2010 年 3 月 21 日 星期日 【晴】

尋日去左維園《2010香港花卉展》
今年係我第二次去

今年去睇,d花好似無上年咁靚
可能第一次去係興奮d、新鮮d啦
同埋,尋日係星期六,好迫人
搞到都無咩心機行~

全場最開心的
都係睇到我最鐘意的花花：鬱金香
一大片的鬱金香
真係好靚架
(同樣的,上年都有~)

另外幾好睇的
就係有d中國盤景
好有意境~
好勁呀d人整得.....=0=

anyway......個花展都幾靚既~





]









--------------------

今日返教會
最大的得著係.....上帝與信祂的人所立的約......
我們只要相信祂....
祂就會承諾我們去保守我們、有恩典給我們、給勇氣我們去面對生活
世界一切都隨時會變.....
但神的話語、承諾和約....都永遠不會變
因此唯有祂是我們可以永遠信靠的

所以，我們又需怕甚麼呢？

>>March 21, 2010 at 10:27:08 PM GMT+8

2010 年 3 月 19 日 星期五 【晴】

今日返9:00a.m
逢星期五都係返9點放5點
其他日子都係返8:45a.m,放5:45p.m
所以......今日可以訓多半個鐘
可以訓到6:30a.m....但都係好好好好早....好慘 =[[
鬼叫住得咁遠 =[[[

8:55a.m返到中心
我以為自己好遲啦
但返到去....我竟然係第二個人最早返.....
其他同事都係9:00a.m、9:05a.m先返到.....=.=

今日剩係返上午
lunch時間後,2:30p.m我就可以離開中心喇
因為要去YWCA總部簽約
(返左2日工先簽約@@, 因為佢地未安排好....)
主任都好好,可以俾我claim番返工時間去簽約~
出左去簽完約就唔洗返中心~可以放工了~

講番上午先....
今日我跟左另一社工同事上門開隱蔽長者的case
上門探訪個老人家
人地有兩年經驗真係差好遠呀!!
我覺得個同事做得好好!!!
透過睇佢做左一次intake我睇....在當中我實在學習到好多野!!
學習到何謂intake一個case、有咩要準備和留意、學習留意服務對象的需要等…
同埋最重要既係.....我學到好多counseling、說話等技巧上既野!!
真係好勁呀人地......=[[[

探果個呀婆.....因為私隱,所以我唔可以講得佢
但總之就係d比較弱d的長者.....
不過,頭先我跟個同事上去探時,我都係從旁觀察....
自己都無咩自信心咁....成日覺得人地會覺得我唔得咁....
連自己都對自己無信心
同埋頭先總共見左隻case都成2個鐘......
我都比較緊張同唔自在的感覺....
我仲未習慣自己已經是一個社工了.....成日覺得自己無料=[[[[[
我覺得自己似實習學生.....唔似一個ready的現職社工=[[[[[[[[[

anyway 啦.....見完case返中心
同事後來同我debriefing時
同我講解下隱蔽長者的服務工作.....又俾我睇d表格....
例如見case前、見case後、開case、close case等的form.....
勁多行政上既文件要做......=[[[[

另外,我一年大約要做50幾隻哩d隱蔽長者的cases......
今日透過探訪、做intake.....
我開始睇到我哩份工作的意義了!!
發掘、接觸、探訪、了解他們的需要.....看看有咩服務可以幫到佢
我哩份工作....正正就係去幫助一群好有需要幫忙的長者!
我的工作可以幫助改善佢地的生活
其實真的很有意義啊!!
我好想做得到、做得好呀......!!
可惜我真係咩都唔識....每樣野都像要凡事問咁.....
覺得自己好似內裡空無一物咁
好驚d cases唔識點做呀=[
因為........好驚呀
一向負責開隱蔽長者工作的果個同事.....慢慢就會handover哂d野俾我.....
主任話好快我就要接手了.....因為新一個財政年度4月開始.....
我要去搵case了、做case了!!
同埋.....今日去做左intake既哩個case.....
下一次個同事就唔會再同我去架喇
我要自己去follow了!!!!!!!!!!!!!!!!!!!=[[[[[[[[[[勁擔心.....我咩都唔識,點算呀~~~!!!!!

anyway!!今日真係學到好多野!!!都好滿足和感恩的!!
只係心底裡面好多擔心,擔心來緊d野會唔識做.....同埋責任會好大了=[[[[[
但我都ok有興趣、有志向想在這裡俾心機學哩d工作!!

