2008 年 7 月 12 日 星期六 【酷熱】

Gateway Camp
HEAR & NOW 08

2008年7月13日--「復和」
今日早會係：「跨代連結(北美/歐洲)」。
「跨代」...讓我諗起與上一代-v-即係媽咪&老豆...
一直都知佢地需要主既愛，就係因為唔知點開口...就成日逃避呢個責任。
看來，我要突破尷尬呢個阻礙，如果唔係...真係唔知幾時先可以再讓父母聽到福音。
到下午外展準備學「耶穌的愛」，都幾難-__-''手腳不協調問題嚴重左tim！
雖然就跳得唔夠優美架啦！不過都算跳得唔錯架啦XD
不過學完兩日學晒lu=]其實都幾想可以成隊人再一齊跳！

終於到萬國喜慶紀念日，我地組係「Finger Painting」。
起初以為要用隻手指掂d水彩，d人會覺得好煩唔黎我地攤位。
原來好多野都只得人去擔憂，係神入面，一切都會變得好=]
見到好多外國人都黎我地攤位-__-仲用埋我那不太好的英文溝通，佢地聽得明實在感恩XD
整個紀念日雖然時間短，我又未有機會去睇其他國家既攤位，不過我好滿足今日。
阿Fa&其他教會既弟兄姊妹特登入黎參與，真係幾似入黎探親。
到晚會：「除掉石心賜給肉心(拉丁美洲)」，
要學習「施予受」，將主既愛傳遍每一個人。

2008年7月14日--「感召」
今朝早會係：「把心轉向中國(東亞)」。
一開始，就先由日本向中國道歉，為到從前侵入道歉。
就係因為神既愛，一切對日本既仇恨，詛咒等都要被除去。
好深刻牧師講到一句話：年青人不能活著沒有異象。
我們在呢個世界，唔係服事or滿足世界，而係有目的，不要少看自己年輕。
當牧師再講到神要興起我呢一代係香港，係要興起一個國家。
以前我覺得中國係點都唔太關我事，但今日，我確實知道，我好想中國每一個人都聽到福音。
睇到中國由一個封閉既國家，被神改變為打開雙手擁抱列國，A-men！
「屬靈的奧運要被興起，各國要聚在一起，贏得世界，贏過魔鬼。

下午既外展準備，今日開始學Drama，排左一套叫「Angel&Devil」。
由一班外國人教我地，雖然當中冇對白，當卻排戲排得好開心。
以簡單既英文，動作去教我地戲中既重點。
排練過程-v-根本笑多過排，Joey扮男主角，MeiMei扮女主角，笑到肚痛...
連Helper睇到都忍唔住笑，不過呢一刻唔需要理專唔專業，因為只想單單透過套劇傳遞福音。

晚會：「華冠代替灰塵(中國)」，整晚都多以國語作敬拜，以我國作主題，特別投入。
由黃姐講道，真係好搞笑...最搞笑係黃姐講左好多好流行既句子，連翻譯都唔知應該點轉。
當聽到我地係彌賽亞的工作延續者，我地需要：
1)傳福音給貧窮人 2)包扎心靈破碎的人 3)釋放被捆的人 4)解放仇敵
好似好難去延續彌賽亞從前的工作，但我願意去行，請主去為我預備。
我要記住，神創造我好美好，真係咁既生命，有神既光照亮我地，不需再自卑。
我係寶石，但需要耶穌既大水清洗拍打，要將灰塵洗去，露出美麗。
黃姐講到一句，對我往後服事既心堅定了，就係：
「如果願意服事中國，必會受很多苦難，所以需要耶穌的同在！靠聖靈工作。」

