2003 年 10 月 30 日 星期四 【晴】

好著~
等左咁耐(兩日), 今日終於都有機會試下對air flight實唔實用喇, 十點半放左lunch, 我地走左去打波, 對新野果然有d野, 幾好幾好, 唔錯唔錯~! 不過今日打得麻麻地, 輸左比班小朋友....=.="
差唔多十二點去左食野, 一食就到十二點半, 上peter chu堂又遲到, 同埋呢堂佢係教番我地做tutor...勁無聊囉!
一點半放學, 係咁踢毽...經歷alan佢地上堂落堂轉課室直至四點....而我到o個陣先可以休息下...玩得太累喇...! 坐下gary又出埋黎, 又同佢踢左半粒鐘...就黎踢到斷腳...!
都係等唔到alan佢地放學, 一個人返左粉嶺食少少野, 用左$15買個tea, 有杯中汽水, 六舊雞+雪糕新地, 但係點知一擺低o個陣跣手, 杯中汽跌左落chair, 成杯新地落埋地....勁無奈!!!!!!!!!!!!
食埋野, 兜左陣, 又打比yan吹左陣, 跟住等埋崑就返屋企喇...係一個week以黎最早返到屋企ge一日!
雙腿發麻...>"<
today's song—miss u finally
59%

>>November 1, 2003 at 1:35:04 AM GMT+8

2003 年 10 月 28 日 星期二 【晴】

happy birthday to yan~!
成功!
今朝粉嶺火車站唔知做乜咁得人驚, 多人到排隊都無得企! 等左alan成幾班火車, 條粉皮叫我自己走先...頂癮非常!
一返到學校勁少人上堂, 做功課先算! 都估到人少阿sir就會點名, 點知比我估中, 開始要捉下路喇~!
上多一堂就lunch, 時間十一點半, 同kei and 家姐avis一檯食, 好耐都未試過咁喇~! 家姐問左d問題, 佢睇得出, 但係我唔覺...唔通女人d直覺真係咁勁?!
食到十二點幾, alan, fung bee and florence都黎埋食, 咁熱鬧ge lunch場面真係好懷念!!
跟住又係照舊返學校踢毽, 今日終於都成功出到我d "and one"踢毽技術—用腳黐完再"take"上頸黐, 仲要用番腳control~好多人睇到, 勁high~~! 終於都叫做成功左喇!!
四點半放學, 搞埋d野就go on踢毽, 對鞋好咬地, 要習慣下先得, 不過幾好踢~! 一玩就玩到六點三先走, 好眼訓...@.@
打過比佢, 但係又無人聽...好灰...! 好在佢都有online, 問過下, 知道乜事, 叫做安心少少jar......
today's song—吻得到 愛不到
58% 好好著, 鬆鬆地, 但係好貼腳!

>>November 1, 2003 at 1:33:20 AM GMT+8

2003 年 10 月 27 日 星期一 【晴】

新寵~
今朝遲左出門口, 但係架車開得劇快, 可以早到火車站, 而且又可以準時返到ive...!
頭兩堂英文好難頂, 勁恰眼訓, 不過基本上無人會唔訓囉...!
朝早上左三堂就放lunch, 十二點未夠訧食完野, 跟住我地三個又返左ive踢毽, 一玩就玩到一點半, 就o係上堂前, o個班found dip又一齊玩, 又係十幾個圍踢我一個~! 表演性質~~
勁難頂ge math堂終於過去, 呢堂真係無人聽架, 我都訓左半個鐘, tutor有用好多!!
放左學交form交左半粒鐘, 返左粉嶺約埋alan陪買鞋~
真係花多眼亂, 兩對air flight唔同色, 一對純白, 好吸引我, 但係就好易整污糟; 而另一對就係白底深藍邊, 係就係貴少少, 但係個樣睇落好似"come"污糟d...! 經過一番掙扎, 都係決定買對藍色...! 我真係好鍾意對白色...>"< 呢對野著上腳都幾貼, 好咬地, 又舒服, 正!!
逢星期一都去alan度操機, 但係佢無打到...一定係驚輸~! 七點一先返到屋企...
一心諗住食完飯就早d做hw...但係一入屋就見到有兩個唔識ge人o係度, 佢地兩公婆係father d同事, 無lala黎左食飯, 大魚大肉: 有兩碟蟹(一蒸一炒), 一條斑, 一碟菜, 一碟蝦and 肉餅! 仲多過做節!!
成九點先食完飯...時間唔係幾夠用, 仲要係我洗碗tim!!!
account呢科真係要聽下書, 努力d 先得...!
today's song—綿綿
60%新鞋落地~!

