2006 年 4 月 13 日 星期四 【陰】

生日，原本放假o架，不過呀自強上個禮拜無端端返錯工（懷疑係突擊檢查！），調佐今日放假，我迫住要調假…

好死多o野做，見Man姐今日無無聊聊又一day，真係強烈對比，亦明白點解呀自強咁唔妥佢。做做做做做…做到六點幾都仲o係度做緊…

原來BB拿佐TIL過o黎接我收工，想畀surprise我…嘻~

BB送佐兩件衫畀毛毛做生日禮物啦，唔需要再買帽帽畀毛毛喇，因為毛毛戴帽唔好睇嘛，咁咪gel起佢好過啦！

我o地去佐食意粉屋，初時都有o的不滿o架，因為個做登記o既呀姐o的服務真係差。不過佢o地間舖o既生死，又畀佢o地上次招呼過我o地o既經理救返。咁o既人才，o係意粉屋做，真係o徙晒…

好想好想，可以同BB一齊有個屋企…您已經係我最好o既禮物，係上天賜畀我最好o既禮物。

>>April 15, 2006 at 1:12:44 AM GMT+8

2006 年 4 月 12 日 星期三 【酷熱】

BB見唔舒服，毛毛擔心呀，唔通係因為…

呀自強持續唔o係度，我o地繼續過o的比較輕鬆o既生活。而家最重要做o既o野，係夾好5月31日要收返o個三間舖，同預備新客o係六月一日收舖…我相信到時係會勁忙囉…

頂佢，今日超熱呀！不過我o地都試緊點樣o既chiller組合係最慳錢同最少投訴o既…

放工去見一見病B，等病佐o既BB開心o下先~ =D

毛愛B~

>>April 12, 2006 at 11:52:21 PM GMT+8

2006 年 4 月 11 日 星期二 【酷熱】

商場開始日日都有冷氣機o的水盤塞，周大福呀老黃開始話佢個舖出面條走廊熱，即係代表︰熱天已經到喇…生日都未過，但係已經有廿九度，真係覺得有o的痴線。

呀自強今日繼續去training，今日亦只係做佐o的濕碎o野…嗯…非常之holiday mood。

BB今晚有約同朋友仔食飯，毛毛好掛住BB~ >_<

BB~BB~BB~毛毛掛住~唔知BB準備點樣同毛毛過生日呢？

>>April 11, 2006 at 11:39:24 PM GMT+8

2006 年 4 月 10 日 星期一 【陰】

Redusa (generic name is Phentermine). Appetite Suppressants. Sympathomimetic appetite suppressants are used in the short-term treatment of obesity. Their appetite-reducing effect tends to decrease after a few weeks. Because of this, these medicines are useful only during the first few weeks of a weight-loss program.

Side Effects: increased blood pressure, fast or irregular heartbeat, insonmnia.

Redusa，食慾抑制劑。類交感神經食慾抑制劑是用於短期治療肥胖，其減退食慾能力會於數星期內下降。因此，此葯只在減肥過程的首數星期有效。

副作用︰血壓上升，急速或不規律心跳，失眠。

http://www.drugnet.com.hk/cgi-bin/topic.cgi?forum=5&topic=147&replynum=1&show=

----------------------------------------------------------------------------------------------------------------------------

Phentermine俗稱「大力丸」，與毒品「冰」同屬受嚴格規管的危險藥物「安非他明」類，屬於興奮劑的一種。雖然這種藥物能有效減低食慾，但副作用極大，可損心臟、神經，嚴重可致思覺失調甚至死亡，惟本港「減肥醫生」經常處方此藥予客人，甚至加重藥量，務求更快見效。醫學界亦關注濫開危險減肥藥歪風。

副作用大 損心臟甚至死亡
據衛生署資料，2000年至今（2005年），本港售出含Phentermine成分的藥物，包括Duromine、Redusa 和Mirapront持續上升，本年上半年的進口量達91.1公斤，是去年全年的66％。保守估計，這個藥量足夠6個月內每日配予逾1.66萬人次服用（見表中註釋內的運算）。