不過諗諗下,都幾好丫
我之前搵工時,都有期望過做隱蔽長者....
同埋我一直都想做case多過做小組同program的....
雖然我宜家哩個post都要做小組同program
但我主力都係做case
是一個case worker / counselor來的
所以,我都幾開心丫.....=]
可以嘗試做下我想做既野.....=]

返左兩日工
大概都已經知道我主要負責的工作範圍了：

1)隱蔽長者的個案服務
2)隱蔽長者的"持份者"工作,係做推廣隱蔽長者問題和服務的
3)隱蔽長者的內外、大小會議
4)搞同工訓練
5)銀髮義工,對象為弱老
6)行政、中心一般日常運作,例如當值主管等、中心大小活動等

大概係知道咁多啦..........
d同事話我地哩間center工作量不算多
同埋d野都不太難做wor
希望啦.........^^
始終宜家都好驚.........好擔心...........

------------

今日下午就出左金鐘,上YWCA的總部(HQ)
去人力資源部簽雇員合約
第一次上HQ.....要新入職既同事入埋會既@@......無啦啦我要俾$30.....

多謝呀隆陪我去=]]]]]]]]]]]]]]]]]]]

>>March 20, 2010 at 12:13:26 AM GMT+8

2010 年 3 月 18 日 星期四 【晴】

今日第一日返工
本應可以6:00a.m先起身的
但5:00a.m就自動醒左,之後就訓唔番了.....好慘 =[[[[

坐巴士出去時
望出窗,見到晨早的太陽好靚!!橙色的!!
又見到一群的雀仔飛過!!
早晨的景色好靚呀!
心情幾好~我懷住好感恩、好感恩的心情
就踏上我第一天上班的旅途了~~ =]
內心真係好感恩,神俾我長大成人,有得讀書,有得讀大學,宜家有一份好的工作做^^

anyway~今日我6:00a.m起身
6:45a.m出門口,上大尾督巴士
7:20a.m上火車
7:40a.m上地鐵
8:00a.m地葵芳
8:15a.m就到青衣長青村了.....
都好快.....成個車程都係一個半鐘....就由屋企返到中心了

我要返8:45a.m
但我8:15a.m就到了
響門口四圍hea下
8:35a.m遠遠見到中心入面開左燈
於是行到門口
有個庶務員姐姐就開門俾我入去啦

入到中心
同個姐姐打招呼,佢介紹佢自己我知
叫我有咩野叫佢做隨便開聲....
叫人做野....我真係好唔慣@@
但畢竟我哩個社工postt職級係要做埋員工督導的....
呀姐姐、PW、PA都要我同佢地有工作的關係....
我諗哩點都係要學習的地方.....

之後文員同事就返到來
佢安排我個座位我坐
有屬於自己既位 ;p 幾開心
不過IC(主任)個位坐正我後面=.=
哈哈,我要好小心先得啦,無得偷下懶lu :P

之後d同事就陸續返到中心了
主任就叫哂d同事入office
就介紹我俾佢地知,又介紹下各同事既名字同職位
哩間NEC人手都幾好呀.....
加埋主任,總共有3個社工同事 (主任、我、另一位同事)
另外有一個Service Assistant同事,專係搞班組的
有個文員啦
仲有1個PW、1個PA
仲有好似2,3位part time PW....@@都幾多人手呀~
好在,我好快都記得哂d同事既人名,,,,哈哈!!

不過,唉....搞笑....竟然另一個社工同事又係呢Stella
而且又係叫ar恩
我地既簽名仲要係勁似....=.=
d同事唔知點分去叫我地.....
主任叫我做"朱恩".....=[ 好慘
又叫我做"Stella 2號"....勁似d機械人...=.=
唉,我以為Stella哩個名好少人用架麻....!!
竟然都會撞!!

之後呢,主任就叫我同另一位又係新入職的pw同事入房
同我地一齊做breifing
講解下d行政、請假、假期、返工時間等等的鎖碎事宜....
佢大概都講左我既職責....
我最主要就係一個case worker的同事
即係主力做case的.....
而做的....係做隱蔽長者的case.....hidden elderly......
除左case,當然都會做小組,同大大細細既program等
仲有不少內外、大小的隱蔽長者工作的meeting要開.......
另外,仲會負責同工訓練....哩個我都唔知係咩來的.....應該係train d 同事o瓜.....
仲有,另外.....就係會負責銀髮義工既服務....對象係d弱老.....

