2004 年 2 月 27 日 星期五 【炎熱】

聯系歌唱比賽?!
今日同尋日一樣, 又係等sham一個, 不過今日除左alan(41206)之外, 仲多左個wai!
DCN tutor終於都派卷, hunter合格左, 阿sir話秋水爆左冷...搞到我地驚晒, 驚死會唔合格, 第一個alan(41206)拎卷, 80分...我仲驚...! 第二個唔知係sham or steve...佢地都四十幾分...我又驚d tim!! 到我o個陣真係勁驚囉, 阿sir又無乜表情, 一睇分數, 簡直嚇死! 有59分! 暫時除左英文之外, 好似最高係呢科! benny 41, wai最勁, 有83!!
之後就lunch喇, 今次test合格仲開心過考車合格~! 我地去左扒王之王食, 好似係第一次去...原來都唔係幾貴~
食完野, alan(41206)陪我去左運輸署搞車牌, 等左成兩個字, 用左$900先至出左張十年ge車牌, 由今日起我可以drive la!
1330~1630係VB assignment搏殺期, 個個都好努力...而我同alan(41206)都好黑仔, 因為隻floopy搞到我地有好多野都化為烏有! 搞左好耐, alan(41206)搞番八成出黎, 而我就真係唔知衰咩, 搞極都出番第三題...唯有放棄...今日有得有失!
放左學踢左陣毽, 著住波褲好易踢, 但係個毽唔爭氣! 我地六點幾先走...
臨走時, 我o係canteen門口塊broad度發現左d野, 就係聯系歌唱比賽ge notice...有少少猶豫tim! 要諗下點決定先~!
53% 聽日去練歌!

>>February 28, 2004 at 12:34:31 AM GMT+8

2004 年 2 月 26 日 星期四 【晴】

重遇
今朝得一個人食早餐, 好似有少少心人搵笨...= ="
去到大埔, 我同alan(41206)等左sham個幾字, 今日個個都好夏季feel~!
行到去ive附近條subway, 見到有人拍戲, 著晒校服咁, 仲要圍住晒, 估都估到拍緊校園欺凌事件, 點知比我細看之下就發現左一件好surprised ge事! 就係found dip個fd 小明竟然做緊老臨~~同佢都好耐無見, 約出黎又timing唔arm, 見唔到, 但係就偏偏咁樣撞番囉~ 呢個地球係圓架原來~~~~!
首先我地去左canteen, 等sham and alan食少少野, 再等埋aiko一齊上去math, 時間都已經係十一點四...如果要阿sir點我名都有d過份...所以最後佢都無點到我地!
PF又有online quiz, 又係60%, 一樣無溫過! 之後成堂又用黎做classwork, 我諗都好過以前掛...~
一點半lunch, 食完野又去左玩數字球, 成兩點九先上堂~!
個miss又o係度費up, 我寧願呢堂要黎做數好過...咁樣上accounting真係好易死! 訓左兩點字!
放左學好快走...好累...
咁就一日喇...突然間有個地方好想去!
53%

