2003 年 11 月 18 日 星期二 【微雨】

睡意...
尋日眼訓程度勁誇, 一路行可以一路中下中下...好似飲醉咁, 雙眼蓋上, 只靠僅餘意識驅使雙腳行動, 由於失去方向感, 沿途一路碰碰撞撞...! 有驚無險!!
夜晚都甚少走動...坐o係電腦前半睡態狀打日記, icq....所以會有好多錯漏! 而睡魔o係十一點半引我詔見!
縱使訓得七個半小時, 但係只係兩晚相加ge總和, 何以足夠?!
不過今日都係無乜心情聽書, 全日上堂都係睇"射鵰英雄傳", 有少少比金庸感染到, 而家有少許中毒!! 閱讀成為我生活一部份tim!
睇睇下書, 佢地拎番d舊game出黎玩: "D"係乜野?; 仲有"black magic"!! 唔識玩ge大有人在, 一直被我地愚弄著, 愚弄著!
今日放學都係踢下毽咁過, 去到canteen門口, ar fai終於回電, 一傾就四個字...我部手提終於醒番喇~!
返到屋企就周身痛, 首先係肚痛, 可能係o係大排檔飲左不潔暖奶茶! 而沖完涼就開始頭痛....一直到而家...! 好辛苦...! "頭還痛得要死..."
today's song--"離遠的她" 佢知唔知我近況呢...?
59%
reply:
to 兒, 千fa無你想像中咁好...o個晚真係幾充實...而且仲係不停咁充實九個幾鐘!
to yan, 你黎梗係開心啦, 咁耐都唔黎坐下...唔知係咪唔好彩呢...好頭痛!!

>>November 18, 2003 at 11:39:18 PM GMT+8

2003 年 11 月 17 日 星期一 【晴】

non stop
今朝七點我收過百五蚊, 唔理kwan就走先, 因為約左sham十點半唱k, 同埋要返屋企拎野!
地鐵火車上勁眼訓...每每都差d撘過站! 九點先返到屋企, 沖左個涼見到d時間仲係fit晒, 精神晒~! 但係搵極都唔見本學車手冊, 一心諗住係崑連袋帶簿咁比佢拎走左, 連忙同mom趕去崑度, 點知佢話無...=.="原來係mom自己幫我收好左個袋!!! 搞到又要仆番屋企拎, 呢度一來一回都唔見左一個鐘!
大約十一點半, 我返到ive canteen搵埋kwan, 再去富豪唱k~!
今次唱k有勁多人, 共十個, 唱就無乜點唱, 同kwan 加埋唱三jar...!
一點鐘我同kwan走先, 我去左學車, kwam一人走先!
學車都無乜野, 咁就過左喇......
放左去左alan度打機, 咁就一日..!
58% non stop...到而家已經係37個無訓到....!

