2009 年 11 月 1 日 星期日 【微冷】

我雖病，卻非孤軍作戰

星期六被家人發現我的頸腫了，又瘦了及又有手震。
其實上網看看，大約知是甲狀腺腫脹。
自己無聊，越看得多資料，越擔心，哭了出來！
今日去政府診所，醫生說我99%都是甲狀腺腫脹。
明天早上要再去診所抽血（應該冇捐血咁痛）
但要大約等兩星期先有報告，最後什麼藥也沒有取就走了。

媽媽擔心，再去私家診所。（一日看兩次醫生...好貴）
平時有什麼事也去看這個何醫生，難道他認為我好像很擔心，說話幽默了kaka！
他說這個病在女孩子中尚算常見，多數第一次發病不用做手術，只需食大約一年藥。
但他說若明天抽血結果發現，除了甲狀腺有問題外，若腦下垂體都有問題就會麻煩點！
希望我的身體，我的腦沒有任何問題！
最後何醫生給了一些減慢我心跳，消炎消腫藥，oh！我長期間要食藥了！

其實我有擔心的，但我要在這次病中榮耀神！
我相信主的工作，他會醫治我！
一生人都未試過大病，願我自己的身體盡快康復，不影響AL！
若然我食藥之後肥了，請不要笑我唷！=]

「你當剛強壯膽！不要懼怕，也不要驚惶；
因為你無論往那裡去，耶和華你的神必與你同在。」 (書1:9)



>>November 2, 2009 at 10:06:56 AM GMT+8

2009 年 10 月 26 日 星期一 【晴】

真的是最後一年中學生

到現在，我才有時間打日記。中七的生活...不是人捱的！
一星期兩日補課，四日補習，不定期的Quiz，極多功課...Oh no！
好累...近來亦在為JUPAS考慮中，到底我適合讀什麼，能否升上大學呢？

「禱告，因為我渺小；
禱告，因為我知道我需要明暸，你心意對我重要。」

到這個月妳因身體出現問題而進入醫院，妳提醒了我要對耶穌有100%依靠。
看見妳的親友對耶穌的信任，看見耶穌把極大平安加給妳們，我真的很感恩！
今天UT完結後，妳的姐姐來到為我們解釋妳的近況。
她不只分享妳對耶穌的經歷，更祝福我們要努力面對AL，要相信主！
妳要盡快康復，我們每一個也等著你回來！507等著妳陪我搭的！
妳今次的事成為一個見證，入院做手術比考AL有更多擔憂，但妳也能堅持面對。
我看見禱告的重要性，我沒有能力面對，但主你卻為我預備了！
我知道你一直有聽我們的禱告，我要更加把我的事交給主你！

「況且我們的軟弱有聖靈幫助，我們本不曉得當怎樣禱告，
只是聖靈親自用說不出來的歎息替我們禱告。 (羅 8:26)」


>>October 27, 2009 at 12:12:33 PM GMT+8

2009 年 8 月 30 日 星期日 【清涼】

精彩的暑期

2009年8月9日--Family Day
難得婆婆這邊的親人，除左兩個之外，可以差唔多三十人一齊去旅行！
山頂>>赤柱>>牛牛樂園，雖然只係去三個地方，但係已經好滿足！
一齊搭旅遊巴，一齊食飯，一齊喂牛......
雖然內容簡單，但我好感恩主給我這一群親人！


2009年8月12-13日--澳門兩天遊
終於有得去澳門，今次同四姨~Rita~Tammy&媽咪！
住左間新開既貴價酒店-_-''又食左好多野，甚至覺得飽都想繼續食！
始終都係澳門既豬扒包好咪-v-
決定左下次去澳門係我考完AL之後，同媽呼&老豆一齊去~~
好期待>v<我唔介意住d平好多既酒店，但可以食多好多野！


>>October 27, 2009 at 11:48:56 AM GMT+8

2009 年 8 月 23 日 星期日 【清涼】

慶幸有你結伴

迷茫既感覺久唔久番黎探我...但感謝神！你與我同在~
正當我迷茫，多謝河馬你臨訓前願意同我傾計！你既安慰，對我黎講係好重要！
我深信耶穌你是有計劃地工作，這一年讓我可以同河馬熟絡。

多謝嘉嘉，每次搵你都係因為自己類似既問題而要煩到你...
但感謝你對我既愛，感謝你既願意！
你既安慰，你既支持，你既分析，都讓我有新的思路。
在我心靈疲累時，你給我打了一支強心針！將正確態度加給我，多謝你=]

