2003 年 12 月 9 日 星期二 【陰】

得定唔得??
今朝勁唔想起身...但係都早左去到火炭, 一落火車就撞到alan(41206), 跟住就打埋比ar sham, 約埋一齊去canteen~
一返到ive, 佢地兩個一個去拎冷, 一個去買書, 我就食住等, 發覺今個week好豪...=.="
到左差唔多九點三先上課室, 勁少人囉, 廿都唔知有冇, 所以阿sir今日點名喇...比我捉到佢路喇!
十點半ge lecture堂, ar sham捉住alien黎問織野, 而我又發手痕黎玩下, alan(41206)坐我隔離, 成堂都o係度同我估揭後語, 勁搞笑喎, 估唔到有人同我咁arm "feel"!!
十一點半lunch, 第一次全仔, 仲要係十個一齊食囉!
食完野又返去踢毽, 到左一點九先上到課室. cindy佢地都返晒黎, 原來cindy都有份拍"鬼馬狂想曲", 佢尋仲去左幫tvb拍"東華", 原來佢都有做老臨經驗, 不過呢d經驗唔係人人都可以有, 非常難得!!!
三點半msa有test, 都好似無溫過咁樣, 要靠撞, 都無精神溫ge...一到odd week就好鬼忙ge!
四點半又踢毽, 今日狀態唔係幾好, 好屎呀! 臨走前見到個alan X2 + fung bee + me都話好得ge人 但係ar sham就唱反調, 太黑喇, 到底係得定係唔得呢?我地帶住呢個疑問黎離...
到最後又係得番拾火車o個幾個人一齊走: me, sham and alan X2 ~
夜晚o個陣, 見到mom o係度織野, 即刻走過去問佢點織, 過下手癮咁~
that's the end of the day
58% 雙腿發麻...=.="
replay:
to bon, "alan"都唔算特別多...我o個班仲有個叫做"豪仔"...問你死未!
to aiko, 我都"唔覺意"咁睇到你個留言~
to cindy, 估唔你都黎喎, 睇完ar sham o個d係咪覺得我呢d少字d好吸引呢...不過你睇佢同睇我都一樣姐...佢做乜我做乜ge...頂多咪睇下d gramma...!

>>December 10, 2003 at 12:48:26 AM GMT+8

2003 年 12 月 8 日 星期一 【微冷】

眼訓
今朝六點半先沖完涼, 攬住個枕頭眠一左眠, 七點就比鬧鐘嘈醒...猶豫到七點半先決定左唔返學...因為真係頂唔順, 對眼睜唔開! 打心一橫就訓八點半, 唔可以話訓飽, 但係一陣就係一陣!
食左野就返學, 精神左少少, 飲左杯啡!
十點半準時返到, 會合返佢地去上peter chu, 由於教番logic gates, 可以訓得~!
lunch benny同埋地三個一齊食, 吹水時間...食完野就返左ive, 踢毽都無力啦, 但係佢地話去打波...=.=" 但係又唔知邊度黎多力喎, 打波o個陣又鬼打都無咁精神! 之後臭希(terry)又黎左打, wing同佢條女同埋wai做觀眾! 我同希都戴左冷帽黎打...勁怪!
成兩點先去左上math, 都係無心聽書, 同ar sham研究佢條亂織ge頸巾...=.="
放左學又打波, 主要都都係教ar sham打底, 要善用身形先得架! 打打下alan(ks)都黎埋, 兩個alan都齊~ 我同benny+alan(ks)一隊, 贏左好多, 最少有成五六round!
但係到左有一隊好似好勁, 其中兩個仲成個校隊咁款, 打得好激, 最後都係贏左, 但係人地計少左分先贏到!!
之後等埋alan(41206), sham就走, benny就同埋我地一齊撘火車...~!
返到粉嶺, 打左比佢一陣, 但係佢要溫書, 傾左陣就話要收...好無奈囉!
end of day la...very sleep!!
60%
to alan(41206) and sham, thx a~!