今日，好明白到耶穌係中國牧人，最艱難的時刻已過，因你愛中國。

>>August 2, 2008 at 5:18:44 PM GMT+8

2008 年 7 月 11 日 星期五 【酷熱】

Gateway Camp
HEAR & NOW 08

2008年7月11日--「呼召」
一入到嶺南大學，嘩！好多外國人=]每個都好熱情地歡迎別人。
當放低行李，先去左24/7 Pray Room，好舒服既地方去為自己既心，為整個Camp禱告。
晚會--「此時此地開幕禮(香港)」，好開心！可以見到咁多國家一齊聚集，一齊敬拜。
當叫到香港既時候，全場既香港弟兄姊妹起身，好多好多年青基督徒。
突然有種感覺，神既愛好勁呀！令每個國家既弟兄姊妹融洽相處，好似連語言障礙既問題都冇左！
而且我發現，我過往存有太多懷疑，成日懷疑我聽到既聲音或者我睇到既圖畫係神俾我定我自己諗..
我依家要學習唔好第一刻就懷疑，嘗試再係祈禱告中問問神。
「我的王我的神啊，求你垂聽我呼求的聲音！因為我向你祈禱。(詩 5:2)」

註：可以同Kayi&MeiMei一間房，訓得好安心XD

2008年7月12日--「著迷」
早會--「中國：歷史與命定交接」，王一平牧師講道真係好棒！
雖然我好眼訓，但係都聽到好投入，真係著迷左係神入面。
當牧師提到過往聖經既人物點樣著迷於神...嘩！我都好想試-v-
著迷=命定，開始明白想知道神係人生命中既命定，先要被神既愛深深著迷。
或者我太著重於要係個Camp知道我既命定，卻忽略左我真正要先投入於神的愛中。

下午Lunch既時候其實都幾down，因為好似我已經將個心開放俾神。
但係點解都仲未聽到神既聲音？都仲未知神對我既心意呢？
感謝神讓我有機會同大妹妹傾電話，讓我明白到我可以黎到呢個Camp，已經係神俾我經歷佢。
我要享受整個Camp，享受每一個環節，享受神與我同在既時刻。
之後外展準備，我地組會參加兩日Dancing兩日Drama。
先係Dancing，由Oxygen&eanie教，仲以為會好悶&好難學......
今日學跳歡欣，原來過程中一d都唔辛苦=]仲好開心！
雖然手腳有d唔協調，不過都算學識。學完成組都好似細路，行到邊跳到邊。
其中一句：主的豐盛滿一生，當中個動作俾我知道，得到主給既豐盛時，要將呢種豐盛轉給俾其他人。

晚會--「從父神的心(非洲)」，這個晚上，我深深感受到天父的愛。
牧師係台上講到天父既心時，個心好痛，過往我犯過咁多罪，點解天父你仲要愛我？
我第一次咁覺得我不配得到天父既愛，我值得你愛嗎？
但牧師講到，我地冇法子做到最理想&最標準既人，即使如此，天父永遠都不拋棄我地。
天父係我地任何一個時刻，都看顧著我地。
我地唔需要特登令天父留意自己，因為天父時刻都看顧我地。
天父希望除去我地既罪，這樣便可看見自己女兒美麗既一面。
當聽到牧師講完，原來天父真係可以咁無條件愛我既時候，眼淚不停流。
之後，牧師邀請一些願意替天父作地上爸爸媽媽既弟兄姊妹起來。
我就好想去擁抱佢地，好想感受天父既愛。
拖著MeiMei出到去，有點迷茫去咩人為我祈禱，去擁抱我既時候...
天父就讓MeiMei&Kayi&Candy&牧師關心我，將他既愛傳給我。

眼淚不停流既時候，呢一刻，嘉嘉黎到我面前。
一位我唔認識既Helper，主動擁抱我，主動為我禱告。
當聽到禱告中每一句說話，我感受到天父好似同我講：我愛你。
呢種愛，只有天父先俾到我，多謝天父，多謝嘉嘉。
就係因為嘉嘉一個擁抱，我開始願意將對人既安全感放低。
過往既我，需要對人建立一個好深既安全感，我先願意開放自己。
但當嘉嘉冇理會我地識唔識，就係基於愛去關心我既時候，我不怕將呢個安全感交俾神。
呢一刻，我願意打開自己既心，與更多人接觸，與更多人分享見證。

「如果你親近神，神便親近你。」
我不再逃避，不再怕親近神的時間十分漫長，我要學享受。
而且我一開始對呢個Camp只抱住要得著神在我放榜後的前路&生命中的命定...
我給自己給神太多框框，神有獨特計劃，神會在適合的時間告訴我。
所以我要更自由與神親近，但感恩的是我還有4日改變我的心。
我要把眼光放在敬拜&祈禱中，我要將全人交給神，讓神對我「說話」。

