2010 年 4 月 2 日 星期五 【晴】

今日係復活節假期既第一天~~
總共可以放6日假呀!!
放到8號先返工!!

今日去左太古城
睇"電影人物模型展"
裡面總共有110件電影人物模型
例如蜘蛛俠、蝙蝠俠
仲有,有一比一咁高咁大既電影人物模型
展覽所有都係古天樂的私人珍藏~
裡面最多都係Star Wars的人物
我好鐘意黑武士呀!!!

----------------

【神榮美安排】

# 我要敬拜你、敬拜你，屈膝皆跪在你跟前，
因你是創造神、有大能、尊貴！
我要讚美你、讚美你，思想天空中各星宿，
藍的天、綠碧海、皆因你創造奇工！
花草你也看顧，所以不要為明天憂慮，
因生命所需，都有你為我安排。
要先求祂的國和祂的義，
我要全跪拜，我謙恭敬拜你！

# 我要敬拜你、敬拜你，高聲稱頌著你的名，
因你是永活神、有權能、寶貴！
我要讚美你、讚美你，高聲歌唱哈利路亞，
來敬拜、在高舉、偉大神創造奇工！
恩典你滿供應、豐富，不要為明天憂慮，
因生命所需，都有你為我安排。
要先求祂的國和祂的義，
我要全獻上我的心，愛你！

>>April 2, 2010 at 10:34:12 PM GMT+8

2010 年 4 月 1 日 星期四 【晴】

哩兩日都搞緊d申請入老人院既cases
好多forms要填、要fax、要收.....
好麻煩.....
寫果d咁既"服務接觸紀錄"真係寫到我手累.....
"服務接觸紀錄"係你見完case後
寫番低面談的內容
之後寫番d分析,分析番案主的需要,同埋寫番你會點做哩個case

今日....
第一次自己接一隻case呀!!
第一次自己做intake!!
個女兒帶埋個婆婆同伯伯黎中心
搵社工搞申請入老人院
哈哈,開頭係有d緊張,但慢慢都唔係好緊張!
好在大概都可以講解到申請LTC的手續~
都算講得清楚瓜?~
不過仍然有好多information同社會資源都唔知
唔係好夠料提供到足夠的資訊給clients....
希望我越做可以越知道啦!

今日第一次....自己一手一腳去intake一個case做....
入去counseling room同三個clients傾談....了解佢地的需要.....
做完後....我感覺覺得做case都真係幾得意呀
但是不容易的~
要建立關係、打破隔漠、關心、眾多的輔導技巧、
提供資訊、情緒的疏導、訂立目標、跟進等、懂得去拿資源等....
真係好多好多野學.......

回想起來.....
一直我都係想做case worker的....
因為我好怕開小組同搞大型活動....
哈哈....現在,真係做左case worker
真係好喇
同埋響哩間中心做野真係好似返寫字樓工咁.....
可以成日都係躲在office做野
雖然好多人都認為社工不應該是這樣的~
但我始終都係一個做個案的社工post
所以見case多
不用見case就躲在office、對住部電腦做野~
所以哩個post真係比較適合我的性情~

而且....本身哩間中心既偶到人數真係好少
如果唔係有班組進行的話
間中心係好少好少人來的~
所以躲在office對住部電腦做野都好正常~
因為根本不用出去同d老人家social~
而我又鐘意人少少、不雜、靜、地方新淨的工作環境
所以哩度既工作環境真係好適合我~

Thanks GOD anyway

>>April 1, 2010 at 9:38:17 PM GMT+8

2010 年 3 月 30 日 星期二 【晴】

今日成日都係follow幾個搞緊申請入老人院既cases…
唔識做+唔夠信心…
連打個電話都好驚青…. 好 “炸”啊…
仲有, 社署的form真係好麻煩…

今日都有不少新嘗試…
因為有d野要問社署
所以第一次以社工身份打俾社署
d職員既態度真係幾唔掂…
聽人講就講得多喇
今日第一次接觸佢地
見識到原來社署d人真係……
態度好咩之外…仲要卸波…

另外, 又打電話俾間私人老人院(私院) 有d野搞…
第一次感受到私院既情況
佢地d態度又係好唔得
睇黎私院既職員喂d老人家院友食屎屎都真係唔出奇
剩係睇d 職員…都好感受到私院既質素問題

不過, 響福利機構(NGOs)工作都有NGOs的問題…
開始感受到社工真係好易會做到變成hea做
為左fulfill d數字…( 其實又係政府政策既問題….)
好易開case、close case…
可能好多野都未處理到個client,但為了d數字…交差….就要迫住close個 case
香港既社會服務…當中的質素真係好成疑問…=[
仲有…見到d老人家case被轉介完又轉介…
被各機構推來推去…
最受苦的都係老人家…
加上,等候服務都要等3,5,7年…
得唔到適當的照顧…真係死左都唔知咩事…
響香港生活, 最好可能都係自已有錢, 唔洗靠政府…

