2004 年 3 月 8 日 星期一 【晴】

体能
今朝又係食埋早餐先去上堂, 一上到去都無乜心機聽connie講letters...全堂發呆, 而alan(41206)就做DMS assignment...我星期五返到屋企都無左件事...阿sir又叫我地對arm左答案先交, 咁唔係叫我地抄仲會係咩?
十點半就放"lunch", 又去左打波, 一打就打到十二點半先至食飯, 個canteen爆棚!!
一點半上DMS就抄assignment, 跟住又拎佢地d手提出黎影下訓左ge benny, 好搞笑ge背景~!
兩點半放左學, ben又拎左個籃球出黎...又打!!
一打就打到五點半..."大門"今次傷得甘咯, 又爆咀流晒血...到左尾段, 佢個額頭又比人地個門牙喙到, 傷得勁深囉! d血又出得好快!! 佢今日真係有血光之災!
返到粉嶺都已經6點幾...今日淨係打波都打左5個鐘, 但係又唔係太tired wor!
54% 思緒迷茫中...
reply:
re bon, 估唔到左你咁耐, 今次先第一次睇晒我篇日記, 有少少失望囉...>"< 不過幸好, 我寫得好, 吸引到你睇~

>>March 8, 2004 at 9:05:33 PM GMT+8

2004 年 3 月 7 日 星期日 【微冷】

Ｌ學--sunday driver
耀記今日唔開門, 特登訓到十二點半先起身, 勁正, 都唔知幾耐未試過!!
晏晝一點幾, father, me and 崑一路lunch一路睇"豪情", 我地都唔理佢係咪三級片, 照播~
到左四點, 比father強行拉左我出去操車, 無計啦, 無波打, 唔出都唔得, 費事比佢嘈!
一上佢架車, 平時會覺得好熟悉, 但係今日覺得周圍ge擺設好生疏; 平時坐o係車頭位會覺得好闊落, 但係今日好迫, 係好有壓迫感! 平時周圍空蕩蕩, 可以享受做乘客ge樂趣, 但係今日要面對ge係其他"市虎"! 所謂生疏, 係完全黎自坐o係駕駛席ge感覺, 相比起之前所學ge棍波輕型貨車, 今日用ge係現代化自動波私家車. 一切ge制動都要重身學過, 包括所有車頭上ge按鈕! 平時睇father driver得好輕鬆, 原呢個位唔易坐, 今日終於都同佢調轉位坐, 佢就變成左一個新手"sunday driver" ge教官!
對於自動波車同埋棍波車ge操控, 自動波車真係超易用, 跟本唔駛兼顧咁多野!
正式出路面o個陣真係有d緊張, 同之前第一堂學車差唔多, 不過而家去左另一個階段, 同其他車同level, 再唔係掛住個"L學"o係車尾ge"奉旨失誤"!
無驚無險就到左上水, 第一次入停車場, 無其他車安全感頓生~!
買完"食送"就返粉嶺接mom放工, 都五點幾喇! 今日輪到佢個仔接佢放工, 唔係佢老公, 一定好搞笑~
去到屋企附近, 眼見難得操開車, 不如上埋山兜番轉先! 呢段山路係局部性單線雙程行車, 難度並不於此, 難在多細同埋窄ge急彎, 路面起伏甚大, 又多車喎...好亂囉! 有一下唔記得望左鏡, 差d有碰撞, 好人地肯就姐!
原來山路係咁高難度, 同平地簡直天同地之比!
第一次以平常driver出街, 自問都算定!
52% sunday-driver learner!

>>March 7, 2004 at 9:34:18 PM GMT+8

2004 年 3 月 6 日 星期六 【陰晴不定】

extra tutorial on accounting
九點幾就比崑個鬧鐘嘈醒左, 而我就成十點先一個人去食早餐...好悶...= ="
朝早ge節目就係執下notes, 睇電視, 上網同埋聽歌, 十二點幾出門口喇~
等左好耐車先出到上水...再要轉車去元朗...一個鐘囉用左...>"<
同lam 去左m記度落腳, 兩點多d食完個lunch就開始溫...首先review一次d notes...唔見左兩份囉! 跟住之後做左幾題野, 正常黎講應該係要由淺入深...我但係我覺得有少少好深入淺出囉...不過做左幾題之後真係熟左好多同埋明左好多, 好過平時上堂幾多!! 可憐ar lam比我搞到佢有少少亂同埋好似溫得好少咁囉~!
四點九出番黎, 去左千色行左陣, 又去左機舖打左陣, 時間差唔多六點, 佢約左人, 我就返屋企食飯, 今日就係咁, 返學以黎第一次咁樣溫書(測驗前夕唔計)! 終於似番個學生...!
53% 都係做下最實際!

