2007 年 10 月 13 日 星期六 【微冷】

禁食禱告日
浩然！Happy Birthday！

第一次嘗試禁食禱告，原來都幾辛苦=''=
今日為到五旬節聖潔會既教會等禱告。
雖然只係禁食早餐，但係都覺得好肚餓......
而且要集中精神去祈禱，難左點！
由9:30去到11:30都係禱告，過程中某d位，太倦昏昏欲睡。
接著敬拜，有一半既歌都係舊，仲有d係國語=''=跟唔上d拍子&音。
崇拜今日有d倦，經常差D訓著=''=好倦倦倦！
完左，就快餓死啦！快快手夠鐘食野=]
下午食大閘蟹，成隻食...雖然唔太健康，不過一年一次，唔緊要！

又要趕功課啦=''=討厭！

>>October 16, 2007 at 11:37:17 AM GMT+8

2007 年 10 月 12 日 星期五 【炎熱】

香港需要的，始終是喜劇或搞笑的節目

今日9:30去學琴......唉！其實拍子，指法等...
我真係有試過去改...不過未改到，成日俾Miss話我唔改///唉！
接著學完要去朗豪坊買d野，順便行埋無印良品！

之後去朗豪坊出面有個大螢幕，播住以前超級無敵掌門人...
差不多每一個行人，他們再次看到這些節目，臉上總露出喜樂的笑容。
雖然他們的腳步沒有停下...但眼光並不是放在前面，而是他們頭上的螢幕。
這種搞笑的節目或喜劇，可能睇完一次，笑完便散場。
但起碼對生活在一個充滿壓力的地方的香港人，笑一笑，也算是一種輕鬆的方法。
而相比起你將一些時間花在恐怖片，你得著得是一種刺激？興奮？緊張？還是恐懼？
有些人看完恐怖片後，會時不時想起當中的恐怖情節，甚至發夢也夢見...這麼=''=你輕鬆過嗎？
這純粹個人意見！我寧願笑一笑，也好過驚一驚。

之後番小組，嘩！一入到教會=''=見到平時開房個小組，多左兩個小妹妹...仲以為入錯房。
原來果兩個係美人既朋友，真係好活躍......而且都算係健談。
破冰玩「大賣耶穌」，即係Sell耶穌俾世人。我同小琳合作做一套新聞報導，搞Gag的。
阿Ling！希望學業唔會俾你太大壓力，仲有你常常都充滿無比喜樂。

>>October 16, 2007 at 11:52:42 AM GMT+8

2007 年 10 月 11 日 星期四 【炎熱】

Levine！Happy Birthday！

>>October 14, 2007 at 10:05:47 AM GMT+8

2007 年 10 月 8 日 星期一 【炎熱】

人生第一次跨欄日

今日簡直想死=''=右腳已經扭親，還要被逼係P.E堂跨欄。
之前上果4年中學P.E生涯，以前個Miss都冇逼我地要試跨欄呀跳高呢d！
唔係Sports Day有參加既，都可以唔洗練...
呢年黎既新Miss...變態的！強逼拉筋，痛到傻=''=
跟住問佢可唔可以唔跨欄，佢話唔識果d佢一定會教到你識......
最後跨左幾次，對腳已經冇晒力T_T"見到有d同學跨唔到，Miss仲要佢不斷試，真慘！
下堂仲死...跳高................想扮病or扮唔見到拎衫而唔上P.E堂。

之後仲死，上完咁辛苦既P.E堂，就中文補課...
好做唔做，做Listening，平時我Listening唔差-''-
點知太倦而聽聽下中間訓著左，搞到好多條都唔識做。
未試過Listening都可以唔合格T_T"嗚嗚！

>>October 14, 2007 at 10:04:43 AM GMT+8

2007 年 10 月 6 日 星期六 【酷熱】

阿奶洗禮日

第三年睇弟兄姊妹洗禮...幾時到我呢？
今日係阿奶大日子=]同耶穌結婚唷！
尋日努力整好番禮物，係一本相簿！貼左d組相阿奶個人相etc...
今朝比平時早左番教會，同大妹妹傾左陣計就快手寫埋張卡。
好多人，好熱鬧。敬拜開心地完左，崇拜主題好簡單，係一個傳福音既講道。
接著正式開始洗禮唷！今年既洗禮....整場都好搞笑！
見證，雖然一路播一d相一路講，有少少分散左注意力，不過好感恩聽到呢個見證。
到真係落水進行浸禮，阿奶太過啦！差d浸唔到落個江到...陳牧師就差d唔夠力...
見佢上水不斷撥d頭髮，又是一幕搞笑場面。
之後播我地青年牧區各組錄既片段，雖然我地組因原因不明已冇左後半part，不過仍很搞笑。

