2009 年 3 月 3 日 星期二 【微冷】

忙碌的生活

雖然呢排真係好忙好忙，忙功課，忙Project，忙會議紀錄...
但襯可以抽左少少空閒時間，快d打番近排既事先。

3月4日--富豪雪糕

上學期零遲到，本身冇咩咁大不了...但係今年學校推出一個政策：零遲到一杯軟雪糕
雖然常係街到見雪糕車，但係第一次見到有雪糕車入黎呂明才...仲要拎住張飛仔去換雪糕食-v-
編左今日高年級換雪糕，個個都好乖拎飛仔排隊換雪糕。
基於架雪糕車好忙...連d雪糕都唔夠時間凝固，所以食左一生人最最最軟既軟雪糕XD
其實唔太介意杯軟雪糕係點，純粹有架雪糕車係學校橋底，仲要播住音樂，真係好hgih...Kaka！
聽講下學期再零遲到會有幾多獎勵，唔知係咩呢？！



3月5日--捐血日


「我今日捐左血啦！」

前日已經開始驚捐血日...最後今日，還是要面對。
其實一開始想捐血-.-''最大原因有兩個：我想知自己咩血型&俾人串
俾老嚴串我-_-''話香港就係因為有我呢種咁細膽既人唔敢捐血，搞到血庳唔夠血用...
因為呢句，下定決心試人生第一次既捐血。點知Navy不斷話好痛...Isa又話冇事-口-''俾你地嚇死
今日第四堂自修緊既時候，就俾校工叫左落禮堂...唉！晒左堂自修-.-''
先要同阿寶講聲：萬分歉意！因為等見姑娘時，太驚...不斷修害阿寶...對唔住呢！
見姑娘...佢真係幾惡下。我醒唔起今朝食既早餐係叫瑞士卷，講左蛋卷...
跟住就俾佢話「你食既係脆定軟」o左嘴-___-''下次都係食其他野好XD
到啪手指，望住另一邊等啪...原來啪果下唔太痛，係之後等傷口止血先有少少痛。

D姑娘話如果啪手指唔覺痛，捐血都應該唔會點覺痛。訓左係張床-.-''點解個頭要訓到咁後呢？
佢捉住我右手，想幫我消毒前，我問左句：唔係左手捐咩？佢話右手血管易搵d...
跟住佢講左句：你第一次捐血呀？緊唔緊張呀(少少啦)，咁打少少麻醉針啦！
咁就俾人Fake左打左支極痛...極痺既麻醉針/口\呢支針...仲痛過插係隻手捐血果支針-_-''
最後捐左450cc...竟然同d男同學一樣份量，好過份lor~~~~~~~
好彩成個過程都唔算好辛苦，而且個姑娘插左一次就插中條血管，少d痛楚。
只係之後捐完坐番起身，唔知係唔係個頭訓得太後，有少少頭暈....咁就俾個姑娘再叫我訓低-.-''
捐血捐左12分鐘左右，休息連飲野都差唔多30分鐘，搞到又俾老嚴串話我身子弱....
今日既遺憾，飲唔到美祿......變左飲橙汁T^T"一d都唔好飲~~~
下次捐血係9月，我諗下次我應該冇咁驚...and以後都應該可以為血庳出一分力XD

這一支討厭的麻醉針-_-''害我痺足一日半，連上英文堂都要同Tammy&Navy一齊左手寫字。


>>March 10, 2009 at 1:02:11 PM GMT+8

2009 年 2 月 19 日 星期四 【微冷】

認清事奉心態

直至夜晚23:30左右，我的心情就像今早天空灰曚曚，失落了喜樂的感覺。
近期經常聽到阿榮說：
「雖然我們沒有最好的樂器，沒有最動聽的音樂，
沒有最美麗的歌聲，但神你一樣會悅納我們的敬拜。」
在沒有鋼琴伴奏下，我明白要唱新歌，要掌握每一個音是困難的...
但總有要學新事物的時候，為何建議我轉帶唱其他詩歌？
不是只要我們真心敬拜，即使唱得不動聽，神不是一樣喜悅嗎？
這個疑問，不斷於這兩天浮現於我腦中。
甚至，我只想盡我能力於分享前作一個引言，卻不斷被說「你離題了」。
很不好受的感覺，我只想盡快完結分享。

