2010 年 11 月 5 日 星期五 【雨】

五天工作的我...原來已經習慣左
所以哩個星期感覺真係好辛苦...累到想喊...
因為第一次...星期一至星期七...連續七日都要返工
雖然星期一三五日都off下午
但連續七日都要早起身就夠辛苦啦...
仲要黎M喎...唉.....累上加累...心情憂鬱加燥...

上兩個星期俾隻爛牙搞到好擔心同煩亂
最終拔左....但自上個星期拔完牙自今
個傷口都好唔舒服
最大問題係影響我食野....
搞到個人都無心機
而且,隻牙總共洗左我成$2000...
無啦啦無左一筆錢又好唔開心
仲有...前幾日,無啦啦張八達通又壞左...
要專登買過張新來頂住檔先...又洗左$150...
還有...還有其他好多好雞毛咁小的事....都好唔如意
總之....我覺得哩兩個星期都好黑、好唔順意....

唉,我知道自已唔應該咁負面、唔應該咁諗
我覺得自已好衰,成日怨哩怨lo
自怨自哎都唔會欣賞下、投入下生活既
個人又越來越變得心火盛
郁下少少事唔順意個人就好急燥,好文憎
我唔知係咪累得濟,定還是咩喇

尋日真係忙到頭勁痛
d野係unexpected咁湧黎...
完左一樣,第二樣又立即湧黎...
成個下午個pat pat基本上...
都無坐定響位超過15分鐘...
放工時諗番, 原來我響哩一日裡面做齊我哩個post既工作範圍...
hidden、開組、長者優惠、有關送飯同派老人院的case、解答有關陪診資詢....
咁arm尋日我又係當值主任...
要埋數同處理d大小突發野....
加上耐唔耐又有d電話打黎搵我同問野...
總之就真係未試過忙到咁...
突然之間感覺壓力好大...真係頂唔順
於是決定放工去旺角食餐飯、行下...
好讓個人可以relax下....

事實上,哩個星期,響工作上都不太開心
其實無咩特別發生一件事而令我唔開心
而係...好多感受性既野...好多情緒....好似積積埋埋響個心...
好想舒發出黎...但又好似無法舒展咁...
實在有好唔舒服的感覺....

哩兩日分別有兩個婆婆黎搵我傾計都係講到喊..
佢地一路講一路喊....
返工時經常接觸負面的說話/個案/現實....
我這個本身已經負面的人...唔識抽離....
於是, 好多返工裡產生的情感…都會帶埋番私人時間...
積積埋埋, 個人更加多愁善感…

其實...對於我的工作.....
尤其是哩排...都無心機做....
個人好懶...唔想做.........
同埋, 我真係無興趣想做....

另外,越來越唔鐘意「將關心別人」變成我的工作
我知道,好多時,自已對他人的關心,並唔係出自真心...
而只係工作上需要咁做、需要咁講說話...
發覺自已越來越表裡不一.....
覺得自已好衰格...

返工時, 我的工作就是聆聽、social、客氣有禮的服務...
關心關心關心、關顧關顧關顧、留意別人的需要等等....
這些都令人很累.....
有時個人無咩心機或者心情唔好....
or有時明明係個呀婆唔arm…
但工作時, 就要顧客至上，client最重要...
好唔鐘意哩種「將關心變成工作」的感覺

況且,因為由於太累,於是工作時間外, 在放工後....
和朋友、家人等(更何況陌生人/半熟人) 的相處時...
我變得更加內向同埋唔想理野
更不用說關心人了....
相反的,在工餘時間,我不斷期望和要求人人都最好遷就哂我、呵錫住我....
而且,由於返工時俾clients要求得我多...
所以放工後,對別人的要求都會多d
咁搞法...我發覺自已有d人格分裂同埋心理有d出現問題...

不過其實問題可能係...
我唔能夠投入我的工作
所以我會覺得咁辛苦...

另一方面,我又覺得自已將會做唔黎我的工作...
會應付唔到越來越多、越來越複雜的工作...

線之...好唔開心!!