恭喜阿奶，終於同耶穌結婚了=]


>>October 13, 2007 at 2:07:03 PM GMT+8

2007 年 10 月 4 日 星期四 【酷熱】

2007-2008年團契迎新日

回憶。難忘。百感交集。中五畢業前最後一次團契迎新日...
放學去到小聖堂，人數不多。因為今日亦係數個學會聯合迎新。
唱歡迎歌，唔知咩國家語言=''=總之唱完都唔知自己唱緊咩。
破冰，玩左蒙羅麗莎芭蕉樹，誰是說謊者，俾人踩到腳指都痛。
敬拜，被命令突擊司琴Again，彈愛是不保留。
由於唔夠時間練，同Edmund玩二重奏。佢彈佢較熟既右手，我彈我較熟既左手。
雖然都有彈錯&唔岩拍子，不過算唔錯了！最後一次以咁既形式，都唔錯！
未唱之前，只有二十人內，仲要包括新舊職員。
敬拜中間，突然後面出現一班中一，人數升到四十人左右。
好感恩！一開始以為年年迎新都冇咩人，神卻施恩係呢個團契中。
雖然係全因中一的班主任一齊帶佢地上黎，不過係個好開始。
希望以後人數，可以盡量穩定係某數量。
接著分組，中四中五，多左Micmic & Allison & 阿東 &阿磚。
Kaka！俾人話對我既感覺係：變態......純粹玩而已XD！
不過以分組形式一齊大食會，係一個正確既選擇。
之後Meimei Shirley佢地上左黎，拎番之前去Camp既野。
就係我地既組旗，之前係Camp入面自己決定左要組旗邊部分，辛苦秀程Cut & 放入畫框。
次次聽到秀程話我地組係最靚既時候，真係好開心。因為係「女強人」一齊畫的。
當組旗分開左九個部分，再聚埋一齊，好靚唷>v<雖然少左秀儀Zoe媚，但都要把握機會影相。
最後，真係要完既時候，新舊職員影大合照。當真係要離任，會唔捨得的。
可惜既係，少左兩年「已故」團長：善恆&阿聲，唔人齊。

兩年團契，雖然有點Hea住過，但真係學到野。
起碼，我對神的信心增加左，對如何事奉人都加深左認識。
首先，多謝浩然當初咁突然邀請我做團契職員。
然後，多謝秀程成日聽我訴苦&幫我善後。
接著，多謝阿珊&阿滔俾過好多意見我。
再來，辛苦Edmund經常幫我買飯+做d我唔想做既事。
跟住，好開心可以同一班職員合作。

另一方面，多謝Fafa&大妹妹&邦邦一直係我身為職員，感到迷茫時鼓勵我。
最後，感謝神！對你既認識深了。I LOVE YOU=]





>>October 8, 2007 at 1:49:33 PM GMT+8

2007 年 10 月 2 日 星期二 【酷熱】

是我小事化大嗎？

近來，我好像對於某些事...
明明很小事，卻看似是一件大事。
是我過份緊張嗎？還是我無聊？

果然一段關係，特別係弟兄姊妹...
失去了神的同在，是很難維繫。
大妹妹，阿Fa，邦邦...每一個天作之組組員...
我地既關係，也有神的參與=]

當越同某人熟既時候，就越開始著緊佢。
大家都有各自各忙時，要維繫一段關係難的。
但深信，當一段關係有神同在，會改變的。

>>October 5, 2007 at 2:05:17 PM GMT+8

2007 年 9 月 30 日 星期日 【酷熱】

國慶

起身行動失敗=''=仲諗住特登7點幾起身睇電視---既升旗禮。
「在1949年10月1日宣告中華人民共和國成立，
這是中國歷史上一個最偉大的轉變。
1949年9月的政協一屆一次會議上決定把10月1日定為國慶節。」
國慶...其實身為香港人...身為中國人...都幾好。理由...無解。
早餐同老豆二人世界完畢，睇左一套ok暴力既電影「導火線」...

