2006 年 6 月 12 日 星期一 【陰】

原來有好多問題未解決，有o的習慣唔協調。

今日鬧大交。

我內心有好多矛盾，失去佐愛o既方向。

您知我從來都對您o既過去絕口不提，您亦從來唔會多講畀我知。唔係我唔想知，而係我知道您唔想講，所以我從來唔問。我明白您想講您都未必會講我聽，我知道您想講我聽我亦未必想知道真相。

過去即係過去，就畀過去成為過去。留o係過去裡面，您真係會覺得舒服o的開心o的咩？

>>June 27, 2006 at 1:28:16 AM GMT+8

2006 年 6 月 11 日 星期日 【雨】

今日係BB生日呀！happy birthday my love~

B同我今日去海狗公園睇水母呀！今次係我o地第二次一齊去海狗公園，BB好開心呢~

睇到B開心大笑，毛就最開心喇。BB真係好似一個未長大o既嬰兒咁，成日都扭計…

影佐好多相呀︰




去完玩再同B屋企人去Todai食自助餐，yumi~~

>>September 4, 2008 at 2:08:27 AM GMT+8

2006 年 6 月 10 日 星期六 【雨】

「結婚一樣驚養唔掂自己同老婆，又要俾租，一樣死。拍散拖最好啦咁，冇拖累。」某人說。

我知道其實佢唔係咁諗o既，只不過係佢呢期唔開心嗟。佢都好想有一個自己o既家庭，好想有自己o既細路，佢成日都話我而家步緊佢後塵，佢話睇到我就好似睇到幾年前o既自己。雖然佢性格上冇乜點變，我識佢o個時其實都已經好似而家咁，但係佢行為上真係有好大改變，做佐好多初識佢o個時唔會做o既o野，係因為佢過去o既經歷？

呢期真係有o的唔開心…唔好畀咁多時間我去諗o野，畀我有o的o野可以去麻醉自己、令自己沉迷好唔好？

>>June 26, 2006 at 9:33:56 PM GMT+8

2006 年 6 月 9 日 星期五 【颱風】

今朝起身食早餐之時，媽媽話我知，姑丈今朝過佐身。

姑丈可以話係我出世廿七年o黎，第一個離世、而又比較親o既親人。不過其實我自細都唔係有咁多機會見到佢，因為佢係o係醫院工作，要輪班，即使係新年亦都唔一定見到佢。加上佢呢兩年一直都同病魔對戰，有意避開晒所有親戚朋友，就更加見佢唔到。

o係我腦海之中，只記得好細個好細個o個陣時，間唔中爸爸媽媽會帶我同妹妹去姑媽姑丈屋企食飯，記得姑丈帶過我同妹妹去佢屋企樓下o既公園仔同表姐表弟玩…其餘o既記憶真係好糢糊，甚至好似冇乜感覺咁。

或者，姑丈o既離去，對佢自己、佢o既屋企人，會係一個解脫…但我知道，在遠方的他，會好好的看顧著他的家人。

>>June 26, 2006 at 12:25:14 AM GMT+8

2006 年 6 月 8 日 星期四 【雨】

蘊釀多時，今日新翠終於都成功咁完成兩部新plasma視o既安裝工程。

其實呢壇o野由四月已經開始搞，開始時又話裝有線，後尾又一場歡喜一場空。入舖拉線都拉佐兩次，睇位又睇佐幾次，又要左約右約幾個判頭…裝完又要畀人串冇裝有線唔播波有乜用等等…

以我o地管理o既身份o黎講，只係加多佐兩個計時炸彈o係個場裡面，因為大部分o既柴灣居民搞事一族同破壞王。好似地鐵站去柴灣公園條天橋，之前加佐兩部新lift，地面同橋面都各裝佐個LCD mon，播住lift裡面o既CCTV，好不幸，雖然個LCD有塊強化玻璃保護住，但係o係正式使用o既第二日，其中一個mon已經畀人連埋玻璃扑爆佐，直至而家都仲未整返… @_@

