2008 年 10 月 1 日 星期三 【晴】

I LOVE YOU

To 親愛的大妹妹：
生日快樂！願這一年主的愛，喜樂，平安等大大充滿你！
過往我對你的誤會，惱氣，甚至無視，對不起！
但感謝主！讓你這位愛我的守望者放左我生命裡，在每一個時刻也與我同行。
曾經我害怕有一日我要上最後一堂守望，就等於關係完結。
可是現在我確實知道，這段關係，不是建立於時間，物質上，而是建立於主的愛上。
即使守望課程完結，你我的關係不會消失，你仍然是我一位重要的同行者。
你願意為我「包底」，讓我不怕踏出更多第一步，因即使發生什麼事，你也會與主一起和我同行。
多謝你昨晚的分享，多謝你對我的坦白！
I LOVE YOU 大妹妹！

P.S-_-''有d肉麻tim！
呢張相係Sum婚禮果日影，真係好鍾意=]


>>October 2, 2008 at 1:53:55 PM GMT+8

2008 年 9 月 27 日 星期六 【晴】

Sum & Vincent 婚禮

「新娘一步一步踏入教堂，父親把女兒的手交托給新郎...」
Wooo~今日見證阿心同Vincent既婚禮，雖然只係好簡單既婚禮，不過好浪漫XD
特別獻詩由三對伉儷所唱既「倆心雙連」，真係好好聽...
果然女仔去睇婚禮-v-會激起想結婚既衝動XD！
同Fafa講到時我結婚希望Fafa~大妹妹~Ome三對夫妻幫我獻唱=v=''
仲幻想幻想左好多野，不過唔知幾多年後先發生呢？
今日搞笑地同Fafa&大妹妹講，到時結婚留番個姊妹位俾我，唔好係花女！期待期待=]
還有驚訝地見到新人王識既朋友=]原來佢同Vincent同一教會，真巧合！
「願倆心相連 愛到老不易變
明日變遷同攜手過渡 嚐盡主的每份恩典」





>>October 2, 2008 at 1:40:55 PM GMT+8

2008 年 9 月 22 日 星期一 【驟雨】

精神薑？薑神精？

早幾日收到瀛之係澳門買既手信-v-真係笑左出黎。
望住個盒...望住個健美「型」男...唔食單睇都精神D。
雖然只係一份好小既手信，不過已經好開心=]多謝瀛之。


燃燒國度 201
之前係網上見到呢個音樂劇：「燃燒國度 201」。
睇完個簡介好吸引，好想好想睇，最後買左飛2/11同Fafa佢地睇=]太好啦！
套劇唔單止講馬禮遜宣教士黎中國傳福音，更帶出事奉到底為榮耀自己定係榮耀神。

故事大綱：
一班年輕人正排練一齣紀念馬禮遜宣教士來華200週年的音樂劇。
再累人的綵排、更複雜的舞步、甚至欠佳的票房都不足以磨滅小伙子的志氣；
唯獨積壓日深的誤會、惡化的關係於演出在即一觸即發，叫他們潰不成軍……
台上──同心演繹馬禮遜來華的偉大宣教使命，為上帝發光。
台下──究竟為了服侍上帝？還是滿足自己的虛榮心？
馬禮遜宣教士的生命為中國耗盡；年輕人的青春又為誰燃燒？



>>September 24, 2008 at 6:20:36 AM GMT+8

2008 年 9 月 16 日 星期二 【清涼】

新結他到手=]

終於有結他，一部新結他，好開心=]
一部可以插喇叭既鋼線TOYAMA結他！
原本舊果部魚絲結他仲用得，不過基於一點買錯野問題-_-''
最後決定買多部新結他...今次係出世以黎-口-''買野買得最多錢既一次。
不過感謝神！因為部結他價錢唔算太貴，暑期工份糧俾錢後都仲有少少剩下-v-''
努力學結他，同時我唔會放低鋼琴。始終鋼琴同結他所彈奏出黎既音樂，根本係兩回事。
我仍然咁鍾意彈琴，所以要努力係兩種樂器中取得平衡=]

感謝阿榮係我買結他or學結他方面都咁落力-v-''麻煩晒！
而且因為做左你「徒弟」，除左結他方面，係事奉，係末世方面有好多提醒。

P.S依家「誠徵」一條結他帶，一隻公仔扣係結他......
仲有一個得意名牌扣係結他袋。講笑的XD！
等遲d慢慢睇中合心水既先再買=]