不過有樣無聊野都幾開心
就係,響同一日裡面,分別有兩個呀婆讚我靚+身材靚 (唔係身材好:P)
我問佢係咪我電左髮所以靚
佢地話我成個人都靚 XDD
我信架,呀婆好真心架,哈哈
自已開心下都好呀,哈哈

>>November 6, 2010 at 4:30:39 PM GMT+8

2010 年 10 月 30 日 星期六 【颳風】

每個人都有過去的時候
我們就不再是一個完整的人
因為，我們都擁有破碎的心

如果你愛的那個人
只能給你一半的心
你會怎樣？

他有一半的心不在這裡
這無關愛情的份量
這是過去的份量

你會接受嗎？
他有一半的心給了別的人
一半的回憶裡面沒有你

有人會裝偉大
說不介意
實情是希望靠自己的付出
去把那一半的心收回來
讓自己完全擁有
有人會扮無所謂
實情是努力幫你洗腦
把過去都塑造成黑暗的歲月
現在你給予的生活才是溫暖的安樂窩

我們都有過去
每個都是深刻的、獨一無二的故事
我們可以懷抱它
閒時抱抱它
我們也可以把它放進盒子裡
合上後就永不翻看

我們的心被不同的名字、不同的故事割據
三分二的心在初戀對象上
三分一又在那個愛慕的對象上
四分三又在單戀的某個身上
五分二在一場三角戀中
東拼西湊出我們一半的心

我們都有過去
逃不掉
如果曾經深愛過
而又沒法再愛下去
一定會發現你的心有一部份被抽走了
你就只剩下一半的心
可以再去愛人
那一半，已經是你的全部

如果有人用一半的心去愛你
你會明白這已經是他的全部嗎？

>>October 30, 2010 at 4:04:59 PM GMT+8

2010 年 10 月 28 日 星期四 【颳風】

=牙痛的風暴=

今天終於去拔左隻爛牙了!!
這隻由中學蛀到宜家...爛到霉既大牙....
多年來都係痛時去止痛...痛後就唔理佢...
但問題始終都係響度,逃避唔到!!
今日...終於都要剝左佢了!!
又少了一隻牙了!!

由細到大d牙都好差...好多問題...
由細到大d牙都好困擾我...仲會發d甩牙夢...
事實上,我由細到大都好易蛀牙啦、d乳齒唔會自已甩,要去俾牙醫剝啦
仲有唔齊、唔夠位出啦....
真係好麻煩...由細睇牙醫睇到大架喇....
換了恆齒後...已經有兩隻大牙因為蛀左而被剝了...
加埋今日剝果一隻....宜家...三邊都各自無左一隻牙!!
所以...我真係得好少牙....
所以....我好驚d牙慢慢會移位呀!!!

醫生建議我去種牙...以解決日後牙齒走位的情況
但...嘩....2萬蚊一隻呀大佬.....
其實我反而想箍牙...想左好多好多年喇...心願來的...
不過需要好多錢.....
但宜家出黎做野...自已搵錢...可能都應付到既...

講番今次.....
其實係前日...星期二...返返下工...中午開始....感到一向爛開果隻牙痛
慢慢仲越黎越痛.......個人開始好擔心啦....
諗住book同事介紹的教協牙科中心...
因為想當晚立即去急救隻牙.....
點知教協話full哂...要去到11月8號先有位....
於是,唯有抱住一個好驚又擔心既心態放工...
約左呀隆響沙田見面同食晚飯....
點知去到沙田,隻牙仲係好痛,連飯都食唔到了.....
於是食完1/4碗粥之後....響呀隆鼓勵之下....
就衝入左間未睇過既牙科中心...康健牙科中心...
衝左入去登記...果時已經係晚上8:30p.m喇
間野都準備收工了...但佢地知道我好痛...就接埋我哩個case....

唉,我人生中最怕的事就係睇牙醫....
今次仲要咁突然...早上返工都完全唔會諗過晚上要去睇牙醫....
所以,登記完之後,果時真係驚到想嘔...
真係有反胃出黎!!!仲緊張到不斷想去廁所!!!!

Ok....等左半個鐘...之後就入去了!!!
好在有呀隆陪我入去咋^3^....因為真係好驚!!!!
firstly,個護士同我全個口腔牙齒照左一幅x-ray
X-ray照到...原來我已經有齊4隻智慧齒架喇!!!!!
我一直都以為自已無架...
原來我有一隻成功生左出來了
但...其他果三隻呢....就響d牙肉入面...無出來
問題就係哩度喇!!!!!
個醫生話,今次我痛,原因除左係隻爛牙爛到生牙瘡外
仲可能係因為其中一隻無出黎的智慧齒插頂住左爛牙既隔離果隻好牙....
so,佢建議我拔左隻爛牙
一來,已經爛到咁,杜牙根都杜唔到了,所以都要拔
二來,拔左之後,可以release左果度d壓力....
等隻智慧齒唔洗迫住隻好牙...搞到痛...

anyway啦....由於隻牙仲痛緊...
所以都唔可以立即做得d咩了....
只開左成5包藥俾我....有抗生素、止痛、消炎、胃藥.....
之後咩都無做過喇!!!!THAT's IT!!!!
但埋單時,真係俾個價錢嚇親!!!!
$800........真係out of我既預計!!!!!!!!我以為都係$200幾蚊架姐!!!!!
$800!!!!!!!真係貴到痴線!!!!!!!!!!!!!!!!!!!!!
好牙痛+心痛地回家了.....

