2011 年 1 月 9 日 星期日 【晴】

哩幾日都沉迷著iphone,哈哈
不過都唔難搞既
好心急就download左好多apps
同掌握左d功能既用法
哩幾日真係多得佢幫手呀
唔識路時有GPS導引 (個人郁,佢就detect到你郁,好勁呀)
唔知有咩好食時就立即有openrice參考
坐車悶悶地時就睇下蘋果新聞,聽ipod,同玩下無聊games
行山黑媽媽時就有iphone隨身電筒同指南針
想睇下幾點有場睇戲時就立即check到
智能手機,認真好strong呀~~~~~~~~~~~~
不過,仲未搞得熟個itunes點運作...

by the way,哩兩天都過得幾開心
去左城門水塘,一個易行,但風景好靚既地方
細細個同爸媽去過一次
今次去感覺又好不同^^
行左三個鐘,好累好累,腳好似破左咁...
入黑時仲未走番出黎主壩...心情好緊張刺激呀
出到主壩,原來仲要行好遠的路先到小巴站...=.=
天黑黑....好驚呀
不過,叻叻的我倆,無迷路,成功歸回,kaka^^

夜晚...好累、好肚餓...腳又痛之下...
足足等左個半鐘...就係為左打邊爐!! .\/.
由9號籌等到我們的43號籌
荃灣廣場,《牛涮鍋》
唔明點解香港地咁多人
唔明點解俾錢人消費都要等咁耐 .\/.
anyway,哩間野都係一般o姐
點解咁多人排隊架

今天,星期日
累到唔願起身=.= 訓到接近12:00點,哈哈
下午出左黎睇戲《機密邂逅)》 (The Tourist)
個人覺得好好好好睇
好緊張,戲情發展好特別
又有靚人、靚衫、靚景睇
愛情片、警匪片、偵探片集於一身
不錯不錯!!
鬼佬的腦袋係勁d...:)
思路、戲情、佈局等都好豐富
好多角度...唔會像港產咁平鋪直述

聽日又要返工了
要俾d心機去工作先得...
唔可以咁無作為、咁hea架...
會dum懶人架...

>>January 9, 2011 at 9:54:27 PM GMT+8

2011 年 1 月 6 日 星期四 【晴】

最後終於出左iphone喇
即買即有機
晚上立即玩得

不過...諗起要學用新機
過music呀、download apps、send sms呀等等...
都要學....
又覺得好似好煩咁

其實,買左部新機之後
第一個感覺就係唔捨得部Nokia 5310
裡面save滿了我和他的message
由結識時第一個message就有...
到現在的message都有...

唉也...我搞左好耐都唔識將d message過落電腦呀.... :'(
點算:'(

>>January 6, 2011 at 10:05:11 PM GMT+8

2011 年 1 月 4 日 星期二 【乍雨乍晴】

最後..
今晚都係去左睇醫生..
.因為真係病左足足一星期都唔好...
哩幾日血壓仲得番60幾...成日覺暈...
今晚睇完e生、食左藥後終於都唔見暈了..
但晚飯完上車回家....一上車個肚就好痛...
係劇痛...真係劇痛....
落車衝返家...在toilet足足一小時...
個肚同d腸抽住痛...真係劇痛....
忍唔住再食多粒必理痛落去...先停左痛...
好驚...又暈又肚痛又血壓低...會唔會有cancer...

>>January 4, 2011 at 11:55:06 PM GMT+8

2011 年 1 月 3 日 星期一 【晴】

=10天長假後的首個上班日=

尋晚心情開始好緊張
放左咁耐假
好唔願要返工
一諗起返工要pick up番d duty...
人 就開始緊張

腸胃病都未好番
今朝就帶病上班
不過尋晚訓前提醒左自已
要好好珍惜神賜俾我的哩份工
今朝返到公司入門口前
就從心裡默默祈左個禱
希望神叫我有能量,同埋積極工作

於是,今日好勁呀我
完全無假期後遺症呀
無懶散,全日都好積極^^
原來積極工作加上忙碌
就會過得充實
時間就會過得好快架喇^^
今日時間真係過得好快!
轉下眼就放工lu :)

話時話
今日真係好多野做
放左10日假,今日一返番去...電腦就痴左10張8張紙仔...
不過,我用左一個早上,就KO哂、follow哂佢地喇!! :D
對於今日返工自已的積極
我都覺得幾開心
加上今日老細無返
自已心情+office氣氛又輕鬆d
所以今天都幾開心:)

不過今日身體都唔多妥
中午前成朝肚痛,係咁出入廁所...仍不住的肚痾
lunch又完全無胃口,盒飯叮完都無郁過...
但下午開始就無再痛,亦無再痾...

