2003 年 8 月 20 日 星期三 【雨】

一餐飯~
尋日又係四點先訓, 但係訓左六個鐘, 即係今朝十點就去左食野, 好似都ok夠精神喎~好似左咁~! 行緊出去o個陣見到阿婆迎面而家返緊屋企, 可能係may e比左錢佢, 佢比左左兩百蚊我同埋崑, 話係補番同埋預早比錢我地過生日...! 一出門口就財神到, 今日唔野少喎~
食到十一點就走, 正係時候打去chi度morning call 佢, 果然十個比人嘈醒ge人, 九個都係語無論次, ar chi都唔例外, 但係講左兩句定一定神就比佢反客為主, 主動權落左o係佢度喎, 講左一陣先收線~
明明出去食野時都仲係烈日當空, 但係到左一點幾兩點, 我約晒人去打波就玩落雨....個天變得仲快過我~!!!! 勁無癮呀!
plan A無左就plan B, 我又撩左mom and 崑開檯, 今次我拎十蚊本, 一打就打到六點, 最低潮時輸到赤字, 而到最後我就做左大贏家, 淨袋十四蚊, 崑呢條可憐蟲又輸左幾蚊, 我兩次加埋贏左廿幾, 有一餐飯係賺左喇~ 呢排幾好運咁, 可能今朝有d影響~
夜晚又係無無聊聊咁過去...
62% winner~
re ar chi, 我星期日至星期四都無人約喎...是但一日啦不如!

>>August 21, 2003 at 12:14:02 AM GMT+8

2003 年 8 月 19 日 星期二 【陰】

天有不測之風雲
我發覺手機無限短訊真係一樣好好ge優惠, 日日都可以無限量咁send, 就連尋日臨訓都唔例外, 玩多幾個先訓, 好在佢係自己友姐~
今日又訓到十二點幾一點先起身, 點知今日無野食, 一路直至兩點三先去左食tea! 跟住就坐father車出去粉嶺, 同alan and chris去游水喇! 嘩, 晏晝熱到丫, 企o係度等佢地都出晒汗, 死未!
三點幾入場, 場光只係出現左一陣, 之後個天就持續昏暗, 好似日蝕咁! 想玩耐d都唔得, 迫住要四點半上水, 五點都未夠就走!
o係泳池度見到yan個妹, 好似無乜變到, 仲認得佢, 不過無相認到~!
我地三個去到m記度又見到個"m記傻婆", 好在無比佢見到我地姐, 不過佢今日好似好正常咁! 由於天色已漸沉, 我地都費事坐咁耐, 快快脆脆去陪chris影印...行到去條天橋, 個天黑得極快, 灰暗程度同上次無遮返屋企o個次極似!! 不過算啦, 大不了問alan拎把遮走!
好快咁影印完出返黎, 個天又光返d, 而且只係落細雨, 不足以全濕, 照走可也!
結果返到屋企只係濕左20%~好彩!
今日咁就完喇~
60%
re bon, 唔該晒你喎...希望同你所講一樣啦!
re chris, 你唔係未好番咩? 做乜又撩我去開房呀, 同埋有邊個會去先??

>>August 20, 2003 at 12:02:07 AM GMT+8

2003 年 8 月 18 日 星期一 【陰】

九個大銀...
今日嘗試十點扒起身去食早餐, 得就係得, 但係真係起得好辛苦...勁眼訓呀! 十一點幾食完野返到屋企又係無無聊聊咁上下網, 到左未夠一點就交機比崑用...打左成五篇日記呀佢...整到我用少左好多! 可惜未等到我用番就比father叫左去洗冷氣機個隔塵同埋個罩...又搞到身水身汗....=.="
佢臨走前比左一百蚊同崑, 叫我地要黎陪mom打牌...奉旨打...無得抗旨!! 邊個叫我無出去丫....不過都好, mom仲未比錢我地, 可以賺番餐晏仔~
兩點半開波, 一打就打到四點幾...上半場輸左成廿幾蚊咁多! 之後我地就憑住崑ge三寸不爛之舌說服到mom去tea, 終於有野落肚喇!
五點食完野返黎, 下半場開始! 打到七點, 最後贏左九個一蚊咁多! 上落都有廿幾蚊之多!!!
跟住夜晚都係無乜野咁過去...完!
58%
寂寞...
re chi, 又話唔swim ge...? 你約定我一日啦不如...我成日都得閒ge, 唔知你幾時先得jar~!