>>September 21, 2008 at 1:13:09 PM GMT+8

2008 年 9 月 14 日 星期日 【清涼】

離別

一位好朋友一位姊妹都離開左香港讀書...好唔捨得。
阿余上個禮拜飛去台灣讀書，阿朱就飛去加拿大，好遠-__-''

To 阿余：
今年已經識左你第六年，由中一冇計傾，之後唔同班反而一年比一年Friend...
你係呂明才同我可以分享信仰既一位好友，一位可以同我一齊狂食既好友-v-''
多謝你成日就我，就我睇我想睇既戲，就我去我想去既地方，就我去我想食既野。
雖然你有時...好暴力XD，不過我多肉唔怕Kaka！
還有多謝你信任我=]有咩唔開心，擔心既地方，你都願意向我分享，聽我既意見。
你永遠都係我一位知心好友，五年後你讀完書，希望我地感情係不退只進。
加油！去到台灣，放低香港你煩緊既事=]專心讀書唷！



To 阿朱：
雖然識左你都有幾年，但真正會傾計會一齊開組都係今年既事。
剛剛Friend，就要分開T^T好唔捨得你唷！
你係一位好Nice，好願意聽我分享既一位姊妹。
係夢想樂園同你一齊服侍神，我好開心！每一次聽到你點經歷神，對我都有好大鼓勵！
加油呀！去到加拿大，願神將一間適合你既教會放係你面前。
P.S：果個聖經索引-.-我唔係有意留低個價錢牌的！


>>September 15, 2008 at 5:02:22 AM GMT+8

2008 年 8 月 3 日 星期日 【清涼】

放榜日

感謝主！我徬徨時，你在我背後支持我，你在我前面為我開路。
接到成績單，我真的笑了出來，真的很開心！
即使不是高分，但卻超出了我預期，可以全部科目也合格，感恩=]
之前，原本對自己講說了，不夠14分，不會升上中六。
可惜，當自己拿著13分的成績，卻十分尷尬。
不理升不升到，先交了中六學位申請表，接著打算即刻出柴灣報讀IVE。
但當問及鄭Sir我升到中六的機會大不大時，他卻安排我與校長有Interview。
呆了！那一刻真係覺得升到便升，升不到，我也不信以我這個成績IVE不收我讀。
不過也先試一試，不能才算。等候見校長時，十分緊張...甚至緊張到想哭。
麻煩了阿珊為我作了一個面試預備，那一個禱告使我放鬆了。

當與校長面試時，再次緊張不得了...甚至有一刻衝動說：我不想讀中六。
那一種壓力...比我面對會考更大，在校長室裡的那一刻，我很辛苦。
面試完結，再次見到大妹妹他們，眼淚不斷落下...
即使學校決定收我，我也花了很長時間思考。
我怕令每一個人失望，我怕我讀不上中六，我怕辜負身邊的人對我的期望...
最重要的是，我怕這不是主為我預備的道路。
但多謝大妹妹&肥豪&阿珊&鄭sir的支持及禱告，我迷茫時，我要安靜，以你為神。
不論我升到中六後，能不能順利讀完，能不能考取好成績，能不能由中七升上大學。
但我知道這次機會，不是容易地得到，我相信主你允許學校取錄我，有你的旨意。
不管我讀書方面成功與否，但這年半，我要依靠主讀書，我要100%將我的學業，我全人交給主。
我所面對的壓力對我來說確實大，但我會盡力，Never Give Up！
最重要的是，我要更加依靠主，更加在這年半學在壓力中愛你，在得與失時也感恩。
「你必將生命的道路指示我。在你面前有滿足的喜樂；在你右手中有永遠的福樂。(詩 16:11)」

P.S多謝每一位弟兄姊妹，老師，朋友，還有就是父母。
今日我得著的，更是媽媽的愛，你的關心&支持，我深深感受得到。

我願這一生也跟隨主，甚至背起十架主，一生也不迷路。
即使這條路多艱難，我也不介意。
「一生不迷路」

在我生命中 你是我心裡唯一的愛
我像個小孩 在你的胸懷
在我這一生 走過無數的坎坷艱難
如果沒有你 我該如何繼續
你雙手是我的幫助 再多苦也能站住
你的話引導我前途 使我走正直的路

引領我 使我不偏左或右
走十架的路 直到把你看清楚
引領我 使我一生不迷路
在你的光中 能把你看清楚

會考成績如下：
Chinese Language：Lv3
。Reading：Lv2
。Writing：Lv3
。Listening：Lv5*
。Speaking：Lv2
。Integrated Skills：Lv3