>>November 17, 2003 at 11:18:39 PM GMT+8

2003 年 11 月 16 日 星期日 【陰】

通宵趕戲--地下鐵
原本以為今日無野做, 好在尋日kwan打黎話有戲拍, 去灣仔開戲!! 開頭只係知少少要做乜...淨係知有千嬅, 唔準著黑白ge衫, sporty wear都唔得!! 所以今日就夾硬搵到d衫出黎襯!
大約三點半, 我地出到mk, 諗住搵kwan, 點知個hoster打比kwan, 話連波鞋都唔得!! 我就大檸樂...又好無奈, 非常唔好意思咁要mom拎對boot同埋件大褸去粉嶺會合番我...提示嚴重不足!!
一來一回都到左五點幾, 同kwan去左新世紀食少少野頂肚, 之後又趕住咁去灣仔集合...!
今次果然唔係做戲子o個皮, 勁多人, 又男又女, 而o個幾個場務對d人衣著勁嚴謹, 有唔arm 即foul, 仲要比人用粗口問候!
六點三等到七點幾先郁得, 我地係最後一批, 一行廿人去左間酒店樓下間扒王之王附近度等. 等o個陣又有人對d女出去化妝, 又叫埋其他所有人比佢地做一個checking, 睇下d衣服得唔得, 通常每個人都有一件至兩件比加上!
換左衫又o係度呆等, 吹水, 亂吹, 唔識都照吹!
等左唔知幾耐, 終於我同另外幾條仔and 女叫左出去, 等左一陣埋位, 知道係做路人甲, 但係我地呢批路人甲唔係齋行, 仲要玩, 扮晒有聖誕氣紛咁!
之後o個一兩個鐘都係做埋d類似ge野...識左個讀浸大year 3--maggie.
到左差唔多十二點, 我呢個路人甲終於都似乎有一個出位d ge機會: 我同女朋友(片場某一少女)o係精品檔買禮物, (個鏡頭就擺o係我地面前, 一定影到!)跟住我地轉身就走, 千嬅同林雪就行過~!
拍完呢個鏡, 到左子夜, 人人都凍得飢寒交迫, 好在片場d人都有番d人性, 比左d宵夜地七十多位臨記食, 有炒麵同埋塘水or豬骨花生粥! 呢餐算係dinner定係宵夜...?
個個都power up左, 不過食唔夠三個字又話要開波...等埋位o個陣見到門口好湧, 細看之下先見到有班記者圍位2R! Race超索, 有88分!! 可惜家姐被比下去...其實佢都唔係差, 只不過係佢個對手race太正!!
之後埋位o個幾個鐘有悶有唔悶, 大不了就叫我同阿maggie扮下情侶(maggie好主動...好似有d野...>"<); 最頂癮係到左三點幾四點叫我扮得興奮盡興d!! 簡直係挑戰人体極限, 無得走開買野飲, 唔準隨時走開去toilet, 最慘就係無得坐....企足八個鐘, one-night stand!!!
到左六點, 天都光喇, 夜晚ge戲就拍完, 換言之我地都收得工! 到左七點, 我拎埋份糧走先, kwan話無野做就繼續喎....=.="
62% 片場入面識到好多好arm 咀形ge男男女女, 不過就無佢地ge聯絡方法, 有緣會再見!
今日見到幾多出人意表ge野:
楊千嬅: 佢個樣比人ge感覺係成日笑, 好親切咁, 但係未埋位時見佢對住我地班老臨無乜表情, 仲有少少黑口黑面tim! 仲有呀...就係佢好厚粉...又黑咁...同上鏡差好遠!
粱潮偉, 無野好講, 超man, 電視睇唔出佢對眼有咩咁巴閉, 但係真人就唔得了, 好後生咁, 對眼識講野! 佢令我望佢仲多過望千嬅! 睇佢背影無乜星味, 唔同通就係親民??!

>>November 17, 2003 at 8:11:07 PM GMT+8

2003 年 11 月 15 日 星期六 【炎熱】

一見如故~!
好耐都未學過車喇, 應該係話drive! 而今日就約左十一點半去學, 心情有少少緊張...~
一上車, 個後生阿sir就講好野, 好似同我好熟咁, 直情當fd一樣! 而我地一路keep住o係車上互相交流, 交流一d讀書, game, 甚至玩icq ge心得! 唔講都唔知佢都有玩icq, 不過係8, 9年前ge事, 佢問番我而家玩icq有咩唔同~ 跟住我地又9 up下平時返學有做, 佢佢以前讀t.i o係一樓上堂, 但係不時走上四樓撩女, 真係乜都up得一餐~! 唔止咁, 佢仲話以前係仔睇女, 而家連女都睇番仔, 睇佢唔出佢d info又真係幾update wor!
學左佢兩堂, 真係同佢吹水吹足兩堂, 仲全程爆笑~! 難得ge係佢成日都叫: 收油啦阿峰, 3轉2啦阿峰...等等, 阿峰前阿峰後~! 雖然係講笑多, 但係佢都有教我野, 不過唔係太多, 因為之前一早都學過晒...=.=" 佢又不斷讚我手車幾好, 算係叻o個班, 但係就話我考試差少少, 問佢係乜, 佢竟然答我: 差d運囉! 我比佢吹到啤一聲~~
drive ge反應遲鈍左少少...成一個幾月無掂過車...係咁上下啦, 不過今d日車勁惡!!!
學完車返左上水同kwan食野, 由兩點九到三點半...跟住就去左alan度打機, winning左好多舖, alan淨係贏左我一舖咁大把!!
so tired today...
today's song--愛的故事(上集)
60%
*做左咁耐戲子, 聽日終於都開戲, 六點九灣仔恒生等, 聽聞會有千fa, 人工有百五~!

