2010 年 5 月 5 日 星期三 【晴】

今日好累
中心開一個月一次的例會
三場…..
我要hold第三場全場….
好多呀婆聽覺都唔掂….
所以我要好大聲、講幾十次….
真係講到氣都無…
我發覺我條氣真係好差….
另外, 有幾個呀婆d語氣+態度都好差….
好多testing我既行為…..
明明個活動已滿額，但仲拉我埋一邊問我：
俾多一個位我啦，我一個人之麻…
又有個呀婆好串：
三個職員都搞到lup lup亂, 唉!

Um…. 不過睇到d人性既野都幾有趣~
實在需要聰明智慧去handle…

另外, 成功幫到一個隱蔽老人家申請送飯服務
令佢既家人放下心頭大石同安心好多
個呀伯個女響電話入面不斷同我講多謝….
令我覺得有份滿足感…..

希望可以繼續努力

>>May 6, 2010 at 2:41:33 PM GMT+8

2010 年 5 月 4 日 星期二 【晴】

出黎做左野一兩個月
就發覺到有樣野實在好需要學習
就係要主動d、開放d....去同人social........去吹水......
我真係好唔慣......
有時會覺得成人世界既哩d行為實在好假....好浮誇......
但宜家都開始知道....
哩d動作並唔可以話係假既....
只係人大個左....要主動同人去交流.....
因為現實d黎講.....為左方便合作....
建立下關係....熟d....都係需要既
又或者.....諗得簡單d
其實哩d行為,都係一種禮貌來姐.....

但可惜.....
我覺得自己份人好怕、而且好唔鐘意同人social....
好多時當要同d唔熟既人傾談時.....
感覺就好唔自然.....好想躲回自己的洞穴....

好多時我都好嬲自己份人好唔主動.....
亦都好害羞....好無自信心......
我實在很害怕主動.....我知道要主動....
但當我迫自己主動時...卻感到好好好唔自然.....

出到來工作....
除左要學習工事上既野外.....
同時又要學習同適應哩d人際相處之道.....
怎能令人不疲倦呢......

唉,我相信.....
唔單只做社工需要懂得同人social....
其實做咩工....就算係一個文員....一個打字員....
佢都需要同人合作....
不過,社工...真係尤其需要啦....
我自己知自己事....所以,我實在有太多地方需要學習、成長同突破.....

----------------------------------------



Westlife 的歌
Beautiful in white
竟然未聽過的 =0=

應該係講結婚的....
旋律好好聽....
歌詞亦都好動人、好甜蜜.......

So as long as I live I love you
Will heaven hold you
You look so beautiful in white
And from now to my very last breath
This day I'll cherish
You look so beautiful in white
Tonight

What we have is timeless
My love is endless
And with this scream I
Say to the world
You're my every reason you're all that I believe in


我想起結婚誓詞的內容.....

「無論是疾病或健康、貧窮或富裕、
美貌或失色、順利或失意，
你都願意愛她、安慰她、尊敬她、保護她？
並願意在你們一生之中對她永遠忠心不變？」




關鍵是：一生不變......

>>May 4, 2010 at 9:52:19 PM GMT+8

2010 年 5 月 2 日 星期日 【晴】

我既信仰生活....
好唔開心....
有邊個會明白....
有邊個可以同我一齊同步而行?.....

同神的關係.....
同他的關係........
兩者間的拉扯......
好辛苦.....
信與不信的人在一起...原來真的太困難.....
相方都很痛苦...........真的可以用"痛苦"來形容
遊山玩水,擁抱和錫的之後.....
現實的處境...還是沒有離開過.....
困難依然響度.......問題仍然存在..........
當中的拉扯....相信只有我自己先會明白

這些拉扯....大大影響我和神的關係........
宜家我和神的關係....很不滿意......
很灰心失意.....唔知點樣行落去.........
內心實在很想展翅高飛.....
我好想熱心追求主...為主來夢想....愛主更多....
但原來....現在這個處境.....要做到.....真的很難........
我感到....愛世界越多....愛神就越少.........
若果對方不是神所安排和神的心意時....情況可能更加差....
你越愛那個人.....你就會越難愛神.....
你越愛神.....你就會越是可以不愛那個人.......

