2006 年 2 月 12 日 星期日 【微冷】

港女最憎男人無主見偷食
2月 12日《明報》

俗語有云「女人心，海底針」，女士心中到底最討厭異性伴侶的什麼行為或性格﹖調查發現，原來本港的女士最討厭男人無出息、無主見和「偷食」（跟其他女性交往），而小器、只顧打機以至「挖鼻孔」等都列入「十大」。情人節將至，男士們是否願意改一改惡習，以取悅另一半呢﹖

香港電台早前聯同城大社會科學部進行調查，在街頭以問卷訪問500名25至45歲女士。結果發現，多達53%受訪女士最討厭另一半「無主見」，討厭對方「偷食」和「無出息」的分別有近49%。「小器」、「無錢」、「女人型」、「只顧打機」以至「挖鼻孔」，都在「十大」之列。

調查又發現，84.3%受訪女士以「經濟穩定」為主要擇偶條件，其次是「博學多才」和「溫文細心」，反觀選擇「高大威猛」和「斯文靚仔」不足一成﹔與此同時，「女性地位及能力較男性強」、「男性經濟情況差」及「欠斯文細心」，亦成為女性難以在港尋獲合適配偶的主因。

至於最渴望擁有的情人節禮物，受訪女性的答案都較物質化。

33.9%受訪者以鑽戒首飾為首選，鮮花跟數碼產品亦是女性渴望收到的禮物。

負責調查的城大社會科學部首席講師張兆球承認，本港女士對另一半的要求日漸提高，尋找伴侶更為困難﹔同時，不少年輕男士們「唔生性」，沉迷打機、玩樂，冷待另一半，延續下去，本港男士只會令女士覺得「愈來愈揀唔落手」。

無論如何，張兆球提醒單身的男女士們，即使佳節沒有伴侶，亦要堅持「寧缺勿濫」，不要「嫁錯郎」，「緣分要到就會到，大家要明白」。

-----------------------------------------------------------------------------------------------------------------------------------

港女愛鑽戒　郎財最實際
《星島日報》

今天元宵節，西方情人節亦將至，男士都花盡心思討女友歡心。但一項調查指，本港女士較傾向「講金不講心」，她們擇偶的首要條件是經濟穩定，才華反而次要﹔而且最怕無錢，最理想的情人節禮物是鑽戒，十分「經濟實惠」。有學者分析，新一代女性於戰後出生，未吃過苦，因此事事以物質掛帥。

港台委託城市大學科學部於一月下旬進行一項調查，了解香港女性對感情、擇偶和某些人生觀的看法。是次調查共訪問了五百名年齡由二十五至四十五歲的女性，結果發現當今女性擇偶時，首要是「經濟穩定」，其次才是「博學多才」，反而「高大威猛」、「斯文靚仔」等外表因素並不重視。

隨著女性漸有經濟能力，女士渴望的情人節禮物也漸趨實際，結果顯示女性最想於情人節收到「鑽戒首飾」、其次才是「鮮花」、「數碼產品」﹔而且最佳度過情人節的方式為「到外地旅行」，而「朱古力」、「毛公仔」明顯不受歡迎，僅為受歡迎禮物榜的第六及第八位。　

新一代女性愈來愈獨立，她們最害怕的是「無錢」，其次才是「年紀漸老」﹔至於一般人認為女性最在意的容貌和身材，只佔第四和第八位。而且她們亦要求另一半獨立堅強，最討厭對方沒有主見，反而花心「偷食」僅佔第二位。

城大應用社會科學系副教授黃成榮指香港女性變成「拜金女郎」的一個主要原因是新一代女性在戰後出生，除了近年經濟衰退外，從未經歷過磨練，過慣富足生活，因此高度物質主義。

他表示，十年八載前女性會「求求其其搵人嫁佐佢」，不過近十多年女性主義抬頭，加上女性經濟獨立，可一力承擔母父的生活開支，亦可獨立處理問題，根本不須依賴男性，因此對配偶的要求並愈來愈高。他指台灣和本港的情況差不多，男生因要服兵役，事業起步較同齡女生遲，故不被青睞。

