2004 年 2 月 17 日 星期二 【炎熱】

終結與開始
尋日提到阿太就黎唔得, 今朝一早七點幾, 阿婆打黎結結巴巴...跟住佢就話比我阿太過左身...係一個唔係咁好ge消息...但係我ge心情又無乜野, 但係mom就面上有少少凝重...!
今日都係照常咁返學, 為左唔想遲到無得點名, 我地三條仔八點七過d就上到去, 但係地三個只係第二至五個入到佢, 呢堂pf好唔受歡迎!
到左九點半, 我同alan(41206)落左去食早餐, sham又黎埋, 差唔多十點我地先上番去!
之後堂DCN又係悶過, 十一點半去左毽一陣毽, 等埋benny返埋番就去lunch!
lunch o個陣我地幾個都o係度談論升班問題, 人人自危啦!
我地食完野就買左個hand-made in hk ge毽返去踢, 此毽好睇唔好踢, 三幾腳就比我地玩完, 好在叫左alan(ks)買左個返黎姐!!
一點半堂vb又係遲上去, 都係做assignment, 平穩地過去...
MSA tutor個肥婆遲左成四個字先黎到, 我地一輪串咀後又照常上堂, 我全日係得呢堂最聽書, 都唔知點解, 可能係accounting ge關係啦!
放學無踢到毽, 好快咁走, o係火車上面我同alan(41206)都係聽"風箏與風", 而kei, sham, wai and alan(ks)就o係度玩掩眼法~!
食緊飯o個陣may e打黎, 佢今次報喜, 佢有左5個weeks, 係一件值得開心ge事! 但係就覺得好多都係整定, 偏偏就係有人過身先至有新生命出現, 作為一班已成家立室ge大人黎講, 佢地可能會好矛盾!!
54% 部電腦好似虧虧地...係咪又意味住又有一樣野唔得呢...!?

>>February 17, 2004 at 7:10:11 PM GMT+8

2004 年 2 月 16 日 星期一 【晴】

Ｌ學#4
尋日打波打到成身軟晒, 今日起身無奶力...
都係食埋早餐先上堂, 今日有d過份, 成九點先上堂...
connie似乎好似無奈, 成堂英文得佢一個講, 我地作為學生ge就一d反應都無! 唉~~ 好在有d classwork做下先至唔會訓著!
peter chu堂CSA無派卷, 將死期押後!
lunch o個陣我地去左小巴黎食, 而沿途我同alan(41206)就一路行一路聽"風箏與風"ge 安康版, 超正囉!
我地都唔知為左乜去聽, 仲決定左要練, 但係又未有比賽, 可能係純粹為左夾而練, 但係我地又唔排除第時有比賽會上檯爭一口氣~! 直至佢地一路打機我地一路都聽緊, 仲走埋出門口唱tim, 連續聽左呢首歌不下十五次!
一點半返到ive, 原本要去上堂...但係唔知邊度黎左個毽, 踢到成兩點先去上堂! 到左兩點三佢又話唔教住, 坐左一陣就放學!!! 入lecture room前撞到carman喇終於~~
放左學就拿拿臨去學車, 兩點八去到, 未試左早成四字! 坐o係度睇神鵰過時間...
今日堂學車好似心不在焉咁, 個阿sir教d野又有別於其他...搞到我好亂喎...!
四點出左黎, 過緊馬路時竟然見到terry!! 原來條友仔去瘟女, 而家d仔對d女真係好...~~
無野做就返左屋企...mom出左去探阿太...阿太都九十幾歲, 聽講話就黎唔得...但係我就無乜反應咁, 可能係一年都見唔到一次ge關係, 但係may e比我想像中ge反應就比較冷淡! 唔通唔可以五代同堂咩?!?!
52% father話:"通常d老人家過到初一都好難過十五", 似乎係經驗之談...今日廿六喇!

