2003 年 12 月 29 日 星期一 【炎熱】

囍
朝早流流九點就比崑同mom嘈醒, 鬼咩, 崑返學遲到, 仲唔嘈到拆天! 跟住十點去左食早餐, 十一點幾先返到屋企, 之後ge時間又係好似平時咁好無聊地渡過...
到左四點, 全家人都準備換衫, 沖涼ge沖涼, 洗頭ge洗頭, 為ge係扮個靚樣出黎去飲親戚ge喜宴, 有米到佢地丫, 去尖咀某間酒店擺酒喎!
姑婆同我地同車, 大約五點三出法, 去到尖咀兜左個圈先知o個間"咩咩嘉福酒店"o係邊!
甫進入酒店, o個種堂煌ge氣氛何其迫人! 直情會覺得著波鞋入呢度會好低級, 好在我著左對boot姐! 又覺得自己做乜會唔著老西黎...呢間hotel太過有氣派!
去到個recept, 見番好多成八九年無見ge姑姐, 個個都話我型左囉, 可能係個頭set得太行~! 跟住又話崑高左好多...=.=" 都係ar英姑(英姑姐--以前同樣都係基新同學)同我close d, 好搞笑~
六點三去到, 九點半先有野食...勁餓囉! 不過黎hotel飲真係唔同d, 可以連公筷都慳番, 皆因有專人"不"埋, 夾埋比各人(一張檯一位waiter/waitress), 同食殘廢餐無乜分別~! 不過都好, 我又咳又乞chi, 唔駛轉到成場都係~!
同檯有位阿婆(唔知咩遠房親戚), 佢就勁搞笑, 成日都講野, 又有少少串咀, 差d搞到我地噴晒野~!
一路係咁食, 中間雖然係有d玩新娘新郎, 但係就無乜氣氛, 個mc都唔識做ge~!
到左十一點半先至叫食完, 拿拿臨走lu...食日好tired...病病地咁...!
54% 第二日...

>>December 30, 2003 at 1:33:57 AM GMT+8

2003 年 12 月 28 日 星期日 【炎熱】

無默契...
等左星期日好耐, 今日終於都到左, 因為好似成兩個week都無去過同chris佢地打波, 今日可以出手喇!
同崑出左去, 行左一陣先去到球場, 一開始打o個陣真係好似唔識咁, 同kwan完全唔夾, 之後chris黎到, 我地三個再一次出現"奇跡隊", 但係我地都好似成一個月無咁夾過, 完全唔知想點, 同chris重覆走埋同一個位! 死未丫...一d默契都無, 咁樣又點贏呢...好在之後都贏左chris阿哥佢地!
隔離場黎左一隊1個高佬+2矮(一快一慢, 但好準), 如果淨係講進攻, 我地三個會好過佢地, 佢地三個都差d比我從手上偷走佢地個波(好似都偷左一兩球), 不過好喘! 最無奈就係兩個矮人比我地收復左, 但係高o個個就向住我地屈機, 太高, 無計, 成日都比佢爆, 條粉腸又唔係好有技術, 隻右手反手, 左手出小動作--推開人, 最可惡就係格衰+樣串!! 但係好想執劑佢!! 最衰alan or benny唔o係度, 否則呢條友一定無好死!!
之後又同另一隊高佬打, 最後都係輸, 但係我心悅承服囉, 人地真係贏技術, 無小動作, 唔衰格, 同埋無串咀!
六點慘敗而回, 兜左陣先走, ho tired!
夜晚食飽飯又開始織野, 而家到大脾, 就黎上腰喇~^^
55% bull shit! 打波打到不知所謂, 仲好似獨食左!
reply:
re魚, 澄清番先, ar chi唔係佢邊度, 不過佢係返大陸姐, 成個假又無左, 等左三個月ge長假都見佢唔好, 感到好無奈姐!!
re lam, thx a lot~

>>December 29, 2003 at 12:10:11 AM GMT+8

2003 年 12 月 27 日 星期六 【颳風】

織織復織織...
呢幾日都係好悶好悶咁過...日日都係早餐, 織野, tea, 打機, 織野, dinner, tv, 織野...咁搞法遲早近視...@.@
晏晝十二點幾同ar chi傾左半個鐘多d, o係佢走之前留番少少回憶比我過呢個假期~!
一邊織野, 一邊睇中文金曲, 有好多好歌聽到, 唔錯~!
睇番無線ge"全年大事回顧", 講番起沙士o個陣真係好恐怖, 日日都活在惶恐之中, 好似出親街就會中招, 中招就入廠, 入親都會死咁, 雖然唔知有冇咁誇張, 但係今年真係係出我出世以來最難忘! 先後有沙士, 張國榮自殺, 大車禍, 五十萬人遊行...要幾霉有幾霉!
瘟神快走!
52% 織織復織織...