到了第二朝,星期三,
決定上午照返工...下午先拿sick leave...
上午去金鐘總部開開下會時,,,
姑姐打俾我...佢幫我book左一間佢個朋友做護士既牙醫診所...
俾多個人睇下,拿多個意見都好
因為睇牙哩家野,好怕俾人"略"水
而且最大鑊係斷錯症、做錯決定就一生之悔!!!
所以星期三下午我就去睇了
個好有經驗的護士呀姨講我d牙既問題大致都同沙田果個差不多
兩個都話我果隻爛牙點都要剝!!
所以....我安心了,決定剝了!!!
立即book番沙田果間今天去剝!!!!
(因為姑姐介紹哩個呀姨既哩間診所較簡陋...無咩信心...)

到了今天....
自已一個好勇咁就去左剝了!
好耐無剝牙,所以唔記得剝牙既痛會點...所以入去之前都驚....
但無想像中咁驚..因為哩幾日痛得太耐了...
個心想快d解決個痛楚多過害怕痛楚

剝既過程真係一d都唔痛!!!!
剩係覺得被人吉下吉下
不過隻牙被拔出黎果一下我都feel到架,感覺幾得意
反而我覺得打麻醉針仲痛!!!
佢幫我打左三四針麻醉針都有......

剝左20分鐘....出返黎....
埋單時......又係嚇死我!!!!!!!!!!!!!!!!!!!!!!
$1200!!!!!!!!!!!!!!!!!!!脫一隻牙要千二蚊呀!!!!!!!!!!!!
佢話普通脫牙就4,5百蚊
但我今次哩d係牙科手術wor,所以要咁貴wor!!!!!!!!!!!!!!!!
唉!!!!!真係肉赤多過牙的痛楚!!!!!!!!!!!!!!!!!!!!!!!!!!!!!!!!!!!!!!!

今次哩單野,$800+$1200........
總共用左我$2000...二千蚊呀!!!!!!!!!!!!!!!!!
呀爸津貼左我$1000蚊
我自已俾左$1000,公司可以補助每張單$100即今次補$200
即係話.......今次.....我自已都要出$800呀!!!
唉....好緊張d錢........唔想用左咁多錢呀.......

哩間野可能真係特別貴...
不過d環境、設施、服務就真係唔錯既.........
但d護士、reception姐姐、醫生都多次sell我種牙囉

剝完牙之後...Daphne黎左診所搵我,haha^^
終於都有機會上左佢屋企
好大好靚呀>3<
一齊彈琴搞到我都琴隱起...>.<
之後一齊落M記,響猶疑過後,買左杯雪糕食!!
剛脫完牙,d血水仲不斷流緊,但都決定食>_<

anyway....哩隻爛牙都困擾左我好多年了....
每次食野都會跌d野食入個爛牙洞度...
宜家剝左......以後都總算應該舒服同方便好多了!!
不過,就仲擔心緊d牙走位...
同埋最驚係被隻智慧齒插頂住果隻牙...仲繼續會痛...
咁就慘了!!!可能要剝左隻智慧齒...or剝左隻智慧齒旁的牙....or杜牙根....
同埋...張x-ray仲照到我...原來我仲有隻乳齒未甩...
搞到有隻恆齒響牙肉度...出唔到黎
護士話唔處理左佢的話,日後又會出現問題的.......
唉!!!睇黎我硼牙仲有好多問題要解決!!!!
點解我個人內外都有咁多問題架!!!!

----------------------

哩幾日你都好照顧我...
果晚陪我入去睇醫生,在我旁....
之後成11:00p.m仲送我返大尾督.....
尋晚又俾驚喜我黎診所接我...
放左工咁遠路都黎接我....
等我一睇完牙就有你在旁...

多謝你呀...

>>October 28, 2010 at 11:20:19 PM GMT+8

2010 年 10 月 24 日 星期日 【晴】

哩兩日自已用夾整曲左d頭髮
哈哈,我都係覺得我曲頭髮好睇d呀!!
不過有人唔鐘意
話d gel頭濟好臭
同埋曲髮摸個頭摸得唔舒服wor
不過我已經決定左喇
我星期五會去電曲!!! =v=

---------------------------------------

哩兩日幾開心呀!!
尋晚呀華、嘉怡入來大尾督一齊BBQ
想試果間重慶燒烤好耐架喇!!
真係好正、好特別、好好玩呀!!

