2003 年 7 月 31 日 星期四 【晴】

happy birthday to mom!
由尋日開始要習慣番早訓, 一點半就收左皮, 但係唔知點解訓夠八個鐘, 十點起身都咁眼訓, 但係唔理喇, 出去食左個早餐先算!
差唔多十一點到屋企, 即刻開波計maths...what the fuck! 我都未試過咁勤力計數!!
本來想去alan度叫佢教, 但係佢又話唔得, 卒之要移師陣地至我度, 佢又好好人咁兩點前黎到, 淨係做我tutor, thx a lot!!
我地一路溫到成四點就放左自己一個break, 同alan猜下波仔, 分享使用左手ge心得~
四點半再準時入番去開波計數...直至五點九停手, 六點食飯...
今日mom煮埋alan飯, 迫佢o係度食, 理由係mom生日...六點九食完飯, 崑先至練完波返到! 而今日到我洗碗, 洗勁多野...alan未到八點就走左喇..
之後繼續鬥數, 今次到electronics, 如果呢科有pierre教得咁簡單就好...
聽日聽天由命!!
60% 過左聽日就安落晒...但係係最大難關!! god bless me!!
*今日mom 38生日...祝佢心想事成!

>>August 1, 2003 at 12:27:19 AM GMT+8

2003 年 7 月 30 日 星期三 【晴】

logic problems...?!
都唔知罐咖啡係咪咁勁, 六點幾飲完, 到左凌晨四點都未見眼訓...但係夾硬都要訓...不過十點都係出左去食早餐...就黎日夜顛倒喇!
的確o係屋企係溫唔到書, 熱都熱到無晒mood, alan屋企又有人喎, 想早d去都唔得! 等黎等去終於都到左四點出門口, 會合alan同埋pierre去poly u搵avis教數喇~!
一入到poly, 感覺成個人都唔同晒咁...大學果然係大學, 同ive相差甚遠! poly非常之大, 但係就無"大而無當"ge感覺, 每一座建築物都有名, 好似好high level咁! 之前入過浸大, 浸大比我ge感覺係好唔自在, 因為好多梯級, 好有厭迫感! 而poly就好free, 浸大無ge野poly都有, 例如有7仔, 甚至有埋泳池!!
我地三個入左個又大又有電視睇, 出面個泳池又有夕陽照住ge canteen等avis. 等左陣avis sin出現, 但係今日教我ge唔係佢, 反而係pierre....竟然係咁! avis教alan co2! 溫溫下, avis同埋pierre無lala串我囉, 話math同埋electronics都係一樣logic...一樣死第二樣都死...>"<, 衰人s~!
七點鐘, avis去左上堂, 我地三個坐多陣就行左去旺角食飯.
次次去到旺角都唔知食咩好, 始終都係大家樂! 食到唔夠九點就走喇!
撘火車返去o個陣又o係度hea...
返到屋企計左兩題past paper...唉...
60% 2 days left...
ro bon, 明天會更好, 越諗咪越驚, 不如出下街散下心仲好啦! 駛乜等到八月~!
re avis, 你係咪玩野丫~!

>>July 31, 2003 at 1:32:28 AM GMT+8

2003 年 7 月 29 日 星期二 【晴】

past paper...
好好訓呀, 訓到一個破紀錄ge時間--一點先起身, 不過都好似唔係幾夠咁! 但係唔起身都唔得, 因為要去alan度溫書, 食埋個lunch, 兩點拿拿臨同崑去左alan度溫書!
一去到就即刻執晒d野出黎數, 既然係無從入手, 就拎左arm arm考完o個份卷出黎做...點知, 唉....卒之都係要alan全程教住黎做...~"~|||, 而崑好乖咁坐左o係度刨alan d漫畫, 仲靜過我同alan...! 而alan就比我搞到無得溫咁滯...有見及此, 我都拎番佢份notes黎講番邊d重點要溫多d...
用左兩三個鐘先教識左做section A同埋section B一題...我諗都夠合格掛~
到左五點幾...佢地忍唔住又玩winning...我就跟機~六點半先走....
呢個week由星期一至五都無得出去玩tim! 但係都唔夠錢食飯...><"
60% 2 days left...!

