2006 年 1 月 3 日 星期二 【微冷】

放完兩日假再返工，真係有o的唔係好想郁…加上好病病o地咁…真係弊…

聽日放假，本來今晚係同BB出去玩o既大好機會，不過唔知係咪放假放懞佐定係個office太焗，還是真係太多o野做，到下晝食完飯返去，越坐越辛苦，越做越頭痛…最後都係頂唔順，唯有放棄同BB出街，做埋o的o野（都要七點幾…陰公…）…

返到屋企又好似好返o的咁…不過狀態都係差…好在有假放…

BB好似都患佐放完假之後唔想返工呢個病喎…嘻嘻~

>>January 8, 2006 at 12:18:48 AM GMT+8

2006 年 1 月 2 日 星期一 【微冷】

共同致命傷
李碧華
2006年01月02日

娛樂版總結○五年華語電影，選出最令觀眾失望的是：《無極》、《長恨歌》、《阿嫂》、《七劍》——其實○五爛片還有不少，不過「入選」的都是放映前大事宣揚，萬眾期待，以為「有料到」。滿懷希望，當然失望更大。根本沒什麼希望，無聲無息無疾而終也罷。

期待，因為重金投資、小說暢銷、演員陣容、導演往績……但電影是「鋪鋪清」的，各具獨立性，誰予同情分或給老本一點面子？商業社會，冷酷、無情、看貨色評價。貨不對辦，觀眾便大表失望。

評論一語中的，這四部電影，都有共同致命傷，就是劇本不濟。好電影首重好劇本，或佈局奇詭，或感動人心，或對白精彩，或蕩氣迴腸，或笑中有淚，或饒有深意……一個好故事好劇本，拍得流暢已加分；一個爛故事爛劇本，再費勁用本也飛不起。

誰決定用？高估、過譽、錯愛、炒作、甜言蜜語哄騙入場，你上當了，也沒辦法，沒得回水。只怪自己選擇錯誤。——但，以上不是老生常談說到悶嗎？還有人不明白？

奇怪。

----------------------------------------------------------------------------------------------------------------------------

好在四套都冇睇過！

>>January 3, 2006 at 12:41:45 AM GMT+8

2006 年 1 月 1 日 星期日 【微冷】

「Sweet~Sweet~Sweet~」

訓醒check out出去搵食，素聞金莎o既buffet好好食，o係唔知要唔要訂位o既情況下walk-in，又唔算貴，試一試。嗯…係就係好多o野食，真係好多好多款，但係食味就只屬一般，冇傳聞之中咁「呼之欲出」，天上有地下無咁…

最靚係佢盞水晶燈，明知賭場唔畀影相，點都要同BB偷偷o地影返幾張，搞到畀人叫停，不過我o地都已經影完喇！哈哈哈！

陪BB玩佐幾舖大細，贏佐少少水腳錢買手信。我自己就唔賭喇，因為自知冇乜賭運，而且一諗到會輸o個o下就好「肉赤」，唔敢玩。

之後再o係外圍影佐少少「漁人碼頭」o既景，就去佐議事亭前地，又行佐去大三把，再睇o下有冇可能o係澳門買到戒指…行o下行o下見到個幾靚o既建築，入到去居然有棵以扭蛋膠殼廢物利用整成o既聖誕樹，即刻要BB同我影低佢啦！入到個庭院又有花香，氣氛又浪漫，同BB影佐張以花花磚做背影o既靚相，哈哈。大家都冇乜意慾行街，而且時間又唔容許我o地去得太遠，hea o下hea o下就去買手信，買完再幫襯佐澳門義順，就去搭船返香港。

頭尾都唔夠一日o既澳門之旅就咁完結…嗯…好唔捨得…好想好想每晚都可以攬住BB覺覺豬，甜甜蜜蜜咁進入夢中…

下一站，會係台南，定係浮羅交怡呢？

>>January 8, 2006 at 2:17:34 AM GMT+8

2005 年 12 月 31 日 星期六 【微冷】

「Sweet~Sweet~」BB話唔知日記點寫o既就寫呢個字啦…咁又唔係o既，總有o的回憶要記住o既。

今次係第一次同BB去旅行呀，抱住好期待o既心情，由一開工，一直等…等…等…終於都等到收工喇！不過其實成個office o既人都holiday mood晒喇…

初時都有o的唔開心o架，因為BB累，而毛毛又搵唔到拿船飛個地方，o係信德四圍走，o徙佐o的時間同腳骨力。大家都發佐o的小姐少爺脾四，急急咁食佐個麥當當就上船喇，上到船就緊係zzz返一個鐘補充體力啦！

