2004 年 6 月 21 日 星期一 【雨】

呵...繼上星期五之後，今日 Lunch 又去左 Ruby Tuesday......
上星期 3 個人食左 $5XX，今次 8 個人都係 $1XXX 咋......
當然未計張 50% Discount Cupon 啦！哈哈哈哈......好滿足！

Lunch 期間得悉今晚既 Meeting postpone 去 2 星期後先開......
簡直就係一個 Bonus......勁高興！因為 postpone 後我都唔使開！

放工 "hea" 左陣就閃左 PRSC 喇！今日又係運動日嘛因為......
今日發左癲咁狂做，1930 開始冇停過，做完望鐘都已經差不多2100 喇！
攪掂換左個衫就返家喇，好好好 "支力" 呢......明天繼續努力！

呢幾日真係燥爆左，今日.......燥燥指數有 10 呀！
希望情況唔好持續啦，我唔係咁想......要快0的解決！

>>June 23, 2004 at 11:32:05 AM GMT+8

2004 年 6 月 20 日 星期日 【晴】

今晨 02XX 先沖涼，攪掂都已經成 03XX 喇......
本來諗住返房搽野，點知返入去就唔覺意訓著左.......
一訓訓到今朝 08XX 醒左醒先知，再繼續訓到 12XX......

食完飯下晝入左粉嶺，之後同媽媽 & 姐姐去左又一城行街街！
又買左野，呵呵呵呵......我而家既負債數目已經......四位數字喇 -.-"
我地行 M&S 既時候仲見到楊采妮添呀！真人幾靚架佢，幾清.........
不過我覺得佢上鏡靚0的囉！但係其實佢原來唔係好高架咋......

行完街返左屋企樓下食飯，去左新0個間酒樓試呢......唔錯唔錯！

今日好犀利啊！一日裡面撞見晒小學、中學同 Dip 既校友囉......好勁！

唔知點解......個人突然間好 "meng" 添！今日狂發脾四囉......唉...... *~*

>>June 20, 2004 at 9:31:41 PM GMT+8

2004 年 6 月 19 日 星期六 【晴】

對呢個 Weekend 期待已久呢，因為好 Free......好野！

今朝又冇枉管，呵呵......不過由於尋日晏晝出左去.....
所以今朝又做返晒0的野呀......卒之 OT 到 14XX 先走......

離開公司同媽媽去左食 Lunch，終於去到姐姐極力推介既 Fuzion......
唔......0個度0的野真係唔錯喎，原來 Diamond Hill 既荷里活都有間......
食食下仲見到師兄 (梁漢文) 0係隔離踢波添......好攪笑囉......

食完野同媽媽行左陣，然後搵埋姐姐......去 Facesss 上左個化粧班......
今次呢個活動係姐姐發起架呢，不過都 OK 喎！第一次玩......幾得意咁！

上完堂出左旺角，搵 Veron & Elva 呢......好妒忌的佢地去左唱 K 囉！
我0係 Neway City 門口 join 左佢地，之後就陪 Veron 去搵 MP3 喇......
我地由銀城睇到去友誠，卒之好勁的竟然俾佢用 $350 買左部 64MB 既機囉！
好彩我地行左勁多間舖頭咋，如果唔係就買唔到咁抵架喇......哈哈！

買完 MP3 我地去左 Garlic Cafe 食飯，3 個人食左個 2 人餐......好好味 & 勁滿足！
全程我地不停咁我叫你食你又叫返我食囉......因為個餐既份量實在太勁喇！
犀利的我地隔離檯0個 2 個瘦瘦既女仔又係食同一個餐......竟然食得晒！勁！
食完飯已經 23XX 喇，之後去左飛Van 返屋企，好 "支力" 呢......

