2010 年 3 月 8 日 星期一 【晴】

今日一起身
我就等待緊我部手提電話會唔會響起
好期待會唔會收到2字頭的電話....
因為,星期一又係開工既時候
即係話可能我會收到interview的電話.....

而最心思思既係
唔知會唔會收到YWCA的來電.....
上星期二2nd in完之後
佢話如果選我的話....我會哩個星期收到通知的
所以,今日期待佢會打來話請我,俾offer我

結果上午都係無收到電話
到左剛剛3點幾....見到2字頭電話立即飛去接聽
係YWCA打來!!!!
但結果並唔係請我
而係話佢見完我...都ok,但就未可以sure考慮請我住
因為我上次1st in 時要做兩題written test
但我只做左一題(中文果題)....
而英文果題就唔夠時間做,無答到
所以,頭先佢call我就係問我明天會唔會返去補做番半個鐘英文果題既written test...
佢話如果我唔返去做埋呢,就一定唔會再考慮請我
佢叫我try my best 返去做番條題目
之後佢地睇完我個test,再考慮請唔請我

最後我當然決定返去做啦
不過好搞笑囉,山長水遠,返去青衣,做半個鐘,答一條題目 =0=
但都無計架啦,都會返去try下....
無理由行到哩一步就放棄麻.....

anyway啦.....以我所推斷....
其實佢叫得我去補做番個test....
應該係對我有興趣既....
但程序上,無理由請一個未能完成written test的人.....
所以,佢要我完成整個written test先可以請我....

不過,我覺得自己好恐怖....
其實哩個都算係好消息呀
因為都叫做"差半步就成功,可以入到職"了....
但我竟然都無開心既感覺既
我唔係應該要感到興奮架咩....??
點解我心情咁平靜既....
我發覺個人真係唔懂得開心架.....
連開心都唔識.....

其實宜家係擔心多過咩
擔心聽日條test唔識答、答得唔好....
因為係英文題目....我咁耐無寫過英文.....+我英文咁差.....
都幾大壓力...如果聽日條題目答得唔好/答得差
咁,佢就唔請我了
到時呢...就會覺得自己差半步就成功....但竟然到最後一步先黎死.....好悲哀的....

另外...好變態的.....
人地都未話請我....但我已經好擔心入職後唔識做....應付唔來.....
宜家諗起d工作就已經好緊張喇!!
同埋....又會好無聊咁....擔心工作地點太遠.....
青衣....每日來回交通需要5小時.....
如果返8:30a.m的話.....我每日要5:30a.m起床.....
唉,我未做就怕辛苦....好衰仔.....
唉,我哩個人真係麻煩呀!!
個人好憂慮,好無信心.....

anyway....明天要努力作答果條題目!!
英文?....不用怕!!
只得半小時作答?....不用怕!!
盡力啦......結果係點都無從控制了~

今晚好好溫下本"Language Enhancement Kit for social work student"先.........
--------------------

最佳電影、最佳導演、最佳原著劇本、最佳剪接、最佳音效剪接、最佳混音：
《拆彈雄心》（The Hurt Locker）

最佳男主角：《聲聲相識》(Jeff Bridges)

最佳女主角：《守護有心人》(Sandra Bullock )

最佳男配角：Christoph Waltz 《希魔撞正殺人狂》



好想睇哂以上拿獎既幾套戲!~

>>March 8, 2010 at 7:23:04 PM GMT+8

2010 年 3 月 7 日 星期日 【雨】

人生低谷期.....
沒有一方面是稱心和滿意的....

這個低谷.....
可以說是我22年人生中.....
最深最深的谷了..........

太煩惱了.....
真係好憂愁....

喜樂和平安.....你們在哪裡？.............

在這個又深又黑暗的山谷......
需要很很很很大大大的力量.....和勇氣.....才能走出來.......
因為.....實在是太難了.......

好想好想有些信仰上的同路人....甚至是牧者....
可以幫一幫我走出這出低谷的困境.....

然而.....牧者...暫時還未能遇上適合的.....
而同路人朋友.....
很少朋友知道我這些日子中發生了甚麼事.....
即使他們知道....也未必可以了解我當中的拉扯、困難和爭扎.....
即使他們了解.....但也未必體會我的感受.....
沒有一個人明白自己.....
沒有一個人與我並肩同行.......

........很辛苦.....