>>November 1, 2003 at 1:31:14 AM GMT+8

2003 年 10 月 26 日 星期日 【晴】

吊癮!
好耐都無同佢地打過波喇, 難得penny and 崑都有出, 一定睇下有乜唔同先~
等左好耐, 人齊就鬥波, 感覺上chris d籃底好似準左, 崑就開始有d野, penny就一樣都好撞得, 我呢, 就一d都無準到, 係個架矮左, 好似好易射咁, 不過都無以前咁準. 唔知係咪o係ive打得多, 跳d位好似準左, 可以o係佢地手上搶到籃板~
打到五點幾, 2:2兩隊打和, 不過佢地其中有d人又話唔打, 我條氣勁唔順, 超頂癮, 激無奈!! 無計, 少一個都打唔到, 要走!
打完波, chris, alan, me and 崑去左m記度吹左陣, 跟住又行左陣, 差唔多七點幾先返到屋企...ho tired...
睇完四葉草...次次都係有同一個感覺...幾難頂...>"<
today's song—不要離我太遠...
58%

>>November 1, 2003 at 1:28:56 AM GMT+8

2003 年 10 月 25 日 星期六 【晴】

深圳行...
尋日玩得勁夜, 等埋個頭乾, 要成三點先有得訓著...但係今日九點幾就要起身, 食埋早餐就返深圳, 因為今日阿ma生日!
返到去大約都係十二點, 早到唔知做乜好, 好在買左Monday姐...!
食完野, mom佢地去hair cut, 但係我又唔想, 最後我都係帶本Monday陪我坐!
差唔多兩點半剪完, 返番去就有好多野食, 食左兩隻細大閘蟹, 食完又話食蛋糕, 無時停, 飽死!
之後幾個鐘都係睇下波咁過...好在有波睇姐...!
到左六點幾, 終於都出去食飯喇, 食緊o個陣同阿ma佢地影左幾張相. 跟住就閒話家常咁食飯, 八點幾走lu...
九點半返到屋企...有少少眼訓...@.@"
alan send番尋日d相比我, 睇番好搞笑, gd memories, 只可惜佢尋日無o係尋日出現, 連同快樂記憶留o係我腦海入面...
today's song—舊生會, 聽聽下好感觸...

>>November 1, 2003 at 1:26:42 AM GMT+8

2003 年 10 月 24 日 星期五 【晴】

birthday celebration#3?!
朝早同mom食早餐, 我比錢請佢食, 因為出左糧, "乙水"得佢好開心咁~
alan鬼死都無咁準時, 十點就出現左o係粉嶺火車站, 跟住又同佢一齊返學喇.
十一點半就落堂放lunch, ar sham又照舊撩打...但係佢都改浪射性格...=.=" 打打下比人撞到小峰峰...男人最痛...>"< 打左大約一個鐘, alan 佢地又放lunch, 我就走喇...
同kei, fung bee and alan食完飯又返ive踢左陣毽, 今日ge衣著...戰鬥力減半! 臨上堂前, +x返左黎, 佢同fung bee佢地一齊上堂, 我又有我自己ge堂...直至四點半先放學! 放左學自己踢左陣毽, 到左差唔多五點三就同佢地三隻野一齊出旺角喇...
o係兩條馬路上分別撞到kei and Pierre, 六個人上左neway開房喇~!
我地六個唱下等下又食下, 人就陸續到齊, 總人數如下: "闔家"十子, 阿忠, janet and bonnie, 13個, 勁多人!!
明明今次係話幫pierre farewell, 但係唔知點解會變左同我做生日ge, 我地仲玩到顛晒, 我開左支香檳周圍噴, bon bon中招~不過比佢覆桌, 淋番轉頭~~ 之後切完蛋糕又拎黎玩, alan同阿忠圍"質"pierre, 佢成面成身都係cream, 而我都比佢搞中左唔少, 勁"side"野~ 今次k buffet玩多過唱~
之後avis又玩到倒瀉野, 我對腳又中埋, 黐立立...=.=" 跟住佢又玩到支咪甩埋咪頭, 少左支咪用tim~!
玩到十一點幾我地先散場, 好多人都走先, 佢地第二場玩咩我就唔知喇~
今日好累, non-stop 15hrs...
today's song—假如讓我說下去
68% 你今日始終都係無出現到......有少少失望...不過預左!!