今日買左好好好多野呀，有 Mickey Mouse Purse (但我係買唻裝電話)，
仲有 Kose & Nina Ricci 化粧品一堆，又再一次要宣佈破產喇...... >_<

>>June 23, 2004 at 11:54:09 AM GMT+8

2004 年 6 月 18 日 星期五 【晴】

今日......期待已久！因為今個下晝 + 聽朝......冇枉管呀！
哈哈哈哈......好耐都冇試過喇......呵呵呵呵...... *o^

等我初初仲以為可以 "zip" 0的時間 prep 下今晚個 presentation......
但係卒之下晝出左街呢！因為有個 SZX Office 既客 - Nana 唻左......
所以同佢出左去，其實佢係 mainly 要去 HSBC 既，16XX 攪掂......
不過之後佢請左我去飲野 & 陪左佢去莎莎買野，卒之 1750 先返番公司！
雖然成個下晝冇做過野，不過總算過得唔錯！因為 Nana 好好傾呢~~~

返到公司做左少少野 1820 就走喇，然後再趕上 HQ 呢......
因為今晚個研習班0係 WKD 上，今次到我同凱詩0個組 present 喇~~~
今次既氣氛好好呢 (比起上次：P)！原來呢，今日係 Emily 既生日......
我們仲幫佢開左生日會呢！內容包括唱左 3 個不同版本的生日歌......
仲有一對即買既『孖寶』生日蛋糕呢！嘻嘻......我地仲影左大合照添！

完左研習班之後姨姨陪我留左0係 HQ 清埋0的 T3.......終於攪掂！
但係都攪到成差不多 0000 先走呢，好彩撘得切尾班車咋......：P

返到屋企都差不多成點喇，勁勁勁 "支力" 啊 ~~~

>>June 20, 2004 at 9:13:17 PM GMT+8

2004 年 6 月 17 日 星期四 【晴】

哈哈哈哈......本周第二日既運動日，好勁呀！

放工閃左落旺角，新世紀晚飯後就行過 PRSC 喇！
買左兩件新外套，好靚的......有紅又有黃......呵呵呵~~~

去到 PRSC，發現趕唔切 Sauna 呀！唔高興......
更唔高興既係發現......原來星期一做左樣勁白痴既野 -_-"
今晚運動左個半鐘，出左勁多汗......感覺勁爽呀！

今個星期成功開始，要繼續努力......唔可以半途而廢啊！

>>June 20, 2004 at 8:08:03 PM GMT+8

2004 年 6 月 16 日 星期三 【晴】

今日一早開始已經 "MENG" 呢，唉......
情緒勁受影響，攪到全日都係咁......
我覺得，晏晝既表現完全受晒影響囉......

今個月尾，死期又到......我估都係冇架喇......

>>June 17, 2004 at 2:32:40 PM GMT+8

2004 年 6 月 15 日 星期二 【乍寒還暖】

今日不幸的，因為某個 System 公司 Server 死左......
所以由 1100 開始到放工都用唔到 Internet & Server......
聽聞聽日上晝仲要繼續整啊！唔知幾時先好返呢？

雖然冇腦用但今日都唔係準時走，因為有人唻 2nd In......
安頓左個 Candidate 之後我就閃左喇！過左海港城搵師姐......
約左佢拎返個袋袋 & 食飯，先同佢去左 Facesss 拎野......
然後再過左厚福街間麵軒食飯，好滿足 ~~~~~~~ *o^
可惜走既時候發現個袋俾0的汁整污糟左囉......好唔高興~~~

食完飯走左過隔離街行街，好耐冇行過加記喇真係......
行行下仲撞見 Bonnie Lau (我中一中二既同學......) 添！
本來行加記既時候我地仲話一路行落旺角繼續......
點知行完加記都已經 21XX，為左爭取時間可以繼續行......
我地撘地鐵落旺角呢！呵呵呵呵......落左旺角開始就大鑊喇！
因為我不停咁瘋狂買野囉！先去家樂既 Mas 買左一隻戒指 & 耳環，
再去 Le Saunda 買左對高跟鞋，仲係同師姐一人一對呢 :P
最後再0係 The Body Shop 買左支新既筆型閃粉 & 洗面 Gel 呢......
全晚總支出用左差不多成 $900 呀！下個月找咭數就慘喇......
哈......不過算啦！因為買得開心嘛，咁咪當係一種發洩囉！

>>June 17, 2004 at 11:15:22 AM GMT+8

2004 年 6 月 14 日 星期一 【晴】

今日好乖的履行左承諾，2000 離開公司......
2030 到達 PRSC → 運動 1 小時 → SAUNA 10 MINS......
然後洗白返家！做完運動 SAUNA 完畢既感覺好舒服~~~

