2004 年 12 月 23 日 星期四 【晴】

今晨唔覺意將屋企部腦某 driver 剷走左......
上唔到網！然後再撞一撞，即刻連機都開唔到......
攪到差不多 0300 頂唔順訓覺，今朝嘛......
0900 先起身，極速攪掂 0945 返到公司！

全日忙於聽日既野，原來仲有好多野未做......
由朝 10 做到晏 6 收工先叫0岩0岩好做完 -.-"
好耐都冇試過多野做得咁緊要，廁都唔得閒去囉係......

放工之後先去幫 Louisa 買 K-VCD，再出發去咕嚕咕嚕狂野谷~
點知呢......上到車發現個姐姐俾錯碟我囉！唔係唔想死呀化？
落車又搵唔到應去既目的地，再加埋今日種種既 "奇事" ......
得到情緒病發作！卒之落車後行左個圈、講左個電話之後......
又再去返同一個站上左另一架車返屋企囉！唉......

點解今日咁黑架？好 "mung" 呀......自發脾 4 中~~~

>>December 27, 2004 at 4:22:03 PM GMT+8

2004 年 12 月 22 日 星期三 【晴】

尋日早放完，又係時候等後日早放喇！哈哈~

今晚放工本來幫 Louisa 做 model，點知日子錯左！
卒之陪 Veron 出旺角買聖誕禮物，我地先食左個米線......
就開始行程喇！可憐的佢買極都買唔到呢......
行完旺中再行新之城，佢都係買左 3 條頸巾咁大把~~~
行完我地去仙乜乜飲左杯野，之後我就返家喇......
佢仲搵 friend 繼續行囉！勁呀！望佢早日買晒啦！

>>December 27, 2004 at 4:20:55 PM GMT+8

2004 年 12 月 21 日 星期二 【微冷】

是日冬至，1600 收工！

落左 SSPO 買野，走既時候超多人......
返屋企返得超辛苦！情況係冇車塞車同爭車囉......

夜晚食飯既時候：呆左......

>>December 27, 2004 at 4:20:25 PM GMT+8

2004 年 12 月 20 日 星期一 【晴】

一連三都係做大中華，超唔得閒......仲好 "支力"......
星期六 0815 同戴 Sir 一齊去左接台灣 delegates 機......
嚇死的！被嚇話佢地撘左船去深圳囉.......好彩後尾冇事！

星期六晚開會開到差不多 0000 先走，之後呢......
同嚴嚴剷左上少雯屋企借宿一宵，佢屋企好正架真係~~~
尋日朝 06XX 起身，好勁的係少雯叫我地起身囉......
趕得切 0700 返到 Panda，又開始新一日既行程......

接左佢地之後出左九華做比賽，曬到嘔呀！企0係度係咁影相囉！
連曬兩星期......黑梗呀！另外仲同青少年大使影左相，原來佢好好玩架！
完晒比賽同頒獎禮同 Delegates 返荃灣食飯，再出旺角觀光呢......
由於太 "支力"，所以冇同佢地一齊去觀，同 Louisa 去左朗豪坊......
去左 Pacific Coffee 坐低飲左杯野，好舒服！臨走見到 Robson 行過.......
睇唻佢0係上海返左唻呢，不過冇叫佢呀！因為個距離都幾遠下咁喎......

夜晚送返班 Delegates 上車之後就返屋企喇！仲諗住今日會返工......
點知今朝起身既時候個人 totally 咁散左，加上早幾日 keep 住喉嚨痛......
所以呢，偷日懶抖下啦！不過好乖的我有睇醫生同食藥架！呵呵呵呵~~~

睇完醫生又走左去 Panda，去大中華既 Farewell Dinner......
其實本來冇話去架，不過尋晚臨走班 Delegates 係咁叫我去喎......
所以又走返去囉！去到本來話幫手，但又好似冇乜野咁幫到手.......
做左陣 Reception 同埋安排0的工作人員既膳食 (其實係拎定野食俾佢地)~~~
攪到好似入去呃飯食咁，有0的唔好意思呢！不過講真呢......
今次呢個 Programme 識左好多新朋友之餘，仲有好好既收穫添 *o^

