2010 年 12 月 1 日 星期三 【晴】

尋晚買左Westlife最新tour隻DVD了
臨訓前煲哂2粒鐘的演唱會！
正到爆呀！
真係超鐘意佢地d歌+佢地！
--------------------------------

是日例會...
忙得很...
講到聲都沙...

有時覺得d老人家都幾慘...
為左買幾蚊既活動...
要排成朝隊...迫一大餐...等幾粒鐘...

無錢就係咁...

有錢人的世界一定不是這樣...
真悲哀...

---------------------

覺得哩排做野充滿衝勁！
有自信左！

痴線架....好極端=.=

>>December 1, 2010 at 12:31:20 PM GMT+8

2010 年 11 月 29 日 星期一 【晴】

發覺自已真的很白痴
或者是有自虐狂的
要不然,為何會做一些明知做完會不開心的事情？
各方面事情都是這樣

我樣子生得young
我愛化妝愛打扮
我細細粒
我多愁善感
我是我！

人不斷找出自已特別的地方
以證明自已的存在...

前晚開始作病
唉,我在冬天實在很易凍親
吃了一盒必理痛仍感不適
但我不要看醫生！
不要吃藥！
不要用錢！
請病假亦怕老細不喜悅...
所以,我要好返 ！

今日day off 放假
訓到11:00a.m先起身,真爽！
不過放假在家時間過得特別快...
無無聊聊的就過了一天

人感空墟...
好像無東西可滿足到我...
吃喝玩樂都是短暫的快樂
現在甚至在做這些東西時
連短暫快樂都感受不到...

有些東西,長遠來說也不是辦法
很不對路,亦無意思....

說實的,即使返工,也無心機...

很想有積極、有快樂感染我！！

>>November 29, 2010 at 8:58:57 PM GMT+8

2010 年 11 月 26 日 星期五 【晴】

我唔想因為我有另一人的影子
以為自已係特別, 但係原來我都唔係獨特的...
而且好似好多野都比唔上人...
自已攞黎既我！

>>November 26, 2010 at 4:55:51 PM GMT+8

2010 年 11 月 23 日 星期二 【晴】

Bell Bell今日stay左響診所一整天
等到下午醫生幫佢做x-ray
夜晚我地去見醫生,聽埋報告了!!
宜家,Bell Bell已經返番黎屋企喇!!!!! ^^
都算平安無事^333333^



X-ray結果顯示膀胱、腎、尿道都有d石粒
但醫生話d石粒好細...大概0.5-0.6mm咁大...
目前都唔太緊急的影響Bell Bell的身體....
若果做手術就都有風險
始終年紀大要全身麻醉,仲要開刀...驚佢應付唔到
但醫生話宜家都唔緊急的...
所以安排了牠吃專用特別狗糧
果d狗糧可以幫助縮少果d石粒
同埋可以減少果d石仔既形成
食住哩隻狗糧,遲下要再返去診所驗血+照x-ray
到時睇下情況點....
同時,要小心牠的飲食
除左狗糧和清水外,唔可以俾其他野佢食

其實,今次牠的尿道炎事件未必是不好的事
因為今次反而造就左機會做一次全身body check
做左fully驗血+照x-ray check下半身
驗血醫生話佢心肺都正常
咁大年紀算係好好
起碼我地知道佢身體無咩唔正常or衰野 :)
而x-ray...今次反而幫助了我們及早發現問題!!!
早發現,早處理,早預防惡化,早醫治!!!!

今次事件......又告一段落喇!!!!
都叫無咁擔心了....
希望食左d專用狗糧可以縮小d石啦....:)

anyway, Bell仔...宜家又返番黎屋企了 :)
可以繼續響度陪伴我地喇^^



>>November 23, 2010 at 10:21:06 PM GMT+8

2010 年 11 月 22 日 星期一 【晴】

哩兩三個星期睇左好多戲...
告白、Unstoppable、山楂樹之戀、Skyline、The Social Network.....
全部都好好睇...great :)

-----------------------------------------

尋日返教會...感覺惡劣...
我又離開神了....
靈命已死....
連感性上的感動也沒有了....
我覺得我好難有得救......
好辛苦.....好爭扎....好唔開心....