哩份工,各方面暫時都ok
不過真係好似咩都唔識做咁
讀書學既社工野,都只係好基本的concepts
例如一d社工應有的態度上、價值觀上…
仲有的就係學技巧上的，例如開小組、counseling技巧
但都真係好基本…
而好實際的做野方法,就唔會有得學得咁detail
例如你唔會有得學點幫d老人家申請生果金、綜緩、老人院、各項長者優惠等…
讀完書唔等於識得做.....
讀完初初出黎都可以唔識做...
有的只係好基本的concept
靠的就係工作經驗, 累積累積
所以工作經驗真係好重要…

好在我老細都好好人…好肯教我
又不會harsh的…. 好包容我…
哩份工作真係好多野學~
希望我可以快d上手啦! .\/.

>>March 31, 2010 at 12:26:15 PM GMT+8

2010 年 3 月 29 日 星期一 【晴】

今日中心上午開全年檢討職員會議
因為新入職
所以好多野都係完全唔知頭唔知路
唯有聽聽聽
但一路聽幾位同事的職務交待時....
覺得各人既工作量都真係幾多....

另外,第一次同兩位上司開會....
種感受都幾得意....
大粒d既人係有個power響度既....
講野都要有power d、有威嚴d
做上司唔可以無信心的
同埋人地提d意見出來都係有d見地
不過,我剩係知道,我個人都幾怕權威.....
對住d權威人,我都會怯.....好無信心....唉.....
還有的是
聽上司既口吻,真係覺得社工的工作,有時都幾現實
好多時都係為了交數字
當中的質素、做到既野....又有幾多、幾有效呢？.........
好多野都好現實...................

anyway,個會開左兩三個鐘
真係好怕開會
極度需要精神.....
每次開完會都頭昏腦脹....................

lunch食完個飯 (宜家餐餐都係帶飯的)
同事拋左幾個counseling cases俾我.....
要處理d clients申請長期護理服務(LTC)既野........
好煩呀........
個個cases的情況都不同....個個cases去到既程序都唔一樣
要熟悉搞LTC的程序,都幾煩
聽日要跟番哩d cases了..........

之後整理下d files等
又開番個word檔整番個tabel處理下幾十隻 hidden elderly cases的資料
可以方便自己睇~

遲左少少先走人
6:10p.m先離開中心
因為想搞埋d野先
成日一做野投入左就會咁緊張
做到停唔到手!

又係個半鐘車程啦.....返到屋企都係7:30p.m
其實都ok,唔太夜

好啦.....好好休息先得
好累...........

>>March 29, 2010 at 9:38:22 PM GMT+8

2010 年 3 月 28 日 星期日 【晴】

昨天剛好是我受浸五週年紀念.....
重溫我的信主經歷....和得救見證.....
重新回想天父對我從小到大的拖帶.....
我的雖然不是很大、很偉大的見證
但卻是很單純....很有喜樂的

重溫：

＊我的得救見證＊(寫於2005年3月)

「我自小性格比較內向和被動，有點怕人
所以不會主動和不熟識的人說話
常常缺乏自信心、卑觀，而且自我價值較低
可以說是很「自卑」
相信了主耶穌基督後，我改變了
我的改變不是外表的改變
而是思想的轉變，是內心的、內在的

在我小學二年班的時候
母親在偶然下信了基督
她找到了一間教會
於是從小我便跟著媽媽番教會
我小時候很喜歡番教會
因為每次的兒童崇拜
都有茶點吃、遊戲玩、又有很多朋友仔
所以每次到教會也是為了「吃、喝、玩、樂」是抱著這些兒時心態
當然從中也聽到了很多聖經故事
什至有上一些兒童主日學
加上我的小學是基督教
因此對此信仰有不少認識
可是，年紀小，跟本不清楚什麼是信基督、什麼才算得救
那時，就是我信仰的起點了
想不到在那時起
我已經正式踏上了天路

蒙神的恩，我升上了迦密聖道中學這一所基督教學校
這裡所有的老師也是基督徒，這裡也有教會
但我一直也沒有想過參加這教會的聚會
後來，大約中二的後期
偶然與朋友一起參與這間教會的崇拜
(也記不起為何那次會回來)
這是我第一次在迦聖參與崇拜
最初我參與崇拜時不會開口唱歌、聽道會覺得很悶
與我返兒童崇拜完全不同的
所以返教會也是為了與朋友一起而返，目的只是維繫友情
不是為了敬拜神、認識神，返去是萬無目的