講完哩d之後,就係開展今日好慢長既staff meeting的時間喇......
有主任、我、另一社工同事、文員、service assistant同事.....
5個一齊開會.....
由11:00a.m開到1:00p.m.....
開會佢地傾既野我基本上我都唔知道佢地講緊咩.....
因為我新來咩都唔知....
所以,上午的會議,我都係聽.....

lunch time....時間係由1:00p.m至2:00p.m
(但主任又話咩會shift來放lunch....我都唔太明...)
同幾位同事一齊出出面果間酒樓飲茶
主任請我同初入職的pw飲茶~
同d同事講下9型人格,哈哈
好多2號仔,helper型
我4號仔好似好咩咁=.=

2:00p.m就回center了
無野做,自己拿d文件睇
睇番以前隱蔽長者d cases的資料
好似唔太難做o姐都....希望我都應付得來啦!
唔洗驚....因為：神俾得哩份工我....佢無理由唔俾埋我足夠既能力架麻

之後,又係開會了....繼續上午的staff meeting....>.<
3:00p.m開到5:45p.m放工.....

5:45p.m準時放工!!
同d同事一齊關門.....
今日我真係好累好累!!!!
開左成日會!!實在好唔習慣咁長時間咁集中精神去做野!!!
同唔習慣咁早起身!!!
同埋周車勞動....來回咁長車程.....真係好累!
身體不累.....但個精神真係累到爆..........
係累到我都.....唔識點形容了!!!
個頭仲幾痛tim!!!


雖然好好好好好好好累!!!!!!!!!!!!!!!
不過,真係好感恩
我覺得.....我遲遲未搵到工...但神最終真的給予我最好的.....
最好的才給我.....好開心.......神聽禱告呢.....好奇妙啊.....：

1) 上司都好好呀.....幾caring...沒有架子.....
仲叫我不用擔心....同我講d野不太難做....hidden elderly case不太多
同埋叫我不用擔心,因為有哂d野俾我follow
我唔係開荒牛.... ;)
and then, 工作氣氛暫時望埋去都幾cascal.....
有講有笑都ok咁.....

2) 公司環境好舒服.....地方、所有一物一東西也是新的......
我一向都好希望工作環節是舒服的、新的、不噪的....
同埋有個理想的office.....
哈哈.....所有也附合我的心意呢!!
這間center是上年09年10月先新開的....(舊址轉來這新址)
所以,全裝修也是新的!!很舒適!!!!

3) 隱蔽長者工作...一向都係我幾有興趣想做的
開頭見工時都唔知我哩個post係做hidden elderly的
見完之知,哈哈,最後仲請左我,有得試下做^^

4) 這機構真係幾好.....
5天工作、有18日大假、有進修假、福利、有不少training course仲可claim返工時間等....
都算好了.....
仲有,佢d服務都會涉及基督教信仰的....
例如中心的開幕禮會用感恩崇拜的儀式.....
又會有佈道會俾d staff.....

5) 薪金好理想.....是我沒有這樣期望的.....比我所求的還要好 .....

真係好感恩!!
神好愛錫我!!

so.....暫時來講,
返左第一日,一切都安好^^
心態是積極的!!都好想自己可以不放棄!!響度俾心機學野!!
好希望自己d野可以早日上手!!
然後有一天可以做得好好!可以應付自如!


加油呀!!!!!!!!!!!!!

-----------------------

P.S：放工好累好累時.....有人專登從家走出來
陪我放工、同我坐地鐵、火車回大埔....
好舒服ar....=]

>>March 18, 2010 at 11:43:46 PM GMT+8

2010 年 3 月 17 日 星期三 【晴】

聽日入職喇
好緊張!!

一切都係未知之數!!
同事、上司、clients、工作量、要負責的工作、環境、時間等…
好緊張呀!!

好多年都無接觸社工既野=.=
社工課程中,都係響兩次實習中開過共2次組+2次program.......
宜家返工就要做哩d了
死啦,咁耐無開過組、搞過program......
我怕我會唔識搞.....=[[[[
而case.....我更加是未做過tim....=[[[[
死啦,點算呀.....
好多野我諗我都會唔識做>.<
請著我真係慘>.
明天.....唯有硬著頭皮返工了!!!!

加油啦!!

