2006 年 4 月 3 日 星期一 【酷熱】

呀自強今日全日都唔o係度，我同呀Man都非常之開心，成個上晝都冇做過o野，係咁吹水。不過下晝亦都唔見到做佐好多o野…

新chiller已經裝好，今日開始試機，一開個場就打到凍晒，效果真係唔錯，新翠真係有得救喇！

喉嚨同條氣管始終都仲係唔係好舒服，放佐工焗住去買醫生介紹o個隻叫Singulair o既葯，果然要$10一粒！一盒廿八粒就咁畀佢硬屈佐三舊水，慘情…

返屋企食飯，出去湊B放學，飲o的o野，返屋企。如果係同B住埋一齊，就唔駛再走來走去，時光匆匆咁喇…

>>April 6, 2006 at 1:01:17 AM GMT+8

2006 年 4 月 2 日 星期日 【酷熱】

今日係柴灣清明拜山高峰日子之一，但係都好似唔係好多人…

返工返八個鐘，但係好鬼死忙，琴晚咳醒過，但係總算好快訓得返，不過今日o既精神依然唔係好夠，其中一個訓得唔好o既原因，係我唔記得佐交一份有嚴格規定deadline o既report…

返到去想做，但係呀Mi又唔知收埋晒o的invoice o係邊，做得相當之激氣，直頭想打爆佢個櫃筒睇o下佢係咪又試收埋兼鎖住晒o的o野o係自己度…

BB今日為佐就返毛毛，亦都揀佐返工，放工之後再約Langham Place食飯，因為BB今晚仲要返公司night check，慘慘…本來諗住食Italian Tomato，但係見佢又係相同o既套餐，結果過佐對面o個間o野，結果亦都「奶」佐o野，o的o野唔好食，一上碟亦都唔熱，杯o野亦都唔似樣…係食得厭尖定係間o野真係差成咁呢？

食完飯行陣街再食個糖水，好難先等到十一點幾送BB返公司night check，等佐個幾鐘再返屋企訓，攬住最愛o既BB覺覺豬，夫復何求？有葯食，訓得好好~

>>April 8, 2006 at 1:47:30 AM GMT+8

2006 年 4 月 1 日 星期六 【炎熱】

愚人節喎，即係哥哥o既死忌，咁又三年喇，電視又炒冷飯，一年總係畀佢炒一兩次，一次生忌、一次死忌，真係一切都夠喇！

懶洋洋，個人亦好累，見o的空氣又混混濁濁咁…下晝過佐BB度睇《我愛奇諾奧》，真係爛到不得了！好在o個時冇入戲院睇嗟！又冇劇情，又冇高潮，又冇明星，亦唔感動，都唔好笑。可憐o既我o地就係咁hea佐個半鐘…

累累o地，聽日兩口子都要返工，早o的上床攤o下都係一件好事…

收到City o既補考信，下個月十號補考Law一科，過埋呢關就有張dip喇…

懶毛毛~

>>April 1, 2006 at 10:16:52 PM GMT+8

2006 年 3 月 31 日 星期五 【微冷】

Ken仔o既分享︰

http://www.6park.com/enter5/messages/10617.html


你會為自己係中國人而驕傲嘛？

----------------------------------------------------------------------------------------------------------------------------

琴晚又咳醒，訓得好差。今朝一返到去坐佐陣，呀自強就brief我話英姐琴晚落簿落到自己人插自己人咁，保護意識不足…老細話字面上好負面，對個維修師傅好不利，寫到好似個師傅唔知去佐邊度蛇，亦寫到行動組居然唔知道師傅去佐食飯。

由於條氣唔多順，於是我就唔返屋企食晏，順勢落去brief一brief呀姐。真係唔brief由自可，一brief就把幾火！我老早知佢兩老有心病o架喇，不過呀姐居然話佢完全唔知呀德哥o係o個個鐘數係去佐食晚飯！唔係嘛？！

對於呀自強o黎講，身為一個主管，就應該咩都知。我即時開呀姐拖，話佢o係度做佐咁多年都可以唔知兩個維修師傅係幾點食飯。我做佐一年，冇特登問過，淨係靠我對眼觀察，都睇到兩個師傅最經常係幾點返屋企食飯啦！呀姐，你唔好玩我啦！你當我白痴咩！

每次同親佢講佢做錯o既o野，佢總係一輪咀多多辯駁，今次都唔例外，又話呀德哥對佢點衰，鬧佢之類。我估無人鐘意食飯o個時畀人騷擾o既，英姐自己本身都唔例外呀，平時一夠鐘就閃人啦，仲好話人。上次就想插雲石組冇開工，點知份合約講明人o地係十一點先開工，已經o係老細面前衰佐一鑊o架啦，仲要o係度撐！