>>December 27, 2003 at 11:27:12 PM GMT+8

2003 年 12 月 26 日 星期五 【炎熱】

boxing day
boxing day ge禮物就係收到佢d sms...=.=" 好過無啦!
朝早食完早餐就開始織頸巾, 其實呢條野尋晚已經開始織, 錯左好多次, 都拆左好多次, 我估到左我拆第十次之後, 先知邊度錯! 跟住就無錯到喇, 十一點先正式織(無拆開始計)!
到左一點半, mom話去睇花鳥蟲魚, 叫我同埋崑陪佢, 今次都無乜野行ge, 又悶...
到左兩點幾三點, 我地上左上面廣場食野, 之後最去粉嶺中心, 見到四葉草入面兩兄弟, 蔣怡同埋何婉盈, 李逸朗原來都係普通人一個! 反而蔣怡就成個model咁啦, 而何婉盈果然係港姐出身, 真人靚過上鏡勁多, 八十分!
行到無野好行, 我地三個都走喇, 差唔多四點半返到屋企, 我又落手織我條野, 到而家都織左一尺(地下數上去上五寸下五寸咁高), 進度都算快, 我要有我自己咁高!
52% 走了嗎?


>>December 26, 2003 at 11:21:28 PM GMT+8

2003 年 12 月 25 日 星期四 【炎熱】

merry christmas...
今日正日christmas, 但係無人約, 荷蘭橙...
尋日成三點半先訓, 今日十二點半起身都tired到死, 又無乜心情, 因為佢話27就返大陸, 即係意味住呢個假期又會見佢唔到, 眨下眼就一季...
全日都係icq 同聽歌渡日, 三點先食完tea返黎(breakfast+lunch+tea), 坐左陣到四點, 開左阿某君同某君ge"二人之重唱"黎睇(vcd), 一睇就六點半...
個夜晚又係好無聊咁過...到左十點, 我終於都肯拎起d冷, 落手織o個條頸巾, 拆左好多次..=.="
50%merry merry christmas, lonely lonely christmas...
reply:
好耐都無試過咁多人黎留言喇~!
to fung bee, 你都淨係仔, 仲join埋你做乜?!
to bon, 今年平安夜真係難忘!
to alan, 可能係你剋住我...just joke!
to carman, 舊年寄開無理由唔記ge, 但係估到你今年會咁遲囉!
to ka lok, 你有工返都叫做有d野做, 你睇下我, 全日都係o係屋企jar!
to chris, 無解架喎...都無乜情啦尋日, 又ho tired! 今日起身後腰酸背痛!
to yan, merrychristmas!

>>December 26, 2003 at 12:44:49 AM GMT+8

2003 年 12 月 24 日 星期三 【炎熱】

平安夜...灰
尋晚傾icq太興奮, 唔記得左訓覺, 搞到今朝得五個鐘訓到, 但係都無所謂, 因為今日實在太過開心, 而且心情異常緊張, 因為佢話今日會出黎~
今朝堂MIA邊左自修電腦堂, 都無乜人交classwork, 我地一邊上堂一邊玩篤波同埋心理測驗, 個後生阿sir無阻止都算, 佢仲坐埋落我部機度玩埋一份, 激搞笑呀佢~!
十點打去morning call, 無人聽, 開始覺得會有阻滯...
十一點半, me, alan(41206) and sham去左旺角開房唱k, 開左四個, 預埋chris, 而仲有一個...當佢唔黎辦啦...
如是者打多兩次比佢, 最後一次十二點半, 終於有人聽, 聽落佢把聲仲係睡眼惺忪咁...一問之下完來係唔出...但係尋日又咁...跟住我就勁無奈, 完全係噁口無言, 都唔知講乜好, 好快就收左線, 乜你唔舒服咩...? (第一件無奈事件...)
chris, alan(ks), kwan相繼黎到, 一唱就去到三點幾, 去左新世紀, ho仔黎左, 但係ar sham走左! 跟住me, alan(ks) and kwan買飛睇地下鐵, ho一個睇魔戒, chris又係一個去左睇地下鐵...
kwan, me and 2alan去左明將tea, 明明要收兩份飯團, 但係就一碟上, 比kwan食埋我o個份都唔知, 勁肚餓囉!(第二件無奈事件...)
食完野就o係度吹水, 佢地越講我就越無奈...佢地明唔明我ge感受架...=.=" 到左五點九就散, alan(41206)都走埋, 我地入場去睇自己有份ge地下鐵, 興奮ge心情又一次出現!
平心而論, 呢套野都幾浪漫, 真係唔錯! 但係可惜我地o個晚捱更抵夜, 通宵趕戲ge鏡頭一個都無出過, 用左一晚 時間+精神+体力, 得出結果又係=無奈...我真係無野好講!
八點多d, 我地三個徒步行左去尖咀, 足足用左一個鐘, 實在太多人喇因為! 到左尖咀會合埋chris and his fd, 我地五條仔就去大家樂度食, 但係真係太多人, 等位都等左成三四個字唔止, 勁餓!!
十點半食完野出黎諗住行海旁, 但係聽chris講封左...即係話又無野做, 又要焗住迫住人咁折返, 返屋企! (此為第四個無奈...)
最後得番我同alan撘火車走, 我同佢o係火車渡過左平安夜同埋chris' mas...諗住send sms比人, 點知又一個都send唔到, 我而家終於都知"萬念俱灰"一詞點解同埋點用!!
返到粉嶺好在仲有小巴, 總算老天爺唔忍心...!
0040返到屋企...
53% 今年平安夜過得最無奈, 難忘, 同埋難撼...!

