2006 年 2 月 2 日 星期四 【微冷】

原來係我自己大言不慚，我自視過高，居然以為人o地要高攀自己，先可以同自己一齊，而且永遠冇可能平起平坐…

我只係一個好簡單o既人，喜怒哀樂全部都放晒上面，簡單易明。不過最近發覺自己諗多佐o野、鑽多佐牛角尖，一改以往簡單直接o既思維同處事態度，結果反而好似患上高山症咁，無論點樣努力去喘氣，都冇辦法吸到足夠o既氧氣。

我原來真係好自私，好好咁去愛自己，亦強迫人去愛我呢個自己。日子一日一日咁過，我就越o黎越憎我自己。討厭我自己係因為我終於見到我自己，令我回憶起以往o既自己，仲有當時o既佢。我感受到，我突然明白，原來以前係曾經咁樣去傷害過愛過自己o既人…

我知道自己賤，但係唔知自己賤成咁。呢種賤並唔係單單個格衰咁簡單，係個內心，係o個個自戀自私自我o既心。所有人、所有o野都係要為我而建立、要成存我，我就係o個個皇帝，鐘意就錫o下你唔鐘意就踩o下你…o下？原來我自己係咁？！

----------------------------------------------------------------------------------------------------------------------------

星期六考試，仲未溫過書…

>>February 2, 2006 at 2:34:06 AM GMT+8

2006 年 2 月 1 日 星期三 【陰】

又係清理舊email時執出o黎post o既。

你最好係……最唔好係……

白羊座

你最好係：
你份人做事積極、非常有活力、在團體中屬於行動派，只要你想到的，便會義無反悔地先作出行動，至於結果如何，只有天曉得！

你其實又是勇氣和進取的象徵，不怕強權，亦不怕惡勢力，做事很果斷兼具自信，又有能力接受新事物。對於你的朋友來說，你是一個非常有義氣的人，講得出做得到，交托給你辦的事，一定不會失望。

要有一場可歌可泣的短暫愛情，你絕對是一個好對手，你的愛火辣辣得可以令甜心溶化，同樣地要恨一個人，三分鐘都嫌多。

你最唔好係：
白羊人好聽一點叫坦白率直，直接一點叫簡單，說話唔經大腦，所以常常禍從口出而不自知！加上自信心太強，以為自己認為的便是真理，抵打！做人缺乏耐性、又易發脾氣、做事又欠計劃、又浮誇、又粗心大意……

感情方面，無論你多大年紀，都希望擁有一個像童話故事般式的戀愛故事，之不過得到之後，你的來得快去得快的愛情態度，真真令身邊的甜心擔心死！……

唔認？當然，白羊人怎會喜歡給人這樣數臭，看到這裡，還不大罵：「都唔準！」，即時掉低此書者，肯定你是典型白羊人，恭喜，恭喜，以後睇書不妨淨係睇白羊座，因為其他月亮、金星、木星都唔見得好能影響你的性格！但承認有此缺點者，改者未為晚也！

----------------------------------------------------------------------------------------------------------------------------

雙子座

你最好係：
鬼靈精都可算係你！同你一齊包無悶場，天生的幽默感、充滿好奇，加上你個腦轉速好快，一不俾你玩死，一不俾你搞到笑死！

屬於樂觀一派型，你非常多嗜好，無論年齡到達師奶定阿嬸，你依舊像一個小孩子鍾意睇漫畫、玩公仔。雖然善於溝通、見人講人話，反應敏捷、隨機應變、適應力強……

通常都是坊間所說的雙子人基本性格，但認識太多雙子人雖然具有以上所說種種，但平常顯現沉默一面出來的較居多數，無他，雙子等於雙面人，兩邊面兩種性格，問題在於等閒輩值不值得你向他說個笑話搞個笑，雙子人，坦白得喜不喜歡全寫在面上！