但今晚，當坦言地向Fafa訴說我的感受時，我明白到神要提醒我更新。
過往的我，可說是很著重「表現」的人。
例如對上一次我在小組帶話語的時候，我很清楚記得那次我認為自己帶得很差...
我沒有信心再帶，我怕結果也同上。
但現在我明白，即使組長或領袖，甚至神，也看重我事奉的心態。
神愛我，組長領袖安排事奉給我，也不是看我的表現，而是我事奉的心態。
真的需要學習依靠聖靈的能力，調節自己的心思意念，要讓神更新我的生命！感謝神=]
「弟兄們，我不是以為自己已經得著了；我只有一件事，就是忘記背後，努力面前的，
向著標竿直跑，要得神在基督耶穌裡從上面召我來得的獎賞。(腓立比書3：13-14)」

我要認清我事奉的目的：不是討人的喜悅，不是討自己的喜悅，而是討神的喜悅！
「 他對我說：「我的恩典彀你用的，因為我的能力是在人的軟弱上顯得完全。」
所以，我更喜歡誇自己的軟弱，好叫基督的能力覆庇我。(哥林多後書12：9)」

>>February 22, 2009 at 1:15:46 PM GMT+8

2009 年 2 月 17 日 星期二 【炎熱】

雜記Again


耐不耐就影一張的家庭合照


左邊呢對黃色Crocs係老豆同阿媽送既禮物；右邊呢對就我同二哥送俾老豆既禮物
不過買完之後，我同老豆都一齊認同...要花d時間適應對涼鞋古怪外表-口-''


左：一班豆丁同阿媽慶祝生日；右：屬於頗齊人的親戚合照

>>February 18, 2009 at 2:43:40 PM GMT+8

2009 年 2 月 14 日 星期六 【微冷】

中六上學期成績表

2月15日為家長日，基於同媽咪夾定-v-順利渡過！
雖然今回成績未算最理想，不過見到開始適應到中六課程，又有進步，感恩！
可惜可惜-_-''我的M&S依然Fail，努力尋找方法讀這一科......
另一驚訝的是，P.E我竟然有A-...連我老豆都話：你體育都有A-？講笑ja？
好似印象中未試過P.E成績出現A呢個英文字母-口-''我諗都係全靠我同組既同學努力XD

至於夜晚，應該係第二次班會活動--蝴蝶灣BBQ。
雖然都一樣有講有笑...不過老實說，如果我唔洗成日俾人串會開心d-_-''
最後記錯輕鐵既尾班車時間，要同老爬飛的！
而且...突然有一想法，希望可以今年等F.5會考完結，再搞番次5S1班會活動。

Chinese Language & Culture：55/100
。Writing：11/20
。Reading：7/15
。Culture：17/35
。Listening：10/15
。Oral：10/15

Use of English：53/100
。Listening Test：10/18
。Writing：9/18
。Reading & Language System：5/18
。Oral：9/18
。Practical Skills：20/28

Mathematics & Statistics：31/100
Religious Studies(Christianity)：A-
Biology(AL)：58/100
Chemistry(AL)：51/100
Physical Education / Development：A-

Average：49.60/100

「因為你們沒有祈求以先，你們所需用的，你們的父早已知道了。(太 6:8)」

>>February 18, 2009 at 2:25:20 PM GMT+8

2009 年 2 月 9 日 星期一 【晴】

HERE I STAND

剛過去既星期日，教會邀請左大衛城文化中心既吳牧師主持「貞潔主日」。
內容圍繞住要持守貞潔，不妥協婚前性行為，將貞潔交給未來的伴侶。
好深刻既係吳牧師提及要為到未來的伴侶持續的祝福禱告...=]
我相信主必定將他預備給我的伴侶，在某一個時刻讓他出現於我生命中。

「Here I Stand」

Hosanna，the King of Kings。
Rebekah and Isaac sing。
In God we own the Holy Ring。
Wherever I go，I will bring。
My campus，the Holy Land。
Will glorify Jesus again。
O Lord，My Father，Here I Stand！
I stand on the Promised Land！

社會責任

「企業社會責任，企業社會責任並無公認定義，
但一般泛指企業的營運方式達到或超越道德、法律及公眾要求的標準，
而進行商業活動時亦考慮到對各相關利益者造成的影響，
企業社會責任的概念是基於商業運作必須符合可持續發展的想法，
企業除了考慮自身的財政和經營狀況外，
也要加入其對社會和自然環境所造成的影響的考量。」

