2006 年 1 月 23 日 星期一 【乍雨乍晴】

為甚麼婚戒要帶在無名指上（轉貼）

請照著步驟做，神奇的事情發生了！

1、首先大家伸出兩手，將中指向下彎曲，對靠在一起，就是中指的背跟背靠在一起。
2、然後將其他的4個手指分別指尖對碰。
3、在開始遊戲的正題之前，請確保以下過程中，5個手指只允許一對手指分開。下面開始遊戲的正題。
4、請張開你們那對大母指，大母指代表我們的父母，能夠張開，每個人都會有生老病死，父母也會有一天離我們而去。
5、請大家合上大母指，再張開食指，食指代表兄弟姐妹，他們也都會有自己的家世，也會離開我們。
6、請大家合上食指，再張開小母指，小母指代表子女，子女長大後，遲早有一天，會有自己的家庭生活，也會離開我們。
7、那麼，請大家合上小母指，再試著張開無名指。這個時候，大家會驚奇的發現無名指怎麼也張不開，因為無名指代表夫妻，是一輩子不分離的。真正的愛，粘在一起後，是永生永世都分不開的。

>>January 23, 2006 at 10:07:56 PM GMT+8

2006 年 1 月 22 日 星期日 【颳風】

今晚睇睇o下書訓著佐，我估大約十一點呱…醒佐之後訓唔著，再食支煙，都係訓唔著，o係床上面攤住，合埋眼，個腦係咁虛無飄渺咁o係度轉，一時轉返到以前，一時又停o係現在，一時又o係未來遊走…

錢、女人同結婚三大課題，最難到我，或者係大部份男人。雖然係出晒雙糧、花紅，又加佐人工，但係o的錢仲係好似留唔住咁，所以即使新年到，都已經冇乜心機駛錢。

戶口唔係冇錢，一次過找萬幾蚊卡數亦唔算係太大o既問題，但影響佐我同BBo既儲錢計劃。突然多佐o既呢舊錢，居然可以駛得乾乾淨淨，又好似太過得人驚。

錢可以買到o既開心我唔怕買，亦唔想BB陪我捱，想畀多o的好日子BB過。但係我想用錢用得更加有智慧，o的錢更加「扲」駛。

我唔係有錢人家，到目前為止，我對屋企o既承擔仲係好少，係我欠屋企人o既。我覺得自己太自私，只顧用錢自己去玩。

五年儲三十萬結婚居然冇屋住，真係笑話！就算買麗港城二百幾萬o既二手樓，畀佐一成首期已經冇佐廿萬，得返十萬蚊真係結個屁婚咩！

居屋又話調低入息上限，即係我已經唔再合資格，而且白表抽中o既機會又低，屋企又冇個合資格幫到手…即係話就算一個月畀我儲到五千蚊都係唔夠結婚用，真係灰晒。期間仲要好難儲到錢做其他o野…

每次諗到都好唔開心，一切所謂o既將來都係遙不可及，就算我而家話自己幾愛您，都只係個冇用o既男人…

>>January 23, 2006 at 10:20:41 PM GMT+8

2006 年 1 月 21 日 星期六 【微冷】

雖然放孖day，但係都冇乜mood做o野，尤其係PM份功課。前晚睇睇o下o的notes仲訓著佐添，冇法子，真係太悶喇…讀書又要做功課又要考試，唔讀書又話唔自我增值搵工難…唉…而家呢個社會真係難服待。

今日要交最後一份功課，迫住琴晚點死都要死o的o野出o黎，作作作…都係冇乜心機，身痕，想出街玩。BB o既節目早佐完，就同BB出去飲佐一round，飲完再返屋企做功課…寫到淨返三分一，都已經七點幾，勁累，上佐床訓到十二點幾起身先再做埋份o野，得六百字左右，唔理得咁多喇，真係唔想再掂份o野，咁就拿佐去交。

今日同BB入佐沙田，諗住去西田換o野，不過又冇帶o的單，真係戇居居咁。行街買o野，BB好開心呢。再去食佐兩、三年冇食過o既酸辣麵。嗯，好味道呀！係呢間o的酸辣麵先好食o架咋，其他地方食過o個o的都冇得比。

新城市雖然咁大，但係行到邊都係人，o的人好似發佐癲咁走晒出街咁。新年都真係幾無聊o下，尤其是見到o的呀媽同個女去買衫，見十個女十個都苦埋口面咁，o的老母個樣又個個都好兇神惡殺咁…何必呢…唔鐘意咪唔好買囉，買佐返去著一兩次就放入衣櫃底收埋，o徙晒o的o野啦！個女都咁大個喇，咪畀o的錢佢出去自己搞掂囉…唉…