>>August 19, 2003 at 12:19:47 AM GMT+8

2003 年 8 月 17 日 星期日 【晴】

累...
嘩嘩嘩...真係破晒紀錄, 尋晚同ar chi傾電話傾左四個鐘, 破左最耐同埋最"早"紀錄, 由一點傾到五點~! 勁呀~~
就係因為咁, 放棄左今朝十點出去食早餐ge念頭, 一訓就訓到十二點幾比kwan嘈醒, 約我去睇ho踢波...但係我仲未起身, 又未食野, 所以最後同崑到左成兩點先去到!
一去到就見到三仔企左o係場邊, ho無落場喎, 原來佢今日唔方便! 所以企左o係場邊吹水, 又睇下波咁, ho班fds都幾好波架喎, 完場贏左粉嶺青協3:2~
就係因為ho仔唔舒服, 所以佢無跟我地四個去打波, 我地四個去左上水join chris's brother and his fds打!
去到上水我已經用左50%体力...(唔夠訓+射左陣足球), 唔夠訓令我判斷力下降; 体力不足又令我失準, 所以頭兩場我打得好沉...經過我地一輪休憩息後就好好多, 今日奇蹟隊對佢地未輸過~!
打到五點就走, 因為真係好熱好曬!
我地四個去m記, 呢個世界真係細得交關, 咁都比地撞到may e同佢honey, 打左聲招呼就繼續食野. 食完野又照舊咁上左上面個廣場度行, 今次我買左隻vcd, 只不過十一大元..仲平過老翻, 死未!
七點幾返到屋企, 未係累死朕喇...對腳軟晒!
65%
20%体力...
re bon, 可能有人中左virus先少人黎姐...多得你先仲keep得住d人氣...多謝你個留言啦~

>>August 18, 2003 at 1:32:42 AM GMT+8

2003 年 8 月 16 日 星期六 【雨】

"勝利７"~
尋日同ar chi傾電話傾到兩點先訓, 今日訓左十個鐘都未夠就比kwan個電話嘈醒左, 又約我去打波, 當然欣然答應啦, 但係食埋個lunch之後就發覺往往都係事與願違, 又落雨...又打唔到波喇...=.="
chris佢地又醒喎, 知我悶, 改約我去ho度開檯, 但係我志不在些, 我志在打機jar~跟住拿拿臨約晒佢地去alan屋企操winning~
三點幾去到粉嶺, 四仔+崑行晒去祥華村, ho返屋企, 我地四個去alan度~
死alan玩打鼓全情投入到連門都唔得閒開比我地住, 要我地企晒o係佢屋企門口! 跟住條死仔先開門, 我地都玩左陣, 我好似無乜節奏感...呢類game唔o岩我玩~我地改玩winning ７, 今日我唔知做乜, 好似好勁咁, 連贏左好多舖, 之後比chris擊敗, 再由chris連贏好多舖先到我同kwan玩! 比kwan入左兩粒"大勝", 奇恥大辱呀! 之後一舖就比我覆桌成功, 入番佢兩粒, 不過入第一球o個陣好搞笑, 佢個巴夫斯唔見左人, 無lala比我射空龍, 好似hand機咁~!
就黎七點, alan, chris and me三個人合力對中國, 但係電腦都唔係野少, 都有d反抗力, 知不過人類始終都係勝過AI, 憑住我連續兩個妙絕ge助攻同埋佢地兩個合作入一球, 最終以3:0贏左, 只恨唔記得較耐d時間黎玩...~
七點幾落樓, 行到第二座o個陣, 樓上有人淋水落黎...我中左幾滴...上面d人正賤人!!
64%

>>August 18, 2003 at 1:04:00 AM GMT+8

2003 年 8 月 15 日 星期五 【陰】

winning ７~
尋日心血來潮, 將平時向右梳ge頭髮向左梳, 今日出門口前gel下, 點知效果幾好喎~
十一點幾同mom一齊出門口, 點知醒起仲未打比ka lok...打極都打唔通, 又出左去喎, 唯有等運到...打比bee又未出門口, 好在到左十二點ka lok識打比我姐!
十二點半去到佢屋企, 乜人未到...跟住打打下機, kei, gary, bee先出現, then 我地去左大家樂lunch!
食完野又上番去ka lok打機, 玩左陣首都go, 之後先拎fung bee隻winning出黎玩!
萬眾期待ge winning終於出場, 一玩之下先知好正, d action勁仔細, 一玩就玩左個幾鐘~^^
四點幾差唔多五點就走lu, 佢地去晒睇"大逃殺", 我就返屋企!
去到大學火車站, 見時間差唔多, 約埋o係旺角返緊黎ge yan一齊撘火車,都唔知佢做乜, 呢排成日都話唔開心, 咪陪下佢囉, 返到粉嶺...送到佢去花都, 等佢買埋外買先走! 我都算係咁啦...=.="
今日完~
65% 好耐都無見過gary and ka lok lu~
re chi, 你唔好最黑喇, 咁黑唔好睇架, 何況你點黑都唔會黑得過我~ 至於排球...下次先算啦~

