2004 年 1 月 8 日 星期四 【微冷】

原委~
今朝起訓極都唔夠, 但係都要起身...ho tired..!
食左早餐, 又同sham and alan(41206)一齊返學, 上math tutor, 好似好耐都無都上過咁!
呢堂都算奇蹟, wing and terry都返, 今日會地震都唔出奇!
十一點半去左電腦室, 等steve, benny and alan copy d野, 而我同sham就播左隻and 1黎睇, 睇到我地拍晒檯, 勁high~! 不過好吊癮~!
搞完d野又即刻趕返去上堂, 今日淨係做classwork, 真係好認真咁做, 再唔用心真係會死! 到左臨落堂, 阿sir可能比我地辣興左, 話有事忍唔住要講, 以為佢up乜, 原來佢頂唔順d人當住佢堂講粗口, 又話會罰人; 另外又話最唔鐘意人染髮, 叫我地應該盡番學生責任, 佢呢句野弔黎極大民憤, 跟住佢都知衰, 即時話唔意思, 呢個阿sir真係可愛!
lunch o係canteen食, 撞到carman, 居然走埋黎問我借calculator, 跟住轉頭又還番, 真係唔知咩事...~ 而佢地就開始發揮狗公本色, 問長問短囉~!
食完野又踢毽, benny個fd(女), 走過黎派問卷, 玩一玩先做~!
msa又係例遲, 上佢堂都捱到最後三個字先睇射鵰, 比捉面啦! 不過好眼訓...
之後要等一個鐘再上pf補, 真係好眼訓, 就o係我臨訓著之際, fai打黎, 傾左陣, 入返去都就落堂lu...聽日再黎!!
放左學, alan(41206), sham and me, 仲有ar ben企左o係一樓睇校隊練波, 唔睇唔知, 原來我地同過三分一校隊打過, 唔怪得沙田ive會咁屎...不過當中有d人係真係可以令我心悅承服!
六點半先走...黑左喇...
返緊屋企打比佢...又係無人聽...到icq先撞到佢online, 原來呢幾日係有原委ge, 仲約埋tim~!
53% 期待~~!
reply:
re alan(ks), 有機會喇...~

>>January 9, 2004 at 12:34:58 AM GMT+8

2004 年 1 月 7 日 星期三 【陰】

喪累!
最繁忙ge一日終於來臨, 早上mia阿sir講test範圍, 但係我同sham就顧住隊份csa tutor出黎做d野, 點知都係唔係咁識做, 同wai研究又發現好多問題, 我都係死心不熄, 到左十點半ge pf繼續做, 聽佢地講今日班主任堅左好多...但係就係因為一口氣的問題而錯過左!! 可恨!
十二點半緊接ge就係交tutor, 經過wai一問, 我又半抄半自己做咁搞掂晒...但係就, 做唔出一份完整, 可悲!
lunch, sham, ma, benny, alan(41206), wai and steve去左西田食野, 一黎係為左撞人, 二黎真係為左去食下野, 屈左五個鐘, 行下都好ma! 食日我地ge話題男女朋友溝通技巧, benny同alan好似好高章咁, 勁! 食完野就即走, 因為又差唔多時間上堂, 等佢地去完馬會又arm arm 夠鐘, 係時候搏殺喇!
1530入到去, 氣氛好似唔係幾好, 開賭檔o個班煩人坐晒o係前面, 好多野講!
四點開始, 但係我太過頂唔順, 訓左三個字, 早知就學sham咁o係三點半至四點之間訓陣啦!! 可恥!
醒番之後總算專心左d, 努力咁聽左好耐, 又真係明左d ge, 但係就overtime到五點九! 今年真係第一次返到返到咁晏, 天都開始黑埋!
個個上完堂都好似謝晒, 說真的, 真係好累, 精神壓力! 又搵佢唔到! 織好又有咩用!
51% 仲有java assignment, java script assignment, msa project+powerpoint, i love u!! >3<"
+今日唔知做乜, 個個都將個話題帶到我身上...連個阿姐上唔到火車都話我太靚仔所致! 我仲可以比d咩反應...~"~|||
reply:
re sham, 得閒先~
re crystal, 有幾搞笑呀...?