English Language：Lv3
。Reading：Lv2
。Writing：Lv3
。Listening And Integrated Skills：Lv3
。Speaking：Lv2

Religious Studies：D
Biology：D
Chemistry：E
Physics：D
Mathematics：C
Additional Mathematics：E

>>August 7, 2008 at 3:07:36 PM GMT+8

2008 年 8 月 2 日 星期六 【清涼】

放榜日前夕

感謝主！是你帶領我去面前人生的每一步。
即使明天結果如何，已不重要，我要學習在得時或失時也要榮耀主。
多謝每一位弟兄姊妹對我的支持，單單一句說話，我已感受到你們對我的愛。
我迷茫時，主透過你們為我打氣，透過你們去解釋主的心意。
之前，我很想跟從主的心意行每一步路，選每一個決定。
但卻因過份執著，導致我很怕很怕行錯路，很怕主會認為我不跟他的心意。
可是現在我知道，在主眼中，沒有行錯或行對，因為每一步我所行也是他預備的。
如果主不想我讀某一科，他一定不會允許那一科會收我的。

多謝大妹妹的擁抱，多謝阿Fa的打氣，多謝邦邦，
多謝各位弟兄姊妹對我的支持，為我代禱，
讓我感受到主的愛在我們之間流通，感謝主！

夠分升到的，我應該會升上中六。
唔夠分的，我應該先會選擇IVE的三年制環境資源管理高級文憑 。

>>August 3, 2008 at 4:11:50 PM GMT+8

2008 年 7 月 24 日 星期四 【清涼】

青年創世紀

2008年7月22日
待打！

2008年7月23日
待打！

2008年7月24日
待打！

2008年7月25日
待打！

>>August 3, 2008 at 3:40:17 PM GMT+8

2008 年 7 月 21 日 星期一 【清涼】

2007-2008 F.5 Graduation Dinner

雖然整個Grad Din都唔太有咩特別，不過可以見番咁多同學=]
好開心！可惜既係影唔到級相...影唔到班相...甚至連黎既老師...都冇10個。
不過過左去就算lu！起碼同到好多同學影相留念。
P.S好彩今日著裙唔會著得唔太好睇XD麻煩了大妹妹~~

2008 年 7 月 15 日 星期二 【清涼】

Gateway Camp
HEAR & NOW 08

2008年7月15日--「差派」
今日早會係「活出大使命(島國)」，講到一句好深刻：
「參與天父在別人生命裡進行的工作！」
不單傳福音，牧養，甚至單單關心對方，已經可以影響別人生命。
到外展準備，學了另一套Drama，雖然唔太涉及福音，不過套劇短得黎已經好好笑...
再次係我地組出現太多笑位-v-套劇係關於一班人每日既工作，我做運動員...d動作做到我好倦。

最後一次晚會，不捨得。今晚係「Gateway慶典」，好多牧者都黎到參與。
睇番一段又一段係Gateway既片段(段訪問唔出我同Candy果段唷T^T)。
原來咁快已經過左5日，個感覺呢5日真係單單去學習，去聆聽主的聲音。
主在晚會再一次提醒我：「我兒，不要少看你年輕，我在你一生的計劃也很美妙。」
整個Camp，我確知主在我生命中要作大事。即使會感到疲累，但我仍要盡心盡意盡力去愛主！
最後由牧師為我地每一位戴上「Gatekeeper」既鎖匙...
那一刻好大感觸，我們這一代，就是為主打開中國福音的門的一代。
「因為主你的愛，我不再懼怕行出第一步，我也不怕被主觸摸！」

完結時，遇見嘉嘉，就是想上前為她禱告。
擁抱，流淚，這一切也是寶貴的回憶。

2008年7月16日--離開嶺南後，我要活出基督
終於要離開，再次面對社會的生活。
第一次去後悔自己冇參加宗教性既活動，冇參加「精兵專使」。
但卻因為參加左Gateway Camp，先發覺需要裝備自己......
亦知道每一個裝備的機會也不多，下次一定要好好把握！
而以前我會覺得如果將整個生命交俾神，真係會好悶，咩自由都冇晒。
但當經歷完呢五日，原來為神工作，可以有咁大喜樂，可以得著咁大，可以同神關係咁親密。
完了新人王+Gateway，我對安全感呢樣野，開始交俾神。我對人既安全感，開始減少。

要保持著這顆火熱的心，要為主而活。