>>November 15, 2003 at 11:32:45 PM GMT+8

2003 年 11 月 14 日 星期五 【炎熱】

熱鬧之地--天井!
返十點半至十一點係朝早ge堂, 無乜事發生, 又係咁過!
十二點幾同sham and wai食完野又返ive玩, 見到benny佢地o係度打緊排球, 我又玩埋一份~ 好耐都無打過, 好似幾過癮咁, 打到雙手由痛邊度麻!! 唔知點解我地踢毽o個陣就好憎d排球佬, 但係而家情況逆轉, 又好enjoy打排球~!
打左陣, 最後都係踢番毽, 玩到臨一點o個陣alan, kei and fung bee又黎埋, 越黎越多人, 成十個都唔只! 跟住阿cindy佢地又拉隊黎玩, 勁搞笑~! 又影左張推車相, 男主角係豪仔, 而女主角係cindy姐~! 笑到我地肚都彎!!! 激爆笑~!
成一點九先去上堂...直至三點半放學!
lunch發我locker比d茂利霸左, 放學走左去sao剷佢, deadline 21/11, 精精地好快d離開!!
跟住就一路踢毽踢到六點...我都發覺自己踢到顛左! 而且隻右腳開始退化, 去左左腳度...>"<
同sham一齊撘火車返似乎已經變成習慣!
today's song-- 當找到你
60%
reply:
to lam, 又真係估唔到, 如果唔係眼訓就一定同你吹多兩句!!
to 兒, 好在我都知你個名姐! 不過fung bee, 真係多得你唔少~!

>>November 15, 2003 at 12:42:18 AM GMT+8

2003 年 11 月 13 日 星期四 【颳風】

shall we talk...?
今日大不了都係返學放學, 仲有就係lunch去左排檔食左一餐好大排檔質素ge野...=.="
三點半上完account, 照舊同patrick, wai, and sham去左踢毽, 但玩到大約四點佢地又話走, 我好無奈...>"<好在班found dip今日打排球姐, 我又走埋佢黐野玩~! 之後又踢毽...
等左patrick佢地好耐, 終於都o係五點半返黎, 有得玩喇又...~ 直至六點...同阿sham撘火車走...
返到屋企食左一d好耐未食過ge野, 好似好開胃咁, 一食就三碗+兩碗湯+數杯茶...! 真係唔知邊度黎咁開胃!!
今日就咁完...
today's song--shall we talk
reply:
to fung bee, 咪玩野...仲有十九次磨柱!
*就算係見到又點, 始終都係單方面發問, 而回覆只清楚而簡潔ge回應...更不時只有自己對住個mon發呆, 無回應! how could u treat a fd like that....? i want to break the wall between us, and speak heart to heart!! shall we...?

>>November 13, 2003 at 11:54:18 PM GMT+8

2003 年 11 月 12 日 星期三 【乍雨乍晴】

寒寒寒....~.~"
今日又凍過尋日...約左ar sham o係canteen等埋先一齊上去, 一上到去就test mia la...
十點半上完堂, 即時去左上通識, 今次都係第二次上通識, 原來係咁多人上架...大開眼界@.@"
十一點半上完通識就去左食飯, 拿拿臨返左黎又踢左一陣毽...
十二點半至一點半係peter chu ge世界...佢惡起上黎真係唔係人咁品!
放左學又踢, 踢踢下ar sham, patrick and wai都走左, alan, fung bee, kei and avis落左黎玩, 要串下avis sin~ 等佢成日串人丫拿~! ha...~
三點半佢地去晒上堂...得番我一個人...到左差唔多四點先走...但係又好好彩, o係new wing下面撞到anthony, 唔駛一個人走~
五點半返到屋企, 愈夜愈凍...
today's song--必殺技...
53% 終於都比左"人地"個icq阿carman姐, 由而家開始有一爭我一餐飯~!
reply:
re 兒, 唔答你~ 但係乜你唔知架咩...~?