>>November 1, 2003 at 1:24:44 AM GMT+8

2003 年 10 月 23 日 星期四 【晴】

練招!
今日返十一點半, 訓得好足, 全無睡意, 好精神, 都唔知幾耐無試過!
返到ive先醒起無帶notes, 今朝有個open notes test...尋日又唔記得左溫, 不過應該無問題ge...~
一點半放lunch, alan佢地o係度踢緊毽, 黐陣先, 但係佢地玩多一陣就去左上堂喇, 又淨番我地三個. 本身仲諗住出去食野, 但係佢地兩隻野踢毽踢飽, 話o係canteen買少少野食算...算啦, 一日半日! 買完野又踢過, 兩點踢兩點半, 唔知乜, alan佢地轉堂又黎玩左陣...仲有就係比班同學仔行過大叫我個名...=.="
兩點半堂account好專心抄筆記, 但係個miss叫我地唔好抄, 而且講得好快...d教法勁奇, 一堂講一份notes, 仲要overtime 15mins!
放學又出左黎踢毽, 無見一個鐘ge alan又出現番, 同我地四個係咁踢, 今次我同佢練招, 練頸黐同埋腳黐, 即時level up左, 勁!!
踢到四點半, fung bee好英咁揹住書包落黎, 條pk仔賤到走堂...! alan唔抵得又上去拎書包走埋落黎! 佢地痴晒線!!!
我地三個玩玩下比踢開毽o個個found dip boy撩左去教踢(成十條仔, 得幾條女, 共十五人!)似我同alan, fung bee(勉強叫做有d野...)ge技術, 睇到佢地睇凸~ 正~~
跟住踢下又少d, 踢下又走d, 最後得番我同alan仲有兩個found dip...人少少可以繼續練招, 終於都有少少突破~! 玩緊o個陣, 隔離成日都班人走埋黎玩大懲罰, 我地一間間...~"~|||
玩到超累, 六點走人...返緊屋企打左比佢, 傾左陣~hehe~
today's song--姊妹("我總太愛人 迫到愛人 變到朋友再變生疏...")
62% 開始日日如是...

>>October 23, 2003 at 11:54:36 PM GMT+8

2003 年 10 月 22 日 星期三 【晴】

疑人#5
今日都算係大日子, 十點半放左學就同佢地踢左陣毽, 到左十一點七先走, 因為約左kwan出黎做特約演員(簡稱老臨).!
十二點九o係旺角同佢食完飯就出發去觀塘地鐵站等喇...但係一點三去到, 等到成兩點半先人齊囉!! 勁火呀! 跟住好諷刺, 本身同kwan吹緊70X到坐幾耐先返到上水, 跟住人齊就即刻撘車去上水開工喇!!! 勁白痴囉, 都唔知咁早出黎觀塘做乜!
坐車o個陣我真係有計時, 由兩點七坐到三點十...好無奈, 但係上水好有歸屬感...~.~|||
搞左好耐先搵的士去"邊界警察總部", 亦係到左而家先知個目的地!
分左成四架的士, 又等到人齊, 我地一行十七人行左上去個認人室隔離間房度, 過左陣就放我地出去...到左而家我先正式知道係做d乜...而且仲唔係玩ge, 真係要認人, 而o個個總督察madam d氣焰勁到無人有, 個個都靜到無聲出...更加肯定今次並唔係做戲, 場面之嚴肅, 教人喘不過氣!!
有兩個事發當時人企左黎地度, 其中一個企左o係我同kwan之間, 我係疑人5(14...8, kwan, 6, me, 4...1)...我聽到#6勁吞口水, 超驚咁款! 鬼咩, d人身有屎!
到左正式認人, 心情超緊張, 心跳加速! 真係好驚條友仔會點錯相, 又會咁arm 企我地隔離, 叫錯個no.就大穫!! 到左最後, 當時人話試唔到...我地亦都比人影左兩張相...心情鬆晒咁出番去...企左三個字都唔知有冇, 呢d錢得來不易, 嚇死!
等左成半個鐘先有糧出, 壹佰大圓正! 下次有工都會返ge...
最後我地撘番車出上水就散. 同kwan行廣場"睇"野~! 行到六點半就去左m記度陪佢食dinner, 飽餐一頓後就各自歸家lu...今日好tired...
today's song--接受我
60% 等人等得好唔耐煩, 好在有人同我吹下水姐!