--------------------------



聽日正式入職....好緊張!!
好在有咁多野食陪住我o姐
有6包我至愛既kinda繽紛樂,hoho~
仲有糖,做野做到好苦時可以甜下~
仲有各樣既餅,可以肚餓時醫肚~
哈哈
我會拿返去office,慢慢食^0^
(如果我未死,+我有時間/機會,又容許既話 :P)
Thank you =]]]]]

>>March 17, 2010 at 8:46:10 PM GMT+8

2010 年 3 月 15 日 星期一 【晴】

實在很少數算神的恩典
因為,我們很容易把自己所擁有的一切視為必然的
然而,信神的的人
卻相信一切皆不是偶然和必然的
「上帝早已預備，我不相信運氣」

我現在所擁有的
包括生活在安全的香港、有安樂窩、有衣有食.....
擁有和諧幸福的家庭、健全健康的身體、朋友........
以及有讀書的機會....可讀到大學.....有一個專業的社工資格....找到工作等......
這些無論是大或是小的東西
一切一切,看似平常、看似是命運和靠人的努力而換取回來的
但是,我卻相信是神的恩典

甚至,我沒有學壞
也不是我天生懂事
而是神的恩典保守

昨天的證道,提醒了我
神的恩典是「每天更新」的
正因如此
這信仰絕對是不枯燥、不落後的

所以,我不要停留在多年前決志信主、受浸時的階段
因為「神的恩典是每天更新」的
雖然我做過浪子,離開了天父多年
自我、犯罪、離棄祂
但天父的恩典沒有離開過我
祂不數算我的罪
反而的是,到了今天,祂的愛、祂的恩典還在

試想......
在人世間,有多少個人被拋棄後,還能夠接納傷害他的人？
甚至,不單是接納,更是以不變的愛去愛對方？
我相信,人與人的愛,真的很難做到這樣了
正因如此,神的愛,是很難明白
因為.....這份愛是太深太廣了.....

另外,神的恩典是「夠我們用的」的
正因如此
這信仰令我們活得有力的、剛強壯膽的

不過,在目前的光景中......
實在有太多的懼怕.......
害怕我人生中第一份長工.....究竟自己能否有能力去應付？......
害怕面前因工作而帶來的作息、飲食、與家人朋友情人相處模式等的生活轉變........
害怕工作使我對信仰、與神的關係、教會生活等的影響.......
害怕要面對的感情問題等............
實在有太多太多問題未能解決.....也不知怎解決.....
更是沒有勇氣去解決........
好怕每一個錯誤的決定....以及走錯每一步......

但我相信,在面前的工作和各方面的挑戰中
若是繼續依靠自己的力量
若非緊緊依靠主.....
我想所有事情也將會變得很混亂的.....
就像這幾年我的人生般.....
實在不想再走回舊路了
我要靠祂,在祂愛中不再懼怕

神已吩咐我們不用懼怕.....
祂賜我們剛強壯膽的心.....
這並不是我們自圓其說的....
而是神透過聖經一書一字向我們承諾的：

剛強壯膽：
「我豈沒有吩咐你嗎？你當剛強壯膽！不要懼怕，也不要驚惶；因為你無論往那裡去，耶和華你的上帝必與你同在。」 [書 1:9]

主必同在：
「你不要害怕，因為我與你同在；不要驚惶，因為我是你的上帝。我必堅固你，我必幫助你；我必用我公義的右手扶持你。」[賽 41:10] 　

藏身之處：
「你是我藏身之處；你必保佑我脫離苦難，以得救的樂歌四面環繞我。」[詩 32:7] 　

倚靠上帝：
「我倚靠上帝，必不懼怕。人能把我怎麼樣呢？」　[詩 56:11]

不怕兇惡：
「他必不怕兇惡的信息；他心堅定，倚靠耶和華。他心確定，總不懼怕，直到他看見敵人遭報。」
[詩 112:7-8] 　

主必保守：
「忽然來的驚恐，不要害怕；惡人遭毀滅，也不要恐懼。
因為耶和華是你所倚靠的；祂必保守你的腳不陷入網羅。」
[箴 3:25-26] 　

主賜安慰：
「惟有我，是安慰你們的。
你是誰，竟怕那必死的人？怕那要變如草的世人？」　[賽 51:12] 　

主賜平安：
「我留下平安給你們；我將我的平安賜給你們。
我所賜的，不像世人所賜的。你們心裡不要憂愁，也不要膽怯。」　
[約 14:27] 　