香港醫院藥劑師學會藥物教育資源中心教育總監崔俊明坦言，醫管局轄下所有醫院都不處方此藥，91.1公斤全由私家醫生入口，情况不容忽視。他指出，在外國這種藥只為癡肥病人處方，且不可連續服用逾3個月，但本港卻沒有同類指引。醫學會會長蔡堅對「減肥醫生」濫開這種藥物表示關注，他指藥廠列明此藥每人每日最多只能服用30毫克，但醫學會曾接獲醫生「詢問意見」，可否一日處方150毫克劑量，原因是「30毫克減不到肥，想更快更見效」。

蔡堅不諱言該名醫生似乎想醫學會「支持」他配予高劑量，但醫學會表明立場，「若是出事，無人會支持你﹔一定會出事，不可急功近利」，處方藥物必須堅守專業操守。中文大學內科及藥物治療學系教授周振中更指，「今時今日，此類藥只會作為軟性毒品，不應用作減肥」。

http://www.drugnet.com.hk/cgi-bin/topic.cgi?forum=5&topic=161&show=0

http://www.nd.gov.hk/c_stmulants.htm

http://www.nlm.nih.gov/medlineplus/druginfo/medmaster/a682187.html

----------------------------------------------------------------------------------------------------------------------------

減肥第一招：抑制食欲
在香港有註冊的藥品名稱：
Duromine Cap 15mg, Duromine Cap 30mg, Duromine Cap 40mg Controlled Release, Panbesy Cap 15mg Retard Pellets, Redusa Cap 15mg, Redusa Forte Cap 35mg, Panbesy Cap 30mg Retard, Phentermine Cap 30mg (Quality), Phentermine Cap 15mg (Quality), Redusa Cap 25mg, Phentermine Trenker Cap 15mg (Sustained), Phentermine Trenker Cap 30mg (Sustained)

它們全部都是Phentermine。在藥袋/藥瓶上常見的藥名有Duromine、Panbesy和Redusa 。如看見Phen，都會推定為Phentermine。

主要副作用，相信大家都知道。只總括如下：
1. 循環系統 – 心悸、心跳過速、心律不規則、血壓升高、心衰竭
2. 神經系統 – 失眠、全身震顫、驚厥、劇烈頭痛
3. 消化系統 – 嘔吐、肚痛、腹瀉
4. 排洩系統 – 小便困難、腎哀竭

http://www.drugnet.com.hk/cgi-bin/printpage.cgi?forum=5&topic=68

>>April 10, 2006 at 8:41:46 AM GMT+8

2006 年 4 月 9 日 星期日 【陰】

琴晚又冇食哮喘葯又冇食鼻敏葯，但係都可以好成功咁訓到十點幾先醒，真係好叻！

星期日返工o既日子特別舒服，因為可以靜靜o地做自己未做完o既工作，唔駛畀leasing呀、promotion呀、自強呀等等煩住，又冇乜人迫你交功課，多自在。

----------------------------------------------------------------------------------------------------------------------------

2006年4月7日《東方日報》
珍惜生命炭包　救燒炭齊人

元朗一名「齊人」自覺愧對髮妻，加上受財務困擾，昨午在家中燒炭自殺時，因看到炭包印有「珍惜生命」的呼籲字句，有如當頭棒喝，決定回頭是岸，不致鑄成大錯。

尋死男子姓葉（卅二歲），與姓陸（卅三歲）妻子居於大棠路一間村屋。消息稱，葉有婚外情，妻子得悉後未有怪責，他心中有愧，不知如何抉擇之餘，更因近日受財務困擾，情緒低落。

睹字句打消死念
昨午一時許，葉向妻子發出手機短訊，表示想尋死，其妻致電通知家姑，並急忙趕返家，葉母亦報警。期間，葉在家中準備生火燒炭，當他扯開膠袋取炭時，赫見炭包上印有「珍惜寶貴生命，讓我傾聽分憂」字句時，打消死念。

未幾，葉妻返抵見他安然，放下心頭大石。警員到場調查後，他拒絕送院，只得安慰一番。

香港大學及中文大學於○二年，建議供應商在木炭包裝袋印上警告字句。防止自殺機構「生命熱線」其後主動接觸超巿及便利店，決定在炭包印上求助熱線。

----------------------------------------------------------------------------------------------------------------------------

