2004 年 1 月 29 日 星期四 【炎熱】

初七--bbq
呢排生活得好有規律, 都係三點半訓, 一點起身!
起左身就拿拿臨約人bbq, 臨時臨急, 得約左四仔+alan+耆英, bonbon唔黎...!
明明係約晒人三點鐘上水等, 但係個個都玩遲到, 雖然我都有...但係第二個到ge ho都係三點半之後先到! 我地再等左一陣, kwan黎埋就去買野, 去到街市就撞到耆英, 到左惠康alan先到, 而chris就同carrie一早去定軍地等我地...好無耐!
買埋野返到屋企都成五點幾, 我同alan即刻無停手咁準備d野, 踢晒腳, 死kwan and ho佢地就淨係唱歌!! 得我set up d野囉...
carrie坐左一陣, 到左七點幾同ho走. ho返完補習社拎notes就返黎玩過~
中間燒燒下, 我同chris入廳唱, low b chris果然係有d料子, 唱到少少"without you", 同埋唱"放愛", 係威喎!! 勁!
佢地其他人都飽晒咁滯, 得番我同ho o係出面吹水傾心事...平時同ho最少接觸, 但係無乜影響到我地兩仔ge"感情", umum...意見接受ge!
佢地入晒去開檯, mom都有份落場砌過, chris, 耆英and alan都有一席位, 而kwan就o係我間房度閉睇漫畫...最後得我同ho清場!
到左成十二點半我先同ho入番房玩機...kwan, ho and me三個臭皮匠一齊上yahoo篤波...=.="
佢地打牌打到成兩點先收手, 我屋企好耐都無咁樣玩過...^^" 到左成兩點三佢地鬆人!
佢地淨係拎左盒價值$26.8 ge金沙黎"拜年"! 而今日bbq每人用左$71, 最貴今次!
又係三點八訓...Q.Q"
59% ho仔今日向我傳道...~

>>January 29, 2004 at 3:37:14 AM GMT+8

2004 年 1 月 27 日 星期二 【炎熱】

年初六之左麟右李04'開心
今日暖左好多, 尋日三點半先訓, 倒睡至一點三!
唔見左個朝早, d時間過得好快, 打下機睇下克勤concert ge vcd過日晨!
到左六點, 整裝待發, 約左kwan出去上水食野, 崑, me and kwan三條友去左m記度食, 都好似成個幾月未去過, 可以話好特登! 七點三食完, 行左陣就同kwan分手, 我地兩個去左撘火車睇concert~!
o係紅館出面已經人頭湧湧, 迷失左...搵左一陣先知o係邊度入! 八點半都未夠就開show...左麟右李唱住"愛的根源"等我地就坐...!
今日譚詠倫ge表現有少少撻皮, 多次唱快歌甩咀, 而佢唱"愛不釋手"好勁, 正!
其中有一段, 係梁榮忠唱"霧之戀"睇唔出佢又唱得ok wor~!
跟住又有一段係"左麟右李"企吊檯, 天花ge路軌帶佢地繞場一週, 好近~~
李克勤唱"波斯貓"好很姣~~~~~
最後係點唱時間, 佢地每人自出兩首歌, 叫人以叫聲投票, 揀一首出黎唱, 好過癮~!
十一點半叫工, 今年氣氛好過舊年, 但係舊年d歌好聽好多...各有所長啦!
58% kwan終於明白"坐此山, 望那山"點解...

>>January 28, 2004 at 1:00:16 AM GMT+8

2004 年 1 月 26 日 星期一 【晴】

初五
今日豪訓! 不醒人士到十二點半...
起左身就拿拿臨覆may e call, 佢約我地去唱k...me and mom!
兩點鐘同佢一齊撘火車出去, 未夠三點就去到尖咀ceo neway, 但係要等位等到三點半先有...空檔時間去左兜個圈, 不過好多都未開...
好耐都無去過neway唱, 而今次亦都係第一次去ceo neway, 果然名不虛傳, 獨立廁所+兩支無線咪+絕好ge氣氛, 係第二度無ge!
今日好似失左聲咁...完全唔識唱歌囉...激走音! 應該係近年之最!! 好在仲唱到"愛不釋手"! <--飲歌?!
六點鐘cut房, 一路直至七點半, 我同係同兩個女人行尖咀...悶到你唔信, 講你都唔信! >"<
dinner我地去左一間叫"無間道"ge餐廳落腳, "無間道"果然無間道feel, 全場紅色為主, 環境一絕! 不過食品就一般啦...無乜特別...
火車上面好悶...同may e吹左陣水, 又比佢睇穿左少少野, 女人果然睇利!
53% 不知怎地...
reply:
re lam, 我成都週期性發作, 唔駛咁介意...~