企業的社會責任...商科的題目。但係今日基教堂提到既時候...個腦不停思考。
其實我並非十分了解呢一個Topic，只係我有個感覺：現今既企業，好似重錢過於重人。
有幾多企業，真係持守道德，唔看錢大過一切呢？
仲有一個問題係今日不斷思考，自己到底有冇太著重自己利益，而忽略了其他人或事呢？
答案未得出，但我知道係末世我更加要警醒，不要隨波逐流。

>>February 10, 2009 at 11:56:13 AM GMT+8

2009 年 1 月 28 日 星期三 【晴】

新年雜記

1月7-20日，是為期中考。考試的內容多了，複雜了，溫習的過程也很倦。
中六的考試...好似同會考一樣疲倦-.-我老啦！Kaka！
今次每科考既卷數都同A-Level一樣，唯獨考既時間除左中英之外，其他都縮短左...
亦即係Chem同Bio都由6個鐘>>3個鐘，M&S由3個鐘>>1個半鐘
我今次考試考3個鐘-_-''都已經虛脫，仲要成個考試飲左5,6支葡萄適= =''
咁如果到A-Level，又要考6個鐘...我咪要飲十幾支葡萄適- -''嘩！肥死XD
感激阿C考試的陪伴XD！有人陪下溫書，特別係溫Chem果陣！
同時亦發現自己一個要改變既問題- -''我太遲起步呢！話唔定下次早d起步XD成績會好d！
至於今次考試既成績，差一份卷就派晒！所以都係等埋知晒成績一次過打出黎吧！
不過有一點想講...M&S我真係有努力...明明我係理科人- -''呢科可以咁差...
話唔定我唔係讀數人，係背誦人XD算！不過我會繼續努力！真係唔得先諗drop唔drop！
始終...我想讀好我所選既Chem，Bio以及M&S！

1月22日係Prefect Day，辛苦晒d Prefect啦！
要忙拍片，忙練琴，忙夾稿，忙練大合唱...
完全感受到...我中三果陣Max做組長既辛苦=_=''

1月24日小組食團年飯，食到中途，波多黎國既弟兄姊妹黎到加入小組！
頓時我地要轉channel，不過我諗今日之後我既Listening應該可以進步左0.001%！
今日發現，豬Ben同小茵洗碗所需既時間...豬Ben係小茵既一倍有多- -''真係好慢...kaka！
不過辛苦晒你地！今日不斷洗碗...洗左好似都有4次-_-''是日為洗碗日！
臨完組前整湯圓...OME話金莎湯圓好食...但經歷左今日，我好似連金莎都討厭左- -''好難食。
完組後同Zoe行街街，好耐冇同佢出街。行信和，新之城，朗豪坊。
原本都見到條灰色裙都有衝動想買- -不過俾Zoe stop左一下，冇買...依家有d後悔XD
夜晚番左寶田食飯，$40一個日式咖哩豬扒飯，周打蜆湯，蒜蓉包，什果賓治， 果凍。
都算抵食，不過碟飯...真係好大碟= =我夜晚食量少d...食唔晒T^T''好彩有Zoe！

年初一至三，除左年初一去左Grandmother屋企拜年之外...
其餘兩日因為老豆阿媽，同埋阿婆果邊既親戚番左大陸，所以只好留係屋企...
食左幾餐杯麵波仔飯同自己煮麵...好想食一餐煮家飯T^T"
最後呢兩日，Hea左- -''睇晒成套「絕對彼氏」，真係幾好睇-v-''
呢兩日確實休息夠，又係時間要開工做功課做Project！


左：靈伙爆發組；右：一同整湯圓

左：洋甘菊的Hand Cream；右：雙星送的聖誕禮物

左：年初一影的，自己都覺得自己太斯文-_-；右：森永牛奶布丁-v-好好味唷！

>>January 29, 2009 at 3:17:20 PM GMT+8

2008 年 12 月 31 日 星期三 【乍雨乍晴】

2009年目標

為了表示我十分認真打這篇日記，所以主要會使用書面語，扮認真！
終於願意記下2009年的目標，看來第一個目標應該是：不要懶惰Kaka！
認真點...定立2009年目標...好多方面都想改變，好想真正能實踐所訂立的目標。
最後總括而言：「突然生命的框框」這個看來十分虛無縹緲，但我真的有認真思考呢！