>>July 30, 2003 at 12:47:59 AM GMT+8

2003 年 7 月 28 日 星期一 【晴】

請給我一點鼓勵!吧
都唔知幾耐無試過七點起身...就算係平時返學都無咁早! 今日就要試下, 因為九點要出到長沙灣考筆試!!
七點三打比carman morning call佢返工, 可惜佢太累...七點半打多次先聽到電話響... 日日返工真係辛苦!
今日太早起身, 早餐都無食到, 淨係飲左包奶, 八點九去到喇...但係又要等開門!!
九點半先開始考, 做左唔夠一字就搞掂, 為安全起見, check多次, 九點九先行返出去! 跟住落黎就真係悶死, 又要等佢11點3出result, 呢段時間都唔知去邊好, d死人廣場十點前又唔開, 惟有去旺角啦, 慢慢行去撘車消耗時間!
去到旺角真係麻煩, 大家樂同m記都full, 焗住去左大快活! 十一點多d食完個早餐, 跟住就食藥! 見時間差唔多就去返長沙灣...藥力開始發作...勁wing ar...一定係唔夠訓累事! anyway, 都仆到去...好辛苦, d藥好勁...!!
人生真無奈...個個都話返去長沙灣拎result, 但係企門口ge"實Q"先生話打返去駕學院問就得...勁無奈, d engry無晒! 點都要打比mom講聲先, 跟住佢仲質疑我有冇去過長沙灣...我都無乜力回應佢...淨係覺得勁無癮!
唔駛咁多, 直接去沙田問, 十二點半去到, 等左好耐先知, 最終都係得左, 搞掂第一關, 跟住book左兩堂學車, 近一點就走...依然仲係tired到連講野ge力都無!
上半晏完...tired到wing wing地@.@"
難得yan約我食飯, 又餓餓地, 梗係要赴約! 之後佢約埋carrie出黎, 三個人去左海皇粥店食, 好快咁食完就離開佢地, 去alan度溫書!
去到打左一兩舖幾, 又食左粒藥咁又三點半...開始溫書...一堆堆數字o係個頭度飄黎飄去...仲死得快d, 又唔齊notes wor...跟住就stop左喇! 之後同alan搞下部腦入面d email, 六點幾先走! 臨走前, may姨收到風我今日考筆試, 特登打黎問我考成點, 佢知我pass左都為我高興, 仲話我讚....相反, 我返到屋企, 仲要比mom罵我唔book時間考車...做咩姐! 我又食左藥, 又無力, 讚都唔讚句又要嘈, 真係谷鬼氣!
55% 雖然差唔多好番, 但係唔夠訓累事!
*哼! 成日都對我充滿不信任及猜疑我人格...一家人, 請給我一點支持和鼓勵吧!

>>July 29, 2003 at 1:29:01 AM GMT+8

2003 年 7 月 27 日 星期日 【晴】

celebration of mom's birthday~!
一早就同崑去左粉嶺睇佢間學校同人地打比賽, 見到有好多好熟面口同埋好多好生面口ge人, 熟面口o個班有好多人都係同我地打過...就係grade A o個班喇...! 仲比我見到o係粉嶺場入樽o個個靚仔tim! 呢條友今日都有份落場, o係熱身o個陣佢又單手入樽喇, 一直未見過佢入樽ge崑終於知道我唔係吹水! 型爆!!
講番崑ge校隊先, 同佢地鬥o個班人係黎自粉嶺第二個球場(和興), 班人勁到不得了, 三分好準, 而阿超o個隊就少左個正選中鋒, 籃底比人屈死左(敵方平均比阿超佢地高半個頭><"), 結果單憑外圍ge明愛校隊o個無籃底之下輸ball!
十二點差唔多就睇完, 十二點九先搵到mom佢地最會合! 佢同father兩個一早已經排o左係頭等位! 一心諗住實有份坐, 但係點知一路企到沙田先到...頭等...都係不外如是姐...係靜d囉!
去到旺角, mom話費事行到身水身汗, 跟住又走去撘的士去家樂...佢地兩公婆幾時變得咁奢侈架?!
然後我地一家四口去左食十蚊拉麵, 兩點先去green box!
比左間大房我地唱, may 姨同佢個honey老公成四點黎到, 唱左無幾耐有蛋糕食~~
傷風ge我好似對唱歌無乜影響, 仲好似唱得有d唔同平時tim, 係好ge改變(雖然係得少少)~~ 不過o係轉音度好難呀今日...把死人聲丫!
七點三唱完出左去dinner, 我地六個去左間新開張ge餐廳度食, 好似好高級咁, d服務好周到, 但係就唔係幾arm我口味...
八點幾撘巴士走, 食左葯好眼訓...九點九返到屋企, 又要溫書喇...聽日九點要去到長沙灣考筆試!
64%
你地都好有心喎, 個web down左都日日黎, keep住丫~~!