今日在教會中
參加了迎新會.....
當中聽到幾位弟兄的信主經歷.....
真的很感動我心.....
因為,曾幾何時....
我也能深深體會到他們所得著的感受.....
然而....現在自己卻像是很差劣的....
很想像從前般.....擁有決志和受浸那刻與主的貼近、喜樂和熱心！

「生存」、「生活」.....兩者是不同的.....
我很想重獲豐盛的生命....
很想每天也滿有喜樂、積極和目標!
我不想再浪費人生......
但現在....要做到...實在很難很難......
點算....好辛苦!!

走到很疲累了......
真的..........很疲累了......
像是走到絕路....像是沒有路可走了....

>>March 7, 2010 at 10:29:49 PM GMT+8

2010 年 3 月 5 日 星期五 【晴】

收到好多朋友的sms、facebook留言......
一路睇....逐個逐個msg睇.....
看到長長的留言....
好touching....
感到原來真的有好多朋友關心同擔心自己.....
另外,每一句鼓勵同提醒的說話.....
都加添我力量....去重新振作.....
謝謝我的朋友們.....

每一段鼓勵的留言
都有好大的提醒......
好想記底當中最喜歡的一些留言.......：
----------------------------------

【上帝的延遲並不是拒絕】

有一個人，他在二十一歲時，做生意失敗。
二十二歲時，角逐州議員落選。
二十四歲時，做生意再度失政。...
二十六歲時，愛侶去世。
二十七歲時，一度精神崩潰。
三十四歲時，角逐聯邦眾議員落選。
三十六歲恃，角逐聯邦眾議員再度落選。
四十五歲時，角逐聯邦參議員落選。
四十七歲時，提名副總統落選。
四十九歲時，角逐聯邦參議員再度落選。
五十二歲時，當選美國第十六任總統。
這個人就是林肯，因為他堅信上帝的延遲，並不是上帝的拒絕，因此能屢仆屢起，最終成就不凡。
(來源：網路流傳)

from: 林廣泉老師

------------------------

「朱...我明白你現在可能好不開心
亦都會好似少左個人同你一齊行咁...
但其實不是這樣的....
之前我們取說我們的情況很像吧?!
你還在等待答案丫嗎!
你是有機會的!!
況且我好似上左岸但你之後的工可能仲好過我呢!
所以你現在不用看低自己,
只要是耐心等候je
我相信你的預備不會waste
一定可以得架!!
我會支持你架...
不要放棄呀 =)」

「朱...你真係唔係最差個個
信我*
你要想想你在SHU的成績呀!
其實你現在只係爭運氣同在等待!
你的努力大家都看到
只要唔放棄,一定會成功的* 」

from: Yin Yin Connie

-------------------------

「stella, 你一定要對神有信心,對自己有信心!
最好的, 始終會來到!」

from: 小羊
--------------------------

「Stella加油呀~唔好放棄
我都好明白搵極都搵唔到果陣感覺
會好懷疑自己既能力, 去親interview都會覺得人地叻d好d
我之前甚至一次2nd都未有過呀
你有咁多次2nd既機會就證明你係有能力既...
只係對方可能覺得唔係適合姐
畀信心自己, 亦要畀信心神
因為我地既能力都係神既恩典
我地既不足神就會去填補
佢有佢既計劃, 佢一定會畀最好既你
我地要keep住呢個盼望同信心
仲要恆切既禱告呀
加油呀!!我信你可以既=]」

from: 鏢
------------------------------

「真係好明白您既心情!!!!
因為我都try過,
不過總有出路
上帝比既野,係超出所想所求!!!
眼睛未曾看見,耳朵未曾聽見的!!!!!」

from: 呀沈

------------------------------

「容許我講少少老土說話...

若自問自己事前預備已經盡哂力...問心無愧
將不能控制o既結果交俾神吧...
... See more
有咩不快你打電話俾我la o_o」

from: 謝偉廉William

----------------------------

「你有無想過如果你好快成功
怎顯出神在你身邊所作的工作呢？」

from: Peria Tsang
------------------------

「阿朱: 在note中我看見你的失望及無助。
面對朋友仔已找到工作...
相對回望自己的處境難免會失望..甚至懷疑自己
這是正常的! 因為我們去睇野的時候，一切都係相對的
例如要知道何謂幸福
我會是先知何謂不幸
阿朱, 我不能說完全明白你
因為你我都知道，神造我們各人都是獨特的
每人對身邊發生緊的事的反應都有不同
但我真的希望你知道，地球仍在轉
我跟你的生活如何不會影響地球的運作...
何是我跟你的生活故事
不論是好的、有趣的、困苦的...一切都是在神的手裡
我們是人當然不會太明白為何是我去面對....
但轉個頭神都可以問我們"謂何不是你
" 因為是好是壞...在神心意都有佢的好處。
"我們的好處不在祂以外。"」

from: 浩宜
-------------------------

「stella,為你的工作禱告
支持你!我相信神的恩典一定夠用
希望你不介意我寫得較長，請花點時間看:

唔知你記唔記得上次有機會同你in同一份工呢?
那次，其實我都failure左
好唔開心點解會轉極都轉唔到工
亦因一些時間上誤會，自己好瘀。
但原來最近聽一些有經驗的社工講
個間機構點解成日請人
因為老闆唔當職員係人
竟然可以開會講晒大家d人工出來等
個社工好勞氣講間機構俾都唔好做
出來做野，知道有時咁的老闆，真係勁難頂
令我明白其實神在中間不斷去保護我們同去愛我們
好似爸爸保護女女咁
唔想俾一d我地承擔唔到的困難我地

詩13篇，大衛亦經歷過你的難過及灰心
雖然周圍環境不變
但於第5節他選擇倚靠神的慈愛
經過這事，我看見神會指引我走一條更好的路。加油ar!!」

from: Zenia

---------------------

「知道你平安無事就放心了
要處理內心的情況真的不容易
比d時間自己呀
"一宿雖有哭泣
早晨必歡呼,
主的恩典乃是一生之久"
支持你!」

from: 董

----------------

「為你pray~記住我地因為指望
就必穩固」

from: 陳嘉欣

----------------

「咪咁啦!不要一時既野又對天父失望啊!」

from: 君怡

-------------------

看到哩d留言.....
證明到....我有咁多朋友的關心......
重新提醒我....神很愛我
所以,我不要放棄自己.....

還有今日ar隆來陪我
親身給予支持我.....
我地食左大尾督新開而我又想試好耐既日本餐廳.....
仲有....我住左大尾督十幾年.....
我一直都好想玩BBQ場果度租玩撐艇仔架.....
大個女的今日....終於有個男仔陪我玩喇......^^
雖然我地完全control唔到架艇仔....>.<.....
最後仲要個陌生男人來救我地埋岸.....>.<
但係.....我真係開心....心情relax左好多
好多謝他的付出和愛.............

媽媽提醒我：
「交托」=交左俾神，托付俾左神，自己就不要擔心，要放手，做好之後，就是讓神來做

好!!!!!!!!!!!!!!!!!!!
我要重新上路!!!!!!!!!!!!!!!!!!!!!!!!
我要像"不倒翁"!!!!!!!!!!!!!!!!!!
困難來到嗎？打倒它吧！
來一個、打一個！
我要在搵工的事上,好好依靠祂!!!!!!!!!!!!!!!!!!!!!!!!!
學習真正的「交托」!!!!!!!!!!!!!!!!!!!
學習「信靠」、「等候」、「信心」的功課!!!!!!!!!!!!!!!!!!!
相信祂已安排對我最好、對我最有益的的給我!!!!!!

I do the best....God do the rest ！

>>March 6, 2010 at 1:01:21 AM GMT+8

2010 年 3 月 4 日 星期四 【晴】

好辛苦
在床上痛哭....
真係痛哭........
個心好痛好痛......
並且前所未有的,去用手、腳並全身的能量
打拍張床去發洩
我想.....搵唔到工是一個激發點....
而心裡太多的問題...卻是真的令我痛哭的原因.....
若果遇上了很久沒見的朋友
別人問我：How are you
我想我心中會回答：I'm not fine
因為.....現在,我過得不好.....

這幾個月以來
因著不同的事曾多次痛哭.....
最主要都是....感情事.....介意那些不屬於我的畫面和陰影......求職......信仰問題.....
對好多事都好失望....好灰心......
太多事情和我心中所期望很不同......
有d野甚至係無法抹去和delete.....

這幾個月的日子......
overall來說都實在很很很不開心.......
我過得不好.....

現在....感到很孤單.....
好驚....好驚.....好害怕.....
究竟.....人.....係咪真係要堅強、勇敢、不放棄......
但這些....我真係做唔到了......

