2003 年 11 月 8 日 星期六 【雨】

你知道我在等你嗎?
尋日四點先訓...係繼summer holiday之後, 最早訓ge一日, 而今朝十點就彈起身去食早餐, 太肚餓喇...=.="
十一點返到屋企就上網, 一路直至七點....目的都係等, "你知道我在等你嗎...?", invisible, 科技何其發達....!
今日就咁完喇...rained whole day, 雨天曾添離愁別緒!
today's song-- 想你想得好孤寂...
50% 個人變得無晒動力...
reply:
to alan, 係呀, 就考喇, 21號, 不過今次ge壓力仲大過上次....!
*聽日pierre要飛喇, 好懷念呢兩年識到佢ge日子, 舊年先同佢熟, 成班人一齊食飯, 一齊踢毽, 踩單車, 唱k...佢係最搞屎棍ge一個, 而家無左佢把聲o係hk, 好似好唔慣, 祝佢過到英國會發展順利, 儲到大把錢, 返黎娶miu miu la, 仲有多d返黎探我地~! 一路順風!

>>November 8, 2003 at 11:23:10 PM GMT+8

2003 年 11 月 7 日 星期五 【陰】

happy birthday to ho~!
朝早上完dcn, 阿偉走堂, 晏晝就得番我同ar sham相依為命!
而今日返學放學同埋lunch都係踢下毽咁過日晨, ive潮踢ma~
放左學踢毽踢到五點半就走, 比ho仔叫番fanling打波, 但係只係打左一舖, 仲要係輸波而回! 跟住就佢埋佢屋企, 等埋佢沖完涼先出發, 約左o係火車站等齊人!
火車上有me, kwan, ho, momo and shing奇怪ge組合~
出到mk join 埋chris, 我地針左好耐, 到左成八點半先決定去旺中唱k buffet! 其實我今日都無乜mood唱, 而且都好掛某人...又tired, 所以都甚少唱到, 唱得最多就係壽星ho同埋chris!
shing到左十一點幾就走, 而耆英就o係呢個時候帶埋個cake黎, 又玩左好耐, 到左十二點三, 我都係唔可以一個人唱晒完整一首歌(i mean solo), 同耆英走先!
上到火車先知kwan佢地都趕到尾班火車, 仲可以同我地同車tim!
到左粉嶺, momo話車埋我返屋企, 但係要比廿蚊(都平過的士少少ge...), 可以參考下佢點drive, 坐下無妨! 車上有四人, me, chris, ho and driver momo!
我估我ge行車警覺性可能會高過momo ge, 技術都係差唔多啦, 因為有車, 同佢熟落左, 不過佢都係新牌仔一個, 而且arm arm 落完雨, 佢又第一次行濕地...但係我仲驚過佢...=.="
一點八先返到屋企...今日又出左去一日, 連續三個星期五都出左去玩...超手緊!!!!!
today's song--先入為主...
59% 無乜心機...一個幾月喇>"<
reply:
to 魚, 踢毽係無乜靚仔(o係我眼中), 沙田ive亦不例外, 不過經常都會有幾個o係度踢ge~你...係咪暗示d緊咩呢~?

>>November 8, 2003 at 2:54:45 AM GMT+8

2003 年 11 月 6 日 星期四 【酷熱】

no topic
今日返十一點半, 可以訓個夠, 八個鐘!
到左火炭就比個同班同學叫住, 跟住一齊返! 返到上課室門口, 見到carman o係對面, 打比佢吹下先, 好耐都無搵過佢喇, 一講就講左三個字~
之後一點半放lunch, 好快食完野又返左ive踢毽, 不過今日超多人玩, 好多同班同學黎黐毽踢, 成十多個, alan佢地又黎埋, 搞到無乜掂到...
兩點半上堂, 三點半放學, 上account堂d 同學好串咀, 好搞笑~!
放左學又係踢毽...又有好多唔同ge人黎踢, 而家ive"潮踢"~係由我同alan一手帶起~!!
玩左好耐, 到左六點先走, alan, sham kwan and me一齊撘火車返!
tired...
today's song--愛不釋手
59%
reply:
to bon, 真係有d日日如是ge感覺, 不過有邊個唔係日日返學?!
to alan, 你有所不知...雖然係考mc, 但係一題有多個答案(3個或1個不等), 仲要中晒先有一分, 又無帶到notes, 變左考天才波...=.="