而家裝佐兩部o野，其中一部o係一條人來人往o既通道，究竟幾時會畀人打爛呢？不敢想像。

>>June 25, 2006 at 11:37:17 PM GMT+8

2006 年 6 月 7 日 星期三 【陰】

同BB o既250日！

返到連續七日o既中間o個日，都開始有o的頹，但係o的o野都係咁湧埋o黎要你做…

收佐工同B去食飯行街街，因為B仲未買到個合心水o既袋。

繼水道橋之後，又畀我發現一個好好o既侍應喇！今晚去佐女人街其中一間佢話自己係食法國菜o既餐廳食飯，佢o地有一班其貌不揚o既侍應，其中有一個大部分時間都係負責招呼我o地張台，雖然佢唔靚仔亦好似有o的o的駝背咁，但係佢由落單、上菜到加水，佢都表現得好殷勤，亦好好禮貌，呢間o野個老闆請著佢真係好有福呀！

食完之後行佐陣街，B買佐件新衫畀毛喎。正想走o既時候，落扶手睇時見到有件衫好襯B喎，咁就梗係要即刻買畀B啦！今晚大家都有所收獲，好o野！

>>June 25, 2006 at 11:19:23 PM GMT+8

2006 年 6 月 6 日 星期二 【陰】

今日係第249日同BB一齊。第250日會係一個幾特別o既日子，因為寫埋聽日o個篇日記，頭25版o既連結都只係會由BB佔據，有一種完全唔畀前一歷屆加隻手入o黎o既新感覺。係有o的低能戇x，不過感覺幾好。=D

今晚同BB去山葵預早慶祝生日，由於佢o地改佐吸煙區o既位置，所以今晚我o地坐佐過bar台o個邊，但係我覺得其實佢成間o野o既整體氣氛都好好，坐去邊度都咁舒服。





食完飯再去睇佐Invisible Waves（港譯︰《暗湧》），一套好古怪o既戲，可以個鏡頭影住個海成分鐘唔郁，講有條友仔受人錢財替人消災，故事都幾曲折，但係唔係好明佢想表達o的乜…

睇完戲返屋企同BB覺覺豬。

>>September 4, 2008 at 2:05:27 AM GMT+8

2006 年 6 月 5 日 星期一 【陰】

編佐更要返七日先有假放，今日只係返到第二日。

上晝冇乜o野，做o下文件o野。下晝收返328個舖，但係個舖部fancoil又壞o既，搞佐一大輪，煩q煩。

經過346又畀我發現佢o地偷偷o地燒焊裝閘，搞到成條走廊都係煙但係又冇人知…唔通要個場閃晒燈，消防車o黎晒，佢o地先發現有人燒焊？難免夜晚交接更o既時候又要brief一brief佢o地，但係又有幾多個將我o既說話放o係心？

我覺得最將我o既說話放o係心o既，會係進進同勁哥，因為佢o地做o野真係好認真，同埋真係會主動出聲自動波去做o野。其次係南哥同Wendy姐啦，不過南哥又成日失憶…再跟住o既會係英姐同呀李，但係佢o地有時唔踢唔會郁o個隻，有事避得就避…Kenji、楷楷同Vicky就你叫佢做佢先識做，始終都係好懶學o野。呀宏同呀輝就懞o下懞o下咁…唉…

----------------------------------------------------------------------------------------------------------------------------

有好幾個見我寫blog又寫佐一排o既人o既日記都畀個server delete佐，即係佢o地已經有一段長時間冇寫，已經放棄佐。我都明白，要日日寫o的o野係好難o既，特別o既感覺唔會日日都有，難免有時只係可以記低生活中、工作中o既一o的瑣碎、無聊事。

唔經唔覺，呢個blog都已經o岩o岩運作佐三年半（自02年12月6日），間期我都有試過停落o黎冇寫過或者只係頹寫交行貨，但我亦都同個日記做過重組、美化等工作，睇返寫o既o野，佔編幅比較多o既，有我心愛o既歌、影評等，但係最多o既，可能會係o的感情o野，有時睇返都會有o的唔順眼，但係呢o的係自己o既過去，又冇得唔接受。不過值得注意o既係，呢三年半（其實總共有四年幾），我冇停過拍拖…（都有o的頂自己唔順… @_@）