好孤單.....即使是最親的朋友、情人、家人.....
面對著他們....我好多野都有口難言.....
唔知點表達心中太多複雜的感受.....
也不想麻煩別人.....
因為總覺得每人也有他的煩惱和責任.....
不必麻煩他人了.....
別人也無責任take care著你......
即使你同佢share了....但別人也未必會把你的事放在心上....
聽你說話、安慰你也只是隨便的....為了交際要做的事.....
所以....我都唔知點搵人了......

但心中....我仍是很想有個人可以長期陪著我.....在我身邊.....
又好明白我.....安慰我.....focus在我度.....愛我.....疼我.....愛惜我......

e d 野....我已經睇得好化了.....
根本上.....無人係會伴著你的....
有一個真正的同路人....真的很難很難....
所有人生路.....最終都係要你自己一個人去行.......


今早的痛哭.....很辛苦....
這年...我真的哭得很多..........

-------------------------------

我真係頂唔順了!!.....

10月11月開始寄求職信....
等到12月開始有interview....
見工見到宜家3月....
三個月了,總共見左13份工
send了近百封求職信....
我知道可能唔算多....
但在這接近半年的日子裡...整個搵工、見工的過程....
由寄信但無回音,無interview....到陸續有interview....再到開始有2nd interview.....
每日的心情就像坐過山車咁.....
得過....失過....開心.....期望.....失望.....
每次2nd interview都抱有很大的期望.....
以為成功但還是沒有結果的.....
當中的挫敗感....真的令我很氣餒!......
灰心、失意、自我能力與價值的懷疑、失去信心......
這些心情....和當中的情緒....使我真的很痛苦了....
抑鬱情緒又再升上來....曾經想放棄自己的生命
但理智上又會同自己講：close左哩個2nd in的file....又要繼續搵了...又要再重新整個步驟....
每一次搵、寄、等、1st見、2nd見、等、失敗....的這個過程....
真的很疲累.....
有誰又會明白?!

今天一早...就有兩個最要好的同學朋友....
告訴我她們有工返了
當初一起同步搵工....現在身邊的朋友陸續上了岸.....
而自己呢...就好像剩番自己一個....
繼續孤單上路.....繼續搵工....
很矛盾的心情,為朋友高興的同時
心底裡....卻為著自己的情況而憂愁!......
我知道自己咁樣好唔arm....
我應該要為我的朋友而開心的....
但....卻好像做唔到....
反而有種羨慕....甚至妒忌的心....會諗...點解人地成功...我就失敗....
我很憎自己咁樣!....

神呀,你要我依靠你、等侯你、仰望你、相信你
你上次響我正打算放棄的時候,扶起左我一下
你為我安排了不少朋友、家人、老師....甚至鄰居....
去成為我的天使....鼓勵我、幫助我.....
你叫我繼續努力...並告訴我：你看,你也有2nd in,你也不是你想像中這麼差吧!
因為在你的鼓勵之下....我...有呀....我好努力....
我由頭到尾都好認真、好努力去準備每一次的interview....
把握每一次的機會.....
不放棄的去搵工、寄信、問老師的意見、搵資料、借書睇...
並且好好調整心中的所想...
我真係好努力的了....
我祈禱...我交托...
但,神呀!我哩一刻,真係對你無信心了!
你叫我等候你、相信你.....
你說你最清楚我的需要,會為人安排道路....叫我們不用擔憂....
但神呀!究竟.....究竟我要等到幾時呢...?!!!
我真的撐不住了!!!!
我不想再面對當中的挫敗感!
求職...甚至令我覺得自己像一舊沒用的垃圾
if not係垃圾, 為何無人請我?.....
就算我不是垃圾...最起碼....其他人都好過我、叻過我....
現在覺得...努力都無咩用的....不如唔好努力了....
我都唔想再努力了.....
好辛苦.....

好像連神也扶不起我了.....
地上還有誰人會幫到我?.......
你看,人還是要孤單的走每一步.....
為何回轉歸向神你的時候....生活還比之前困難呢？.....
難道你是假的嗎？.....

我知道我現在的思想很不理性...
但,我真的正面不到、積極不到了!
我真的不想再這樣下去了!!

>>March 4, 2010 at 3:55:08 PM GMT+8

2010 年 3 月 3 日 星期三 【晴】

今日一朝同Connie都去何文田2nd interview,路德會
今次勁喇......
我去in既post係center In-charge........中心主任......