>>November 6, 2003 at 11:09:48 PM GMT+8

2003 年 11 月 5 日 星期三 【晴】

嫌疑犯#7
今日又係開工大日子, 十點半放左學, 打比個死kwan仲o係度訓緊, 明明約左十一點! 搞到我又要踢毽出汗, 又唔知做乜今日似唔識玩咁...十一點半我先走!
同kwan針左好耐先諗到去m記食, 仲要係cyber city隔離...就o係食緊野途中, 比我見到一個人, 好似識, 但係又無膽~ 算~
差唔多一點, 同kwan出發去上環, 今日又做戲子, 但係今次班人好似好細咁...有d仲係中二!
一行十人去左高街, 條街真係高得很, 又長又斜, 1:6!! 勁似以前越野跑d斜度!
未夠兩點就去到, 但係又等左好耐, 又唔比人行開, 大聲d講野都唔比, 唯有睇17同埋訓陣...不過真係超悶!!!!
差唔多四點, 我地終於都開工, 入到去就即刻foul 4人, kwan有幸係其中一個, 可以唔駛驚; 而其餘ge人就要除去所有飾物, 包括鞋襪同眼鏡! 而最麻煩就係人地個律師, 兩位當時人著長袖, 又要佢地同我地換, 不幸地我係其中一個, 我同佢笠過ge衫互換!! 真係無乜運...仲要企我隔離tim...我係嫌疑犯#7! 認完人又話認唔到...有少少玩野ge成份!
同kwan收左錢就散, 我地兜左好耐, 終於都返上環, 同佢入左機舖操左陣機, 再撘番地鐵去旺角行!
差唔多六點先走...勁眼訓囉!
完~
today's song--你怎麼捨得我難過...?
60% 原來m記入面我無認錯人~

>>November 6, 2003 at 12:16:18 AM GMT+8

2003 年 11 月 4 日 星期二 【酷熱】


test...
尋晚勁無心情溫書, 成晚都去左yahoo篤波, 無溫過, 淨係到左今朝等alan o個陣先開始溫!
上pf堂又係無聽到書, 一黎眼訓, 二黎溫書要緊! 臨落堂, 阿sir派番上個禮拜ge quiz, 最高分係5/10, 而我...拎左人生以黎第一次--炒蛋--0/10!! 無野好講...無帶到notes...下次黎過!!
十一點半lunch, 十二點幾就返到ive, 睇ar sham打左陣波, 到左一點我地先返去天井踢毽!
明明係我地用左個場黎踢毽先, 但係成六七個人就o係我地咫尺ge距離度打排球, 仲要下下出力殺, "pang pang"聲o個隻, 完全唔駛我地感受, 搞到我勁火!!! 就連唔知乜事, arm arm 黎ge fung bee都睇得出! 呢班pk...o個d"食蕉"又唔知點做野架, 唔出黎趕Q晒佢地走, 除左淨係識check學生證之後就無野識做!! wtf!!
三點半係msa測驗時間...溫極都唔入腦...半撻Q...
四點半出番黎放學, 今日竟然有成六個同學一齊走, 第一次咁湧!
今日完~
today's song--愛你
59%

>>November 5, 2003 at 10:27:48 PM GMT+8

2003 年 11 月 3 日 星期一 【清涼】

時冷時暖...
一起身就超涼, 近乎凍! 返到學校仲要嘆冷氣, 凍到起晒雞皮, 出左班房又唔見得暖得去邊, 刮起涼風! 十點半放左, 特登等埋janet先行, 同佢吹左兩句先走~
十點半太早放, 我地又踢毽, 不過唔知係太大風定係自己累, 功力得番三成...=.=" 無癮ge~
十二點幾我地三個又去左食野, 一點就返到ive喇, 又踢過...直至一點半上math...
無奈地又早放, 今日唔去得alan度, 同大舊行下百佳買下野, 跟住就返屋企喇, 四點都未夠, 奇早呀...!
今日就咁過左...好惰散!
today's song--他不准我哭...
58%

>>November 4, 2003 at 1:08:30 AM GMT+8

2003 年 11 月 2 日 星期日 【晴】

shooter
又過左一個禮拜, 但係今個sunday有d唔同, 因為nba地帶做番, 等左幾個月喇!!!! 好正~
晏晝三點幾又去左打波, 好在今次chris's brother佢地有去姐~
之後我, alan仲有kwan一對, 我地有的是技術, 佢地對住我地無得fight~! 對住佢地, 我地三個係咁贏, 直至打到筋疲力竭, 最後打到唔想打, 五點半就走...今日勉張都叫做似番個射手, 入左幾球穿針ge三分, 唔通係ive打得多, 有所進步`?!
我地三個打完就去7仔, 再去m記(有少少玩人ge成份, 不過真係唔錯~), 最後行多陣就走喇, 好累唷...!
today's song--"時光倒流二十年", 不過如果有得倒流, 我想返番暑假, o個陣好開心...同埋我唔會咁猶豫...撻死先算!
59%
不枉我日伏夜伏, 今日終於都比我伏到...不過反應依然冷淡...好失望!