>>February 26, 2004 at 11:20:46 PM GMT+8

2004 年 2 月 25 日 星期三 【微冷】

singing contest in Morrison Hill IVE
今朝返學竟然塞火車...十世未試過!
MIA好似話過會今日派卷, 但係又無派到, 好無奈囉!!
十點半有兩個鐘break, 首先一個鐘用左黎踢毽, 第二個鐘先留黎食飯, canteen食.
peter chu又好似講過今日堂CSA tutor派卷, 到最後又係無派到...又飯氣攻心...恰左半個鐘!
一點半放學, 為左hea時間, 去左睇patrick, steve佢地踢波, 好似話係我地班大戰隔離班~!!
我地班去到先, 隔離班一個人都無, 我同sham, wai and benny, 同埋ben佢地o係場邊睇波, 同街外人踢住先~ patrick全場都好活躍, edwin同埋everday佢地就好勇猛! 好很勁!!
一睇就睇到四點幾, 一個人遊蕩沙田, 傾左陣電話, 成五點幾, 崑同佢個fd, ho and kwan先黎到...終於都唔駛悶!
kwan and ho無錢, 我地五個要撘ferry過海, 成六點幾先去到morr hill, 等到成七點先入場!!
呢個singing contest o係個hall度搞, 都ok有氣氛啦, d評詊團就唔野少, 有d仲係而家ge作曲作詞人, 好pro!
唱左一半獨唱, 合唱就開始, chris同佢個fd打頭陣, 唱"放愛"! 但係有少少意想不到囉, 同埋有少少唔夾, 無乜默契呀...= ="
到左九點幾, 嘉賓鄧建泓黎到, 唱左三首歌, 職業歌首真係唔同d, 幾正~!
一路等到成十點, 乜獎都頒晒, chris ge合唱撻死左, 而佢個fd合唱就拎亞軍, 勁野喎~
最後地七個人去左附近ge街市大排檔度食飯, 之後就返屋企喇...經過今日, 我都好想比一比賽, "風箏與風"~~
54% 一日入面有齊四季ge天氣: 早--冬, 午--夏, 黃昏--秋, 夜--春!!
reply:
re lam, i hope la...我都撐你架~!

>>February 26, 2004 at 12:46:52 AM GMT+8

2004 年 2 月 24 日 星期二 【微冷】

廢腳!
尋晚有隻死蚊三點幾o係度飛黎飛去, 我訓左兩點幾鐘就比佢嘈醒, 到左四點半, 隻死野針到我勁痕, 又醒一次!! 到左五點幾六點, 又飛番黎o係我耳邊嘈住晒...打又打唔中佢喎...搞到今日無乜精神! 最憎就係訓下醒下!
同平時差唔多時間出門口, 但係又唔知點解無車撘, 等左成兩個字! 去到粉嶺又等左chris一陣, 可憐ge alan(41206)就o係大埔等左我我地成兩個字, 食風都飽!
我地兩個返到去都係食早餐先上堂...呢堂PF又係得半班唔夠ge人數出現!
DCN少睡左5mins, 跟住就聽佢up左d test paper la...全班有七個人failed...無我份掛!
我地終於隻齊"七友"去食野, 大排檔! patrick扮個VB sir超似, 激搞笑~~~
食完野又返ive踢毽, 今日無晒腳感...踢唔到幾下就斷! >"<
VB堂又係做assignment, 雖然係alan(41206)幫手, 但係都好有成功感, 可能係親力親為!!
MSA又做tutor, 做得勁慢囉, 又少講點做, 開始好亂同迷茫...credit?? creditor?? debtor??
放學同alan(41206)踢左陣順便等埋alan(ks), 踢到甩晒腳...好在仲有d遠爆仲準! 廢左雙腳...一定係比隻蚊搞到我無覺好訓, 体力不足!
聽日放一點半...點先可以等到六點半去到morrison hill ive?!
52% lunch比alan(41206) and benny擺左上檯, 用我個名去點唱比"趴地"聽, 仲要開咪講囉...有咩事比呢樣更無奈!

>>February 24, 2004 at 11:16:07 PM GMT+8

2004 年 2 月 23 日 星期一 【微冷】

有運
一個禮拜最難頂就係頭三日, 返八點半, 要七點起身!
都係照舊八點二去大埔, 等埋alan(41206)同埋sham就上火車, 我地懶理今日有冇test, 食左早餐先至上英文堂!
上到尾段, connie講番之前d分, oral得45, 雖然係合格, 但係我好唔滿意! 竟然可以咁屎囉!! 之後又話gramma d分, 31/50, 分數一般啦, wai同sham都係36....又一次低分過佢地!!
十點半又放lunch, 我地拎左上個星期五ben個波黎打, 一打就打到十二點半人地比賽先走, carman又有份做場務, 都唔知係咪咩department搞ge! 臨走前, 我地輸左比隊暴力籃球, 好快好撞得!!
lunch得番alan(41206), me and sham去左大排檔食, 食緊中途先發覺自己副眼鏡唔記得左戴出黎, 原來仲漏左o係廁所, 先前洗完面唔記左左拎!!
食完野買埋野飲就返番去廁所睇下, 好在仲o係度呀副眼鏡! 有d運仔喎今日!
一點半睇左陣比賽先入番去上DMS, 到左兩點二就頂唔順, 訓左...= =" 都好耐未訓過!
兩點半放左學踢左陣毽, 跟住就累得滯, 坐左o係度睇神鵰, 到左三半先走, 四點去到alan度!
首先又係睇神鵰, 跟住又睇下alan format佢部機, 中毒!
之後又玩頭文字D, 最後玩網球王子, 成六點八先走!
今日都頗累...v.v"
53% 著左波褲返學先至轉涼...