看到對方願意跟自己返教會...甚至上d班....
當然開心....然之後...心就會有期望....
覺得..."啊....他很快有一天就會相信主了"...
我們便可以一樣了....我們就無左信仰的問題了....
但.....原來哩個期望係不健康的........

因為原來男仔鐘意一個女仔
真係可以為個女仔付出好多,甚至係為左她而信一個信仰....
咁樣之所以唔健康.....係因為...
對方即使信左....一切都可能只係為左個女仔.....
而並唔係真心相信哩個神........
咁樣...對個男仔都唔好...因為他會feel好confused.....
信仰的根基亦不穩陣.....
究竟係真心相信？還是為左個女仔而信？........
哩個係一個好大的問題........

好了.....就算對方信左...
但大家的步履是否一致?.....
大家愛主的心...是否合一?.....
大家可以在屬靈上分享嗎?........
可以在信仰之路上....一同有契合、心連心、二人成為一體的感覺嗎？........
步履不一致....也很難行下去的......
因為aruge始終會出現.........

anyway...5目前...宜家....這些拉扯....影響到返教會....
崇拜ok....但總括來說,返到去的感覺好唔自在.....
怕撞到人....也怕被人知道我倆的關係
也基於自己的故事和處境...
而未能輕鬆的與弟兄姊妹有認識....
也未能開放自己的心...和人交通.....
所以,逃避返團契....
但...無弟兄姊妹的支持....係好難走下去的....
因為一個人走...有事上來...也無人知曉....無人支撐....
一人....很易倒下....
今日有個連我自己也感到害怕的念頭....
就是....我想....既然咁困難.......
我唔想再追求祂了..........
不如我又再一次離開神吧........

現在,我真係好失意....好迷惘........
拉扯........因為我想專心、好想好想可以成長.........
好想...."I want to be free.....自由的飛....."
好想...."在愛中沒懼怕....在愛中無傷悲...."
好想......" I want to be free .....不再流淚...."

但神呀.....我可以點樣?.....
難道你真的要我放棄嗎?
但我真的不能想像當中的傷痛........
or....你要我學習等待?......
但........我要到幾時呢?..........
要等一個人信主....然後可以與我同行?.....這是你的心意嗎?.....
但神啊.....這樣的過程....實在很辛苦和拉扯呀..........

可能....一切都係因為我有太多的期望.....
我期望他認識你、追求你...
我甚至還期望他會成為一個很愛你的弟兄.......
但...這是他和你的關係...
我不應該有所謂的期望!
因為這是你和他獨立的關係!....
我豈能干涉呢?!!.............
況且....每人的信仰之路也不同....
我也是經過了很長很長的歲月...很多很多的經歷...才會有成長....
我無可能期望一個他...會很快便有何愛主的心.....
說到尾....我看清楚了我自己...
其實....可能我係想對方信左....然後和我行下去........?.....
某程度上...也算是一種自私............

anway....我好想搵人傾.....
但宜家....無人可以俾我傾到....
同輩的....已經無咩邊幾個仲有穩固的信仰了....
要離開的...已經離開了.....
當初一起在這信仰上追求的...只剩下幾位....
傾得心事的...有....
但卻幾乎沒有一位可以讓我感到坦誠的share自己在信仰上的心事....
而屬靈上的長輩....我更加是一個也沒有了....
所以......宜家....根本無一個朋友、同輩or長輩....可以俾我傾訴到.....
好想好想有個人可以俾我響信仰上傾訴.........
好辛苦..........

宜家....我地的情況...就好似無法子解決咁...
好似走到絕路咁........

信仰.........
感情..............
兩者皆傷............
很想流淚..................