你最唔好係：
太像小孩子！小孩子的優點：可愛、風趣你有，但連小孩子三分鐘熱度的善變、來無蹤去無影的壞習慣也一拚送上，你說身邊的甜心要像湊仔般對你，你說他可憐不可憐？另外，很多時你會過於神經質，令人也神經緊張起來；又因為太愛玩，所以令人有種玩世不恭、不可靠的感覺。

對於安全感這回事，你的認識程度是零，慣了像風的你，怎會習慣跟人報到，又怎會令身邊的人有安全感？「花心」很多時都是你的代名詞，不過又要說句公道話，有時我也會戥雙子人可憐，內心深處兩種性格互相辯論，有時就連你自己也不知道想要甚麼，何去何從，究竟可以問誰？

>>February 2, 2006 at 12:22:13 AM GMT+8

2006 年 1 月 31 日 星期二 【陰】

可憐的獵人
資料提供︰郵差@14.11.2004

有一個獵人到森林去打獵，看到了一隻母猩猩。
於是就拿起弓箭射了過去，
但是非常不幸的，並沒射中！
母猩猩生氣地抓起了獵人，
問他說：「說！你要死還是要嘿嘿嘿？」
獵人心想這樣就死了人生多沒意義，只好跟母猩猩說：
「我…我要嘿嘿嘿……」
於是母猩猩就跟獵人嘿嘿嘿……。

第二天獵人心有不甘，於是又到森林找母猩猩報仇。
他一看到母猩猩，就拿起三支箭一起射了過去。
但是，完全沒射中！
於是母猩猩很生氣地抓起了獵人，問他說：
「又是你！說！你要死還是要嘿嘿嘿？」
為了保命，獵人仍回答：「我要嘿嘿嘿……」
於是母猩猩就又把獵人給嘿嘿嘿……。

第三天獵人帶了九支箭再度要找母猩猩報仇。
到了森林，一看到母猩猩，就不管三七二十一的拿起了箭射了過去！
結果，九支箭都沒中！
只看見母猩猩憤怒地抓起了獵人問道：「說！你到底是來打獵的還是來嘿嘿嘿的？」

>>January 31, 2006 at 10:09:24 PM GMT+8

2006 年 1 月 30 日 星期一 【微冷】

解開5大迷思　夫妻更恩愛
2005-10-04《明報》

宣布婚訊，親友紛紛送上祝福。

訂酒席、選禮服、印喜帖……忙得不可開交，為的是希望擁有一個難忘婚禮。然而，婚姻並不止是一天的婚禮，而是一生一世的事情，在開心興奮之際，你們有否靜下來，談談彼此對婚姻的期望，往後相處的種種，怎樣處理衝突、財政、計劃生育、姻親關係……

為了一天的難忘婚禮，你們也籌備一年半載，婚姻是一生一世的，為未來數十年美滿生活，你們需要更周詳的安排。

兩人牽手走進教堂，對婚姻充滿美好憧憬︰同偕白首、永結同心。

事實上，香港離婚率不斷上升，選擇離婚的夫婦，當初也是真心真意一起走進教堂的，當中出了什麼岔子﹖

幸福不會自然來，兩個人相處，需要不斷學習和調節。

循道衛理觀塘社會服務處家庭及學校督導主任羅潔蓮強調，兩人關係由情侶變成夫婦，彼此對角色期望並不一樣，甚至出現一些不切實際的期望，阻礙親密關係的發展。

羅潔蓮指出新婚夫婦對婚姻的五大迷思︰

(1)兩人真心相愛，自然會幸福快樂。
謬誤︰我們不是盲婚啞嫁，彼此相交相知，真心相愛，婚後自然幸福快樂。
真相︰現代人的婚齡雖不斷往後移，但一對男女婚後仍有數十年一起生活的日子，個人的思想和外貌，都會不斷成長和改變，大家將面對很多不可預測的變數，例如︰經濟變好或變壞、朋友圈子的改變、生兒育女後角色轉變，兩人要幸福快樂、白頭到老，就需要無比毅力，努力管理婚姻。