>>January 8, 2004 at 12:08:55 AM GMT+8

2004 年 1 月 6 日 星期二 【晴】

"煩" "忘"...
朝早又再是alan(41206)+sham+me於ive canteen出現, 享受過早餐, 太約0915才施施然邁進電腦室, 近期都是這個懶模樣!
一整個早上都是坐於電腦前呆著, 閒聊著, 大不了便是檢查一下郵件, 做做心理測驗, 竟沒半點分心去聽書! 可憐的班主任只是自彈自唱! 到了有課堂調動, 事關重大, 全班才肯花少少心機去聽聽, 班主任說道要將星期二的課堂調到星期三, 意味著最空閒的星期三會變得最繁忙, 變得最充實! (0830~1330, 1530~1730)即日生效, 全場嘩然!
環觀全場, 我想的只有alan and benny埋首鑽研未來幾天的功課, 對調堂毫不在意, 果真超然脫俗, 非一般凡夫可比!
跟著的一堂dcn不提也罷, 自己只流連於金庸世界, 對講者的講解不聞不問, 不過我的無聲對抗總比鄰班的同學們來得友善, 幾乎整個賭檔也出了來!
午後活動也是照常, 今日比平時早了到電腦室, 是再一為了自己的功課著想! 終於也提起了不少良知, 捱著捱著, 幸好的是alan(41206)從旁幫助, 不致變成苦海孤雛...多謝!! >3<
msa tutor原來取消了, 但導師替同學解答project有關的問題, 幸而上了這一節課, 對內容有了更多的了解.
放學後, 大家也覺心力交瘁, 活動還是回家才做吧!
由於在上課時, 上網看了她的相片, 歸家途中"電"了她一"電", 可是無人接, 心裏頓時思潮起伏, 甚是煩惱, 萬般不靈...又發作了...!
52% ...迷茫中, 對於將來臨的中期測驗只有一臉茫然!
+有甚麼日子還比這幾星期來得更"煩"(煩--功課+測驗)"茫"?

>>January 7, 2004 at 12:20:46 AM GMT+8

2004 年 1 月 5 日 星期一 【炎熱】

finish+ed?!
尋日工作左超過八個鐘, 都係未做得晒份PW assignment, 留番excel今日做...
今日都早左出門口, 諗住早d返到ive食個早餐先去考oral, 點知反而遲左先到ive, 八點八同sham趕頭趕命咁食野(我八點九開考oral), 果然係遲左少少...八點十先上到去!
原以為我同摩西係最早到, 但係原來ar 安同埋lost 已經o係入面, 搞到要比connie罵...得番兩分鐘做prepare...份野又多深字, 真係死左一半...>"好在都up到d野...不至於慘死!
差唔多九點半, 我地等齊人(me, sham, wai, alan and benny), 五條友殺上去freebook做埋d手尾!
大家互相幫忙, 唔該ar sham幫左做左份excel, 唔該alan(41206)幫我畫table, 唔該benny幫我last check, 多謝ar wai d A4! 而我又做過d咩呢...幫阿sham做左個cover page, 同埋做少少format la...可以話同佢交換做...!
由於到左十二點, sham份word仲未做夠料, 我地四要去食飯先, sham幫我咁多, 到最後竟然要我走先...真係有少少過意唔去!!
食完野返到黎都成一點, 又同found dip o個班踢毽, 到左一點九先去上math...好耐無上過呢堂咁!
兩點半放學又踢毽, 等到大約三點半, fung bee佢地出晒黎, 吹左陣水就走, 最後又係得番alan(ks)同我返到fanling...
由於尋日攪盡腦汁, 今日真係好想relax下!!
52% busy week!
+突然間好想唔戴眼鏡返學tim!