到了中三，有一位朋友鼓勵我積極的返教會，用心追尋神
相信主在那時在我心裡動工起來
我的心慢慢被改變
返教會的態度也認真了
心裡開始尋索誰是神
多思想有關基督教的問題
不久，我參加了初信栽培班
在栽培班中清楚了解基督教的信仰基礎，認識了神不少
了解我為何要信，而且在當中學習認識自己
但是我還未清楚得救的

到了2002年8月18日，主日崇拜後
在導師的引領下，我重新決志相信耶穌
決志後那一刻，我感到心裡充滿喜樂
所有的罪好像已經歸到主身上，被祂洗淨
感覺自己與別人不同
而且那時心裡很有力量想一生追求主

決志後，我的生命沒有立即改變
我一些罪惡的思想、壞習慣等等仍都在心中
雖然我一直保持著返教會，間中靈修
但我常常會為一些小事而不開心
覺得讀書沒有目標
會覺得很辛苦，卻不知是什麼原因
之後，在學校的查經班，每一次都得著很多的提醒
班主任鼓勵我為主踏出一步，這一步不簡單
就是把我的心全然交給主
他說：「為主踏出吧！之後必有許多的驚喜！」
真的有許多驚喜嗎？
我很想擁有所謂豐盛的生命呀！
我當時才發覺
決志後我生命的主權仍在我身上
原來主並沒有成為我的「主」
由那時起我慢慢地學習把自己交上給神、積極追求神、穩定返教會、
常常靈修、凡事多禱告，並在教會中漸漸成長

我一向也很重視朋友
神就賜給我不少基督徒朋友
這些姊妹能與我分擔開心傷心
在這信仰路上一起成長
大家一起經歷了很多事情
特別在我會考期間
神賜給我一位好姊妹
大家固定的一起靈修和分享
在當中互相分享最內心的事和分擔會考的壓力
我不但在靈修這功課上有進步
更使我更有力走這信仰路、人生路

其實會考是我與主的關係上的一大轉列點
我一向很膽小、很怕困難、對自己缺乏信心
因此我知道靠自己不能有力量面對這會考
於是我便把自己的將來交給神，知道祂會為我開路
這是我第一次嘗試什麼叫做「把自己交給神」
就是憑著這信心，加上神賜給我剛強壯膽的心
和那很大的力量，這樣就去面對會考了
在神的恩典下，我升上中六
祂讓我知道「靠著那加給我力量的，凡事都能作。」
經過會考，我知道依靠神的重要，與祂的關係也變得很密切
因為若果不是祂，單憑自己的力量，我早已經氣絕了！

自會考之後，我便加倍努力追求神、依靠神。
2004年有機會參與一些事奉，有事奉的生活真的不同，
可以在事奉中經歷神、認識自己、學習服侍神、服侍人。
2004年我覺得是我成長得最多的一年
與弟兄姊妹的關係深了。
另外，被神的說話建立自己不少
建立自己的自信心，重整我的價值觀。
當然仍有很多功課仍要慢慢學習呢！

回想起來，這兩年我改變了不少，
初信時最明顯的改變是對罪敏感了很多，會很抗拒、討厭罪惡。
一直在主裡面成長時，內心的改變更多，
增加我的自信心是最大的改變，
是神的話建立我自己
堅立我的自信心
在神的愛中建立自己
天父也教導我懂得樂觀地思想
我越來越喜歡笑
並會主動結識新朋友、主動關心人
另外，我的膽量也提升了，在這年間我作出了不少突破
重要的是，我的人生目標清晰了，
就是：每一天過主所喜愛的生活！
........「認識神的兒子、得以長大成人、滿有基督長成的身量。」

最後，感謝神使我健康地成長
成為一個滿有思想、感情的人
並供應我一切所需，賜了很多東西給我
使我沒有什麼缺乏
亦感謝祂在世界中揀選了我，自小讓我認識祂
且承諾一生背起我走過人生路
在以後的日子，無論往那裡去
我都會緊靠主渡過
每天過祂喜悅的生活
再一次感謝天父對我的愛！
我將一切的榮耀頌讚歸給我們天上的父親！」

>>March 28, 2010 at 10:13:58 PM GMT+8

2010 年 3 月 27 日 星期六 【晴】

五年前的今天
(2005年3月27日)
係我受浸的日子.....

五週年紀念了......
望望現在的自己.....
真是又內疚又慚愧
實在不配神對我一直不變的愛....

