2006 年 3 月 24 日 星期五 【雨】

蘋果日報
3月24日

社工：調查結果與現實有別
中大女生多不要婚前性行為

【本報訊】現代青年男女被指對婚前性行為的態度日趨開放，但一項調查發現，有近60%受訪中文大學女生卻反對婚前性行為，有近80%受訪者更認為，若男友與前度女友曾有性行為，會對男友的印象打折扣。有專責處理青少年問題的社工指出，該調查結果較現實情況保守，相信或受有關調查方法影響所致。

《大學線》最新一期報道指出，這項名為「新一代大學生性觀念的問卷調查」於今年一月中進行，成功訪問六百零五名中大女生。結果顯示，有59%受訪女生不同意婚前性行為，只有21%同意若與男友感情穩定，可發生婚前性行為。

逾九成人採取避孕
調查又發現，63%受訪者認為，可接受在拍拖首半年內與男友接吻，但對於進一步的身體接觸，例如撫摸對方身體，只有26%接受在拍拖首半年內發生，有近50%則要感情發展超過一年才可接受有關行為；更有25%受訪女生直言，不能接受婚前發生撫摸身體行為；另有50%受訪女生不接受在公眾地方擁抱情侶。

對於遇到婚前懷孕問題，40%受訪者選擇墮胎，45%受訪者選擇結婚，並繼續懷孕。另逾90%受訪者同意進行婚前性行為要採取避孕措施，亦認同男女雙方都有責任避孕。

本報昨日曾訪問部份大學女生，她們認為，只要男女雙方有感情基礎，以及必須為自己行為負責，她們不反對婚前性行為。

敏感問題影響選擇
香港青年協會青年幹事張志偉對該調查結果感詫異，以其前線工作經驗，一般青少年的性觀念未至於過份保守，他們普遍接受在拍拖三個月內有親密行為；該調查結果亦較其他同類調查傾向保守，他認為這或與調查方法有關，「調查方法會直接影響結果，當中有好多因素會影響愛訪者o既選擇，尤其係涉及一o的敏感性o既問題。」

----------------------------------------------------------------------------------------------------------------------------

大學線第73期

逾六成中大女生反對婚前性行為
編輯︰梁柏儀

一項調查顯示，超過六成受訪的中大女生不接受婚前性行為，接近八成受訪者認為如果男朋友曾經與前度女友有性行為，會對他的印象打折扣。這表示雖然時代進步開放，但新一代大學女生，仍有不少人性觀念保守。
　　
逾半拒絕公眾接吻
校園保健大使於一月下旬至二月中進行一項名為「新一代大學生性觀念的問卷調查」，受訪對象是中文大學的女學生，共收回605份有效問卷。結果顯示，超過六成受訪者接受接吻在拍拖首半年內發生，但對於一些進一步的身體接觸，例如撫摸對方身體則要感情發展超過一年才會發生，更有超過兩成半受訪者不會接受，而有超過半數的受訪者不接受於公眾地方擁抱情侶。

護理學院一年級的周同學對婚前性行有保留：「我覺得靠性行為維繫的愛情沒有保障，而且要冒未婚懷孕的風險。」醫學院二年級的張同學也反對婚前性行為：「我不明白為甚麼要有婚前性行為，也看不到婚前和婚後的分別，為甚麼不能婚後才做呢？」

雖然調查發現逾六成中大女生反對婚前性行為，但也有同學表示不反對。人類學系四年級的蕭同學便認為進行性行為主要是「睇mood」，只要有合適的時機，想做便可以做，但必須為自己的行為負責。

「關係成熟有何不可?」
生物系研究院一年級的李同學也表示，大學生已經成年，可以進行婚前性行為：「可能有些人會為宗教原因或者害怕懷孕而反對，但我卻覺得這不是問題。」工商管理學院三年級的黃同學雖然不反對婚前性行為，但自己卻不會嘗試：「有些人拍了十多年拖，關係已經成熟，我覺得沒關係，但必須要做足夠的避孕措施。」

安全措施必須做足
對於遇到婚前懷孕，四成人選擇墮胎，四成半人選擇結婚並繼續懷孕，人數接近。超過九成受訪者同意進行婚前性行為要採取避孕措施，也認同男女雙方都有責任避孕。