>>May 2, 2010 at 10:08:41 PM GMT+8

2010 年 4 月 29 日 星期四 【晴】

壓力令人累
但卻不好因壓力而迷失

我還是未習慣上班的生活…
每天下班後,也感到極度疲累

前兩天.....
當我拖著疲乏的身軀+腦子....走到大埔火車站的行人隧道內時
發現多了一位賣唱者
是我在那裡從未見過的
(通常見的都只是那個上過報紙, 比較出名的那個男人)

這位新來的賣唱者
是一名年輕男子
我想也許只有20多歲
他全個面容也毀容的

當時正直下班時間, 有攤檔檔主叫賣聲、有路人說話聲…
縱然周圍的環境很嘈吵
但他一人發出的小小音樂聲和歌唱聲卻突然很吸引我
因為他唱的竟然是詩歌…
與當時的環境有很大的對比…
但他卻像很投入在自已的世界中,專心“敬拜”…

「無論是住在美麗的高山
或是躺臥在陰暗的幽谷
當你抬起頭，你將會發現，主已為你我而預備
雲上太陽，它總不改變，雖然小雨灑在臉上
雲上太陽，它總不改變，哈！它不改變。」

他所唱的都是曾經鼓舞我、伴隨著我成長的詩歌
雲上太陽 、愛的真諦....

在這一刻
歌詞深深的觸動我內心
只因目前,因工作而感到很大的壓力
歌聲、歌詞...在這一刻都像為我打打氣

想不到,天父會用這個方法,來對我說加油

-------------------------------------

最近有一名年輕女教師
因工作壓力和情緒問題而選擇了結生命
又一次的悲劇……

才三十多歲便輕生
感到可悲之餘, 又很明白....
患有情緒病的年輕女教師
生前面對校長、家長、學生各方面的龐大壓力
從而「逃不出工作中的無情壓迫」
最後走上不歸路…

自從踏出社會工作後
深深明白到壓力的可大之處
即使在下班後,有關工作上的畫面,仍會纏繞在腦海中不散
即使在睡覺前一刻
腦袋也不禁想著工作的事情
(發夢也有夢見我的clients….夢見一個個呀婆的樣子...@@)

身軀下了班....但腦袋仍上班....
這.....就是壓力了....

再者,我這個人做事比較緊張
很想快點一下子完成所有事情
所以當同一時間需要處理手頭上多個工作時
我個人便很急促, 即使沒有人催促我, 我也會催促自已
現在，工作量, 是我的壓力主要來源
不懂得如何處理未曾有經驗做過的工作
也是我的壓力來源

「唔好咁大壓力啦」
我深深體會到,原來壓力實在不是「唔好咁大」就唔咁大
也不是這麼容易說減就減的…
無錯，「長期受壓是會爆煲的」…
所以,需要學習…如何拿得起、放得底我們的壓力
確實要學習面對壓力和減壓
每人也有承受壓力的極限…
而性格絕對影響一個人的壓力承受程度
我自感性格懦弱內向…
有時也頗擔心自已可以承受到多大的壓力…

我好記得一個很了解我的朋友
她曾形容我是一個「只要別人常常鼓勵，我便可以做得好好」的人
我真是一個頗依賴的人
特別需要別人的鼓勵和肯定…
我才更有信心做事情…
而了解我的朋友都很好的
他們會因為我這性格而不時鼓勵我…

我的朋友,就像這悲劇新聞的女教師的丈夫
12年來，他放下工作,當太太背後的男人
雖然無奈地妻子始終也承擔不了沉重壓力而自殺
但當中丈夫的不離不棄、支持、鼓勵與愛
確實是很感動的

最後
我很同意新聞文章中的一句：
「管理層的責任是要知人善任，
用不同方法誘導下屬的潛能，
而不是以一個方式對待所有人，
為什麼要將商業機構的一套帶到教育機構？」

很感恩的
我有一個很好的上司
好nice又很願意教我
而且會給予我機會去嘗試!
在這裡工作, 工作環境、工作量、上司、同事、工作氣氛等
其實各方面也是不錯!

昨天很有滿足感呀
我順利完成了親自一手一腳籌備的活動
帶幾位中心會員去探訪區內的幾位隱蔽長者
雖然,參加者人少少,只算是很小型的活動
但畢竟都算是自已親手籌劃的
而且可順利完成
所以,應該要學習在小事上鼓勵自已

這是我在工作上第一次感受到滿足感!
最有滿足感的原因
是因為我終於感受到自已像一個社工 .......=]

我會繼續努力下去
好好學習!
感謝神!