「守望者在自己生命中的委身與支持，我感受得到！
但在某些生命的道路上，只有耶穌才能與人同行。
所以在得到支持過後，仍要人自己選擇怎樣行。
耶穌，讓我更跟從你的心意去行你給我的生命！
生命影響生命......這行動要繼續傳開去！」

大妹妹，阿Fa，即使我地少見面，少傾計...
但我地既關係一直都建基於耶穌既愛中。
這一點，我會努力去學，會努力去接受。

>>August 24, 2009 at 4:30:43 PM GMT+8

2009 年 7 月 22 日 星期三 【清涼】

青年創世紀2009
Stand Firm，Be Strong！站得住，變大樹！

第二年參加青創，竟然由一名參加者變成第七人。
本身仲諗：死啦-_-我掂唔掂架？
但感謝神讓我帶一組好投入，互相鼓勵既組員。

今年參加時，自己都因去完gateway而病左，3日既青創發燒左兩日+不斷咳。
真係好耐冇試過要睇兩次醫生+配多次藥都未好番...幾驚自己有H1N1！
而且我都有擔心過自己咁既身體會傳染俾組員，但我又唔想扔低組員，所以帶住口罩參加！
不過我仍好感恩今年可以參加到，因為今次既帶組，主加給我極大信心&恩典~~
今年完左gateway同青創之後，其中一件感恩既事就係：原來我得架！
親愛既「唐唐唐」組員，你地願意主動分享，順服我既指導，彼此鼓勵....
你地減輕左我既壓力，而且係我病既時候，你地勁關心我，勁留意我身體狀況。
而且見到你地唔計較輸贏，甚至係「為口奔馳」時寧願輸都希望組員有飽飯食~
又接納大會一D唔完美既安排，一切一切在我看中係：嘩！你地真係好棒！
見到你地可以互相關心，為你地生命感謝神！

今年成為第七人，俾我一個學習既機會~
學習要忍耐啦！學習做主動第一個分享啦！學習點樣帶組啦！
雖然下次可能要帶一組「好特別」既小組，不過今次既恩典&保守，一定冇問題既！
期待出年再有青年創世記，可以再係入面服事神！
「站得住，變大樹！」願我地每一個都能在末世站得穩！


>>August 30, 2009 at 11:18:38 AM GMT+8

2009 年 7 月 20 日 星期一 【酷熱】

Gateway Camp 09
Joined In Destiny緊扣主命定

I Am A Gatekeeper！
回望過去，無可否認，上年出camp後我整個暑期都好火熱！
但當升上中六之後，實在太多野要忙，我放低左呢顆火熱既心！
今年第二次參加Gateway，呢顆心比上年更旺盛！我知中七比任何時間會更忙更倦...
但我更知耶穌要我係中七為佢做d咩，特別最後一年係呂明才，我要作代禱者與聆聽者！
從牧師手上，收到第二條Gatekeeper鎖匙，意義更重了！我更要記住：我係守門者！
上年冷淡了，但已經成為過去！今年要忘記背後，努力面前！
我要更好好面對與天父既關係，我要更愛天父！
我會努力預備自己，直到時候到了，讓主你話我知你俾我既命定！到時我一定會緊扣這命定！
黎緊既日子，我要學點樣關顧&愛身邊既人，我要學點樣為主獻上更多！
我深信主要興起我！唔單止我，而係每一位年青既弟兄姊妹！I LOVE YOU JESUS！
Beautiful one I love！Beautiful one I adore！Beautiful one my soul must sing！
「你必將生命的道路指示我。在你面前有滿足的喜樂；在你右手中有永遠的福樂。(詩 16:11)」


