2003 年 8 月 28 日 星期四 【微雨】

秋意~!
o係呢幾日已經覺得有少少秋意, 皆因個太陽早左落山, 又無三十幾度咁高溫!
由於尋晚太肚餓, 被迫早睡早起, 一於去食早餐...食完野就返屋企睇dvd, 但係呢隻死人碟就好無品, 成日自己飛碟+打晒格仔! 無計啦, 好耐都無買過老翻ma! 大逃殺II, 本來想入戲院睇, 但係個個都timing唔o岩, 自已搞掂, 不過好似比人呃左錢咁!
約左chris, alan, kwan去swim, 出去o個陣好似想落雨咁, 好在秋天少雨水姐~!
三點入場, 好似好冷清咁, 不過無所謂啦, 志在消磨時間! 但係今日又同yan's sister好有緣, 又見到佢喇! 到左差唔多四點半, o係岸上面嘆o抖緊ge我一眼關七, 咁都比我見到carrie and yan o係度出現, 過去打聲招呼先, 呢個家姐真係八掛, 原來係走睇下個妹同咩人swim~
跟住一路落都係佢地有佢地玩, 我地繼續吹水~!
五點九我地四個走先, 六點幾去到m記, 個死傻婆又o係度喎...! 不過無理到佢, 我地討論ge係m記d野食越黎越貴, 成29.5一個餐, 你唔好去搶! 臨走前打電話約人唱k, kapo話唔出得街, 好可惜=.=" 而ar chi又無人聽, 約人大失敗, 跟住就返屋企!
今日完...曬完一日, 個身好熱!
64%


>>August 29, 2003 at 12:34:41 AM GMT+8

2003 年 8 月 27 日 星期三 【微雨】

傷兵...>"<
等左呢一日好耐, 今日個天終於都似番d樣! 上晝只係少部份時間陰天, 可以去打波~!!! 但係去打波之前去左睇波先, 同崑去左雍盛睇佢校隊鬥波!
chris o係兩點半黎到, 佢睇o個陣已經過左半場, 阿chu已經入左數球三分, 有兩球仲要係o係三分線行後兩步咁遠黎射, 痴孖筋架~~!
完場喇, 全場都係崑校隊壓住黎打, 分數係101:22, 大炒79分! 對手都唔係太過弱雞...而係佢地勁, 佢地同阿sir言談間比聽到, 話出年學界大有機會拎冠軍!! 真係令人期待呀!
之後同chris one on one, 當然係我贏啦~! 三點三我地先走...
差唔多三點半去到粉場, 無人黎ge...過左無幾耐黎左條金毛, 見佢key住個波輕跑都知佢想點--入樽+ing!! 全日最矚目就係佢啦!!
等左好耐, 耆英同kwan先黎到, 崑又黎埋, 等左好耐先夠腳鬥波! 但係都係隔離場及引d, 因為有四個可以掂到個籃框, 其中兩個仲可以入樽tim...>"< 不過我地呢邊都唔弱, 默契無敵!
默契呢樣野今日又引證左, 同幾條唔識ge友仔打左三場, 人地其中一個仲要係中鋒格, 我mark佢, 比佢撞死, 又臭喎! 雖然處於逆景, 但係正切合"奇蹟隊"打法! 我去左聽電話, 由耆英頂上, 可能耆英打法唔同我地三個, 比人lead住幾分, 最差情況係8:3, 但係我上身呀, 入左幾球, 好似生晒咁, 最後反勝10:8, 7:0ge攻勢, 總局數贏2:1~~ 可惜o係其中一場入面比我人以超技術撞, 拗柴! 妖! 好在無事~!!!
七點同崑返屋企, 隻死人腳先開始黎料...右腳腳眼位開始腫喇..>"等左呢一日打潻好耐, 今日都算係咁啦~!
65% 今日好好, 有機會發洩!
to ar chi, sorry lor, 其實唔係想搵你出黎hea時間架, 想日日食麵之ma~