>>August 15, 2003 at 11:57:44 PM GMT+8

2003 年 8 月 14 日 星期四 【雨】

Ｌ學~
今日一起身已經係十一點, 要趕住o係十二點出門口, 因為約一點去學車, 但係時間太緊迫, 食野都食唔切就要走....
個死人專線佬學人玩慢駛, side晒我d時間...趕頭趕命咁趕到去駕駛學院都已經一點差唔多十五分, 仲要落住兩喎!...好在今日連續學兩個鐘先無咁傷jar...! 奔緊去個board度o個陣比兩個教官教叫停左, 佢地好眼利咁鎖定左我係佢ge學員, 結果不出所料~!
雖然我係遲到, 但係佢都仲係好好聲氣, 仲遮埋我去架車度! 我氣來氣喘, 心情要等左陣先平復左落黎, 趕到乜都唔記得咁滯, 失誤都有少少!
第一堂學斜路停車開車, 都無乜問題, 難度所在就係兩點ge第二堂...要學泊s位, 一開始就淨係o係度聽佢講要點樣扭軑, 聽極都唔明, 跟住佢就叫左我落車聽佢講喇. 佢一邊拎起把遮, 一邊講, 仲有用隻手撘過黎我個shoulder tim, 真係唔知幾耐無比d長輩咁樣撘住黎講野喇, 整到我好似細個左咁tim, 不過場面好似好溫馨咁~ 到上番車drive先知泊位係幾咁麻煩...成身都要講協調! 我只係初學者黎, 不過試左幾次就覺得係得個煩字, 唔難~ 不過要記住"慢"丫ma~
三點學完就走左, 但係我今日一淡水都未落過肚, 拿拿臨去左book堂之後就去左食野, 四點幾先食完第一餐! 五點返到屋企...好眼訓...@.@
今日就咁過去...~
62%
re alan, 唔知你up乜喎...
re bon, 雞竇?我都唔想又唔知你地會經過o個d地方架喎...小心d~^^
re kwan, 我去左你度留言, 自己check 下啦~
*一週喇...咩大件事?就係上年我比人o係打波之時揄晒d野...心情同埋銀襾都跌至谷底! 仲要受害者唔只我一個, chris都失左部手提, 我地四仔仲第一次咁入左警署報案...勁黑仔! 14/8, 呢一日我呢句都會記得!!

>>August 15, 2003 at 12:35:32 AM GMT+8

2003 年 8 月 13 日 星期三 【晴】

bbq~
朝早又係平時過, 今日唔講~
晏晝一點約左alan, 耆英, chris, 同埋阿姿o係上水等, 跟住一齊出發去bbq, 辛苦晒ar chi咁遠水路由將軍澳撘好多次車黎, 再去元朗!
人齊就出發, 首先去元朗度買野...本以為chris會好熟路, 但係估唔到佢一年唔黎真係乜都唔認得! 五個人係咁兜左over半粒鐘先去到間凍肉舖, 買完野重到死又要搵百佳! 最後都成功咁買晒, 第二個難關就係搵車撘! 終於都比我地搵到, 不過之前係要行到汗流夾背先上到車, 一上到車就覺得"世界真細小小小", 因為約左我地ge bon o係車上面, 仲準過約埋呀!
kwan and ho一早就去左swim, 所以佢地霸左爐, 一入去就見到崑班fds o係度bbq+ing, 呢個世界真係細!
我地一擺低晒d野就踢毽, 都成個幾月無掂過, 又退化左! 跟左耐, 散左兩隻毽! alan, 同埋三仔落左水玩, 淨底我地四個o係度唔知做乜...等左好耐佢地先返黎再玩過! 不過佢地去晒起亶, 我就同chris and alan去左個沙灘度踢沙灘波~玩到成身汗and 沙, 勁唔舒服, 沖完沖身再bbq~!
食野不過玩野, kwan同chris and ho玩card game輸左, punishment係要同一個唔識ge女仔合照! kwan玩之前就大大聲, 到輸左就死狗咁, 卒之蹉跎左好耐先去左崑d fds度叫個女仔出黎合照, 勁白痴呀佢~! 不過好搞笑~~
跟住係咁一路玩下食下, 玩玩下我地以"莫須有"(可以話係佢今日樣衰)ge罪名黎治kwan罪, 捉左佢黎磨樹, 佢拼命掙扎, 係我見過最難捉ge一個, 用左成分鐘先搞得掂佢, 唔止佢成身沙, 我地被佢踐起ge沙搞到d手腳都係!
燒多左一陣, 到左十點半到就執野走人, 今日都算盡興啦, 大合照就少不免~
bon and chi就o係個路口度撘小巴走左, 而我地齊條仔就撘巴士去屯門, 再上一架亡命專線小巴返上水, 全程只係用左半粒鐘, 極之恐怖!
o係上水撘火車返粉嶺再轉車返屋企, 車上同ar chi talk phone返到屋企先因為收唔到而cut線, 成日都係咁...一間間...>"<||| 十二點正!
完~
75% 今日玩得勁開心~! 正!