--------------------------------------------

聽日Bell就要去照x-ray了....
就會知道有無咩事了.......
好擔心......

聽日我要返工
陪唔到媽帶Bell去見醫生....
好驚...好驚做做下野會接到唔好既消息...
好驚...好驚證實佢有事,立即留底佢,幫佢follow...
做手術,之後有咩事....出唔返黎....
所以,好驚聽朝返工出門口,係最後一次見佢......

我同媽媽都驚今日係最後陪牠的一天......
咁arm今日我又day off
於是,我同媽媽帶Bell去大尾督玩
好耐無帶佢去到果頭咁遠喇
我地仲上埋堤壩,吹吹風
成程影左好多相,又拍video
Bell Bell同我地都好開心呀 ^^

佢老左,於是好易累了,腳仔都無咁好力了
我地都怕佢行得太多太辛苦
於是久不久都抱起佢行
另外,佢無細個時咁有好奇心同動力去跑黎跑去、衝黎衝去了
不過,佢都算好叻仔架喇
仲去到咁遠路^^

2點至4點
玩左兩個鐘
返到黎仲幫佢沖埋涼
沖乾淨、沖靚仔....
因為我同媽好恐怖...我地諗：如果聽日Bell要死...都可以乾淨咁死...

我同媽都想今日做齊所有野...
一來,我地會安樂d、無悔d....
二來,想留番個最後美好回憶....

可能我係悲觀左d...誇張左d....
但我真係驚架....
哩幾日不斷同佢影左好多相....又拍埋d video....
我仲剪底埋佢一執毛仔....for留念.....
因為.......真係好驚見唔番佢......



希望聽日everything will be fine!!!
May God bless my lovely little brother...

---------------------------------------------------

Westlife今日出左新碟喇!!!!!!!!
期待左好耐了!!!!!!!!!!!!!!!!
仲有poster送架!!
要盡快去買先^3^

仲有仲有,下星期一,佢地出埋演唱會dvd tim呀!!!
好想快d到!!!好想睇呀!!!!!!!!!!! >3<~~~~

Their new song：



>>November 22, 2010 at 9:42:24 PM GMT+8

2010 年 11 月 19 日 星期五 【晴】

我隻狗有事....
好驚...如果真係今次就無左佢..
我都想像唔到我會點...
點算.. 真係好擔心, 好驚ar…........

佢哩幾日周不時都失禁...
成日都all到周地係,d小便又有血絲
我上網睇,d人話可能係尿道炎...
嚴重d既或者係尿道生石/膀胱石/腎石...

今朝我返到公司...
接到呀媽用屋企電話打黎...
我立即都心知不妙...呀媽話：ar bell唔得喇...不斷失禁...

接到電話之後...
驚到喊到全公司d同事都過黎睇我...
以為我家人有事...
係呀無錯...佢係我家人...15歲的細佬...

呀媽同呀爸同佢去左獸醫診所...
留左小便入去見醫生..要check下係咩事...
但醫生話有機會要做手術...
但佢咁老,15歲...我好擔心佢頂唔住手術ar....
好後悔今朝返工出門口前我無抱一抱佢....
好驚今朝係我最後一次在家見到佢...
甚至好驚再見唔番佢...
如果係...我會頂唔住ga...

呀媽呀爸同佢睇完醫生
驗左血, 醫生話無問題
老人家黎講算係精壯...
但內臟究竟有無事呢...
就要further去check先知道
醫生俾左d藥佢返屋企食
同埋轉左d special 的狗糧
宜家...佢又返返黎屋企了!
又可以見番佢了!!!!!!真係好!!!
我一入屋,見到佢,就立即擁抱佢,想喊...
想珍惜佢...

book左下星期二同佢返去照超聲波...check下究竟有無事
希望唔好有大件事ar…
如果驗左有事, 就要立即留響診所度唔走得
繼續留醫then做手術
如果自此出唔返黎咁點...
我真係好驚.........

