2006 年 3 月 14 日 星期二 【微冷】

今晚睇佐套好好睇o既戲喎！

畀佐一百蚊，入佐Broadway Cinematheque，以後去百老匯睇戲可以平o的，即係可以同BB密密睇戲！哈哈，真係好！ =D

套戲叫Transamerica（港譯︰《尋找他媽…的故事》），係講變性人o既。其實睇套戲之前，我只係知有套咁o既戲，係完全唔知套戲o既任何o野，因為套戲個中文名譯得非常之差，令我完全冇衝動想畀錢入場睇。不過BB話想睇，睇o下都無妨，睇完之後又覺得的確冇介紹錯喎！

呢期連續睇佐三套內容有不同性或性別取向o既戲，Brokeback就男男、男女都有，Capote就男男，Transamerica就變性人，唔通呢個世界開始慢慢認同呢類非主流o既性傾向？

到目前為止，我都未試過遇到以上各類型o既朋友，雖然而家都仲係持開放o既態度去面對，但係真正面對o既時候又唔知自己會點應付呢？不過咁，做朋友應該冇問題o既，但係千祈咪同我玩示愛呀，我真係會打爆佢個咀o架！=P

>>March 18, 2006 at 2:49:35 AM GMT+8

2006 年 3 月 13 日 星期一 【微冷】

原來今日排佐更畀呀自強放假！好o野！唔駛對住個煩人！

襯住條友唔o係度，朝頭早開始又可以慢慢搞o下L3張floorplan，因為時間無多，今日一定要搞埋，你永遠唔知呀自強o係度o個時佢會用o的乜新花臣搞住你、阻住你做o野。

冇佐自強，工作特別順利，成日八個鐘office三個人有傾有講有笑又一day，L3新floorplan亦都面世！我相信第日新翠o的後人都會多謝我搞佐壇咁o既o野出o黎，不過佢o地第日識唔識edit又係另一件事喇…

放工返屋企，食完飯就去接BB放學。行陣街食o的o野，一齊返屋企覺覺豬，完全忘記琴晚鬧交o既事，甜甜蜜蜜過一晚。

毛毛明白o既…我o地唔好理其他人，因為佢o地都已經成為我o地o既過去，只要而家知道大家對呢份感情都係一條心，咁咪得囉，係咪？！

毛毛愛BB~

>>March 21, 2006 at 12:14:54 AM GMT+8

2006 年 3 月 12 日 星期日 【微冷】

難得今日唔駛對住呀自強，加上要盡快update返o的ISO o既site documents，所以今日終於都「的」起心肝，重新再畫過New Jade o個o的floorplan。

o黎佐差唔多一年，用來用去都係o個o的矇查查o既floorplan，畀客又係o個o的，自己內部用又係o個o的，真係唔多頂得順。有時畀客都要自己加過工先出得街。為佐方便第日做o野，畫返好o的floorplan真係有必要，而且唔係scanned版本o既floorplan，可以隨時方便edit，o的線條清清楚楚，唔好失禮公司。

其實之前已經試過跟住張底圖去鉤返柴灣地圖出o黎，由於公司資源認真有限，冇Photoshop亦冇Corel Draw，又唔可以裝老翻，局住要paste張圖o係Word度再用free draw慢慢畫，過程真係好辛苦，因為Microsoft出o既software都係超級stupid，不過而家個巿場畀佢玩晒，冇得揀。

畫佐七個鐘，張新o既L1 floorplan終於都面世喇！！眼都矇晒，但勁有成功感！

>>March 21, 2006 at 12:15:26 AM GMT+8

2006 年 3 月 11 日 星期六 【微冷】

今日主力都係訓覺，仲有執過o下o野咁。

BB去佐family day，我就好鬼死清閒，清閒得o黎有o的悶…

聽日又要返工…做乜三月過得咁漫長？

----------------------------------------------------------------------------------------------------------------------------

Mother of Mine is a film about the fate of one little boy amidst the warring world. Finland goes to war and 9-year-old Eero's father is sent to the front. Even though his father promises him that the war will soon be over, things are never the same again. Shortly after the start of the war, sad tidings come from the front that make Eero's mother, Kirsti, break down completely.

Widowed and crushed by sadness, Kirsti is not able to look after her son and he sends Eero to safety in Sweden, a neutral country untouched by the war. Kirsti assures him that it's for Eero's own good, but Eero has trouble understanding this. The journey towards a new country and a new mother begins.