工商管理學院二年級的王同學表示，身邊有些朋友有進行婚前性行為，但避孕措施卻沒有做好：「他們普遍都知道要避孕，但為了追求一時的快感最後卻未必會做。」她又說：「如果有些人不想結婚，難道要他們一世都沒有性行為嗎？」

http://www.com.cuhk.edu.hk/ubeat/060373/sexual_behavior.htm

----------------------------------------------------------------------------------------------------------------------------

明報
2006年3月24日

六成中大女生反對婚前性行為

【明報專訊】在性觀念愈來愈開放的年代，中文大學進行的一項調查顯示，女大學生不單視「性行為」為「婚後」行為，並同時重視情人是否擁有「貞節牌坊」，近九成女大學生認為，如男友曾與前女友發生性行為，對他的印象會打折扣，逾六成受訪者不接受婚前性行為。

中大新聞與傳播學院最近一期實習刊物《大學線》，刊登由中大保健處於1月至2月進行的一項調查，以問卷訪問了605名中大女生，發現新一代女性並非如想像般「開放」。

容許接吻 三成半指需拍拖一年或以上
結果顯示，約三成半學生在「拍拖」一年或以上才會容許接吻。對於進一步的身體接觸或「親密」行為，接受時間要更長，如逾七成女大學生認為「拍拖」超過一年才能接受撫摸對方身體，63％受訪者更對婚前性行為「說不」。即使與情人感情穩定，近六成女生亦不同意婚前性行為是順理成章的事。

倘男友曾有性行為 九成指打折扣
在公眾地方不難發現青年男女情到濃時摟作一團或接吻，但調查發現，超過一半女大學生不接受公眾地方擁抱。

對於情人過去「性生活」亦感到介意，近九成女大學生表示，如果感情穩定的男友告訴她曾與數名前度女友有性行為，肯定會對情人的印象打折扣。若未婚懷孕，40%女生會選擇墮胎﹔但同時亦有49%選擇結婚及繼續懷孕。

護理學院一年級的周同學反對婚前性行為，認為靠性行為維繫的愛情沒有保障，更要承受未婚懷孕的風險。相反，研究生李同學則認為大學生已是成年人，可自決進行婚前性行為。

學者指港生傳統保守
中大性別研究課程及人類學系系主任譚少薇接受本報查詢時表示，對調查結果不感意外，反映出主流的意識，認為香港性觀念一直也是傳統保守，與坊間以為青年很開放不同。

譚指出，本港女生「拍拖」是希望結婚，即使女大學生也可能只想「嫁個好老公」，教育水平不一定影響性觀念，女生會認為性是兩個人之間的承諾，對於不接受情人曾與「舊情人」有性關係，譚指男方對女孩子的「貞操」問題更為介懷。

----------------------------------------------------------------------------------------------------------------------------

Newsgroup︰hkteen.university.CUHK

標題︰六成中大女生反對婚前性行為

"挽鍊猿.Ever" 撰寫於郵件新聞:[email protected]...
"容許接吻 三成半指需拍拖一年或以上"

係咪真嫁..

"hellodirty" 撰寫於郵件新聞:[email protected]...
講同做係兩樣野

"aaa" 撰寫於郵件新聞:[email protected]...
絕對同意
拍拖前講既野同拍拖後做既野係絕對2樣野

news://news.hkpcug.org/[email protected]

>>March 30, 2006 at 8:16:41 PM GMT+8

2006 年 3 月 23 日 星期四 【雷雨】

BB！毛毛攬實您唔放！

對唔住，毛毛真係唔得細心，您第二次講我聽，我都唔將o的o野切細佐先畀您食，毛毛真係唔夠體貼，毛毛會做返好o的，但毛毛冇腦袋o架喎，BB有時要提毛毛o架！

大家都好多o野做，兩個人放佐工已經散晒，冷洋洋咁攤o係梳化上面，咖啡凍晒都唔想郁唔想起身拎起杯咖啡飲…如果可以攤o係度慢慢訓著，冇人騷擾，您話係一件幾浪漫o既事呢…

