2003 年 10 月 19 日 星期日 【晴】

前夕
好想唱k, 唔知點解尋日唱左成四個半鐘, 今日都仲咁興致! 不過只係諗下...成個月都無一日o係屋企休息過, 今日試下!
o係間房度開大speaker黎聽歌, 又dl d新野(都係左麟右李), 練下唱先~!
跟住就一路係咁悶, 悶到三點幾, father and mom話出去買野, 我又出...=3=, 好悶呀!!
成四點先出去, 我地去左買部擴音機+一孖三尺高ge speaker, 第時可以成日唱k~
差唔多就黎五點, 我地三個去食豆腐花...跟住就返屋企喇...佢對我地好似好左好多咁!
夜晚睇四葉草, 呢套野令我又愛又恨...實在太似喇...race已經唔係我睇呢套ge唯一理由!!
雖然鬼水凶靈已經睇過幾次, 但係都覺得個o靚妹幾好戲...~
今日完喇...有d忐忑感....
today's song--愛是...?
57%

>>October 19, 2003 at 11:37:45 PM GMT+8

2003 年 10 月 18 日 星期六 【晴】

Birthday celebration #1
約左晏晝去唱happy, 一早起身食左早餐, 就開行d歌係咁唱, 一於開定聲先!
兩點多d, 同alan同埋耆英出左去mk開房等埋kwan and chris. 等到佢地兩個ge同時, kim, ivy同埋gs都黎埋(點解會有gs ga...!!!)
點都好, 我地都要唱, 今日唱得都唔錯, 無走過音~不過最衰就係耆英啦, 成日都搞搞震, 自己唔係咁識唱又要出聲, 影響埋我~anyway, 今次係我近期唱得最好ge一次!
Kim把聲勁似faye wong, 似足九成! 相反, 另外兩女就...=.=" 而我同chris就幾夾, level接近~!
到左差唔多七點幾, ho都黎埋, 佢左手拎cake, 右手拎住支鮮花, 一黎就同佢整個擁先~! 今日有花收, 又無lala有個cake, 好surprised~!
切完cake, kim佢地三個走先, 我地拍手叫好, 跟住四仔玩得勁high, 完全無視alan同埋耆英, 過癮非常~!
八點cut房, 唱唔到"一生不愛別人", 再加上另外一樣...好遺憾!
六條仔出左去, 去左銀城度影四仔相, 今次勁蝕桌, 完全唔知有計時呢樣野, 四張入面影得一張....仲要影得唔係咁好!! 唉....
我地o係新世紀明將度蹉跎左一陣, 企o係門口望番入面其中兩個位, 回憶番d野, 畫面review...有d心傷...
搞左一大輪, 去左大快活度食...最抵做, 耆英要返屋企做野, 走先! 四仔坐埋大把野講, 對上一次好似係chris生日! 我地講親都係o個d野, 不過幾搞笑ge~!
到左十點半, alan and kwan唔同路, 又走先, 得番我, ho and chirs坐火車返粉嶺, o係火車上面又傾左好多野, 心事? 見解? 定係近況呢...? 不過佢地所講ge野我都好有同感...因為半次掛...~!
去到粉嶺, 我地仲未捨得走, 去左海皇度吹幾八個字先走, 趕及十二點前撘尾班車!
今日正式完喇...
today's song—向左走, 向右走 ?
68% 美中不足...失去音訊...i hate that...

>>October 19, 2003 at 1:46:55 AM GMT+8

2003 年 10 月 17 日 星期五 【炎熱】

緊張過後...
緊張過後又係另一日ge黎臨, 今日終於都以訓到八點半, 勁正!
約左alan 十點o係火車站等, 但係佢去左第六卡, 撞鬼咩, 好似第一日返學咁~!
上左九個字tutor(遲到三個字), 跟住又話lunch, 我地三個去左大排檔食炒麵and others, 十蚊野都食唔晒...~! 買埋野飲就返學校踢毽....
一玩就玩左個鐘! 又同左一班唔識ge人踢~
一點半至四點半係上堂時間, 三點半o個堂math tutor仲有用過lecture, 起碼有得計下先!!
alan佢一早走左, 仲諗住踢下毽tim...無奈地無人想玩, 同ar sham同埋佢個fd一齊撘火車返...成個week最早返屋企ge一日!
練緊踢毽...稱霸ive"街場"~ 最大強敵--ar so!
55% 無人覆call...>"<
re celia, 駛唔駛咁串呀...ive無中文讀, 一時大意先打錯姐!!