>>August 28, 2003 at 12:35:07 AM GMT+8

2003 年 8 月 26 日 星期二 【陰】

hea time...
今朝九點就起左身, 目的係上網交後補申請! 無左我ge dream course...design! 不過算啦...咁黑仔ge我都預左, 報左其他o個d, 九點點搞掂, 決定唔返ive, 再訓過! 十一點幾鐘肚痛痛醒左, 想訓耐d都唔得!
起左身就開電腦, 打左封email比個pk班主任...呢次係我第一次活學活用! 一點打比ar chi叫佢出黎陪我hea時間, 約佢兩點半, 我就一點半出門口...出左門口就睇信, 都估到個天係喜歡玩我架喇, 不出我所料, 份ive後補課程選擇表而家先寄到黎, 托咩! 算把啦, 都交左喇, 留為紀念啦...=.="
兩點半出到去, 等左一陣佢先黎到, 起左身咁耐, 一d野都未落過肚, 食野先!
食完野我地圍行, 差唔多行晒全部旺角ge商場, 時間arm arm好到四點九, 同佢一齊撘地鐵去左牛頭角, 送佢上堂學日本語! 五點半say bye, 等到佢七點...時間太充裕喇我...等佢o個陣行左惠康買零食, 去埋d vcd舖度行, 最後去左間m記度落腳, 睇下今日收到ge課程...好dum春呀, 呢本野太遲喇!!!
好不容易先到六點九, 再行番過去接佢放學! 第一次咁有心機等! 本身諗住送埋佢返屋企...點都係無, 陪佢等埋巴士我都走喇, 再返旺角!!
今次我醒喇, 知佢地實會早d出黎吹水, 打比anthony先, 再join埋佢地, o係仙跡岩吹水, 有我, anthony, theron, 阿杰, 同埋耐無見ge大佬璇(女)! 我做左吸二手煙機, 佢地四個勁煲煙...坐左成半個鐘先走! 去cyber city join埋阿昌佢地幾個!
行下等下咁就到左九點多, 一齊殺上間韓燒店度, 我地霸左兩張八人大檯! ka yu仲與妻出席, 坐埋黎我地張非吸煙檯, 比我地玩死~!
成年無見ge小明十點先出到黎, 死pk丫, 無見佢咁耐都係一樣咁搞笑~之後我地又影下相, 吹下水咁就到左十一點多...我擺底一百蚊就走先...繼續發揮灰姑娘本色! 十二點半前返到屋企喇...今日出左去十一個鐘!!
59% 今日心情先叫做好番d...
reply:
to ppl who support me, 多謝你地d關心and 好意~ 過一兩日就無事, 係無奈左d姐!
to celia, 你問咁多叫我點答你呀...你得閒打黎仲好啦~!

>>August 27, 2003 at 2:03:46 AM GMT+8

2003 年 8 月 25 日 星期一 【雨】

不滿!
其實尋日都知個補考結果, 到左今日先肯定有冇得升...同alan and fung bee返去拎成績表, 佢地拎完就好啦, 有學費單, 而我就有另外兩封信...唉...都係同呢一科無乜緣架喇!
拎完就落去詢問處問下後補d野, 我明明就無收過信(只係收過一封可以唔駛收ge信), 但係佢就話已經寄出左, 問到我火滾, 都已經過左期兩日, 我仲未收到, 做野勁無效率!! 最後個人都係叫我返屋企等消息, 最無就打去問個究竟!
算把啦...都唔係第一日讀ive, 都知道ive d效率! 簡直可以話灰晒咁滯!!
我地三個就行過去pizza hunt度食, 沿路佢地兩個d口吻就放下左心頭大石...而我? 只好怪自己math的不濟! 聽住佢地講出年一齊有書讀, 心中不是味兒!!
去到久違左ge pizza hunt, 一心想伏阿雪ge我地有d失望, 因為佢條仔無做, 佢跟佬走左lu...係聽kiko講ge! 跟住我地三個叫左個大批黎食, 又叫左一jar野飲, 又問佢拎左佢張私伙會員咭, 食埋野就走, 時間係大約兩點半...臨出門口我地問佢個名又唔講喎, 淨係話自己做"小num"~!
出左去我地周圍行, 去到新城巿度見到今年港姐們, 係真人靚過上鏡架!
三點半就走, 返屋企喇, 可能係傷神, 我同alan都o係火車度小睡...
四點半返到屋企, 係就係收到ive ge信, 但係就唔係課程選擇表, 只係遲左成幾日黎ge身份確認信, 要黎把咩! 拿拿臨上網睇下有冇收過其他有用ge野...點知都係無! 立刻打去招生處度問下, 都未夠五點(4:50), 但係竟然無人聽! XZY#!@#$&*!!!! 五點打多次就飛左去錄音, 呢個係咩system ar!!!! 我勁憎ive d處事方式!!
都係諗住上網交form, 又無課程選擇表, 打去ar chi度問佢喇...順便等佢比我"生"下...傾左一粒鐘到, 心情收做好番dd...
50% ive一年玩我一次...!
re bon, 做乜講野又吞吞吐吐呢??