>>November 12, 2003 at 11:52:41 PM GMT+8

2003 年 11 月 11 日 星期二 【乍雨乍晴】

level down...
本來以為今日pf要test....等我一早溫左, 跟住又話星期四先...呢個week超忙!!
dcn係訓覺堂, 又唔記帶notes, 再係咁就死得...但係好難自制到, 太好訓喇, 虛耗左十五分鐘!
lunch踢踢下毽, 有幾條茂利o係我地近距離打排球, 勁火, 仲要趕都唔走+大條道理!! 仆!
放左學都成四點半, 活動照舊, 但係ar so d fds踢踢下又話玩數字球(用網球...!), 少數服從多數, 欣然受落, 又係做7號仔, 比人叫死, 不過無輸到, 仲射左兩龜~! 跟住alan返左黎同我地一齊踢, 到左差唔多六點, ar sham, alan, wai and me就一齊撘火車走喇...玩得唔係幾夠...~
夜晚要做hw...好忙, 見到佢online都唔得閒講野, 勁廢!
唉...<--呢下先"唉"得有感情(to ar sham)!!
today's song--零 "差一點我就消失於無形", 就係呢句!!
52%

>>November 12, 2003 at 12:08:36 AM GMT+8

2003 年 11 月 10 日 星期一 【乍雨乍晴】

寒...
今日得十幾二十度, d長袖衫褲係時候出動...今日好似著得誇左少少, 但係我覺得唔錯架喎!
食完lunch都係好早, 十二點半, 有個平時o係天井出沒開ge人走埋黎黐毽踢, 仲話:" 咦, 我好似認得你呀...你係咪平時著開藍色波褲, o係度踢開架?" 比佢問到我打左個凸, 我回應"係呀, 我今日著左長褲你唔認得我呀~?" 佢話:"係呀...", 真係比佢吹到漲晒, 不過又一次證明左唔同著法有唔同ge樣出現o係我身上!
alan食飽飯無野做, 單刀返左黎同我地踢毽, 跟住仲去埋上我地ge math堂! 等佢學識左教下都好~! 經過今日佢應該會知道我地上lecture ge環境何其惡劣~!
放左學即刻走左去沙田, 係時候要book堂學車喇, 得番十一日...!
之後同alan一齊走, 又去左佢屋企打機, 6點先走...越夜越凍, 你無冷親丫ma...?
today's song--愛, 很簡單...
53% 踢毽o個陣好搞笑~!
reply:
re alan, 睇唔出你都會咁呀...pierre又唔係走左唔返, 做乜個個都咁傷心咁ge? 祝福佢唔係幾好咩?
re bon, 你同fung bee一樣, 都係話唔想見到呢d場面...

>>November 10, 2003 at 11:04:16 PM GMT+8

2003 年 11 月 9 日 星期日 【陰】

把悲傷留給自己...
正所謂"夜有所思, 日有所夢", 今朝番訓, 夢中見到佢, 但係我覺得係一個惡夢黎: 夢中見佢, 佢對我視而不見, 野都唔講多句, 好似扮唔識咁...! 到左十一點鬧鐘嘈醒, 一方面想繼續發夢埋呢未完ge夢(難得見到佢...), 另一方面好想結束呢種相見而不語ge情景...好矛盾! 就係因為呢件事令我mood down左唔少...惡夢一個, 千祈唔好發生o係現實!!!
晏晝同mom去左陪崑配眼鏡, 跟住去左上水買衫, o係上水中心o個間U*right度買左成六百幾蚊野, 大豐收~! 而值得一提ge係o個個sales, 服務奇好, 又後生, 而且個樣又靚, 我比83分! ^3^~
之後行埋惠康, 到左五點幾就走喇...
返到試新衫同埋max d舊衫, 原來我發覺有勁多長袖衫同埋頸巾, 有成八條!!
睇四葉草o個陣見唔到阿十三妹...=.="
today's song--"把悲傷留給自己"...坐小巴o個陣聽到, 歌詞有意思得黎好直接, 同廣東話歌分別好大, 總之都係一首好野!
52% 惡夢一個...
reply:
to bon, 你打錯字呀...我仲未"禿"頭..."頹"就有少少ge...=.="
to alan, 你講我無d乜...好深奧難明!

>>November 9, 2003 at 11:44:36 PM GMT+8