>>December 9, 2003 at 12:48:19 AM GMT+8

2003 年 12 月 7 日 星期日 【晴】

鬼馬狂想曲~
而家已經係大約清晨六點, 我先至返到屋企無幾耐, 去邊黎呢? 係去左粉嶺戲院開戲, 戲名"鬼馬狂想曲"~!
本身約左janet佢地影畢業相, 但係有工返, 又無乜理由唔去, 唯有dinner先join番佢地!
八點幾已經同崑去左粉嶺, 仲夠時間食埋個早餐, 到左差唔多九點, kwan, me, chris同崑都人齊, 人地都齊晒, 就撘車去戲院喇! 但係出發前比佢捉左出噴番黑個頭, 勁柒呀!
咁都唔止, 去到戲院又要比d美指check, 一人都派一件樣衰T-shirt, 而唔唔好彩ge就要換埋條小喇叭牛仔褲...我就係其中一個喇...柒到無野好講...懷舊至70年代!
十點前已經有野做, 我又要同kwan佢地分散, 勁悶囉...=.="!
一轉左個場就見到吳振宇喇, 勁有星味喎! 為求做出一個迫真效果, 臨記多到可以谷爆一間戲院! o係也之中就有張柏芝, 古天樂, 吳振宇, 劉青雲同埋twins!
張柏芝真人同上靚無乜分別, 不過真係好似靚d lor, 不過都係瘦架喇! 可惜不失佢ge顛喪本身
古天樂就黑黑實實, 高高大大咁, 無得頂! 不過又係煙剷黎ge~!
吳振宇同埋劉青雲兩大影帝就好少講野, 可能要陪養感情啦! 劉青雲就o係我前面隔離, 成日都唸唸有詞, 原來係自己同自己排緊戲; 而吳振宇就成日都好嬉皮笑臉咁, 又成日都講錯野, 但係一埋位就好堅, 無乜出錯, 好合導演要求! 但係後者甚少發表自己意見, 而後者就會有好多意見比到導演, 好有自己發揮機會! 兩者ge共通點都係好肯考新人做戲~!
古天樂無乜發揮機會...
twins ar...大小姐囉, 尤其係阿sa la, 成日都食ng, 要全世界黎過!
而我地臨記呢...就係要成日都扮大笑, 但係又可以有聲喎! 功麻煩!
兩點幾先lunch...二百個人食飯盒!!
到左七點幾, 都仲未走得, 要打去fung bee度推佢地tim...到左八點幾九點先有飯盒食!
一拍就到四點半...勁難捱呀, 眼訓+生理需要+心理問題(要返學)!
五點一收糧就去左7仔度買左廿蚊野飲, 三幾下就吹完! 跟住同崑一齊撘的返黎, 勁眼訓喎!
真係要考consider 下星期日仲去唔去做!
end la...ho sleepy @.@"

>>December 8, 2003 at 6:13:42 AM GMT+8

2003 年 12 月 6 日 星期六 【炎熱】

重遇~
成朝都無野做, 又想去打波, 但係粉嶺場又封左, 都唔知點好, 最終都係打左比佢地, 叫佢地去上水打! 咁arm 又見到lam online, 同佢吹水吹得晏左, 成三點四五先出門口, 但係有好消息, 佢知我地日可能唔得閒出黎唱k, 今日特登黎上水搵我地~!
成四點先去到球場, 得五條友, 我同alan跟隊跟左好耐先有得打...但係到我地o個陣又唔夠腳, 好在咁arm 見到以前同學po kin, 由於我尋日穿左水泡, 又有少少体力不足, 今日變左漏洞...輸左比耆英!!
而lam又o係呢個時候打黎, 正好離開呢個傷心地, 去接佢過黎~!
成年幾無見, 都差唔d唔認得佢, 負離左啦, 同埋好似高左少少咁啦, 大致上都無乜點變...~
同佢行番球場, 我地當係啦啦隊, 幫場內alan, chris and kwan打氣! 係一邊食風一邊打!
之後就行左入去運動場度傾, 睇人玩, 再等多陣佢地輸波就走喇. 我地五個去左老地方--m記坐左陣, 又交換相睇, 睇佢以前同人地影相勁親密囉~~
最後佢地陪我買埋麵包就走喇, 真係同lam好耐無見, 唔知聽日去唔去得成唱k lei~?
八點幾kwan打黎, 話聽朝粉嶺有戲開, 唔想都要做一次...甩janet底...但係一定會同佢地一齊dinner!!
end of day la~!
59% 漏洞, 奇恥大辱!