(2)結婚後，大家應常常在一起。
謬誤︰選擇結婚，就是希望兩人一起生活，常在一起，一個好老公/好老婆，下班後應立即回家，不應拋下另一半與朋友聚會或回娘家。
真相︰常常在一起，不等於無時無刻在一起。結婚後，夫婦不是連體嬰，兩人都應該有自己的生活空間。試想想，丈夫與同事一起「呻」工作和上司的問題，或是太太與姊妹們談美容、時裝、八掛話題，另一半是難有共鳴的，把生活範圍收窄至剩下兩人，很容易變得枯燥乏味，相反，與朋友或同事往來，保持正常社交生活，心情開朗，亦有助提升夫妻關係。

(3)你要令我開心快樂。
謬誤︰如你愛我，就常常逗我開心，令我快樂。
真相︰經常要令一個人開心快樂，不單令人感到疲倦和壓力，而且會令雙方關係變得緊張，難道當對方稍有一刻未能滿足你的需要，就等於不愛你嗎﹖不應把快樂不快樂的責任放在別人身上。

(4)夫妻之間沒有秘密。
謬誤︰我們真心相愛、互相信任，就應該無所不談，不會隱瞞任何事情。
真相︰夫妻溝通的基礎，除了互相信任外，還需要一個好的聆聽者，太太在工作遇上錯折，你立即為她分析解決方法，其實她只希望聽一些安慰說話；或丈夫把問題告訴你之後，你的反應過分激烈，反過來要他安撫，以後為免你擔心，他可能選擇保持緘默，此舉非不信任或不喜歡你。

(5)夫妻應有默契，一切盡在不言中。
謬誤︰難道你不知道我為什麼發脾氣嗎﹖這是女士們的假設；丈夫看見太太生氣了，詢問究竟卻換來一句謎語，感到無所適從。
真相︰一切盡在不言中，是兩人相處的極高境界，默契是需要長時間的溝通和了解才能建立的，遇上任何不滿，何不坦誠告之，一起尋求解決方法。

>>January 29, 2006 at 10:17:30 PM GMT+8

2006 年 1 月 29 日 星期日 【微冷】

今日BB陪佐我成日，心情都好返好多喇，起碼可以攬住BB訓，BB暖笠笠！

呢幾日都唔係咁開心，一來早兩日同媽媽吵佐兩咀，二來係冇乜機會同BB一齊。心情唔好，搞到成日攤o係床上面胡思亂想，諗返之前過年o既景象，諗返同歷屆一齊過新年o既日子，諗到自己以前對佢o地o既態度，覺得自己好鬼自私，好多時又冇理過佢o地o既感受，一時間好難過，心情非常差…

畀我依賴o下您啦…好在有BB陪我，錫錫BB~！>3<

>>January 30, 2006 at 8:44:51 AM GMT+8

2006 年 1 月 28 日 星期六 【暴雨】

唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！唔開心！冇件事順利！

>>January 28, 2006 at 9:14:39 PM GMT+8

2006 年 1 月 27 日 星期五 【微冷】

今晚同老母吵佐兩咀。

話說我部只係買佐半年而且仲要成三千五蚊但係三個月內畀新世界搞到變佐零機價而家仲要通街都係o既黑色Motorola V3壞佐，琴晚諗住拿去旺角門市度整，點知我七點一去到佢話我知佢收七點結果得個桔，今晚再去銅鑼灣間門市放低佐畀佢整，所以迫住用返部o的掣壞晒o既前最愛Siemens SL55…

