2003 年 9 月 29 日 星期一 【清涼】

free...
明明carman就要早返...點知佢又遲左, 搞到又唔等佢, 一個返先! take care la, relax more!
八點半至十一點半上堂, 兩個鐘lunch就去左久違左ge大家樂度食! 食完諗住去fun zone打機, 點知我地三個其中一個無帶id! 局住要去沙龍度打...=.="
太約一點, 約埋o係禾輋ge alan and fung bee一齊返ive踢左陣踢, 一點半又上堂...
兩點半放學, 影左印, 還埋張影印咭比carman就三人走喇...去到火炭等埋alan先返, 因為去佢屋企度操機~!
點知去到alan門口先知佢屋企有人...過門而不入>"無聊地返屋企...一日...有少少累...
sms: 你開心=我開心! 耐力跑...
reply:
re chi, 隻腳呀...好似無乜事咁, 但係有少少赤赤痛, 將會發展第時ge風濕腳...=.="
re pierre, 乜你咁好彩ge, 成日都比你撞到kiko! 話時話, 都好似成個月未見過你喎...+x又返左黎, 搵日出黎唱k 丫~~!

>>September 29, 2003 at 10:52:32 PM GMT+8

2003 年 9 月 28 日 星期日 【清涼】

熱鬧
尋晚又成三點半先訓, 所以今日訓到一點...比人閂左冷氣, 熱醒!
刷左牙就online同埋打比佢地, 約去打波!
成三點去到, 但係今日就黎多識ge人去打, 全部加埋有成十幾個, 共有四隊! 跟隊跟到pk, 打左全日先打左三舖3 on 3!
最後打左好耐2 on 2, 同kwan一隊可以練下技術!
打到六點幾先走, 耆英照舊走先, 得番me, kwan, chris, alan行, 途中又係o係同一個紅綠燈撞到d fd, 今次係阿歡, 中七喇, 無見一排, 佢d書卷味又濃左!
我地四個行左去上水廣場, 特登去左間金鋪睇野...點知條紛晶無左, 比人買左...無計啦, 好野係多人爭...而且呢排非常手緊...>"< 睇完就走...
tired..
62% "你想我點?"


>>September 28, 2003 at 11:19:53 PM GMT+8

2003 年 9 月 27 日 星期六 【清涼】

man到...=.="
兩個week一次ge man到又黎...成日都係咁, 週期性煩燥不安!!
十點至十點九, breakfast with mom and 崑, 跟住返屋企用下機就到十二點三出門口去學車.
一點半至三點半學車, 今日表現唔錯, 個教官第一堂比我ge評語係:" 你手車控制得好好, 好sharp...99.9%可以考到, 表現得幾好...." ; 而第二堂又係佢教, 由於已經用晒d讚許ge說話, 佢都無乜意見可以發表, 淨係話"very good!", 不過淨係呢句都殺晒, 終於都得到d成功感同埋滿足感! 不過我驚淨係識向前行...要考慮下補唔補鍾好tim...!
差唔多四點返到沙田, o係join埋may e佢地唱k途中撞到carrie and yan, say 個hi就走lu!
4:00~6:35唱k, 唔係咁夠喉!
6:45~7:10 book堂學車, 跟住dinner with 崑, may e and her honey till 8:00.
8:00多d入左UA睇"大隻佬", 想睇ge人唔好對呢套戲抱太大期望.
9:45返歸, o係火車度大談不快...暢左d la...10:40返到...
心情唔係太靚, 求其寫兩句算喇!
60%
re avis, account唔難咩...你拎你個妹出黎係咪串緊我...=.=" 今年lunch真係幾無氣紛, 因為無左我o係度丫ma~ 不過同係好少人齊, 你同ka lok好似夾定咁, 一個返, 另一個就唔返! 而kei and florence又少見...唉~!

