2005 年 12 月 14 日 星期三 【颳風】

毛毛係BB o既，BB係毛毛o既~

今日我o地傻佐呀，有兩次好無意之間o既心靈相通。第一次係o係商務睇書時，我o地睇緊同一本書，分別都揭到同一個chapter睇，好搞笑！晚上又一齊同Coffee仔MSN，傾傾o下又突然間tone o岩個台，一齊講佐同一樣o既o野…哎也…點會咁o架~

呢兩日，毛毛同BB o既心靈好親近，呢種感覺亦係毛毛一直追求o既感覺。

如果可以快o的達成我o地o既結婚夢，咁就好喇… =p

期待！

>>December 15, 2005 at 12:54:14 AM GMT+8

2005 年 12 月 13 日 星期二 【颳風】

自從第一次同BB玩波子棋加深佐了解之後，今晚已經係第n次同BB玩波子棋，不過BB今晚有心事，雖然我冇故意讓佢又或者主動出擊去阻佢，但係BB今晚硬係輸，彷彿個腦袋轉唔到去個棋盤度，係因為思考緊轉工、轉行o既問題？

上樓上cafe之前我o地同Warren食飯，又再講起o的前途問題。我加佐人工，我自己好開心，BB亦都表現得興奮同支持。但係我諗其實BB內心並唔係太好受，暗中我亦感受到佢o既失落，我只可以同BB分享我o既成果，但係又幫唔到o的咩手…就係因為某o的內在、外在因素影響，BB仲係o係舊公司度打滾，拿個人工一睇，確實係心有不甘。出o黎做o野，關係同際遇真係好重要。

不過無論點都好，毛毛一定企o係BB o個邊支持BB o既！毛毛要畀晒最好o既o野BB！毛毛攬您！

今晚玩波子棋幾有意思，因為有幾步係玩佐咁多年波子棋都唔會用o個種方法去諗而去咁樣行o既，有o的新啟示！同BB一齊就係咁開心，我真係好欣賞BB個腦袋轉得咁快，總係可以畀到一o的新o既啟發、靈感我。

突然又諗起某人曾經講過BB似o個時o既佢，但係我就不敢苟同喇，原因係我覺得BB已經超越佐佢o地任何一個，最少，我肯用心去講一大堆情話去(乙水)BB，呢樣o野係以前唔會做o既，以後我亦會keep住做。雖然有時有o的情話真係好行貨，但係情人就梗係鐘意聽情話o架啦，點都冇理由鐘意聽屎尿屁多o的呀嘛…

有時做緊o野時BB打o黎，我突然之間又轉唔到個「正經」tone，總會搞到BB不是味兒，真係有o的過意唔去，搞到BB冇晒癮咁…不過有時工作需要，希望BB明白。 =)

BB，您係唔會變成「曾經」o既，因為毛毛勁愛您呀！

>>December 14, 2005 at 5:42:30 AM GMT+8

2005 年 12 月 12 日 星期一 【微冷】

加薪

今日收到大信封，老細仲好神秘咁同我講，話佢冇copy，連佢自己都唔知我會加幾多人工。一開個信封…燈燈燈凳！Oh my god！老細果然冇吹水，琴日o係東港城收返o黎o既風亦都唔係假！加佐我24%人工呀！可以順利開始我o地o既五年儲錢結婚計劃！

雖然係未夠我之前M. Phil.人工高，但係呢個人工，真係我辛辛苦苦，真金白銀咁賺返o黎o架！唔係日日返lab hea兩o野就個個月有錢袋落袋，再係又駛唔係又駛咁fing晒去！如果當年識儲o下錢，就唔會搞到今時今日仲係有o的折墮o既感覺。

第一份工中大︰13,615 --> 轉第二份工女青︰8,000 (- 41.2%) --> 轉第三份工偉邦︰7,500 (- 6.25%) --> 偉邦第一次加薪︰7,700 (+ 2.67%) --> 轉第四份工啟勝︰9,500 (+ 23.4%) --> 啟勝過試用期︰10,000 (+ 5.26%) --> 啟勝第二次加薪︰12,400 (+ 24%)

不過呢o的大起大落唔算係乜，我都經歷過，冇有怕。好o既、壞o既，都要捱！努力！

>>December 13, 2005 at 1:27:56 PM GMT+8

2005 年 12 月 11 日 星期日 【微冷】

好耐冇試過成日只係食同訓同上綱，完全唔覺得自己懶，因為真係好舒服！

----------------------------------------------------------------------------------------------------------------------------

7A︰

如果你覺得我o既日記係刺激到你o既，請你唔好再睇。

你再逗留o係過去，無論你見到乜，都只會觸景傷情。你現在有個好男友，就努力o的去維繫。你畀佢知道你心裡面有其他人，佢會好傷心的。

無論你點扮，我都比你經驗多，比你老手。如果你仲係咁，我唯有好似之前咁，斷絕同你o既聯絡，令大家都好過o的。

力力上

>>December 12, 2005 at 6:08:30 AM GMT+8

2005 年 12 月 10 日 星期六 【微冷】

妒忌心

同BB一齊兩個幾月，終於都開始要面對一個最切身o既問題︰妒忌。

我冇乜妒忌心o架，可能我太自大啦，硬係好有信心，自己o既情人係好專一咁對自己好o既。或者我未試過畀人背叛o既滋味啦，不過我覺得自己總有辦法令我o既情人留o係我身邊o既！