事源係上次1st in時 (swa)....
個督導主任in in下我時....
突然同我講話機構有另一個post係做中心主任的......
問我有無興趣申請做.....
咁樣問到....我唯有硬著頭皮話ok.....
於是乎.....佢就將我個application file彈左去申請做中心主任既post度......=.=

痴線的,我又無諗過佢finally真係俾我有得2nd interview.........
真係俾我去in主任哩個post.......@@
就係咁,我今次就係去in做中心主任.....

in既過程.....無咩structure囉....
又無叫我自我介紹......
一開始就叫我講下我既履歷....問我係咪今年畢業....
佢好質疑我既SHU degree....好奇怪我點解一年就可取得一個degree.....
之後問下我點解想做老人服務......
問我係咪完全無興趣做youth的工作.....
又問我家中有無老人家.....
不過.....最challenge既....都係問我：你知道你申請既哩個post係中心主任post來架可？
我話其實我原本係申請swa的....但上次督導主任將我彈左來in中心主任.......
之後佢就conclude我的situation：哦,咁即係你都係想做住swa,拿下經驗先......
=0=.........唉唉唉.........
我覺得我唔識把握機會sale自己囉@@

結果見左10分鐘都無就搞掂......=.=
算啦......點會請一個毫無經驗既人去做一個主任位架.....痴線的.....
如果佢真係請左我....我都覺得佢傻的.....
anyway,有機會去in IC post都覺得幾funny....
但感覺又真係幾無稽....因為我始終都唔明白點解會叫我哩個完全無經驗既人來in主任級.....=.=

見完工之後,同Connie落番MK
去朗豪坊陪佢去無印、Market Place買野
之後就一齊去女人街食拉麵
之後就分別喇

約左林嘉敏去葵芳行街
行左幾個鐘
我因為無錢,所以見到鐘意既野都無得買野,好慘呀=[[[[[[[[[[[[[[[[[
好想買衫、褲、裙、鞋、飾物、袋 >.<~~~~~~~~~~~~~~
不過,最後都忍唔住手買左件背心仔,$50,cheap cheap但都幾靚的~^^

最開心既係........
我地行左入新都會一間飾物店
我見到幾條頸煉都好鐘意呀!!!!
有一條特別鐘意：星星、金色鍊、反光好閃好閃!!!!
一試上頸帶.....真係勁鐘意呀!!
但$158,無錢,唔捨得買 =[[[
我徘徊響店門口好耐,爭扎緊買唔買
因為真的好鐘意,係好arm心水,一見鐘情,好想擁有佢....
點知....林嘉敏話：唔好煩喇~我送俾你做生日禮物啦!!
我唔好意思左好耐.....最後佢都係衝左入去俾錢,送左俾我>3<~~~~
wowo~~~~~~真係好開心呀!!!
因為我真係好鐘意啊!!!

kakaka,收到今年最早既生日禮物 >3<
I love U baby >33333333333333333333<
你對我真係好>33333<~~~~~~



哩兩日見工都山長水遠........真係崎嶇......
好累呀........
明天後天都在家......好想在家睇下書和睇下戲......

P.S：好好好想睇《愛麗絲夢遊仙境》 (Alice in Wonderland)呀！

>>March 3, 2010 at 10:18:24 PM GMT+8

2010 年 3 月 2 日 星期二 【晴】

今日去左YWCA,青衣,2nd interview
真係好鬼山長水遠呀......
要坐四轉車....先可以去到目的地....
20C出大埔-->73x出荃灣-->47x去葵芳地鐵站-->43M到目的地青衣長青村....................
來回交通時間....共需五小時.....=.=....勁誇張........

去到單對單見
佢問得好少問題
叫我自我介紹完之後
又係問我點解讀哩個social science既degree而唔係social work既degree
之後問我一條O嘴問題：你對現時既安老政策有咩睇法?
(我最唔熟d社會政策既野...驚左)
再之後都係問下我點解想做哩間center
同埋點解想做弱勢長者

見左大約10分鐘就離開了
總括今日既見工interview
今日既interview都好relax~
比起之前d interview,心態上輕鬆不少
因為今次全力交托給神

之前我會做好好好好好好多準備既工作
但卻無好好依舊神
但今次,我將焦點放在天父上....
所以,今次我無咩點溫書同準備
反而係多d祈禱同睇神的話語
今天一早起身,就花了半小時,睇左陣聖經,同祈左禱
好好將這個面試交托
之後先溫下書,好平安、好輕鬆咁就出門口了~
之後在去程時,都祈左好幾次禱
今個interview,雖然係好緊張的2nd in....
但比起之前....我心情真係興鬆好多
相信佢會睇住我的!