新城市開佐好多間日本o野喎，下次再去一定要試試先得。=)

>>January 22, 2006 at 5:39:52 PM GMT+8

2006 年 1 月 20 日 星期五 【暴雨】

「相遇，不是用來生氣的。」

前日往回家的公車上，轉程靠站時，乘客頓時多了起來。一對上班族男女恰巧在我身邊，吸引了我的目光。

可能因為人多，男的不時地將手臂圍住女的，並輕聲的問︰「累不累？」、「待會想吃些什麼？」只見女的不耐煩地回答︰「我已經夠煩了，吃甚麼都還不先決定，每次都要問我。」

男的一臉無辜的低下頭，而後說了令我印象深刻的話。

「讓妳決定是因為希望能夠陪妳吃妳喜歡的東西，然後看到妳滿足的笑容，把今天工作的不愉快暫時忘掉。我的能力不足，妳工作上所受的委屈我沒法幫妳，我所能做的也只有這樣。」

女的聽了後，滿懷愧疚的說聲對不起。男的這才似乎重燃信心般說︰「沒關係，只要你開心就好。」而後親吻了女的頭髮。

公車到站，下車前再回頭看看這對情侶，男的依舊保護著心愛的人。

這樣的情景，讓我覺得自己今天同樣在工作上有些許不愉快，如果沒有聽到這一段對話，回家後的我，可能也是一副全世界都對不起我的臭臉面對心愛的人，只在乎自己的委屈，卻忽視對方的感受，不自覺地傷害最親密的人。所以在踏進家門時，我告訴自己，難道我要像公車上那位女孩一樣忍心將自己的不滿委屈帶給身旁的人嗎？

不，我想我現在應該做的是別再把工作上的情緒發洩在心愛的人身上，破壞了最親密的關係，並且主動給自己一個微笑。相遇，不是用來生氣的。

----------------------------------------------------------------------------------------------------------------------------

正在清理一個舊o既email a/c，backup佐o的有意思o既o野o係個日記度，就delete個a/c喇。原來以前曾經收過個咁o既email，篇o野都幾值得自己學習…

>>January 20, 2006 at 7:46:55 PM GMT+8

2006 年 1 月 19 日 星期四 【暴雨】

HKU space有個Advanced Diploma in Shopping Centre Management（商場管理高級文憑）o既course好似幾吸引，而且租務部個GM係個course o既programme advisor，之前公司email亦有提過呢個course，三月就開學，但係只係張diploma，好似唔多抵，而且好似好貴咁喎…諗諗先。

http://hkuspace.hku.hk/web_course/show_course.php?code=677&page_code=734&seq=6&no_of_course=10&start=0&parent_seq=91&col=&sort=ASC&keyword=

http://hkuspace.hku.hk/brochure/se31-112-00.pdf

>>January 19, 2006 at 12:40:07 AM GMT+8

2006 年 1 月 18 日 星期三 【暴雨】

好開心好開心！

琴晚過府相聚，但係個人好累，所以好快就攬住BB訓著佐喇…zzz…

我個人不嬲都燥燥o地底o架啦，怕熱怕到死o架喇。但係好多時都會覺得臨天光o個一刻，溫度好似突然間跌到去最低咁，好多時就係o係天濛光o個陣時凍一凍醒佐。好在BB訓訓o下個人又會慶晒o架喎，所以BB就順理成章咁成為佐毛毛取暖o既「小火爐」喇，BB軟綿綿，暖笠笠，好舒服呀！

BB，其實我真係好愛您o架，不過病緊o個陣毛毛怕會傳染您嘛，咪唔想講o野又冇咁熱情囉！唔駛怕，毛毛o係度，唔會丟低BB走佐去o既！

>>January 19, 2006 at 12:27:50 AM GMT+8

2006 年 1 月 17 日 星期二 【微冷】

在一個兇殺案現場，被謀害的是一位年輕女子，遇害時正好手中抓著一條斷裂的口紅，請用直覺推斷她遇害的原因。

A. 強盜闖入家中劫財劫色
B. 男友報復他移情別戀
C. 暗戀他的變態狂形為
D. 情敵下的毒手


A. 你潛意識裏最大的弱點是疾病。你最感到戰慄的莫過於自己得了不治之症，受盡治療的折磨，最後狼狽而亡。你害怕身上苦痛和死亡的威脅。

B. 你心裏的弱點是死亡。但不是你自己的死亡，而是你最親密的人的死亡。因為你的感情依賴度非常高，尤其對父母、配偶、兄弟姐妹。當不幸發生後，你將無法承受。

C. 你最感到恐懼的是一切自然界無法解釋的現象，包括靈魂、報應之類。你潛意識裏躲藏著自己擬造的鬼魅，而在夢境或意識模糊的時候出現。這是你非常不易克服的弱點。

D. 你心裏的弱點是背叛。你無法面對情人變心或親密的摯友出賣你。在他人惡意背叛你時，你會脆弱得失去所有反擊能力。不過這個弱點不易被察覺，非要到面臨困境時才會顯現。

----------------------------------------------------------------------------------------------------------------------------