主必幫助：
「既是這樣，還有什麼說的呢？上帝若幫助我們，誰能敵擋我們呢？」[羅 8:31]

剛強仁愛：
「因為上帝賜給我們，不是膽怯的心，乃是剛強、仁愛、謹守的心。」[提後 1:7] 　

愛不懼怕：
「愛裡沒有懼怕；愛既完全，就把懼怕除去。
因為懼怕裡含著刑罰，懼怕的人在愛裡未得完全。」
[約壹 4:18]


由以上經文可見.......
神親自對我們說：你不要怕！
所以,在眾多的困難中......
我更加不要依靠自己的想法、意欲、心思、聰明智慧和能力去解決......
不要害怕......
而是等候神的安排.....
我相信神是明白我的心的......
希望祂帶領我脫離困苦愁煩
帶領我解決問題
求神親自將那些阻礙我去追求祂的一切,無論人或事,也都拿開......



You are my hiding place
You always fill my heart
With songs of deliverance
Whenever I am afraid
I will trust in You
I will trust in You

Let the weak say,
"I am strong in the strength of my Lord."

>>March 15, 2010 at 8:12:09 PM GMT+8

2010 年 3 月 14 日 星期日 【晴】

哩幾日都玩扭計骰玩上隱
開頭無心機學....無咩興趣玩....因為好怕用腦...
但玩玩下又幾好玩,哈哈
仲上左穩tim
多得有人的指導
不過,宜家都仲未識自己一手一腳扭到成功 =[[[[[[[[

---------------------------------

今日夜晚去左睇牙醫
我真係好驚........
睇牙醫其實係我好好好好好怕的一件事.......
怕痛....同埋怕吞唔到口水的果種感覺.....
d喉管插住哂我個口裡.....好唔舒服......

今次去check牙,洗牙,同埋補左一隻蛀牙
total $7xx.........@@
睇牙醫真係好貴

醫生建議我箍牙....
其實我都想箍好多年了.....
係我在心底裡一直很想做的一件事.....
不過箍牙要好多錢.....起碼過萬蚊.....
我諗等我遲多一兩年,儲落有d錢先.....
但anyway我相信我遲早都一定會去箍的....

另外,醫生話我d牙好極端
一係就ok健康,一係就蛀得超級嚴重.....
佢話我果隻蛀了超級大洞的牙....要杜牙根
每次$800.....total要返去整3次.....total: $2400
最後仲要整個牙套....又$2400
所以,總共搞番好哩隻爛牙要差不多$5000........
其實我好想整
不過一來驚痛
二來就係錢的問題啦....
$5000.....遲下有d糧水都應付到既....
但宜家都係無得搞佢住架喇
等佢再爛下先啦唯有.....=[[[
------------------------------

今日崇拜有不少得著同提醒.....
好想同人分享....但又好似搵唔到人可以分享聽道的得著....
其實我好想咁樣做的
因為弟兄姊妹聽道後互相分享....
可以幫助彼此的靈命和個人都有成長....

同時今日有d野幾煩惱....
所有鎖碎的問題連成一連串的問題.....
總之.....這條路真的很難很難走!!!..............
如果傷痛可換來喜樂、光明、福與平安?......
心中始終有太多太多的困擾不知和誰分憂.......
真的好辛苦好辛苦好辛苦........
真的好煩惱好煩惱好煩惱......
十萬個很不滿自己現在的景況........
覺得自己的身、心、屬靈生命也很不健康......
好多不被明白、不被了解、不能同行.........
很多衝擊.....很多掙扎.........很多相撞.......
好想有個明白我情況的人,可以讓我卸下心中的愁煩俾佢.......

在街上行行下時.....
在一幅banner上.....睇到哩句聖經金句......提醒我......
「你們要將一切的憂慮卸給神,因為祂顧念你們。 」(彼前 五:6-7)

>>March 15, 2010 at 12:09:44 AM GMT+8

2010 年 3 月 13 日 星期六 【晴】

今日去左海洋公園



我只係敢玩d唔激的機動遊戲
"翻天飛鷹"已經係我既極限 ,哈哈
不過,玩時大叫,真係可以將d壓力都叫哂出來了!