重溫一下2005年3月27日....當天的情況：


==2005年3月27日==

期待左咁耐ge浸禮就這樣完成了~~~~~~~~~~~~
嘩，今日應該係我人生裡面最開心的其中一日~~~~~~~
永世難忙呀。

等我長盡咁憶述番今日一整天的浸禮啦~~~~~
(好長架，有興趣就睇啦~)

今日7:00為就要起身，
起身的感覺係好累，好眼訓，
因為尋晚寫見證寫到1:30，
之後在電話同karen聽大家的見證搞到1:45，
成2:00先訓呀~
所以一早好累，
心情都唔係話好好好興奮~~~

之後約左karen、hel 8:15番到學校，
已經有d弟兄姊妹set 緊場d野，or練緊歌，
我地一番到去就立即拿浸袍，全部"行李"拿哂去更衣室，
我地就快快手咁換衫、著袍、
擺定哂一陣d靚靚衫出黎，方便陣間換，
"窄"埋辮，
咁我地就出去操場喇，
果時d興奮心情開始出黎喇!!!!!!!!!!!!
之後見到釗哥，佢已經著住袍，
唔知點解見到釗哥好開心呀~~~~
大家可以一齊同一年浸~~~

之後入左活動室有祈禱，
幾個幾個咁有簡短的pray，我就同少毅哥、釗哥一齊祈。
我們將整個浸禮的程序都交上，
求神保守一切，
尤其我的心。

之後我、hel、文彥、karen就出去雨天操場，
各自周圍行，而我就留意住我d親朋好友黎未，
第一個黎的見到Annie姨姨同埋寬叔叔呀，好驚喜，
因為我都唔知佢地會黎呀!!!!!!!!!!!!

之後我望住大門，見到fanny，
之後望真d...............嘩!!!!!!!!!!!!!!!
fanny 媽媽(真的fanny ge 媽媽)都肯黎左呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
最開心最驚喜的就係fanny 媽媽都黎呀~~~~~~~~~~~~~~~~~~~
初頭佢話唔黎的麻~~~~~~~~~今日見到佢黎支持我~~~~~~~~
好開心~~~~~~~~

之後又見到小woo~~~~~~~~~~~~~~~~~佢話番大陸唔黎架麻~~~~~~~
點知又黎左~~~~~~~~~~~~~~~原來騙我~~~~~~~~~
不過好開心佢黎支持我呀!!!!!!!!!!!!!真係好開心!!!!!!!!

我daddy、mummy都同我堂妹黎左，
見到我堂妹又好開心~~!!!!!!

仲有好多好多朋友黎睇，去支持我~~~~~~~~~~
總之好開心啦~~~~~~~panda...kit...........我堂妹..........many many~~~~~~~~
好開心有這麼多見證人!!!!

好喇，崇拜開始，
知唔知呀!!!!!我真的好開心，同好感恩!!!!!!
因為我最最最鐘意的詩歌：恩典太美麗，
竟然響我浸禮唱呀~~~~發夢都無諗過的呀~~~haha~~
仲有一首的係：我需要有你在我生命中

我唱恩典太美麗時反而無咩野，
但係當唱到"我需要有你在我生命中"時，
我好感動、好感動，
d眼淚已經"局"響對眼度~~~~~不過又喊唔出果隻!
但係一諗起一陣將會受浸，與主同死、同復活時，
就好touch!好感動!!!!
覺得神好愛自己，我好不配~~~亦好感恩，好多謝神。
very touch~~~

之就係講道時間，
主題係講浸禮，
哈哈，因為緊張的關係，成編道都唔係幾留心，
我係咁握住細hel隻手，好緊張，
尤其係差不多講完道之後.......
仲有..........聽聽下道我竟然響度睇本程序表的見證~~~

之後，聽完道了，
立即就係受浸的時間了~~~~~
次序係釗哥、hel、karen、我、文彥、母堂姊妹，
好好彩，哈哈，無咁驚，排中間~~~我的意願係排中間~~~

講下受浸啦~
一開始話受浸開始，(我地幾個一齊互相握著手了，因為大家都很緊張！)
有好多人，10幾20人就排哂響我地水池的側邊，
等住睇同埋等住影相，
嘩~~~果刻感動黎喇，覺得有好多見證人，見證住我同神的約，
另一方面，覺得好多人支持自己。

釗哥浸時，
望住佢，我已經覺得好好好感動，
已經忍唔住，喊左出黎~~~~
嘩~~~~真係好感動，
心中為佢好感恩，
又覺得神好愛佢。

之後到細hel、karen.......
haaa.......我一樣喊.........
真係好感動麻~~~~~
我最愛的朋友，覺得神咁愛佢地，
而佢地將自己一生交俾神，
我見到佢地浸，
我地終於一齊踏出這一步了，
所以，好感動好感動！!!!!!!!!!!!!!