早幾日見到某歷屆開始拿佢同佢男友張結婚相放o係msn messenger度做車頭相，心裡面突然泛起一陣好恐怖o既感覺，因為我覺得佢o地兩個真係好核突、好嘔心，果然係可以成為一對好襯o既夫妻。雖然純粹係外觀上o既感受，但係心裡亦都好慶幸男主角唔係我。佢對眼唔知點解好似向下彎落o黎咁，睇落好鬼邪惡。再驚嘆點解自己曾經會同個咁o既人一齊。

我有呢種感覺，唔係因為我妒忌人o地成家立室、有車有樓、有錢有地位，呢o的o野只佔我o既生命中一個小部份，正所謂「各有前因莫羡人」。畢竟自己都試過戇xx咁豪過，亂駛錢。但係「千金難買心頭好」，因為「比別人花得起不值得興奮，比別人弄得花才是真正學問」，只要能夠過o的自己覺得舒服o既生活，就已經好足夠。

我絕對羡慕身邊o既朋友搵到佢所愛o既人，再開開心心咁拉埋天窗，絕對係會送上誠意o既祝福。不過對於我o黎講，都仲係覺得太早，即使已經有晒銀兩，亦都要好好咁考慮…始終都係對婚姻制度冇乜信心…

上次郵差話佢而家最想做o既，係結婚生返個仔，唔知佢講笑定講真。雖然係有o的老土，但其實我都係咁諗。又想結婚又怕結婚，好矛盾呢！

>>June 6, 2006 at 2:54:34 AM GMT+8

2006 年 6 月 4 日 星期日 【陰】

六四事件十七週年？關我乜事？

好頹咁返工，返到去亦都訓佐三粒鐘。訓醒佐就落去briefing，鬧人。

真係忍得耐喇，班友仔真係好唔掂囉！上個禮拜五有個新客兩點幾打地台，嘈到呀媽都唔認得，居然冇人自動波咁走去叫人唔好做，唔通真係要等到有人投訴先做o野？咁樣唔係太遲喇咩？我o地做呢行，係咪應該o係投訴出現之前就去搞掂佐件事先，咁樣先至叫做專業呀嘛？！

火都o黎！打地台聲根本嘈到成個場都聽到啦，仲要o係度扮矇！呀英姐居然仲o係度話佢已經叫佐呀輝去叫佢o地唔好做。我話︰「係我打佐電話落o黎你先叫呀輝去，我o係walkie聽得好清楚。」仲要駁咀，真係未畀我鬧過！火！

另一間舖打爆塊非強化玻璃改做閘，打到「呯呯」聲真係聽到個心都跳埋出o黎，居然又係冇人理，又係要我由office走出o黎睇o下埋事，先有人埋o黎處理…冇事由自可，有事o個塊唔係強化，爛佐整親人，到時就真係有x排搞！班友仔，乜都以為唔關佢事，做保安最基本四樣o野︰視覺、聽覺、嗅覺、觸覺，冇樣做到，唔係樣樣都要我出到聲先識郁呀嘛？！樣樣o野都要我理，我咪好唔得閒？

冇一個可以同我分擔我o既責任，冇一個人做o野係拿個心出o黎…唉…個心淡淡o地…

>>June 6, 2006 at 3:24:58 AM GMT+8

2006 年 6 月 3 日 星期六 【陰】

冇落雨，但帶佐遮…主要都係畀妹妹呃佐囉！又話落雨！

今日係BB返工，我放假；聽日就係我返工，BB放假…唉…如果同BB有一個家，收工或者去完玩就可以返到屋企，兩個人攬住睇一陣電視就上床訓覺，咁就好喇…幾時先有咁o既一日呀？

陪BB去拿身份證，張相影得BB幾靚o架！不過我發覺原來BB同我都有o的大細面，不過我就嚴重o的，BB就只係少少。之後去佐德福行街食飯。冇《海神號》睇呀，因為百老匯同華納傾唔掂拆賬條數，去UA睇硬係又覺得唔係好抵。

有o的累，好早就返屋企…

>>June 5, 2006 at 3:44:01 AM GMT+8