記住！I Am A Gatekeeper！為主開各類門！

With屯門堂的弟兄姊妹(Oh！少了阿榮)；With屯門堂+DTM的弟兄姊妹

With我所愛的天使--阿蓉；With一直都咁愛我的OME

With我特別的天使--嘉嘉；With熱情與主動的阿蕉

With我重要的屬靈母親--Fafa&大妹妹；With我親愛既屬靈姐姐--河馬

我親愛靈伙爆發組組員；With攝影工作坊的朋友

我要學習如何下更多動人的照片；我要為主擁抱更多事物

>>July 29, 2009 at 4:56:59 AM GMT+8

2009 年 7 月 20 日 星期一 【清涼】

Gateway Camp 09
Joined In Destiny緊扣主命定

2009年7月21日--「與大使命連結！」
最後一日，好唔捨得！雖然今日開始病病地，但都要為主繼續跳躍~繼續I am free！
早會--「踏上信心之旅」
係Gateway Camp入面，的確可以為主熱情&彼此合一；
但在外，面對著世界冷漠既人，我地可以keep住呢顆火熱既心嗎？
地上既人需要的，係可以改變生命既能力，呢種能力比可醫治疾病既能力更強！
「不願有一人沉淪，乃願人人都悔改。(彼後 3:9)」
耶穌只有Plan A，他沒有預備其他計劃，因為耶穌要使用我們，我們就是他的Plan A！
天父給人既東西：弟兄姊妹；神的話語；神的聖靈。的確，呢3樣野缺一不少！
世界仍然需要好多拯救靈魂既救生艇！牧者亦提及到咩係S.O.S：
「S=Submit交托；O=Obey順服；S=Surrender降服」
要把生命100%交給主，完全讓他作我生命的主宰！
當耶穌呼召我地起來，我地便要順服地去！並且要降服神既心意入面！
今日係Camp入面，再次把自己生命交回給主。當呢個Camp完結，並非終結，而係開始！

下午最後一個Workshop，仍然是Hip-hop Dance~今日教多左d steps，都ok既！雖然都係咁難XD
最後教我地跳舞既弟兄扮演MJ，都有少少似，係把假髮油左少少kaka！
之後既自由時間，終於約到嘉嘉傾計=]兩個人一齊係宿舍，都傾左幾多野XD
包括係camp既經歷，現實中既困難，生命中既問題等！完全冇顧忌咁去講~~
你去講到，若果耶穌安排我去其他地方，我既心一定係好樂意，而唔係充滿顧忌！我會記住！
呢一位姊妹，讓我倆更了解到教會間合一既重要性。
雖然我地只透過msn/sms去聯絡，甚至一年一次既Gateway先見面，但我地關係更加深厚。
簡單既支持鼓勵，就已經祝福了彼此既生命！多謝嘉嘉=]多謝你呢位天使！
係camp入面收到你俾我既信，好溫暖，你一直祝福我既生命！你讓我知道主動愛人唔係難事。
當拖住手去禱告時，我好感恩識到你，好感恩上年你給我既擁抱！
祝福你既生命繼續為主火熱~~我愛你唷！嘉嘉>v<

晚會--「我在這裡，請差遣我！」
已經開始頂唔順，食左粒藥，帶住口罩撐埋呢個晚會！
「神說：在末後的日子，我要將我的靈澆灌凡有氣的。
你們的兒女要說預言；你們的少年人要見異象；老年人要作異夢。(徒 2:17)」
我地既出世不是巧合，而係未出世前天父已經為我地寫下一個計劃，並委派了任務俾我地。
我確知，我既生命要成就天父既心意！要幫助別人，要無條件愛人，要聆聽人及神的聲音！
主呀！我在這裡，請差遣我！無論你要我往那裡去，我也會去！我願意被你使用更多！
我相信當我信靠你，你對你的子民所下的應許必定成就！
「我將天國的約匙交給你！」我收下你給我的鎖匙，為要替你打開人的心門，屬靈的門。
多謝天父！你在我生命作了奇妙的事！願你使用我更多！

>>July 29, 2009 at 4:55:19 AM GMT+8

2009 年 7 月 18 日 星期六 【乍寒還暖】

Gateway Camp 09
Joined In Destiny緊扣主命定

2009年7月19日--「列國連結！」
感謝神！熱帶氣旋警告信號 係我地聚會之前已經取消，所以可以如常舉行~~
早會--「促成和好的要素」
「這樣，你們不再作外人和客旅，是與聖徒同國，是神家裡的人了。(弗 2:19)」
正因在基督耶穌裡，靠著他的血，我地先可以與神親近，先可以與列國的弟兄姊妹一同相處！
天父的夢想=人的喚醒...好希望係神那份天國的藍圖中，自己有份參與=]
耶穌的意念就是：先以恩典！所以唔係我地做左d咩，而係神愛人係因為人好尊貴！
神既國唔係靠人既價值去量度，而係因人就是人！
「若有人在基督裡，他就是新造的人，舊事已過，都變成新的了。一切都是出於神；
他藉著基督使我們與他和好，又將勸人與他和好的職分賜給我們。(林後 5:18 )」
今日神提醒我聆聽既重要性，自己同對方先要明白神那種無條件既愛...
然後尊重對方，認真聆聽；再了解對方既需要，從而進入對方既文化！
呢種聆聽，對任何一種人也需要運用，用開放既心聽別人既需要。
係早會尾聲時，大會要我地搵一個唔同地區既弟兄姊妹一齊坦白分享，實踐如何聆聽。
雖然都想試下搵唔同既國家既弟兄姊妹...不過要分享自己-口-''都係搵番香港人吧！
最後搵左一位沙田浸信會既姊妹阿蕉！佢對我分享時，真係好坦白~~甚至一d好私人既事都話我知！
而且好感受到佢對神既愛&熱誠有幾深！可以識到佢=]我好開心！
當彼此為對方祈禱既時候，我既一個禱告，竟令佢感動流淚！
祝福佢呢顆熱情主動既心，係佢將來服事上被神大大使用~~放榜不用怕唷阿蕉！