>>January 26, 2004 at 11:40:57 PM GMT+8

2004 年 1 月 25 日 星期日 【晴】

年初四
十點半就起左身, 十一點幾食左少少野, 十二點出門口, 要去筌灣...
車程足足用左個半鐘...痴線架...亦都搞到我遲大到, 第一次遲半個鐘囉...等死ar lam!
我地去左元綠食, 一路食又一路睇"左麟右李", 呢排成日睇...!
我地好似食左好多碟野, lam用埋張野, $40off, 淨係用左$68~ 不過一個唔覺意比多左tips..>"<
跟住我地就開始hea時間, 差唔多行勻筌灣各大少廣場, 死行爛行先到四點幾五點...今日有d唔自在!
送埋lam走, 我都要走, 先撘地鐵去葵興, 再轉40X去馬鞍山...突然間覺得自己好勁, 對住陌生ge路程都無迷路, 但係o係巴士度幾乎訓著, 死頂!!
五點九去到伯娘度, 一路食到八點先走, 期間alan(41206)竟然悶到打黎~!
返到屋企睇"我的野蠻女友"...點解我以前會無睇到...? 好touch!!
54% 好矛盾, 又有d唔知點...坐此山, 望那山...!

>>January 26, 2004 at 1:20:41 AM GMT+8

2004 年 1 月 24 日 星期六 【晴】

赤口...
無聯絡三日, 今日都無乜心情...
訓到十二點半先起身, 跟住就全日都係icq, 打機...虛渡光陰...
夜晚睇無線個"左麟右李", 又係cut到無論, 不如唔好播仲好啦, d搞笑野全部無晒! 哼!
man到...
50% 亂諗野喇...

>>January 24, 2004 at 11:01:57 PM GMT+8

2004 年 1 月 23 日 星期五 【乍雨乍晴】

年初二
訓o係生保床度徹夜難眠, 郁少少就醒, father六點半就去左返工...而我就半夢醒咁訓到八點幾, 九點鐘未夠, 一家十幾人去左飲早茶...
話提又帶到我身上, 杭州...? 定係英國?? 兩樣都唔想!
十二點未夠就返到黎粉嶺, 都係返到黎自在d, 但係今日好明顯比前兩日又凍左...9度!
我地三個食左個lunch就返屋企, 即刻開機, 但係無人online...
到左兩點幾三點, 同崑拎左d 卡拉ok出黎唱, 盡叫!!
六點前, may e and her honey黎埋拜年, 之後我地一家四口連同佢兩個去左阿婆度食盤菜~!
食左都無兩鐘, may e佢地又黎左我地度坐陣, 到左九點先走..
今晚好悶...又一次失去聯絡...=.="
51% shit!
re sham, 哦哦, 恭喜發財...

>>January 23, 2004 at 10:24:46 PM GMT+8

2004 年 1 月 22 日 星期四 【乍雨乍晴】

年初一
一早十點比mom叫醒左, 要返大陸...好唔願意離開被竇!
mom, 崑and me我地地三個去左大家樂食早餐, 再去百佳買左少少野就正式起行!
去到羅湖個的士站, 企我地前面個麻甩佬勁火, 乜粗口都出齊, 經常咁"屌"d的士司機, 好鬼英~!!!
返到去大約一點, 又係無野做, 好在借左神鵰返黎先唔駛悶!
到左兩點幾, 姑丈帶我地三個去左個書城, 此城甚大, 商務完全被比下去! 可惜無書arm我睇, 而且呢度係一本英文書都無!
三點幾, 我地行完就返去, 返到去都係睇下波, 睇下書同埋食下朱古力咁過...
六點前, father放左工都返到黎, 而全屋子孫都齊晒咁滯, 十五個一齊食飯!
夜晚又睇睇波睇書過, 基本上返大陸係悶...
張床好生保, 訓極都訓唔著...@.@
52% 恭喜發財!