>>October 17, 2003 at 11:21:33 PM GMT+8

2003 年 10 月 16 日 星期四 【炎熱】

黑色十月...
等左咁耐, 終於都到左今日, 今日係考車大日子! 為左今日, 尋晚都唔太晏先上床, 但係由十二點半開始攤到成一點先訓得著, 可能係太緊張所致, 成晚都無覺好訓, 訓下醒下咁, 到今朝勁辛苦...>"<
考試車號係251, 車牌JY199, 先有兩個字時間試車, 架車大致上都無乜問題...只係個軑好緊同埋個磨擦點好高...死左一次火...!
早上十零五分, 考試正式開始, 個教官勁好禮貌囉...比佢個ge笑容呃晒...開車時有少少腳震=.="
首先開始係泊位: 無泊出界, 只係有少少偏側, 佢話要落車睇睇...嚇死! 跟住落係掉頭, 架車好貼咁出...有唔少負碌成份!! 最後場內ge係斜路開停, 好順利咁過關! 但係好戲在後頭--路試!
出左街都無乜問題ge一開頭, 但係到左中至後段, 因為要就住隔離架泥頭車, 而一時大意無乜留意到自己條線, 轉彎時摘界...(最可能ge死因!); 而o係條勁多車ge路邊度無啦啦都可以有個拾荒者o係度行...勁無奈! 另外, 平時一路都係無修路ge銀城讓路位, 今o日係中線玩野, 咁抵死又比架專線遮住視線睇唔到, 不過睇到都無用, 隔離線都塞滿車, 要我強行切入...不時學車都順順利利, 今日就咁多意料之外, 點解個天今日要咁玩我...?
十點半就考完...都知今日凶多吉少, 接到成績, upset當然唔少得, 但係另一個感覺就係"如釋重負"! 不過最強烈ge都係"錯敗感", 今個月真係發生左好多事...一路係咁運滯!!!
死因:1. 軑盤控制不當; 2. 轉彎時位置不正確....
十一點半準時返學, 過番d正常生活...直至放學.
三點半踢毽, 踢到五點先走, 去禾輋等father車去駕駛學院報過考期, 鐵定21/11 再試! 不過今次無乜心機考咁...只係唔衰得....>"<
比完錢之後就叫father車我行一次考o個條線, 好諷刺...佢重複做我今日所做ge野, o係同一個彎位, 佢都摘界! 佢都被公認為手車好得, 呢個唔係一個大錯誤...今次我, 唉...跟唔足遊戲規則, 算!
差唔多七點先返到屋企食飯...好眼訓@.@"
完喇今日...
today's song--普通朋友, both eo2 and 陶吉吉.
50% 黑色十月...
今日打左比佢傾一陣...怪怪的...
reply:
thx alan

>>October 16, 2003 at 11:08:19 PM GMT+8

2003 年 10 月 15 日 星期三 【微冷】

*happy birthday to bon~!*
忙...
返八點半, 放十點半, 逢星期三都係例打波咁滯, 我地就自己成班同學仔o係度打, 而我, 今日隻手經常性唔聽駛, 零距離炒粉, 打左成差唔多兩個鐘, 入左幾多球都數得出!! 好在有阿benny強姦籃底!!
成十二點三先趕去買少少野食, 趕頭趕命咁上阿peter chu堂tutor, 一點半放學...
同alan佢地踢左幾個字毽, 又要去學車喇, 今日係最後兩堂...有d唔捨得學車tim~!
第一堂revision返d泊位, 都無乜問題ge, 但係用番阿sir o個套就危d喇...都係要執生!
第二堂係last出街, 跟住架自己友, 比佢玩到謝, 又時快時慢, 又唔知點咁, 又唔可以過佢, 最少比佢delay左兩個字!! 如果聽日係咁跟住佢地黎考就死得人多!
四點半放左, 走佢拎番張路票先...唔拎無得考!
打比佢...無聽我電話...跟住打去bon度講生日快樂, 傾左陣...要side下自己友d分鐘先得!
o係火炭同alan同埋大舊一齊返粉嶺...落左車, 去左祥華村天橋底買雞蛋仔食, 搵d暖野暖下個胃先, 都好耐無食過, 不過唔係太暖同埋好食...少少蝕桌ge感覺...>"<
夜間食完飯, may e打黎搵我傾下, 原來佢做左我地家庭社工...多謝佢啦...~
今日好累...today's song--你有心
55% 考試倒數--ｌａｓｔ　ｌｉｇｈｔ！
reply:
re alan, 你up乜呀...唔好亂講野, 而家好緊張...>"<
re chi, 你好耐都無黎過, 難得你仲記得我聽日考車, 多謝晒, 如你所願, i'll try my best!

>>October 15, 2003 at 11:30:35 PM GMT+8

2003 年 10 月 14 日 星期二 【颳風】

重遇~
黐孖筋...天氣變得咁快, 今朝一起身就凍到乜咁...差d死!
差唔多八點, anthony打黎, 自從found dip直至今日, 係第一次返同前同佢通電, 以f前ound dip好似日日都打去問佢到未...好懷念~
今朝比alan放飛機, 好在撞到大舊一齊返姐!
PF堂無聽過書咁滯...兩堂都同ar sham佢地研究摺心心...再上多一堂無聊ge DCN就lunch!
去左成半年都無去過ge大排檔度食...有少少唔同左!
臨食完之際, fung bee佢地到, 我等埋佢地, 唯有睇17!
食完野返ive搵左anthony sin...死金毛仔丫~又見喇, 個樣依然串77, 不過好有親切感~!
我地踢左陣毽, 最勁始終都係我地, 到一點半, anthony食完野黎到同吹左陣, 我地遲左成半粒鐘先上堂...阿sir 小...>"<
四點半放學, 耆英搵埋我一齊走...完喇!
見番佢, 又多個人可以同我hea 喇~!
today's songs-- "友共情", "教我如何不愛他"...想打去..
58% 考牌倒數, ２　ｄaｙ'ｓ　LｅfＴ．．．
呢期好多人病左, 我就arm arm 好番...轉天氣喇, 著多件衫, take care bonbon