我發覺........
有朋友真係開心d呀........
傾下、講下、笑下咁....
人真係需要朋友.....
我成日都話唔鐘意social....鐘意自已一人....
但...我諗,我係需要朋友的!!
我需要多點搵朋友...
等到我個人可以開朗d呢....
so...我要嘗試多點open自已...衝出內向孤獨的性情
因為,咁樣會對我好d、健康d...

anyway...多謝呀華同嘉怡搵我!!!!
我諗我都要學習多點主動.......

--------------------------------------------

今日SHU畢業禮
又一屆了.....又一年了......
上年係自已畢業......
時間過得真係好快.......
今日返CityU搵Karen影畢業相時....
見到SHU既畢業袍...而且重遊CityU時....
校門...常行的路線...圖書館....4樓....lecture room前....canteen......
一景一物真令人懷念!!!!!!
不禁講一句：年輕真好！學生時代真好！
一年過去了,現在已經係一名全職上班一族....

-------------------------------------

去了看《告白》
很精彩的一齣電影.........
頗欣賞電影的鋪排和表達方式....
一路睇...一路驚....好緊張
不過,睇完之後,成腦都係殺人的畫面...=.=
話哂佢都係一套3級電影

--------------------------------------

今日....其實返左教會......
都有2個幾3個月無返教會了...
今次...竟然係俾未信的你...捉我返去...

返番去,雖然都係無人認識
但有種親切、舒服、熟悉的感覺....
因為....很久...沒有....與神相遇了....

藉著詩歌、祈禱、金句、聽道.......
有種感覺...就係心中的唔開心...
好像被神親自安慰一樣....
放下了心中的憂鬱....
release左好多....
好像重新上路一樣....

這陣子來....四周尋求求助的方法....
今天提醒了我.....
有個人,一直在我旁,佢好強勁...
點解我唔搵佢??
佢就係神...
怎麼咁硬頸,死都唔搵佢??!!!!

>>October 24, 2010 at 9:19:11 PM GMT+8

2010 年 10 月 22 日 星期五 【驟雨】

人生年齡階段 (Weiss & Bass, 2002)：

第一齡(The First Age)
受供養及照顧的階段，預備、學習及參與各種與成長有關的活動(activity of maturity)

第二齡(The Second Age)
肩負責任的階段，需要對工作或家庭作全面的參與

第三齡(The Third Age)
已卸下工作及家庭責任(post-career & post-familial responsibility)的一個人生階段

第四齡(The Fourth Age)
缺乏自我照顧能力的階段，需要全面受到別人的照顧

------------------------------

原來已經由第一齡...
慢慢步進第二齡
階段性轉變

由「受供養、受照顧」
去到需肩負責任的階段

真的好想永遠停留在「受供養及受照顧的階段」
好想時間不好過去
雖然我知道這樣思想很幼稚…

有誰長大後不這樣想呢…

不過人生就是一個循環
來也空空
去也是空空

勞碌大半生
老來還是回歸到「受供養及受照顧的階段」吧
那時, 你想不被人照顧也不行

這就是人生吧？

>>October 22, 2010 at 12:36:16 PM GMT+8

2010 年 10 月 20 日 星期三 【晴】

同姊妹們去左Jolly Thinker玩
今次都叫齊人啦!!
而且個個都可以準時出席 :)
總共玩左4隻board game
玩Pictionary時實在笑到死
實在太搞笑

雖然整晚都無咩機會傾計
但一齊玩左成晚
笑下癲下咁
好開心呀!
我覺得減左唔少壓 :P

好朋友, 友誼永固
期待下一次的聚會
十二月會有BBQ同Christmas Party架喇 :)

>>October 22, 2010 at 2:58:49 PM GMT+8

2010 年 10 月 19 日 星期二 【晴】

今天
探訪其中一個隱蔽長者
與她傾談後
多愁善感的情緒又來

腦海中不斷思想一個問題：
「我現在做的工作究竟有何意義？」

幫助人？
為何要幫助人？

令人快樂？
為何要令人快樂？

提供服務？
為何要為長者提供這些服務？

造福社會？
為何要透過這份工作造福社會？

生活規矩化、格式化之後
很多時就會迷失了
生活就是太自然了
很多事情自然的一直做下去...
但卻不知為何而繼續做
慢慢日子就這樣流走
轉眼就成了一個婆婆...
人生太短了
我不容許自已浪費時間！