另外,經過上次同各位老師傾完計....聽過佢地既意見....
今次interview的時候
我少左拋書包.....而反而主動咁表達我想做既熱誠
都希望個interviewer會欣賞我啦~

anyway啦,佢話如果獲聘用的話
下星期就會有通知
真實哩份工各方面都幾稱心的
只係真係太遠太遠......
anyway現在只有靜待結果吧~~~

明天又有另一份的2nd了!!
加油!!!

>>March 2, 2010 at 9:11:40 PM GMT+8

2010 年 3 月 1 日 星期一 【微冷】

原本今日去見工的
但這份工在香港仔
太遠了.....要兩個多小時的車程....
若果請的話,也未必會做了
於是考慮過後,還是決定不去見

明天有YWCA 2nd in
就是我上星期見完之後要生要死的那份.....haha.....
記住,明天是學習的機會!是一個bonus!
我不會給自己很多的壓力了
因為,我會好好記住這是神給我的鼓勵!
而且會記住老師們的意見!

因祂活著，我能面對明天
因祂活著，不再懼怕
我深知道，祂掌管明天
生命充滿了希望，只因祂活著!

加油!

>>March 1, 2010 at 7:27:40 PM GMT+8

2010 年 2 月 28 日 星期日 【晴】

昨天去了Jim Jim的婚禮
Jim Jim結婚了!



我很喜歡參加婚禮
因為除了感受到浪漫、看到美麗的婚紗禮服、美麗的佈置外
也體會到很多東西
例如,人的祝福、父母的養育之恩、婚姻的神聖和莊嚴
也看到美麗的愛,和上帝對一對新人的祝福

婚姻,體驗了承諾(promise)的真締
情侶一日未結婚,當中所聽到類似promise的說話
有時也許只需要當作是甜言蜜語就可以了
但一男一女走在教堂時
與對方說一句「我會永遠愛你」
這刻,這一句,就是真正的承諾了

在這美麗的教堂中
望著面前那個高掛在牆上大大的十字架
一路唱詩歌....
真的很感動....

很多這些傳統式的教堂也有掛上十字架
很喜歡,我覺得望著它來親近神時
感受到與神的貼近
也令我思想十架的大愛----基督教這信仰的核心

以前,我很少在意去思想十架的大愛
現在,回轉後,對十架的大愛特別有感受
因為,神的愛,拯救了我....
所以,近來我真的很喜歡看到教會禮堂上那大大的十字架

總括參加完Jim Jim婚禮的感受
我覺得：有神在當中的婚姻是最美好的
兩個愛主的人,攜手走人生路,並一同在主愛中成長
是多麼的幸福和被祝福的事
------------

今天自己一個人返教會
望著會堂中的人
一個人也不認識....
今日實在感到很強烈、說不出、形容不了的孤單感..........
感覺真的很不開心........

我理性上知道,神就是可以陪住我行的那一位
但我感性的感受上...確實是感到孤單
所以,我很想在地上有同路人....是很真實的一些人...去互相扶持....

但,今天我會疑惑：
有誰會陪我同行這窄路？
當我堅持的時候，有誰會與我一起堅持？

要找到一個同樣願意愛主、願意努力追求主...
並願意一起並肩行這信仰路的同路人.......
真的很難.....
此刻,唯有將此心思求告天父.....
求祂賜予我同路人,一同走天國的道路....

「 你們要進窄門 , 因為引到滅亡 , 那門是寬的 , 路是大的 , 進去的人也多 。
引到永生 ,那門是窄的 , 路是小的 , 找著的人也少 。 」 - 馬太6:13-14

進窄路的人少....
即使是進去了....但會堅持走到最後的....卻更少
我有也離開的時候
但現在,當我決心堅持的時候,又有誰會與我一起堅持？

畢竟,窄路是難走的
但「路是難走，但比起你的十架路，我今天算甚麼，來起身再走過!」

--------------

現在,很多煩惱同困難
各方面也未能夠settle和解決
我確實已經完全不知怎樣處理了.....

我想,現在,唯有學習祈禱、交托、聽天父的指引.....
而且,學習信靠祂、等候祂
相信祂會看顧我....萬事也會為我安排....