不過.....放工之後...
成個人就好暈好暈.......
個人好唔清醒....
轉左幾程車...好辛苦先捱到返屋企
我真係好驚自已會唔會暈響街、車上面.......

返到屋企後
立即訓上床...
爸爸同我量一量血壓...
得70...
係低左d...
我訓響度唔郁...又立即食番d甜野,哽左d朱古力....
個人慢慢先感覺好d.......

沖個涼出黎...又再精神番d
見到爸爸煮既好味/arm胃口既飯菜...立即精神番~
我諗我真係餓得太緊要喇
哈哈,一下子食左兩碗飯....=0=
由哩幾日既空肚,一下子食到咁飽...=0=
超極端...=0=

無計啦....哩幾日真係完全無食過野
完全無胃口食野落肚....
一食就痾同嘔番出黎...
食到又唔嘔番出黎的...就只有半個/半塊麥包...同埋清水....
完全無糖份、無營養落去的.....
難怪個人會無能量...同埋會暈啦...

頭先傻左的超好胃口...食左咁多飯菜,但腸胃都無痛喎
咁係咪即係話我腸胃好番呢？...
不過講真...現在個人都仍然好唔精神...
仍頭暈的....
死啦....點解我會成日頭暈的...好驚係有大病............

anyway,有爸爸照顧+緊張真好 :)

>>January 3, 2011 at 9:28:10 PM GMT+8

2011 年 1 月 2 日 星期日 【晴】

約書亞記1章1-10節

「耶和華的僕人摩西死了以後
耶和華曉諭摩西的幫手嫩的兒子約書亞說
我的僕人摩西死了
現在你要起來
和眾百姓過這約但河
往我所要賜給以色列人的地去
凡你們腳掌所踏之地
我都照著我所應許摩西的話賜給你們了
從曠野、和這利巴嫩、直到伯拉大河、赫人的全地、
又到大海日落之處、都要作你們的境界
你平生的日子、必無一人能在你面前站立得住
我怎樣與摩西同在、也必照樣與你同在
我必不撇下你、也不丟棄你
你當剛強壯膽
因為你必使這百姓承受那地為業
就是我向他們列祖起誓應許賜給他們的地
只要剛強、大大壯膽
謹守遵行我僕人摩西所吩咐你的一切律法
不可偏離左右
使你無論往那裡去、都可以順利
這律法書不可離開你的口
總要晝夜思想
好使你謹守遵行這書上所寫的一切話
如此你的道路就可以亨通、凡事順利
我豈沒有吩咐你麼
你當剛強壯膽
不要懼怕
也不要驚惶
因為你無論往那裡去
耶和華你的神必與你同在 」

-----------------------------------------

在回顧過往一年時
我忽略了去思想神的恩典

感謝神
2010,您真的答應我賜了一份我滿意、各方面也很好的工作給我

2011,我要珍惜,要加油...

>>January 2, 2011 at 9:38:50 PM GMT+8

2011 年 1 月 1 日 星期六 【炎熱】

回顧我的2010
心思意念最大都是投放在工作上
因為最大的事情就是出了來社會工作
2010用了四份一日子來搵工
3月終於得到一份工作
工作時間、環境、人事、工作內容等也算稱心滿意
雖然目前為止我仍不確定是否會在這職業長遠發展
但工作令我看到不少、感受不少
也令我有不少成長

這一年都是用作適應工作生活的一年
起初對於職業生涯也感不習慣
對於與上司和同事、clients等的相處
而且工作內容等也感迷惘重重,且疲倦非常
但也算適應得快吧
大約兩個月多,便漸漸適應了這份工作

2011,仍然需要好好去思想與摸索自己的事業方向
希望可以得到明確的方向

除了工作
在信仰方面,我記得上年的年頭立志
希望自已在信仰上會得著「重新」與「重整」
希望重新認識神
希望在信仰上重新扎根
回顧2010,這方面的,確實沒有做得到
反之然的,卻混亂一片...
2011,又會怎樣？
何時才會的起心肝,放手,讓神來做？

家人方面,年頭曾立志會更愛我的家人
學習為他們付出
花多點時間陪伴他們
不過,回顧2010,他們永遠都被我放在最後位置
心中常認為他們還年輕...而且認為他們會明白...隨時都在家等我...
不過,在工作上遇到的長者時就會提醒到自已...我的爸媽也會有老去的一日
時光不會等你,要把握與他們相處和愛錫他們的時間
很多時都很內疚,想做好d...
2011,又會怎樣？

另外,感情方面
2010,仍在不斷努力學習掉棄自我中心、小氣、呷醋等
2011,最希望的,就是可以向我的爸媽分享感情事!