>>February 23, 2004 at 10:14:49 PM GMT+8

2004 年 2 月 22 日 星期日 【炎熱】

head-shake
朝早食早餐, 打機, 時間好快就要兩點喇, 再約佢地去打波~!
一早都預左遲大到....成三點幾先出到上水, 仲同崑去左m記買個包當lunch, 條友話請我飲野同埋食少少野就當係同我慶祝考到個車牌喎, 是但啦, 反正無無諗過佢會咁做, 可以慳番~
成三點八九先去到, 等左一陣就跟隊, 同崑and kwan夾左一次, 之後kwan換番alan今黎打, o係呢度打法唔同o係ive打, 好似無咁撞!
alan今日都有少少發波瘟, 勁turnover lor!
打左無幾場就同人撞左幾次, 第一次同kwan頭撞頭...少事, 好快就無事; 第二次就同chris's brother's fd撞, 係眼角對上個位...大撞一次, 眼前一黑, 不其然令人烏低身掩頭!! 企番直就有少少wing wing地... 不過過多一陣就無事喇, 又打過!
最後一場係同街外人打, 好耐都無同人地打過, 呢三個人包括左1~3, 4, 5號位, 但係好奇怪, 身型最少ge就最活躍係正常事, 但係個4號位打d 籃低似乎無乜料到, d位比我封晒, 佢淨係屈高先射得入我囉, 唔知係咪同benny and sham佢地撞得多, 呢條友好似無乜power! 個5號位就比alan凍結左! 好可惜, 佢地無爆籃入過, 淨係射贏! 全場好似炒左兩三粒jar 佢地, 我未見過有人會準成咁!
差唔多七點就走, 我地去左7仔買野飲, 之後又去左睇陣vcd and cd就走喇...
o係架車度好似有少少wing wing地咁...撞成咁?!?! 可能係太眼訓掛....?
返到屋企食完飯就睇"忘了, 忘不了", 張柏芝都幾好戲! 套戲都幾感人~
打一次波傷一次ge...>"<
53% 睇完"神鵰"第三本喇~~勁好睇!