>>January 6, 2004 at 12:01:37 AM GMT+8

2004 年 1 月 4 日 星期日 【晴】

project word assignment#1(windows 2000 professional vs windows xp)
今日訓一點, 訓到夠, 無藉口比自己再懶! 一起身就開機, 刷埋牙就即刻準備做project word ge功課, 唔睇唔知, 原來呢份野有成25%咁多! 黑人憎!!
兩點幾先去左食野...三點多d返到黎, 又要開始努力過!
成晚都係咁做做做, 好在今日早食飯, 淨番好多時間姐!
到左而家十二點都未做得晒份野, 經過今日後, 我真係對win 2000同埋win xp了解左好多, 而相對地對microsoft word都了解埋! 好麻煩!!!
好在聽日1630先交...不過仲未溫oral lei!!
無lala又會打番乞chi, 番發! v.v"
51% 你回左留言...但係神龍見首不見尾...?!

>>January 4, 2004 at 11:59:04 PM GMT+8

2004 年 1 月 3 日 星期六 【微冷】

兜...
朝早又係無聊地過...好難先約齊夠六個人去打波...但係點知崑又去左圖書館館, 得五條友...>"<
無奈事又開始出現, 去到粉嶺場, 真係麻煩, 又擺檔, 迫住去上水區場打, 拿拿臨約埋alan, chris and 耆英(可憐ge佢由上水撘火車黎粉嶺, 又要撘番去上水)!
我地四個人去到區場就集体無奈, 區場又有比賽!! 局住又要行去紅場, 途中會合埋penny, 五人齊行...到左紅場都成四點!
跟左邊學生, 諗住可以熱下身, 但係一到我地, 佢又全部又叫走! 好玩野, 又一無奈, d弱隊成日都係咁做, 勁無品! 跟住好在chris'fd黎幫拖先至夠3 on 3...可惜佢始終都係人地隊ge, 打左一陣二打二, kwan成五點幾先到, alan, me and kwan一邊, 打penny, chris and耆英, 咁ge組合好有得打!
贏左幾round, 淨係輸左比隊年青人, 出手好快, 比人一鼓作氣咁打沉左...六點九走人...
買完野飲就返屋企...行行下途中覺得涼左好多, 忽然間個腦"必"左句野出黎:
"涼風有信, 秋月無邊, 虧我思嬌ge情緒好比渡日如年, 雖則我唔係玉樹林風瀟灑倜儻, 但係我有廣ge胸襟+強勁ge臂彎"~ 勁arm我ge心情--客徒秋恨~!
53%...無人聽...
reply:
re +6做乜為左人地而開日記姐?你有"陰...陰...陰謀"~

>>January 4, 2004 at 12:58:00 AM GMT+8

2004 年 1 月 2 日 星期五 【晴】

射鵰~
今日返學喇, 好早要起身(8:30), 不過都好過全日o係屋企啦~!
一出門口就發生怪事, 部手提飛唔到線...好徬徨...原來係d優惠到晒期...甚麼來電顯示, 飛線, free sms, 乜都無晒! 唉...無來電顯示ge生活...>"<
sham, alan(41206)都o係大埔上火車, 我地三個又係一齊返學, 唔知係錯覺定係真有其事, 睇落ar sham好似消瘦左咁, 唔知係咪病完ge關係呢...~
一堂tutor之後又係lunch, lunch o個陣我地講子多一d"成人界"ge人物, "沙田朱古力波"--patrick梗係知唔少啦~!
食完野後比benny叫停左, 原來佢發現左好多扭蛋匙扣, 仲要全部都係Q版蔬果tim, 勁過癮~! 跟住benny, 我, patrick, steve, sham一人扭一隻, 分別出左栗米, 2個花生, 青豆同埋椰子一個~ 全部扣晒o係d袋度, 趣緻非常~!
返到去踢左陣毽, 上堂之前去左拉巴搵書, 今日終於都比我借到o個兩本射鵰, 搵左成半個月, 今日得到手, 正!
三點半放學, 諗住約埋wai and alan(ks)去做gym, 但係點知又比個阿sir串, 又唔夠時間, 無奈地離去!
同alan o係粉嶺行左陣, 買左d野飲就走, 五點正!
夜晚又係無乜野做...好想個電話響下!
53% 返左黎未...?
reply:
re +6, 我等睇你日記~!