辛苦時刻來臨=''=諗住整一整床上既書架...
由於冇位，所以進行床上大整理行動，點知...就咁樣倦死左。
太多漫畫...太多小說=''=搞到張床亂到七彩，冇用既野又多...塵又多。
清左成袋垃圾，拆左窗簾，換左床單，整理好d漫畫x小說，排好毛公仔既位，抹塵...
就係咁野，我足足諗住整理書架變左張成張床改頭換面...由12點幾整到5點=''=
倦到完全唔想做功課x溫書...不過清理完，同一間房既大哥二哥張床比較...我張床真係好整齊。

夜晚睇唔到升旗禮，睇國慶煙花匯演。
竟然會用哈利波特&天空之城既音樂，o嘴...不過好棒！XD
之後由於之前太Hea...懶之過。溫Chem溫到2點40...T_T"倦到傻了。
「賽 40:29 疲乏的，他賜能力；軟弱的，他加力量。 」



>>October 3, 2007 at 3:12:19 PM GMT+8

2007 年 9 月 29 日 星期六 【酷熱】

再見啦！Sony Ericsson T610

今個禮拜因為Miss去左九寨溝，暫停學琴。
之後番教會，臨出門口先搵唔到銀包T_T''搞到趕頭趕命！
今日既敬拜好俾心機預備，由五餅二魚既故事帶出奉獻。
雖然因為緊張而唔係講錯就講少左，不過唔緊要吧=v="
分享傾到短期目標，我諗除左Mock&會考之外，就係11月既琴試。
死啦/口\再唔俾心機練，就大大大件事Lor！
完左星期二&三既Chem/Maths Quiz，練多d先！
小組完左，食完個Tea，就同老豆出去旺角！
因為一早睇岩左兩款，只係差未決定邊款，所以唔洗花好多時間選。
最後，選左一部較平既Sony Ericsson直身機：K550i。
影相功課唔錯，有得聽Mp3，有呢兩樣其實都好夠我用。
豐澤送128MB卡，夠晒...因為如果要聽Mp3，我有部2GB既...
如果要影相，我有部Canon=v=''所以128MB夠晒Lu！
搭巴士番屋企果陣=''=真係嚇死！竟然會撞到Honghong & 5A某人...

番到屋企，部新手提儲好電，Save好晒之前部T600既SMS/檔案後...
唔捨得換機Tim=''=如果唔係部手提成日自己重新開機既...我都未必咁快換。
再見啦！對得佢太耐，太有感情，而且用慣左，唔開眼都識用...
不過最後都係開開心心迎接新手機XD！

新機舊機...其實兩部外型都唔算太大分別。

白色Sony Ericcson手機 X 黑色Samsung Mp4


>>October 1, 2007 at 10:10:42 AM GMT+8

2007 年 9 月 24 日 星期一 【酷熱】

5S1中秋聚餐

暑假係網上訂左d頸鍊，好彩尋日寄得切黎。
趕到想俾Winki，今年送左一個筆盒+一條鍊，你鍾意就好啦=]
小息忙忙忙，忙到連休息既時間都冇。
Lunch仲忙，一打鐘，d男仔落左去幫手拎飯。
我就留係課室搬好個位，留黎一陣聚餐用。
不過話時話=''=點解d男仔可以大安指意坐係到唔幫手呢...
要我一個女仔做埋d咁既操重功夫T_T"太過份啦！我係主席唔係總務>"<
今次訂越意屋既飯，每人$15，其餘既飲品生果用班會費。
至於月餅，就由兩個班主任請全到食。

Set好場地，放好d飯，Walter講完開場白，開餐。
我地班d男仔真係好狼死...唔洗一陣就可以清晒咁多盤食物。
我都係食左少少飯，一小件豬扒，少少意粉=''=真係唔多知自己食左d咩落肚。
食完就快手快腳切好d冰皮月餅，好似有16舊左右，每舊分4件，64小舊。
還有兩大舊傳統月餅，起初以為咁Out冇人食，點知好快都俾人清晒...
到Ms Chan叫我切水晶梨=''=我大聲講...我唔識切。
其實我唔算係唔識，只不過我唔知點切先可以盡量分得多舊d...但d梨真係好甜=]
最後食飽飽，剩下一大盤飯，Ms話唔好浪費左去，周圍拉d男仔猜包剪捶...輸左食一大舊飯...
睇住佢地輸左將舊飯放係隻手到，跟住好辛苦咁食...真係笑到我肚痛。

話咁快一個中秋聚餐就咁樣完結，雖然預備既時間好趕，不過仍然辛苦晒各位=]
多謝Ms Chan & Lawrence自費請我地食月餅。
辛苦Walter一直為呢個聚餐忙碌，又臨時要你講開場白。
辛苦Gigi要為訂飯，來黎走去。
辛苦爬爬+天台+Gigi幫手朝早特登早起去買飲品。
辛苦天台今日兩個小息超趕地收飯錢。
辛苦總務幫手Set野，清場。
辛苦各位有幫過手既同學，And多謝你地既參與。
最後辛苦自己>v<其實我都好努力幫手的。

>>September 28, 2007 at 3:55:16 PM GMT+8