佢講到佢好似滿肚委屈咁，想喊想喊，不過我都係為你好咋，我係行動組o既呀頭，我管唔掂你o地班友就即係我無能喇，我出聲總好過由老細親自開你拖啦！死唔認錯，仲衰過我，真係冇法。

放工即去睇醫生，都係類似o既葯。亦問佐醫生有冇o的唔係噴，就咁食o既哮喘葯。睇o下個情況點先決定買唔買o黎食啦，好似話要十蚊粒好鬼貴…

怕死…決定戒煙直至另行通知…咳到橫隔膜都痛埋…痴線！

>>April 1, 2006 at 1:50:51 PM GMT+8

2006 年 3 月 30 日 星期四 【微冷】

1) 甚麼是哮喘？

哮喘是呼吸系統過敏的慢性疾病，任何年齡人士都有機會患上，尤以兒童期的哮喘更為普遍。

哮喘病是一種過敏性支氣管疾病而引致長期發炎。患者的支氣管在病發時會因發炎加劇而變得腫脹、狹窄、積有痰液及分泌物，因而引致呼吸困難，嚴重者更可因此窒息致命。

2) 哮喘有什麼病徵？

患有哮喘，可能會有以下情況︰
i. 胸口有壓迫感；
ii. 氣喘、呼吸困難、喘鳴；
iii. 持續咳嗽（尤其在晚間或運動後）。

不一定要有齊上述徵狀才是哮喘。如您有以上的病徵，請請教您們的家庭醫生，作進一步檢查。

3) 常見誘發哮喘的因素︰

誘發哮喘的因素有很多，最常見的有以下幾種：
i. 接獨「致敏原」，如花粉、霉菌、多毛動物、塵埃等；
ii. 接獨混濁的空氣、殺蟲水、油漆等化學物、「二手煙」；
iii. 氣溫或濕度突然轉變時候；
iv. 患上傷風、感冒等呼吸系統感染；
v. 劇烈運動；
vi. 情緒不穩定，如緊張、興奮或發脾氣；
vii. 此外，藥物或食物過敏也可能會引致哮喘發作。

注意：每位哮喘病人對哮喘的誘發因素反應不一樣，請請教您的家庭醫生。

4) 為甚麼會有哮喘？
現在醫學界還未知道哮喘的真正成因，但有數據顯示，哮喘與遺傳和環境因素都有關連。

5) 患上哮喘怎樣辦？

雖然至今仍未有完全根治哮喘的藥物，但患者只要按時服用醫生處方的藥物和加以適當的護理，大多數都能把病情控制，過著正常人一般的生活。

6) 怎樣改善家居及工作環境？

要有效控制哮喘，除了藥物控制以外，我們可以在家居及工作環境中著手，減少哮喘病發次數，以下是一些要點。

i. 避免吸入「二手煙」；
ii. 不飼養有毛的動物，如狗、貓、鳥等；
iii. 避免在屋內放置有強烈香味的東西，如香水、燒香燭等；
iv. 用濕布、地拖或吸塵機代替掃帚打掃。

http://www.hkasthma.org/asthma.html

----------------------------------------------------------------------------------------------------------------------------

哮喘乃由於支氣管縮窄，使空氣不能順暢地出，入肺部而引，就好像水在阻塞了的水管內不能流通一樣。

當發現這情形時，病人就會有哮鳴和呼吸困難的感覺。支氣管縮窄有以下三個成因︰
1. 支氣管壁的平滑肌收縮；
2. 支氣管發炎和腫脹；
3. 有痰涎阻塞在支氣管內。

哮喘的特徵是支氣間歇地縮窄，然後又回復正常。支氣管會突然縮窄，形成急性哮喘，持續數小時或數天不定。絕大部份病人，縮窄氣管會自然地或經治療後回復常態，這點是哮喘與慢性支氣管炎和肺氣腫的最大分別。

氣促是哮喘病的主要病徵。雖然其他各種肺部疾病都會有氣促的情形，但是我們可以從以下兩大特點分辨出病人的氣促是否因哮喘而起︰
1. 哮喘病人的氣促是間歇性的，通常由某些因素刺激下引起，但有些病人並沒有任何的發病原因。病發時持續數不等，輕重程度亦可能不同。
2. 哮喘病人在深夜和黎明前，都氣促得特別厲害，當病發時，病人往往會在深夜二至四時左右，因氣促而醒來。

