2008 年 4 月 28 日 星期一 【微冷】

HKCEE：CHEM...頹晒/口\

雖然好唔鍾意CHEM呢一科，我都盡量溫好佢。
溫左咁多日，仲諗住起碼可以一定拎到E...
但考完出黎，LQ已經冇做成條9分題...仲有d細題唔識做...
跟住MC直情可以只岩得40%...今年仲要份卷唔係好難果d.../口\
如果今年d人考得好，我岩得40%，真的連E都拎唔到T_T"
超級唔開心......科科都係MC衰左...冇信心考MATHS&BIO既MC...。
不斷禱告，求神拎走呢種唔開心既心情......唔想再頹啦/口\
下一科：星期五ENG/口\希望順順利利！

去自修室既日子，尚餘5日左右。

>>April 29, 2008 at 3:32:51 PM GMT+8

2008 年 4 月 25 日 星期五 【微冷】

「見鬼勿O嘴，潛水怕屈機」

今日考中文Listening&綜合能力，考評局出卷...一份比一份「有趣」。
等選好台+派卷果45分鐘，仲以為會悶到訓著，點知香港電台個為會考生打氣既節目...好吸引
聽到好多其他教會既基督徒Fax去打氣，又聽到好多經文......
原本諗住太倦，考完唔番小組即閃番屋企訓陣，最後因為呢個節目，還是決定番小組。

等考果陣，竟然有人問阿Sir借文具=v=個阿Sir好樂意借......
開始Listening果種......真係俾對面間特別室玩死=口=''
因為太多人冇帶收音機or收得唔清，特別室爆晒人...
佢為左全個室既人都聽到清清楚楚，所以就播錄音果陣開到勁大聲...
影響我帶住耳筒聽=''=雙重聲音.../口\好彩唔算影響得好嚴重。
今次份Listening，唔可以話好難，不過佢段錄音d對話講得ok快...有點聽唔切。
仲要成份野都圍繞住「時間」，連愛恩斯坦+牛頓既理論都有埋...

跟住到綜合能力......考評局學人玩「潮」...出份有關潮流用語&外來語既卷。
標題果句句子...就係今年會考中文卷五所俾既資料中其中一句...我真係唔多明佢講咩lor...
播果段錄音果陣，開始無幾耐，聽到d古怪聲...又無啦啦細聲左，我仲以為自己唔小心轉左第二台...
點知原來係段錄音講個阿媽睇緊電視廣告=''=仲要係有關萬聖節，想唔俾佢嚇死都唔得啦...
考評局出埋d潮語=口=又要解錯個意思......那一個鐘作演講詞，差少少唔夠時間。
我唔明...點解演講詞，佢俾左上款我地，但係點解得一個對象？唔通只係俾佢一個人聽？
呢份卷真係好多多多多多問題，不過算Lu~考完唔理，著眼於29/4既Chem。

>>April 27, 2008 at 12:09:31 PM GMT+8

2008 年 4 月 24 日 星期四 【微冷】

唉！我的中文...完全不能發揮水準

滿心以為平時係學校中文成績不錯，考會考應該不會差得去邊。
點知做中文reading卷-口-''點解中文會有咁多mc題？
那些要學生用文字解答既問題，去了那麼？唉！點解會咁架...
完全同07年份卷兩回事，成份卷都關於月亮/口\d mc題個個選擇都差唔多...點選呀？
第二篇那首詩「春江花月夜」，我只可以略略翻譯到一點點=口=死了...
最後，宣告中文卷一閱讀理解--失敗。

接著作文卷=口=三題都唔係我擅長作的...最後我竟然選左最差既文種：議論文。
我都唔知點解自己會寫第三題...點解冇說明文架.../口\
作完好似發覺有一點點離題，希望唔好唔合格啦！
跟住之後先好似發現...原來自己好似冇寫題號T_T唔好扣分唷...