During the Finnish-Russian War more than 70,000 children were evacuated from Finland to Sweden. The story is loosely based on Heikki Hietamies's novel by the same title.

http://aideistaparhain.com/english/

>>March 21, 2006 at 12:18:38 AM GMT+8

2006 年 3 月 10 日 星期五 【微冷】

好辛苦呀！連續兩日做到隻狗咁！呢個月究竟幾時完o架？！

新老細好似日日都要brief過我先肯收手咁，見佢真係好鬼理論派，樣樣o野都話要講證據，得閒就叫晒我同呀Man入去傾呢樣傾o個樣，真係唔知佢想點…

----------------------------------------------------------------------------------------------------------------------------

《12星座老婆最讓老公頭痛的地方》

雙子座︰雜事一大堆

雙子座老婆不容易專心，好不容易夫妻單獨相處，但是凡事喜歡三心二意的雙子女，一下子去忙這個，一下忙那個，好像所有的事情都全部擠在一起了，但是實際上都是一些芝麻蒜皮的小事，雖然是她的個性使然，但是總是讓老公有種被忽略的感覺。

>>March 20, 2006 at 12:34:05 AM GMT+8

2006 年 3 月 9 日 星期四 【微冷】

新老細開始發功，今日又叫我同呀Man坐低，講佢o既鴻圖大計…

條友仔好有野心，話要條村年尾要有獎呀，又話本場o既方向係環保同社會關懷。希望佢o既方向真係冇錯啦…商場話晒都係investment property，係咪要放咁多時間同心機落去o的同賺錢冇直接關係o既o野呢？或者會係一個突破o既…

經理！經理！而家好似真係乜都要「經」過「你」手咁，佢乜都理，冇好似以前Selina乜都放手畀我o地做、畀我o地發揮。有好有唔好啦…

又睇o下之後會點…

>>March 18, 2006 at 12:29:02 PM GMT+8

2006 年 3 月 8 日 星期三 【微冷】

今朝老細放假，朝頭早都幾hea o下…

下晝老細返o黎冇耐，康業個新經理同個主任落佐o黎，懶係拜候，其實就講錢！

因為佢o地垃圾房道消防閘落佐，又唔知點解有人拿佐我o地商場收紙皮個籠頂住個閘，結果個閘就「炒」到好似風琴咁。康業o個班茂利想屈我o地賠，話我o地有contractor做o野唔叫佢o地掛牌，搞到落閘。根本就係本未倒置！因為一道消防閘落閘係好正常o既現象，而煙霧頭o係春天有false alarm亦好正常，太潮濕亦會引起false alarm。

條傻仔經理口口聲聲話唔係想追究點解會落閘，但係又話因為我o地做o野搞到落佐閘所以要賠，佢都真係戇xx！

中途老細有電話，仲足足講佐兩、三個字，而o個兩條友就只係戇戇xx咁坐o係度等…哈！老細真係要畀o的下馬威上面睇o下喎！

講完電話之後，老細都唔示弱，睇佢就好似玩細路咁玩，佢話o個度係公地，咪照返個業權份數拆返條數出單畀商場，咁我o地就照畀，一於冇彎轉，因為件事真係唔關我o地商場事，拿個籠去頂住道閘o既人，聽講話仲要係佢o地自己間清潔公司，搞晒笑。

本來諗住買杯奶茶畀佢兩條友飲，但係買完之後都係覺得唔抵請o的賤人飲，自己飲佐去慳返！

最抵死就係老細最後一句︰「不過你o地呢單o野入我o地唔到！」簡而清，老細即係老細！服！

>>March 11, 2006 at 11:21:58 PM GMT+8

2006 年 3 月 7 日 星期二 【微冷】

換佐新老細o岩o岩一個禮拜，發覺佢好鬼鐘意捉住我同Man姐開會，或者佢想快o的了解晒條村裡面o既事啦…不過得o個71舖，又可以有咩事發生o丫…

開始冇o個時Selina咁嘆喇，因為新老細好多o野想搞，雄心勃勃咁o既勢…

放佐工就落旺角食飯，今餐突然想食得o的，所以去佐好耐冇去水道橋，估唔到呀Lok仲認得我o地兩個煩人！食完飯行佐陣街，就去睇戲。

今晚睇佐套好悶o既戲Capote（港譯︰《冷血字傳》），男主角係奧斯卡得主，可能係我唔明套戲想表達o的乜啦，又以為o係o個o的尋幽探秘搵兇手殺人動機o既片，結果原來係一套人物自傳，嗯…的確有o的悶，坐我隔o黎位人兄開始之前仲大大聲講o野，睇睇o下都訓到豬叫咁… =P

>>March 20, 2006 at 2:33:03 AM GMT+8

2006 年 3 月 6 日 星期一 【陰】

是怕寂寞，還是愛我
李牧童

當你說你喜歡我，其實你是否清楚？你是想替心靈找一份寄託，還是樂意將心靈付託給我？是我不夠自信，或是你給我的信心不夠多，請你告訴我。

告訴我，你在甚麼時候會特別想我？是在風和日麗的下午，還是在煙雨霏霏的晚上？是在人來人往的銅鑼灣，或是在荒涼僻靜的沙頭角？是在興高采烈之際希望與我分享，抑或在心情低落之時盼望我能替你分憂？