>>September 28, 2003 at 12:54:01 AM GMT+8

2003 年 9 月 26 日 星期五 【清涼】

no topic
約左個死alan十點, 佢十點二先出現...就黎企都企到出汗!
去到火炭, 撞埋florence and kei四條友一齊返ive...今日我遲到, 所以得番最前排ge位坐...! 無驚無險, 十一點半放lunch!
由於我地都食左早餐先返學, 所以我地都無食野, 用左一個鐘黎踢毽, 1 professional + 2 beginner~!
到左十二點半, 我地先去canteen, 諗住食野, 但係好不幸, canteen湧到爆! 最後個fd話唔食, 去打波!! 佢咩構造架...可以唔食野...太陽能架咩!
不過我無打到, 睇佢地打十點, 我一個人走左去canteen買左件多士同埋汽水, $10.5!
一點半至三點半上堂...icq and classwork!
三點半搵埋fung bee, alan, ka lok, 去左佢地班度上janet堂! 上多堂英文, 今年一定勁好多~!
四點半先至叫做放學, 四條友去左踢毽, 唔知點解今日同ka lok勁夾, 佢想講ge野, 我地都異口同聲, 專串bee~跟住唔知幾時, 家姐又唔知o係邊度走埋出黎, 一見到佢就比佢串...=.=" 自然地串番佢, 但係比佢捉住左...搣瘀左隻手...佢搣人ge功力強左好多!!>"<
fung bee終於都搵第二個女神, 得個睇~!
差唔多五點半, 同佢地去左禾輋買少少零食, 跟住再陪佢地去埋沙田就走, 費事咁晏返去!
夜晚, 我做左d上年好少做ge動作, 就係做功課...但係對住account真係一頭霧水, 都係遲d問人算喇!今日完...
65%
reply:
re alan and bee, 你地傻架...上堂啦, 仲咁玩~~!

>>September 27, 2003 at 12:02:07 AM GMT+8

2003 年 9 月 25 日 星期四 【酷熱】

悶死...
終於都有一日係可以訓晏d...今日可以訓到九點半, 但係都未夠皮...尋日打波太用力喇>"同mom食緊早餐o個陣, 突如其來黎左幾個sms, 原來係yan上英文堂悶得滯..=.=" 一路係咁玩到撘火車, 跟住打比carman傾左陣, 十一點半準時返到學校上堂!
十一點半先上堂真係未試過, 今次都算係第一次, 因為要上兩堂, 橫跨左個lunch hour!
o係今日我終於都發覺讀過ei ge好處, 就係學java比未學過program ge學同較易吸收!
一點半有一個鐘lunch, 同左兩個同學仔去禾輋食野, 之後去左間零食批發度掃平貨~! ^^
買完野就返ive踢毽, 又多兩個新仔加入踢毽行列, 不過我都仲係得番三成功力!!
兩點半又去左d有舒服椅坐ge lecture room上account...呢科真係唔野少, 上完第一堂就有功課做!!
三點半放學, 呢段時間最難頂, 好在見到舊年踢毽識ge fd, 可以一齊踢下姐~! 過左無幾耐, alan落埋黎, 佢玩左一陣就返左去上堂, 而o個個fd就四點半走...仲衰, 我都唔知走唔走好!
呢段時間打左比好多人, 諗住可以搵個人傾下, 打發下時間...但係就淨係無打比佢...>"<
好不容易先等到佢地五點幾放學, 等埋先一齊走, 約埋o係mor hill返黎ge chris一齊撘火車走!
返到粉嶺, 陪chris去左郵政局, 點知收左檔...白行一趟!! 最後各散東西lu...有少少眼訓!
65% 又到月尾喇, d分鐘又用唔晒, 但係今日打出打少超過廿個電話, 用左都差多一個鐘! 日日與電話為伴~!

>>September 25, 2003 at 11:39:08 PM GMT+8

2003 年 9 月 24 日 星期三 【酷熱】

筋竭力疲...
今朝又比人放飛機...死chris又出現唔到, 而carman都係照舊黎唔到...一個人!
好難頂咁上完八點半至十點半, 難頂在唔係悶, 而係早返!
十點半放左學, 拎完學生證就同個fd打波, 射左好耐, 成十一點alan黎返到黎! 好在有跟到隊姐~!
原來我地班d同學仔唔弱架...好準, 好勁tim!
打到十二點半, 等埋fung bee返黎, 我, alan, fung bee and 耆英去左食飯, 今日勁鬼肚餓, 竟然可以食晒一碟飯!
食完野又係好早, 一點多d, 而我同耆英又放左學, 陪佢地返ive踢下毽! 今日個天井勁鬼多人, 但係對腳用過黎打波, 對踢毽得番三成功力...差d出醜人前! 好在都係無姐~
佢地兩踢到一點九先去上堂, 而我同耆英就去左039交野and 抄野...呢個時間ge我對腳開始發軟蹄...到左兩點幾就同耆英行去沙田兜下, 一路行一路約人...
勁重呀個bag...而且又勁tired! 好難先等到撘火車...拎住本17一路睇一路恰眼訓, 最後都係要訓陣先頂得順! 落左火車對腳顯然係無咁軟, 但係次次少睡之後都有少少頭痛!
本身得三條友o係度射下波, 等到五點先等到chris同佢個fd黎, 但係又唔夠腳3 on 3...>"< 經過一輪磋跎, alan殺到, 全場震奮~
打左好耐...打到有一場仲抽埋筋...唉, 太累所致! 最激都係打最後一場, 力戰而敗...>"< 不過都夠皮喇!
同崑一齊走, 返到屋企成七點三, very tired!!!!!
65% 星期一至星期三連續三日返八點半...!