如果
人死後就沒有之後的話
那就真的不需要認真過活
只要瘋狂的享樂一生
因為生命只有一次

但是
如果
人死後還有以後的話
那現在所做的就會影響以後

無論是
中國人所說的「今生來世」
抑或是
西方所說的「天堂與永生」
也有這樣的意義

有時
人生在世會迷失
迷失在不知道現在所做的為何
會慨嘆人生有何意義

也許
人生的意義
就是為人生完結的以後做準備
(若果相信人死後還有之後)

>>October 19, 2010 at 1:31:43 PM GMT+8

2010 年 10 月 16 日 星期六 【乍寒還暖】

尋日下午放假
入左長洲行下
入到去到4點lu
坐下行下食下野
食埋夜晚飯先出返黎
再響TST間糖潮食糖水
發生左件唔開心既事......
真係幾驚,仲流左幾滴眼淚...
因為未試過咁樣
同埋我覺得自已真係好差,好憎自已.....
不過現在總算無事了!

------------------------------------------

今晚食呀爺生日飯
響酒樓擺左兩圍
今晚終於齊人了
所有親戚都到齊

一家人始終都係一家人...
點解要咁多怒怨呢...

不過就算坐埋一齊,都無野講既..
點解唔可以關心大家多d？...有d溝通？....
點解一家人會搞到咁生疏....

呀爺....佢要坐輪椅了
見到佢身體差左
一天比一天瘦弱
望見佢,我都有點心痛

人老左就係咁
年輕就少壯,老來就衰殘
好慘,好悲哀.....
但,這些每人都會必然經歷的

不過其實,在工作上睇得多哩d...
都會開始睇到化了...
問心,我覺得人老左都幾可悲...
雖然我知道我身為一個老人社工,我唔應該咁諗.......

但望住呀爺....
心入面有d掛住我中心班老人家.....
想透過服務令佢地在老年時有多d開心...

>>October 17, 2010 at 1:18:09 AM GMT+8

2010 年 10 月 15 日 星期五 【乍寒還暖】

男朋友在乎你的體重有沒有升
老公在乎你今晚有沒有吃飽

男朋友在乎你今天打扮的夠不夠漂亮
老公在乎你今天穿的那麼少會不會凍著

當你遇到困難的事情時候，男朋友會安慰你
老公會在第一時間趕到

男朋友在乎你今天開心過沒有
老公會在乎你今天遇到不開心的事沒有

男朋友只給你買漂亮的時裝
老公給你買溫暖的羽絨服

男朋友和哥們吃飯不會想你在幹什麼 吃飯怎麼辦
老公和哥們吃飯會不踏實 時不時給你發資訊
一遍遍告訴你他很快就會回來

如果你夠漂亮
男朋友會考慮要不要把你帶給他的朋友看，長長面子
如果你不夠漂亮
你的老公走到哪都會帶著你
也許你沒有勇氣
但是他會給你鼓勵

男朋友的家人如果不喜歡你
他會放棄你
老公的家人如果不喜歡你
他會盡自己最大的努力去保護你

男朋友覺的你們不合適
他會走開，即使他還喜歡你
如果全世界都覺得你們不合適
可是你的老公還是會守候你

男朋友只會限於他所認為的人知道你的存在
老公會告訴整個世界：你是他的寶貝

男朋友打完電話會急急掛掉
老公會等你掛斷，他才會掛斷

男朋友會在你煩悶的時候讓你自己靜靜
老公會留下來跟你吵架，幫你發洩

男朋友在你特殊的幾天裏會躲著你
老公會在那幾天給你沖熱水，給你講笑話

男朋友會把你說分手當真
老公會在你說分手之後挽留你
因為他知道你希望被挽留，並不想走

男朋友會在自己有能力的範圍內滿足你
老公會付出一切都要滿足你，即使滿足不了
他還是會盡最大努力


男朋友想的明天和未來很少
老公會把你們以後的寶寶名字都取好

男朋友不敢給承諾，給了也未必做到
老公敢於做出了承諾，而且一定會做到

男朋友不敢相信你們的愛情
老公會把娶你當做他的人生目標
並且渴望和你一起變老

>>October 15, 2010 at 11:18:15 AM GMT+8

2010 年 10 月 13 日 星期三 【晴】

原來女人都係鐘意做埋哩d野
唉,哩d咪就係叫做：自作孽，不可活
即係話=咎由自取,自作自受,犯賤,白痴,食得鹹魚抵得渴囉

好想可以貪走屬於他人的回憶
最好就係...可唔可以好似按keyboard咁
按一個「Del」制就delete之前的一切？
真係討厭呀...

>>October 13, 2010 at 1:48:05 PM GMT+8