很快到我了，
行出去，行上條梯度時，
覺得條梯.....好高...........同埋條袍、條褲.....好長.......成日踩到.......
落到去了，
第一個感覺：d水好凍、d燈好光
但係我一d都唔緊張、一d都唔驚，只係好興奮~~~!!
之後我就合埋眼，做對祈禱手，
牧師講左一段野，我果時的腦都幾空，好舒服，
無咩特別留意牧師的說話，
之後坐下，之後牧師扶我向後訓底了~~
向水的一刻需然係2秒，
不過種感動真係好好好特別，
合埋眼，但係我覺得我的眼目好明亮，
覺得我見的視野好清晰，
(although 合埋眼，不過種感覺就是這樣~~)
覺得真係與主同死(未浸)、同埋葬(浸在水中時)、同復活(浸完個頭上番黎)~~~~~~~
我覺得自己個人好乾淨呀!!!!~~
同埋覺得自己現在是新開始，
今次新開始的感覺不同決志時的感覺，
今次係覺得，無論我之前決志後做得幾唔好，有d咩未做得好，
但浸後，覺得這是新開始，
"舊事己過、一切都變成新的了"~~~~~~~~
神話俾我知：唔緊要，有咩之前覺得做得唔好，現在是你的新開始，重新黎過啦。
哈哈，好開心！

宜家好有心、好有力去述說主的愛，
作光呀!!!!!!!~~~~~~~~~

6:3 豈 不 知 我 們 這 受 洗 歸 入 基 督 耶 穌 的 人 、 是 受 洗 歸 入 他 的 死 麼 。
6:4 所 以 我 們 藉 著 洗 禮 歸 入 死 、 和 他 一 同 埋 葬 ． 原 是 叫 我 們 一 舉 一 動 有 新 生 的 樣 式 、 像 基 督 藉 著 父 的 榮 耀 、 從 死 裡 復 活 一 樣 。
6:5 我 們 若 在 他 死 的 形 狀 上 與 他 聯 合 、 也 要 在 他 復 活 的 形 狀 上 與 他 聯 合 ．
6:6 因 為 知 道 我 們 的 舊 人 、 和 他 同 釘 十 字 架 、 使 罪 身 滅 絕 、 叫 我 們 不 再 作 罪 的 奴 僕 ．
6:7 因 為 已 死 的 人 、 是 脫 離 了 罪 。
6:8 我 們 若 是 與 基 督 同 死 、 就 信 必 與 他 同 活 ．
6:9 因 為 知 道 基 督 既 從 死 裡 復 活 、 就 不 再 死 、 死 也 不 再 作 他 的 主 了


浸完起身，覺得我係屬神喇好開心，好有喜樂!!!
上番"陸地"，唔知邊個叫我影番幅相~我成個人濕哂的相............
不過我剩係知上番黎之後，係超級凍的!!!!!!

咁我就跑去更衣室啦~
好凍~!!又好重~!!
我好快咁換衫~~~~換裙~~~~~
整頭~~~~
(大hel、花幫手呀~~~thx~)

之後喇喇臨出番去，
一出到去已經係釗哥講緊見證了，好快脆呀~~~

之後好快到細hel(hel's father 黎左~~~yeah!!)、之後就karen講........
大家講得都好鎮定呀~~~~~~~

之後到我了，
哈哈，支咪玩野.............封景都玩野.............
我上到去完全唔驚、唔緊張呀，
都覺得好神奇(之前為此心情祈左好多禱呀)
好鎮定呀~~~~~~~~
我講呀............講呀........
我進步左呀，因為我第一次學會講野講慢左~~~~
(although事後仲有人話我講得快....................)
我都feel講慢d咁樣好d~~自己講慢d都無咁緊張~~
好快就講哂喇~~~

其實，我預計今日自己一定在講見證時會係咁喊的，
不過...竟然有出奇地平安的心，好平靜、平安咁上台、講。

之後就係致送紀念品，
逐個逐個出去收教會的禮物~~~~

之後係受浸者影合照~~~~
小朋友送花花，哈哈!!!好靚呀~~~~~~
原來女仔真係鐘意收花架..........哈哈!!
突然間覺得自己真係一個傳統的女仔~~~~~~~~~heehee=3=
哈哈!!!突然一次過咁多部相機響度影我地，
唔知點咁~~~哈哈!
好多對眼望住...........haha!!~~~
唔識笑!!~~~

今日咁多見證人見證住自己同神的關係，
令自己好有力去行黎緊的信仰路，
因為有人證、有物證，haha~~
他們又是我的支持者~~~~

影完合照了，
之後有牧師祝福~~~~~
之後整個浸禮就完了~~~~
好快........有d唔捨得呀~~~~~
又好似一場夢咁~~~~哈哈!!!