妒忌單o野就冇法子啦，鬼叫自己衰咩，案底唔好嘛。不過我覺得白羊座普遍都係一段情還一段情，只要有新戀情，就唔會再留戀舊情人。但係白羊座都念舊同埋知恩途報o既，唔會當過去o既事冇發生過，不過亦都唔會原地踏步，因為白羊座最鐘意走o係最尖端。

今次o既問題，係出現係一個未放低o既人。打從我同十三分手，再同佢聯絡返之後，我、BB同十三，都清楚知道佢仲未放得低舊情。當年，佢為愛情寫日記；當日，佢又再為舊情寫日記。但係過去即是過去，再留戀，亦只係過去，冇現在，冇將來。

「人總需要勇敢生存，我還要重新許願，例如學會承受失戀…」要做返朋友，就要先放低舊情，如果唔係大家好難相處落去。

我明白每個女人都有妒忌心。當年變佐心，十三堅持唔畀我搵佢，係因為十三知道我同佢都未忘舊情，即使我對十三唔係好，但係十三真係唔想失去我，而我自己亦知自己事，知道如果我同佢有咩接觸，就會觸動舊傷舊情，所以我好少好少同佢聯絡。呢樣小小o既事，亦都係我唯一可以完全順從、成全十三，為十三做到o既事。我保持被動，即使曾經sms聯絡，亦都唔畀十三知，怕就係怕佢妒忌，怕十三懷疑我o既愛，因為我衰，我畀得唔夠多十三。

今時今日，當我搵到一個真正愛o既人，我又再變心，離開十三。諗返轉頭，我同佢o既關係並唔應該係情人，而係兩個好投契o既朋友，因為我o地太似喇，無論性格、行為、心理…而家變返做正常關係，感覺多好。

BB唔開心，因為我同佢仲有聯絡，所以我一直都擺自己o係一個被動o既位置，因為我知道BB唔鐘意佢仲未放低對我o既舊情。但係我想BB知道，我己經放低佐佢喇！每次BB因為佢聯絡我而唔開心，我都好苦惱、好寃枉，因為我真係冇o野o架喇，係佢有o野之嘛…所以我一直都唔隱瞞BB佢搵我o既事，其實我諗住自己身冇屎，唔怕講o丫嘛，點知BB次次聽到都唔開心。不過要我瞞住我最愛、最信任o既人而唔畀佢知，我又好辛苦。

其實我都明白BB o既擔心o既，過往o既日記亦係最好o既見證，但佢餘情未了亦係令人擔心，因為將來o既路係要佢自己去走o既，旁人係幫唔到佢。不過BB要對毛毛有信心嘛，亦都要對自己有信心，過去就係過去，我o地要向前走，將來仲有大把路等住我o地一齊去行，如果大家生活的開心，又何必特登搵o的令大家唔開心o既o野放o係大家中間呢？

毛毛會守候o係BB身邊，直至您o既離開。唔駛怕，毛毛o係度，毛毛唔會放低BB一個人走o既，毛毛愛您！

>>December 11, 2005 at 8:58:54 PM GMT+8

2005 年 12 月 9 日 星期五 【微冷】

今日係City Prop. Man.個course最後一次group work o既presentation。老實講，今次我完全冇交功課畀佢o地做consolidation，但係今日居然都仲會分派到五張slides講，真係要多得三位勞苦功高o既同學。

Bubble就搞掂晒條片，Adele同MK就搞掂晒個powerpoint，我就只係負責搵佐首《愛登氏家庭》o既theme song同救護車聲，所有製作o野我都冇做過，為佐呢個咁大o既人情，我未開波present已經話要請佢o地三個食飯。

肥仔就cheap o的，成日質問人o地o的內容係o係邊份notes搵出o黎，又話人o的內容唔係佢o的o野。Come on！有人做埋畀你你仲想點？臨到present之前仲o係度嗌，真係多舊魚。

今日o既present異常順利，係呀媽佢開波有少少緊張。肥仔亦講少佐廢話，Ivan照讀佢份中文稿讀亦算ok。其餘三位女士們都ok晒，但係略嫌Adele講o既內容已經包晒我要講o既o野，可能係我o個部份係佢prepare o架啦… @_@ 搞到我要即場爆肚，係完全爆肚，加o的幻想咁完成…

點知我o地居然超額完成！半個鐘搞掂之餘，亦係我覺得我o地group最好o既present！雖然用佐好少時間準備，但係居然係三組present o既人裡面唯一冇negative feedback o既一組！呀蛇話︰「幾好o丫，好structural！」哈哈！好開心o丫！過骨喇！