下午既Workshop仍然係攝影，不過今日有肥翁陪，冇咁悶XD
而且今日一齊參與工作坊既弟兄姊妹互相做model影相，所以都幾好笑。
不過係戶外影相有野難處，就係要試好多次唔同光圍or快門值先搵到邊個最適合....經驗還是最重要！
雖然之後因為天氣惡劣而取消左跨文化慶典，有d可惜。
不過利用果段時間黎寫埋尋日俾父母封信，以及補眠都唔錯kaka！

晚會--「敬拜！慶祝！」
今晚聽到一個見證，係因著一個祈禱會，印度&巴基斯坦決定不打仗。
唔單止要係呢兩個國家，而係列國既關係都要復和，戰爭要停止！
我地相信耶穌，同時我地亦屬於耶穌~~
之後，亦講到中國同日本既關係，或者對我呢一代冇咩特別感受...
但肯定既係，日本過往對中國造成既傷害，為上一代留下好多痛苦回憶。
不過今晚，神要透過一位來自日本既和平使者與Gloria牧師既見證而使兩國復和~~
還有其他國家之間所有傷害，都要被主醫治！期望列國有一天同心宣告耶穌是主！

係晚會尾聲時，當要為到自己地區/國家宣告時，第一刻諗起既事係：全球禱告日
好清楚記得今年全球禱告日時，有一班人為著六四事件而係會場舉banner...
所以當晚所宣告的，要持久禱告，讓神一一成就！


2009年7月20日--「與聖靈大連結！」
早會--「神對失喪者的心」
今朝早會...係幾日入面最搞笑，最精神既一朝XD因為講者係黃姐...
由於黃姐太in，in到佢分享既說話Jason Y都唔翻譯唔切，甚至唔識翻譯。
佢一開始分享耶穌降世為人既故事，真係好深刻，更加感謝神對人既愛咁深。
「天父愛世上每一個人，但因人既一點叛逆與反抗，逐漸與天父遠離了！
天父在天上為著我們的離開，不斷哭泣！所以父神差他獨生子耶穌來到這個世界...
耶穌成了人的榜樣，並由一位全能的神變成無助的嬰孩。
他要與貧窮人生活，要了解他們，拯救他們，因耶穌知道什麼才是富足。
所以耶穌的最主要目的：把地上的兒女帶回父神身邊，透過為人死，並死在地獄。
耶穌所付上的代價：經歷被羞辱，於地獄受苦，甚至與父神分離。
最後當耶穌復活時，他降世為上的目的便完成，人便能回到父神身邊。
而人不單要靠耶穌返回天國，更要成就父神給人的命定！」

接著黃姐分享了浪子回頭既故事，今次用了第二個角度去思考。
小兒子=失喪者，他們為著地上既慾念而迷失了。
但我冇諗過原來大兒子一樣令天父好傷心，因為大兒子唔了解天父既心...
佢地通過表現自己要希望得到別人既認同，但因人各有長短，活係成就中會睇人唔起。
天父為著地上既小兒子與大兒子痛心，因為冇一個兒子好似耶穌咁理解他的心意。
所以！我要立志成為天父既第四個兒女，帶小兒子&大兒子番天父身邊！擁抱這些失喪的兒女~
並且要棄絕小兒子(沉迷於其他事)&大兒子(著重別人認同)既心！
P.S當打日記既時候，神再次提醒我那一刻的決志！
因著耶穌，我地先能了解那無條件既愛，重建關係！
所以我地要先與天父和好，之後先能與人和好，否則...只會活在破碎中。