諗番起,其實一兩年前,佢已經開始出現哩d特徵...
但我地每次見佢情況好d就無再follow...
今年....見住佢健康不斷下降...越來越多問題...
眼好似有白內障...皮膚有肉瘤...
年頭先全身麻醉做左拔牙....

近來真係唔係幾開心
好似發生左好多野咁....
好多野諗...接觸好多唔開心的事
感情煩惱、生老病死等.....
到了今朝情緒都唔好...down down地....
唔通預感bell bell有事?...
不過...我知道....無論我有幾唔想、幾唔捨得...
不久的一天...哩個都會係一個事實....
我要有心理準備.....
而且,要學懂接受........
我只希望佢不用有痛苦...並且在我們的陪伴下死去.....
我亦希望自已可以承受得住......

了解我的人都知道我有幾鐘意我的狗....
對於我來講,呀bell已經唔係一隻動物、一隻狗咁簡單...
佢已經係我們的一個家人
15歲...若果是人的話...他就是我一個讀緊中三的細佬了....
佢伴著我成長...陪我經歷左無數的經歷
是不能言喻的感情!!!
我相信有養狗狗的人...才會明白當中人和動物的感情的奇妙.....
亦才能體會到失去牠們的感受

anyway,我在想...睇住一隻動物有病、老、死...都咁心痛同傷心
touch wood如果係一個人(朋友、家人)的話....
睇住果個你愛的人有病、老、死...
真係想像唔到會有幾心痛同傷心......

近來的事情,讓我感受到...
人生好像所有事情/東西都uncontrol的......
所有東西都唔可以握得實...隨時會流走的....

人生...生老病死...好短暫、好無常...
好多一路追求和重視的東西...係咪都應該變得唔再重要?.....
反而,好多更加值得的東西...更需要我們把握短短的人生去追求/去做？
我好有一種感覺...就係唔想浪費我既時間ar....
害怕失去....真係好驚失去.......

>>November 19, 2010 at 10:14:37 PM GMT+8

2010 年 11 月 17 日 星期三 【晴】

這星期接觸很多有關感情的問題
Clients的傾訴、
朋友與男朋友鬧分開、
同事與拍了六年拖的男朋友分手、
與朋友談有關婚姻問題
以及觀看了一齣愛情電影....
另外,自已在這方面的事上亦有一些感受
一直以來,也不能停止去想/去看一些不屬於自已的事情
覺得自已就像一個偷窺狂
為此,好唔開心...
如何放鬆一點？
總之,所有都令我不斷思考有關感情的問題
開始害怕,亦開始懷疑究竟世上的感情係咪真係咁脆弱？

有人用「錢」去衡量一段感情
要求對方為自已付出越多的金錢
這就是等於「越愛錫自已」
一直我也認為自已看不起這樣的人
不過,雖然心中有明白、了解、理性
知道不應該期望金錢的付出=愛錫自已
但是, 最近連自已也發覺...
也許女孩子總會有點這樣的期望
對方捨得花少少金錢在自已身上
便證明他很錫自已
最近在想,在金錢花費上,大家數目是否應該要分明？
分明又會否感到彼此感情分得太清楚？
其實彼此協調最重要
世上沒有一條恆久必對的相處方式
但, 我只知道,講錢傷感情,是真的

另外,有同事與她拍了六年拖的男朋友分了手
自已一直以為對方是很好、很單純的男仔
一起了六年, 經歷了多少的歲月
想不到, 六年後
男方竟然因為自已的外表「肥」和「不打扮」而說分手
聽到這消息, 我心也有陣陣的憤怒
但偶然地, 心中好像又會對這有一番的明白
因為...世界的人是看外表的...
口說愛你,外表有多麼的不介意
但原來心底裡、有一天,仍是會介意的
女人男人都要扮靚, 都要keep…
不靚不keep就很難被人喜歡上、更會被人拋棄..
這是現實？唉....