落佐船，大家心情都好返，就行去新開o既「漁人碼頭」。好失望囉，原來畀佐唔知成百憶都係起o的咁o既o野出o黎，仲要四圍都係大陸人，迫來迫去。最抵死係佢o的歐洲式建築，o係度扮舊喎，特登整到o的外牆批盪見到裡面o的磚咁，真係老鬼土呀！試問如果真係舊到爛，o的牆身又有乜理由咁光鮮呀！好心佢o的天台倒o的污糟水落o黎整黑少少o的牆先啦！

我本人最buy就係佢o的「流動石油氣燈」好鬼得意，香港未見過，真係要多手走去熄佐佢先得！好鬼無聊咁行佐個圈，都仲係十點幾，又冇位坐，周圍都係人，o的o野又未開晒喎。要等多個半鐘倒數真係大家都頂唔順，於是決定返酒店。

去拿房又冇雙人床喎，完全失去佐book房o既意義，真係嬲嬲o地。如果個個都係first come first serve，咁我以後過澳門都唔會再訂房，直接踩去碼頭訂冇雙人床條氣都順o的，皇家金堡我以後都唔會再幫襯！

o係房hea佐陣，走落街買o野食，買完返房居然入唔到房，門卡失靈！居然去到2006年都仲有千年蟲問題？！有冇搞錯！我估唔係第一次過12月31號呀嘛？做酒店o既居然完全冇諗過overcome呢個問題？好鬼死嬲，擺明冇風度、撒野、賴皮。最唔高興o既係一早安排好晒有好開心o既假期，以為樣樣o野都會好完美，結果全部失望而回。

搞到成點幾先入到房，心情都未平伏。食o的o野，沖涼上床訓。好在，o係最後一刻，總算可以同BB共度一刻良宵…

eeeee…BB毛毛曳曳呀！

>>January 8, 2006 at 3:59:53 PM GMT+8

2005 年 12 月 30 日 星期五 【微冷】

琴晚可以攬住BB，但係今朝又要同BB分道揚鑣，各自返工…嗯…真係唔捨得…時間真係過得好快…

一切都完喇…個舖終於都交佐畀新客。o的o野完完全全交返畀個新客同租務部自己慢慢傾，不過個客都幾識保護自己喎…

放工返到屋企好死累，食完飯就上床，一o野就訓著佐… @_@

不過個心一早已經飛佐去澳門喇…

期待…聽日就係喇！

>>January 3, 2006 at 1:39:22 PM GMT+8

2005 年 12 月 29 日 星期四 【微冷】

2005年12月29日蘋果日報
葉一知

《布達佩斯之戀》（Gloomy Sunday）是齣令人一看難忘的電影——難忘的曲調、難忘的劇情、難忘的結局，還有難亡的一張芙蓉臉。

電影談的是三角關係。餐廳老闆與女主角Ilona走在一起三年，這時餐廳新聘用的一個琴師，也愛上了老闆娘。琴師為Ilona作了一曲Gloomy Sunday，其驚世脫俗不單感動Ilona，更風行世界。Ilona同時愛上兩個男人，幾經嫉妒掙扎，最後三人竟然和平地維持了這個關係三年之久。

三人行商安無事，問題是故事初一個愛上Ilona的德國青年。他曾向她求婚，卻給她拒絕。三年後青年成為納粹德國的上校，回到布達佩斯……（Ilona中譯伊蓮娜，發音是"e-lon-na"，很愛這個獨特的發音，故用英文稱之。）