1)突破對人的框框：不要再胡思亂想，不要隨便說怕這人怕那人，嘗試先開放自己認識別人！
2)突破面對問題的框框：不要小事化大，不要凡事都先以悲觀那面看！多角度看生命，看事件！
3)突破音樂的框框：先努力，先嘗試！學習以正面的方向享受神所創造的音樂！
4)突破讀經靈修的框框：不一日堆一日，今日的事今日做！(希望這一個目標...出年不再出現)
5)突破靈命的框框：得或失時，也要以你為王！學習於平淡的日子也要倚靠你！
6)突破學習的框框：無可否認，中六課程的確很困難，但路...一直都在呢！我希望今年，我找到我的專用讀書方法！
7)突破舊有的框框：面對新的小組，我要更投入，更享受！

其實應該還有很多，不過暫時我只思考到這些。今年要發放正能量=]

>>January 29, 2009 at 3:21:15 PM GMT+8

2008 年 12 月 30 日 星期二 【乍雨乍晴】

忘記背後 努力面前

2008年已成過去，年頭曾分別在以外幾方面訂立目標...還是將重點才列出黎吧-口-''

1)離校溫書既日子，每日要溫書起碼7小時以上。
「大約都有既！起碼Study leave果段時間係自修室...都冇白費到。」
2)會考給自己一個目標：15分以上，並且科科合格，中文Level4，英文Level3。
「8科全部合格，中文Lv3，英文Lv3，分數得13分...雖然同目標有少少唔同，不過好滿足啦！」
3)關心多點較新的組員...(我自認平時太少關心美人Ling小琳等...)
「感謝主！今年俾我同美人更加熟絡=]更多彼此關心既時刻！」
4)別再懶，會考多忙也要做，就是每日靈修。
「-__-''失敗！呢個目標，希望寫埋2009年就唔洗再寫！」