Newsgroup居然有人回文話︰「應在保險套上加上『忠於伴侶』、『切勿嫖妓』等字眼。」笑爆咀！

>>April 9, 2006 at 11:36:03 PM GMT+8

2006 年 4 月 8 日 星期六 【微冷】

BB返工我放假，好努力咁o係屋企休養，亦都溫佐少少書。

接BB收工，睇佐好多帽，但未拿定主意，因為未係最合心水，唔想隨便駛錢。但係我o地都上佐水道橋食飯，BB食到好開心啦，因為呀Lok都o係度。嗯…BB曳曳，唔掛住毛毛喇！

食完飯行街街買佐兩件T，唔好話毛成日淨係著波衫喇，o的波衫其實有o的都好貴o架，好有價值o架！

BB今晚又開始有o的歇斯底里喇，其實都唔駛咁擔心讀書o的錢o既問題o既，船到橋頭自然直o架喇，毛毛o係度，唔駛怕喎！

毛毛錫錫！~>3<~

>>April 9, 2006 at 4:27:05 AM GMT+8

2006 年 4 月 7 日 星期五 【微冷】

自強今日居然返錯工，頂o丫！本來happy o既一日畀佢破壞晒，仲要畀佢brief佐幾輪…幾能！

因為郵差要interview，所以miss佐早場，約埋郵姐一齊，食完一餐「未能滿足合理期望」o既大家樂，再戰HBO免費戲！

Lackawanna Blues（香港國際電影節譯︰《藍調人生》）講o既係一個叫Nancy o既女人，o係佢o既黑人社區中點樣將一班來自五湖四海o既人聚埋一齊，各人各有性格，o係佢大屋裡面每個星期五都搞o既party自得其樂。

佢尾Nancy收養佐畀老母遺棄o既Ruben仔，Ruben仔就o係呢個社區中成長學習，Nancy好鬼愛佢，亦係社區獨當一面o既「媽媽」。套戲載歌載舞，熱鬧非常︳亦相當幽默。

最估唔到o既係Nancy個男朋友Bill平時好似唔緊唔緊呀Roben，但係當Nancy想將Ruben仔交畀其他人收養o個時居然大發脾氣！其實佢o地已經不所不覺中組成佐一個家…

o係Nancy七老八拾，最終都得到一班老朋友o既認同，所以話好人唔怕做，公道自在人心！好睇！

"Give me the goddamned keys!" - Ol 'Po' Carl

http://www.hbo.com/films/lackawannablues

>>April 11, 2006 at 11:53:39 PM GMT+8

2006 年 4 月 6 日 星期四 【酷熱】

放工趕去灣仔同郵差匯合，去文化中心睇免費o既HBO電影。冇睇影評，冇睇電影網頁，一心去睇免費戲，估唔到會有咁意外o既收獲！

Warm Springs（香港國際電影節譯︰《溫泉療養院》）講述前美國總統羅斯福o係當選總統之前o個七年o既生活，真係唔睇呢套戲都唔知，原來佢係有小兒痲痹症，居然都可以做四屆總統，真係勁！

美國o係毛心目中一向都係一個扮晒大佬、懶正義、一直o係度蝦蝦霸霸o既國家，領導呢個國家o既人，都唔會係一個點樣好o既人。套戲冇乜講佢點搞好美國，所以淨係當係一套人物傳記咁睇，就唔會有乜反感。

套戲一開波就講花花公子羅斯福搞女人，幾乎要離婚，傷佢老婆心。但係天意要佢中招，患上當時人見人憎o既「愛滋病」，搞到佢好似咩前途都冇晒。佢為佐醫好呢個唔會醫得好o既病而走去浸溫泉避世，佢老婆就獨立起上o黎為低下階層請命，我相信亦有影響到羅斯福o既心智。不過最重要而又改變佢o既事，係發生o係呢間溫泉療養院。

佢好努力咁o係溫存水中學行，o係學行o既過程中，佢由消極變積極，學識接受自己。期間接受小報記者採訪，居然吸引到好多患病o既人o黎溫泉尋找希望，初頭佢居然睇唔起同佢患同一個病o既人，仲堅決要離開。

o係佢正想走o既時候，有一個病人居然畀火車車長隔離o係貨卡，仲要幾日冇畀o野佢食，但係個病人為佐呢一絲o既希望，堅強咁生存，感動佐羅斯福，羅斯福居然嬲到癱o既都追住個車長o黎打！