不過,我真的很渴望尋找牧者、導師、傳道人、牧師....和他們傾訴.....
我很想向我信得過、有足夠聖誕知識....
有關懷的心又可明白我的長輩去講出我的situation和故事......
很期望有一個人可以在信仰上為我解難....比到d意見我...
可以扶一扶我去處理當前的問題....
但好似好難去搵一個這樣的人....

>>March 1, 2010 at 12:40:50 AM GMT+8

2010 年 2 月 26 日 星期五 【晴】

今日去左做義工
之前join左一間環保機構的義工....
但今次既義工並唔係做有關環保的
而係同一間NGO合作....帶班老人家去酒樓慶新春

宜家無心情寫日記...
但又想記底d野
好啦,好求其咁寫啦.....
point form算.....

1) 第一次學用輪椅....我相信對日後做老人服務有幫助....
2) 做老人服務真的要很細心....很細心....
3) 真係需要學多d做手工....日後開組、搞program都有需要.....
4) 我真係好唔outspoken......太內斂....份人唔夠放.....做社工要夠放....主動....
5) 叫義工服務需要有好細心、好好的安排....
6) 看了一次「帶一班老人家去酒樓飲茶」的流程同當中的注意事項....
7) 同老人家玩的遊戲規則、內容簡簡單單便可.....
8) 搞氣氛真的很重要, 做活動負責人的,首先自己要投入.....

>>February 26, 2010 at 10:12:42 PM GMT+8

2010 年 2 月 26 日 星期五 【晴】

~陳敏兒、廖啟智（藝人）終可同負一軛~

夫妻兩人攜手經歷信仰是最美麗的「紅地毯」景象
聖經多處都暗示或明示
這才是受祝福的婚姻
然而，不是每個基督徒都如此幸運
我們熟悉的知深,演技精湛的藝員夫婦陳敏兒和廖啟智就是一例

敏兒婚後才回轉返回耶穌身邊
智叔卻遲遲未信
約七年苦候的日子裡
敏兒只有不斷的期待、不斷的流淚
她肯定地說：「與不信的人一起，是要付沈重的代價。」

後來，在一次經歷
神問了敏兒一條問題：「你為何如此動怒，
你是怕走我的路孤獨，才要他信我麼？
這是我和他兩人之間的事，與你何干？」
敏兒頓時醒悟，放了手
兩個月後廖啟智卻在從容不迫下決志信主

敏兒和智叔可說是娛樂圈中的模範夫妻
兩人在無線藝員訓練班邂逅後，便墮入愛河
拍拖八年後結婚，至今結婚已十四年
期間從未傳出緋聞

敏兒也說：「他很愛我。」看著智叔對著敏兒的溫柔目光
又不時抱抱、親親三個精靈可愛的兒子
幸福之情不用言喻。那還有甚麼苛求？

然而，婚後兩年，敏兒重拾中學時期決志相信的基督教
開始投入教會生活，她的生命起了變化，智叔卻是旁觀者

敏兒深切冀盼丈夫可分享這份喜樂
不斷邀請他返教會、佈道會
一個月、一年、二年……他仍未決志
崇拜時依然間中打瞌睡、對精彩的講道也無動於衷、談信仰時似明非明

---敏兒：「你急佢唔急！」他信是來滿足自己的麼？---

等候的日子裡，敏兒十分焦急
但智叔卻平淡地說：「起初情緒上有小小抗拒，但禮貌上應該陪下佢去！」
兩人就是處身在這兩種截然不同的態度
敏兒說：「個陣時都唔知流過多少眼淚！」
雖然，教會弟兄姊妹沒給敏兒壓力，但壓力卻來自自己。
「信仰生活是充滿掙扎的，每天都有不同的拉力，不可與另一半分擔是很辛苦的。」

正因為這份壓力，敏兒不時發脾氣、板著臉
「我諗佢當時都受唔少苦了！」俏皮的敏兒盯著智叔說。
然而，敏兒的著急是為了甚麼的緣故？是一句聖經金句？
是怕智叔的靈魂不得救？還是為了自己？
一次的經歷令敏兒醒悟過來。
婚後九年，當時智叔還未信主，
敏兒和一班教會的姊妹查經，其中一位分享時哭成淚人
埋怨道：「神呃我！我聽佢話嫁個基督徒，
點知佢同其他非基督徒一樣：賭錢、飲酒……
如果佢同神關係好ｄ，我就唔會咁軟弱，可以扶下我！」