>>December 7, 2003 at 12:06:23 AM GMT+8

2003 年 12 月 5 日 星期五 【炎熱】

激戰!
今日返學遲左少少, 但係返呢堂dcn tutor都唔係幾上堂ge, 因為lecture o個陣都無上過咁, 而家都唔知做乜! 但係我都盡力去做, 唔係就實死得!
十一點半就放左lunch, benny帶左我地去個board度睇下ive 籃球院隊, ive隊好似港隊咁...有翁萬特同埋呂楚威o個d...屈機ge...!
跟住我地五個:拍柒(patrick), benny, sham, wai and me就去左美心度食...得個貴!
食到十二點半就返去踢毽, 之後terry, hunter and kee, fung bee, kei, alan(ks)又加入, 即時無乜得踢, 到左一點八先上堂!
堂死人VB真係唔過癮, 個阿sir成日都串77, 好頂佢唔蒲!!
三點半放學又係踢毽時間, ar wai玩到差唔多四點半就走, 得番我, sham, and alan(41206), 三個人可能悶得滯, 唔知邊個提意去睇ball!
陰差陽錯之下我地跟埋隊, 一心諗住可以同d kai野玩下, 盡一盡興就走, 但係可惜對返擺明想我地死, 叫左三隻勁人出黎玩, 跟兩次都係, 兩次都係比同一個人射死, 而ar sham就其中一場勇戰受傷! 叫左隔離場兼隔離班個Lee Ting Fung黎代佢! 我地好努力, 我睇o個個都已經凍結左, 但係佢地射波負碌得很, 射死就無好講啦!
打極呢邊都係輸, 打下隔離場demen佢地, 兩個tingfung+alan都係輸, 因為人地有一個高我半個頭, 一個好撞得, 另一個爆籃力超強, crossover勁靚! 我比佢屈高之下又輸波...=.=" 自問已經盡晒人事!
打左一兩場都係輸, 之後就同kee and ben 佢地互揪, 點都係輸...>"<
我地由四點半就打到七點八先走...腳上ge水泡打到串埋, 甩皮勁痛!
最後又係sham, me and alan三人行, 近期都係咁~!
sham佢地落左車就打比kwan吹左陣...返到屋企都過左八點半, 成九點幾先食完飯, 真係勁耐都未試過, 兩大碗飯, 一罐雪碧同埋一隻橙, 超肚餓!!
明明話左今晚打比佢....但係又咁夜, 都係聽日先喇...明日復明日...!
59% 打波打到天黑...無奶力喇!

>>December 6, 2003 at 1:03:57 AM GMT+8

2003 年 12 月 5 日 星期五 【颳風】

磨樹...
尋日mom織左頂新冷帽, 今一可以一戴~!
遲左出門口, 早餐都係好趕咁食完就走, 去到火炭又咁arm 咁撞到alan(41206), 跟住就一齊返喇.
上左堂math tutor, 之後十一點半就上PF, alan又坐隔離, 由於係講tips關係, 我, sham, alan, cindy,威, 就坐埋一堆, 超無聊! 威and cindy睇magazine, sham玩手提, 我同alan就唱埋d老餅--李克勤ge舊歌, 真係點都估唔到呢班會有知音, 而佢ge老餅情度唔會比我遜色!
好難捱先到左一點半lunch, 走左好多人, 得番cindy, me, sham, wai, steve and alan, 而cindy好似喪左咁, 啜完支筷子又浸落alan d粉, 同埋杯tea度! 咁都唔算激, 之後佢"了"完牙, 將支牙籤整落alan度野度攪攪攪! 勁變態!!
食完野去左踢毽, 玩左一陣, fung bee, kei and alan(ks)又黎左, 又係兩個alan...~
兩點八先去左上MAS, 個miss又o係度9 up! 都唔識教書ge! 插人佢就叻!!
三點半放左學又係踢毽時間, wai就四點半走左, 淨番我地幾個就多玩喇! 踢踢下毽走左去磨人!
第一個本身係豪仔, 但係alan(41206)比佢一個反壓, 按住o係地下, 我都費事幫手喇...跟住秋水, 豪仔同埋團長就一湧而上, 祝左alan去祭樹! 可憐ge佢比豪仔整落地下o個陣整損左個背脊!
第二個當然係豪仔喇, 覆桌呢d野我一定幫alan, 揀左一支好光滑ge燈柱佢受~! 最後係頭落地, 撞親個頭~!
第三個唔知點解會係我囉, 無lala就比秋水佢地圍...=.=" 擺左我上樹, 一磨之下怪事就發生! d樹皮係咁脫落, 搞到我成褲都係, 好在係長褲姐!
最後都要搵多個人黎做, 豪仔又黎過, 今次係無乜理由架, 總之又係擺左佢上樹, 等佢玩個夠!
最衰就係捉唔到團長!
到左五點半, fung bee佢地又放, 玩左一陣, 兩個alan, sham, kei and me就撘火車返喇, that's end.
夜晚就好努力咁睇埋本射鵰, 仲有幾頁留番聽日!
58% 聽日做秋水同埋團長!
聽日ar shu就起程去加拿大, 祝讀到好書啦!
今年佢已經係第三個fd走...