>>November 2, 2003 at 11:47:07 PM GMT+8

2003 年 11 月 1 日 星期六 【炎熱】

奢侈week...
好無奈...十點半出到去老地方諗住食野, 但係點知mom又走左, 搞到要同崑折返, 無野食!
等左好耐, 到左兩點, 崑ge兩個fd黎埋, 我地四條仔出左去食tea, 但係我同崑兩個人食左成60都未夠飽!! 好頂癮!
返左屋企唱左陣k, chris o係三點半前都黎到, 好似有少少踩場ge感覺~
唱左好耐, 到左六點半我地就出去食飯喇, 四個人一齊出粉嶺, 但係最後得番我同崑去左"搖茶飄香", 我地食完拉麵再食布丁...今次勁飽喇! cost=$82
食完野地去左買老翻: 張學友巡迴演唱會, "三更來嚇", 同埋尋日先睇完ge"鬼王再生"!! 跟住又行左陣粉中, 有豔遇~?
九點就返屋企喇...今日淨係食野都食左$142, 勁誇囉!!
today's song-- 你係我ge "私房菜"...!
59% 呢個十月用左超過五百蚊o係玩樂度...!

>>November 2, 2003 at 12:10:44 AM GMT+8

2003 年 10 月 31 日 星期五 【晴】

happy halloween~!
尋晚好夜都訓唔著, 聽聽下歌就播左eason首"人來人往", 夜闌人靜, 聽呢首傷感的情歌特別有滋味, 異常感觸...有少少眼濕濕....
今朝返十點半放十一點半, 又比ar sham捉左去打波, 條友串我, 睇唔過眼就同佢one on one, 但係佢唔係我o個皮, 大炒格~打到大約十二點半先去食野...
食完野返黎又係例牌踢毽, 跟住上堂上到四點半先放學, 經過今日, 又同d同學仔close左喇~
放學又照舊...但係今日見佢唔到ge...? but never mind la, 至在玩下~
到左六點就同patrick撘火車, 我o係旺角落, 會合alan, 跟住去左明將度dinner~
bon之後又黎埋, 我地一個"嬲"字咁去左零食蜜語度揀野食, 再等埋kwan就正式入場睇"魔王再生"!
呢次係我第一次入戲院睇三級片, 而且亦都係佢地三個ge第一次~! 呢套野唔係太嚇人, 但係就夠核突, 有創意, 我比77分啦~!
雖然睇完戲都成九點九, 但係時間仲尚早, 我地去左鬧市度行下, 跟住又去左影貼紙相, 今次都算影得ok la~
大約行到十一點就走, 十一點ge旺角真係好旺!!
唔知佢o係度做緊乜呢...?
today's song--人來人往...
62%

>>November 1, 2003 at 1:56:27 AM GMT+8

2003 年 10 月 30 日 星期四 【晴】

數字波...
過左三日疲勞轟炸之後, 終於都有一日可以訓晏d先返學!
十一點半先上堂, 時間過得好快, 半玩半做野咁, 時間就到一點半放lunch, 但係食野之前同fung bee佢地踢左陣毽先~
我地三個去左大排檔食…但係好似阻住人地收檔咁ge...~"~
食野食到遲晒, 返去只係玩左一陣, 頂癮非常~!!
account堂lecture講得超快, 4 mins可以講晒三頁notes...一個鐘唔夠就講左七.頁...聽都黎唔切啦, 惶論drop notes...!
放左學又去左天井度踢毽, 但係今日變左球場, 勁麻煩!! 過左好耐先可以清番d...!
因為一隻小毽子, 我o係個天井度都識到唔少人, 有d係fd撘fd, 而有d係吹水吹番黎, 有d直情係黐毽踢而識ge! 人面勁廣~!
玩到無野玩, 同班唔知算唔算係識ge人玩數字球, 其實都係純粹有一個人o係度我先玩, hehe~但係唔知點解成日都比人叫囉...7號仔萬歲...=.="
玩到五點幾未夠六點, 比人吹番屋企, 又要好趕咁追番alan...佢又等左好耐...
今日玩左咁耐, 又跑左好多轉都唔覺tired, 勁左~
咁就一日...又一日...就黎一個月!
today's song—十個分手的理由...
60%

>>November 1, 2003 at 1:37:01 AM GMT+8