去到自修室/口\好倦好倦...勉強溫到3課CHEM，仲有5課，好多好多唷！要努力d先得....
希望聽日中文LISTENING & 綜合能力做緊果陣唔好訓著，仲有可以拉番高d分吧！
我仍希望中文有機會穩拎Level3...+上有機會Level4的/口\唉！

>>April 25, 2008 at 2:17:12 PM GMT+8

2008 年 4 月 22 日 星期二 【微冷】

令人窩心的支持

夜晚，收到榮基的E-mail，好驚喜。雖然簡短，但真係好窩心&感動。
想不到榮基係內地咁忙，仍然記得我地教會有姊妹今年會考。
知道佢仍然記念&為我地代禱=v=好感動......又多了一股推動力。

收到大妹妹~Fafa~Ling~Yue~Edmund~芝芝既SMS...
還有很多人係MSN&禱告中既支持，我知道的=]
多謝各位！疲累時，收到你們既SUPPORT！精神晒=]
最後...多謝芝芝你連MSN都加多一句：小知，+油！


>>April 23, 2008 at 5:35:16 PM GMT+8

2008 年 4 月 22 日 星期二 【微冷】

HKCEE：PHY

人生第一次公開考試=口=好緊張...好驚考緊果陣唔知做左d咩而被取消資格or扣分...
好驚唔夠時間做，好驚答錯野...驚就一堆野/口\搞到尋晚係張床呆左好耐先訓到...

第一科PHY去唐賓南，之前仲以為冇冷氣會熱到不斷流汗。
感恩=]今日因為有微雨關係，天氣ok清涼，所以係hall到考好舒服。
LQ...唉-口-''預左比07年難，不過難就難在點解會有咁多文字題....d計數題去晒邊...
MC...壞習慣again，又做做下發夢。得番15分鐘果陣，我仲有成廿多題未做。
連MC...都冇咩計數題=口=世界變了...連PHY卷都唔同左。
原本諗住唔對答案，最後都係憑記憶圈番考果陣選左咩答案，鬼叫自己唔記得圈係份卷咩...
對下對，勉強都有合格既分數。算數！考完就唔理Lu...
努力溫CHEM=V=盡力拎個E番黎XD！仲有7科就考完...

>>April 23, 2008 at 2:34:54 PM GMT+8

2008 年 4 月 20 日 星期日 【酷熱】

與主同行

還欠一日.....有點緊張，有點怕失手，有點怕考得差...更怕主不祝福我。
不過我知最後一點，冇可能發生的=]因為主對人的愛不被任何事阻隔。
容許我將整個會考，整個溫習時間，所以心情，也交給主你。
請你將你最大的平安，喜樂，智慧，精神，以及你的愛加給我。
並且安慰我，不叫我每考完一科，會為那一科將會得到什麼成績而擔憂。

我喜歡接收到各位對我的Support=]

「誰能使我們與基督的愛隔絕呢？難道是患難麼？是困苦麼？
是逼迫麼？是飢餓麼？是赤身露體麼？是危險麼？是刀劍麼？
如經上所記：我們為你的緣故終日被殺；人看我們如將宰的羊。
然而，靠著愛我們的主，在這一切的事上已經得勝有餘了。
因為我深信無論是死，是生，是天使，是掌權的，是有能的，
是現在的事，是將來的事，是高處的，是低處的，是別的受造之物，
都不能叫我們與神的愛隔絕；這愛是在我們的主基督耶穌裡的。(羅 8:35-39)」

>>April 21, 2008 at 1:38:17 PM GMT+8

2008 年 4 月 18 日 星期五 【炎熱】

有一點點孤單

呢排係自修室溫書......將部手提放左係筆袋到...
我好想佢久唔久震一次....好想收到Sms......
仲有4日，我開始驚，開始有壓力，開始擔心...
我想聽到睇到你地俾我既鼓勵&支持，即使一句，我會接收到的/口\
雖然咁講，好似好小朋友...好任性...但的確係我呢一刻既感受。

感謝主...我知道你與我同在，你的杖，你的竿，都在安慰我。

>>April 19, 2008 at 3:53:57 AM GMT+8

2008 年 4 月 15 日 星期二 【炎熱】

時日無多

太遲起步，後果自負。唉！怪就怪自己唔早d勤力溫書，依家先趕頭趕命。
溫書溫唔切，越溫越多野要記，越溫越多野唔識/口\唉！點算...
跟住再做左幾份Past paper卷-''-分數不滿意，唉！
得番一星期就開始考，開始感到有壓力/口\開始怕失水準，開始怕到時咩都唔記得。

只好盡自己能力用盡剩下既時間，溫我要溫，做我要做既野。
其他既，交俾主吧！請主加我力量，還有叫我能充滿喜樂&平安地面對會考。
「耶和華是我的力量，是我的盾牌；
我心裡倚靠他就得幫助。所以我心中歡樂，我必用詩歌頌讚他。 (詩 28:7)」