當頭棒喝，敏兒醒覺，原來自己和那姊妹一樣
一直期望老公信主，是要他「扶她一把」
要他令自己在信仰旅途上不感到孤單，滿足自己
敏兒知道，這是不純正的動機，必然注定失望
智叔是否信主，是神和他兩人之間的事，與她無關，神自會帶領。

---智叔的單純成為敏兒的依靠---

敏兒就在神面前懺悔，終於放手，不再執著
豈料，兩個月後，慕道多年的智叔
在教會佈道會上感到是時機，決志信主
那年是他們夫婦兩人婚後的第九年
智叔送給了一份最珍貴的禮物給敏兒
在場的弟兄姊妹紛紛感動落淚
但一向眼淺的敏兒卻十分平靜，沒流下一滴眼淚
只禮貌地上前道賀。敏兒清楚知道
決志信主只是整個信仰歷程的開端
「好戲還在後頭」。神教懂敏兒放手、交託，由祂來帶領，
她便馴服地看著這個「細佬」慢慢上路

路是可以一個人走
但兩人一起走總是比較開心的
敏兒終可感受到同負一軛的實在
尤其在敏兒懷著老三諾諾的時候最為深刻
他們的孓子諾諾已七個月大，雙眼如敏兒般大
不過，敏兒說，懷著諾諾時，一次超聲波檢查
醫生懷疑他可能沒有手指，把她嚇壞了
即使祈禱也平伏不了心情，反而信仰歷程比她短的智叔卻十分平安
反過來安慰她說：「神會聽禱告的，不用擔心。」
敏兒感到，上帝直接牧養智叔，他的信心比她還要大、還要單純
他便成為敏兒信心的依靠
就在第二次的胎前檢查，諾諾發育健康正常

---選擇不信的伴侶必須付代價---

不經不覺，智叔已信主五年
敏兒說，最大的改變就是彼此更懂得包容，懂得控制脾氣
這也挽救了他們的婚姻。智叔信主前的一段日子
敏兒為了兒子的緣故
由沒要求的性格變成許多要求、執著
一時間兩人都不適應過來，經常磨擦，造成許多傷害
但智叔信主，參加查經班後
敏兒感受到智叔對她的原諒和包容
兩者之間的傷痕更隨之而逝
神介入了他們的關係中

其實，間中也有姊妹找敏兒尋求意見
應否接受非信徒的追求。
「情到濃時，她已經不是要Yes or No的答案，
每次都是分享自己的經驗，由她來自己選擇。」
她說：「如果要做一個掛名的基督徒，你即管可以接受非基督徒為伴侶；
但如果你與神是深交的，便要有心理準備，
你將不可與最愛的人分享 生命最寶貴的東西，這是很大的痛苦。」

她強調
聖經所說的信與不信不能同負一軛，是可信的
如果選擇走這條路便必須付上代價，十分公平。

智叔：「基督教最簡單，你信就得架啦！」

大小螢光幕上的廖啟智，演技出神入化，生鬼活潑
但現實裡的他卻很少說話
只是不時含情脈脈看著太太，細心聆聽
智叔曾就讀天主教小學，此後就沒有接觸過基督教
直至遇上敏兒。
他一直都認為有困難、軟弱的人才需要信仰
沒問題的他並不需要
但與熱心追求信仰的太太一起生活，即使自己無心
也不經意地把基督教導聽進耳裡。
「從來沒有壓力，如有壓力，信主也冇用。」智叔說。
敏兒就是喜歡智叔這種不易受人影響的性格

問智叔為何信主，答案很簡單：「我信世界是由神創造的，
而咁多宗教裡，基督教強調耶穌是唯一的真神，
基督教又很簡單，只要信便得救。」
「基督教許多著數，難處不用你去承擔，總會給你出路，將ｄ野放下 就得！」

簡單信仰的背後，其實也有點點滴滴的經歷
多年前，智叔和敏兒搬進了一間連天台屋的單位
後來才知天台屋是僭建，屋宇署把它清拆
屋頂上留下個大孔，適逢太太在台灣拍戲的一天，天昏地暗，
智叔在門外看著天，又看著自己的屋
知道將要下大雨，家將會水浸
自己卻甚麼都做不到
那次，他深刻感受到人的限制

智叔就是這樣，說話裡
你不會聽到「很感動」、「祂愛你」、「為你而死」等字眼
很平淡、很簡單，任由神陶造

>>February 26, 2010 at 9:48:09 PM GMT+8