>>March 6, 2004 at 11:37:05 PM GMT+8

2004 年 3 月 5 日 星期五 【微冷】

bull shit demo & 暴力籃球
其實今日返學對好多同學黎講係好無聊, 甚至應該day off, 因為今日一半人要返一堂tutor, 同埋晏晝唔駛上, alan(41206)就係一個好例子, 佢選擇day off!
而我就因為晏晝到我demo 個programs, 唔返會無分! 但係sham就唔知點解得一堂tutor都要返囉...
tutor之後, wai, sham, me and steve去左扒王之王食, $33, 勁抵囉, 不過都係o個句, "一分錢一分貨"!
wai走得, steve, me and sham返ive, benny都返到, 踢左陣毽就上去VB度受死!!!
個個都好緊張, 開左d programs出黎prepare下...又不時同sham佢地玩下d low B game舒緩下...到左我o個陣真係好緊張...由於個program唔係完全我做, 兩住阿sir又gap gap地, 特登出d gap野出黎做人, 比佢地陰到...問到口啞啞...算啦, 鬼叫自己無咁ge料子做...= ="
放左學打波, 有ben佢地兩個, alan(ks)都有黎打, sham and benny分別要去練水同埋返工而早走, 得番我同alan and ben打.
到左臨尾o個幾舖, 人地o個隊打得好矛, 成日都打中我地, 真係火都黎埋, 可以話係陰濕到爆! ben唔執佢一劑都已經好忍得! 不過都係差d打得成, 可能係我拉住!!
打到六點八先走, 真好滾!
tired..
52% 今日打完波大傷, 損晒手, 比人抓到有一條條血痕!

>>March 5, 2004 at 11:22:22 PM GMT+8

2004 年 3 月 4 日 星期四 【微冷】

死亡遊戲!
今朝早完野, 同mom一齊出去, 有順風車坐~
明明叫左sham今日唔好咁晝出現, 點知最遲o個個係我!! 好在DMS tutor都點到名, 仲聽到少少書, 星期一有assignment交tim!
星期四ge PF特別精神, 因為堂堂都有classwork做, 今日覺得自己好勁, 成功做到兩題~!
lunch七友人齊, 玩踢毽, 見到d野, benny話係"乳牛"~! 個個都開始亂up野喇~!
lunch之後ge MSA好辛苦, 個miss教教下成日都up左第二d野, d例子似是而非...吹漲!
之後o個堂tutor都唔係幾識, d accounting麻煩到爆, 又唔明, 又唔知d questions想做乜...可以話係毫無頭緒囉! 真係要快d搵人教番先得!!!
放左學又踢毽, 玩死亡遊戲--出界要磨柱! 最後我地決定左patrick要食兩次...同佢對抽真係大戰!!
六點幾先走...累!
52% accouting....= ="
+比佢地話我好賤tim~~ 因為我ge想法妙想天開, 佢地諗唔到~?