總括2010
內容好像空洞洞的....
未能感到豐盛！
2011,要更新.............

>>January 1, 2011 at 10:14:28 PM GMT+8

2011 年 1 月 1 日 星期六 【微冷】

點解成日都係過時過節先黎病...
一年的最後一天仲要幫襯醫生
又係腸胃炎同感親
發覺自已腸胃都幾差...

唔知係因為返大陸食左d咩
定係返黎之後果日BBQ燒唔熟既問題喇....
總之,希望唔好係甲型定乙型肝炎啦...
唔想又入醫院...
上年大年初一半夜入醫院簡直係一個惡夢

尋日下午睇左醫生
夜晚仲要死頂,食住藥暈跎跎咁出左去MK cafe玩左陣
但最後都捱唔到去倒數
因為真係好辛苦,食咩嘔咩,又肚痾...
11:00p.m決定由MK返屋企...
12:00a.m正的時候,我地響小巴中聽住收音機過
一dd氣氛都無 :'(((((((((((((((((((((
好唔開心呀...

好對唔住您(同你地幾個)呀 :'(((((((((
掃左你興,真係好內疚:'(((((
最後竟然響咁無氣氛之下的環境渡過
本來身邊應該有您的朋友、有一大群人一齊數...
但最後...:'(((((((((((
對唔住:'((((((((((((((

記憶中好似係唔知第幾次在小巴中倒數
不過今次係同您一齊過
感覺當然好唔同...
諗諗下,其實咁寧靜下過都係一種甜蜜
出去最人迫、數完返屋企又難...
響咁熱鬧中數完可能人仲空墟呢....
anyway,多謝您送我返去 :(

尋晚半夜起左好多次身
又all又嘔....十幾次...
又肚餓...但一食野落去就自動反胃+嘔...
今次貪平睇一間無睇開既診所,$150 3人藥認真抵
但食完都一d料到都無....
如果食彭錦強的話,食2次都好好多...唉 :(

今早一起身,探下熱,發覺仲發埋燒tim....
今日爸媽有車車呀Bell去西貢玩
未試過同呀Bell去咁遠玩架...
我好想去...但今天病又去唔到...
好唔開心呀......
呀媽仲好似嬲左我,佢同爸帶埋呀Bell出去玩
唔理我...anyway,今天都係無得出街了
唯有乖乖地響屋企休養...
星期一就要返工lu...
我唔想咁既款返工...點做到野...

好失敗.....
最後幾天假期都要在病中渡過...
好唔開心...

>>January 1, 2011 at 1:29:49 PM GMT+8

2010 年 12 月 29 日 星期三 【乍雨乍晴】

26-28三日兩夜
中國大陸德慶, 肇慶之旅

旅行中的一點一滴
成為我們共同快樂的回憶
經過三天的相處
大家增加了解
關係亦更加的親愛
很開心您對我每刻的細心照顧
讓我感到安全感
亦感受到您對我的緊張和喜歡
喜歡一個人不應計較誰付出誰接收得多
一個小小主動的關心
表達對對方的鼓勵和愛
愛不是交易, 但卻是相付相承的
在這裡,好好的記下這三天兩夜的行程吧 =]

26號, 出發天
零晨5點多便起床
速速梳洗好便出門口
天氣真的很寒冷
著到一舊肥大粽所以都好夠暖
要感謝Daphne的聖誕禮物之溫暖牌頸巾
很軟綿綿,而且十分的暖洋洋 =]
還有多謝爸爸車我出車站
避了吹風的時刻

坐小巴出到大埔火車站
見面了！坐火車到達落馬洲
在福田口岸很快過了關
集合時間為7:30a.m
我們很準時
團友們都遲到, 陸陸續續到齊人
8:00a.m先上旅遊巴
正式出發！

開始長途車之旅
今次這個團真的是「坐車團」
景點與景點之間閒閒地都坐兩三粒鐘車
見識到中國大陸一味地方大
實在有很多未發展又可供發展的土地
中國在某程度上真的很有「前景」的

不過話時話
今次上大陸望一望
對民生增加了了解
內地四周也是單車
沒有秩序的交通
稍為有點錢的人,就有自已的小生意
而內地真有很多傢私店、酒店、食店
亦有很多很多空房子
同時亦了解多了內地的建設發展
大陸 (就算是農鄉) 四周都是興建中的房宇
還是很美的房子
不明白哪有這麼多人有錢買呢？
另外,印象很深刻的,就是大陸的廁所,真是一絕
臭、衛生差不在話下
最不習慣的,就是男女共用,和沒有門的！
行過會見到隔離廁格的pat pat....