>>December 27, 2004 at 5:56:18 PM GMT+8

2004 年 12 月 17 日 星期五 【晴】

超 "支力" 呀！放工仲要上 Head 開會.....
一路開會係咁食餅囉！飯都慳返唔使食......
開完即閃！如果唔係.....聽日一定唔起身！

>>December 27, 2004 at 5:36:36 PM GMT+8

2004 年 12 月 16 日 星期四 【晴】

今晚同哥哥去左買 Party 0的禮物......
真係好難諗呢！年年都要買...好難諗新野！

今晚用左 2 個幾鐘買左一半左右咋......
買完返公司計埋條數，21XX 先走......
唔知幾時先得閒再買呢？唉......好苦惱！

>>December 27, 2004 at 5:23:56 PM GMT+8

2004 年 12 月 15 日 星期三 【微冷】

尋日去左玩，冇去到聽大中華 Briefing 呢......
今晚放工過去聽返，我星期要去接機呢......
0815 去到機場呀！都幾係野呢......仲早過返工！

完左 Briefing 同 Sandy 去左綠野仙踪食飯，
傾左好耐計，傾傾下得悉佢細妹原來同我一齊讀聖心架！
應該係同屆隔離班囉！超攪笑呀！佢知道之後超怪怪囉 :P

>>December 27, 2004 at 5:19:17 PM GMT+8

2004 年 12 月 14 日 星期二 【微冷】

一早請左今日假去玩，其實都唔算玩......
10XX 起身，12XX 出到銅鑼灣，約左 Hollie ~
我地先去 highlight + 剪頭髮，唔好講笑......
所用既時間只係比整負離子少左少少，中途超驚險囉......

攪掂都已經差不多 1700 喇，先去忠記食個 tea 先，
再去蘋果兜左個圈 → 返世貿影貼紙相 ~ 超靚 *o^
然後茶軒食 "晚餐" → JP 睇 BJ2 ~ 超好睇呀！
我覺得正過 1 呢，泰國0個 part 好攪笑！
睇完戲......咁就完左整日既行程喇！

終於如願以償 highlight 左小金喇！雖然......
好似唔太好咁！但係試過 1 次已經好滿足喇！
因為呢......恨左好耐喇！呵呵......整左喇整左喇 :P

>>December 27, 2004 at 4:20:02 PM GMT+8

2004 年 12 月 13 日 星期一 【微冷】

一早起身成身痛到癲左，由膊頭痛到落大脾囉 -.-"
估唔到尋日既殺傷力竟然有咁大，好 "支力" 呀真係！

返到公司成日都冇乜心機做野，因為太痛喇！
0係呢0的咁既時候，仲要俾人激多幾激......
真係唔明點解，0的人咁費仲留0係度做乜呢？獻世囉......

>>December 27, 2004 at 4:19:06 PM GMT+8

2004 年 12 月 12 日 星期日 【晴】

今日 Parade 呢！尋日仲約左小丙 0700 食早餐~
點知佢 0655 打唻我仲訓緊囉！哈......激死！

上星期訓左一個星期，得到今日好精靈呢！狀態唔錯~
雖然觀眾唔算太多，但大家都做得好好呀~~~ Yeah!!!!!!

另外呢，我今日都好叻叻呀！著住對高跟鞋......
由朝 7 踩到晏 4 囉！好勁！讀完聖心之後都未試過咁癲~

完左 Parade 出左尖咀同 Jess 去街街......
食完飯 2100 就返家喇！一唻因為太 "支力" 喇......
二唻呢，因為要返屋企睇 BJ 呀！哈哈~~~

>>December 27, 2004 at 4:18:32 PM GMT+8