雖然目標成效唔多得...不過今年神確實讓我經歷了豐盛，充滿恩典，擴闊了眼光的2008。
1)忘了幾時知道自己鋼琴七級試合格了！
2)1月10日畢業盃混合排球，S1與兩班F.7比賽，贏左一場，感激當日打氣的同學！
3)1月15日畢業盃混合排球季軍戰，想不到S1排球竟拎到季軍！最後一次班際比賽，唔捨得！
4)1月31日學校邀請了ACM開了個敬拜音樂會，雖然同學反應普通，但我享受敬拜。
5)2月3日另類團年飯，食日本菜。埋單好貴，不過人生第一次可以俾我任叫食物。
6)2月9日新年先要睇醫生...就係那隻凍傷了的腳-__-''接著就係新年的青年區合組。
7)2月15日真正最後一日正式上課，接著就係Mock...對完卷就要離開學校各自努力。
8)2月19-28日經歷了會考的辛苦--Mock，每日不停考，個腦差d爆=_=''
9)3月12日花了前一晚整了火焰卡，送給S1既同學。
10)3月13日真的是Last Day，周圍影相，周圍走，五樓充滿著不捨得既感覺，我更唔捨得5S1。
11)3月24日與久違了的芝芝食飯，好掛住我這位姊妹，你AL要加油！
12)4-5月也留係自修室與阿余奮鬥，讀書過程辛苦，但溫書中卻在互相鼓勵中支取力量。
13)4月3日信主4週年，與主一同經歷了四年，自己被主改變了很多。
14)4月23日--5月13日與會考8科戰爭，為了考試短短半個月，花了年幾時間學習。
15)4月23日收到榮基從內地寄來的E-Mail，簡短的說話+一首歌，已是很窩心的支持。
16)5月13日完結了所有筆試，與阿余輕鬆了半天，看了「柴犬奇蹟物語」。
17)5月21日正式係大興惠康做收銀Part Time...每日倦到番屋企就訓。
18)5月23日班會重聚活動蝴蝶灣BBQ，最後夾出黎既錢剩下$2xx，一次過捐左比四川。
19)6月7日布永康佈道大會，用了$42搭車去博覽館。第一次聽到「這世代」，深深著迷了XD
20)6月開始學新樂器--結他，跟著阿榮學習，不單學習結他的彈奏，更學習突破我給自己音樂框框。
21)6月尾收到托人係日本買既小池徹平演唱會週邊粉藍色毛巾，好靚唷>v<
22)7月1-3日新人王Camp，重新經歷了一次人生，非特別好玩，但卻是一個重要的體會。
23)7月6日唱創你2008，未試過用琴同樂器夾，一黎就參加比賽。雖然輸左，不過係音樂上有好既經歷。
24)7月8日為學校畢業禮，今年冇獎拎，單坐係台下在參與者，我唔想呢次係最後一次。
25)7月11-16日Gateway Camp，擴闊了自己對信仰的眼光，開放了自己及識了新朋友。
這是一個對我生命有重要影響的Camp，特別在尋求主及傳福音的方面有新的睇法。
26)7月才一次過出了5-6月的糧，真的耐得很！人生第一次出糧都要因上司搞題戶口而延遲。
27)7月20日Miss Sin婚禮，恭喜Miss=]祝你做個幸福的太太。
28)7月22日Graduation Dinner，第一次著得咁斯文-口-''沒有什麼特別事，但開心再見到很多好友。
29)7月22-25日青年創世紀，在屯門與一大班年青人玩左四日，特別喜愛「深度聆聽」。
30)7月28日與阿余去書展，花了$500多元-v-''不過開心既係買到一條好靚既十架鍊。
31)8月4日放榜日，感激無數人對我的鼓勵！會考成績13分，感恩主開路讓我升讀中六。
32)8月既半個月都係教會既夢想樂園事奉，與不同弟兄姊妹合作，主加了更多忍耐及愛在我身上。
33)8月27日中六領袖Camp，第一次看遍全級中六同學，與某些新同學經歷了喜樂的一天。
34)9月1日正式著新校服上學，代表中六的生涯開始！同是Ms Chan做班主任-口-''將會是辛苦的年半。
35)9-11月參加了守望者裝備及組長訓練，在不同方面裝備自己。
36)9月17日人生第一次貴價Shopping，買了新的鋼線結他。
37)10月17日旅行日，簡單的蝴蝶灣BBQ已很開心，我喜歡6S這班。雖然有悲傷事發生...
38)10月27日就職禮，擔任了團契團長，Prefect組長&綠社苦工-v-''
39)10月28-31日UT失敗，有少少擔心自己讀唔讀得掂中六。
40)11月2日燃燒國度201，真係超級好睇=v=d歌同劇情都好好！
41)11月17日四六盃男女足球，夠晒激...十世唔踢波，一踢就踢比賽。
最後對6A以3：1勝出，對4C以1：1和左。但搞到隊友傷晒-''-
42)11月20日Bio Field Trip，完成了大埔辛苦的考察，Report更難-_-''與KoKo~家輝~老嚴一組。
43)11月21日四六盃男女足球決賽，對4S2以1：1和左，要踢十二碼，最後靠Woodstock一腳贏左。
我喜歡6S每一個也到場落力打氣！那種氣氛很棒=]
44)11月22日青年區戶外活動「決戰加多利」，第一次係沙灘玩水戰。
45)11月26日大妹妹&Fafa請我食青森為我慶祝生日=]很滿足的一晚。
46)11月29日17歲生日，感謝「天信」為我慶祝。過埋17歲呢年就成人了。
47)11月30日與老豆阿媽遊濕地公園，雖然只行左好短時間，不過好開心。
48)12月1日Sports Day參加了鐵餅及中四六班際接力。雖然輸左，不過贏了Team Spirit！
49)12月2日Sports Day參加了鉛球及女甲社際4x100m接力。兩項都差少少就有第三名架啦...
50)12月1-2日Sports Day係我6年黎最投入，對綠社最有歸屬感！
由飾物，場地佈置，社衫，搵跑接力既社員，到最後幫手執手尾都有份幫手。
51)12月3日與雞翼行街街，佢臨飛去外國前最後一次二人世界。
52)12月12日35周年校慶典禮x師生同樂日，兩項都有份參與，樂在其中。
53)12月19日聖誕崇拜邀請了高皓正分享，夜晚係Mic hm為雞翼farewell。
54)12月20日Miss Tang婚禮，願你二人幸福快樂。
55)12月21日南區聯合崇拜x嘉年華，幫手係五色洞既白洞幫手，為了好多小朋友作決志禱告。
56)12月24日人生第一次報佳音，係屯門碼頭邊行邊唱，特別的平安夜。
57)12月27日第一次有份籌辦慶典--「模擬家庭」以及與組員睇燈飾。
58)12月28日感恩聚會，雖然去唔到全場，但在敬拜中卻回想了很多神在我生命的祝福。
59)12月31日最後一天，感謝神看顧了我一整年。