黃成榮又預料，會有更多港男到內地娶妻，「始終聽教聽話，要求又唔高」，而且因為女性喜愛有經濟能力的男士，中年男士的離婚率也會增加。

他說﹕「就好似電影《男人四十》一樣，一來有後生女送上門，同髮妻又對到悶，總有男人把持不住」。

-----------------------------------------------------------------------------------------------------------------------------------

點解冇調查問男人唔鐘意女人o的乜？

>>February 12, 2006 at 2:16:07 PM GMT+8

2006 年 2 月 11 日 星期六 【微冷】

我真係甘心，放棄自己o既所有，即使係我o既自尊。

拍拖134日，我學會︰

盡量唔遲到；
盡量減少放工後留o係公司同同事傾偈o既時間；
盡量o係公司開MSN同您傾偈；
盡量凡事問過您意見先至去做；
盡量訂定位先同您去食飯睇戲；
盡量帶您去食最好o既日本料理；
盡量o係任何情況之下都唔鬆開拖住您o既手；
盡量做o的低能o野去令到您笑；
盡量計劃我o地o既將來；
盡量買您鐘意o既o野畀您；
盡量唔o係您發脾氣時同您嘈交；
盡量無論咩情況都要睇住您安全咁返到屋企；
盡量唔駛您出席您唔想去o既聚會；
盡量抽時間陪您；
盡量o係知您唔開心o既時候用我o既懷抱去包圍您；
盡量o係您唔得閒o既時候唔畀電話打擾您；
盡量幫您搜集您需要o既資料；
盡量支援您o既不敷；
盡量安排o的小驚喜畀您；
盡量等到您訓著佐我先至去訓；
盡量支持您去發展您o既社交圈子；
盡量唔畀您舟車勞動咁走o黎陪我；
盡量同您去唔同o既地方行街；
盡量放您可以放o既假去陪您；
盡量唔去您唔想去o既地方；
盡量整暖自己對手；
盡量睇您想睇o既電影；
盡量了解您o既喜好；
盡量著得整整齊齊先去見您o既朋友；
盡量唔好行得咁快唔駛您咁累；
盡量同您去您鐘意o既地方飲o野；
盡量留心聽由電話傳o黎您唔清楚o既聲音；
盡量留返右手畀您用；
盡量幫您尋找可以轉工o既機會；
盡量保持24小時都可以畀您搵到我；
盡量做好對您o既忠心；
盡量唔好做o的令您失禮o既o野；
盡量給予您需要o既私人空間；
盡量適應您o既變幻莫測同歇斯底里；
盡量認識您o既朋友並且記住o的人物關係同喜惡；
盡量唔o係您講完您想講o既o野之前插咀講自己o既意見；
盡量唔提起以前o既o野；
盡量鼓勵您去做您想做o既o野。

但係原來都係自己一廂情願，您想要o既o野，我根本畀唔到您，令到您唔開心。

我係一個好簡單o既人o黎o架咋，估o野十估九錯，並冇您咁叻，可以摸清人o地o既心思…

>>February 11, 2006 at 4:25:45 AM GMT+8

2006 年 2 月 10 日 星期五 【微冷】

新地coupon真係玩得死人！

話說琴日放工前無端端走佐個女人出o黎話要買我o地o的coupons喎，仲要一買就廿張，即係成千蚊。記得好似有份o野話可以o係CCC度賣，但係又唔肯定喎，不過冇理由有錢唔賺o架，咁就決定賣啦，點知…

今日開工，我同老細繼續明查暗訪，先知道原來o的coupons真係未正式公開賣o架！之前有一個場賣佐一張，已經畀人剷到飛起！因為公司根本未搞掂收錢o既程序！！老細話死都要搵返個客，拿返o的coupons，唔可以畀佢流出街…

頂！最死就係我o地只得個客o既地址，點搞呢？好在佢只係住o係上面大樓，我o地唯有迫住打上康業，問佢o地拿個客個手提電話。

打畀個客，灑晒lum，好在個客又好順攤喎，話放工拿返o的coupons過o黎，等到七點，佢終都蒲頭，用兩盒朱古力換返廿張coupons，不過件事都未完o架，o的有日子印o既coupons之後點處理呢？