其他略較少見的症狀有︰呼吸時帶有哮鳴和咳嗽，哮鳴聲有時只能由醫生檢驗時聽見。一如氣促一樣，哮嗚和咳嗽都會在晚間轉趨嚴重。

有些哮喘病人，會同時有鼻敏感（常流鼻水、鼻息肉）和皮膚敏感。

http://www.hkmj.org.hk/edu/asthma.htm

>>April 1, 2006 at 1:46:56 AM GMT+8

2006 年 3 月 29 日 星期三 【微冷】

我同呀Man連續畀呀自強不停咁brief佐幾日，真係工作進度都拖慢晒！

我都唔明點解佢真係有咁多o野講o既，樣樣o野都好似唔o岩佢心意咁，好心啦，做人唔好咁執著啦，o下o下都做晒最壞打算咁，諗諗諗，諗到懶係周詳咁，又話我o地保護自己o既意識差。好地地唔係犯大錯，一間公司唔會炒人o既，因為請個新人成本仲高o丫嘛，又要時間畀佢熟習環境。

我終於明白點解佢o係之前個site有人頂佢唔順，拿住個更表走上勞工處告佢唔係返六日工就放一日職工假喇！條友成日o的雞毛蒜皮o既o野都brief一大餐，兵來將擋，水來土掩囉！成日都話︰「你咁樣做到時老闆問起你就冇得解釋。」唉…救命！

今日佢又同我講話對呀Man好失望，又乜又物…你同呀Man直接講啦好唔好？無端端罰我企成粒鐘！大家都係打份工，開開心心又一day啦，成日話自己要求60分就滿意，其實佢就o係度迫人做100分！仲o係度話自己乜都會跟去睇o下，叫我得閒去睇o下工程部做o野，唔好咁錫身，畀佢o地覺得我係會睇佢o地做o野。

我諗我係咪真係咁錫身o的同事絕對係知o架囉，有o的咩冇人做o既o野我唔係帶頭仆去做o架？有咩豬頭骨o野唔係我去啃o架？我知你係一個經驗豐富o既經理，但係唔代表我係一個只係坐o係部電腦前面做文字輸入機器o既主任囉！

我認同佢話我過份依賴工程部o的師傅，其中一個原因係o個o的o野我唔係咁識。但係我絕對唔認同佢話我好似要求維修部做o野，如果工程部o的人唔做，咁我就企佐o係度。無錯，management係要管住technical，但係工程o既o野，我覺得又唔可以咁死板咁管住囉。

我覺得o的工程佬絕大部分都係義氣仔女，同佢o地有好o既關係，絕對係百利而無一害，死咕咕咁管住佢o地，佢o地咪「按章工作」囉，一定唔會肯同你捱義氣做o的額外o野o架喎…大家拍住膊頭一齊去，開開心心、四四六六擦掂o的濕x o野，嘻嘻哈哈又一day，幾好呀！而家…唉…成條村o的人都可以講話冇乜士氣囉…

我諗做management，除佐要令老闆同o的客開心，點樣令o的員工下屬做得開心，都一樣咁重要囉…而家新翠，真係人人自危，死水一潭…唉…

>>April 1, 2006 at 7:35:33 PM GMT+8

2006 年 3 月 28 日 星期二 【微冷】

以為自己好返o的，扮晒叻唔帶埋o的葯旁身，結果就係咳到死！

又病又忙，不過今晚忙裡偷閒，即興咁同BB放工去睇戲，我o地先去佐廟街平平o地食個煲仔飯（但係o的飯焦好「濃」！），跟住就去佐睇Inside Man（港譯︰《案內人》），幾好睇o丫，係一套幾有劇情o既戲，但係現實中係咪真係有班人咁癲居，搞一大輪只係為佐偷一份咸豐年前o既犯罪證據呢？不過聽故就唔好駁故喇…

終於拿埋百老匯電影中心o既會員證，睇戲係我生活中o既一部分，續會年費都只係$50，抵到爛啦，以我呢o的咁樣睇戲法o既人…

好唔明白點解次次都係訓到三點幾就咳醒喎！究竟引發我氣管敏感o既原頭係乜呢？

>>March 31, 2006 at 1:18:07 AM GMT+8

2006 年 3 月 27 日 星期一 【微冷】

連續踩佐七日終於都放假，但係好不幸，由月中放大假開始，今日已經係第三次睇醫生。

其實過完新曆年開始一直都咳到農曆年，期間時好時壞。農曆年前總算好返，不過到佐三月終於又係咳過，仲係咳得幾嚴重o個隻，咳到自己都開始驚，唔知自己有咩事…

終於都捱到放假，起佐身就去接BB食晏，但係間o野冇佐BB最鐘意食o既三文魚蟹子飯，好冇癮…第日過去同BB食飯，都唔知可以o係邊度食喇…

食完飯返柴灣睇返上個禮拜睇o個個醫生，但係佢開三點半，等佐好耐先開門有得睇。醫生話我係哮喘（即係氣管敏感發炎），叫我食少o的煙，唔好食煎炸o野，飲多o的暖水等等…