>>April 29, 2010 at 4:17:12 PM GMT+8

2010 年 4 月 25 日 星期日 【晴】

今日好滿足
因為教會生活好fruitful..^^

崇拜時,唱《盡心盡性讚美祂》
一首細細個我就識唱的歌
響兒童崇拜時就學唱了 =]
今日再唱番,真係別有一番感受~
好開心呀~

另外,今日有機會認識左一班弟兄姊妹
一齊飲左餐茶
好耐都無試過與教會的人一大班有活動、gathering
今次,雖然個個年紀都大過自己
感覺有點距離
但畢竟,都算係終於可以在這教會識左一班人
哩點都係我一直所期望的.....

anyway,
現在,仍然係好期望有一天可以有一班會交心的同路人!

心裡面,有太多期望,亦有太多想改變、想成長、想追求的地方
我相信神會欣賞我當中單純的心
我更相信神是聽禱告的!
所以,我要耐心等候心裡所想的一切!!!

休息左兩日....
聽日又要返工了
心有緊張、有擔憂、有壓力
但靠著天父,我會有能力同積極去面對.....加油!!^^

...........神給予的滿足,真的是可以從心中發出的

P.S：前幾日呀爸煲左冬蟲夏草湯我飲....
飲既時候,見到d冬蟲夏草...
都覺得,嘩,真係好似蟲,好核突!
但呀爸話,似蟲所以咪叫冬蟲夏草囉
所以我相信係植物來....
我仲拿住d冬蟲夏草上手一啖一啖咁哨....
d質感好爽....

但到我飲完先知......(上網睇埋資料證實)
原來冬蟲夏草真係蟲來架!!!!!!!!!!!!!!!!!!!!
真係冬天係蟲,夏天係草........@@
我知道後既第一下感覺.....真係好想反胃呀!!!!!!!!!!!!!!
原來我食左d蟲落肚~~~~~~~~~~~~~~~~~~~

我知道冬蟲夏草係好貴的名貴食材來........
但我真係有機會都唔會再食架喇!!!
真係好嘔心~~~~~~~~~~~~~~~~~~~@@

>>April 25, 2010 at 9:11:37 PM GMT+8

2010 年 4 月 25 日 星期日 【晴】

原來兩個人相處真係好唔簡單
即使兩個人性格相似,好夾都好
但都有好多地方需要不斷互相了解
確實要好細心care大家的感受同需要.....

希望我可以唔會比今次的事影響到....
希望我可以繼續做番自己...
好怕自己又有d咩做得唔好、唔夠好
....都怪我自小性格無咩自信心
所以對於別人的評價、批評好敏感....
好怕被人傷害到內心.....

尋晚發生左d野
好唔開心
唔多再提了....


今日...........
天氣好好
去左粉嶺既香薰園
同埋綠田園





第一次去哩個香薰園
真係無咩特別....
唔係好靚的,好普通
我以為會好似花海咁tim
anyway....影下相都ok既~

不過,我好開心可以見到羊咩呀
我見識到羊咩的叫聲
同埋羊咩屎和羊咩鬚
原來真係咁 =D
羊羊好可愛 ;DDDD

btw，小學時學校旅行去過綠田園
以前覺得好好玩架
但宜家去,好似無哂感覺咁lu
可能人大左,太多野玩了
都唔再懂得enjoy這些簡單的快樂.....

夜晚在MK食韓燒
熱氣死啦~~~~

P.S 1：出左糧啦!!!!好開心!!!
第一次見到自己既戶口...數字有咁多個number~~~~
我有我人生中既第一個一萬喇 :DDDDDD

P.S 2：我有卡片喇~~~~~~~~~~~~~~
公司出左俾我了~~~~~~
但竟然無一直期待的開心
我好期待有自己的卡片,好似好勁咁麻
但當拿到手時,卻好似覺得唔係野咁....好鬼衰...
我覺得自己好多野都唔識得去開心同欣賞.......