>>July 28, 2003 at 1:21:45 AM GMT+8

2003 年 7 月 26 日 星期六 【晴】

grade A level...
等打波都等左好耐喇...又打風又落左咁多日雨, 今日終於都好天, 屋企電話o係朝早又未整番好, 又強行叫左alan約人打~ 可能我地個個都屈得耐, 所以一個二個都好快咁話去, 2:45同崑去到~!
一去到我地兩兄弟連同alan同左一班中學小朋友鬥波...佢地屎到飛起, 全場由崑做左主力...唉~英雄無用武之地~! 第一舖順利贏波!
跟住kwan, ho and 耆英相繼黎到, 然後我地三個就以同樣陣容同佢三個打...死耆英今日準到死, 坐地炮啦! 但係帶點"有勇無謀"...!
今日打襯都輸咁滯...隊友唔爭氣啦...><"其實今日我都算準架, 比佢地睇到ge只係我調校緊個手肘位時表現, 我今日d急停跳射好勁~!
打左唔知幾多舖, 一班屬grade A level ge人黎跟隊, alan+kwan+chris好難先贏到, 跟住要打多一隊, 佢地比神射隊林左, 應該係敵唔過自己ge体力!
到我地(me+ho+耆英)落場喇, 對住強隊豪無頭緒, 好在仲有耆英d神射...就憑佢一己之力拎左一半分數而贏波...!
跟住落係打一隊比我地更ge人, 又有身位(高半個頭), 準o個個又肥喎, o係佢內外兼施之下, 耆英又失準, 勁射airball, 我地得拎左幾分就game ball....好無奈!!
我同崑去到m記就走先, 淨低佢地五個o係度坐...!
返到屋企...九點幾我發現我有左傷風!! 最憎呢種感覺!!
62%
波就輸得好唔抵, 但係最唔抵莫過於買野飲!
事發係ge: 打波打到慶晒, 自然就會去汽水幾買野飲, 點知入左錢後先唔出野飲, 拍極部機都無反應, 跟住要我買第二部! 轉個頭我又黎過, 見到kwan買到綠茶, 我就諗住飲紅茶, 入左十蚊落去, 部野識嘔番五蚊出黎, 但係無野飲出!! 跟住我走過去office度問過究竟, 可惜就係佢唔受理...因為部機唔係佢管! 即係我淨係比部機食左十蚊!!! 簡直係恥辱! 呢個世界上仲有邊部機識找錢唔識出野飲丫?!
grade A level? 好似遙不可及!

>>July 28, 2003 at 12:47:27 AM GMT+8

2003 年 7 月 25 日 星期五 【陰】

元朗遊...
好難得今日十點前可以起身, 跟住同菎去左食早餐, 又返屋企喇跟住...
崑又話要買新鞋, 為左買平野, 費事浪費幾十蚊, 就去左元朗carman間shop度買喇, 我地成兩點先出門口, 點都估唔到由屋企出去上水都要成半粒鐘! 跟住就兩點八上車再去元朗, 三點去到...淨係車程都一粒鐘!!
落左車都唔知做乜好, 想搵間p仔記坐下又唔知o係邊...兜兜下就去返某大廣場搵其他野食! 今次真係執到寶喇, 去左間叫做"博多拉麵"度落腳, d野食真係平, 自選3樣"宋"+拉麵+1杯芒果蘆薈珍珠綠茶先係廿蚊! 正~不過杯野飲就細左d~!
食完o係間廣場都行左陣, 差唔多四點幾就去左carman間東月度買野喇...!
死崑三心兩意, 揀極又唔arm, o係度磋跎左好耐, 而我呢, 買左個super-x ge手提袋, 再買多對鞋帶先至$99, 真係平喇~ "色誘(識有)人"有九折~
差唔多五點撘車返上水, 買左隻$19蚊ge dvd返屋企睇, 六點三返到!
而隻dvd係伊滕潤二ge"案山子", 好悶ge!
60% 好懶...

>>July 26, 2003 at 1:12:20 AM GMT+8

2003 年 7 月 24 日 星期四 【晴】

溫書...
經過尋日等電事件, 一online就寫日記, 跟住又玩下咁, 又成三點半先訓, 今日倒頭至十二點, 又比lok 個電話嘈醒, 今次真係有聽佢電話, 話晒佢又係揀左讀白英奇, 都叫做"師弟", 咁就拎晒室內設計d野借比佢用...簡直係大贈送~!
跟住返到屋企又係好無聊咁過, 一點幾食lunch...之後又icq, 又打機...
到左三點半, 同崑跟左mom出去附近吃tea, 食完又hea左陣, 成五點先返到屋企..
到左六點八又話食飯, 跟本就食唔落ge, 但係d飯又比個電飯煲搞到不知所謂, 得一半熟嗎?! 好在之前煲d落粥姐...如果唔係連飯都無啖好食!
條死人喉嚨呢幾日唔知做乜, 好有問題...跟住左飲左杯好啃ge"鹹竹蜂+甘草+花旗參"浸成ge水...有兩隻蜂ge屍体o係度浮下浮下咁...味道都入得口ge, 不過真係好有效!
跟住落去o個幾個鐘都好無聊, 意識到時間好唔夠用, 拎左駕駛學院d mc出黎溫...今日總共做左成50幾題, 已經過左一半! 但係仲未溫過math and en....
60%
尋日打風, 停電都停左兩次, 麻乜煩! 仲搞到連條電話總線都out of order, 即係屋企無電話用, 勁唔方便囉!! 要星期六先可以用得返...但係幸運地我尋晚臨訓前記得pull out條modem電話線...如果唔係可能無得上網咯!!