毛毛要BB！BB要毛毛！>3<

>>March 25, 2006 at 1:58:01 AM GMT+8

2006 年 3 月 22 日 星期三 【微冷】

琴晚食佐抗敏葯先訓，結果冇咳醒，我估極有可能係o的鼻水倒流入喉嚨先搞到突然之間咳醒。不過都唔好理咁多喇，一於睇多次醫生拿o的葯旁o下身先算。

今日呀自強終於都brief佐我一o野，話o的同事對康業以牙還牙、以眼還眼。雖然佢唔知佢o地咁多年o既恩怨情仇，但係長久以暴易暴都唔係辦法，同埋顯得我o地啟勝好「小家」。我認同o既，不過上有政策下有對策嗟…佢o地班友唔聽我o地支笛都冇法o架喎…如果終有一日出佐事o既話，呀自強親自管返佢o地，我估佢o地真係有得受…

佢係煩，但佢有佢道理。好在下晝佢有training，我先可以安安靜靜咁做o下o野…

>>March 22, 2006 at 9:38:41 PM GMT+8

2006 年 3 月 21 日 星期二 【微冷】

琴晚訓到三點突然之間咳醒佐，之後用佐半個鐘先抖順條氣同食埋念慈菴先可以順利咁訓返著…起身時極累…即時想請病假射波，不過責任心重，唔返工唔得。

自強今日冇乜brief我，只係講過o下點管通宵班雲石護理組，總算不幸之中o既大幸。條友仲問我想唔想去公司搞o係復活節假期搞去泰國或者台北旅行，我諗佐一諗，都係唔好喇，又唔係同BB去，我寧願陪o下BB好過。

下晝自強又去training，可以安心做o下o的ISO o野，重新執過o的reference documents。

死啦，咁樣咳法都唔係辦法，真係開始有o的擔心…或者要入廠都未定喇…

>>March 22, 2006 at 12:00:22 AM GMT+8

2006 年 3 月 20 日 星期一 【微冷】

Love Paradise
Kelly Chan

You're always on my mind
All day just all the time
You're everything to me
Brightest star to let me see

You touch me in my dreams
We kiss in every scene
I pray to be with you through rain and shiny days

I'll love you till I die
Deep as sea, wide as sky
The beauty of our love paints rainbows everywhere we go

Need you all my life
You're my hope, you're my pride
In your arms I find my heaven
In your eyes my sea and sky
May life be our love paradise

You're always on my mind
All day just all the time
You're everything to me
Brightest star to let me see

You touch me in my dreams
We kiss in every scene
I pray to be with you through rain and shiny days

I'll love you till I die
Deep as sea, wide as sky
The beauty of our love paints rainbows everywhere we go

Need you all my life
You're my hope, you're my pride
In your arms I find my heaven
In your eyes my sea and sky
May life be our love paradise

I'll love you till I die
Deep as sea, wide as sky
The beauty of our love paints rainbows everywhere we go

Need you all my life
You're my hope, you're my pride
In your arms I find my heaven
In your eyes my sea and sky
May life be our love paradise

----------------------------------------------------------------------------------------------------------------------------

BB︰

真o架，您o係我心目中o既地位，就好似首歌所唱咁樣。

毛毛~

>>March 20, 2006 at 2:15:23 AM GMT+8

2006 年 3 月 19 日 星期日 【微冷】

行山日。兩口子各為其主通山走，渡過佐漫長o既一日。

銀根短缺，兩口子又有一o的爭論…大家都好煩、好失落。唔想咁樣，可以點樣？

開始o係度思想，作為一個咁樣o既男人，究竟佢o既心路歷程係點樣o既呢？我可唔可以唔鐘意佢呢？我應該用咩角度去睇呢件事呢？o係我o既位置又應該點面對佢呢？

o係呢個社會上作為男人，要為建立家庭而苦惱。做女人，真係自在得多…

但係點解到有佐家庭之後又唔識得珍惜當時曾經辛辛苦苦、親手建立o既家呢？我決心唔要做一個咁樣o既男人。即使要我再辛苦，我感覺到，辛勞過後返到屋企見到老婆仔女，真係會打從心底裡面欣喜過來，o個時全部o野都變得值得。