>>January 23, 2004 at 1:21:59 PM GMT+8

2004 年 1 月 21 日 星期三 【乍雨乍晴】

年三十
睡魔難頂, 明明校左鬧鐘九點三起身溫mia, 但係又眼訓, 又凍, 乜藉口都出齊, 其實要再訓唔駛理由, 番訓到十點即刻起身!
難得地真係會專心溫notes, 但係事急馬行田, skip住咁溫!
卒之都係溫唔切, 十二點半去到大埔會合埋wai, 跟住就返ive lunch!
食食下, sham and alan(41206)分別返到, 原來大家返去都係等死....
一點半開考, 做到section B short que, 個個都O晒咀...最難反而係呢part!!! 呆晒...
出晒黎之後, 去左拉巴褱"射鵰", 又借番兩本"神鵰", 跟住就幫yan拎課程就開始放假喇!
第一站係去行年宵, 沙田無乜好行, 兜左一圈又走...
跟住又各自歸去也~!
夜晚九點幾, 一家人食湯丸, father o係其中一粒入面擺左粒蓮子, 話食中有一百蚊! 點知比佢自己食番, 不過中間幾搞笑, 一定係佢出術啦~!
第一封利是收左喇~
53% 恭喜發財, 預祝alan(ks)年初一生辰快樂!
reply:
re bon, 尋晚成晚都無講野咁ge~?
re alan, 我駛唔駛祝你生意興隆~!
+聽日會返大陸訓一晚, 年初二出黎.　

>>January 21, 2004 at 11:33:15 PM GMT+8

2004 年 1 月 20 日 星期二 【乍雨乍晴】

團年~
今日天氣持續寒冷...個勢仲好似會凍過尋日!
一早食完早餐就返左屋企, 朝早ge時間係用黎玩mp3, 拎黎自唱自錄...原來唱到一首唔難, 難在要唱好一首歌!
十二點幾打左比ar chi傾一陣, 到左一點半先至叫做溫下書...
到左三點幾先至食野, 又好凍, 唔食d野一定凍死!
四點半, alan(ks)佢地打黎, 我終於都畏出門口, 去旺角團年~
o係沙田會合, 有avis+alan+fung bee+me四個人出去, avis勁串, 又玩埋字母先生小姐囉!
我地去到旺角猶豫去邊度食, 搞左一輪, ka lok同florence都黎到, 我地都係決定左去漢陽苑, 燒燒佢!
bon bon中段黎到, avis更串...~
七點食到九點, 食, 笑, 玩, 串, 乜都有, 最衰"闔家"唔人齊! 但係其實bonnie唔係我地成員, 又叫埋佢黎, 係咪已經默認左佢埋左我地堆??
食完野我地去左行年宵, o係花園街度蹉跎左好耐, 十點半先去到, 但係兜唔夠半個鐘就走lu, o係場內都係同fung bee佢地睇下野, 撘下嗲咁過, 衰在地濕兼落雨!
最後一次企定係o係新世紀, 各散東西, 得番me, avis, ka lok, kei and florence撘火車, 玩到咁死夜, 好似唔係幾夠時間溫書...>"<
十二點半返到...沖涼凍死!
56% 一年一團, 少左+x, pierre同埋gary!

>>January 21, 2004 at 1:17:58 AM GMT+8

2004 年 1 月 19 日 星期一 【乍雨乍晴】

寒雨...
往日八小時的充足睡眠, 想是被天氣所影響, 離開床邊仍是睡眼惺忪! 門外微風細雨, 窗子上變得景物模糊; 而無情的寒風竟不放過一絲毫機會, 從門縫, 窗縫之間鑽進屋內, 令人不由得冷得一陣!
一出屋外, 雨點滴滴答答的打在雨傘上, 雨水的冰涼夾帶著寒風, 由剛及膝的波褲直攻往身子, 令人不自主的將雙手盡量貼近身子, 以求保住暖氣!
早餐中盡是熱騰騰的食物及飲料, 進食時只覺肚腹微溫, 及後遍及全身, 登時精神抖擻起來, 並即時返家溫習!
(正常番先~)十點唔夠就返到, 即刻就繼續溫java, 發覺java本書真係幾好, 我冷落左佢, 投入好少感情o係佢度, 以後我會對佢好d! =3="
約左sham佢地十二點十, 點知我就無車撘, 到左成一點先到...好慚愧! 火車上電話響聲不絕於耳, terry都打左黎兩次!
1330~1500 testing...
放左出黎對份卷無野好講, 溫幾多就有幾多分數....
好在我醒目, 帶左份msa補返黎做, 佢地一個三個都無, 要問我拎黎影印! 跟住地就湧左入canteen做, 同檯有benny, alan(41206), sham, aiko, octo, steve, me and candy, benny唔駛做都幫我地手做, 而我, sham and steve就一路食tea, 一路抄benny~
到左四點半, 我地交左就走, 好凍!
返到屋企都五點半...lam唔去jade's concert, 我呢邊只係要一張飛!
今日終於睇得晒全套射鵰, 下個target係神鵰! 真係幾佩服自己ge意志, 而睇咁耐, 真係對自己ge文筆增益不少!
51% 我發覺我已經當左佢係...~ 務必理智!

>>January 20, 2004 at 12:13:46 AM GMT+8