2006 年 7 月 12 日 星期三 【清涼】

《準時下班本來就是應該的》
天下雜誌

企管專家認為，不管辦公室有多少工作，時間到了最好就離開，不僅如此，最好五點就下班。「怎麼可能？那麼事情更做不完！」你心裡不以為然的想。先別急，聽聽專家的理由是甚麼。


1. 讓你更有效率：
多數的辦公室工作十分繁瑣，沒有明確的開始與結束。正由於事情千頭萬緒，你很容易這個做一點、那個進行一，結果沒有一件有結果，迫使你以加班來趕工，一方面也安慰自己的心理。但是，如果你的下班時間是五點，那麼你就得盤算一下，在一天有限的時數內，該先做那些事？少和同事聊天，多用點時間思考都好！一昧埋頭長時間工作而不思考，容易做虛工，而且會失去看事情的整體觀。

2. 對你的上司有教育作用：
不要過度擴大上司對你的期望；如果你常常讓上司看到你留下來加班，他會開始認為你很願意加班，久了就變成你應該加班。不要讓上司以工作時間的長短來評估你的表現。

3. 對你的屬下有教育作用：
讓你的屬下學著在有限的時間內，分配工作的優先次序。明確的表示你下班就會離開，到時候他們應該完成的工作或報告，就應該交到你桌上。

4. 迫使你釐清價值觀：
想清楚你生命中最重要的是家庭或是工作？當然不加班、不拼命工作，可能讓你失去許多表現機會，錯過加薪與升遷。但是你不會辛苦工作像條狗似的，到了四、五十歲，突然覺得愧對家人、愧對自己的生命。

5. 讓你走在時代尖端：
企管顧問觀察到一個趨勢，這兩年愈來愈多的人認為，生命中比工作重要的東西還有許多；工作時間長的人不再被視為英雄，反而被看成不懂生命的人。現在懂得拒絕長時間工作的人，將是未來的領導人物。

6. 讓偶一為之的加班變得有趣：
常常加班，同事之間會生膩，合作的興奮感也全無。如果大家平常準時下班，碰到緊急狀況或工作時，大夥晚上一起留在辦公室；有人從外面提了便當走進來，一邊吃飯、一邊討論，這時候很容易顯出團隊合作的革命情感。

7. 讓你免於枯竭的惡性循環：
你愈加班，愈覺得事情做不完；愈覺得事情做不完，工作就拖的愈長。這樣的惡性循環遲早會讓你崩潰。

8. 讓你善用休閒時間：
工作之餘的時間不應只是休息、睡覺，以便讓你第二天有精力繼續工作。何不培養些興趣？如果你五點下班，你可以有時間去學外語、去彈吉他、參加才藝活動，這會讓你成為一個更活潑、更有能力、更有趣的人。

9. 會讓你更健康：
並不是抽空去打球、上健身房、跳韻律操才叫使身體健康，人的身體也需要其他的方式來維持活力。比方說，好整以暇的喝杯茶、慢慢的品味一個甜美多汁的水蜜桃、靜靜擁抱你喜愛的人等等。而這些都不是每週工作五、六十個小時的人所能做的。

10. 讓你更懂得去愛：
你是不是很久沒有和三、五好友一起說笑狂歡了？你是不是每天都和另一半、和孩子或父母匆匆打個照面？你是不是難得和所愛的人交換生活的心情？五點一到，放下你的工作，多接近那些對你很重要的人。以後他們記得的不是你的升遷、你的成就，而是和他們共處的時光。

>>July 20, 2006 at 12:58:55 AM GMT+8

2006 年 7 月 11 日 星期二 【清涼】

「僱主有權安排合約以外的工作給我嗎？ 」
《JobMarket》 07 Jul 2006

阿清日間在一間快餐店任職女職員，晚上在一所大學的校外進修部修讀碩士課程，本已經十分辛苦，奈何最近工作上遇到困難，令阿清十分苦惱﹔一天她在下課後找?李教授求教，李教授是一名學者，有多年的人事管理經驗，亦是一位精通於解答職場難題的專家，李教授的太太（李師母）是位資深青年工作者。阿清希望李教授及李師母可以給她一點意見。