假如我們去東京旅行，你想和我一個人去，還是召喚更多的朋友？假如我們在森林中並肩漫步，黑暗忽然襲來，你伸手找不著我，你會先想到自己的安全，抑或和我一樣，先擔心你的下落？

假如我們流落在荒島上，我們形影不離；但在五光十色的都市裡，你是否願意和我相依為命？

在寒冷的時候，我會為你沏一杯茶，呵一口氣，讓你把腳掌擱在我的肚子上。

在你不快樂的時候，我會放下工作，陪你借酒澆愁，陪你胡亂shopping。

在你怫鬱的時候，我會不辨是非地給你發洩，讓你如孩子般無理，讓臂膀給你咬個痛快。

但是，當我心情低落的時候，當我呆頭呆腦的時候，你會願意去理解我嗎？其實你是愛我，抑或只是愛著我對你的好？

我不會問如果有一天我瞎了跛了蕩產傾家了，你會否依然愛我。

我只想知道如果有一天我們分開了，你會否很快便能愛上另一個？

是非我不可，還是恰巧遇上了我？是真的愛我，還是害怕寂寞？

----------------------------------------------------------------------------------------------------------------------------

情侶的眼疾
李牧童

從小學五年級，我便有近視。到了中學三年級，認識到一個患有遠視的同學，當時的鏡片很厚，他那雙在凸透鏡下的眼睛，被放得大大的，看上去很有趣。

我覺得有趣，他本人自然是不喜歡，他說寧願患上大近視，也不要有遠視。

在愛情的國度裡，其實我們都患有不同程度的眼疾，不是遠視，就是近視，甚至乎失明。

患有近視的情人，只能看見近在咫尺的你，當你稍稍遠離，他便感到焦躁不安，深怕你會在他視力不及的朦朧中背叛他。度數輕微的還可視作淘氣、癡纏，不失為一種情趣；可度數嚴重的，終日對你進行盤問，教人透不過氣。

而患有遠視的情人，只能看見遠在天邊的你，在安逸時，伸手可及時，他對你有一搭沒一搭的，不懂得去珍惜；待你心灰意冷，遠離了，他才能看清楚你的好。在他的極力挽回下，你心軟了，你留下來了，可不用多久，他又不知把架在鼻樑上的鏡片扔到哪裡去。

最嚴重的，當然是失明。

失明的情人，看不見現在，只看見過去。他的雙手擁抱著你，心卻在惦掛過去的那位。他看得到自己對過去的緬懷，也能瞥見自己對未來的憧憬，可就是無法看見現在的你。他像牛一樣，將過去的記憶反芻，咀嚼回味，再吞進胃著去。

假如要你從以上三個極端的例子中選擇，你會選哪個？

我選擇近視，因為近視會被老花抵消。

我和你可以愛到那一天的，一定。

http://www.muktung.com

----------------------------------------------------------------------------------------------------------------------------

條友寫o的o野，有時又幾入木三分o架喎…

>>March 5, 2006 at 11:24:23 AM GMT+8

2006 年 3 月 5 日 星期日 【暴雨】

點解每次都要出o黎接BB返屋企？

因為毛毛好愛您囉；因為掛住您想見您；因為怕您畀拐子佬捉佐去賣；因為鐘意聞您陣酒除；因為…

----------------------------------------------------------------------------------------------------------------------------

最近又再繼續諗兩樣o野︰婚姻同前途。

毛毛左諗右諗，都係覺得應該買樓先過結婚。因為如果已經兩個人一齊一段時間，雙方o既感情應該都已經有返咁上下深厚，結婚呢樣o野，只不過係一個向其他人交代o既儀式。

買樓比較實際同重要，因為我o地真係需要有一個只屬於您同我o既地方。

您話用o黎「依泣」又好，又或者係想甜蜜蜜咁兩個人煮o下飯仔都好，都總要有個冇人騷擾、舒舒服o既地方，所以應該要有個屋企先。

或者到時大家o的屋企人見我o地一齊咁耐都唔反對我o地住埋呢… @_@

毛毛最近又諗緊去考地產牌，而唔花十幾萬去讀個HKU SPACE o既物業管理碩士。

物業管理行頭雖然闊，但係做o既o野始終都係太窄，淨係o係呢方面發展o既空間實在有限，升得慢人工又加得慢。

新老細都算幾好人，而且我相信應該仲有好多o野可以o係佢身上學到，眼見幾個朋友都去佐做地產，而前MHV同事Billy仔亦去考佐個大牌，真係心郁郁。考佐個牌就可以搵o的同租務有關o既工，例如leasing officer咁，再唔係自己走去做地產經紀又得，搵多o的錢。如果再有錢就可以讀個MBA，掂埋推廣o既o野。

學多o的呢o的周邊o既o野，就唔駛限死佐自己o既發展，真係想鬆人都易o的o丫！

>>March 6, 2006 at 1:37:47 AM GMT+8