下午Workshop係Dance...竟然學Hip-hop-____-''好難！
雖然d舞步又難跳又難記，不過幾開心XD只係呢隻舞既實用性唔大-口-可能好快唔記得！
自由時間依然係投入於寫信中，不過係寫俾我愛既姊妹~~

晚會--「裝備主的勇士！」
其實提及到聖靈，我應該好興奮...不過當聽分享既時候，我就昏昏欲睡~oh！要時刻警醒先得！
雖然覺得今日呢個主題有點難明，但都有一點幾提醒到我。
我地要孝順父母，尊敬師輩，順服牧師，當係呢d事上忠心，神便叫我地異象成真！
加油加油~~要盡責於自己既責任&命定！知左，就要即刻行動，唔好再拖！
今晚牧師為我祈禱祝福，並讓聖靈充滿我，雖然冇咩特別感受，不過也有一份平安=]

>>July 29, 2009 at 4:51:32 AM GMT+8

2009 年 7 月 16 日 星期四 【清涼】

Gateway Camp 09
Joined In Destiny緊扣主命定

2009年7月17日--「與主連結！」
一年後，再次回到嶺南大學，再次參與Gateway！
今年第一個心情是：我可否在這5日內找到主給我的命定呢？然後我緊扣這命定呢？
在等Check In既時候，發現今年多左香港&內地隊伍參與，少了外國隊伍，但氣氛仍然咁熱鬧！
今年帶住大哥部Canon相機，目的拍下弟兄姊妹既「靚態」XD而且用照片留下美好回憶~

晚會--「今日的香港和中國：緊扣主命定！」
今年既敬拜真係好high...特別一唱到「I am free」時就停唔到~興奮地不停跳躍！
講者提到耶穌對人生命有什麼命定時...心入面就擔心時機到未？耶穌可以話我聽未？
我好期待知道自己命定，好想我生命盡快跟呢個命定去裝備。
Hong Kong gateway to China and the nation！
唔單止香港，我地每一個要作屬靈既守門者，讓主既命定緊扣列國&不同世代！
而且我清楚了解到，神要興起年青人，要用年青人改變世界，要重建大衛既帳幕！
「眾城門哪，你們要抬起頭來！永久的門戶，你們要把頭抬起！那榮耀的王將要進來！(詩 24:9 )

今年同MeiSze及善兒同房，由於年齡關係，自己心底都知要照顧妹妹了XD
所以第一晚-_-''雖然大會缺乏床鋪，最後只提供游水既浮床...浮床根本訓唔到...
係呢晚...我只好將d被鋪係地下訓...個地下硬到整晚都訓唔著-口-''最後都唔知有冇訓到2個鐘！


2008年7月18日--「代代連結！」
朝早靈修，耶穌提醒我要係他入面安靜。
我知道主你已為我預備那一生最美的命定，但我會等，直到時間到了，你必告訴我！
所以，之後的營會，我放低了呢個擔憂。我單單為著自己祈禱，然後專注主內，享受每一日。

早會--「家庭關係修復」
上年類似既聚會，我都係深深被感動。
牧師講到「先有恩典，後有真理」冇錯！正因天父愛我地，我地先可以經歷到呢種天上既愛。
無論我係點，耶穌你都接納我！這份無條件既接納，我無法從別處搵到！
我同家人關係一d都唔差，只係整個成長過程唔多唔少有唔開心既回憶...
但我想同父母關係更好，所以要靠耶穌去尊重佢地，去愛佢地！
之後，台上有一班屬靈長輩代地上既父母向弟兄姊妹認罪，我既眼淚就不停流...
一路聽一路諗起過去既回憶，一切既痛苦，已透過他們既禱告釋放了！
其後牧師邀請所有已成為父母既弟兄姊妹去擁抱其他會眾時，我同MeiSze都出左去...
雖然最後自己得唔到擁抱，但見到Meisze可以被醫治，好感恩=]
之後坐番低，琪琪主動為我祈禱！真係好感動~~睇到琪琪同我由唔熟，去到咁主動，感謝神！
牧師叫我地要寫一封信俾地上既父母，去感謝佢地既付出...睇黎今晚要努力寫好封信先得！
P.S嘉嘉~其實我今年一樣想搵你，一樣想攬住你keke！

下午Workshop參加左攝影工作坊...係教一d基本攝影知識&技巧，其實我後期訓著左-_-''
一來尋晚訓得太差，二來那位姊妹用英文教授，但係翻譯又唔係太轉達到當中既意思...
由於太倦，所以之後既自由時間選擇：補眠！