副經理需要傳菜嗎﹖
事緣是阿清在受聘於她任職的公司時，公司很清楚地說明她的職位是副經理，而她的書面職責範圍是沒有包括「傳菜」的。最近公司有新的改革，就是要免卻顧客排隊等候食物，每位顧客在付錢後便給予一個號數牌，而所有的同事包括收銀員、練習生、副經理及經理等都要按輪值表將食物送到顧客面前。阿清認為這是侍應的工作，自己受過大學教育，況且在受聘合約上都沒有列明這個條款，她認為這樣做對她不公平，但又不敢向分店經理或人事部負責人提出，她正躊躇應該怎樣做才對。

李教授聽罷阿清的遭遇，他替阿清作出了以下的分析︰「首先你應先細讀入職時與僱主簽訂之僱用合約，確定合約上是否有訂明『副經理』的職責及職權範圍。在勞工法例中，僱主與僱員間簽訂之合約是包括書面條款及口頭承諾的。因此，即使書面合約上沒有詳細列明職位的職責範圍，若僱主在你入職時承諾你只需要負責行政工作的話，此口頭承諾也構成合約的一部分。不過，在沒有實質證據的情況下，若僱主矢口否認他曾作出此口頭承諾，你也難以證明雙方曾訂立該合約條款。」

僱主的要求也非無理
李教授隨即說︰「其次，在現實中，大部分僱主與僱員訂立的合約都是沒有詳細列明僱員的職權或職責範圍的，在此情況下，一個職位所賦予的職權及其職責範圍，會以現今香港市場中同類型行業中的相同∕相近職位的標準為參照。以你的情況為例，參照的標準便是香港一般快餐店副經理所負責的工作範圍，以觀察所得，在香港一般大型連鎖快餐店中，大部分員工（甚至包括經理）都需要在某些時段幫忙把食物送到顧客桌上，甚至幫忙清理顧客用餐後桌上留下的餐具等。因此，從『理』的角度考慮，即使你不願意，以行業的標準來看，僱主的要求也非無理。」

這時李師母便微笑的對阿清說︰「然而從情理方面去考慮﹕僱主與僱員之間的關係未必需要事事以法理作考慮，除了僱傭關係之外，你也可考慮自己對事業的訴求，這個訴求很多時候可以比薪酬更有意義，例如你可考慮自己的工作是否包括服務別人，事實上有很多人不計較報酬去當義工，為?要服務社群。」

總結
李教授接著說︰「凡事不斤斤計較，打從心底的熱誠而作，相信你可以得到更美好、更有素質的回報，區區的額外工作又何須掛齒呢﹖」（《聘任篇》之一）

撰文﹕袁海星、袁皚盈

作者簡介
袁海星博士擁有30年工商及公共行政經驗，現職大學「生命策劃工程師」，亦擔任教學及專業培訓工作，袁皚盈為袁博士女兒。

http://www.jobmarket.com.hk//Resources/article.jsp?article_id=1361&magazine_type=JM

----------------------------------------------------------------------------------------------------------------------------

非常好o既一篇文章！赤裸裸咁表現出而家o個o的o係香港讀書就以為自己拿住個degree就好x把閉o既大學生畢業生！

又一次清楚地表現出︰「斤斤計較者，難成大器也」o既道理。呢o的人咁都寫封信上去，簡直自暴其短呀！

>>July 17, 2006 at 11:57:05 PM GMT+8

2006 年 7 月 10 日 星期一 【清涼】

B病佐呀！

琴晚出去同郵差睇埋世界盃o既final，估唔到c丹用o的咁o既方法o黎了結佢o既職業生涯，真係夠晒特別。意粉佬o係壓力之下打出最佳防守o既水準，即係超人成日所講o既"Offence wins the match, defence wins the league." o既道理。意粉佬今屆表現真係好值得拿champions！

早上過去陪病B，搞到下晝先去睇醫生，BB曳曳呀！睇您仲敢唔敢病都去玩！

毛毛錫返BB~

>>July 18, 2006 at 12:03:12 AM GMT+8

2006 年 7 月 9 日 星期日 【清涼】

全日都係自由活動，勁free，勁買o野！

今朝本來話要分享今次活動，仲要特登九點就要落到去食住早餐開會，不過我估o的人都玩得太忘形喇，結果會就開唔成，個個急住食完個早餐退房出去買o野… @_@

其實曼谷都唔算好大嗟，不過只要有地鐵之類o既o野可以去到o既地方，其實我都唔怕自己一個人去，硬係覺得險極都有個譜啦，話晒係遊客區。首先坐高架鐵路BTS去佐Sunday Market，大到嘔，行極行唔完o個隻，但係o的o野都前晚去Night Market都差唔幾，行佐陣買佐o的o野，都真係頂唔住熱，買唔到藤袋都要急速走人，都係入返商場好。