銅鑼灣勁塞車，企佐九個字先返到屋企食飯，坐低食飯時，我老母無端端一句剷埋o黎話︰「又換佐新機？都唔知幾多部o架啦！你o的人用o野都唔錫住o既！」

真係火都o黎埋！我就回應︰「唔該你"mark"大隻死人眼睇清楚呢部電話係新定係舊？！」再補多句︰「o的o野唔清楚就唔好扮醒目！」

我老豆對我老母話︰「o的o野佢o地唔想你知你就唔好出聲，『死人眼』呢句說話好難聽！」

說罷我扒埋兩啖飯就閂埋房門死返入房，跟住就上床訓，訓到第二日下晝兩點幾，足足訓佐十五個鐘。

我就係咁，一唔開心就會死訓爛訓，收埋自己。

>>January 28, 2006 at 8:16:11 PM GMT+8

2006 年 1 月 26 日 星期四 【微冷】

琴晚發佐少少脾氣，不過行開一陣純粹想冷靜o下，毛毛唔會掉低BB一個o架嘛。

毛毛咩都明白，BB唔駛講喇。

我畀面色您睇，搞到您o係o的friends面前咁唔自在，係我唔o岩o既。

毛毛錫錫BB~ >3<

>>January 26, 2006 at 5:36:57 PM GMT+8

2006 年 1 月 25 日 星期三 【微冷】

大件事！痴線o架！燥底！

明明都放佐工o架啦，偏偏臨踏出新翠門口先有大單o野！

地下有個沙井無端端湧水出o黎，仲要幾急o下，九成九條渠塞佐啦！星期一o岩o岩先通完渠，咁快就塞？大家都好奇怪。好在今晚係德哥返工，不過夜班得兩丁友，有乜事真係拿手唔成。即刻急電Man姐，搞到佢今晚都返唔到學，去到poly門口都要過返對面馬路搭車返o黎，因為實在事態嚴重呀，個沙井係駁住大樓其中一幢o既屎渠o架！

一打開個沙井蓋…嘩…救命！除佐廁紙，就係屎！冇辦法通！偏偏呢個時候115條仆街闔家剷走過o黎o係度小晒老未咁，又話臭又話阻住佢o的客行入舖。老實講，雖然係核突，但係真係聞唔到有臭味！條撚樣仲唔畀我o地欄住個沙井蓋添！佢老母臭西o丫！大佬，o的雲石濕佐真係好q跣o架！佢有冇諗過其他人o架？！

不過見冇法子通，都一定會扲返個蓋。等到呀Man返o黎，係咁打電話求人過o黎通渠，邊度有咁折墮o架？！雖然我八點幾走已經冇水湧出o黎，但係相信過唔到大樓o的人沖涼o個關…

十一點幾果然頂唔住，o的屎水係咁標出o黎，好在雲石組o的伙記到齊晒。我返到去，o的水已經入緊舖，而且仲係冇停o既跡象！好在我早有準備，著晒短褲拖鞋，一面刮水、一面吸水。嘩！今舖真係屎喇，而且o的屎仲一舊舊咁湧出o黎，都咪話唔得人驚！

好在德哥整佐部泵出o黎，先叫做同可以抽o的水去第二個井，出水入水level佐，但係都唔係辦法，過到今晚過唔到第二朝！最後通渠佬到佐，用高壓一「o即」即通，我o地發現個喉咀爛佐，所以「kick」住佐o的垃圾，o的水去唔到。

但係夜媽媽又邊有料整呢？o係呢個時候我就離開一陣，出去接佐BB返屋企先。

到我再返公司，都已經散晒場喇。今晚暫時整唔到，因為最終發現條喉裡面積佐o的o野，令到條喉近喉咀個位窄佐好多。要聽朝等五金舖開門先可以買料整，究竟過唔過到聽朝o個關呢？

>>January 26, 2006 at 5:11:22 AM GMT+8

2006 年 1 月 24 日 星期二 【颳風】

我成日同自己講︰要習慣要習慣，唔可以咁唔可以咁…

不過成日都會好驚，好驚有一日您會離開我…

今次我真係冇信心，真係會驚輸，輸畀過去o既自己…

>>January 26, 2006 at 5:30:58 AM GMT+8