今次睇左三個劇場
想玩既、想睇既....都玩齊、睇齊了
時間安排得very good ;p

去海洋公園可以睇好多動物
好開心 =)



今次.....應該係我正式入職前最後一日去大玩了！

>>March 14, 2010 at 11:37:31 PM GMT+8

2010 年 3 月 12 日 星期五 【雨】

今日睇左《拆彈雄心》(The Hurt Locker) =]

>>March 12, 2010 at 10:37:28 PM GMT+8

2010 年 3 月 11 日 星期四 【晴】

我有工返喇!!!
應該下星期就返工啦!!!

原來履敗履試...最終真係會成功架!!!!!!!
原來....人生只要有堅持、不放棄
最終都可以成功!!!

今年畢業個市真係不好...
相對起08年我社工畢業的同學
今年搵工入職真係難好多
加上,看求職廣告,社工post雖多....
但始終社工很講工作經驗
對於fresh grad,搵工真係比較難.....

搵左接近半年工
send左近100封求職信
見左12次工....到見到第13次....終於有人請喇!

中間有一間大型醫療集團都有社工post offer左....
但因為各方面的條件也不合適.....
到最後都reject左個offer....
果時都好驚reject左不知又要等到何時架.....
但唯有....堅持、堅持、堅持、堅持、堅持
我始終都相信,神會安排更適合我、更好的工作給我
我只好祈求和等候呢!

好開心!對比起上次那間公司的offer....
今次的offer我都很滿意...很喜歡^^
機構、薪金、工作時間、假期福利、工作環境等也很滿意!!^^
起碼,真是我喜歡和想嘗試的一份工!!!
對於返這份工...我是期待的!!
好緊張呀!!
我好想可以預備到最好最好最好先去返工!
我好想自己可以變得更加的好!!

我諗....響這半年搵工的經歷上
學習到最大的功課....就是等候、堅持
還有的是,要交托神和相信神的帶領!

send求職信無回音.....有第一個interview....陸續不斷有interview....有2nd in.....
不斷的希望但最後還是無結果....
重新搵工....又send信....又interview....2nd in......
總之.....整個過程就是等待、等待、等待.....
不斷重複這些過程...實在令人很疲乏....
而且當中的挫敗感....我相信有類似經驗的朋友....
他們都會明白在搵工過程當中....的負面情緒有多大的影響

我知道人生的挑戰有數不盡...
搵工可能只是很小很小的事吧
但畢竟對於一個剛大學畢業的年輕人來說....
尋找第一份工作是一件人生中很大的事了....
因為,年青人在思索前途的問題上...迷惘的感覺....是很大、是很困擾的.....

anyway....回想起來....這次若然不是經歷了這麼多挫折和失敗
若然很易便得到一份工作...
那麼....我也許便不會珍惜....也許得到後便很易放棄
所以....現在....我會知道....我一定不可以輕易放棄!!
新入職....人生的第一份工作....一定會遇上不少挫折
但...我真的不想輕易放棄!!
因為....我知道得來不易!

真的，好感謝天父
原來....「祂的恩典真的夠我用」!
經過這事後,我更加了解祂的真實
並學懂了依靠祂的功課!
交托=只需盡力、努力....之後的...就只需要將所有事情"托付哂俾神"就可以了
這些日子.....若然不是祂....也許我真的根本不能振作起來....

另外....很感動的是
過程中....我看到有爸媽,朋友們和老師們的支持....
他們的鼓勵....真的扶了我一大把!!
我最想多謝的是呀隆,君怡和嘉敏!
還有與我同行的陳燕筠=)

好了,現在...我終於可以完結了漫長的求職生涯了......
終於可以入到職喇!! =]
不過我知道,這才是開始
前面職場的路,還更加的不容易走
所以....加油吧！

我沒有經驗,沒有熟練的技巧.....
我有的....只是一顆渴望接近和關懷老人家的心.....
希望....在工作當中....我可以做到我想做的事...

我將會是一名投身於老人服務的社工了!
各位公公婆婆....我這個年輕的姑娘來了!! =]]]]]~~~~~~~~~~

在求職這事上....實在學習到太多的功課....
對自己有信心、相信神、祈禱、交托、依靠、
堅持、盡力每一個無論大或小的責任、勇於接受挑戰、把握每一個機會......
很想以後都記得這些.....
以致日後在職場上....也可以做好自己....不斷有所進步....
因為我對自己一向都是有要求的...
我覺得「有心」、肯學習、進步....是最重要!!


P.S：陳燕筠和陳文鏢同學
我地三個SHU同學都同一時間搵到工作
哈哈,一齊開始面對新挑戰：我地人生既第一份長工！
我地都要努力,哈哈,香港又多三個新社工啦~~~
我好希望自己是有貢獻的 .\/. !!