>>December 5, 2003 at 11:00:43 AM GMT+8

2003 年 12 月 3 日 星期三 【颳風】

Last dinner
今日好準時咁返八點半, 上到去先得小貓三四隻! 行返學o個陣飲左包熱朱古力, 搞到我上堂有d肚痛! 到左上堂十點半, ben 出緊去門口o個時wing左...都唔知咩事ge...=.="
放左學都唔知做乜好, 首先我地好多人踢左陣毽, 跟住就跟左班長佢地去打波喇!
同左alan(41206), benny一隊, 睇落有少少屈機(雖然係!), 但係我地並無屈到籃底, 反而係好有組織, 好似夾過咁! 唔錯丫~!
我地只係輸過兩舖...但係打左都有成五六場, benny仲只係打左其中一兩場tim, 都算係有所交代!
打到停晒手, 個個都想走, 唯獨ar sham唔夠喉, 仲要撩人鬥! 佢開到口, 唔打都唔唔得啦, 唯有認命!
開頭只係由阿sham做進攻點, 我同alan當留力, 對手仲得意洋洋, 到我同alan力, 佢地跟本就頂唔住! 反輸比我地!
打到一點幾, ar sham抽筋, 由alan(71202)代替, 兩個alan同時出場, 叫佢地走位都唔知邊個認我! 結果對手慘死我地手上, 打到個肥仔興晒! 我地只係談笑用兵!
我同alan(41206)扶ar sham去火車站, 再行番去沙田食野, 好似有d無聊咁!
我同佢由三點三吹水吹到五點先走, 今日無所不談, 連kwan黎左都唔理, 比本17佢睇算數~!
到左五點本, alan(41206)走先, 而ar shu好準時咁出現左, 真係有少少唔係咁認得出係佢, 同我一樣, 都係變化甚大!
Chris未到, 我地去左muji同埋機舖, 等到七點條友仔先出現!!
我地都猶豫左好耐, 最後決定去pizza hunt食, 一入門口就見到kiko, 打聲招呼有著數~! 跟住我地又食又吹咁, 眼見窗外馬路吊左燈飾, 場內又好有節日氣氛, 勁有christmas feel~! 食完野又玩左"D係乜野?", kwan玩左陣先記得有玩過, 但係都比我愚弄左幾個字, 而chris同shu就比我同kwan玩左成半個鐘, 甚是搞笑, d答案似是而非, 又九唔撘八, 玩死佢地~!
到左九點多d, 我地埋單, 同kiko單左聲, 佢幫我地打左個八五折, 識得佢真係好!
我地四個都撘火車, o係火車上面影相, 都影左成十幾張, 應該係同shu ge last一次影相lu, 祝佢一路順風啦!
十點半返到屋企, 今日終於都停左喇!
59%
to alan(41206), 我啋過你丫, 呢d咁ge新聞要唔要都擺啦, 但係講真, 你真係好有潛質做社工! 又好佩服你個堂阿哥, 驚為神人, 佢前世係諸葛亮?!

>>December 4, 2003 at 1:05:46 AM GMT+8