又得到貴人溫泉主管、物理治療師o既支持同幫助，療養院慢慢強壯o係o黎，羅斯福亦立下佢要幫弱勢社群o既心志。不過o係呢個時候，溫泉主管居然患佐cancer就快死，結果要羅斯福要自己一個人撐落去，但係屋企人居然唔了解、唔支持，直到佢老婆親眼見到佢老公做o既o野係幾咁有意義，而唔再係好似以前咁純粹想避世，兩夫婦先連成一線。其實佢兩個人o既感情係好深厚，好愛對方o架！

成套戲都好感動，最感動o既係一個小妹妹，o係經過治療後，可以o係慶祝會度慢慢咁行得返，證明佐羅斯福o既堅持同信念並冇白費。即使最終羅斯福都知佢係冇辦法可以行得返，但係溫泉主管同物理治療師由此至終都冇以可憐o既態度去對待羅斯福，亦十分可敬，反而可以令佢自己可以完全戰勝自己o既心魔。

----------------------------------------------------------------------------------------------------------------------------

"We have nothing to fear but fear itself." - Franklin Delano Roosevelt

"The 'miracle' is that - he is reborn in his soul. And finds out who he really is. And so, this 'trust fund playboy' decides to run for President of the United States. And be the first world leader who can't walk. And he runs. And he is elected - four times." - Margaret Nagle

http://www.hbo.com/films/warmsprings

----------------------------------------------------------------------------------------------------------------------------

睇完戲去佐食麥當飯，再湊BB放gym。再次因心靈相通而心醉，共渡甜蜜o既一晚…

BB，毛毛知道冇佐您就可能唔會再遇到一個咁接近o既人相愛，毛毛真係好愛好愛您呀！

You're my cup of tea~

>>April 10, 2006 at 2:01:27 AM GMT+8

2006 年 4 月 5 日 星期三 【酷熱】

琴晚返佐公司同o的同事仔玩，玩到今朝地鐵開先走。返屋企沖個涼，再去陪BB。

覺覺豬到下晝三點先落觀塘食o野，不過今日o係三間食店坐低過，居然係老麥坐得最舒服！食麵o個度唔知點解佢要o係個簷下面無厘頭地裝佐三、四支球場用o既射燈射住o的食客，食到我身水身汗，頂佢o丫，以後都唔會再幫襯佢！

之後上佐apm o既Cha Cha飲o野，居然可以用個爛蓋o既玻璃茶壺o的客用，我問個類似經理物體佢o地公司係咪窮到冇錢買茶壺蓋，居然畀個「界」手o既蓋o的客用，實在相當危險，亦令到我唔會再o黎幫襯。不過咁，即使佢o的設施再好，我都唔會再去，因為佢o的o野飲並唔o岩我口味。

想買帽戴，但係睇唔o岩心水…成日都可以錫錫BB，今日真係開心~

>>April 6, 2006 at 12:38:04 AM GMT+8

2006 年 4 月 4 日 星期二 【酷熱】

痴線！四月都只係o岩o岩開始，我生日都未到，居然熱到28度，救命呀！我真係好憎好憎熱！

今日呀自強放假呀！我同呀Man都可以開開心心咁工作，工作效率不至於被無情白事降低！做好好多reports，等呀自強聽日返工自己慢慢簽，冇佢咁好氣！計過晒，最快都要十號先同佢一齊返工，勁正！

呢兩日勁同呀Man玩「自強語錄」︰
「要有兩手準備」咁先可以「置身於不敗之地」，如果唔係就會處身「必敗之地」，「呢o的o野到時老闆問起你就冇得解釋」！

哎也…真係笑死我o地三個喇…

----------------------------------------------------------------------------------------------------------------------------

我好愛我女朋友o架，無論佢係點o既外貌，又或者你o地點攻擊佢，我都係咁愛佢，佢講o既o野對其他人o黎講未必一定o岩聽，亦都未必一定係o岩，不過只因為佢係我女朋友，所以無論如何我都一定只會企o係佢o個邊！

係咁盲目o架喇，咁點o丫？！BB，毛毛愛您~

>>April 6, 2006 at 1:13:17 AM GMT+8