Anyway,坐了三個鐘左右車
中午時份,終於到達三水區
亦是行程的第一個景點：三水森林公園
地方大得很
但完全不像森林
不知名稱何以命名啦
去到只是看一看那個像木乃伊的大佛
沒有別的

吃過午飯後
又坐了幾小時車
到達第二站：宋城古牆
是建於宋代時期保存下來的城牆

又坐了幾小時車
晚上6時到達第一晚的酒店：新麗都酒店
先吃過晚飯,7時已經可以free time
與另外一pair年紀相約的情侶團友到附近的士多逛了一逛
大陸果然甚麼東西都很舊
食物的款式很舊, 很少
連店子的燈的光亮度也極不足...
Anyway, 為了安全,還是不要到街外走好
於是在店子是但買了個杯麵和王老吉就回酒店
上房間休息
四星級真是差一點的
但還算可以接受啦
除了杯麵,這天晚上還有order了導遊介紹的$80泥燴雞做宵夜
原隻雞, 好滋味 ;)

第二天8:00a.m morning call
都幾好丫, 不太早
吃過早餐後便出發第二天的行程了！

又坐幾個鐘車
去第一站：金林水鄉
是一條很有農村風貌的村落
這是我最喜歡的景點呢！

在這條村莊中
我看到「簡單就是快樂」
在今次的中國大陸之旅
有機會到了較貧窮的地區
感受到貧窮就是快樂,應該真是沒錯的
城市人有錢、有機會、有選擇
但因人的慾望無窮無盡
人只會越來越想得到更多
有錢反而因會不斷追求而感到不快樂

Anyway, 離開金林水鄉後,在附近吃lunch
又坐幾小時車, 到第二站
亦是這個團的主題：盆龍峽
先坐$10一位的「環保車』到山上, 亦即是這山谷的上遊之地
我們就是從上遊走到下遊
當中有不少美麗的景色
包括風車群、瀑布群、大瀑布、山水景色等
而從上遊走到下遊亦需要接近兩小時
感覺就像在香港行山一樣, 哈哈
不過說真, 我還是第一次見到如此的大瀑布

終於走到下遊, 到達平原了！
見到一大片草地,很美！
之後當然去找我們的主角：薰衣草啦
之前在電視上看過這裡的景色
我記得這地會有些大風車
風車下面會有一大片的薰衣草
我找找看, 看到風車了
但被眼前的景象嚇呆了
因為我發現,為何一棵薰衣草也沒有？？！
眼前只剩下一大片泥田！
很失望呀, 參加這個團的原因都只是想看薰衣草
誰知原來是沒有的！
回港後才聽說原來夏天才有薰衣草的！

今天只有兩個景點
而從「薰衣泥地」失望而走後
又要坐兩三小時車從德慶回肇慶
到達第二晚的酒店：肇慶碧貴園
8:00p.m已經在酒店吃完晚飯
上酒店休息休息了
『碧貴園,給您一個五星級的家』
真是ok呀,大堂和房間也很美
房間用品和設施很齊備
另外,房間還有露台可望美景的

第二朝,9:30a.m先集合
但因為係食buffet早餐
驚俾人食哂d好野 :P
所以都係早d起身落去食
點知我們真係成為成團人最早, kaka
d野食沒甚麼驚喜,質素亦是一般,可接受
但可以坐到靚位,望靚景,望住日出吃早餐
感覺寫意

食完豐富早餐
9:30a.m開車出發,開始第三天,亦是最後一天的行程！
第三日好無聊
先去左個製粽工場
講到d粽好勁拿哂獎,但都唔好食既 =.=
不過果度勝在係俾你買下其他手信咁
之後去左參觀端蜆藝術館睇石
但我諗我地香港人對哩d無咩興趣...

中午了,食個最後午餐
跟住就係惡夢既開始.....
又係坐車既時候...
哩運坐左4.5小時車...
從肇慶返深圳解散
今次哩個團架旅遊巴真係唔得
d座位壞架...前面張椅跌左落黎
車又迫又窄,感覺自已與大閘蟹無異
d腳真係好辛苦!!好累!!

6:00p.m到深圳福田,解散lu
三日兩夜的行程完結了！
很疲累,但很開心,很甜蜜

夜晚我地咩住個大牛龜
又熱又累坐地鐵響深圳搵食
去左會展中心站既Coco Park一間叫「超級牛扒」食dinner
地方好多,這間亦是旅遊書上有介紹的
但埋單才發現價錢一d都唔便宜
一個扒既價錢計番仲貴過香港...
質素亦未能跟得著香港呢

食完飯,過境返到香港已是9:30p.m
很累........................