晚會--「代代連結！」
聚會一開始，Jason Young就講到自己點識現任未婚妻...舉手敬拜時二人隻手捉住左。
雖然真係有少少搞笑成份XD不過我幾期待神所為我預備既另一半都係咁愛主~~都係咁火熱！
今晚講到不同年代要像一支箭，一齊進入主既命定，所以跨代連結真係好重要。
兒女=箭頭=說預言=帶來最具爆炸力既啟示；
少年人=箭杆=見異象=為前面提供意見；
老年人=箭尾=做異夢=帶來穩定，使箭不偏離目的
因為係末後既日子，最後命定一定要靠兒女，少年人，老年人三代一齊合一先能成事。
但各代都受到撒旦既謊言所欺騙，例如年青人會認為自己應該安份守己，不闖禍。
不過，當進入末後日子時，我地要警醒！唔好再被撒旦欺騙~~耶穌要興起每一個！

一支箭並非單靠自己射進箭靶，而是身邊有好多同行者，所以要與各代有好既連結。
與上一代連結：忠心和委身；愛和擁抱：孝敬和服事
與下一代連結：無條件接納及歡迎；身先士卒；為他們生命禱告
對我自己黎講，點樣同下一代連結實在係一件大功課！
依家開始學點樣關顧組員時，呢3點對我係一個提醒！

去到晚會既尾聲，牧師要我地安靜，去諗番係生命入面邊d係自己既屬靈父母時...
腦海便浮起自己重要既屬靈父母，以及一眾不斷祝福我生命既天使。

大妹妹&FaFa，我好感恩今年你地一齊參與Gateway，我先可以將我第一刻感受向你地表達。
我好感恩天父為我預備兩位咁愛我既屬靈母親，無論我係咩境況，你地都冇放棄我。
你地對我既愛&接納，我深深感受到！當時既擁抱，禱告，說話，我會記住！
無論我地黎緊既事奉岡位係點，但你地對我既支持都係我不可缺少的。
你地係我背後既包底，令我可以更勇敢踏前更多，更樂意嘗試更多第一步！
將來我會用呢份愛，愛番其他弟兄姊妹！「我們愛，因為神先愛我們。(約一 4:19)」

阿榮，嘉嘉，邦邦，OME，阿蓉等你地都成為我生命既天使~
為我生命提供了好多寶貴既意見，亦守望了我既生命！
另外，河馬！你成為我生命既一位重要既家姐！
可以係呢年入面同你熟左，係我既福份=]你對我既鼓勵好重要！
我依家可以變成「肥肥白白」既小知XD除左你地，仲有一班弟兄姊妹及天父不斷建立我生命。
而且今晚靈伙爆發組既組員入到黎，見到佢地都咁興奮，好感恩！
期望佢地出年一齊參與，一齊為主預備自己！另外，阿唐你send俾我既sms，好感動！
陪唐，知唔知你正建立我既信心？你肯定了我係呂明才所付出的力！
多謝你讓我成為你生命既同行者，為你生命有咁多改變而感恩！

P.S今晚打風...仲打到九號風球！希望Gateway仍可順利舉辦！

>>July 29, 2009 at 4:52:14 AM GMT+8

2009 年 7 月 8 日 星期三 【清涼】

讚美之泉敬拜讚美2009

第一次參與讚美之泉既音樂會，好棒！
呢個音樂會唔止係用耳聽，更要用心靈誠實去敬拜主！
可以同一大班弟兄姊妹一齊去，仲可以同大部分組員一齊敬拜~~
個感覺勁High！每一個音符，每一句歌詞，每一下跳躍，都是為主！
音樂會入面雖然帶出既信息好簡單，但已經好足夠！

《不要放棄 Do Not Give Up！》
選擇「放棄」，比較容易；
選擇「不要放棄」，需要加倍的勇氣、耐心、信心和毅力。

我們可以放棄自己的驕傲、自己的想法和做法。
可是，絕對不能放棄神所給我們的異象、呼召和夢想。

神從來沒有放棄過我們！
我們，豈可放棄自己？
我們，豈可放棄神？

我們，是一個不放棄的generation！
緊緊抓住神所賜給我們那剛強壯膽的心。
不放棄呼召、不放棄神給的夢、不放棄自己，不放棄別人；
最重要的是，我們不放棄神！


>>July 28, 2009 at 9:43:53 AM GMT+8