今日我也確實知道，神要我知道他心意，並不是只靠一把聲音，一幅圖畫，一句經文。
神有很多很多途徑告訴他的心意，我不再以聽不到神既聲音為我靈命失敗。
我感謝神利用我身邊的每位弟兄姊妹向我說話，你們皆是我生命的小天使。

仲有，我今日100%知道，我唔洗再驚會孤獨終老XD
因為我的眼光擴闊了~~有很多基督徒也很愛神！
而且還是將愛情交俾神=]讓神帶領我吧！
「我本來比眾聖徒中最小的還小，然而他還賜我這恩典，
叫我把基督那測不透的豐富傳給外邦人。(弗 3:8)」

P.S打日記既時，再回憶起嘉嘉擁抱我那一幕，眼淚再次流下，I LOVE YOU Kaka！

>>July 28, 2008 at 5:31:13 PM GMT+8

2008 年 7 月 5 日 星期六 【乍寒還暖】

唱創你2008

感謝神讓我有機會去參加呢個比賽，
讓一個缺乏信心，認為自己不能既我有所改變。
因為「只有我說不能，而神卻說能」，
我要盡力去彈好，盡情投入，A-men！

當小丙叫我試下彈唔彈阿Fa作既「吸引到你身邊」到既時候...其實都幾驚。
一來自己拍子極差...而且我又易因緊張而彈錯。
試左幾次，其實已經決定係由我做司琴，但我對自己仍沒有肯定。
我怕拖累大家，怕彈錯，怕做唔到...怕失敗。
人就是這樣，經常會去諗負面既事，未做已認為自己沒有能力。
當比賽前一晚留係教會夾琴前，我好唔開心，小丙教我彈咩，我就彈咩，好公式化。
跟住彈既時候我又怕彈錯而投入唔到，真係為彈而彈。
好似整個過程，我只有壓力，沒有半點喜樂充滿。
但係感謝神=]讓家明去同我分享，去禱告。
冇錯，人有彈錯既時候，但係教會入面，大家會互補。
而且我之前認為聽唔到神既聲音，我感受唔到神與我同在。
但係家明講到人同神既關係&人同衫既關係既時候...
我先明白神不會離開人，只有人選擇世界而離開神。
之後再不斷禱告，去求神將喜樂充滿我既心。

到星期日正式比賽既時候，我好Enjoy，我冇去諗輸贏，冇諗彈成點。
盡情享受彈既過程，我由開頭只顧數拍子，去到後期真係可以敬拜，感恩=]
不再Care彈錯幾多，甩拍子幾多，因為我想每一個聽眾都享受這首詩歌，都經歷神。

後記-1：
今次評判其中一個係Rex，之前係布永康牧師佈道會見過下...
佢領唱「這世代」太好聽，-v-所以令我好深刻。
之前見到佢都已經覺得佢好似李雲迪-''-今次近距離見到...係似黃子華+李雲迪=__=。
後記-2：
雖然最後知道結果，係入唔到決賽，不過已經係一個好好經驗。
而且：「從來只有人說不能，而神卻說能！」



>>July 16, 2008 at 7:55:11 AM GMT+8

2008 年 7 月 2 日 星期三 【晴】

目標驅動新人王2008

「一個好玩的模擬人生遊戲營，
若你有機會再活一次，
扮演另一個人生角色，會是怎樣的呢？」

由對呢個Camp冇咩特別期望，到出Camp會有咁大經歷，感恩=]
好開心今次可以同教會咁多弟兄姊妹一齊去呢個Camp~~一行連埋Helper25人！
花了兩日，過了整個人生，原來生命真係咁短暫。
係自由城入面...我學歷只有文憑-v-''做過既工就只有政府合署既文員+警察。
我真係覺得如果人生只係得番工...處理自己衣食住行，呢個人生都幾無聊。
而且做警察呢份工，我更知道耶穌既辛苦...。
好多人去逃避俾警察捉，好多人去拒絕聆聽命令，好多人唔去接受警察。
就好似呢個世代好多人聽到耶穌就走人，又走向世界既路。
「你們要進窄門。因為引到滅亡，那門是寬的，路是大的，進去的人也多；
引到永生，那門是窄的，路是小的，找著的人也少。(太7:13-14)」