之後我o地返去Chitlom o個邊，行完大超級巿場發覺都買唔到食o既手信，唯有留返o係機場免稅店先買。行返轉頭去Central Chitlom，為佐o的discount，排隊申請佐張discount卡好耐，焗住要o係佢o個度個food court食o野，o的o野都幾好食o丫，佢o地好怪o架，畀張有1000個credits o既卡o黎買o野食，走o個時拿張卡去計數，心諗︰如果1000個credits都食我唔飽，咁我係咪要再排過隊入去食呢？泰國都係地方大，個food court都好闊落同埋佈置，仲好在層次同空間感，呢o的o野o係香港即使係太古o既場都做唔到。

主要都係睇衫，但係唔係咁睇得o岩，只買佐少少o野，但係又夠鐘要返酒店集合…唯有下次有機會自由行再o黎過買啦。

專車去機場，但係都冇人o係車度分享，個個訓晒覺…

去到機場check in佐，再解散買手信。買完手信就用等上機o既時間分享。有人話呢度有間Loft好正喎，但係Loft o係香港都唔興好耐啦。又有人話o的商場好grand呀之類。我估如果香港好似太古咁大，o的地產商又唔係個個都咁鐘意錢，o的租又唔好咁貴，我估個個場都可以做到好似Siam Paragon咁正啦！不過泰國畀我o既感覺，同台灣都差唔多，例如商場裡面有個電台，o係香港新城都做佐十幾年啦，講到好巴閉咁…

Pingu等機等到煲埋一份喇，你話悶唔悶o丫！


前老細一副執到寶咁o既樣，咁多手信直頭可以開檔賣啦！睇o下佢，兩眼發晒光喇！


再見喇，曼谷！下次我o地可能會去你隔o黎o既浮羅交怡喇！


終於返到香港喇！累到死o丫！仲要走佐最後一班E車，焗住坐佐成粒幾鐘N車… @_@

>>September 7, 2008 at 2:38:17 AM GMT+8

2006 年 7 月 8 日 星期六 【清涼】

去佐睇間百貨公司同埋另一個商場。

呢間家族式經營o既百貨公司，叫做Central Chitlom（泰國導遊口中o既︰「聲它廁窿」），有o的似日式o既SOGO咁，乜都有得賣，o的o野好齊全，十幾層，又係行到腳斷o個隻，完全唔係路…

下晝o個餐到佐Bangkok最高o既大廈Baiyoke食自助餐，冇乜特別嗟又…o野食都唔係特別ok。食完再去埋last o個個Emporium，比較舊少少啦，又係行高檔，有o的似中環置地o個o的商場咁，係大o的咁解嗟。行晒o的場就各自活動，我就蛇返酒店攤抖o下，

BB就曳曳喇！今朝起身話唔舒服，病佐仲要去做spa，結果搞到返到o黎發燒！同B去佐買退燒葯，再食佐餐清淡日本菜，食完返上房覺覺豬…

間日本料理幾靚o架，靜靜o地冇乜客，佈置ok，餐巾都有心機摺，唔錯！


>>September 7, 2008 at 2:34:56 AM GMT+8

2006 年 7 月 7 日 星期五 【清涼】

一口氣去佐三個商場呀！好多o野睇，但係冇乜特別。

都唔係晨咁早o架喇，因為琴晚夜機，所以行程十點半先開始，首先係去佐最新起好o既Siam Paragon（泰國導遊所講o既︰「事鵪爬話乾」），好大呀個商場！格局係走high class路線，有o的似太古o既場，似係為佐搞出o黎陶醉而唔係為佐賺錢咁，好多空間，好多擺設。想睇更加多呢個商場o既相，可以去我個MSN SPACE度睇。


不過唔知係咪泰國冇香港走得咁快，佢o地個場有個所謂o既VIP保齡球場，話包場要幾貴幾貴，有埋卡拉OK o既套房等，但係其實香港都好似有佐一段日子啦…保齡球場我就唔要喇，淨係要個梳化位得唔得呢？好似皇宮咁呀！最把幾火就係商場裡面居然有三個極大、好似會展咁o既會議廳…泰國真係地大物博，嚇死人…


更加估唔到o既，係個商場裡面，居然可以將個地庫租畀人做水族館… @_@ 雖然o的海洋生物、甚至格局，都有o的同我o地o岩o岩去完o既海洋公園差唔多，但係佢有鸚鵡螺同埋粗碌版海膽，都係未見過o架！好得意！