>>February 22, 2004 at 11:33:28 PM GMT+8

2004 年 2 月 21 日 星期六 【晴】

厚禮?!
可能係成禮拜都訓得少過七個鐘, 今日訓到大約七點就醒一醒, 真係唔得佢死...之後都好難訓得著!
矇矇矓矓咁到左九點就起身, 梳洗, 九點半出門口, 去食野~! 到左十點, lam打黎, 傾左陣又入番去陪mom...跟住就走喇!
kwan遲到, 去到大埔, alan(41206)又未到, 大家一齊遲啦!
十一點幾去沙田green box, 三條仔開房, 唱左陣, crystal同佢個fd都黎埋! 都好似好耐無見過crystal喇, 好似無乜點變, 多得kwan約佢啦!
今日勁走音...可能係去緊另一個階段...我覺得~! 但係就要出醜人前!
兩點就cut左房, 我地五去左無印行一陣, 到左兩點半, may e打黎, 話今日o係我地度dinner, 一個孕婦山長水遠黎食飯, 我唔返屋企食好似有d唔應該! 最後決定左同kwan去睇"拳霸", alan都一齊去, 而crystal佢地兩個就自己行!
趕去買即場, 得番頭兩行有位, 要屈腳, 檯頭先睇到野, d畫面大得可以, 仲好震撼!!
真係唔相信個主角真係唔用替身同wires! 武功之高, 世間罕見, 神乎其技! 我懷疑呢個人係識輕功, d動作有少少反地深吸力!!
呢套戲好有劇情, 唔係一般武打片, overall我比73分~
睇完戲就返屋企喇...may e佢地又唱緊, 等埋崑返到黎, 我又唱左幾句...今日狀態真係不佳!!
食完飯就入左房睇書, may e都入左黎吹左陣水, 又講左好多道理, 唔係係咪想安慰我呢, 但係我睇唔出佢都咁成熟, 同佢個樣完全唔相襯~!
過左一陣, father 入黎又講左一輪野...比我講中左啦, 真係講左出口喇...>"<
轉個頭佢又入黎, 比左一千蚊我, 叫我去拎張車牌, 又比左條車匙我, 口講叫我整下個防盜器, 但係又同may e講:"條匙遲早都比佢架啦", 即係架車我都有份~?? 有少少surprised wor!
may e同佢honey成十點先走, 咁就一日~
53% 今日聽左好多"大人的話"~!

>>February 22, 2004 at 12:54:11 AM GMT+8

2004 年 2 月 20 日 星期五 【炎熱】

考#3--銀城線
十世未試過六點半起身, 今日要試下...勁辛苦, 尋晚又輾轉反側, 每隔個幾鐘就醒一次, 超驚會miss左今日個考試! 壓力之大, 可想而之!
個人都未訓醒就要轉兩次車, 一個鐘頭三個字車程, 精神挑戰!
八點半去到駕駛學院, 無乜精神狀態...好想恰眼訓! 試左架車, 極力子好緊, 次次考試d車就總係會唔同平時學o個d!
等緊九點鐘考o個陣, 心情異常緊張, 一次驚過一次, 深呼吸幾口就安定左..."今次一定得!" 安慰自己!
個考官黎到, 搞掂晒d手續就開車, 狗到佢丫, 竟然唔講去邊條線先, 出到路口先叫我轉右出銀城, 要我連cut兩條線先轉彎! 有架私家車讓我, 唔領情喎我但係, 費事我做多錯多! 一路都去得好順, 可以出到平時學車ge 90%, 但係都有少少失誤, 呢個mistake未出現過...就係唔記得落番二波, 用三波轉彎, 好呢個係最大ge彎黎姐...仲要出番直路先記得無用二波! 死罪...>"< 仲要係衰收尾囉!!
大約九點半考完, 今日無乜車同我作對, 都去得幾好, 成功率都估有一半一半, 一半就係唔知會唔會肥我個三波過彎!!
坐左o係度等result, 成個人軟晒, 壓力大過ive/中學放榜, 因為考一次動軋幾千...仲要係第三次喎今次! 不成功, 便成仁! 到左九點八, 叫名喇, 睇左張成績單, 睇到佢剔左"及格", 成個人都鬆晒, 喜悅左兩秒, 心諗"終於都考到喇咩?", 之後又回復番木無表情, 成個人散晒, 完成大業, 唔駛再顧呢樣! 頭痛, 頭暈一齊黎, 簡直就要命! 再等多兩個字先叫我出去拎番d record and result...搞到我又無上math tutor!
十一點半前就返到ive等上堂, alan(41206)打黎, 比佢做左第一個知tim~!!(my mon先係第一個, 外人另計) 而wai就係第二個黎上堂, 佢做左第二個, benny佢地相續出現, 仲要大肆宣揚...呢d事咁唔光彩...>"<
上第一堂同埋lunch, 仲有之後ge VB都係比頭痛籠罩住...好似作病咁!
lunch 問carman借左張copying card, VB問我拎番, 同佢吹左陣, 終於比我見到佢條仔個樣喇~
本身推左kwan ge打波邀請...最後o係ive打!
打第一場就唔係幾好, 條友唔知係咪比alan佢地打慶左, 想發洩落我度囉! 事緣我企定左雙腳黎偷到佢波, 竟然比佢foul ball wor!! 我問佢foul乜, 佢就惡過我, 仲走埋黎兇我, 話"而家乜撚野呀!", 嘩! 呢d係咩人種?! 咁惡ge!!! 我條氣勁唔順囉!
之後我地都無再打呢邊, 過左隔離場打, 贏左唔少囉~! 頭痛無晒, 越打越精神, 一路直至七點先停手! 兩個alan今日打得好亂...alan(ks)尤甚啦~!
累...
53% 遲左四個月ge車牌終於到手...無乜反應!