係Camp有一個機會俾自己認真既跪下，為到自己既罪禱告。
我確實知道自己唔可以再係犯罪後認罪，再犯罪後認罪，我唔想再不斷重複。
我知道人唔係完美，總有犯罪既時候，但係我唔想成日犯相同既罪。
有d事我知我有能力改，但因為懶，或者個心唔想，就繼續犯罪。
果一刻被神深深感動，第一次跪下向神流淚禱告，雖然對腳好倦，不過係一個好經歷。

另外，其實係現實世界，定係自由城入面，我都唔係百份百投入，積極。
但我依家冇咁怕同一d唔熟既人分享自己既事。
都係一個好改變，開始俾神改變，變得主動左，積極左。
雖然Camp已經完結，我仍然未係神入面搵到我放榜後既前路...不過我相信尋找的，必尋見。
我希望我既人生，可以有改變，活出豐盛既人生...努力尋找真正有意義既事去做。
並且搵到神在我生命既命定，又知道自己既恩賜~仲有係點樣為主工作。
「於是耶穌對門徒說：「若有人要跟從我，就當捨己，
背起他的十字架來跟從我。(太 16:24)」

雖然有咁大經歷-__-不過我最覺得可惜既係...點解冇人同我結婚T^T"
我已經好主動去問人結唔結婚，但係個個都拒絕我...T^T"
仲要問家明果陣，佢轉頭問阿Fa嫁唔嫁俾佢T^T"
跟住問文浩果陣，佢話冇錢唔娶住，點知轉頭娶左我地條村既村長T^T"
而且最後都冇機會實行那件大茶飯=v=唔可以做番件大事tim！
算！另外有兩件開心既事係可以係Camp入面，夜晚女仔一齊讀經。
其次，完左Camp，一行人飲茶=]第一次同非親人飲茶，好開心。
以前我真係怕同一d唔熟啦，唔係同輩既人傾計，不過依家開始唔驚，因為主內一家親XD
P.S 1：感謝Esther呢位室友既照顧=]
P.S 2：感謝家明借出外套一件=]

2008 年 6 月 20 日 星期五 【清涼】

雜記一篇

番工-__-真的比讀書辛苦十倍百倍。
一星期大約4-5日工，番到屋企倦到冇心機打日記...所以只好黎一篇雜記。
已經番左一個月，算係習慣左。只不過係D經理大家姐姑娘-口-真係好煩。
一日番7個鐘以上先有15分鐘食飯...仲慘過做M記......所以可能真係可以瘦左XD

父親節果日，冇送禮物俾老豆之餘，仲要老豆買野俾我-v-
有d唔好意思，出糧之後XD我會好好報答佢的！
之前隻Adidas橙色手錶，但唔知點解換電之後...錶面液晶壞左-__-''
搞到成日要重新set時間，而錶面數字d色又淺左...
最後今日換左隻Casio既G-shock既湖水藍錶-v-買既原因係第一眼真係覺得隻錶好型XD
不過d人話唔靚，冇所謂啦~~帶到我又鍾意既咪得lor！


接著早排終於收到WaT(小池徹平+瑛士的組合)係日本開演唱會買既週邊>V<"
足足等左個幾月，終於收到啦！仲要買到條毛巾既色係同小池係演唱會用果種一樣XD"
真係好想快d可以用下條毛巾~~冇理由買左完全唔用佢......所以適量用下條毛巾先。



>>June 21, 2008 at 2:48:32 PM GMT+8

2008 年 6 月 12 日 星期四 【溫暖】

底線

係惠康番工番左近一個月，對腳，條腰，膊頭都開始習慣。
未習慣既係-__-飲食不定時Lor！經常性要成4點先有得食Lunch...
睇黎咁樣唔會瘦到-口-''可能更加肥，唉！
不過當越番工，識得越多人既時候，開始知道自己對於某一種人，係應該留有底線。
越講得多野，分分鐘會俾人以為我多事，倒不如做好自己事啦......
仲要學習忍耐-口-忍那些超級麻煩既客人，忍受俾人鬧...T^T
不過始終俾人鬧完好唔開心，有時根本唔係自己錯都要俾人鬧先慘。