咩都唔理，把所有深刻的也記錄下來。
將來回顧，也更能看見主十分祝福我的2008年。
2008年可算是人生第一個轉捩點，但一切已成過去！
2009年係新既開始，要在不同方向繼續努力=]

>>January 29, 2009 at 3:25:59 PM GMT+8

2008 年 12 月 20 日 星期六 【颳風】

來一篇簡短雜記

「我一生一世必有恩惠慈愛隨著我；
我且要住在耶和華的殿中，直到永遠。(詩 23:6)」
就快2009年...2008年所發生的一切，都應該要盡快記下了。
人的記憶有限，再唔記下，我怕遲d咩都唔記得晒Kaka！
太多件事發生左，但又未記下-__-''因時間關係，所以唯有簡單記下吧！

11月22日--青年區戶外活動「決戰加多利」

好似未曾係沙灘玩水戰-V-''當一班年青人分左兩隊戰鬥既時候...真係玩得好激烈...
我完全唔夠另一隊鬥-口-''d水好似一盤盤咁倒落黎，玩完之後成身濕晒。
之後又同信望愛組一齊玩左個每人拎住一支筷子吉住隻杯行一段落，再倒落個水樽到。
雖然好難玩，而且我地組倒得最慢最少水，不過過程中其實好開心=]
因為大家都表現出一個好棒既同行感覺---不計輸贏，只享受過程。A-men！


12月3日--Dating With Allison

好掛住雞翼，終於Sports Day補假呢日可以同佢行街食野=]
對上一次同佢去街，因為佢病左，所以唔可以盡興。
今次兩個都健健康康，所以整個過程中好開心，傾左好多計。
一齊出旺角行街，陪佢搵Lego Mp3，食Mos Buger，行無印，影貼紙相，仲係街邊既食店食野。
好鍾意同雞翼行街，因為你亦係我少有既朋友之中，肯陪我邊行邊食~邊搞Gag~又易就人=]
過左今次，要再一齊出街玩，起碼要等差唔多一年，你去左澳洲，I will miss you so much/口\！


12月12日--三十五周年校慶感恩典禮X師生同樂日

今年呂明才35周年，沒有Open Day，只有感恩崇拜+同樂日。
崇拜好緊張-_-''因為有蘇主教等黎左一齊參加，我要讀經...好驚讀錯，好彩最後都順利-v-
緊張後係搞笑了...為左配合呂明才生日...學校安排左14個學生領袖代表上台推蛋糕俾嘉賓切。
我以團契團長身份推蛋糕...仲要播好有台慶Feel既生日歌，搞到我地一路堆一路忍住笑。
可惜那個東海堂10磅蛋糕，唔包括俾我地14個食-v-

接著師生同樂日，俾幾百個學生包圍個操場睇住各社代表同老師一齊玩遊戲-''-
好似四社得綠社要派出咁多社職員落場玩，連我都俾爬爬拉埋落水...
分別有4個遊戲，我玩最後果個--「翻山越嶺」同Miss Leung合作...
即係將水球用塊布拋過一定高度傳俾下一對拍擋-v-開心既係同Miss合作接水球，一個都冇整爆過。
最後呢個遊戲贏左，而總成績就第三，都算唔錯架啦！今年學校送既禮物(食物)高級左XD


12月19日--聖誕崇拜+BBQ in Mic Home
今年聖誕崇拜，比較與別不同=]因為請左高皓正黎講見證。
佢分享左同家人關係&對性既睇法點被神扭轉，因為超時左都幾多，不過感恩同學反應幾好！
原來高皓正唱Live真係唔錯，最後因Miss Leung關係，影了一張大合照-v-''
夜晚剪頭髮-_-''俾個Hair Stylist話我點解個半月d頭髮可以厚得咁快...我都唔想呢！
跟住就去左Micmic Home BBQ，作為同雞翼farewell。
傾計啦！玩加規矩的圍妹，雖然幾難玩，不過笑到肚痛-v-我諗輸得最多應該係Citah...
最後飲了極少無酒精又類似香檳既飲品-_-''好酸！還有影了大合照便散/口\~
雞翼！你身邊有很多很多愛你的好朋友！