>>September 24, 2003 at 11:55:52 PM GMT+8

2003 年 9 月 23 日 星期二 【炎熱】

tired die...
今朝一早就有好運行, 撘車賺左幾蚊~
難得有一日同alan一齊返, 但係打比carman又遲到, 個死野丫, 成日都約佢唔到ge, 不過都習已為常~!
今日返去遲左少少, 只係幾分鐘, 但係我估只係d人一早入晒黎, 我諗過多幾個禮拜就唔會有咁ge情境出現~!
第一二堂都係由班主任上, 呢個點好過上年o個個km yip! 雖然呢個講野慢吞吞, 成日都口窒窒, 但係佢都算係o個d肯為同學做野ge人! 今年由佢教java, 但係就要用一個之前未用過ge system黎做--Unix...
十點半落左地下上堂, 今年終於都有得o係演講廳度上堂, 上半個鐘都算係好專心咁聽講, 但係到左十一點就真係頂唔順! 皆因現場好似o係尋日戲院咁, 張掎又舒服, 冷氣又夠, 加上由上年教C++ ge leung sir講, 佢同催眠師一樣, 滿口咒語, 好快我就訓著左...直至十一點半落堂...訓左陣好好多!
為左等alan佢地lunch, 我又悶左九個字...>"<
今日有ka lok, fung bee, alan and me去禾輋食飯, 有+6 o係度就一定唔會悶, 好搞笑~! 食完野, +6去左返學, 淨番我地三個返ive踢毽!
今日天井坐左好多"新仔", 比佢地睇到我同alan ge腳法真係三生有幸, 兼且大開眼界啦~! 哈合, 好有表演性!
一點半各自去左上堂...上左兩堂超悶ge電腦...成日比個lecturer望住晒, 玩icq都玩得唔夠放!
最後一堂去左上accounting, 好在呢堂係tutorial姐, 無教書, 比我地填左少少資料就放人~!
無野做就走, 大約五點三返到上水, 去左區場搵佢地打波. 場內得三條友: kwan, chris and his fd, 我黎到都未熱身, 就同佢地鬥射三分...唉, 今日命中率奇差....16%...=.="
之後兩場 2 on 2, 同我一隊都係贏, 不過我今日好似唔同晒咁...好屎...>"<
打到差唔多六點半就走, 一路都係傾住電話咁行...行行下, o個個紅綠燈住度撞到ho仔, 四仔又人齊喇~!
一路同ar chi傾左四個字先收線, 飽晒!
今日返學好艱難咁過左一日...好tired, 打左幾個乞chi, 以為黎料, 好在都係無事姐! 而今日d電話都幾繁忙下, 一早就carman打黎, 不過唔覺意飛左返屋企, 最後要放break覆call; chris又打黎, 話無學返, 但係已經返到, 佢一間間~! 跟住打完波又傾, 我d電話費終於都唔駛"side"得咁緊要, 可以盡用喇~!! 打多d黎仲好~
65%
reply:
re alan, 你唔係又上緊堂黎留言ma~? 係留就叫多d人黎留啦~haha~^^
re bon, 咁你玩咁大個可以玩到幾耐架...? 乜可以唔痛架咩?!