唉！番工又要著到成身黑色......真係好鬼核突。
尋日因為收工落大雨，搞到對鞋濕晒唔著得住...要著對啡色PUMA先。
點知今日就俾人話=_=我唔係固意的，咁我尋日咁夜收，今日又算番早...邊到乾得切呢！
何況我都著啡色啦...都算沉色，都唔得！一點點體諒都冇，唉！
5月份糧又因為我太遲入職...要計埋6月份糧先係7月有錢用T^T好難捱唷！

「難道我只能作你一位Say Hi，Say Bye的朋友嗎？」

>>June 13, 2008 at 2:25:08 PM GMT+8

2008 年 6 月 7 日 星期六 【酷熱】

我願意

原本早上同小琳食生日蛋糕，可惜佢番唔到=]
不過可以同美人&Fafa食早餐，我好開心XD傾左好多計。
跟住上番教會，今日內地溫洲&阿蓉既教會都黎左，好多人好熱鬧=]
敬拜同樣係好多國語歌，不過冇人會理我到底唱得岩唔岩音既！盡情投入就算lu！
內地弟兄姊妹見證分享，欣賞佢地可以咁投入去為主事奉。
當Daniel牧師講道既時候，阿蓉做翻譯，連牧師既動作語氣都跟足=]
同尋日布永康牧師講道果陣一樣，翻譯完全配合牧師講既野。
講到願唔願意為神全心全意事奉既時候，我願意的。
不過，我需要時間學習，需要時間適應，甚至我需要時間學識欣賞自己既優點。

完左聚會，同阿蓉傾計=]Keke，佢果然係叫我番內地讀書，不過我未有呢個心志。
再同大妹妹傾，感謝主，可以解開之前既誤會。而且再清楚講番自己既諗法...
絕對要感恩，因為每次我同大妹妹有誤會既時候，都有阿Fa去提醒番自己到底要點樣解決。
可以有兩位咁好既「媽媽」去關心自己，好幸福=] I LOVE YOU ALL！
我會努力學「我願意」，大妹妹都叫我呢個時候，每次阿Fa叫我做d咩，都比佢叫再做多少少。
即使我需要時間，可能一年，幾年，甚至再長既時間，但總有一日會做到。
何況冇一個人係完美，神會係合適既時間安排我去做安適既事既！

P.S：
開始知道自己升唔到中六，會讀d咩。
之前去IVE那邊面試長者服務，點知再細心睇睇，原來未同大學方面傾掂如年銜接。
所以還是放棄這科-__-而且原來自己唔係太有心去讀。
依家再諗，自己真正有興趣既地方。
「三年制環境保護及環境管理高級文憑」&「三年制環境資源管理高級文憑」都唔錯。

>>June 14, 2008 at 4:20:45 PM GMT+8

2008 年 6 月 6 日 星期五 【溫暖】

布永康佈道大會

一朝早...黑雨=__=以前番學就話期待有黑雨唔洗番，依家...快d消失啦！
下午教會既睇戲活動，因為黑雨關係就咁取消左...。
到傍晚，由於已經取消左黑雨，所以佈道大會可以照常去=]
搞笑的係當Fafa問到我仲想唔想去果陣，我答想-v-''
可能係諗到個主題「愛你的鄰舍」幾吸引，而且布永康牧師咁難得黎到香港，唔可以錯過。
去佈道大會之前先約左Fafa買禮物-_-小琳，原諒我未出糧XD只可以送份普普通通既禮物俾你！
跟住搭車去亞洲博覽館，點知去到青衣因為唔知邊條路塞車，為左唔好遲到轉搭機鐵。
一世人都未搭過飛機-__-點知未搭飛機之前，就要搭機鐵，仲要超級貴...單程$60，雙程$42。
港鐵真係識搵錢，逼人要搭兩程T^T不過好彩架機鐵都算舒服，如果唔係浪費左$42~~
成程地鐵同以抵傾計，傾到前路時，的確有參考價值...讀某一科，真係唔等於只做某一項工作。