>>February 17, 2004 at 12:10:25 AM GMT+8

2004 年 2 月 15 日 星期日 【晴】

活力
九點八起左身, 去左食早餐, 之後十一點幾就睇nba, 都好似有成月個無完完整整咁睇晒一集!
一點就全屋都無晒人, 除左我! lunch都無得食!!!!
打左比alan, 條友仔又係三四點先訓, 出暗瘡出死佢~~
到左兩點幾...lam o係我最唔方便ge方便緊o個陣打黎...= =" 出去打波o個陣先覆佢, 一傾就五個字! 勁少用手提傾咁耐, benny打黎就除外啦....>"<
今日曬到死, 同夏天無乜分別囉! 仲要打波tim!
第一場就同班細我地幾年ge小朋友打, 事前我地都低左伎佢地, 原來佢地都有d野, 好在我地有經驗過佢地, 佢地又畢竟細個, 最後都係輸左~ 之後都仲有幾隊人跟, d對手都唔勁, 比我同kwan and chris打謝左!
到左耆英, alan, chris's brother出場, 我地打左三場, 体力消耗得勁快, 對住佢地三個体力充沛ge強手, 我地係慘淡收場! 而佢地都比我地打走晒d氣, 佢地又輸左比人~!!!
之後跟左好多次, 打到得番alan+耆英+me, 車輪戰, 我地都係未輸過, 可能真正對手仲未出現呢~ 而alan照舊都係拎分入得最多ge人; 我就好似變左個自由人咁, kwan今日唔順, 由我剷籃! 都入唔少呀, 今日隻左手手感幾好, 相反隻右手唔識射波...一球遠距離都無, 失準備!!
打到齊點半就走, 走先覺得累, 而且兩隻腳板ge水泡都穿左, 劇痛, 行得好辛苦...>"<
53% 体力好似勁左好多咁, 全日都走位, 好似唔覺累咁(打緊o個陣)~!! 打多d先~~!!

>>February 15, 2004 at 11:33:02 PM GMT+8

2004 年 2 月 14 日 星期六 【晴】

情人節
情人節無情人, 約左好多仔去唱k...難得就係叫得到崑! 話就話係我細佬...但係都算得上係稀客!
唱唱下先至人齊, chris and kwan後來黎到, 跟住耆英同大舊又黎坐陣, 全場七個淨係仔! alan全場都唱得好少!
本來諗住唱完k就睇"拳霸", 但係百老匯首映, d人多到!
無可奈何又去左嘉禾, 都係無戲睇, kwan+崑+me去左大快活tea, alan同耆英都返到黎, 吹左陣就走喇! 目的地係alan屋企--操機!
五點返到粉嶺, 一路係咁打機, icq, 同埋yahoo篤波, kwan就八點幾走, 而我就臨尾打左好多舖"網球王子"~ alan好屈機~!!
到我十點, 崑+耆英+alan+我四個先至去左燕雲莊dinner!
十一點返到屋企, 睇titanic!
54% 沒有情人的情人節, 又多一年...

>>February 15, 2004 at 12:39:16 AM GMT+8

2004 年 2 月 13 日 星期五 【晴】

情人節前夕
等左成個week, 今日終於係最後一日, 聽日可以放假喇~
十一點半就放lunch, 我地七友(欠patrick)六個人去左西田食野, 話說alan(41206)無帶錢, 我借比佢佢食住先, 呢餐飯我食左60...>"<
言談間講起steve同佢情人, 比sham批左一批, 搞到全場呆左, steve勁驚囉...因為我都比佢批死喎...! benny去左瘟女, 得番五個~
返到ive踢左陣毽, 成兩點先上去上堂, 上去都係做assignment...alan(41206) d methods好屈機~~
放左學弓係踢毽, 但係個毽好快就比我地踢爆左, 迫於無奈就去左同ben佢地打波...
今日同alan(41206) and sham一隊, 打左三場, 輸足....人地又車輪戰又快, 人強馬壯! 而我地無乜速度...又少左個打底能手...算啦~ sham要走快d, 走空d~!
又係好累...今日就係咁過左...!
情人節前夕喇...d feeling又係咁....!
53% 唉...大時大節前夕ge空虛感!