註：上星期六的青年區祈禱會，反思了很多。
在此，向過往教過我，受過我d脾氣既弟兄姊妹說聲Sorry & Thank You！

>>April 16, 2008 at 4:59:30 PM GMT+8

2008 年 4 月 6 日 星期日 【晴】

安全感建在那？

「喜樂總像進不到我內心，力量好像沒有加給我...
那一陣失落感，久久不能散去。到底我在介意什麼？」

今日小組，最後為到需要代禱的組員祈禱...
原先我想起來，但卻想起...近來我真的發力不行...何來乏力...
討厭這樣鬆散的自己...我也想現在開始爆Seed溫書。
雖然遲，但我仍有心。希望有心不怕遲這句話是對的...
既然自己也這樣想，便不要再讓自己懶下去。
把握現在，那些感覺，暫且交給主。
早前收到阿Ling的SMS，我感到一絲絲溫暖，多謝你。
今日亦收到OME送的屬靈生日卡，感謝你。
「想SMS給你，不能。想MSN關心你，也不能。」



>>April 6, 2008 at 4:50:31 PM GMT+8

2008 年 4 月 2 日 星期三 【颳風】

04年-08年，踏入第四年的信徒生活

先祝自己：屬靈生日快樂！祝自己每天也經歷主的恩典！
回看上年那一篇日記，記起當時的心情，是興奮感恩開心的。
但今年，我抱有說不出的嘆息，說不出的感覺。
昨晚臨睡前，細閱過去每一位弟兄姊妹寫給我的經文卡，發現原來在06年，我得著很多祝福。
雖然4月3日，只係普通不了的日子，但對我來說，卻是一個不能忘記的日子。
或許我對這些小事，過於執著，但我真的看決志日等同我真正生日。

其實回看今年，靈命的成長並不太。
或許就是被我那種懶惰的性格影響，不想靈修讀經。
但個人性格，卻被主大大的改變了。
突破了自己怕與一些外表好似好Cool好難相處既人的性格。
突破了自己懶去主動關心別人的性格。
突破了自己以前只希望別人關心我的性格，變為用我所能支持別人。
突破了自己即使多忙，也要盡力參與崇拜。
雖然今年靈命沒有大成長，但一年的時間被主改變舊有的性格，感謝主！這年沒有枉過。
上年說「我要為明年的洗禮預備自己！」，不能了，要把洗禮的目標延遲一年。
在學習愛別人的同時，我仍需要被愛。

踏入第四年信徒生活，我要再次為主獻上我擁有的，即十一奉獻...
實在停得太久，要再次握著主的應許，把擁有的獻給主。
並要在這次會考的經歷，對主抱有最大的信心，不帶一點憂慮去應考。
還有要繼續學習聆聽主的聲音，學習讓聖靈帶領自己禱告。

昨晚睡前，我知道今天應做什麼。
晚上，致電給Ome，一個與我擁有同年同月同日屬靈生日的姊妹。
突然很想給她作一個祝福禱告，其實我沒有細緻想過祈禱內容是什麼。
但當真正禱告時，聖靈便帶領著我。
接著，當聽到Ome為我禱告時，眼淚從眼眶裡流下。
邊聽，邊想起一首詩歌「榮耀救主」。想起四年來主對我的愛...
最後，好像一直也沒有對Ome說過這一句話：我愛你！真的...是發自內心的。
平靜地渡過這一天，全然地接受主給我的祝福。

「神愛你原本的模樣，但他不願就這樣放著你不管，
他要你擁有耶穌的心，他要你完全像耶穌。
神要改造你的內心，這過程不見得輕鬆愉快......也可能帶來痛苦。
有時候你甚至會忘記在你生命中工作的是誰，以及他的最終目的。
但你要記住，你是神手中的工作，你是他最偉大的作品，他的「曠世鉅作」。
無論你多辛苦，多悲傷，神也不會離棄你。因為神愛你！」

「因你的慈愛比生命更好，我的嘴唇要頌讚你。
我還活的時候要這樣稱頌你；我要奉你的名舉手。(詩 63:3-4)」

【榮耀救主】
是你賜予我生命 在這生走一趟
你的恩手 帶我到你身旁
是你與我結伴行 預備了一生足印
徬徨夜裡 從此不再黑暗
你與我牽手 完備救恩深感足夠
就算犯錯 你未會丟低我走
榮耀救主 降世為人 賜我愛 比海更深
榮耀救主 救贖萬民 愛著我 永不變更
榮耀救主 解我苦困 遇錯折 開解我心
榮耀救主 給我指引 陪伴我 人生不再灰暗

將一切榮耀頌讚歸給愛世人的主所有！

>>April 3, 2008 at 4:41:50 PM GMT+8