>>March 4, 2004 at 11:58:15 PM GMT+8

2004 年 3 月 3 日 星期三 【颳風】

半爆冷...
今日一出門口就凍到震, 仲要越行就越凍...去到粉嶺又要等alan(ks)...刺骨ge寒風!! 都係火車上面溫d...alan(41206)o係大埔上埋車...日日如是
返到ive 又係食早餐暖下肚先, 今日benny都o係度, 我地四個(仲有sham)成九點先上去上堂, MIA派卷!
alan(41206)有成77分...佢有咁高分就預左, steve同sham都差d就合格, benny都有四十機, 而我都可以話係爆左個冷門, 有成63! 我都唔知咩事~~ 呢科都無乜信心會合格, 今朝ge心情就好似范進中舉咁~~ steve有少少令我跌眼鏡...
兩個鐘ge 空堂, 我地去左打波, 臨尾benny, sham, me and alan(41206)玩射key, 20mins, 輸o個個請贏o個個飲野, 最後我同alan決勝, sham到請我飲~!
lunch去左大排檔食, 七友淨係欠wai, 我地個個都o係度討論科CSA會大幾多個撻死...一點半就派!
CSA做完tutor就派卷, peter chu抵死到由最底分開始派起...七友+阿安八個人, 有阿安, benny, steve and patrick死左...我同alan(41206)都有47同4X, 唯一一科我係高分過佢! 而sham呢個MC"老隊王"又中左題...搶晒分~!
放左學去打波, 又做左好多助攻~ 最後又係射key, 又係我贏, benny輸, 又有一罐汽水, 無敵是最寂寞~!
問左lam ge意見, 佢話應該揀d唱得好聽黎唱, 好似好有道理, 同alan(41206)商量過, 預定"雨中的浪漫"~
53%

>>March 3, 2004 at 10:44:50 PM GMT+8

2004 年 3 月 2 日 星期二 【雨】

練歌
今日又涼番好多, 又微雨...好黑人憎ge天氣!
倚天屠龍記ge第一本已經睇緊喇...又要重新睇過, 流失左少少心機!
頭兩堂PF都無乜點聽到, 主要都係等星期四tutor o個陣努力! 而呢兩堂我地用黎傾左"種花" ge問題, steve棵花好似謝謝地...祝佢好運啦...
由於晏晝堂VB唔駛上, DCN又聽左=唔聽, MSA tutor又可以星期四先補番上, 我地決定走一堂去唱k(練歌)! 通常一班人要走堂就梗係會有好多藉口...~
今日得steve, sham, alan(41206)and me去左唱, 一開波alan就點張學友...想點呀..>"< 我就唱完第二首歌又開左聲喇~
steve食左野之後可能太眼訓, 又或者係佢唔想唱, 伏o係度訓左!
我同alan就唱左好多, 經佢點撥點撥之後, 又唱得好左少少...都不枉我呢期交左咁多學費o係neway and greenbox 啦!!!
差唔多十一點唱到差唔多三點, 四鐘三個人唱...唱到發唔到聲咁滯!
我地四個返左ive留連一陣就真係走喇, 去左mom做o個間舖度等埋崑就返屋企喇...冷雨!
返到屋企又唱過, 不過無開咪, 又唱到沙埋...= =" 不過都有進景~!!
53% 我同alan而家迷茫緊用邊首歌黎參賽好, 雖然仲未報名!

>>March 2, 2004 at 10:16:19 PM GMT+8

2004 年 3 月 1 日 星期一 【炎熱】

殘驅...
尋晚七點幾完飯, 仲要係食唔落ge情況下, 天氣又熱, 雙重夾擊, 熱+餓醒, 無覺好訓!
今日又係返左去食早餐, 話題離不開星期六o個日~
英文堂一邊聽mp3, 一邊聽書, 神乎奇技!
peter chu ge CSA堂氣氛幾好, 好有心機聽~
尋日扭親腳, 今日好似破子咁行...掩住痛! 仲要行好多路去西田食野囉!
一個二個都無心機上DMS, 隻体走堂啦...首先去左"無線"睇sham and 安安打機, 入親呢間都比人check身份證囉, 激無奈! 企o係度都差d訓得著覺, 同alan(41206)去左fun zone搵alan(ks)佢地, 但係首先要去搵左avis先...竟然唔夠錢比, 我出左廿蚊...= ="
跟住落番樓下, 見到alan(ks), kei and benny o係度玩緊足球機, 勁新奇喎! 之後sham and 安又黎埋, fung bee無幾耐就走, 而alan(ks), benny, and kei玩到唔願走, d錢好似倒水咁倒! 我就同sham and alan(41206)返去喇...超眼訓!
今日就咁完...新一月, 手提唔知有冇爆分鐘tim~!
53% 聽左alan(41206)意見, 都係穩陣用"風箏與風"拎左個決賽資格先!