>>February 14, 2004 at 12:50:36 AM GMT+8

2004 年 2 月 12 日 星期四 【晴】

blocked shoot
又係訓極都唔夠...入到耀記食早餐, 好似全間餐廳都係女人, 超嘈! 令到我都坐唔耐, 即走!
今日唔到alan(41206), 得我同sham返先, DMS派卷, 好似係近一年以黎, 第一次maths合格, 仲有52分, 七友入面有三個人唔合格...benny竟然有份, patrick, sham同steve都唔合格, 佢地四個都係三十幾分, 而wai最高有77, alan都有71, 佢淨係打天才波, 無溫過, 果然係七分天才三分努力!!
PF堂, 阿sir依然鄙視染左髮ge人, 又大話穿耳o個...好似都得罪左大半班喎佢!
lunch一點半先放, 食左個燒味飯都唔夠, 仲叫多件多士同埋汽水先飽...sham同我都係一樣情況!
跟住我地去左玩數字球, 七友+安, 最後steve同安輸左, 又要射龜, 射完去上堂...
呢堂個miss又好勞氣, 個個都唔順佢!
放左學去打波, kwan都黎埋, 我估目的都係為左減肥! 打到成六點幾, 累到死啦...今日我都打得唔係幾好, 比人guard左好多球...>"<
54% 平靜過頭wo...
re bon, 都無人叫你唔好玩....不過唔好同alan咁樣玩法ma...unmeaningful....

>>February 13, 2004 at 12:13:05 AM GMT+8

2004 年 2 月 11 日 星期三 【晴】

情人節禮物
今日都係訓唔醒咁返學, 同alan(41206), sham and benny食個早餐提提神!
九點幾先上去上堂...MIA教asp ge vb script, 開左部腦同alan(41206)篤波! 過左無幾耐, 班主任入黎話今日PF cancel class! 即係今日放十點半...~
放左學就去唱k, 一早都約實喇, 今日都幾多人去, 有wai, sham, alan(41206), me and benny五個!
我同alan發覺sham發錯聲, 把聲食住左! 於事我同alan就教佢發聲...用丹田氣, 我估佢會明我地up乜掛~!
唱得唔係幾夠喉, 兩點幾就cut左, 返左ive, 同ar 安傾左陣, benny同wai都走左, 我地四去左機舖hea時間, 等ar yan等左耐, 累到死, 又眼訓...Q.Q"
等到四點半, 終於都走得, 見到yan又係好書卷氣, 我地都好似好耐無出街, 傾左好多近況咁~
同佢行左好多地方搵佢份"情人節禮物", 先兜新世紀, 再去旺中+新之城, 跟住買完野飲就到潮流...一路都無坐過...
最後佢o係我買銀句o個間度買左個銀包, $350; 潮流買左隻錶, $580...terrible...駛唔駛咁重手呀?! 不過佢本身係叫我出黎比d意見佢, 但係可惜佢"意見接受, 態度照舊", 買d野都有少少偏向女性化...到時人地鍾意就死~ 而我就變左陪行!
行到六點幾, 我地去左食飯, 佢為左答謝我今日陪佢, 請左我食呢餐飯, 我地分左個鐵板餐, 到左七點幾, kwan放學都黎埋, 我地去埋書局買花紙就走喇, 八點幾先上火車...恰左陣...@.@"
56% 今日見條女為條仔做左多野, 呢位小女孩有時亦都有成熟ge一面~
re bon邦...得得得...我知你對我好喇...留咁多言~ 但係fung bee都錯唔晒, 你同alna係咪鬥緊d咩呀...?

