2003 年 7 月 21 日 星期一 【雨】

birthday party~!
first, happy birthday to Sammi, 19 again~!
好似好耐都無早過九點起身...今日就要喇, 九點半多d同mom and father食完早餐, 跟住就同father一齊撘車出去火車站, 佢去返工, 我返ive, 好在同佢一齊出, 我又慳番一程車錢~!
o係粉嶺等埋alan, 大舊and 耆英就一齊返, 未試過呢組合!
返到ive等埋fung bee拎完result, 我地四個同科ge就拎出黎對, 睇落好似fung bee仲勁過alan(除左math), 最差一定係我...好在都比我想像中差唔多, 無乜點撻到! 之後同埋落左去avis落左去搵janet hea, 六個學生+一個miss閒話家常(i mean吹水!), 到左成十二點先走...
就係因為我地吹得太耐, green box無位唱lunch k, 搞到唱唔成, 未必唔係好事~~! 跟住fung bee and alan去左機舖搵埋pierre黎食野, kei中途又到埋, 都唔知幾耐都無試過咁多人坐埋一張檯lu(avis, me, 大舊, 昏英, pierre, alan, fung bee, kei)...
由於唔唱k就無野做, 所以地去左睇戲, 睇"海底奇兵", 呢套係一套典型ge親子戲, 講個老豆排除萬難咁搵番個仔, 中途有好多難關+好多波折! 套野都幾搞笑, 尤其係d配音: 劉青雲, 毛舜kwan, yumiko......好搞笑~! 大約三點半睇完....
睇完又無野做, fung bee, avis, kei走先, 餘下就照舊去左新機地打機...貪平五蚊比左張飛尾黎打一舖機...又少左一張珍藏! 跟住就睇下打下咁到左五點半, 行左陣, 差唔多六點撘火車走...最麻煩就係咁, 約左人七點半, 中間d時間又唔知點好! 好難先約到kwan出黎上水等...四仔ma...!
同耆英and alan去左上水搞ball場d野, 點知一路都係full晒, 直至20/8...但係又唔比book住囉, 麻乜煩!! 之後好難先等到kwan, 七點, 返左粉嶺去m記坐陣, 耆英之後又黎埋吹左陣...再出番去等齊人黎先郁!
我地去左聯和墟一間叫"椰林閣"ge街訪高級餐廳度食...十人一檯, 但係唔覺太迫(nick, ng yuen yan, sammi, 仁, kwan, me, 耆英, 小白, 歡, 臭bei), 席間, nick話行黎o個陣唔見左個wallet, 好在最後都搵得番, 真係好運~! 一人五十塊錢就可以嘆到一個扒餐, 都算係咁上下啦~!
由八點就食到十點先走, 跟住去左住附近ge sammi屋企玩, 十個人齊齊玩uno層層疊, 好刺激唷~~! 玩得唔係幾夠喉, 十一點九個個都趕住走, 而我就十二點幾返到屋企, 好在仲有尾班車~!
69% 今日行程(行左ge路程)超多...對腳就黎癱...但係都幾好玩ge~
sammi(中學時期ge哎o也阿媽~)生日快樂~

>>July 22, 2003 at 1:51:50 AM GMT+8

2003 年 7 月 20 日 星期日 【雨】

玄妙!
今日一訓就訓到十二點半, 都唔係幾夠, 係熱醒左jar...
跟住差唔多一點同崑出左去lunch...但係明知檯面得六十蚊一定唔夠, 所以我拎多五蚊出去, 點知叫完野食之後, 一計條數原來arm arm 好65...好在姐~!
食食下野, carrie打黎, 話我知一個好搞笑ge消息, 原來班中其中一位同學仔係佢個親表哥! 真係搞笑到唔搞笑, d關係玄妙到唔玄妙!! 仲要識左佢成年, 到今時今日先知, 多得carrie la~!
點幾兩點食完野, 返到屋企無無聊聊, 去左yahoo度篤下波, 一玩就玩到成五點幾先關機, 六點食飯...
夜晚九點幾, carrie又打黎, 打黎八一d關於佢表哥ge事, 傾下傾下, 唔覺唔覺就傾左成一個半鐘...跟住宵夜都食左好多野....肥死~!
60% 一號風球的日子...好悶!
聽日拎成績表...驚!