>>April 25, 2010 at 2:35:58 AM GMT+8

2010 年 4 月 22 日 星期四 【晴】

踏進職場生活一個月
工作上大致上也算順利
壓力等屬自然之事
沒有不開心的事情發生已應感恩
但始終最不習慣的
還是作息時間的轉變

每天6:15a.m起床, 很早…
越早睡當然精神越好
但放工回家後
畢竟希望爭取多點私人時間
做點自已愛做的事
早睡的話…. 感覺生活便好像只有「返工、放工、睡覺」
太枯燥…
但為了精神,現在迫自已十二點左右要上床
每天的睡眠時間大概有5-6小時
但始終也感疲累

也許
成年人的世界就是這樣

每天早上總是拖著疲倦的身子
沒精沒采的頭腦乘車回辦公室
然而，每天上班的路途上
有兩種現象
總會吸引我的目光
令我有一番思緒
在疲累之中
也找到一點讓我多愁善感的空間
這就是我
我喜歡自我中心的感覺

現象一) MTR站向途經乘客求取報紙的老人家

每天在九龍塘火車站轉乘地鐵的電梯旁
總會見到幾個老人家
向途經的乘客拿取看畢的免費報紙
不用多說，他們的目的就是收取後拿去賣以賺取金錢
先不評論他們的這個行為(收集和變賣報紙以賺金錢)好壞與否
然而，他們卻吸引了我的目光
令我思索一番…………

或許，從別人看來這是很低微的工作
甚至有人會覺得他們很「陰公」
老人家，老了，本應享福
但他們卻降低尊嚴,低聲請求他人
為的只是一份報紙和換取微薄的金錢
然而，他們卻是「每天都在」
總算是為了生計而自食其力
因此，在另一個角度看
他們也許並不是降低了尊嚴
反而正正是尊嚴之所在

在這幾位老人家當中
最吸引我目光的,是那位伯伯
他的身體瘦削、只穿著薄薄的外衣
看到他，不禁令我擔心他的身體
不知他會站在這裡多久？

但，他最吸引我的，是他的笑容
他向每個路過者付上親切的笑容
招手以示向路人求取報紙
而當有人遞給他報紙時
他會以很恭敬的態度連番表示多謝

他的笑容就像送給掛著呆板疲態面孔的香港人的一份早餐
此外，當中他堅韌、努力、積極、正面和有禮之精神
或許，這正正是我們現今一代需要學習的地方

現象二) 體態撩人的廣告燈箱

每天在地鐵站內
看到酥胸半露、性感撩人的女性相片出現在廣告燈箱
賣的是纖體廣告

現在真的越來越多這些廣告…..
現在走在街上
留意之下，才驚覺真的多得很嚴重………
幾乎行兩步就看到…
(當然，現在的女性衣著也越來越開放)

在我的小時候
幾乎很少有這類型的廣告
即使是三四年前
也沒有這樣多…..
很難想象再數年後數量會多得如何

對女士而言
若果沒有一套堅信的價值觀
就很易會隨著現今世代不斷變遷的價值觀所影響
「瘦就是美」、「肥便不受歡迎和喜愛」
確實很易迷失
真替現代女性感可悲

對男士而言
這些性感撩人的影像….
確實令他們眼花撩亂
男士即使不去想、不去看也不能
生活在這些環境下，就像是「被迫」接收這些資訊……
初起畫面，繼而幻想，再一時把持不住….
真的不知會發生何事,唉

真的…….在這裡不想作評論…..
身為女性,實在很需要需要安全感
相信大部份女生情願自已身邊的那一位是呆板一點
並不期望遇上了多情公子….


總括而言….
現象一與現象二也反映了「世界每天都在變遷」

天地在變
人也在變
唯有在耶和華眼中所建立的價值是不變的
因祂的愛永遠不變…
跟著祂的話而行
便不會輕易被這個世界牽著走
從而得著自由........

受祂親自管教且認真愛祂的人
必會懂得有何正確的心思意念
必會懂得如何過合乎祂心意的生活

多追求神的話語
可幫助我們在這個常變的社會下堅持自已.....