睇o下粒海星幾咁歎…


之後仲去佐隔o黎o既Siam Center同Siam Discovery Center，真係行到腳到斷！！！買佐o的衫同Boots咁啦，收獲唔錯。夜晚就去佐食泰國o野，再行夜巿買佐少少手信（超勁熱到死…），行完累到爆班人仲話要去做泰式按摩，嘩…反晒拱橋咁，幾乎命都冇…

>>September 7, 2008 at 2:42:18 AM GMT+8

2006 年 7 月 6 日 星期四 【清涼】

曼谷之旅，起行喇！

琴晚大家都已經執好晒o野，但係今晚夜機，所以日頭都仲要返工，勁冇心機做o野呀！因為大家個心都已經飛佐去泰國啦嘛！

今次係參加佐商場學會o既study trip，目的係去睇o下曼谷o的商場o既設計、運作等等。又因為係study trip o既關係，所以預先應承佐Selina要交其中一個商場o既report。

呀自強今日放假，所以一放工就可以即刻閃人，o係奧運同BB匯合之後，我o地o既旅程就正式出發喇！

小Pingu，我o地出發喇！落佐機去酒店途中~


今次個團訂佐五星級o既Siam City Hotal & Resort，但係我o地都冇乜時間o係酒店o既範圍行逛o下，唯有上酒店個網頁度偷o的相落o黎當係行過o下間酒店啦…

酒店外貌其實都係一般，唔係特別開胃o個隻，但係o的房都幾大幾靚o架，不過係衰在冇牙刷同牙膏，聽聞話新加坡同泰國o的酒店都係冇得供應，我就大鄉里o的，唔知道係咪真。


食佐三餐都係自助早餐，真係o的杯杯碟碟都畀佢悶到扁啦…BB三個朝早都食炒蛋，我就朝朝食冬甩…其中一晚去佐食酒店裡面o既日本料理，o的o野食ok喎，係冇乜款揀。


乜酒店裡面有個咁靚o既水池o既咩？唔知喎…酒店夜晚咁歌舞昇平o既咩？都唔知喎…


酒店非常近主要購物中心Siam，只係兩個架空鐵路BTS站，靜中帶旺，仲有7-11 o係左近。


>>September 7, 2008 at 2:31:45 AM GMT+8

2006 年 7 月 5 日 星期三 【清涼】

呀英姐，我真係受夠喇！唔開你拖誓不為人！

話說今日o既工作真係忙到嘔，主要係因為早兩日班販o個單o野要急速咁準備一份圖文並茂o既report畀呀自強做好兩手準備，搞到要一住睇住o的CCTV，一路capture screen咁cut o的相出o黎…改完o的字眼又要再改，煩到嘔。

就o係呢個咁繁忙o既時候，偏偏英姐又唔生性，畀人打上新鴻基投訴。好在佢條線唔知點解搭佐去租務部，再由租務組傳介返落o黎MSO，如果唔係又要做多份投訴report畀呀自強…

個客話搵佢fax o個時佢又fax唔到，跟住仲要同佢鬧交，仲要「掘」住人… @_@ 搞到我o徙佐半粒鐘同佢傾…xyzqqq！

搞到我真係火火o地，條友仔今日又咁o岩放假，唔明點解次次想罵叉佢佢都咁好彩放假！x！

----------------------------------------------------------------------------------------------------------------------------

之後o個日同呀英姐講話有件咁o既事，佢都係例牌講一大堆理由話自己冇做過個客所講o既o野。我都冇佢咁好氣，但係無論你講到自己幾咁o岩，公司o既角度睇佢都已經錯佐九成，佢仲話如果公司唔聽佢解釋對佢好唔公平云云… @_@

我就因為放工去旅行心情好，所以都冇同佢爭論落去，只可以同佢講，佢係成個行動組主管，乜都要做得比其他人好，o的細o既先會服佢。至於佢聽唔聽得明，就真係要睇佢做化。

佢之前都已經畀公司o既「神秘訪客」測到佢對客冇笑容之類，我深信個客講o既冇九成真，都至少有七成，但係仲要駁咀，我都真係費事教精佢，只恨點解個客唔係真係投訴到上公關部，到時我都真係要睇o下佢點解釋。