>>July 21, 2003 at 12:55:48 AM GMT+8

2003 年 7 月 19 日 星期六 【晴】

唱k(又)!
今朝差d訓過時間...成九點九先起身...結果食左少少野, 十點八先到粉嶺火車站, 奇怪事件發生左, 就係chris居然比我同崑早到, 即係話最遲係我地...唔知由幾時開始我學會遲到! 等左一陣之後就有火車, 跟住四仔+崑and yan+carrie去唱k! 好耐都無同過o個兩個o靚妹出去lu~
就係因為係yan佢地約我地先赴約, 其實三日唱兩次k都有d過份!! 開頭都好似仲有爭咪唱, 但係搞搞下又唔知做乜突然間好無mood...無乜點唱到, 完全係豪左支咪比佢地唱! 淨係又唔知做乜無lala有mood到, 插左首"lonely christmas"黎唱...本身都好似好有feel ge...但係知邊個咁唔爭氣走黎加把咀, 影響晒! 可知feel呢樣野係好難先陪養到出黎...!
兩點半準時cut房, carrie and yan趁我地去toilet o個陣就已經走左, 落到樓先單聲比我地知走左囉...! 跟住崑又走先, 又得返四仔...!
之後我去左m記磋跎左一陣先出發--三仔陪我去左長沙灣探路...
唔行唔係好知原來咁易行, wtf!!! 行完之後就去左黃金and 高登, 諗住買番條ram, 可惜部老爺機實在太舊...又唔想買貴ram, 最後係無買到~!
都成五點, 又無野做, 好快咁我地就決定左走喇, 一路上chris都好驚有差佬黎逗佢, 率之到左九龍塘遇到, 要兒過又一城落火車站走...滿以為已經無事, 點知到左火車站大堂又見到差佬...chris同ho就上月台等住先, 以避過耳目! 點解我地四個好似變左做鼠輩咁見差佬就走...?!
o係火車上面我地乜都傾, 離不開"o個樣"野啦~ 好搞笑...比佢地話我玩人tim...無奈!
六點四返到屋企..."支力"死! 連續三日.....!
65% 今日唱k突然間好無mood...!
reply:
to kapo, "過江龍"呀...其實咪講緊我地三個由粉嶺去左旺角度打波, 學人出征, 我地咪係"過江龍"囉~多謝留言~~!
to alan, "o個樣"咪即係"o個樣"囉, 四仔仲有咩好講丫~~!

>>July 20, 2003 at 2:29:34 AM GMT+8

2003 年 7 月 18 日 星期五 【晴】

罪人...
實在太好訓喇, 由凌晨三點半成四點就倒頭太睡至第二日ge一點三~都唔知幾耐無試過咁好訓~! 而長伴我好耐ge黑眼圈而走埋, 果然"早睡"係咁有so~
刷埋牙已經成點半, 今次由alan約人去打波, 仲要係約左兩點九去到...又未食野, d時間勁唔夠用, 結果同崑and mom o係兩點出門口, 去食左餐(breakfast+lunch+tea), 一碗麵唔夠做...但係time's up, 要走!
都唔係遲左好多, 但係我地自己友就陸續黎到, 有chris, alan, penny, ho, me, 崑and耆英, 死kwan就好晏先到...
一波都唔覺今日ge狀態有乜問題...但係打多陣之後先發覺又發波瘟, d遠射無晒之餘, 帶波仲甩手甩腳...呢種咁霉ge情況近幾個月都無發生, 霉到變成輸波罪人就更罕有! 同我一隊ge都係輸波居多...無左我ge準繩, 對佢地有好大影響...! 打到連自己都唔想打!! ho又打打下中途去左搵女, 次次都咁, 勁無癮!
六點半走人...返到屋企有好消息, father27號為mom提早慶捉生日, 同埋may e一齊請唱k~!
60% 連續兩日打波, 技術同狀態有天壤之別...今日ge standard跌到同崑差唔多, 可能仲差過佢, 食左屎咁, 廢人一個! 我決定下次打波要有返神射!!!
reply:
to alan, 我都唔想架今日...可能去完麥花臣打完, 個人唔適應呀...下次唔會...!
to chi, 我終於都去左你度畫野...但係你o係呢度ge曝光率好似唔係幾夠喎, 而且你個日記又唔寫ge...!