至今腦海中仍不斷回味這三天的一點一滴
happy sweet trip

>>December 30, 2010 at 3:23:02 AM GMT+8

2010 年 12 月 25 日 星期六 【乍雨乍晴】

聖誕節來了
亦開始我10天的大假!!

香港家下外面邊區邊度都咁多人
真係唔想四圍迫
只係想寧靜、人少少
唉,真係唔鐘意香港越來越多人呀
快d發達移民去外國生活啦...

不過節日黎講,又想去感受一下氣氛
尋日平安夜,Daphne入左黎我度一齊整曲奇
夜晚都叫做感受過下氣氛咁啦
同呀隆去左尖東果邊係咁易行左陣....
多人到丫...實在好多年好多年無平安夜出去了....

其實,尋晚平安夜去尖東之前
我地返左教會參加崇拜
竟然係由對方提出話想返去親近神...哈哈
不過,返完之後心靈真係滿足左d,開心左d
可能係因為好似做左d真正有聖誕意義的事情...

不過,對教會生活同信仰生活的景況,仍然覺得好sad
三唔識七,無人理
宜家都無人會真正關心我的屬靈景況lu

話時話,近來對於人際關係,都覺得幾sad
有d人曾經friend過,但原因都講唔出之下,大家可以無哂來往
或者係由好好感情變左做「好普通的朋友」
有d更加係你再搵佢,佢都唔再so你

以前我會好mind
會不斷做d野去keep住大家的關係
但宜家決定算數
你唔珍惜大家段感情既
我都唔會再做多一點點,去降低面子,次次都係我搵你
我當無左哩個朋友

另外,有d本來曾經好好感情的
但宜家佢心靈、信仰等生活都很美好時
or佢好「忙」、自已都好多壓力時
就剩係理自已
唔再去搵我
對於哩d,我都唔會再投放感情落佢度
我只會當佢係好「普通的朋友」

另外,出來工作後
覺得人情冷暖...根本好多人都好冷酷...
好多人都係諗：你死你事...總之唔好影響到我
就算會幫你...都只係有限度的幫你
所有野都係有條件的....
無人係會真心的去關心你、愛你、緊張你

今日知道有對以前教會的弟兄姊妹結婚
我知道自已應該登佢地開心
應該去佢地個婚禮
不過我唔想去
因為,一來,去到我會見番以前教會d人...
自已變了咁多...成了魔鬼...唔想接觸佢地咁美好的天使...
二來,我知道我見到咁美麗的圖畫我一定會好自卑同唔開心
佢地多年來在神愛中一起成長,宜家在神和人見證下結婚
真係太美好...
望下自已既景況,都唔知算點,亦唔知想咁樣落去到幾時...

鐘意同人分享
偷偷摸摸
好大壓力

anyway..............
26~28/12
德慶盆龍峽之旅
三日兩夜!!
I'm coming !!!
不過新聞話廣州得5度咋...唔想咁凍呀！

>>December 29, 2010 at 3:50:48 PM GMT+8

2010 年 12 月 21 日 星期二 【晴】

尋晚開收音機無意重溫這首歌....
《有了你世界更美》.....

「聽盡了許多　一世話要一齊
遇到問題便分東與西
亦有話未退縮　仿似未染污泥
但說罷離開　驚沾到半身蟻
而你　即使再倦　卻至今也未坐低
明明蝕底　都也願意留低
辛苦也不計
因你　這世上變得美麗
無人路軌　得你願意行駛
廂裡空位 留給我　如可幫你令世界美麗
我願你從此感染別人
讓愛繼續一一去複製」


尋晚睡前打開收音機...
就聽到熟悉的旋律+歌詞
心裡也"呀!!"一聲...我....差d都唔記有哩首歌了!!

這首歌,我唔記得左係高form幾時班際歌唱比賽時我班唱的....
尋晚重溫...感慨萬千....

想起學生時代的生活...
想起那時的少女情懷...
想起中學時的學校生活...
雖然沒有很清晰的畫面浮上來
但卻有很多很多感覺湧出

時間過去了
不可能回頭
感慨學生時代已去
現在已經是一個成年人
要出來工作...要有經濟負擔...要照顧家人....
要學習感情事...要負社會責任...要計劃將來...
而且,這些責任也將會一天比一天大....

要好好加油
為爸媽
為自已....

>>December 21, 2010 at 8:19:47 PM GMT+8