>>September 23, 2003 at 11:51:24 PM GMT+8

2003 年 9 月 22 日 星期一 【微冷】

開學日!
今日開學大日子...無遲到, 不過七點半出門口, 但係見大成廿條友o係度等車...勁壯觀!
都好在唔駛遲到, 但係返到ive就有d混亂, 先上117睇分班, 睇完又要上多三層去427!
點名o個陣勁低b, 話說隔離班有個同我同名, 我又唔知, 隔離班主任叫"Li Ting Fung", 自然反應係舉手...點知個阿sir話我坐錯, 我就同佢講話我係B班唔係A班, 跟住隔離班主任同我班班主任講完一輪野, 先話有兩個Li Ting Fung, 但係佢o個班o個個又無返到...我變左做傻仔...而且中間仲比佢叫Li Ting Fung三四次...勁無奈呀...一間間...~"~|||
大約九點半, 重頭戲黎喇, 兩班一齊扮鴨仔遊ive! 好在無熟人見到我姐.....=.=" 去到"拉把"門口, 比我撞番我地好耐都無見ge found dip fd~!
行左成個鐘, 十點半返番去427, 佢地兩個班主任9up左幾句就放, 本身話叫alan佢地等我lunch, 點知要我等番轉頭...十二點三先見番佢地...期間去左禾輋買毽, 同埋ar chi傾左好耐電話...尋日又無叉電...淨番一格!!! >"<
佢地出左黎就踢左陣毽, 差唔多十二點半就出發去旺角lunch, 因為約左bonnie...
我地四個去左越南灣食, 差唔多兩點先有決定去邊--就係佢左睇戲! 兩點二決定左睇兩點三o個場"三更來嚇"!
可能今日星期一, 全場得八個人睇, 我地已經佔左一半, 仲要我坐側邊, d冷氣勁寒...>"<
套戲up乜都唔係幾知, 可能我今日又有少少累, 睇到我有少少恰眼訓, o個d嚇人位唔係咁嚇到我, 反而坐我隔離唔知邊個膽小鬼嚇到彈起, 整到前面張chair勁震囉~! bonnie~
睇完戲就送左bonnie走, 之後地三條仔就去左信和行...不過我超累and 眼訓, 好耐都無試過係咁, 勁難頂, 不幸地仲要去埋好景先走....@.@
o係火車度恰左半粒鐘, 好好多!!
今日完...新ge同學仔好似唔係幾arm 我feel~
re alan and bon, 有乜可能alan連呼拉圈都未玩過...! 我呢個呼拉圈唔係野少, 今日度過佢ge size: 直徑36吋, 粗大約一吋半! bon 有機會黎我屋企可以試玩下...勁痛...!

>>September 22, 2003 at 11:57:53 PM GMT+8

2003 年 9 月 21 日 星期日 【乍寒還暖】

no topic
尋晚一點多, 接到ar chi電話, 比佢"慎"下...言談間點到佢把聲有少少水聲, 原來外表剛強ge烈女都有柔弱ge一面...等我試下儲錢先>"<"!!
今日又十二點先起身, 我睇都係最後一次咁晏訓同埋咁晏起喇!
之後都係無做, 上網, 食野, 時間話咁快就要三點...
唔知邊個o係個廳度播"左麟右李", 又係佢...本身都諗住同崑唱下ge, 但係點知佢支咪short左, 搞到勁無mood, 都係睇算喇!
六點半arm arm 睇完就食飯...
食飽飯唔知做乜野, 突然間拎左個呼拉圈出黎玩, 之後成晚都跎住佢係咁扭下扭下, 最高紀錄係扭左三分三十八秒, 好痛...>"<(個呼拉圈成廿幾寸直徑, 一寸粗, 而且重超過一磅!)
一個晚上就咁過去...
60% 今晚要早d訓, 聽日開學...又係year 1! 今年唔知又會識到一班咩人呢...好緊張唷~~!
reply:
re chi, 一年一次...你又幾大穫! 小心d la下次...不如下次出去我幫你袋住d野丫~ ^_^

>>September 21, 2003 at 11:26:07 PM GMT+8

2003 年 9 月 20 日 星期六 【酷熱】

練歌...六唱士!
好耐都無唱過k, 今次係豪仔發起, 去!
首先同崑十點三隼時到火車站, 等埋佢個fd, 但係我個fd--chris爺又遲到, 足足等左佢三個字...熱死! 齊人就四條友出旺角先, ho and kwan仲篤緊波!
去到旺角火車站, 好巧合咁撞到阿florence and ar yo! 打左個招呼就走..=.="
我地四條友唱住等, 要及早開聲, otherwise人齊六個就無機會唱!!
唱唱下佢地個兩都到埋, 四仔又重逢, 我相信豪仔而家會有時間重新投入四仔!
唱左無幾耐, 同場第二間房ge ar chi入左我地度探房, 吹左一首歌ge時間就走, 好在臨走前叫崑影左張相~^^
今日都好似無乜人走音, 崑個fd唱得真係好似ekin! 把聲得天獨厚, 加以訓練一定大有作為!!
今次勁多人, 好準時就cut房, 時間兩點正! 崑同佢個fd返學校練波, 我地四仔去左食少少野e肚...三點幾就返粉嶺喇, 因為swim~!
本身三仔(me, chris, ho)話去, 點知ho返左屋企開大之後就話唔出, need sleep...比佢放左飛機tim! 不幸中之大幸, 約左alan游, 即係點都三條仔!
四點幾先去游, 六點幾先出返黎, 去浸水多過游水! m記坐左陣就走...
夜晚睇全球華人新秀, d人都唱得好勁...唔知幾時先到呢..~?
60% 點首"青春火花"比自己聽...=.="
to chi, 你無左手提咪無人陪我sms...?! >"< 下次小心保管財物.............

>>September 21, 2003 at 12:07:21 AM GMT+8