>>July 19, 2003 at 1:02:40 AM GMT+8

2003 年 7 月 17 日 星期四 【晴】

過江龍...
尋晚臨訓前比kwan約左今朝去唱k, 今次仲難得有kapo去tim~死人都去啦, 唔係實悶死家中~!
出左門口食埋早餐先記得唔記得帶手提...又要我折返, 搞到我遲左兩個字先去到..真係失敗!! 好在個例遲chris例遲三個字姐~~結果我地十一點半先去neway city!
一去到就排隊排到出門口, 都預左無k lunch喇, 問完之後就去green box, 地四個去左開房, 預定可以唱到三點~~!
記得kapo第一首歌係唱"落錯車", 好似好勁...o係佢面前有d淆底, 唔係幾敢唱...極限...><" 見佢咁勁, 幾大都揀多d合唱歌, 唱得最好o個兩首係"合久必婚"同埋"愛一個人", 自己都覺得唱得好正~~! 我同kwan最想ge一件事就係聽到唱歌近乎perfect(我地覺) ge kapo 走音, 點知佢話佢已經走ed...我同kwan ge反應係"o下..?!"走左都唔似走左ge...
到左四點都未唱完, 由於kapo有野做要走先, 得番我地三仔唱埋last o個首就走喇~!
又無錢又無野做, 奇蹟隊決定去麥花臣踩場, 進行第一次遠征~!
首先係射下波, 跟住比人撩鬥波喇~! 今日我都射得算ok準...不過体力消耗奇快, 打唔夠兩鐘就"支力"想死! chris仲誇張, 打到個舊傷口再爆...d血係咁出, 之前有一次又係咁, 加埋就兩張膠布比左佢, 同埋數張tempo...但係d血都係咁出...不過佢都無理到! 經過兩回合大戰, 而且三仔仲有血有汗之下, 奇蹟隊贏波(對手係高大控球系中鋒, 一個速度形矮仔同埋一個成日都比我偷到波ge人), 第一次出征就旗開得勝, 真係掂~~!
我地打到五點幾唔打, 過左對面7仔飲野and 吹水, 六點幾chris返屋企, kawn去踢波, 我就約埋alan返白英奇!
原來今日係夜校最後一堂, 聽埋d無聊野, 隨左交功課之外都無乜貢獻! 不過有三個B+, 阿sir 從未比過A人地, 今次仲唔威晒~!
佢講埋d無聊野, 七點九就茖左堂, 跟住去左食野, 十點半返到屋企...無lala又比人罵! 都唔知咩事...!
完!
69% 今日好似好忙碌咁: sing k, 打波, 返夜校....十點半出到去粉嶺, 又十點半返到屋企, 咁就無左半日!

>>July 18, 2003 at 1:18:32 AM GMT+8

2003 年 7 月 16 日 星期三 【晴】

黑幫千金要結婚``
今日終於都到我比人約, yi and yu約左我去睇戲, 同崑一齊出去...一時唔小心遲到tim...遲左一個字, 一點先去到粉嶺, 要佢地等真係唔好意思喇~!
o係火車上面我地四個都無乜點講野, 唔通係我本17 o係度?!
去到UA先決定睇咩戲--"黑幫千金要結婚"!
我地睇1:45, 但係一點半去到買埋飛, 時間趕到唔趕...拿拿臨去完惠康買野食然後再入場!
開場之前都係唔係幾知呢套戲有乜好睇, 口碑又似無, 但係就好搞笑! 笑爆咀, d中文字幕正到唔信, 連"仆街"、"雞蟲"都有(此乃韓戲)!
笑完晒大約係三點半, 我同崑兩仔同yi and yu兩女開行, 佢地去旺角, 我地留守沙田蒲機舖!
睇唔出fun zone d racing games都幾平架喎, 法拉利先係三蚊, 而batle gear都係三蚊...平到丫! 而今日主要都係玩左呢兩隻games同埋拍拍機...唔覺唔覺咁就玩左三十蚊...
差唔多五點三地兩個先走返屋企...六點三先食我今日ge第二餐...好肚餓呀!
完!
to all message leaver, 唔該唔好留言比人地(即係留一d唔關我事ge野...), 因為唔知好唔好delete左佢好, 唔delete又好似阻住晒, delete左又好似"side"晒你地一番心血...淨係留比我好喇~!

>>July 17, 2003 at 12:25:28 AM GMT+8

2003 年 7 月 15 日 星期二 【晴】

酷熱!
今朝又同尋日朝早一樣, 一樣咁去食早餐, 一樣咁morning call....由於天氣太熱, 我同崑都坐多陣, 十一點先走!
跟住返到屋企又係好悶, 好無聊...到左成兩點, chris先覆call, 終於都有野做--去swim!
今日真係熱到唔熱...平時落到水都會覺得d水涼涼地, 但係今日落到去直情係覺得d水係暖架...死未! 之後我, 崑and chris就一邊浸一邊踩下水...仲有就係合兩仔之力教崑swim...終於佢都好似得得地咁...!
無無聊聊咁又到左六點, 係時候走人...三條友去m左記度食野and hea, 我同chris夾份分左個餐...飽飽地咁返屋企食飯...對眼入到水, "那那地"咁, 好乾好難頂!!
完~
67% 熱!

>>July 15, 2003 at 11:41:12 PM GMT+8