越來越來多故事以證實告訴我
一對情侶一起的「年資」絕不代表甚麼
你以為六年是隱定了？也可分開....
十年？只欠一張婚書吧？但在婚前一刻亦可分開....
結了婚，上了岸吧？最後也會離婚

一個人的品格和每一個的承諾
現在看似很穩陣,但卻會變...
即使沒有外來的誘惑也好
心，在內，自已也會變！
不一定會變，但，總有多少機會會變...
世上的東西就是會變遷
只因一句：愛情是沒有保障的東西

我知道,已經被這個世界的愛情觀同化了...
女人需要名份...需要光明正大的談戀愛...需要看到彼此有將來...

昨天, 看了《山楂樹之戀》這齣電影
很簡單的，愛一個人，就會對對方好，這就是愛
很緊張她、凡事為她想、凡事為她的好，不惜一切去付出....
好嚮往,好羨慕
在我有生之年,會不會遇上一個這樣很錫我的人？
我想,只有神,才會這樣去愛人吧？
可惜,神不會專心去愛一人...
還是,只是我不珍惜、太多要求和期望、太自我？

另外,前天, 與朋友談及信仰與婚姻的問題
先不講我們的愛在神中建立了...因為做不到...
她問我們有何一起的目標...
我也答不到...
現在,開心快樂甜蜜的時間有
但是總體上都是不開心的
這段關係有太多擔憂、太多害羞之事、太多自我、太多不安全、太多捉不緊的感覺
行街睇戲食飯,之後又怎樣？再之後,又怎樣？
很像怎樣也不能滿足我的內心.....

是否我天生就不能懂得感受被愛的感覺？.....

>>November 17, 2010 at 9:40:38 PM GMT+8

2010 年 11 月 16 日 星期二 【晴】

放左三日假
星期六日唔洗返
星期一又拿多日大假
因為要清下假
咪無無聊聊搵日假放下
但點解放假d時間會過得咁快
搞下哩搞下lo、hea下hea下
咁就過左一日, 唉

尋日放假同君怡傾左一個鐘電話
好耐無同佢認真咁傾計了
佢提出左d問題
我知道好值得我去諗
不過其實心裡又一直逃避唔想面對
因為可能已經安於現狀,亦害怕去改變
因為知道要面對、要處理、要成長、要拆毀再建立就會有痛楚
不過, 我知道現在我的境況是不健康的
而且,我覺得....
現在手執的一切都好像好不長遠、好不穩陣、好不確定

害怕面對既野唔認真去諗
但就用d開心野去代替
最近心裡計劃計聖誕會去旅行
去邊就未定好
本來諗住平平地去個廣州就算
但發覺原來聖誕去個盤龍峽都要成$1500
咁聖誕劃掂都係貴架喇
不如俾多d錢, 去遠d
叫做離開下中國啦
因為真係好想好想坐飛機!!
所以, 宜家,預算用$3000啦
雖然係好肉赤
但好多年都無去過旅行喇(搭飛機果隻)

哈哈哈, 真係好期待!!
快d決定好、買好ticket就好喇
我唔想講講下又無左回事啊
不過, 宜家都未決定跟團定自由痕好
如果d朋友安排好哂,我剩係去就好喇
最怕麻煩 >___<

>>November 16, 2010 at 3:06:31 PM GMT+8

2010 年 11 月 12 日 星期五 【晴】

哩幾日工作都好忙
忙到頭都痛同暈埋
係咁做cases...
一次過衝黎幾隻新case
舊有d case又突然有唔同既問題
前日一次過用左三個鐘去探3隻cases
真係....行到腳都破, 講到氣都無
見完返黎又要寫recording
仲要follow up好多野搞...

雖然自已係做case worker
但覺得宜家自已似做sales多d...
畢竟社工都係不斷做遊說的工作
係咁sale人裝平安鐘、排老人院、申請哩申請lo
因為如果唔係就開唔到cases、做唔到野、close唔到cases...
好現實...
做做下, 我都唔知自已做黎係純粹為左「交差」
定係真心關心d老人家、為左d老人家既好啦...