>>July 25, 2003 at 12:26:43 AM GMT+8

2003 年 7 月 23 日 星期三 【雨】

停電.....
今朝又係十一點幾先起身, 仲要係比lok 個電話嘈醒tim!
跟住就餓到一點幾先有野食! 食完野就去左yahoo度同yan篤波, 對住佢跟本就無得輸, 一路係咁贏! 直至佢四點鐘唔玩...跟住我就同d唔識ge人玩...輸左四舖運氣, 唔見左一百分! 下次我會小心d...!
之後都無乜事發生, 直至到我十二點前接手online, 玩左唔夠三個字就全屋停電, 而停ge唔只我地屋, 隔離幾間屋都無電力供應! father又醒埋...一手比左張電費單我, 叫我打去中電問下...佢就繼續訓佢個好覺...! 開頭打左幾次都係busy line, 跟住我就唔理喇! 打去比yan傾左陣...到左十二點九打多次, 今次通喇, 係個男仔聽, 真係佩服d人呀, 要24hours on call!! 今次我做左樣好有貢獻ge事ar~!
跟住就打比好耐都無傾ge阿姿, 電話中, 叫佢幫我去日記度講聲寫唔到, 唔該晒, 整得好靚~ ^3^
到左差唔多兩點, mom話有電, 跟住又要我開番大掣~ 跟住就有番電lu~!
62% 停電兩小時!
o係呢停電ge兩小時入面, 打左好多個電話先打到去中電...打得好即極, 可能係熱得滯無冷氣, 又或者可能係為左寫日記掛~~
reply:
唔該阿姿幫我留個咁ge靚notice, 雖然而家呢個notice無用, 但係我唔會delete ge~ thx again~ ^3^~

>>July 24, 2003 at 2:43:50 AM GMT+8

2003 年 7 月 22 日 星期二 【晴】

i back~!
今日一起身把聲就拆拆地, 都唔知做乜...可能四點先訓...又可能係尋晚d野食太刺激! 好唔舒服...把聲jar...!
lunch又無得食, 好難先忍三點出去打波! 而我ge lunch就係一包大麥精...做乜好似節食咁....!
崑一早放學就黎到, 佢同佢班fd都o係度, alan係最早到o個個, 死kwan and chris又遲大到! 襯仲有体力, 一於撩崑one on one, 拆佢掤牙! 佢以1:5大比數落敗! 唉, 知道咩叫大言不慚未~!
alan個樣好似狀態大勇咁款...成日都想入樽...好似差少少jar...!
人齊就叫左崑佢地四個出黎玩半場四打四, 我地最強4人打佢地ge最強4人...簡直就係大同地之比~佢地輸到慘不忍睹! 跟住仲打佢地唔打tim~
講番今日我ge狀態, 開頭就真係差到不得了...就係因為咁, 我先叫崑同我one on one, 諗住射番順, 點知都係死...勁射air ball, 好似唔識射咁! 打完四鬥四之後, 有好多時間休息, 見自己好似唔識打咁, 就叫alan同埋kwan幫下眼, 教番正少少d射姿先...好唔慣!
等左好耐, 過左去斜對面場同人鬥, 一心見佢地好似好屎ball咁就一定贏梗, 點知我地先入七粒, 跟住比人反入十粒而輸波!! 條氣好唔順! 係因為我地太過輕敵而死! 一定要覆桌!!
機會黎到, alan, me, kwan落場, 最強o個三個壓陣, 係咁贏...不過打埋d cheap人(其實又唔係太cheap ge, 因為佢地又唔係無反抗能力, 但係地又一定贏梗~), 我鏟籃好似強左少少, 而d中and 遠距離都好似返緊黎喎~唔錯唔錯~! 最正都係我d傳送, 好辣呀~~最衰就係alan la, "side"左我幾波必中ge alley-oop, 仲有一球十年難得一傳ge向後tip pass又唔入喎~! 正衰人~~~~
打到七點, 我地贏左都走, 好英~!
完喇今日!
68% 神射, 返黎呀~!
記得今朝同kwan and yan篤ball(yahoo), 我終於都試到1 Q清袋, 對手仲要係kwan~~! 勁!
replay:
to alan, 你d中距離去左邊...浪費我d靚傳~~
to kit lam, 喂, 好耐無見啦, 真係要搵日出黎玩~! 又睇唔出一叫你會即黎留言喎^^ 但係你有冇睇到d日記架?! anyway, 黎多d la~

>>July 23, 2003 at 12:58:22 AM GMT+8