BB，我愛您！苦日子，終有一天會過去！

>>March 20, 2006 at 2:01:57 AM GMT+8

2006 年 3 月 18 日 星期六 【微冷】

今朝BB有家庭聚會，我就留返o係屋企抖抖。咳就好似好佐o的，但係條氣都係唔多順。

出佐去我o地去開o既樓上cafe玩波子棋。波子棋彷彿已經成為我o地溝通o既橋樑，遇到唔開心o既事，BB總係鐘意玩波子棋，o係玩o既過程中暫時忘卻內心o既不快，舒懷一下。

比賽總係要分輸贏，整體上我呢個「全國少年波子棋大賽冠軍」算係贏得比較多，但係BB其實唔差，只係好多時畀心情影響佐，行起上o黎有o的患得患失。今日BB叻叻，活學活用我o既奸招。敗o係自己o既奸招之下，真係無話可說，氣呼呼之餘，亦有o的安慰。

食過飯，真係好累，返到屋企hea佐陣都頂唔順，但係BB o既精力比毛毛仲要好。我估我老喇…仲訓訓o下咳醒佐…o的葯食晒，但係未見得病好…苦…

攬住您，感覺太實在。我需要您！

>>March 20, 2006 at 1:47:08 AM GMT+8

2006 年 3 月 17 日 星期五 【微冷】

放大假o既第二日，兩個人依然係懶洋洋~

今日調返轉，BB過府相聚。

食佐葯，真係頂唔順眼訓。呢個醫生開佐三隻眼訓葯畀我，淨係食兩隻都頂唔順，累到死…

落佐銅鑼灣行街街，食「捽碟」。估唔到今日佢真係「捽」畀我o地聽… =D

冇錢駛o既假期，點樣過先至可以有趣味o的？

----------------------------------------------------------------------------------------------------------------------------

《12星座遲到》

白羊座：通常不會到得太早，除非是為了出出風頭。經常可以在預備鈴響起時看到他們以百米衝刺的速度殺進教室，然後用好幾分鐘的時間喘粗氣、擦汗、找書……
　　
雙子座：最有效率的星座。經常是一手拿牛奶，一手拿包子，胳膊上還掛著個書包不遲不早地來到教室。在鈴聲響過之前把所有事情搞定，然後就和周圍的同學聊昨晚的新聞。

>>March 20, 2006 at 2:01:40 AM GMT+8

2006 年 3 月 16 日 星期四 【微冷】

做佐成年，終於都放大假喇！

見您唔舒服，八點幾過到o黎諗住陪您去睇醫生，但係兩口子都累，一於訓醒先算啦！放假嘛，唔好咁harsh同hurry！

不過今日o既其中一個最重要o既節目，居然係一齊去睇醫生… @_@ 今朝又係咳到醒佐，好辛苦，局住都要同您睇埋一份。廿蚊有七隻葯，真係好抵，仲三日葯添！

睇完醫生睇V for Vendetta（港譯︰《V煞》），一般啦。冇我想像中咁精彩，覺得個主角好似有o的short short o地，不過精神可嘉，令我諗起︰「革命尚未成功，同志仍需努力。」

>>March 20, 2006 at 1:14:40 AM GMT+8

2006 年 3 月 15 日 星期三 【微冷】

有鑊氣！真係大件事，咁搞法成班人遲早散晒！

難得維繫一班伙記一條心，四四六六擦掂晒o的濕滯o野，而家就係畀呀自強玩串佐…我唔想我過去呢一年o既心血都白費…

話說又唔知邊條友手痕，拎佐張乜都未填好o既「借物單」上去畀老細簽，老細琴日一睇就brief佐我成朝，又七又一咁，又話編更o的o野有問題之類…好很煩呀佢！

One2Free換冷氣摩打單o野又要我同呀Man交report畀佢，又話我o地錯，咩learn from failure之類…唔好bullshit啦唔該！平時已經多o野做o架啦！你試o下個客得閒打o黎問候o下你睇o下你又係咪是非黑白分得咁清，中間係冇灰色地帶，冇「精面」走o丫！

Wendy姐平時冇乜火，都打o黎同我訴晒苦咁，話呀自強、老姐點點點、乜乜物…唉…有排煩！

我放大假o架喇，畀我抖o下、靜o下好冇？！

>>March 20, 2006 at 1:04:50 AM GMT+8