好多時內心都好爭扎...
一來,我知道要遊說
但卻懷疑自已心態係為左「交差」定關心佢地
二來, 我知道佢地要被我成功遊說去申請d服務
因為咁樣我先「有做野」、咁我之後先有得close case....
但卻心諗「你最好唔好申請啦,咁我就唔洗做,唔洗follow up」
但如果真係咁又唔得wor...
唔洗做, 咁邊有數交到...
你知社工哩家野下下都要交數字
唉, 我真邪惡

不過, 令人疲倦的工作, 當中總有d野會衝激一下自已
這兩天, 就係思想生與死的問題
返左工之後, 前後有5個case死左
有4個係我接上一手同事做的cases
我見都未見過就死左...
所以我無咩感覺

尋日得悉又有個client死左...
今次就好唔同,因為哩個伯伯我真心好關心

對上一次見個伯伯....只係10多日前
好記得果日佢仲同我講話最近發埋d奇怪惡夢...
同埋依舊一直受失眠影響
死亡係咪就係咁呢？
死之前, 一定會有d唔妥..有d先紹？....

收到伯伯的女兒的來電告知這個消息時...
我好想俾最好既安慰佢
哩一個死亡消息對於我黎講都好突然
到了宜家,伯伯既樣、伯伯既聲線...
都不時浮現在我的腦海

對他心有一陣陣的掛念
因為哩個伯伯對我黎講頗特別
佢係我第一個親手接的隱蔽長者個案
係我第一隻的case...
係我由頭到尾自已一手一腳follow的case...
我幫佢做左都幾多野...
而好多野我都係第一次嘗試做的...
幫佢申請左送飯.....
裝左平安鐘....
排緊家務助理同老人院....
申請左買左個電視機同洗衣機俾佢......

可惜,響臨終之前一段短短的日子先俾到服務佢
不過, 能夠在一個人既人生最後的幾個月生命中幫助到佢
等佢既生活完善左...
其實都幾有意義...

另外,哩個伯伯對於我黎講有一種幾特別的感覺
因為第一次見佢,已經好有親切感...
每次同佢講電話同探佢時...
都好發自內心地好關心哩個老人家
而且同佢個女合作都幾開心
因為佢即使知我係新仔,初出茅廬
但都好有耐性俾我去follow d工作...

唉,人會老...
人到了年老到某個地步時...就會油盡燈枯
之後就會死
人生就係咁...生...死...完結.
Anyway,哩個星期真係好疲倦...
完全無精神...
我諗係因為唔夠訓...

>>November 12, 2010 at 2:11:06 PM GMT+8

2010 年 11 月 7 日 星期日 【晴】

今日星期天
中心有特別活動
所以要返工
星期日要返工的感覺真不好=.=

今日做野遇到一個好麻煩、好討厭既社工!!!
好唔合作又唔識尊重人
自把自為!!!!
真係頂唔順!!!
真係好激氣!!!

anyway.......
終於完成了!!!!!!!!!!!!!
哩個星期.....終於完成了!!!!!!!!!!!!!!!!!!!!!!
返足7日工........真係好累!!!!!!!!!!!!
聽日放假,可以好好休息了!!!!!!!!

-------------------------------------------

無意中俾我重溫「莫再悲」哩首老歌
丫,聽真d, d歌詞又幾適合哩個境況聽...


莫再悲　莫再傷　
遇到悲哀休誇張
誰亦要經風與浪　
誰遇挫敗不受傷

逝去的　莫再想　
路正崎嶇更漫長
何用嘆息風裡望　
寶貴光陰笑著量

愁和哀　風與霜　
不會天天都探訪
用幻想　與夢想　
編織那遠大理想

斜陽好　花正香　
跟那寂寞和著唱
歌聲一句句　
跳越屏障赴遠方

默默的分享　
默默的欣賞
路上一切美麗況
人生媲會碰著悲哀苦惱
為何流淚看

幸運不希罕　
熱淚不輕淌
願做真正既硬漢
何必口說快樂心中一個樣

>>November 7, 2010 at 10:24:36 PM GMT+8