到去到亞洲博覽館，整個聚會因為塞車關係遲左開始。
不過當開始左=]難得的投入wakakkaka！特別係敬拜-v-
雖然好多國語歌唔多識做...但都盡量學。配合埋表演者既舞蹈=]令到個個都好興奮！
今日聽到讚美之泉既「這世代」-v-我愛上左。真係超級好聽！
布永康牧師以「好撒馬利亞人」&「拿淫婦來質難主」呢兩個故事作主題。
最後見到好多人出去決志信主，A-men=]
原本應該十點幾完，延遲到差唔多十二點幾先上到機鐵-__-
番到屋企成一點幾，好眼訓T^T不過整體黎講=]今晚好棒！

P.S終於有新電腦啦=]可以正常地打日記，一直冇咩點打日記，真係抱歉！

>>June 12, 2008 at 3:23:26 PM GMT+8

2008 年 5 月 22 日 星期四 【清涼】

會考後的重聚

其實我好想打日記的-_-但早排電腦死了，開唔到機...冇機會打。
5月23日，難得既班會活動蝴蝶灣BBQ，好開心=]
一直怕當日落雨，但最後感恩，好好天！可以見番好多好耐冇見既同學。
開心既係可以同雞翼傾計，雖然話題只係好普通，但我好開心keke！
原來燒麵包，加蜜糖蒜蓉牛油係好好味-v-''不過都幾肥XD
唔緊要！燒完次次都有打籃球活動......仲以為今次又因為同男仔一齊會冇機會射球XD
點知一落場一有波係手，可以射入咁多球XD仲好成績過四六盃wkakakak！
俾佢地串我神射手-口-''好尷尬tim！不過玩得好開心。
最後成晚BBQ餘下$24x咁多錢，每人買左枝甜筒，決定將$200捐比四川災民~
至於幾多再餘下既錢就留番畢業禮果日買感謝卡送俾老師=]

我唔想今次係最後一次班會活動...希望有機會再聚埋一起吧！

>>June 2, 2008 at 3:10:39 PM GMT+8

2008 年 5 月 13 日 星期二 【酷熱】

令人疲累的會考，終於完結了

真的不好意思...早排不但忙...電腦又有問題而打唔到日記...搞到拖左咁耐。
早排考完化學之後，就係考數學，宗教，生物以及附加數學。
除左數學算係考得滿意=口=其餘全部都覺得考得好差.....
原本以為宗教可以考得好順利...點知乙部集中唔到精神，又選左兩條勁難既題目...仲要做唔晒。
唉！跟住生物又係做唔晒=''=LQ甲部感覺上仲難過乙部...MC睇完答案個分數又拎唔到C...
到附加數學更加唔洗提，唔識做都死坐左兩粒鐘...最後都係唔識=''=點解乙部會咁難架T^T
算！一切考完，唔理會。最多到時放榜前，放榜日，同埋放榜後先唔開心-v-依家唔理lu！

一考完，就約左阿余出觀塘+旺角行街食飯+睇戲=v=最主要係要...盡情食野XD
MOS BUGER真係好好味XD跟住去觀塘間APM再食埋之前想試既咖哩飯-v-好棒！
今日最開心，係終於睇到「柴犬奇蹟物語」，勁好睇。
套戲開始冇幾耐，已經不斷喊=v=不過唔係主要因為隻柴犬麻里，係當中既親情關係。
加上套戲亦係講日本地震而發生既事，諗起好多四川地震既一幕幕情景。
好心痛/口\戲裡主角可以同家人重聚，可以搵番麻里，但係四川既災民好多都唔可以。
雖然唔可以幫到d咩，但唯有將少少金錢捐出去，仲有禱告吧！祝福他們/口\

另外，終於去左大興間惠康試做收銀=口=''好辛苦......不過我還捱到。
一生人第一次番工=''=好緊張。希望做得黎吧！





>>May 15, 2008 at 1:34:08 PM GMT+8