>>August 26, 2003 at 12:20:08 AM GMT+8

2003 年 8 月 24 日 星期日 【雨】

T3 k團~
期待已久, 以pierre為首ge k團今日終於都搞得成, 約左十點九o係沙田等, 但係就九點比人morning call醒左~ 食埋早餐d時間差唔多, 約埋alan出去, 十點九準時到達少田火車站, 但係fung bee居然十點半就到...有病~
等到十一點, miu早過pierre到, 等多陣ar chi到埋我地就去開房先~
唱緊o個陣都已經有八個人, ka lok成十二點先到, 總共九個--me, ar chi, alan, bon, pierre, miu, ka lok, kei, fung bee~! 幾耐都無試過咁多人黎呀, 最衰avis同埋flornece無黎到丫~~
我地一人齊就發顛, 影左勁多痴孖筋ge相, 仲有mv~連我自己都頂唔順~!
出左去就各散東西, 最後後番miu, pierre, me, alan, fung bee, bon and ar chi, 我地o係度猶豫睇唔睇戲好...等左好耐, pierre and miu要去solar plan, fung bee 同佢地一齊走先...而我地最後都無睇戲, 去左行沙田!
途中, pierre搵番我地, 話solar plan canceled...我地去左muji join佢地, 跟住就去左影貼紙相, 正, 今次影得好好~!
四點九過d, ar chi約左人要走先, 我送埋佢撘火車, 跟住我都走...
諗住返到粉嶺等一陣就可以坐埋father架車返屋企, 點知佢有排都仲未到, 都係自己走先! 走買左罐咖啡飲~
返到屋企個胃有少少痛, 諗住食完飯會無事...點知食到一半就黎料...仲痛d tim! 食左兩粒藥好似無乜效咁, 個胃仲係劇痛無比, d藥力仲未發揮到, 痛到我要捲埋, 一伸直就痛到痴肺! 過多半料鐘先開始少少咁減輕痛楚, 足足到左八點幾先無事! 好難捱!
今日就過去左喇...
69%~

>>August 25, 2003 at 12:15:10 AM GMT+8

2003 年 8 月 23 日 星期六 【晴】

battle gear...
朝早無乜特別野, 一點同chris出左黎lunch, 一邊食一邊同佢講學車d野, ha~ 我地比打機誤導晒~!
一點七好趕咁走左, 趕到pk先可以準時兩點半去到駕駛學院等開車! 一夠鐘學o個陣見到一行十幾個帶晒超ge教官好浩蕩咁黎, 英到丫!
今日教我ge係一個好性急ge人, 一見我上到車就叫我開冷氣, 仲要叫我keep住踩油, 佢話咁樣會快d涼喎! 踩到累鬆左一鬆都叫我踩底d, 係咪咁熱呀而家d人!!
今日開車ge感覺好左好多, 係學以黎最好一日, 但係今日係正式出街, 心情異常緊張! 到左紅綠燈位, 我排頭位, 勁鬼驚後面d車B呀! 好在無死火姐...唔係實死得人多呀! 直至到左第唔2幾多個燈位先死第一次火, 原因係唔記得轉番空波就鬆左腳! >"< 第二次係佢勁up野, 亂左先死火, 不過都係o係d要停車ge位度死姐~! 嘩...跟住去到一條大直路就激喇, 話說條路係可以行到70km/h, 一開始出左學校就叫我轉去3波已經打左個突(因為未用過咁高gear!), 而到左呢條路就唔係人咁品, 1波, 2波, 3波, 到左轉4波仲未夠喉, 叫我去埋個5波!....不過入錯波...4波入左去3波...架車勁嘈! 之後再慢慢組織過先去返5波, 如果無記錯我都開到50-60km/h!! 以一個初學者黎講入到5波已經前所未聞, 未死得就更加係大新聞!! ha~ 跟住無驚無險就返番學校, 等第二堂!
真係唔講唔知, 仲以為第二堂會係同一部同埋同一個人教, 點知呢個concept係完全錯誤! 換黎係一個魔鬼教官, 同埋一部好sensible ge車, 又要重新適應過!...全程同佢無乜兩句, 而且講野劇快, 都未黎得切消化就已經死火...無lala叫我3波拖2波先停車, 大佬呀, beginner jar!! 比佢亂咁黎就死左兩次火, 又係停左車先死...! 不過行車感覺又好左, 上過一堂, 起碼定d先啦~!
學完車就諗番學緊o個陣其他driver ge醜態, cut我線又唔打燈, 話黎就黎, 差d撞到佢...好在打得機多, 反應快jar! 都唔知d人係點教到個牌架, 仲亂黎過我~!
四點半學完就走...先返ive, 諗住睇下補考成績, 點知去到門口就比個似秘書處d人叫走左...聽完佢講先知係咩一回事, 枉我仲行到身水身汗tim!
去到沙田就大肆book堂學車, 好似有成五堂! 都係lazy累事~
返到屋企食飯, 同fa and ma大談學車心得, 佢地聽到我上到5波都好驚訝~~haha, 因為我勁lor~
睇港姐都係爆冷...唉~
完...~
re fung bee, 你唔係掛住我先至訓唔著呀~?
re 包包...你又九唔撘八喇...!