八點幾完事，去佐PP間Suzuki食飯，我請！

傾o下偈，吹o下水。美中不足係冇酒飲。呢間o的o野食係為女人而設o既，睇住肥仔要就住就住咁食，唔可以食埋其他六個人o個份，就覺得好好笑。佢仲話自己其實唔大食。哦。

講講o下佢o地三個女人講到我換佐女朋友o既事，因為Adele見過十三，之後MK又話o個晚見到我家姐，以為我又換佐畫。跟住就笑笑笑…o下？咁都得？！

講講o下Bubble又提到o個晚上我屋企見到我電腦BB張wallpaper，我見到Ivan o既眼神有o的閃動，好似同肥仔打緊眼色。肥仔又問我而家女朋友係咪十三，唔通佢o地…

一於少理。找數時，呀媽同肥仔堅持要share返o的食飯錢，Ivan就全無表示。我就話我一定要請，唔好咁婆媽，五百幾蚊餐飯我仲請得起！我要你o地班冇乜做過o野o既人自己欠佢o地三個o既人情自己慢慢諗辦法還啦！等佢o地以為頹做就唔駛付代價呀！

哈哈！今晚好開心！大喜也！

>>December 10, 2005 at 12:21:50 AM GMT+8

2005 年 12 月 8 日 星期四 【微冷】

Dear Cartier Smoker,

We regret to inform you that when year 2005 draws to a close Cartier cigarettes will no longer be available. However if you are still looking for similar elegance and exclusive quality, we wish to suggest two alternatives: Dunhill and Capri Slims - two cigarette brands that embody the same exquisitely discerning taste as do your trusted Cartier cigarettes.

For further information please call (852) 2555-2522.

----------------------------------------------------------------------------------------------------------------------------

What the hell! No Cartier, no life!

"Les must de Cartier."

If this is God's will for me to quit smoking, I do follow and save the money for marriage with my beloved, BB.

>>December 9, 2005 at 2:28:25 AM GMT+8

2005 年 12 月 7 日 星期三 【颳風】

情感 vs 性愛 (2)

做愛o既肉體快感，其實大多數都係一樣。講得難聽o的o既，男人無非都係為求一洩嗟，如果個女伴根本冇快感或者唔享受，咁同叫雞冇乜分別，不如打飛機仲好。

女人做愛並唔單止要肉體上o既快感，女人係追求心靈上o既滿足，呢樣係最重要o既。如果您有心靈上o既滿足，我先至有真正得到您o既感覺。

做愛係兩個人之間最親密o既事，要用情感去維繫性愛，而唔係用性愛去維持感情！如果係後者，兩個人就好容易變成「貌合神離」，我並唔鐘意咁o既感覺。

最起碼要做得自願，有o的o野唔一定係順住個勢，搞o下搞o下咁一路發生落去o既。

我會用心去愛您，有興致時大家自然會攬埋一舊做愛。唔想o既時候，兩個人攬住依偎一晚又何妨？一樣咁甜蜜。

我愛您。好愛好愛BB！

>>December 8, 2005 at 12:57:47 AM GMT+8

2005 年 12 月 6 日 星期二 【颳風】

情感 vs 性愛 (1)

老實講，係男人都鐘意同女人做愛。我亦係個正常男人，點會話冇需要o丫？

上屆教曉佐我，一段建立o係金錢同肉體上o既關係（我o既出發點係咁），係唔可能長久o既。肉體o既了解容易，心靈上o既了解好難，所以要控制自己，唔可以令自己本末倒置。

我成日都好想了解您多o的，好想其他人一問起您o既o野，我就可以瞭如指掌咁答得出，我想成為最了解您o既人，可惜我覺得自己有排都未做得到…

我想我做o既每一件事都係取悅您o既事，唔駛見到您嬲先唔做，之後再去(乙水)返您。

做愛，係零距離。如果心靈上都係零距離o既話，就係perfect match！我會為佐咁而努力！

>>December 8, 2005 at 12:51:37 AM GMT+8

2005 年 12 月 5 日 星期一 【颳風】

可愛女人
周杰倫

想要有直昇機
想要和妳飛到宇宙去
想要和妳融化在一起
融化在銀河裡

我每天每天每天在想想想想著妳
這樣的甜蜜　讓我開始相信命運
感謝地心引力　讓我碰到妳

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

想要有直昇機
想要和妳飛到宇宙去
想要和妳融化在一起
融化在銀河裡

我每天每天每天在想想想想著妳
這樣的甜蜜　讓我開始相信命運
感謝地心引力　讓我碰到妳

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

世界這樣大而我而我只是隻小小小的螞蟻
但我要盡全力全力全力保護妳

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

漂亮的讓我面紅的可愛女人
溫柔的讓我心疼的可愛女人
聰明的讓我感動的可愛女人
壞壞的讓我瘋狂的可愛女人

漂亮的讓我面紅的可愛女人
溫柔的讓我心疼的可愛女人
聰明的讓我感動的…

----------------------------------------------------------------------------------------------------------------------------

「漂亮、溫柔、聰明、壞壞」o既BB，令我「面紅、心疼、感動、瘋狂」，您仲唔係我o既「可愛女人」？

>>December 5, 2005 at 9:31:20 PM GMT+8