>>October 14, 2003 at 11:24:39 PM GMT+8

2003 年 10 月 13 日 星期一 【綿綿細雨】

painful!
隻左腳尋日比人整親, 可能扭傷左, 今日行路赤赤痛, 要拮下拮下咁行, 勁樣衰!!
lunch之後可能行番鬆少少條筋, 無咁痛喇終於! 食完野, ar sham, me and wai去左fun zone打機, 到一點先走.
上math堂勁講野勁玩, 時間過得好快, 兩點半放學.
放左學我地兩個陪sham去左拎身份證, 拎完就返歸!
我就差唔多三點半去到alan度操機, 今日淨係玩winning 6 final...生疏晒...好多波都唔知想點咁!
六點半先走, 天氣轉涼...小心身体, specially u...>"<
today's song--最佳位置, only for u!
55% 考車倒數--３日...

>>October 13, 2003 at 11:35:27 PM GMT+8

2003 年 10 月 12 日 星期日 【微雨】

屎...
睡魔急call, 一訓就訓到十二點幾...都唔係幾夠!
一等就等到兩點半, 個天先叫做晴番d, 同崑出左去打波.
今次去左紅場, 無左奇蹟隊, 得我, alan, 耆英, 毫無默契可言, 走位甚少...浪射...控球失誤, 所有ge野出現晒o係我地三個身上...縱使如此, 屎波得黎都未至於一敗塗地...但錯敗感大增!
打到差唔多七點先走...天黑黑!
today's song--愛是永恒
55% 次次打親波都傷ge, 隻右腳先拗柴好番, 今日又比人整到我隻左腳, 又拗過, 左右輪流拗! 都唔知衰乜, 一估人黑起上黎係無時停!!
尋晚發夢見到你...好耐無見喇....好掛住!

>>October 13, 2003 at 12:37:32 AM GMT+8

2003 年 10 月 11 日 星期六 【綿綿細雨】

聚舊
因為朝早用多左時間整頭, 所以又要飛的去駕駛學院, 用左三十一蚊...我野都未食就用左d錢黎撘的士!
一點前去到, 但係我走左上課室, 點知等極都無人, 走番落去先知佢地開車走左...=.=" 呆等半個鐘先返黎接番我上車, 激蝕桌!!
上到車可以感受到個阿sir drive得有幾好, 學到唔少野! 最後因為趕時間關係, 佢直情超速飛車返學校, 開到80km/h! d貼背感超強, 勁high!!
上lecture上到三點就放學, 約埋alan去pierre度...
差唔多四點先食完我ge第一餐, 等埋fung bee上黎就開波操winning!
我地三個等到六點幾先去買野, pierre留守家中等bon and +x!
去到百佳, 終於會合埋佢地三個, +x無乜點變到喎~
六個人買埋野就返上去, 我又唔知點解去左洗野...=.=" 不過好在ar chi打黎救左我一命, alan頂上~! 一傾就傾左三個字...好在都無失去聯絡姐...幾surprise~!
Avis and florence上埋黎, 我地八個睇住電視, 食住等kei, 唔知點解一多人睇電視, 無論係咩戲, 都會比我地搞到變笑片~! 期間, 我唔知得罪左佢地d咩, 句句串應晒棍, 講一句窒一句, 一間間, 不過好搞笑~!
我地又食又玩就到左十一點半, 執埋d野先走...今日出左黎半日...見到三個多月無見ge +x, 問好~!
十二點半返到, 好tired...
today’s song—死性不改
re carman, 做乜整咁花呀...睇死人咩...=.=" 仲有呀, 如果我唔用"carman個咩咩", 咁唔通你要我爆佢個名出黎~?

>>October 12, 2003 at 2:03:45 AM GMT+8

2003 年 10 月 10 日 星期五 【微冷】

8成...!
原來踢毽真係識到好多人, lunch玩玩下又有人黎join, 真係好過癮...=.="
三點半落堂, 走左堂去學車, 四點幾就去到, 因為玩solo, 唔想咁遲!
我都等左呢堂solo好耐, 因為可以操熟d, 上次上完lecture8好似有少少怯, 但係都得到一d關鍵性ge領悟! 所以今日次次都泊得好正, 掉頭都好好, 呢個牌我拎左8成! 希望出街唔會有意外發生啦!
五點半先放...日日都咁趕, 唉!!
today's song-- 迷戀...
52% 打波, 踢毽, 識人識得好快!
在一傷口癒合後再次受傷...試問怎可能沒出現傷疤? 而這傷疤將會比第一次更大更深...可能會對日後有所影響...
to fung bee, 識貨! 用李克勤! 乜你聽過咁多歌ge...

>>October 11, 2003 at 12:15:48 AM GMT+8