件事會點發展呢？有待日後跟進。

>>February 16, 2006 at 1:53:46 AM GMT+8

2006 年 2 月 9 日 星期四 【微冷】

今日又玩屎！頂！

今年新翠都唔知係咪同屎有緣，o的屎渠唔知點解塞完一條又一條！學德哥話齋，真係由年廿九玩屎玩到今日！

話說藝視個洗手盤突然成缸屎水，係啡色o架，您話有幾咁核突o丫！原來又係大樓一條屎渠塞佐，o的屎水回湧到個洗手盤度，如果再唔搞，有可能仲會影響埋另一間舖！

打上去康業，又係愛理不理咁，真係吹脹囉，唯有自己搞掂！

好在我o地有優秀o既維修人員，幾個人夾手夾腳，將呢兩間舖連接住條屎渠o既喉切斷，再駁去另一個地方去水，咁就搞佐成個下晝，又冇乜做過文件o野…

>>February 16, 2006 at 1:45:41 AM GMT+8

2006 年 2 月 8 日 星期三 【微冷】

公司BBQ之夜！

由於過年搞o既醒獅活動，我o地賣菜畀o的商戶賺佐o的錢，醒獅時又收佐o的利是，夾夾埋埋都有千幾蚊，造就佐今次o既打邊爐BBQ兼打牌之夜，全場同事一齊玩過痛快！

新o既一年，但願個場事事順利，我就要學多o的o野，將份工做好o的！

>>February 15, 2006 at 5:59:59 PM GMT+8

2006 年 2 月 7 日 星期二 【微冷】

生日花

4月13日
波斯菊 (GoldenWave)

花語：競爭
花占卜：您是個開朗活潑的樂觀派，外表看似很看得開，沒有什麼憂愁，其實您的自尊心很重，凡事都要競爭，喜歡做第一。雖然您對人會一見鐘情，但不會輕易向人展開追求。
花箴言：自尊很重要，為了自尊而放棄愛情就不值得了。

6月11日
貝母 (Fritillary)

花語：威嚴
花占卜：天生擁有一股威嚴的氣質，對人禮貌周到，誠實且樂於助人。朋友向您請求幫忙，您一定會盡力而為，不過對於自己的問題，反而束手無策，跟情人相處，您必須先學會處理自己的問題。
花箴言：愛情是需要兩個人一齊投入和計劃的。

>>February 15, 2006 at 3:32:13 AM GMT+8

2006 年 2 月 6 日 星期一 【微冷】

真人笨事

有一次返國內，響酒店睇電視，電視正放影著一齣電影，睇到其中兩句對白既中文字幕︰
女演員︰Are you kidding?
男演員︰No, I'm serious.

字幕︰
女演員︰你是杰丁？
男演員︰不，我是斯維爾。

http://202.123.195.132/messageboard/index.cfm?bdid=11&topic_id=365844&page=1

>>February 15, 2006 at 3:01:30 AM GMT+8

2006 年 2 月 5 日 星期日 【微冷】

第一次與男友吃飯——哦，不，是前男友了，是在一家海鮮餐館。

那時，我剛大學畢業，很矜持，只會靦腆地笑。一條魚，一條叫不出名字的魚，是那天飯桌上惟一的一道葷菜。魚身未動，男友先夾起魚眼放到我面前：「喜歡吃魚眼嗎？」他問。

男友告訴我，他很喜歡吃魚眼，小時候家裡每次吃魚，奶奶都把魚眼夾給他吃，說魚眼可以明目，小孩吃了心裡亮堂。可奶奶死了之後，再也沒有人把魚眼夾給他吃了。

其實魚眼也並沒有甚麼好吃的，男友笑著說，只是從小被奶奶嬌寵慣了，每次吃魚，魚眼都要歸我——以後，就歸你了，讓我也寵寵你。男友深深地凝視著我。

我想不明白，為甚麼魚眼就代表著寵愛。但是明不明白無所謂，反正以後只要吃魚，男友必會把魚眼夾給我，再慢慢地看我把它吃完。慢慢地，我習慣了每次吃魚之前等著男友把魚眼夾給我。