唉…

>>July 17, 2006 at 10:55:14 PM GMT+8

2006 年 7 月 4 日 星期二 【清涼】

買佐新相機喇！要同B去泰國旅行影相！

之前忙到死都冇乜時間睇買邊部機好，不過買就買硬Canon o架喇，因為覺得佢o的function同效果都唔錯。去到旺角o既「百老匯街」，睇佐兩部，一部係IXUS i zoom，另一部係IXUS 65。前者就舊款少少但勁型，勝在全黑色面兼睇落冇咁易刮花，後者就新出，3吋大display而且像數高o的，兩部都想買，但係兩個只能活一個，結果都係去睇多間先。

去到豐澤，都係做$2780，但係佢就額外平多一舊水！好抵呀！$2680就可以出部相機喇！仲可以用DBS做免息分期，再加埋個三百幾蚊三年全保（連個display爆佐都有得免費整包零件，真係激！搶生意搶成咁…），一個月都係供二百幾蚊咋！勁抵，真係要即買唔好諗咁多啦！



買完機約佐舅父食飯，傾o下旅遊保同埋BB份保單轉過去佢跟o既事。不過因為Warren同佢同一座building，冇特別原因都唔想因為轉名而得失o的同事，結果暫時唔轉得住。不過唔緊要啦，第時毛娶佐B咪可以用親屬關係轉名囉！係咪？！

>>September 7, 2008 at 2:27:21 AM GMT+8

2006 年 7 月 3 日 星期一 【清涼】

走販呀！

販即係販，仲要玩投訴，以為咁樣就會錯變返o岩，痴線！

香港真係好衰，有一種投訴文化，o的人做錯o野，以為投個訴就可以令人覺得佢錯都變返o岩，但係事實並唔係好似呢個販咁呢。

So far做佐一年零四個月，畀兩個人指名道姓咁同HQ投訴過我兩次，一次就係四樓CC Shop個臭莊，而家佢已經犯梗眾憎，又o係走廊煲煙又o係個舖度炸機又放晒o的o野o係走廊阻塞通道，仲話想搬落o黎新翠，租務問過我意見，即時就數晒佢o的衰o野出o黎，賣埋晒o的cheap o野。

今次就畀個（小）販投訴。話說呢班x樣成日都o係新翠對出的士站前面o既空地搬檔，我o地叫極食環個問題都解決唔到，亦未見過食環呢o的咁無能o既政府部門捉到任何一個販，但係一走販o的人就連販帶貨加手拉車仔一齊湧晒入新翠避難，今次佢o地入佐吉野家，扮食o野，但係o的車仔就泊晒o係走廊同埋吉野家裡面，左輪住晒。

於是我o地就去干涉，呀英姐一入到去就口窒窒，做主管做到佢咁就不如死q佐去，都唔係第一次，對佢o既表現極失望。我一出聲o的販就嘈啦，話自己食緊o野，以為自己就大晒，仲開始爆粗。吉野家個經理見勢色唔對，就焗住報警。我就特登企o係講得最多o野o個條友後面，好似o的人o係茶樓等位咁，畀o的無形壓力條x樣。

佢就話我bear住佢，個樣又串又唔出聲唔q理佢，要投訴。不過佢唔係新翠租戶，佢鐘意投就畀佢投飽去，我就大大方方咁畀個名佢抄，吹咩？係呀，我係「實Q」咋，係讀得書少所以先做「實Q」咋，但係你唔好唔記得你係「販」o既身份囉。

呀叔，而家通街都係大學生，做保安都話要中五畢業同埋識o的英文，我諗做得保安呀頭學歷都唔應該太差呱？我點讀唔到書都唔會公開大大聲問候人o地老母啦，但係粗人即係粗人、販即係販囉，佢鐘意點就點，但係旁人o既眼睛係公正o既。

你要玩上新鴻基話我冇禮貌，呀自強都由佢玩，因為佢話而家係執行緊職務，而且係佢o既指示咁話。不過我就要寫IR同做多份report連埋相呀CCTV咁講返成件事o既經過，真係好鬼煩，但係抵得我有人撐，吹我唔脹喎又！

有時一個咁講原則o既老細都唔係唔好，起碼佢set佐一堆制度出o黎都係想撐返自己o的下屬，呢o的o野係下面班友唔明佢o既做事作風，兩手準備唔係唔好，係煩o的嗟。

算罷啦，佢都只係做到七月三十一日，又有新老細喇，不過仲未知係邊個。

>>July 12, 2006 at 2:18:14 AM GMT+8