>>March 12, 2010 at 3:20:48 AM GMT+8

2010 年 3 月 9 日 星期二 【乍雨乍晴】

今日真係好凍
痴線架,明明上星期差唔多都有30度
但哩幾日就得果10度8度
相差20度咁濟
真係要小心身體,病左就慘

今日去左青衣長青YWCA做番個筆試
都可以叫係3rd in.....
好變態....過五關斬六將...
今時今日要得一份工真係不易
有人請的話就真係死捱都唔好辭職呀
走左都唔知又要幾耐先有人請....=[

講番今日啦....
今次係第三次去青衣長青村哩度了
其實哩份工各方面的條件都理想.....但我最mind的是地點太遙遠....青衣......
我用左三個不同的乘車方法去：

一) 大尾督出到大中-->73x->大窩口落車-->坐兩個站地鐵到葵芳地鐵站-->坐43M巴士到目的地

二) 大尾督出到大中-->73x-->城隧轉車站落車-->坐47x到葵芳地鐵站-->坐43M巴士到目的地

三) 大尾督出到大埔墟火車站-->坐火車到九龍塘-->轉地鐵到葵芳地鐵站-->坐88D小巴到目的地

今日用左第三個方法去.....
真係好快呀.....
30分鐘小巴 (大尾督到大埔火車站)
20分鐘火車 (大埔墟火車站到KLT火車站)
20分鐘地鐵 (5分鐘由KLT到太子,15分鐘由太子到葵芳)
5分鐘88D小巴 (葵芳MTR外,到目的地長青村)
5分鐘 (步行到間center)

即係.....哩個方法...就需要差唔多一個半鐘啦
1.5小時就可以由屋企返到去中心了......
所以,計計下,其實去都唔洗2.5個鐘咁耐丫
其實好快都去到....不過係轉幾轉車,麻煩d

第一、第二個方法都太耐了
返工時間坐73x巴士....驚窒車、等車麻煩、多人、無位坐、難控制時間等....
所以,第三個方法都ok快同方便.....
而且,火車同地鐵的時間又易掌握d.....

不過,剛剛又諗到另一個方法去喎....
大尾督出到大埔墟火車站-->坐火車到沙田-->轉47x到智芳街-->
步行往新都會外的小巴站-->坐88D小巴到目的地

哩個方法我未試過.....
但以我估計....需時都應該大約要1.5小時.....
同方法二差不多....
不過哩個方法....最麻煩的是：
1) 在沙田上47x....可能會好多人等....驚上唔到車....同埋未sure車程要幾耐
2) 由智芳街步行往新都會外的小巴站.....唔係太識行...印象中要穿過葵涌廣場先到....都幾費時....

so........如果真係響哩度返工的話....
究竟邊條路程會快d,方便d呢？

痴線架,都未話請我....我就勁緊張....諗哂d路程......

anyway啦.....今日約左2:30p.m,但2:00p.m就入到去center
個姑娘安排我入去電腦房
佢開左部電腦叫我坐低
心諗死啦....唔係麻....又係要用電腦!.....又要打中文?>0<
驚左幾秒之後,就知道,唔係喎.....
今日係做英文題目
打英文o姐,唔需要驚丫

30分鐘,用電腦word,用英文,作答一題：
"not more than 200 words, to express the ideas of ageing population in HK"

好在....條題目都算簡單....
唔洗緊張~
半個鐘....剛好完成~
走人,等通知啦~

做完test之後.....坐番小巴落葵芳地鐵站
呀隆出左來葵芳搵我.....
佢尋晚留宿,今早8:30a.m先放工,下午5:30p.m又要返工了
但都專登由馬鞍山出來葵芳搵我......真好.....

我地響葵涌廣場食包冷麵就當lunch
係咁e行左陣,之後就坐47x回沙田了
陪他去CitySuper買餅今日他last day請同事食
之後他去返工,我地就分別了



anyway啦......今日完成左個test.....
我諗......如果YWCA係請我的話.....應該都會哩兩三日通知我架喇
所以........等待啦....

人生都是不斷不斷的等待、等待、等待
等待不同的東西
等待一個學位offer的機會、等待一個情人的出現.......
等待家人朋友的一句關心、等待一份工作的offer…....
總之....就是數不盡的等待！

>>March 9, 2010 at 10:30:20 PM GMT+8