之後就有好多好多人不斷咁、陸續咁........
黎同我講恭喜、送野、影相.......
我拿著mum送的火柴人公仔，
同埋教會送的花去周圍同好多人影相~~~~
我隻火柴人呀............俾好多人搞到..............
littlo 又將佢擺入手臂內側.........><
我仲要攬住隻火柴人訓架麻!!!!!!..........
不過講真~每當我見到隻火柴人，
我都應該會諗起今天開心的情況，
所有畫面都會想起的呀~~~~~~~~~~~~~~~^^
哈哈!!!!總之.......今日覺得好幸福呀~~~~~~
好多人都好重視自己~~~~~~~~
好多謝你們每一個!!!~~~~~~~~

thank 我靚靚堂妹呀，
好辛苦佢呀~~~~~~佢做左我呀四............
周圍同我影相、拿野..........heeeheee=.=
thank you~~~錫哂~~~~~~^3^

影到差不多1:00，我地幾個就食蛋糕，
係CARMEN親手為我地整架!!!!!!!!!整到尋晚2:00呀!!!!!!!
好感謝佢呀!!!!!!!!!!!好有心呀~~~~~~~~~~~~^^ happy~~~~~~
好好味架~~~~~

之後我地出左百佳買左多好多薯片，
哇!!!!!!!!!!!~~~~~~~~~~~~為左浸禮，我忍左成個星期，
仲唔放"試"~~~~~~~~~~~
哈哈!!!!!!!!~~~~~~~~~~
我地買完番黎就番黎係咁食，算係慶祝啦~~~~
響雨天操場食、同傾計，
有我啦、hel、karen、vi、Bo、Lung、之後有雞翼，
tine姐都坐底同我地傾~~~~~~~

之後我地六個就番入校牧室，
一班細又一齊響度傾計呀~~~~~~~~~~~~
仲有小米、芬、芳、雞、鄧嘉欣、雀c、油菜，
傾傾下，connie姐又加入，
之後提起話慶祝不如唱詩歌啦~~~~~~~~~~
好丫~~~~~~~咁樣慶祝就可以加埋神參與啦~~~~~~~

So........我地一齊唱詩歌，
同埋又有互相大家分享呀~~~~~~~
仲有.........細hel好勁呀，
可以同我彈結他啦~~~~~~~~~~~
神使用你的"他藝"，你這恩賜喇~~~~~~~~~~~
um.........我有錄底2首我地咁多姊妹一齊唱ge歌呀~~~~~!!!!!!
好聽，好sweet的~~~~~~~~heehee^^

之後搞到4:45，我、karen、vi就走喇，
好多野拿呀~~~~~~~公仔、花、袋、一袋禮物........
一個人跟本拿唔到的~
thank 呀Vi 幫我拿咁一d野，送左我搭車~~~~~

好開心好正呀!!!!!!!!!!!!!!!!!!!!!!
fanny同小Woo同我錄左短片呀!!!!!!!!!!!!!!!!!!!!!!
係我浸果一刻架!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!好清、好近添架!!!!!!!!!!!!!!!!!!!!!!!!!!!!!!!
哈!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!哈!!!!!!!!!!!!!!!!!!!!
可以成日睇番回味呀!!!!!!!!!!!!!!!!
thank you!!!!!!!!!

拆禮物拆左成個鐘呀~
搞到現在1:45喇~~~~
好多禮物同卡呀~~~~^^
有好多大卡、細卡，
仲有座台的擺設，
小飾物啦~
同埋好開心~最想收到的就是書，而我收到有6本呀!!!!
另外，唔知點解收到好多野食呀~
好多送糖、朱古力俾我~有唔少呀!^,^
我同d禮物影左張大合照~~!!~~
hahahahahahha~~~~~~~~~~

P.S：有d擔心d相lor唔番呀~~~我部機.........死左呀!!!!
我部機影得好少成功的相呀，
好多都黑哂(部數碼相機唔知why今日壞了....................><)
有好多相，分別在唔同人ge機度(好多人有份影過我的)
我驚唔知點lor得番哂d相呀~~~~~~~~
希望好心人的你地有我個樣的相，就send去我e-mail俾我丫~~~~~~
好想要d相呀!!!我得好少咋!!!!

------------------------




回味完畢......

今天的光景....
有誰能明白......


神啊.....請不要放棄我......