>>June 17, 2004 at 11:21:54 AM GMT+8

2004 年 6 月 13 日 星期日 【晴】

好勁的今朝 11XX 起左身，其實想訓晏0的架......
不過難得一日 Full Day Family Day，唔緊要啦......哈*

晏晝舉家同叔叔去左新世紀美心飲茶，飲完茶再入粉嶺，
奶奶個院0個度勁多蚊蚊呀，咬到我地丫......好可憐啊~~~
離開粉嶺同姐姐去左新城市行街，一心諗住買過對鞋......
點知唔係就唔0岩就係試唔0岩，我要繼續努力啊~~~
之後陪姐姐男友去買電話，佢換左 Nokia 新0個部 7610 呢！
好靚好靚好靚靚，本來我想睇下 SE 部 P900 架，點知冇喎......

行完街過左新都城美心食飯，今晚係慶父親節呢......
我同姐姐0係西田買左支新既 "士的遮" 俾公公做禮物......正~
攪笑的公公食完飯既時候拎住佢舊0個支士的，然後同婆婆講：
「俾你拎丫，其實你都差唔多要拎架喇......」哈哈哈哈***
好明顯貪靚的公公想用新野，所以叫婆婆拎支舊既......勁攪笑！

食完飯返到屋企都只係 21XX，返去研究左陣個 Homepage......
轉左少少野，不過有0的都係整唔到既......唔高興！不過我會努力！
繼尋晚既《Forrest Gump》之後，今晚又睇 930......(戲名唔記得左：P )
個結局有點兒那個囉，好明顯係舖定路開拍第 2 集架囉......

睇完電視就洗白執野訓覺喇，明天開始定要好好努力啊！

>>June 14, 2004 at 11:12:36 AM GMT+8

2004 年 6 月 12 日 星期六 【晴】

本來早兩個月開始 plan 今日要 CL，但係呢......
因為我下星期三既 "大計"，以致今日計劃有變......

今日勁冇心機做野，0的時間過得勁慢囉...... -_-"
好不容易等到 1300，之後又同同事們去左 Esprit......
今日到 Sandy 買鞋，哈哈哈......個個一樣架！Yeah!!!

同佢地行完之後我就去左撘車過大埔喇......
因為今日要去大尾篤 Site Visit 呢，不過先要醫肚......
一落火車大堂見到曦雯，然後上左新達搵伍區長......
初初話去食大家樂，但係冇位，所以去左潮江春......
不過想說的係佢0的野食水準都幾高喎！勁好味！
仲有0的新野食，我地試左個紅豆沙包 → 勁得！又唔太甜！
食到尾 Carrie 又唻埋，但係其實我地已經飽飽囉......

食完野我地好豪咁的左入白普理園開始我地既 Site Visit......
去到個 Camp Site 既時候真係有0的眼突呀！因為實在太........
唔得喇！冇諗過個地方會係咁喎，慘慘喇......好擔心添！
佢地方又唔大、間隔又奇怪、環境又唔得、Facilities 冇咁滯！
0的 Let Let 全部都係 "mau" 0個0的......唔中意呀 >_<

離開個 Camp Site 過左大尾篤燒烤場逛左逛，0個度呢......
好似仲正過個 Camp Site 咁，環境優美仲有個 Tuck Shop 添！
佢地食完雪條之後就走喇，行返出巴士總站......講左一輪......
大家又決定再打返的出火車站，嘩......我地好好好豪呀今日！

Site Visit 完畢本來約左姐姐去九龍灣行街，點知佢無啦啦又唔去.....
不過我自己都照去左，只不過係轉左個地方去又一城嗟：P
本來只係諗住行幾間舖頭，點知行行下行晒成個商場囉......勁！
今日好唔得，完全節制唔到呢......見乜買乜.......最嚴重係......
我係一睇即買然後再睇再買囉！雖然唔係買左好多野......
但係咁樣落去都唔係辦法囉......好彩真係睇中既野又唔太多......
如果唔係就慘囉......等我初初仲諗住行完又一城返德福再繼續......
當然......最後0係呢個失控既情況下我迫左自己返屋企啦......

返到樓下買野食，不過冇乜胃口，所以食左兜燒賣就算喇......

>>June 14, 2004 at 11:39:17 AM GMT+8