分手，是在一個寒冷的冬天。那時男友已在市區買下了一所房子，打算結婚。我哭著說我不能，不能在這個小城市過一生，我要的生活不是如此。餘下的話我沒有說——因為我年輕，我有才華，我不甘心在這個小城市待一輩子，做個小小的公務員，我要成功，要做女強人，要實現我年少時的夢想。

男友送我時，我連頭都沒有回一下，走得很決絕。

在外拼搏多年，我的夢想終於實現，擁有一家像模像樣的公司，可是愛情始終以一種寂寞的姿態存在，我發現自己根本就再也愛不上誰了。這麼多年在外，每有宴席必有魚，可再也沒人把魚眼夾給我。我常常在散席離開時回頭看一眼滿桌的狼籍，與魚眼對視。

一次特別的機會，我回到了曾經生活過的那個小城，昔日的男友已為人夫，我應邀去那所原本屬於我的房子吃晚餐。他的妻子做了一條魚，他張羅著讓我吃魚，夾起一大塊細白的魚肉放到我的碟子裡，魚眼卻給了他的妻子。

這麼多年，無論多苦多累都沒有掉過眼淚的我，忽然就哭了。找一個疼妳的人，遠勝過找一個浪漫的愛人。

-----------------------------------------------------------------------------------------------------------------------------------

Newsgroup有人問有冇感人o既愛情故事可以post出o黎，之後有一大堆回覆，我覺得呢個叫做最感人。

>>February 12, 2006 at 1:49:22 PM GMT+8

2006 年 2 月 4 日 星期六 【微冷】

今日都過得幾開心，一來考完今個sem第一科，二來同BB出佐去同朋友仔食飯。

考試o個度都可以話係驚險萬分。雖然個呀sir講晒會出邊12條題目，但係我都只係夠時間溫6條咋，仲要琴晚一路訓一路溫，結果就梗係記到o的又記唔到o的啦！唯有繼續出動我o既「古惑的尺」，搭車去o個時係咁抄係咁抄…

去佐City，睇睇個sitting plan…pk喇！居然要坐邊位，即係條通道o既隔o黎，即係o的監考會周不時行來行去，都知今次「有難度」！坐落就即開波，附近長期有人企o係度，點搞呢？！唯有等。點知check證件o個時仲得人驚！條友仔check完我個證，見到我把尺畀本簿遮住佐o的，居然用手掂一掂把尺！！！！嘩！驚q死！好在佢見到係把尺，就冇再搞。如果畀佢反一反把尺，咁就真係死梗…呼…

好難先等到機會反轉把尺，o的監考繼續行來行去，搞到抄少少o野要多多時間，真係唔得佢死！MC有一條唔肯定答案，account o個兩條完全唔識，而business o的long questions就捉錯佐一1條，結果只係半吹半答佐5條…希望唔駛re-exam啦…不過re-exam都出返一樣o既題目，有晒心理準備。

五點前閃人，坐佐一陣，同o的早走o既同學吹佐兩咀就出發去藍田接您。BB今日set佐個靚頭去街街，心情大好，之後去佐尖咀買衫，好貴呢…不過千金難買心頭好，有時都要寵壞o下自己。我就呢期就窄佐o的，唯有繼續忍手，希望呢兩個月快o的過。

接住就同BB o既朋友仔食飯，BB又話我靜喇，不過確實冇乜搭訕o既話題，唯有keep住聽同間唔中笑o下啦。見到BB玩得好開心，同前幾日o既心情有好大o既改變，我都好開心。我又唔係好怕悶，見到BB開心晒，咁都心滿意足喇！

>>February 5, 2006 at 3:30:12 AM GMT+8

2006 年 2 月 3 日 星期五 【微冷】

計過條數，原來二月同三月都仲有四千五蚊可以駛，總算不幸中之大幸，好在有兩個債仔生生性性，還佐o的錢畀我，如果唔係仲少。

有好多o野想買，但係唔捨得駛錢買，因為o的錢畀DBS條數hold住佐。嗯，過佐三月我一定要殺佢o地一個措手不及！

1. DM黑boots（舊款買唔返…）；
2. 金色PC圓型斜揹；
3. Gola金色（似銅色）波boots；
4. Logitech webcam（係時候要換）…

>>February 3, 2006 at 12:57:26 AM GMT+8