>>August 14, 2003 at 1:57:18 AM GMT+8

2003 年 8 月 12 日 星期二 【陰】

no topic
朝早無做, 差唔多一點比kwan and chris約去唱k, 佢地兩個會合埋一早已經o係旺角ge崑就去左開房先, 我就仲o係屋企上網玩到兩點先出門口...三點先去到..
一入到k房就聽到kwan走音~呢三條友又o係度玩野!! 原來佢地係唱k lunch, 我碗烏冬變左冰凍, 食我唔痾已經係萬幸...跟住唱左幾首歌, 我ge k lunch就o係一個鐘多少少ge時間過去...=.="
出到去落雨...好在我帶遮出黎姐!
跟住我地三個陪chris去左睇鞋, 佢終於都要換佢對iverson喇! 跟住揀左幾間, 佢睇中左對nike, cost $719, 但係佢得六舊水, 咁我就借左$100比佢買, 所以對鞋我都有份~~^^
買完野差唔多五點, 撘火車走人, 今日到左"三點五仔"吹水, 我地四個o係上水先落車, 跟住行左陣, 去到間七仔, 有兩條差佬+1個佬伯+2 staff, 佢地o係度"理論", 原因係個阿伯偷野又死口唔認! "....我賠番比你囉!..." 個阿伯咁樣同d差佬and staff講!
七點返到屋企...今日完~
66% 其實我都係無乜mood 唱k...不過佢地都叫過好多次, 唔去又唔係幾好...! 今日仲無lala比chris話我把聲sexy左...出自佢口, 好嘔心...>"< 即時唔知唱好定笑好...~!
每逢出門口都必經人地門口, 其中有一家人賤到不得了, 整隻狗o係度又唔養! 其實隻狗都非常可憐, 撞正今日出門口落住細雨, 黃狗仔又慣常地伏o係路邊("屋企"門口), 佢依然地用佢對可憐的雙眼望住我, 由於佢身世可憐, 得出左世幾個月, 慘遭主人遺棄, 以致皮包骨, 而且近期天氣反常, 令到佢身上充滿虱子, 經常都成身濕晒, 係人見到都會憐惜下佢, 但係偏偏佢個所謂主人就唔要佢, 又唔係住公屋, 自己都養左幾隻狗啦, 駛唔駛咁呀! 佢地d行為令人髮指, 侮辱左人類! 我祝佢生仔無屎忽, 而且全身生虱!!

>>August 13, 2003 at 1:01:30 AM GMT+8

2003 年 8 月 11 日 星期一 【晴】

足不出戶
今日悶左半日, 好在又係訓左一個朝早先悶少幾粒鐘!
晏晝仲頭痕緊預定聽日個去beach團會有咩人去...打過比阿姿就證實左佢去唔到...唔記得左佢有學要返tim...! 可能要delay...>"<
由一點至六點半都係望住部腦篤下波咁過日晨! alan打黎話pierre無錢去唔到...d人越黎越少...我做hoster就越黎越無奈, 感覺有如被玩!!
夜晚食完飯d時間過得特別快...咁樣咁無聊又係一日...好似對上一個week日日都出左去, 今日至算得上係休息日!
65%
reply:
re bon, 有人讚咪好囉, 努力~
re bee, 無人話過掛住你, 請摺埋再彈開~
re kaka, 歡迎光臨~ 其實ho仔個名我都知喇, 但係唔寫出黎又唔覺咁順口喎~

>>August 11, 2003 at 11:47:14 PM GMT+8