>>March 1, 2004 at 9:14:10 PM GMT+8

2004 年 2 月 29 日 星期日 【晴】

拗柴...
今朝未訓醒前, 發左個好正ge甜夢...好想繼續發落去~ 但係就比個鬧鐘嘈醒左...>"<
十一點同崑食完早餐, 打左舖機, 玩左睇icq, 睇左陣nba, 時間好快就去到一點!
雖然唔知係咪真係會參加ive個singing contest, 但係尋日唱唔夠, 夾硬開左機, 逼崑陪我唱, 無計啦, 係合唱歌!
到左兩點, 夠鐘出門口, 去打波!
佢地又係遲大到...= ="
今日"奇磧之隊"終於人齊! 但係我地三個唔夠chris's brother佢地打, 因為佢地命中率高到無野講...射死! 都輸左三次, 第四第對佢地o個陣我地d鬥志真係熱得好行! 尤其係我, 一口氣射入番佢地四球! 仲要係好多急停跳射, 突然諗起帝王ge"史度積高域"~
跟住之後都贏番幾舖, 輸多一舖先走, 時間都成五點半!
penny, me, chris, kwan and 耆英o係打完波之後行左陣, 最後淨番我地三仔, 去左睇下mon就走喇...唔係好累jar wor...不過又損手爛腳而回!
今日打第二場o個陣, 同chris's brother tip波, 一下唔小心踩中佢腳面, 隻左腳就係咁拗左一拗, 雖然係小拗, 但係都足以令我一軟, 仆左o係地下...而且打完之後仲開始痛tim, 一行路就赤赤痛! 隻右手又比人抓到有一小條血痕...= ="
53% 控球後衛客串小前鋒~
reply:
re lam, 唔好對我失望...尋晚只係回憶緊姐, 並唔係有咩"心事"...~
re fu, thx wor~

>>February 29, 2004 at 11:30:43 PM GMT+8

2004 年 2 月 28 日 星期六 【炎熱】

練歌, 咒怨2
平時我約人好少遲到, 但係唔知點解次次約親kwan都係大遲到, 明明約左小白十點半前比番比office我, 但係我就成十點十先去到, 我都覺得好過份!!
會合埋ho and kwan, 去埋大埔, 等埋alan(41206)上車就去唱k la, 今日真係去練歌!
臨時變掛, 去左neway city, 其實ho仔o係度就知好少時間練...又出左接埋lam黎, 我可以唱ge時間就少之又少!
我同alan又點左d左麟右李黎唱, 最後我地決定放棄"風箏與風"黎唱, 太無難度喇~!
o係唔係幾夠喉ge情況下, 間房又早左一個字cut...lam最唔抵, 唱得幾首, 但係唱得幾正!
佢地三個話去篤波, 得番我同lam係志同道合--睇咒怨2!
同佢去左惠康買野shopping, 又行左陣就到三點九入場睇喇~ 本身對呢套ge期望唔係太高, 淨係想多d嚇人位, 但係d鬼ge動作又千篇一律, 無乜變化, 都唔明d女做乜叫到力竭聲嘶! 坐隔離ge lam就淨係對d sound effect有d反應囉~最尾又係留下伏筆...仲有冇人睇呀?!
睇完戲又咁arm 佢地篤完波, ho仔早走, 我地四去左信和行, 陪alan去買game. 到佢買完, 我地就去左新世紀行喇. 到左七點佢地兩個走, 得番我同lam dinner...
拎左明將ge發之後, 就行多新世紀一次, lam買左個斜揹袋, 仲即刻換左tim~! 好似係心頭好黎!
今次係第二次兩個人去明將食野, 對上一次係"佢"...兩次ge心情都唔同...今日淨係埋首食野, 好似忽略左lam咁~
九點正, 我地撘車走, 送lam到上水我地先至散, 好tired...!
57% 今日明明話去買mon, 但係又無買到...原來二千蚊真係有一個!
reply:
re bon, 玩下之ma, add oil la~
re kwan, 幾時未試過遊車河呀, 不過唔係我drive之ma~!

>>February 29, 2004 at 12:36:37 AM GMT+8