我揀B，又幾準喎…不過我依賴度高咩？唔覺喎。

>>January 19, 2006 at 12:11:34 AM GMT+8

2006 年 1 月 16 日 星期一 【微冷】

蘋果日報
A31 國際新聞
2006-01-16

飲汽水增兩成記憶力

發覺自己近來無記性？不妨飲杯汽水，蘇格蘭的研究指出汽水中的葡萄糖有提升強記憶力兩成。

格拉斯哥．喀里多尼亞大學科學家，向二十五名年齡十八到五十二歲的成人，進行背誦字表實驗，發現他們飲了一杯含有二十五克糖份的橙汁後，能夠比無飲時記多一成一的字句，如果飲了兩杯的話，更加可以記多一成七字句。

葡萄糖令腦細胞活躍

腦影像又顯示，接受實驗的人在飲用高糖份汽水後，腦部記憶的反應比無飲汽水快上一百毫秒。研究人員里比說：「當年輕人和中年人攝取葡萄糖補充劑後，腦部的葡萄糖含量上升，他們的記憶活動亦會增加，因為葡萄糖會刺激腦部海馬體的細胞活躍起來。」

英國保守黨新黨魁卡梅倫早前承認，競選期間雄辯滔滔，演講從不需要看「貓紙」，秘訣是每次站台前，他都會喝一杯含有十茶匙糖的甜茶。

英國《蘇格蘭人報》

----------------------------------------------------------------------------------------------------------------------------

堅！終於有人支持我飲汽水！！

>>January 17, 2006 at 8:00:00 PM GMT+8

2006 年 1 月 15 日 星期日 【微冷】

病

自從買佐份住院保險之後，一直都「形」住自己會大病一場，可能咁先可以值回票價。

出世到而家都冇乜住過醫院，隱約記得細個住過一次，o個時仲係住緊木屋區。o個次好似係條腸有事，仲記得舅父買佐本加菲貓畀我，自此同妹妹都鐘意佐貓貓。

其餘時間都冇乜病痛，唔似得妹妹，我只係間唔中踢波pk整損手腳之類。但係自從開始自己搵錢養自己之後，o的小病好似多佐。最起碼一年兩次轉天氣條氣管都會中招。

搬佐o黎柴灣之後睇開o個個兒科醫生話呢o的叫氣管敏感。由沙田搬返出o黎之後，個鼻又經常性失靈，o的人叫呢o的做鼻敏感。都唔知由邊度得o黎咁鬼多敏感，而且仲避無可避，痴線！

條氣成日都唔順，硬係認為遲早有一鑊「傑傑o地」o既會發生o係我身上，真係要睇o下條命夠唔夠硬，同埋，Cartier幾時先o係香港賣清…

o的人話小病是福，但係我就覺得小病好乞我憎，我寧願大病一場，起碼有個完美o的o既藉口，入廠休養。

>>January 16, 2006 at 1:52:09 AM GMT+8

2006 年 1 月 14 日 星期六 【微冷】

繁忙的街道，不斷的人流。未曾靜下來的都巿生活，彷彿已失去了讓人喘息的空間。

再一次光臨赤柱，沒有標明目的，只想退避一陣子。在車程中稍稍休息，醒來時已在世界的另一端。

銅鑼灣的人擠擁得不得了，街道上的店舖都鬧哄哄的。相對而立，赤柱的街道顯得有點荒涼。只是晚上七時多，赤柱巿場內的大部分店舖都已關門休息，即使是酒吧食肆，亦難找到擠迫的人流。

走到海堤旁，享受由海面吹來的嗖嗖涼風，協調著緩緩拍岸的浪濤…嗯…想著想著︰這就是我所喜愛的生活。

在小型球場上，見證了華洋共處的和諧，才驚覺當年社會及經公科的課文內容一點也不假。

回到大街，選了別的餐廳，氣氛服務也不錯，肉眼扒的味道也甚討好。在紅酒的點綴下，看著人家過著寫意隨心的生活，不禁慨嘆︰同是活在香港，人家怎會過得這麼風流？！

>>January 15, 2006 at 2:28:03 PM GMT+8