>>December 25, 2003 at 2:31:50 AM GMT+8

2003 年 12 月 23 日 星期二 【颳風】

前夕...
返學三人行已經成為生活一部份, me, sham and alan(41206), 食完早餐先上堂亦都習已為常!
今日唔知係咩日子, 九點三上到去, 得半班都唔知有冇! benny話佢八點十返到黎, 佢係第五個到!! 堂PF上半部就聽佢地講番以前中學d變態野, 最過份都係benny o個陣, 據佢講, 佢以前d人喪到上堂當眾痾屎痾尿, 就連打飛機都有, d男校真係過份d!!
十一點半lunch, 今日都幾多人: me, sham, alan(41206), benny, 拍柒, 同埋一個隔離班去左大排檔食, 食完野又係吹陣水就走, 返到ive又係踢毽過日晨...
一點半堂VB真係令人好懊惱...但係alan(41206)好勁, 佢第一個完成阿sir ge難題, 佢亦係唯一一個!
四點半放學, 踢毽, 好多野做target, gd! 一玩就玩到六點三先走, alanX2, sham and me 又係一齊走...!
唔知點解每逢大時大節前夕都有d唔知點ge心情....
56%

>>December 23, 2003 at 10:50:07 PM GMT+8

2003 年 12 月 22 日 星期一 【颳風】

超無奈!
出門口o個陣得八度...明明係凍凍地, 但係又要著少d衫先出門口, 費事比佢地串啦~
八點半返到ive食早餐, 有alan(41206), me and sham, 食左野果然係精神左好多, 上英文堂無恰過眼訓, 仲要有問必答, 幾鬼醒~!
上上下英文堂, math阿sir又黎話cancel左下晏堂lecture, 十一點半又要提早放學~!
放左學, alan, benny, sham and me去左西田食野, 食野o個陣有"豔遇", 佢地幾隻死野tum得我幾鬼開心喎! 食野同benny買左少少, 跟住又去左駕駛學院門巿部book左個考期, 20/2再戰!!
跟住我地四個去左fun zone打機, benny中途走左, 我地三個打到差唔多三點先走!
大約三點半返到屋企, 四點到就同崑開左個"左麟右李"concert, 玩到五點幾收檔...
大約七點去到阿婆度過節, 好在may e都黎jar, 唔係實悶死...除左阿婆之外, 無個正常...=.="
食完又閒話家常, B舅父拎完d相出黎之後就發生左d事...激無奈呀我!! 毫無餘地...
最後送may e去撘車, 同行ge仲有崑, 三個人傾番食完飯d野...唉...
搞到無乜心情tim...
53% 由高向低!

>>December 22, 2003 at 11:27:34 PM GMT+8

2003 年 12 月 21 日 星期日 【颳風】

lazy...
本身校左鬧鐘九點九...但係個被竇太正喇..好唔捨得, 卒之都係無去到食野!
到左十一點半先起身睇nba...跟住就一路係咁無聊到五點幾喇, 中間段時都係聽歌, icq, 篤ball咁過...!
到左夜晚九點幾, 我終於都懶飽, 肯拎起alan借比我ge color pen黎寫christmas咭, 一於聽日拎去禾輋個郵局度寄左佢先!
今日完...
56% 超悶...

>>December 22, 2003 at 12:04:52 AM GMT+8

2003 年 12 月 20 日 星期六 【晴】

頭文字D
尋晚同ar姿傾左一個幾鐘電話, 好耐都未試過十二點至一點呢段時間傾...都好似係近三個月黎ge第一次, 暑假真係令人懷念!
今朝九點半起身就有野做, 要寫番封信去學生資助助事處, 聲明無破產...!!!
十點幾去左食早餐, 十一點至兩點都係o係屋企online, 聽歌, 篤波咁, 同alan(41206)篤左陣波, 唔可以對佢輕敵!
三點幾同alan(ks)去左m記食野, 食完野就去左買聖誕咭比carman姐同埋ar姿, 但係買就買左喇, 寫唔寫得落手就好難講...呢排唔識寫中文...=.="
差唔多四點去左alan度打機, 今日淨係玩頭文字d, 死alan都玩唔少, 但係佢d甩尾手法同我差好遠, 一睇就知玩得少racing game~ 我勁過佢~!
到左六點就返屋企喇, 今日做節!
夜晚睇勁歌季選, 大部份歌手有少少走音出現, 竟然連李克勤都唔例外, 唔通係天氣太凍? 不過吳浩康同埋古巨基都仲係好勁!!
57% 你記住著出街多件衫呀!
reply:
to alan(41206), 記得啦, 你都記得叫埋扒地!
to bon, 記住你爭我一餐食蛇~!

>>December 21, 2003 at 12:03:55 AM GMT+8