>>April 22, 2010 at 11:33:10 AM GMT+8

2010 年 4 月 20 日 星期二 【晴】

今日上午去左開會
9:15a.m就到達荃灣既福來村
今次的會議,係一個地區性既會議,係《荃葵青區的長者服務聯會》....
係荃葵青區所有各機構單位的代表會來開會.....
交流一下大家服務的情況同發展....
哩個會議,本應係我主任去開既
但因為佢唔得閒,所以就差派左我去負責參加

全張長台有20幾30人....
幾乎全部都係各機構單位的主任....
我相信我係全台人最small的一個....
仲要轉咪講野...分享一下自己單位的服務情況同發展.....
新入職+無經驗....咩都唔識、咩都唔知.....
拿住個咪...真係驚到振......

今次去完,都算係見識左不少
第一次見大場面.....
發覺做哩行真係需要學習social.............
因為做哩行(社會服務)真係有好多大大小小的會議要參與.....
會經常遇見很多同工.....
亦隨時會有合作的機會....
所以,熟悉多d人、打好關係....真係重要的
之前我會覺得交換卡片、扮下friend底、客客氣氣果d既動作係好假的事
但宜家我知道原來哩d都係需要的
唉....我好被動+無咩自信心+無信心+怕羞........死得了~

不過,有件事真係幾開心同感恩架~
就係竟然響今日既哩個會議活動入面....
俾我撞到教會一個姊妹!
大家都係住大埔,最搞笑既係,
佢又係響青衣區做NEC的社工！
而且同樣係做隱蔽長者的！ =0=
大家都係fresh grad、又係剛新入職....
大家都係戰戰驚驚咁
仲要係做同一個post~
相信大家以後可以分享下心得同難處~
仲可以有合作的機會tim =]

響今日果個令我好緊張的環境中
我無諗過可以遇見一個我認識的人
好似突然間有個伴咁,起碼有個人傾講先丫
所以,今日響哩件小事上,我都幾感恩架~哈哈!

P.S：今日響個會議上,我見到我之前見工救世軍的主任.....
開頭我扮見唔到佢....
諗住唔洗打招呼、唔洗social啦
點知佢竟然認得我....仲主動hi我.....=.=
同我傾左幾句........
心裡面真係幾緊張.....

行頭真係好細...........
我相信若果我出得多哩d大型會議....
應該見黎見去都係哩班人.....

>>April 20, 2010 at 10:07:53 PM GMT+8

2010 年 4 月 18 日 星期日 【晴】

心底裡
我清楚發生了甚麼事
現在人生的景況
確實令我無法平安與喜樂起來
使我很難追求主、與主靠近
亦不能專心、盡心盡意愛主我的神
這令我非常無限之失意............
因為,我很想努力追求天父
但一切也阻礙了我的步驟
行一步、停兩步、原地踏步....甚至是後退幾步.........
雖然最後會到光明之處
但路途中,確實是痛苦非常

心底裡有太多的事情
無法對人言
身邊的人也未能與我有同樣的堅決之心和價值觀
未能讓我感受到承諾、與我堅守、與我同行......
過往的經驗告訴我
軟弱的地方可成為藉口
從而將事情慢慢便合理化
問題也不覺得是問題了.........

現在這個景況....
畢竟,即使神說原諒我
我也很難原諒自己
因為,每一個決擇,也是自己容許的
即使有聖靈的提醒,我也不去理會

我相信,我始終要承擔當中的後果…
盼望有一天,可以結束這一切
得著真正的自由

很希望有一個地上的人....
可以教導我、指導我去處理各種問題
我撐得很辛苦了.....

再係咁...我的靈命遲早有一天會鬱鬱而終.....
我唔想又再一次離開神..........

有誰可救我脫離？......

-------------------------

我將你的話語
深藏在我心
免得我得罪你
免得我遠離

哦主啊！與我親近
我愛你聲音
作我腳前的燈
作我路上的光

天地將要過去
你的話卻長存
天地將毀壞
你的話卻長新

>>April 18, 2010 at 11:31:11 PM GMT+8

2010 年 4 月 17 日 星期六 【晴】

尋日去左個half day camp
去左黃金海岸
響間渡假屋度玩~





第一次認識你的朋友

第一次一pair pair出來玩

感覺幾特別*~

>>April 18, 2010 at 10:23:25 PM GMT+8