>>August 24, 2003 at 12:37:02 AM GMT+8

2003 年 8 月 22 日 星期五 【雨】

received money = lost freedom...
尋日打左陣波, 今日就累到起唔到身去食早餐, 都係尋日無做熱身就打累事...!
為左等待grandfa'n ma黎, 我同崑都無出得出去...都係直至四點同佢出左去食tea jar! 我請左佢食tea, 佢都好應該請番我食雪條, 個士多老板又好搞笑, 串我喎, 不過真係好搞鬼呀佢~
返到屋企都五點幾, 玩左陣就食飯, 兩老在家中使我們渾身不自在!
好不容易先捱過一日...佢地仲要o係度訓一晚!
雖然今日屈左o係屋企, 但係grandma比左一人二百比地作為零用...用錢黎換自由, 值嗎?
聽日又要去學車tim...今次出路面, 好緊張, 勁驚o係馬路度死火!!
58%
re fung bee, 邊個話我掛你呀, 知唔知個"醜"字點打呀~? 不過你o係我眼外真係幾重要架, 你係我粒眼屎, 無左你我會"乾淨盲"架~ :P
re bon, 都唔係話你成日走音係好難頂...個個都會走架啦, 唔走o個d都唔駛坐o係度唱啦~
re alan, 你up乜呀? 做乜用車車我???????
re ar chi, 29 去啦, 今次唔好甩低~
re real, 咁耐唔黎留野, 留咁大段呀乜~ 你仲好啦, 成日都有miu陪...可憐我呢? 同崑相依為命jar! 星期日唱k無問題呀, 而家有我, 你, fung bee+ka lok~

>>August 23, 2003 at 12:27:28 AM GMT+8

2003 年 8 月 21 日 星期四 【陰】

走音五人組~!
今日一起身就發覺手提有一個message未開, 一睇先知ar chi今日出唔到黎唱k...~"~|||既然係咁就算啦...我都會照去, 因為佢一個掩蓋唔到我今日ge興致!
食埋早餐, 十一點幾先出去, o係架車到又收到ar chi ge message, 跟住打比佢傾左陣, 問候下咁啦~! 收左線先再約alan and bon...好在約到姐, 如果唔係就交唔到差比kwan and chris!
十二點多d就一條友去到green box rm C6, 一入到去佢地已經到晒, 又會快成咁~!
之後就係咁唱呀唱...唱到中段我終於都收做開到把聲喇! 唔理咁多, 點左好多李克勤, 連續成六首...成個李克勤mini concert咁(好似唱得好左~)~! 之後又用番黃凱勤唱腔唱左首"易愛難收"...勁side氣喎, 足以唱到斷氣!
到左後段, chris and alan無lala走去唱s.h.e. ge歌, 白白痴痴咁, 成日都用半假音去唱, 雌雄不分咁, 我又撘下咀咁, 簡直笑爆, kwan睇到無奈, 聽到一間間~不過真係好搞笑! 可惜green box要地用呢d歌黎作結...我唔甘心...我仲未唱陶吉吉呀...>"<
出左黎又躊躇去邊...本來已經黎到百老匯想睇戲...衰人kwan剩番三十七...食一餐都無左lu...無奈地要返屋企! alan出舖頭, 我地三仔送埋bon去撘車就走lu!
返到粉嶺得番我同chris, 走左戈主場搵崑, 一去到就見佢o係度打緊, 見佢地打得咁辛苦, 一於幫佢覆桌, 打抵ar lok佢地先...只可惜崑個fd ge進攻意識太強, 目中無我地兩仔, 獨食! 不過單靠我同chris ge默契都可以打到ge! 結果都係輸左...防守只係二打三...=.="
o係無太陽而又悶熱ge天氣下做劇烈運動半子時...足以令人汗流夾背, 滿身汗嗅! 濕晒身咁同崑返屋企!
食飯o個陣grandma打黎, 佢話聽日會黎...所以聽日無得出去...! 悲....
63% 今日全場人都有走音, 而且情況仲幾嚴重, 可能個個都少操啦, haha~
好歌指數主觀分析(10--full marks):
alan, 少唱, 5.5
bon, 都少唱, 5.5
chris, 傷風失聲, 但係仲keep到少少, 7
kwan, 走音王, 無乜唱到, 6.5
me, 未開聲大走音...但係開完個mini concert就開晒, 有d陰濕位今日唱到, 勤勞撘夠, 7~

>>August 22, 2003 at 12:51:06 AM GMT+8