但佢為我地6S射入勝出既一球。
當知道4S2係「突然死亡」射唔入之後，確定6S係四六盃既冠軍之後，成班人衝到球場歡呼！
果刻開心到d男仔想抱起Woodstock..好想拋起佢tim=口=''不過真係好開心！
辛苦晒ISA~LINA~TAMMY~NAVY~我~老嚴~家輝~學凱~Woodstock~6S同學~老師=]！

事後知道原來班男仔個個都受左傷...
Woodstock隻左手要到下星期先可以拆石膏，而且個隻腳又整損左。
家輝踢到腳指起水泡。學凱做龍門都因太搏命而親損膝頭。
跟住以下係聽番d男仔話我知：
老嚴踢完入左更衣室之後，d男仔知佢有傷口又唔去處理，個個衝晒入去話要幫佢洗傷口。
之後老嚴話貼膠布啦！點知當佢整起條褲個陣，阿Chik拎住學凱運動專用治療枝野怒噴老嚴個傷口...
最後搞到老嚴痛到係張椅到din下din下，仲要爆晒粗！真係辛苦佢啦-_-''傷得咁嚴重。

P.S我好鍾意6S既同學=]



>>November 28, 2008 at 3:42:30 PM GMT+8

2008 年 11 月 19 日 星期三 【颳風】

BIO FIELD TRIP
生日餘下：9日

對上一次去Field Trip已經係中四...上次又係凍冰冰浸落水-.-''
著住條短褲係學校等上車時周圍走-_-''都真係幾凍下。

先去左大埔既紅樹林，好多好多波子蟹，多到驚自己一腳就踩死幾隻。
仲有好多水筆仔...直到真係好似一枝筆-.-''果到既環境真係好靚，可惜d垃圾令到佢唔完美。
接著就去汀角村再入d既淡水溪流...第一下見到，我問KOKO：呢條咁似臭河既？=__=''
今次Field Trip同家輝老嚴Koko一組，再細分左同家輝一組...
感激佢怕我跌落河-_-''大部分粗重工夫都係佢做，我都做紀錄果Part...
唔帶手套考察係一件危險既事-口-因為我唔知掂到d咩植物，好多又短又細既刺插左落d手指到...
不知花左幾多時間先拔番出黎...真係好討厭呢種不知明植物。
今次捉到既生物...比上次去荃灣淡水溪流既更少-.-''見到既植物都少d...

完左Field Trip後，踢拖去大美督食飯-v-''9個6S Bio同學一齊去同一間餐廳食飯。
見到蔡少芬X張晉，不斷係佢背後講咩珠光寶氣好好睇XD...不過佢真人真係好白-.-''...
最後搭車番學校做實驗...Field Trip不是輕鬆的事-_-''整個回程...個個都訓著晒。
驗下水質，搵番d生物植物名稱，Hea下Hea下4點30散...悲哀啦-_-''廿幾版Report等緊我地做...
P.S阿Sir欠我們6S的9個同學一人一杯雪糕(準時集合的獎勵)。




>>November 28, 2008 at 2:40:12 PM GMT+8

2008 年 11 月 18 日 星期二 【炎熱】

烚眼訓
生日餘下：10日

話說中六一開學既時候，坐我隔離既係阿C。
佢係我小學同學，但我唔識佢，只係覺得佢好熟口面...
相認番之後，先發覺原來大家都覺得對方好有親切感。

以下係Copy by 阿C 日記，我睇完真係笑左出黎...
其實呢個問題-.-以前雞翼都話過我...話我上堂烚眼訓畫花晒本書XD
不過阿C真係第一個會係日記打埋出黎XD...笑死我。

「我隔離個個叫..小知
其實佢同我同1間小學但係我唔識佢- -
不過唔知點解第1次見佢個陣覺得幾有親切感 XD
我想講 GE 係.. 佢好勁- -
佢可以1路訓教..隻眼真係 closed ga..
跟住 "鐘" 下 "鐘" 下咁..
但係佢可以聽到老師講填充個度應該填咩字..
跟住真係填落個 blank 度 lor- -...」

不過上堂烚眼訓呢個問題仲有- -本畫畫得仲花XD！特別係BIO書！

>>November 21, 2008 at 1:07:14 PM GMT+8

2008 年 11 月 15 日 星期六 【炎熱】

超級雜記一篇
生日餘下：13日
好忙...好忙...好倦...好倦...
忙慶典，忙中化Book Report，忙Sports Day，忙做功課溫書，忙四六盃......