>>February 20, 2004 at 10:50:35 PM GMT+8

2004 年 2 月 19 日 星期四 【炎熱】

大考前夕
呢個week真係難捱, 日日都要好早起身, 今日都唔例外, 由於要去學車, 八點就要起身, 好辛苦..= ="
趕頭趕命, 九點食埋早餐就出去, 去到火車站竟然撞到alan(ks), 一齊返學~
我就沙田落, 等左陣車, 又遲左一個字先去到!
今日d車感返左黎, 無咁迷惘!
十一點七返到ive, PF堂有online quiz, 好在返得切! 無溫過書, 淨係做mc都有 6/10~
一點半lunch, 食完野踢左陣毽, 又睇秋水佢地war game, 比人超秒殺~!!
MIA悶過~
放學踢毽, 到左五點幾就走...成日都比佢地串個考牌...= ="
52% 聽日考...好驚...

>>February 19, 2004 at 10:07:56 PM GMT+8

2004 年 2 月 18 日 星期三 【晴】

失準
呢兩日返學都係成身軟晒, 好唔想起身! 但係今日心情都有少少激憤, 因為放十點半, 有得去唱k!
上左兩堂MIA都係無派卷, 由於今日又係放得好早, 都有成十個人無返, 佢地都可能係準備墊我地屍低!!
十點半放左學, 比ar安, aiko同alien佢地拉住, 我同sham, alan(41206)就hea左陣先走, 去neway出發~
由於今日得三條友, 真係擺明去練歌, 唔理三七廿一, 有咩難唱ge都點出黎, 同alan(41206)研究研究~
死alan學人唱和音, 比佢唱到我就可以摺~! sham就繼續練發聲, 我呢? 我同alan練風箏與風, 正啦~
到左唱到一點幾, 我同alan點多幾個"左麟右李03" ge Melody黎唱, 我地開到好大聲, 仲企起身唱, high晒, 我地仲一路唱一路跳, 真係當正開concert咁~ 阿sham就好啦, 比四十蚊就有握手位~
我地咁樣大唱一輪之後, sham都有少少進竟, 算唔錯啦~!
到左三點, 我急急腳走先, 去學車!
遲左兩分鐘, MT-C(mock)就開始左, 我遲到就坐車尾, 等人地開先. 坐呢條友ge車真係好驚...已經黎到考mock ge階段, 仲可以成日死火, 我估都有成五次! 又唔識轉波, 轉彎又入錯線...真係有少少無眼睇!
半個鐘之後就到我, 今日狀態唔好, 學院內入錯線, 死火兩次...無大錯, 只係少問題, 我比自己60分, 而o個條友就20分, 因為真係好差, 好似第一日出街咁囉!!! 今日我都drive得好差, 好似心不在焉咁...! 但係都夠合格standard...運氣真係佔好大部份! 唉...
學完車無野做就返屋企喇...都係好眼訓!
食完飯, 同lam傾左陣電話...20mins
53% 仲有兩日...好大壓力, 真係諗唔到今次考唔到會點!
reply:
re lam, 我無事呀, 心情無乜特別...反而學車o個邊先至係問題, 好大壓力!
re alan(ks), 你地個個都咁睇我...??
re bon, 你地個額頭鑿左兩個字:" 懶, 串"~ 睇唔出你都會走功課, 仲要係present tim!

>>February 18, 2004 at 11:57:05 PM GMT+8