>>March 28, 2010 at 10:14:49 PM GMT+8

2010 年 3 月 26 日 星期五 【晴】

返左一個星期工喇
人生第一份工、新入職
都算係咁架喇
其實工作量不算多
工作環境、同事、上司、待遇等也是不錯的…很感恩

工作量也不算大
見左幾隻cases
學左點intake case….
同d老人家傾談,實在很touching....
只係我聽完卻唔知/唔識點幫佢地.....

in fact始終還未適應返工既作息生活
真係好累，係精神上既累
每日返工、放工加埋要3個多小時車程時間
雖然絕少絕少機會有O.T
每日都可準時5:45p.m可放工
但每日返到家都要7點幾
食完飯、沖好涼，坐定定都已經係9點幾
用一用電腦就要去訓
訓得5,6個鐘又要起身返工
返工的生活就係會無哂私人時間
終於體會成人世界了@@

新入職, 況且係人生第一份正職…壓力真係都幾大.
因為需要pick up on好多工作….
雖然無人催我要趕住做d咩
但我好期望自已可以短時間內適應+pick up+上手
最慘係唔識點幫到d老人家....
無經驗的一個社工.....唉.....=[[[!!!!

原來返工的壓力同讀書既壓力真係好唔同
上手同事handover 90%既工作俾我了
一次過實在有好多野需要去消化
好多野要搞同付責,好多好大既責任...

隱蔽長者cases+一般輔導cases=分分鐘有近百隻cases要付責
仲有開組、大型活動、同工訓練、各大小內外的會議等
仲有好多行政上既工作.....
好多工作都好鎖碎....真係好怕銷碎野....
好驚唔記得d野......

入左職, 豆左人地人工就要盡力做好
新入職…咩都唔識…. 成日都要問人…覺得自已好似好 “炸” ….
宜家處於適應階段中…. 好多野都需要適應和學….
真係好大壓力,咩都唔識但就要衝過去做咁…

但我唔想放棄，除左因為份工得來不易外
就係我返左幾日我開始看到這份工作的意義
如果我做得熟能生巧的話，我覺得這份工作都很有意思
開始培養到有個心….是我讀書果2年都無的心

我唔怕辛苦...我好想我一埋位就識得做哂所有野(我知道無可能)
但覺得自已讀完書出來好似都係咩都唔識咁
係咪真係凡事只係起頭難架咋？…..
好驚我要適應一年都未適應到…
好驚我做唔掂呀…

>>March 28, 2010 at 9:30:09 PM GMT+8

2010 年 3 月 24 日 星期三 【晴】

今朝早起身個人真係好累.....
累到完全唔想返工.....
在返工的路途上......累到極度累......
新入職、第一份工作......凡事起頭難.....是絕對真的.....

上午睇下counseling case同hidden elderly cases 既files.....
又收到耆康會check case的結果.....
之後同事又再handover 多d野俾我.....
又同我講下申請社署LTC(長期護理)的表格....
之後,我就消化一下勁多的表格.....

lunch time做到唔想食飯......
個人好緊張.....

下午去見個隱蔽長者的case
這是我第一次以社工身份自己一個人去見case!!!!!
但都唔太緊張的

去到同呀婆傾計.....
傾了一個半小時.....
我終於明白點解佢有老公、有仔女同住都當她係隱蔽長者
因為佢下肢不便行動.....
已經整整一年無踏出過家門........

各人有各人的故事.....
她又有她的故事.....
我可以怎樣幫助她呢？.....

我這個post.....
首先,一定要好清楚有咩服務、社區資源....
其次,透過傾談(counseling的技巧)了解個client有咩需要....(用真誠建立了關係....)
再的是,有d咩資源可以幫到個clients.......
最埋我地點樣幫個clients去拿到哩d資源....
不但如此,還要耐不耐關心和問候他們,看看他們的需要如何....

anyway.....見完case,回到center
call易達巴看看book的那日子有無車提供俾到我的這個client....
點知又未知.....
要遲d check....

好多野都唔係可以立即做....
要等的....
所以....好怕到時會唔記得左件事....
所以,要用唔同的辦法令自己記得....
宜家我張台開始貼左好多memo紙.....提醒自己to-do-list.....
oh......做社工的工作真的超級鎖碎.....
要有責任感、細心同埋要好有記性....

anyway,今日有好多鎖碎野要處理....
都係幾緊張同大壓力....
因為d野太鎖碎.....同埋好多野都唔識做....
好"無從入手"的感覺!!
而且,成日問人都好怕煩到人....又怕人地點諗我.....

好累啊!!!!!!

>>March 24, 2010 at 11:57:11 PM GMT+8

2010 年 3 月 23 日 星期二 【晴】

上午打俾機構的資訊系統組
因為我個位部電腦既MS office同我個email account有d問題.....
所以同資訊系統組果邊搞左成朝.....
透過電話響度整電腦....
好在最後都搞番好
另外,好開心呀
中心原來有九方,可以俾我裝
最後仲裝到tim~可以用到了!!