第一次做慶典統籌，要學習同弟兄姊妹合作，學習預備，學習謙卑。
雖然同肥豪魷魚既性格有好大分別，但感恩神讓我地學習彼此接納坦白。
倦就倦，不過仍有盼望。願主祝福整個我們三人感受你的愛，再傳遞你的愛。

接著月頭去左Micmic屋企BBQ，見番舊同學，傾左好多爛Gag=]
雞翼呀雞翼！好掛住你呀T^T"希望可以快d有時間係你走之前約你去街啦~~

17/11係四六盃，今年一改慣例-.-''踢足球...上半場女仔踢10mins，下半場男仔踢20mins。
15號果日俾家輝Woodstock同老嚴3人訓練我一個-.-''雖然我唔鍾意踢波，但都盡力學點踢。
到正式落場，辛苦晒Navy食左個波餅，辛苦晒Isa~Tammy~Lina啦！
俾d男仔話我有練過-_-''要番龍門前做後衛，一有波黎就大腳踢走佢~
Oh！搞到我冇機會射波...(P.S：有機會都射唔入啦！)
辛苦晒家輝Woodstock老嚴學凱4個啦！真係踢+接波都好好=]
第一場對6A以3：1嬴左，第二場對4C以1：1和左。
第二場就係係上半場失左球-_-''下次要多d發揮我呢個後衛踢左d波先得XD
星期五再踢得一場分勝負\口/加油加油加油！
家輝隻腳趾快d好番~~Woodstock隻左手快d散腫~~老嚴d手腳酸軟快d散~~



>>November 18, 2008 at 3:47:51 PM GMT+8

2008 年 11 月 4 日 星期二 【炎熱】

UT不代表一切

完成UT，亦派回所有UT卷，其實比預期好了！
中化：32/60 UT：38/96 M&S：18/60 BIO：36/60 CHEM：11.5/50
除了M&S+CHEM外，其餘的都合格。但派卷時，一時接受不到自己CHEM可以全班最低分。
雖然過往中四中五CHEM基礎不好，但也不至於取得最低分。
但現在卻由中六開學以來，3次QUIZ+UT，3次也Fail...我在讀什麼？
流淚過後，感謝主讓我有關心我的同學，老師。
我相信主給我開路升讀中六，主必不就此放低我，主會開一條新路引領我去走。
現在不合格，可能是不習慣用英文讀書，不習慣用英文作答，甚至未用盡全力。

傷心過後=]再振作起來，第二日仍是充滿主恩典的一日。

「但那等候耶和華的必從新得力。他們必如鷹展翅上騰；
他們奔跑卻不困倦，行走卻不疲乏。(賽 40:31)」

>>November 11, 2008 at 9:25:35 AM GMT+8

2008 年 10 月 24 日 星期五 【炎熱】

組長訓練+話語+異象+守望者裝備

「生命是越修剪越成熟的」
24/10--組長訓練學帶話語+異象，原本要個半鐘既野濃縮至半粒鐘完成。
同預期既一樣咁緊張，不過感恩既係4位組長訓練既組員幫我搞氣氛=]
雖然只係好短既分享，不過可以大家一齊互相祝福彼此既事奉，A-men！
「所以主要修剪我們，直到我們單單事奉主，單單想到是為主做的，不
是為人做的。單單在乎神的稱讚，而不在乎人的掌聲或噓聲。」

25/10--首次係小組帶異象，準備左4樣。
決戰加多利；聖經問答比賽； 遍傳；天信聚會
其實都好緊張-口-''不過基於尋日同Joey&Ome開小組開到好high，所以氣氛唔錯！
雖然要推動到組員參加有點困難=]不過尋日同今日都係一個好經驗，下次努力d先！

今日最後一堂守望者裝備，以彼此服事(洗腳)作完結。
第一次洗腳，有點緊張，但過後...就係到諗耶穌既愛真係可以咁厚，接納人的一切。
And...整個裝備，可以同河馬建立一守望關係，我好開心=]
因為認識你多左，同你熟左，還有減低左自己識朋友既自我限制。


我好想睇High School Musical 3: Senior Year

>>October 30, 2008 at 4:16:31 AM GMT+8

2008 年 10 月 16 日 星期四 【寒冷】

2008旅行日

即使旅行地點只係蝴蝶灣，當中既活動只有集體遊戲+BBQ，但都係充滿喜樂既一日。
集體遊戲-_-''全部都係要不斷跑...火燒後欄，火星撞地球，數字球，閃避球...
d男仔好暴力XD跑得咁快，d女仔實俾佢地捉到...跟住拋波又勁大力，想嚇死人咩T^T"
不過好開心，好多搞笑動作出左黎，可惜冇影低，冇相片留念。
BBQ每次都總會有點燥底-.-''向某d人發左少少脾氣，抱歉！
雖然要行黎行去，又要出去買野食，不過冇所謂吧！下次少d串我就冇問題XD！
旅行當中發生左一件突發事件，希望「那位同學」真係盡快康復。

到散Band既時候，多謝阿C爬爬Zoe&Isa安慰=]有你地做朋友，係我既福份。
而且又同阿C傾左好多好多，好開心。由小學我地唔相識，中學唔同校，到依家中六同一班...
多謝你唔嫌我煩=]你係M&S~UE~CHEM都幫我好多，令我適應用英文讀書都易左。感恩！

P.S雖然我地班男多女少，不過我都幾期待可以同男仔合作參加四立盃+班際活動=]雖然我唔勁XD


>>October 22, 2008 at 11:07:54 AM GMT+8