聽完都灰灰o地，因為我以為只係我「春秋二祭」o既例牌感冒病一病又到期發作，點知而家話到係哮喘咁嚴重，簡單講即係冇得醫，我又唔係細路仔，又即係冇得話大大o下就會自己好返。返到屋企上佐陣網食o下葯就訓佐陣再食飯，食完飯出去湊BB放學，陪BB食o野，再送BB返屋企…

咳咳咳…真係咳死我喇…幾時先咳得死？！

>>March 31, 2006 at 1:07:11 AM GMT+8

2006 年 3 月 26 日 星期日 【微冷】

免費報紙

由於每日返工都會經過地鐵站，所以每日都會見到一個現象，就係總有一班老人家，o係近住報紙架o既欄杆，即係閘外面o既地方，o係度猛咁叫人唔該幫佢拎份報紙。

雖然大部分趕時間o既人都唔會理佢o地，但係總會有o的好心人幫佢o地拎，佢o地拎完就走，好明顯佢o地呢班人係特登去拎呢o的免費報紙睇o既。

免費報紙我通常見到都會拎，因為搭地鐵o個時會悶，同埋我覺得搭地鐵o個時訓覺訓得唔舒服，但係無論搭幾多個站，我落車o個時一定會丟，因為我覺得呢o的報紙都冇乜o野睇，又或者我根本就係唔鐘意睇報紙o既人。

究竟香港（又或者係柴灣）o既老人家係咪真係窮成咁，要日日放低尊嚴，去求人拿份免費報紙o黎做精神食糧呢？如果個地鐵站唔係o係地面，又有冇老人家會特登行落地鐵站度拿呢o的免費報紙呢？

香港o既情況真係好可憐，可憐到通街都係老人家坐o係個地度乞食，可憐到通街都係老人家o係度執紙皮、摷垃圾筒搵汽水罐去賣…呢o的係社會文明o既代價，定係對文明社會o既諷刺呢？

>>March 31, 2006 at 12:53:42 AM GMT+8

2006 年 3 月 25 日 星期六 【微冷】

睇完琴日o個堆報導，我覺得唔make sense o既地方︰

1) 蘋果︰「…結果顯示，有59%受訪女生不同意婚前性行為，只有21%同意若與男友感情穩定，可發生婚前性行為…」（呢度所講o既「感情穩定」，跟據個調查o既data，係指一年內o既時間。）

一年時間係咪即係感情穩定呢？如果兩個人互相認識佐一年或者更加耐，兩個人突然有feel而開始拍拖，係咪可以即刻上床做愛呢？

2) 大學線︰「…而有超過半數的受訪者不接受於公眾地方擁抱情侶。…」

擁抱情侶都唔得？咁男性朋友擁抱女性朋友又如何呢？一對地下斷背情人當街當巷攬埋一舊又受唔受呢？

3) 大學線︰「…我不明白為甚麼要有婚前性行為，也看不到婚前和婚後的分別，為甚麼不能婚後才做呢？…」

既然婚前婚後都冇分別，咁點解唔可以婚前做或者婚後都唔做呢？真係唔可以自圓其說。

4) 大學線︰「…他們普遍都知道要避孕，但為了追求一時的快感最後卻未必會做…」

我作為一個男人o係講，避同唔避孕o既快感都係「一洩」，唔避孕唔見得有更大快感喎…唔通唔避孕可以射穿牆？唔戴套做咪仲快玩完仲冇快感？

5) 明報︰「…結果顯示，約三成半學生在拍拖一年或以上才會容許接吻…」（調查結果︰37%揀一個月內、26%揀半年內（即半年內kiss合共63%）、18%揀一年內（即一年內kiss合共81%），16%揀過一年先kiss，3%揀婚前唔會kiss）

明報個主編o的數學有o的問題，其實得18% o既「中大女生男朋友」要同條女拍足一年拖先可以掂條女個咀，或者改為︰「約三成半學生（34%）在拍拖半年至一年以上才會容許接吻」。

我o既愚見︰

其實入過中大玩佐年半多o的，發覺新界地方o的女質素真係差過巿區o的女好多，唔知係咪因為中大o既關係，o的人入大學o既成績點都比較好，所以o的女唔靚之餘，連o的打扮仲好鬼死「娘」，男o既亦唔好得幾多…

對於我呢個o係巿區生活開o既人o黎講，o係中大o既生活經歷簡直係一次世紀大災難。過去o既o野冇得唔接受，但係我會努力咁忘記。（諗起都打冷震…真係得人驚…）

講真，呢個咁o既調查真係好廢囉！真o架！如果佢可以show埋有冇拍拖經驗，或者結果更有代表性。呢o的咁o既調查，紙上談兵，發表出o黎只會畀人笑o架咋…

不過當係趣聞咁睇都過癮o既！

>>March 30, 2006 at 8:06:19 PM GMT+8