之後就整理下電腦入面d file....
開folder....同分番類別....
等自己搵file可以搵得方便d.....
但搞都搞左成朝…真係好多野…

之後又send email俾耆康會check case (hidden case)
之後.....同事交待番我要做的工作....同埋教我做.....又俾左好多information我......
又成幾個大大大文件硬皮夾俾左我.....係d case的file來的......
下午都係整理同消化勁多files....

之後打我入職後的第一個電話
就係打俾易達復康巴士幫我一個client book車去醫院覆診
但係我要果個日子個巴士full了,無位

之後,我就call番我個hidden elderly 的client
係我入職後第一次打電話俾client!!!....
覆番佢易達巴士無位
同佢響電話傾左幾個字
了解下佢情況....
約佢明天做家訪....


今日.......
一次過接收左勁多野.....!!
好多個file堆哂過來.....!!
勁多野需要消化....
突然感到很大壓力.....
放工時,真係好好好好累....同好好好大壓力.....
真係好大壓力....
另外,有時覺得自己甚至對住d同事都無咩信心講野咁.....

今日係我入職後第一次開始懷疑自己適唔合適合哩份工.......
放工時都好灰.....

夜晚同呀隆響旺角食放題....村上
就算係食放題....都無咩心機食......
諗住去relax下,,,,因為覺得有需要減下壓....
但都係心情麻麻,真係好大壓力啊!!!

>>March 24, 2010 at 10:13:51 PM GMT+8

2010 年 3 月 22 日 星期一 【晴】

今日又早左返到中心....
早左15mins....中心大閘都未開=.=
我響門口等左陣,食左一陣風~

上午跟老細上門開case
做counseling case的intake
學習到原來counselling case同hidden elderly case的做法有d唔同
另外,見case後我更加看到自己真的太多太多野都唔識
counselling技巧上極其幼嫩和不足....
同害怕的是,好多老人社工服務、老人社會政策等都唔認識.....
但我哩個post的工作....就係要知道有咩social services俾d有需要的老人家.....
(當然要懂得判斷那老人有何需要)
可是,我連有何服務、d服務有咩申請要求和做法、申請的程序等.....我都不認識的話......
咁我點幫到個老人家呢？
不過,我知道一切都係靠經驗
好像我同事所講：你做做下就會識，其實工作真係唔難做的

講番今日個case....當中個clients的女兒都有講到落淚.....
我都幾touching......好感受到佢的辛苦......
返左工三日,總共見左2隻cases.....
當中都令我看到這份工作的意義....和我這個社工的角色.....
我的工作確實可以幫助別人改善生活

今日下午,用本簿mark番底、整理番上午隻case的details.....
整理真的好重要....
因為見完個case唔review一下的話
我這個無記性的人一定好快會唔記得d野 >.<
到時都唔知點mark番落d case form度....同埋唔知點做下一步了....哈哈.....

放工前,跟開隱蔽長者工作既果位同事.....和我交代番我的工作......
佢一次過俾哂d厚厚的文件大file我 =0=
象徵將d cases pass哂俾我了!!以後就要我follow了 :((((((((((
好驚呀!!!!.....覺得自己好似空槍上戰場咁 =[[[[[[[
一次過咁多文件堆哂俾我
真係緊張到死了!!!!!@@@@@@@@@@@

另外,佢同我交代番我哩個post的工作中要填的form
真係有好多呀........好多文件上既野要處理.......
好混亂.....我驚唔知道、唔記得要填的form....=[[[[[

同埋,好驚埋數、追deadline的時間........
最驚係"自己應該要驚,但唔知要驚".......
因為唔知點安排工作上的schedule.....
好想人地assign野我做....自己只做follower.....
話埋我知要做咩、幾時係deadline......

今日又係5:45p.m準時收工 XD
做老人服務就係咁好 ;P
準時收工, 很少OT :P

anyway.........
返工.....個人真係好累呀....
同埋返工後,真係無私人時間用了......
夜晚返到屋企都已經7:30p.m.....
沖完涼、食埋飯、坐得低都差不多9:30pm.....
好快就十一二點......準備上床訓覺了
返工真係無哂私人時間........
好似「工作就是我的全部人生」咁.......
不過.....我唔要抱怨啊!!
要常常回憶番當初得到哩份工的經歷和珍貴!!
而且....宜家返工,每日都有好多野學!!!
對於豐富我的經驗來說...真係好滿足!好有幫助!!!!
真係每日都有好好好好好好多野學!~~~~~~~~~~

雖然好累....但好在,返左幾日工都完全無想放棄這份工的念頭^^
覺得大壓力、覺得害怕、好多野唔識.....但卻無想過放棄^^
我開始搵到哩份工作的意義
真係好有意義的.....
我好想做得好好.....好想盡快盡快識哂d野.....好想識得幫助到每個我的client!
要俾心機!!

>>March 22, 2010 at 10:15:01 PM GMT+8