12月20日--Miss Tang婚禮

恭喜晒Miss Tang & Roy！願你們二人相親相愛，能實踐愛篇的提醒。
今年好似已經係第三次觀禮-v-呢次係今年最感動既婚禮，兩個表現了他們的真正情感。
進堂，獻詩，證婚，獻唱等每一Part都好專心去參與...除了訓勉-_-''因我真係好倦。
最後步出禮堂再入禮堂致謝既時候-v-新郎一路行一路唱「當我偶遇你」，新娘則一路行一路收花。
好浪漫呢！而且當新人分別對父母致謝時，好感動！第一次觀禮會落淚。
P.S不過-_-''好似每次觀禮都會唱頌讚主，唔知將來我會唔會都選呢首歌呢XD？


12月21日--南區聯合崇拜&嘉年華

聯合崇拜...其實我好想專心d-_-''不過真係曬到有點頭暈...
另外，今日整日都係嘉年華既「五色洞」中忙碌。
忙佈置啦~搬小朋友既鞋啦~導遊啦~仲有白洞洞主~
其實所謂既五色洞，即係將五色珠既內容逐個係洞入面同小朋友講一次。
由於白洞係決志祈禱-_-''我今日同小朋友決志左好多次......
辛苦了Cindy，Patrick，愷晴了-v-特別係Patrick&愷晴，你地兩個都係白洞工作了較長時間。


>>December 31, 2008 at 6:14:25 AM GMT+8

2008 年 12 月 1 日 星期一 【颳風】

Sport's Day

上年Sports Day仲係到諗會唔會再冇機會以LMC學生身份踏足元朗大球場...
今年真係可以再參加Sports Day，仲要係六年黎最投入，最唔Hea既一年。
整個11月都忙於預備綠社飾物，場地佈置等...忙忙忙，終於到左Sports Day。
點知1/12第一日-_-''前一晚整班飾物整到3點先訓...5點起身但醒唔起自己要6:30去到場地...
最後6:30先起身T^T"一生人都未用過咁多錢飛的...足足$66>"<睇住佢不斷「跳標」好心痛。

雖然綠社唔係飾物款式最靚，最多......雖然綠社唔可以話場地佈置最好......
但每一個綠社職員都有落力去預備，見到d同學帶住d飾物，見到個個場地佈置好...真係有一種滿足感=]

今年比以前更加忙碌，因為參加左4項運動。
女甲推鉛球>>>第五名(有史以黎成績最好=v=算唔錯架啦！)
女甲擲鐵餅>>>八強不入(有史以黎成績最差-_-''點解會連八強都冇架！)
中四中六班際接力>>>名次不緊要，我們著緊的是Teamwork！
社際四甲4x100m>>>如果冇出錯，應該係第四名！全靠阿蘇陳彤And...某位女社員-.-''
雖然一個獎牌都冇，不過志在參與，起碼參加d項目果陣好開心XD！
可惜-_-''社際出年應該冇機會跑lu，因為乙組升上甲組-v-大把勁人kaka！
不過有樣唔開心...就係坐係綠社啦啦隊既看台-_-''曬到我黑左勁多T^T"

第二日閉幕禮既時候，郭牧師，劉牧師，阿滔，秀程佢地都有黎到！
欣賞郭牧師講野快而帶出重點-_-''唔似得某d人講一大段野都唔關Sports Day事。
最後頒獎，啦啦隊4個社3個社有獎，唯獨遺留下綠社。
雖然因為扣分而輸左，但知道今年好多評判都俾綠社好高分，都有點安慰。
社際接力同上年成績差唔多，不過每次聽到宣佈綠社拎獎都好開心。
師生接力Walter啦Miss Leung啦仲有鄧Sir都跑得好快-v-話唔定Miss跑得快係因為我借俾佢條短褲~
仲有拎到環保設計獎同埋膠樽回收獎-v-雖然唔多知點解拎到-v-不過唔緊要啦kaka！
而且亦拎到女子組冠軍！太好lor~~計番成績，其實綠社今年既成績亦係總成績既第二名=]！

曲終人散，Sports Day宣佈完結後，影左靚靚既班相。
上年其中一個遺憾係影左張超級唔齊人既班相，今年只係欠一人~~
最後幫手執好物資，執埋垃圾，咩都完結lu！但走之前，玩左個8x50m接力-v-
出年應該會係最後一年，要再好好把握。