>>January 3, 2004 at 12:34:39 AM GMT+8

2004 年 1 月 1 日 星期四 【炎熱】

ready or not?
為身体著想, 訓左好多, 到左差唔多一點先比penny個電話嘈聲...
咁早起身都係悶, 食完野之後就打左比chris 諗住約打波, 但係無人去囉, 跟住就拎個電詁好無聊咁同佢hea左成半個鐘!
跟住又係打幾, 到左三點三係tea time, 同崑出左去食野, 返到黎都係四點幾...真係無野做, 的起心肝, 織埋條野先!
食完飯之後又係織...織織復織織!
that's the end of last holiday...>"<
53% 好番好多!
*第五日...仲有一日!

>>January 1, 2004 at 11:58:57 PM GMT+8

2003 年 12 月 31 日 星期三 【炎熱】

last day of this year...sick!
一早就約左kwan今日去唱k, 都費事走, 帶病出席, 滿臉倦容, 身体虛浮咁出到mk...要過咁多馬路, 好似好危險咁, 難得佢地仲咁好興致囉..=.="
入到房, 我都係無乜情去郁, 更加唔想唱, 把聲又唔同晒, 唔知想點咁, 不過心情係浸淫出黎ge, 到左成十二點幾先唱第一首歌, "錯愛的呼喚", 仲要係佢地開到口叫我唱先唱囉...跟住又好似幾得, 無乜事咁! 再接kwan手唱"my memory", 呢首歌唱得最好係今次, 可能運氣方法唔同平時啦~!
唱到三點幾cut房, 本身諗住去工展會睇下, 但係佢地又好似無乜興趣, 唔知邊個又提出去篤波, 我見食左散又好散, 勁tired, 實在唔適宜出去, 相重原因下毅然返屋企...又掃左佢地興tim, 但係我真係唔明點解佢地成日都叫無錢, 又會有咁多錢去篤波?! 儲下錢啦, 各兄弟! 尤其係chris la...!
果然走係明智之舉, o係火車上勁想訓, 為免訓過龍, 射鵰係好幫手...>"<
返到屋企先至好少少...夜晚又係織野咁過...到腰喇就黎~
51% 172 la就黎~!
*第四日係新年, 我想去倒數架其實...
reply:
re crytal, 返緊工都會悶架咩...?!

>>January 1, 2004 at 12:29:12 AM GMT+8

2003 年 12 月 30 日 星期二 【炎熱】

bbq
繼尋日去完飲之後, 病情今日轉趨嚴重, 今日成日都乞chi, 又咳, 再加鼻水不斷送出...今日個樣謝到不得了.../._.\"
兩點訓到十二點半, 十個幾鐘, 係近一月個黎訓得最多ge一日, 原意都係想快d好番, 但係事與願違!
晏晝又係好無聊咁渡過...
六點半食完飯, 洗埋碗, 大約七點, 我, 崑and mom就起程, 去mom's fd's home度bbq, 應承左無得唔去, 以毒攻毒啦! >"<
我地一坐低就有好多三唔識七ge人出現, 我同崑瑟縮一角o係度玩狗仔, mom就同佢d fds吹水...難為左我地!
到左大約十點幾, 交換禮物, 人人有獎, 永不落空! 最"數"都係抽到現金獎ge人(現金由每人各出十蚊或者多d捐出), 有人中左六十蚊呀!!
我就中左一d得個擺ge飾物, mom係公仔, 崑就抽到mom買ge金莎一盒!
之後就吹水, 好在最後黎左幾個以前都係基新ge師妹姐...都未至於呆坐!
到左十一點幾先走, 今日都算係辛苦咯...食完藥超tired, 仲要行咁遠! =.="
54% 第三日...
reply:
to 家姐, 織比邊個關你咩事~ 我仲有咁快考試喎...~

>>December 31, 2003 at 12:11:29 AM GMT+8