在今日如香港的中國人社會，這個題材不易討好也難於討論。社會一方面崇尚反智，理性討論就老土論；另一方面只用道德一把尺，把所有問題歸納到一個百搭總結：總之xxx就唔o岩，侵佔道德高地，不容理性討論。中國文化重道德批判，相關詞語又多又重。《布達佩斯之戀》這樣的故事，惹來最典型的批評將會是：女主角水性楊花、淫娃蕩婦；兩個男的互戴綠帽，色迷心竅；三人同樣不知廉恥。

但只要細心判別，這些道德判詞又是一攻即破。如果Ilona只是個淫婦，為甚麼面對德國青年的挑逗時，不論是在他當了上校前還是後，Ilona同樣拒絕，「堅貞地」忠於兩個男人？只有她為了救情郎時，才逼於與上校上床。如果Ilona不深愛那兩個男人，何必拒絕一個德軍上校的色誘，卻又為救情郎接受了上校的「誘姦」？

兩個男的是色迷心竅、不知廉恥，又說得通嗎？一家高級餐廳的老闆要找女人難嗎？琴師更不消說，他的一曲Gloomy Sunday早已傳遍世界，還愁沒有女人嗎？到他們各自走上自己的結局，最記掛的還是Ilona。相反，德國上校多年念念不忘Ilona，即使已結婚生子，還要千方百計得到Ilona，最後又自毀諾言。他的動物原始性本能，正反襯出兩個男主角的堅愛。

《布達佩斯之戀》同時挑戰男權主義，令整個故事的哲學意味更高。如果這是一男二女的故事，結局便容易接受。中國人早就推崇三妻四妾，香港的娶妾傳統也是由英國廢除的。一個中國女人即使如《紅樓夢》的王熙鳳那樣狠惡攻心，也不是要接受一個小妾平兒嗎？但男人可以三妻四妾，女人又可不可以像Ilona，同時選擇兩個心愛她的男人？

陳可辛的《如果愛》同樣說一個兩男一女的愛情故事，但也只能歸到「到頭一場空」的典型結局，因為三人同行的結局太刺激觀眾，而任何一個男主角成功了，也給觀眾動輒施以道德壓力，惹來誰對誰錯的爭論。問題是，愛情當中有對錯嗎？

《如果愛》說的是愛自己，因而不容他人介入，寧願一拍兩散，也不願獨自傷心成全他人。《布達佩斯之戀》說的是愛別人，由愛情本質的愛自己昇華到愛他人，愛得把自己的榮辱拋掉，愛得把對方的對方也包容下來。一如《雙城記》的結局，愛得可以為情敵而上斷頭台，方是「愛人」而非「愛己」。

縱使《布》的三人行是對是錯還有待探討，但至少觸及了一個哲學層次，嘗試探討一個未有答案卻是人生其中一個最重要的問題。《如果愛》不敢再進一步，反過來想這個問題，層次低了。但這不是陳可辛的錯，每個人都有其自身和文化的侷限。

說到底，兩套戲都在問：究竟一個人可不可以同時愛兩個人？或者我們還是覺得一夫一妻制會為社會帶來和諧，但那是婚姻制度而非愛情，在愛情的世界裏，是否甚麼都符合「一加一等於二」、「非此即彼」等等邏輯呢？

《布達佩斯之戀》的女主角亮麗而有氣質，令人一見鍾情。更好是那道如魔咒的Gloomy Sunday，這首曲並非子虛烏有。1935年，兩個匈牙利音樂家寫了一首樂曲，樂韻很憂鬱，許多人聽了之後自殺。樂曲配上東歐匈牙利的藍鬱，勾起你無數回憶。電影結局頗為出人意表。

如此好戲，全香港竟然只有影藝可以看到。一知是百老匯電影中心的捧場客，這次逼於首度光顧影藝，才發現座位相當不舒服。難道這就是為了看好戲的代價？還是陶傑說得對：「這樣的電影怎會排在灣仔北的一家小戲院？殖民地時代，應該是聖誕新年的百萬票房之戲，這才是真正的香港之恥。」

----------------------------------------------------------------------------------------------------------------------------

有見地，有同感。

----------------------------------------------------------------------------------------------------------------------------