>>February 12, 2004 at 12:15:20 AM GMT+8

2004 年 2 月 10 日 星期二 【晴】

激將
日日如是, 十一點半上完堂DCN就放lunch, 去左小巴黎食, 跟住又去左無線打機過埋餘下ge時間!
一點幾返到ive, 踢左一陣毽就去左上VB, 今日好認真咁做, 呢度睇d, o個度諗d, 終於比我做到一次, 無抄過!!
三點半上MSA tutor, 有少少唔明ge accounting都識左, 掌握到, 多得佢地一直教住, 原來個死肥婆係識考書架~! 跟住就quiz...無溫過....天才波!
放左學又踢毽, alan(ks)黎埋, 玩到五點半就走, 好眼訓同好tired!
今日都算係好輕鬆...
54%
re alan(ks) and bon邦, 你地玩乜野...睇住d留言呀....淨係keep得住最新廿個jar!
多得你肯講出口, 其實都等左呢句好耐, 今次好清楚, 唔會再猶豫! 決定得好堅定! 姑勿論今次真定假, 我都係會企硬! 嗯, 好一個激將法~!
要"悟"出一條道理, 時間不需太長, 但過程必先經過失敗, 挫折及思考, 缺一不可, 方才領悟到大智慧!

>>February 11, 2004 at 12:54:41 AM GMT+8

2004 年 2 月 9 日 星期一 【晴】

brand new day
新一日...心情都係有少少反常--大靚喎!
七點幾起身, 睇一睇溫度計...4.5度...想點!!
同平時一樣, canteen食早餐暖肚...飽到神采發揚, 精神飽滿咁去上英文堂~! alan(41206)知埋...佢呆立當場!
十點半就放lunch, 2 choices: 1. 唱k; 2.打波, 最後係2.
唔係好多人打, 鬥左幾耐無聊波就累到雙腿發麻, 行去食野都有難度! 今日食飯都幾多人, me, sham, wai, 安, octo + alien!
猶豫左好耐, 食埋餐飯就決定左唔返DMS, alan(41206)跟我, 我地兩再去埋fun zone搵埋第二個alan, 坐左陣就走喇, 第一個alan大埔落左, 第二個alan訓著左...Q.Q"
我咁早走都係因為累, 但係又去左alan(ks)度打機...玩左好耐"頭文字D"...贏唔到而走! 時間係六點二!
夜晚又涼番...
53% lunch o個陣玩晒野, 串到爆晒咀~
reply:
re sham, 你講d野都幾玄~ 手就放左喇...真係放喇今次...thx a lot!
re bon邦, 呢句野ge意思唔係你咁諗架...朋友要黎幫朋友分擔快樂與憂愁架ma, isn' t it? 至於點解搵你...其實我都唔係好知...~

>>February 9, 2004 at 11:55:39 PM GMT+8

2004 年 2 月 8 日 星期日 【雨】

Ｌ學#2
尋晚同lam傾傾下電話, 跟住左我就收到一個一早都好想知ge消息, 瞬間ge低落係有, 有晒心理準備, 可以話係解脫...! 傷感不足, 放鬆有餘...
可憐阿琳同步知道, 搞到佢都訓得唔安落, 我無事!!!! >"<
今日食左早餐, 打左一舖機就去左學車, 好在趕得切準時一點去到!
學左另一個方法停車, 無乜特別啦今日...
兩點約bon bon出黎, 一黎想買wallet, 二黎就係唔想留o係屋企亂諗野...朋友係要黎咁用~!
三點旺角等, 第一時間見到佢就有少少唔認得, 有人有新look喎~
食完野行左"潮流"一圈, 睇唔中, 再去埋銀城, 都係一無所獲! 最後都係聽佢提議, touch 啦!!
揀左一陣就決定買, 過程快得可以! 難以置住囉簡直~ $250...真皮...超支一百...= ="
四點半行完, 各自歸家...mp3+神鵰, 勁正!
心情好舒暢喎唔知點解!!
53% 一夜之間大起大落...好考EQ, 異常冷靜, 嚇死lam~!
re lam, 我無事, 多謝關心, 一早都睇化左架啦, 結局黎架姐!

>>February 8, 2004 at 11:17:59 PM GMT+8