>>October 23, 2003 at 12:29:37 AM GMT+8

2003 年 10 月 21 日 星期二 【晴】

happy birthday to me(舊曆九月廿六)~
今日著左打波look返學, 一早就比sham叫去打波...但係我唔係咁想喎...=.=" 十點半上lecture, 聽住李克勤d歌好好訓~ 本身有位同學仔話同sham打, 但係又無場又無波, 所以sham無奈地無得打, 好似有少少唔係幾好咁...
食完野就返去踢毽, anthony放左又黎埋, 成日都有人黎黐毽踢, alan and fung bee食完野又返黎玩, 我地一玩就玩到一點半上堂...驚同佢地d beginners玩得多會level down tim...要練下d新野~!!!
上多三堂就放學, 時間四點半, 又踢毽, 越踢越多人, ar so 佢地成班又黎埋, 加埋alan佢地, 成十幾個人踢兩隻毽...累到抽筋...活動量好似仲大過打波!!
玩到五點九先走...勁眼訓!
回程途中, kwan打黎推我聽日打波, 話有工返, 細問之下, 佢話聽日去做特約演員(咖哩啡), 仲問埋我去唔去tim! 經過一番考慮, 最後都決定左去, 當係去見識下, 去玩下都好~
today's song--對你太在乎
55%

>>October 21, 2003 at 11:03:37 PM GMT+8

2003 年 10 月 20 日 星期一 【晴】

birthday celebration#2(正日!)
尋日一到十二點, 講生日快樂ge人有幾種方法, 首先係ar sham, 佢用icq好似早左少少, 不過都係第一個; 跟住anthony好準時咁打黎, 佢係第一個同我講; 跟住同佢傾緊電話o個陣, ar chi send sms黎, 佢係第一個send sms, 收到佢個sms好開心, 即刻打去傾左陣~
到左今日心情有少少興奮, 因為過左兩堂好悶ge英文堂之後就可以去唱k~!!!
今日約左阿希, wing and his gf, ar sham and wai, 六條友去富豪唱, 點知十一點未夠, 就唱到三點半cut房, 而sham and wai就大約一點半走返去上堂lu, 得我地四個咁盡興~ (wing佢地一對玩得仲誇過pierre佢地...不過咸得黎幾搞笑~ 而死fung bee 同埋alan又話睇戲又唔去...shit~!)
三點半一人行番ive, 跟住約埋耆英一齊撘火車, 再去alan度!
四點半都未夠去到, 但係差唔多五點先可以winning, 今日淨係輸過比alan一次2:0, 最後我仲贏埋3:0先走~
返到屋企同平時無乜分別, 又係一個平凡ge夜晚...!
today's song--錯愛的呼喚
60% 今日我生日, 祝我有今日...
今日收好多sms, thx all~
*20/10我新曆生日, 而我今年ge舊曆生日係聽日呀(九月廿六), 勁過癮~~!
reply:
死fung bee...整到我無得睇戲...跟住alan又唔去, 表面上好似唔係幾關bon事, 但係無理由係你一條女陪我丫, 所以無關係~! 至於你個sms好以遲左d wor...上次仲話我, 彼此彼此啦~

>>October 20, 2003 at 11:38:30 PM GMT+8