期待…仲有兩日…

>>January 3, 2006 at 12:23:37 AM GMT+8

2005 年 12 月 28 日 星期三 【暴雨】

老細持續放假兼且唔o係香港，搞到我要獨力對住放完假o既租務部大煩人Debbie姐…

頂佢o丫，乜q都賴晒我o地MSO，佢都真係幾屈得。不過唔緊要o丫，反正佢都係想搵人出氣之嘛，鬼叫佢咁賤咩！係咁想屈人，想扣人o地三皮o野按金，人o地就梗係唔肯o架啦！佢o地今次真係「捉虫入屎眼」，e-base嬲嬲o地，一次過話還完晒成個舖畀佢算，死未？！哈！

不過話就話係還完，道水晶閘新客非常之想要，拆佐去亦都無謂，又o徙時間、o徙錢，又唔環保，低能！而e-base又同新客識o既（行家，識都唔奇，我估佢o地已經一齊笑緊我o地租務部o的小家o野…），唯有出一出屎橋，希望過到骨…

已經訂晒去澳門o既船飛同埋酒店，以假日o黎計，價錢都算合理。由於可以同BB去旅行，加上我o地三個parties背住租務部夾掂佐o的o野，所以心情大好，懶理佢租務部煩人！到時交晒舖，亦都唔到佢o地再出咩聲！

期待…仲有三日…

>>December 29, 2005 at 12:09:52 AM GMT+8

2005 年 12 月 27 日 星期二 【微冷】

公司部腦個MSN死佐，一開就hang，唯有同BB SMS…

又係紅日，o岩o岩發現老細原來唔o係香港，祝佢玩得開心o的，有乜事Dominic會力撐到底！

Plan緊一月一、二號放孖day同BB去邊度玩，真係未出發先興奮，好開心好雀躍呀！想去澳門，因為突然上網發現佐「漁人碼頭」開喇！可以同BB去旅行，好開心呀！

個心又去佐放假喇…但係仲要返多四日工…加油！

期待…

>>December 28, 2005 at 12:32:50 AM GMT+8

2005 年 12 月 26 日 星期一 【微冷】

放完假繼續返工，好在又係假日，返12點，冇咁辛苦。訓到飽晒，起碼有十個鐘！

有o的o野想做，但係又唔知個clerk收埋晒o的o野o係邊，搞到又做唔到，都唔知怪唔怪佢好…唉…

做o下o的濕碎o野，個心已經飛佐去諗BB。

今晚第二次出席BB朋友o既聚會，一大班人又唔熟，都唔知有乜話題好講，佢o地講乜又唔知頭唔知路，不如靜靜o地聽o下，唔好亂搭咀失禮BB，扮o下斯文囉！=p

終於可以攬住BB訓覺…好甜蜜。

>>December 28, 2005 at 12:26:05 AM GMT+8

2005 年 12 月 25 日 星期日 【微冷】

放假。

琴晚分開訓，今朝分開起身，再出去玩，感覺好似怪怪咁。辛苦佐日半，琴晚返公司send埋份報價畀o的賤人，今日落得清閒話知佢o地死！

去佐Todai食lunch buffet，冇生蠔同梳乎厘食，唔開心！好在仲有綠茶雪糕，好好味！

又係冷門戲，好在一早訂佐飛，去佐百老匯電影中心睇Merry Christmas（港譯︰《聖誕快樂》），係優先場，但係o係聖誕節睇會o岩o的。又係戰爭背景做題材，o的人物好鬼馬，好惹笑！套戲o的人物講德文、法文、英文，就係講呢三班人打仗，反戰意味好重。

比較早送BB返屋企，因為大家都累。返到去再SMS傾偈，只想BB明白毛毛之苦。

BB呀BB，您唔好怪毛毛照顧不周啦…毛毛唔係唔想同您傾偈，不過有時返緊工真係唔係咁方便，因為我個post係要走來走去唔一定o係位，希望BB明白毛毛一放佐工就會完全屬於返BB o架喇，毛毛係唔會丟低BB走佐去o既。

放佐工已經殘晒喇，辛苦苦…節目安排不周，多多包容。如果畀BB怪責，毛毛真係會好唔開心o架… ='(

>>December 28, 2005 at 12:17:56 AM GMT+8